Hanuman Brings News of Sita

Verse 1 (3.283.1)

राघवः सहसौमित्रिः सुग्रीवेणाभिपालितः । वसन्माल्यवतः पृष्ठे ददर्श विमलं नभः ॥

rāghavaḥ sahasaumitriḥ sugrīveṇābhipālitaḥ | vasanmālyavataḥ pṛṣṭhe dadarśa vimalaṃ nabhaḥ

Raghava, together with Saumitri and under Sugriva's protection, was living on the slope of Mount Malyavat when he beheld the sky grown clear.

Note on the text: Corrected वसनमाल्यवतः → वसन्माल्यवतः (misprint in Wikisource; वसन for the participle वसन्; the critical edition reads vasan mālyavataḥ).

Verse 2 (3.283.2)

सदृष्ट्वाविमले व्योम्नि निर्मलं शशलक्षणम् । ग्रहनक्षत्रताराभिरनुयान्तममित्रहा ॥

sadṛṣṭvāvimale vyomni nirmalaṃ śaśalakṣaṇam | grahanakṣatratārābhiranuyāntamamitrahā

In that clear sky the slayer of foes saw the spotless hare-marked moon, moving on its course attended by planets, constellations and stars.

Note on the text: Corrected शसलक्षणम् → शशलक्षणम् (misprint in Wikisource; स for श; the critical edition reads śaśalakṣaṇam).

Verse 3 (3.283.3)

कुमुदोत्पलपद्मानां गन्धमादाय वायुना । महीधरस्थः शीतेन सहसाप्रतिबोधितः ॥

kumudotpalapadmānāṃ gandhamādāya vāyunā | mahīdharasthaḥ śītena sahasāpratibodhitaḥ

As he stayed upon the mountain, a cool breeze carrying the fragrance of white lilies, blue lotuses and lotuses suddenly roused him.

Verse 4 (3.283.4)

प्रभाते लक्ष्मणं वीरमभ्यभाषत दुर्मनाः । सीतां संस्मृत्य धर्मात्मा रुद्धां राक्षसवेश्मनि ॥

prabhāte lakṣmaṇaṃ vīramabhyabhāṣata durmanāḥ | sītāṃ saṃsmṛtya dharmātmā ruddhāṃ rākṣasaveśmani

At daybreak the righteous Rama, downcast as he thought of Sita held captive in the rakshasa's house, spoke to the heroic Lakshmana:

Note on the text: Corrected संस्मृत् यधर्मात्मा → संस्मृत्य धर्मात्मा (misprint in Wikisource; the word break is misplaced, splitting संस्मृत्य; the critical edition reads saṃsmṛtya dharmātmā).

Verse 5 (3.283.5)

गच्छ लक्ष्मण जानीहि किष्किंधायां कपीश्वरम् । प्रमत्तं ग्राम्यधर्मेषु कृतघ्नं स्वार्थपण्डितम् ॥

gaccha lakṣmaṇa jānīhi kiṣkiṃdhāyāṃ kapīśvaram | pramattaṃ grāmyadharmeṣu kṛtaghnaṃ svārthapaṇḍitam

"Go, Lakshmana, and find out about the lord of the monkeys in Kishkindha, who is heedless amid his pleasures, ungrateful, and clever only in his own interest;

Note on the text: Corrected किष्किंदायां → किष्किंधायां (misprint in Wikisource; द for ध; the critical edition reads kiṣkindhāyāṃ). Speaker: verses 5–11 are Rama's words to Lakshmana, filling whole verses; Wikisource prints no heading and carries मार्कण्डेय on.

Verse 6 (3.283.6)

योऽसौ कुलाधमो मूढो मया राज्येऽभिषेचितः । सर्ववानरगोपुच्छा यमृक्षाश्च भजन्ति वै ॥

yo'sau kulādhamo mūḍho mayā rājye'bhiṣecitaḥ | sarvavānaragopucchā yamṛkṣāśca bhajanti vai

that lowest of his line, the fool whom I consecrated as king, whom all the monkeys, the cow-tailed apes and the bears serve;

Note on the text: Corrected योसौ → योऽसौ (misprint in Wikisource; missing avagraha; the critical edition reads yo 'sau).

Verse 7 (3.283.7)

यदर्थं निहतो बाली मया रघुकुलोद्वह । त्वया सहमहाबाहो किष्किन्धोपवने तदा ॥

yadarthaṃ nihato bālī mayā raghukulodvaha | tvayā sahamahābāho kiṣkindhopavane tadā

for whose sake I slew Vali, O joy of the Raghu line, with you beside me, mighty-armed one, in the grove of Kishkindha.

Verse 8 (3.283.8)

कृतघ्नं तमहं मन्ये वानरापशदं भुवि । यो मामेवंगतो मूढो न जानीतेऽद्य लक्ष्मण ॥

kṛtaghnaṃ tamahaṃ manye vānarāpaśadaṃ bhuvi | yo māmevaṃgato mūḍho na jānīte'dya lakṣmaṇa

I think him the most ungrateful wretch of a monkey on earth, Lakshmana, the fool who today takes no notice of me, fallen as I am into this plight.

Verse 9 (3.283.9)

असौ मन्ये न जानीते समयप्रतिपालनम् । कृतोपकारं मां नूनमवमत्याल्पया धिया ॥

asau manye na jānīte samayapratipālanam | kṛtopakāraṃ māṃ nūnamavamatyālpayā dhiyā

I think he does not know how to keep an agreement; surely, with his petty mind, he scorns me, who did him a service.

Verse 10 (3.283.10)

यदितावदनुद्युक्तः शेते कामसुखात्मकः । नेतव्यो वालिमार्गेण सर्वभूतगतिं त्वया ॥

yaditāvadanudyuktaḥ śete kāmasukhātmakaḥ | netavyo vālimārgeṇa sarvabhūtagatiṃ tvayā

If he lies idle, given over to the pleasures of desire, you must send him down Vali's road, the road all beings travel.

Verse 11 (3.283.11)

अथापि घटतेऽस्माकमर्थे वानरपुङ्गवः । तमादायैव काकुत्स्थ त्वरावान्भव माचिरम् ॥

athāpi ghaṭate'smākamarthe vānarapuṅgavaḥ | tamādāyaiva kākutstha tvarāvānbhava māciram

But if that bull among monkeys is working on our behalf, then bring him back with you, Kakutstha. Be quick; do not delay."

Note on the text: Corrected घटतेऽस्माकमर्ते → घटतेऽस्माकमर्थे (misprint in Wikisource; त for थ; the critical edition reads ghaṭate 'smākam arthe).

Verse 12 (3.283.12)

इत्युक्तो लक्ष्मणो भ्रात्रा गुरुवाक्यहिते रतः । प्रतस्थे रुचिरं गृह्य समार्गणगुणं धनुः ॥

ityukto lakṣmaṇo bhrātrā guruvākyahite rataḥ | pratasthe ruciraṃ gṛhya samārgaṇaguṇaṃ dhanuḥ

So addressed by his brother, Lakshmana, devoted to his elder's word and welfare, set out, taking up his handsome bow with its string and arrows.

Note on the text: The critical edition's 3.266.12 has three lines; these are its first two (the aligner found no match because its third line stands in Wikisource's next verse).

Verse 13 (3.283.13)

किष्किन्धाद्वारमासाद्यप्रविवेशानिवारितः । सक्रोध इतितं मत्वाराजा प्रत्युद्ययौ हरिः ॥

kiṣkindhādvāramāsādyapraviveśānivāritaḥ | sakrodha ititaṃ matvārājā pratyudyayau hariḥ

Reaching the gate of Kishkindha, he entered unchallenged. Thinking "He is angry," the monkey king went out to meet him.

Note on the text: Wikisource divides these lines differently: the first line is 3.266.12e and the second is 3.266.13a of the critical edition.

Verse 14 (3.283.14)

तं सदारोविनीतात्मा सुग्रीवः प्लवगाधिपः । पूजया प्रतिजग्राह प्रीयमाणस्तदर्हया ॥

taṃ sadārovinītātmā sugrīvaḥ plavagādhipaḥ | pūjayā pratijagrāha prīyamāṇastadarhayā

Sugriva, lord of the monkeys, came with his wife, humble in spirit, and received him gladly with the honour due to him.

Note on the text: These two lines are 3.266.13c–e of the critical edition (the aligner found no match because of the different line division).

Verse 15 (3.283.15)

तमब्रवीद्रामवचः सौमित्रिरकुतोभयः । स तत्सर्वमशेषेण श्रुत्वा प्रह्वः कृताञ्जलिः ॥

tamabravīdrāmavacaḥ saumitrirakutobhayaḥ | sa tatsarvamaśeṣeṇa śrutvā prahvaḥ kṛtāñjaliḥ

Saumitri, who feared nothing, gave him Rama's message. Having heard all of it to the end, Sugriva bowed with joined palms,

Verse 16 (3.283.16)

सभृत्यदारो राजेन्द्रसुग्रीवो वानराधिपः । इदमाह वचः प्रीतो लक्ष्मणं नरकुञ्जरम् ॥

sabhṛtyadāro rājendrasugrīvo vānarādhipaḥ | idamāha vacaḥ prīto lakṣmaṇaṃ narakuñjaram

and Sugriva, king of the monkeys, with his attendants and wives about him, O king of kings, gladly spoke these words to Lakshmana, that elephant among men:

Verse 17 (3.283.17)

नास्मि लक्ष्मण दुर्मेधा नाकृतज्ञो न निर्घृणः । श्रूयतां यः प्रयत्नो मे सीतापर्येषणे कृतः ॥

nāsmi lakṣmaṇa durmedhā nākṛtajño na nirghṛṇaḥ | śrūyatāṃ yaḥ prayatno me sītāparyeṣaṇe kṛtaḥ

"I am not dull-witted, Lakshmana, nor ungrateful, nor pitiless. Hear what effort I have made in the search for Sita.

Note on the text: Speaker: verses 17–20 are Sugriva's reply to Lakshmana, filling whole verses; Wikisource prints no heading and carries मार्कण्डेय on.

Verse 18 (3.283.18)

दिशः प्रस्थापिताः सर्वेविनीता हरयो मया । सर्वेषां च कृतः कालो मासेऽभ्यागमने पुनः ॥

diśaḥ prasthāpitāḥ sarvevinītā harayo mayā | sarveṣāṃ ca kṛtaḥ kālo māse'bhyāgamane punaḥ

I have sent well-trained monkeys out to every quarter, and for all of them I have fixed a time: they are to return within a month.

Verse 19 (3.283.19)

यैरियं सवना साद्रिः सपुरा सागराम्बरा । विचेतव्या मही वीर सग्रामनगराकरा ॥

yairiyaṃ savanā sādriḥ sapurā sāgarāmbarā | vicetavyā mahī vīra sagrāmanagarākarā

By them this whole earth, clothed by the ocean, is to be searched, O hero, with its forests and mountains, its cities, villages, towns and mines.

Verse 20 (3.283.20)

स मासः पञ्चरात्रेण पूर्णो भवितुमर्हति । ततः श्रोष्यसि रामेण सहितः सुमहत्प्रियम् ॥

sa māsaḥ pañcarātreṇa pūrṇo bhavitumarhati | tataḥ śroṣyasi rāmeṇa sahitaḥ sumahatpriyam

That month will be complete in five nights' time; then you and Rama together will hear the most welcome news."

Verse 21 (3.283.21)

इत्युक्तो लक्ष्मणस्तेन वानरेन्द्रेण धीमता । त्यक्त्वारोषमदीनात्मा सुग्रीवं प्रत्यपूजयत् ॥

ityukto lakṣmaṇastena vānarendreṇa dhīmatā | tyaktvāroṣamadīnātmā sugrīvaṃ pratyapūjayat

Thus addressed by the wise lord of the monkeys, Lakshmana, generous of spirit, let go his anger and honoured Sugriva in return.

Note on the text: Corrected लक्ष्मणत्तेन → लक्ष्मणस्तेन (misprint in Wikisource; त्त for स्त; the critical edition reads lakṣmaṇas tena). Corrected कवानरेनद्रेण → वानरेन्द्रेण (misprint in Wikisource; a stray क and the conjunct न्द्र broken into नद्र; the critical edition reads vānarendreṇa).

Verse 22 (3.283.22)

सरामं सहसुग्रीवो माल्यवत्पृष्ठमास्थितम् । अभिगम्योदयं तस्य कार्यस्य प्रत्यवेदयत् ॥

sarāmaṃ sahasugrīvo mālyavatpṛṣṭhamāsthitam | abhigamyodayaṃ tasya kāryasya pratyavedayat

Together with Sugriva he went to Rama, who was staying on the slope of Malyavat, and reported how the undertaking was progressing.

Note on the text: Corrected माल्यवत्पुष्ठमास्थितम् → माल्यवत्पृष्ठमास्थितम् (misprint in Wikisource; ु for ृ; the critical edition reads mālyavatpṛṣṭham āsthitam). Corrected भिगम्योदयं → अभिगम्योदयं (misprint in Wikisource; dropped initial अ, which leaves the line a syllable short; the critical edition reads abhigamyodayaṃ).

Verse 23 (3.283.23)

इत्येवंवानरेन्द्रास्ते समाजग्मुः सहस्रशः । दिशस्तिस्रो विचित्याथ न तु ये दक्षिणां गताः ॥

ityevaṃvānarendrāste samājagmuḥ sahasraśaḥ | diśastisro vicityātha na tu ye dakṣiṇāṃ gatāḥ

Thus those monkey chiefs came back in their thousands, having searched three of the quarters; but not those who had gone to the south.

Note on the text: Corrected वानरेनद्रास्ते → वानरेन्द्रास्ते (misprint in Wikisource; the conjunct न्द्र broken into नद्र; the critical edition reads vānarendrās te). Corrected समाजन्मुः → समाजग्मुः (misprint in Wikisource; न्म for ग्म; the critical edition reads samājagmuḥ).

Verse 24 (3.283.24)

आचख्युस्तत्र रामाय महीं सागरमेखलाम् । विचितां न तु वैदेह्या दर्शनं रावणस्य वा ॥

ācakhyustatra rāmāya mahīṃ sāgaramekhalām | vicitāṃ na tu vaidehyā darśanaṃ rāvaṇasya vā

They told Rama there that the earth girdled by the ocean had been searched, but that there was no sight of Vaidehi, nor of Ravana.

Note on the text: Corrected रावणस् वा → रावणस्य वा (misprint in Wikisource; dropped akshara य of the genitive; the critical edition reads rāvaṇasya vā).

Verse 25 (3.283.25)

गतास्तु दक्षिणामाशां ये वै वानरपुङ्गवाः । आशावांस्तेषु काकुत्स्थः प्राणानार्तोऽभ्यधारयत् ॥

gatāstu dakṣiṇāmāśāṃ ye vai vānarapuṅgavāḥ | āśāvāṃsteṣu kākutsthaḥ prāṇānārto'bhyadhārayat

But in those bulls among monkeys who had gone to the southern quarter Kakutstha still placed his hope, and, stricken though he was, he held on to life.

Verse 26 (3.283.26)

द्विमासोपरमे काले व्यतीते प्लवगास्ततः । सुग्रीवमभिगम्येदं त्वरिता वाक्यमब्रुवन् ॥

dvimāsoparame kāle vyatīte plavagāstataḥ | sugrīvamabhigamyedaṃ tvaritā vākyamabruvan

When a span of two months had passed, some monkeys came hurrying to Sugriva and said:

Verse 27 (3.283.27)

रक्षितंवालिना यत्तत्स्फीतं मधुवनं महत् । त्वया च प्लवगश्रेष्ठ तद्भुङ्क्ते पवनात्मजः ॥

rakṣitaṃvālinā yattatsphītaṃ madhuvanaṃ mahat | tvayā ca plavagaśreṣṭha tadbhuṅkte pavanātmajaḥ

"That great and flourishing Madhuvana, the honey grove that Vali guarded, and you after him, O best of monkeys, is being feasted on by the son of the Wind,

Note on the text: Speaker: verses 27–28 are the monkeys' report to Sugriva; Wikisource prints no heading and carries मार्कण्डेय on.

Verse 28 (3.283.28)

वालिपुत्रोऽङ्गदश्चैव ये चान्ये प्लवगर्षभाः । विचेतुं दक्षिणामाशां राजन्प्रस्थापितास्त्वया ॥

vāliputro'ṅgadaścaiva ye cānye plavagarṣabhāḥ | vicetuṃ dakṣiṇāmāśāṃ rājanprasthāpitāstvayā

and by Vali's son Angada and the other bulls among monkeys whom you sent, O king, to search the southern quarter."

Verse 29 (3.283.29)

तेषामपनयं श्रुत्वा मेने सकृतकृत्यताम् । कृतार्थानां हि भृत्यानामेतद्भवति चेष्टितम् ॥

teṣāmapanayaṃ śrutvā mene sakṛtakṛtyatām | kṛtārthānāṃ hi bhṛtyānāmetadbhavati ceṣṭitam

Hearing of their misconduct, Sugriva concluded that they had succeeded; for this is how servants behave once they have achieved their purpose.

Verse 30 (3.283.30)

स तद्रामाय मेधावी शशंस प्लवगर्षभः । रामश्चाप्यनुमानेन मेने दृष्टां तु मैथिलीम् ॥

sa tadrāmāya medhāvī śaśaṃsa plavagarṣabhaḥ | rāmaścāpyanumānena mene dṛṣṭāṃ tu maithilīm

The wise bull among monkeys told this to Rama, and Rama too inferred from it that Maithili had been found.

Verse 31 (3.283.31)

हनुमत्प्रमुखाश्चापि विश्रान्तास्ते प्लवङ्गमाः । अभिजग्मुर्हरीन्द्रं तं रामलक्ष्मणसन्निधौ ॥

hanumatpramukhāścāpi viśrāntāste plavaṅgamāḥ | abhijagmurharīndraṃ taṃ rāmalakṣmaṇasannidhau

Then the monkeys led by Hanuman, having rested, came before the monkey king in the presence of Rama and Lakshmana.

Verse 32 (3.283.32)

गतिं च मुखवर्णं च दृष्ट्वारामो हनूमतः । अगमत्प्रत्ययं भूयो दृष्टा सीतेति भारत ॥

gatiṃ ca mukhavarṇaṃ ca dṛṣṭvārāmo hanūmataḥ | agamatpratyayaṃ bhūyo dṛṣṭā sīteti bhārata

Seeing Hanuman's gait and the colour of his face, Rama was all the more convinced that Sita had been found, O Bharata.

Verse 33 (3.283.33)

हनूमत्प्रमुखास्ते तु वानराः पूर्णमानसाः । प्रणेमुर्विधिवद्रामं सुग्रीवं लक्ष्मणं तथा ॥

hanūmatpramukhāste tu vānarāḥ pūrṇamānasāḥ | praṇemurvidhivadrāmaṃ sugrīvaṃ lakṣmaṇaṃ tathā

The monkeys led by Hanuman, their hearts content, bowed in due form to Rama, to Sugriva and to Lakshmana.

Verse 34 (3.283.34)

तानुवाचानतान्रामः प्रगृह्य सशरं धनुः । अपि मां जीवयिष्यध्वमपि वः कृतकृत्यता ॥

tānuvācānatānrāmaḥ pragṛhya saśaraṃ dhanuḥ | api māṃ jīvayiṣyadhvamapi vaḥ kṛtakṛtyatā

Taking up his bow with an arrow set to it, Rama said to them as they bowed: "Will you give me back my life? Have you accomplished your task?

Verse 35 (3.283.35)

अपि राज्यमयोध्यायां कारयिष्याम्यहं पुनः । निहत्यसमरे शत्रूनाहृत्यजनकात्मजाम् ॥

api rājyamayodhyāyāṃ kārayiṣyāmyahaṃ punaḥ | nihatyasamare śatrūnāhṛtyajanakātmajām

Shall I rule the kingdom in Ayodhya again, having slain my enemies in battle and brought back the daughter of Janaka?

Note on the text: Speaker: verses 35–36 are Rama's words to the monkeys, continuing the question begun in verse 34, filling whole verses; Wikisource prints no heading and carries मार्कण्डेय on.

Verse 36 (3.283.36)

अमोक्षयित्वावैदेहीमहत्वा च रणे रिपून् । हृतदारोऽवधूतश्चनाहं जीवितुमुत्सहे ॥

amokṣayitvāvaidehīmahatvā ca raṇe ripūn | hṛtadāro'vadhūtaścanāhaṃ jīvitumutsahe

Without freeing Vaidehi and without slaying my foes in battle, robbed of my wife and put to shame, I have no wish to live."

Verse 37 (3.283.37)

इत्युक्तवचनं रामं प्रत्युवाचानिलात्मजः । प्रियमाख्यामि ते राम दृष्टा सा जानकी मया ॥

ityuktavacanaṃ rāmaṃ pratyuvācānilātmajaḥ | priyamākhyāmi te rāma dṛṣṭā sā jānakī mayā

To Rama, who had spoken thus, the son of the Wind replied: "I bring you welcome news, Rama: I have seen Janaki.

Verse 38 (3.283.38)

विचित्य दक्षिणामाशां सपर्वतवनाकराम् । श्रान्ताः काले व्यतीते स्म दृष्टवन्तो महागुहां ॥

vicitya dakṣiṇāmāśāṃ saparvatavanākarām | śrāntāḥ kāle vyatīte sma dṛṣṭavanto mahāguhāṃ

After searching the southern quarter with its mountains, forests and mines, we were worn out, and when our time had run out we came upon a great cave.

Note on the text: Speaker: verses 38–70 are Hanuman's report to Rama (quoting Sampati and Sita within it), filling whole verses; Wikisource prints no heading and carries मार्कण्डेय on.

Verse 39 (3.283.39)

प्रविशामो वयं तां तु बहुयोजनमायताम् । अन्धकारां सुविपिनां गहनां कीटसेविताम् ॥

praviśāmo vayaṃ tāṃ tu bahuyojanamāyatām | andhakārāṃ suvipināṃ gahanāṃ kīṭasevitām

We went into it. It stretched for many yojanas, dark, thickly overgrown, deep and crawling with insects.

Verse 40 (3.283.40)

गत्वा सुमहदध्वानमादित्यस्य प्रभां ततः । दृष्टवन्तः स्म तत्रैवभवनं दिव्यमन्तरा ॥

gatvā sumahadadhvānamādityasya prabhāṃ tataḥ | dṛṣṭavantaḥ sma tatraivabhavanaṃ divyamantarā

After going a very long way we saw the light of the sun, and right there, within, we saw a heavenly mansion.

Note on the text: Corrected ध्वानमादित्यस् प्रभां → ध्वानमादित्यस्य प्रभां (misprint in Wikisource; dropped akshara य of the genitive; the critical edition reads ādityasya prabhāṃ).

Verse 41 (3.283.41)

मयस्य किल दैत्यस्य तदा सद्वेश्म राघव । तत्रप्रभावती नाम तपोऽतप्यत तापसी ॥

mayasya kila daityasya tadā sadveśma rāghava | tatraprabhāvatī nāma tapo'tapyata tāpasī

It was once, they say, the fine dwelling of the daitya Maya, O Raghava. There an ascetic woman named Prabhavati was practising austerities.

Note on the text: Corrected गयस् किल → मयस्य किल (misprint in Wikisource; ग for म and a dropped य; the cave palace is the daitya Maya's; the critical edition reads mayasya kila). Corrected दैत्यस् तदा → दैत्यस्य तदा (misprint in Wikisource; dropped akshara य of the genitive; the critical edition reads daityasya). The second quarter is kept as Wikisource prints it (तदा सद्वेश्म, "then the fine dwelling"), where the critical edition has tadāsīd veśma ("was then the dwelling").

Verse 42 (3.283.42)

तया दत्तानि भोज्यानिपानानिविविधानि च । भुक्त्वा लब्धबलाः सन्तस्तयोक्तेन पथा ततः ॥

tayā dattāni bhojyānipānānivividhāni ca | bhuktvā labdhabalāḥ santastayoktena pathā tataḥ

She gave us food and drink of many kinds. Having eaten and regained our strength, we went on by the path she showed us.

Note on the text: Corrected भुकत्वा → भुक्त्वा (misprint in Wikisource; the conjunct क्त broken by a stray joiner; the critical edition reads bhuktvā).

Verse 43 (3.283.43)

निर्याय तस्मादुद्देशात्पश्यामो लवणाम्भसः । समीपे सह्यमलयौ दर्दुरं च महागिरिम् ॥

niryāya tasmāduddeśātpaśyāmo lavaṇāmbhasaḥ | samīpe sahyamalayau darduraṃ ca mahāgirim

Coming out of that region, we saw, near the salt sea, the Sahya and Malaya mountains and the great mountain Dardura.

Verse 44 (3.283.44)

ततो मलयमारुह्य पश्यन्तो वरुणालयम् । विषण्णा व्यथिताः खिन्ना निराशा जीविते भृशम् ॥

tato malayamāruhya paśyanto varuṇālayam | viṣaṇṇā vyathitāḥ khinnā nirāśā jīvite bhṛśam

Then, climbing Malaya and gazing at the abode of Varuna, we were downcast, distressed and weary, utterly despairing of life,

Note on the text: Corrected कविषण्णा → विषण्णा (misprint in Wikisource; a stray क; the critical edition reads viṣaṇṇā).

Verse 45 (3.283.45)

अनेकशतविस्तीर्णं योजनानां महोदधिम् । तिमिनक्रझषावासं चिन्तयन्तः सुदुःखिताः ॥

anekaśatavistīrṇaṃ yojanānāṃ mahodadhim | timinakrajhaṣāvāsaṃ cintayantaḥ suduḥkhitāḥ

brooding in deep sorrow on the great ocean, many hundreds of yojanas across, the home of whales, crocodiles and fish.

Verse 46 (3.283.46)

तत्रानशनसंकल्पं कृत्वाऽऽसीना वयं तदा । ततः कथान्ते गृध्रस्य जटायोरभवत्कथा ॥

tatrānaśanasaṃkalpaṃ kṛtvā''sīnā vayaṃ tadā | tataḥ kathānte gṛdhrasya jaṭāyorabhavatkathā

There we sat down, resolved to fast to death. Then, as our talk went on, it turned to the vulture Jatayu.

Verse 47 (3.283.47)

ततः पर्वतशृङ्गाभं घोररूपं भयावहम् । पक्षिणं दृष्टवन्तः स्म वैनतेयमिवापरम् ॥

tataḥ parvataśṛṅgābhaṃ ghorarūpaṃ bhayāvaham | pakṣiṇaṃ dṛṣṭavantaḥ sma vainateyamivāparam

Then we saw a bird like a mountain peak, terrible in form and fearsome, like a second Vainateya.

Note on the text: Corrected वैनतियेमिवापरम् → वैनतेयमिवापरम् (misprint in Wikisource; ति for ते and ये for य; the critical edition reads vainateyam ivāparam).

Verse 48 (3.283.48)

सोऽस्मानतर्कयद्भोक्तुमथाभ्येत्य वचोऽब्रवीत् । भोः क एष मम भ्रातुर्जटायोः कुरुते कथाम् ॥

so'smānatarkayadbhoktumathābhyetya vaco'bravīt | bhoḥ ka eṣa mama bhrāturjaṭāyoḥ kurute kathām

He was minded to eat us; but then he came up and said: "Ho! Who is this talking about my brother Jatayu?

Verse 49 (3.283.49)

संपातिर्नाम तस्याहं ज्येष्ठो भ्राता खगाधिपः । अन्योन्यस्पर्धया रूढावावामादित्यसत्पदम् ॥

saṃpātirnāma tasyāhaṃ jyeṣṭho bhrātā khagādhipaḥ | anyonyaspardhayā rūḍhāvāvāmādityasatpadam

I am his elder brother, Sampati by name, a lord of birds. Vying with each other, the two of us flew up to the lofty seat of the Sun.

Note on the text: Corrected रूढावावामदित्यसत्पदम् → रूढावावामादित्यसत्पदम् (misprint in Wikisource; dropped vowel sign ा of आदित्य; the critical edition reads āvām ādityasaṃsadam).

Verse 50 (3.283.50)

ततो दग्धाविमौ पक्षौ न दग्धौ तु जटायुषः । तस्मान्मे चिरदृष्टः स भ्राता गृध्रपतिः प्रियः ॥

tato dagdhāvimau pakṣau na dagdhau tu jaṭāyuṣaḥ | tasmānme ciradṛṣṭaḥ sa bhrātā gṛdhrapatiḥ priyaḥ

Then these wings of mine were burnt, but Jatayu's were not. That is why I have not seen my dear brother, the lord of vultures, for so long.

Note on the text: Corrected गृध्रपतः → गृध्रपतिः (misprint in Wikisource; dropped vowel sign ि; the critical edition reads gṛdhrapatiḥ). These are the first two lines of the critical edition's three-line 3.266.49 (Wikisource reads तस्मान्मे for tadā me); its third line opens Wikisource's next verse.

Verse 51 (3.283.51)

निर्दग्धपक्षः पतितो ह्यहमस्मिन्महागिरौ । द्रष्टुं वीरं न शक्नोमि भ्रातरं वै जटायुषम् ॥

nirdagdhapakṣaḥ patito hyahamasminmahāgirau | draṣṭuṃ vīraṃ na śaknomi bhrātaraṃ vai jaṭāyuṣam

With my wings burnt away I fell on this great mountain, and I cannot go to see my heroic brother Jatayu."

Note on the text: Removed stray wiki marks (backtick and quote mark) around the second line. The first line is 3.266.49e of the critical edition. The second line is not in its text; it is the starred passage 3.266.49f*1272 of its apparatus (found in the vulgate recension).

Verse 52 (3.283.52)

तस्यैवं वदतोऽस्माभिर्हतो भ्राता निवेदितः । व्यसनं भवतश्चेदं संक्षेपाद्वै निवेदितम् ॥

tasyaivaṃ vadato'smābhirhato bhrātā niveditaḥ | vyasanaṃ bhavataścedaṃ saṃkṣepādvai niveditam

As he spoke thus, we told him that his brother had been slain, and told him briefly of this misfortune of yours.

Verse 53 (3.283.53)

स सम्पातिस्तदा राजञ्श्रुत्वासुमहदप्रियम् । विषण्णचेताः पप्रच्छ पुनरस्मानरिंदम ॥

sa sampātistadā rājañśrutvāsumahadapriyam | viṣaṇṇacetāḥ papraccha punarasmānariṃdama

Then Sampati, O king, hearing this most unwelcome news, grew sad at heart and questioned us further, O tamer of foes:

Verse 54 (3.283.54)

कः सरामः कथं सीता जटायुश्च कथं हतः । इच्छामि सर्वमेवैतच्छ्रोतुं प्लवगसत्तमाः ॥

kaḥ sarāmaḥ kathaṃ sītā jaṭāyuśca kathaṃ hataḥ | icchāmi sarvamevaitacchrotuṃ plavagasattamāḥ

"Who is this Rama? What happened to Sita, and how was Jatayu killed? I wish to hear all of this, best of monkeys."

Verse 55 (3.283.55)

तस्याहं सर्वमेवैतद्भवतो व्यसनागमम् । प्रायोपवेशने चैवहेतुं विस्तरशोऽब्रुवम् ॥

tasyāhaṃ sarvamevaitadbhavato vyasanāgamam | prāyopaveśane caivahetuṃ vistaraśo'bruvam

I told him the whole of it in detail: how this misfortune came upon you, and why we were fasting unto death.

Verse 56 (3.283.56)

सोऽस्मानाश्वासयामास वाक्येनानेन पक्षिराट् । रावणो विदितो मह्यं लङ्का चास्य महापुरी ॥

so'smānāśvāsayāmāsa vākyenānena pakṣirāṭ | rāvaṇo vidito mahyaṃ laṅkā cāsya mahāpurī

The king of birds comforted us with these words: "Ravana is known to me, and so is his great city Lanka.

Verse 57 (3.283.57)

दृष्टापारे समुद्रस्य त्रिकूटगिरिकन्दरे । भवित्री तत्र वैदेही न मेऽस्त्यत्रविचारणा ॥

dṛṣṭāpāre samudrasya trikūṭagirikandare | bhavitrī tatra vaidehī na me'styatravicāraṇā

I have seen it on the far shore of the ocean, in a valley of Mount Trikuta. Vaidehi will be there; of that I have no doubt."

Note on the text: Corrected न रमेऽस्त्यत्रविचारणा → न मेऽस्त्यत्रविचारणा (misprint in Wikisource; a stray र; the critical edition reads na me 'sty atra vicāraṇā).

Verse 58 (3.283.58)

इतितस्य वचः श्रुत्वा वयमुत्थाय सत्वराः । सागरक्रमणे मन्त्रं मन्त्रयामः परंतप ॥

ititasya vacaḥ śrutvā vayamutthāya satvarāḥ | sāgarakramaṇe mantraṃ mantrayāmaḥ paraṃtapa

Hearing his words, we rose at once and took counsel together on crossing the ocean, O scorcher of foes.

Verse 59 (3.283.59)

नाध्यवास्यद्यदा कश्चित्सागरस्य विलङ्घनम् । ततः पितरमाविश्य पुप्लुवेऽहंमहार्णवम् । शतयोजनविस्तीर्णं निहत्य जलराक्षसीम् ॥

nādhyavāsyadyadā kaścitsāgarasya vilaṅghanam | tataḥ pitaramāviśya pupluve'haṃmahārṇavam | śatayojanavistīrṇaṃ nihatya jalarākṣasīm

When no one could bring himself to leap across the ocean, I entered into my father the Wind and leapt over the great sea, a hundred yojanas wide, slaying a rakshasi of the waters on the way.

Verse 60 (3.283.60)

तत्र सीता मया दृष्टा रावणान्तःपुरे सती । उपवासतपःशीला भर्तृदर्शनलालसा । जटिला मलदिग्धाङ्गी कृशा दीना तपस्विनी ॥

tatra sītā mayā dṛṣṭā rāvaṇāntaḥpure satī | upavāsatapaḥśīlā bhartṛdarśanalālasā | jaṭilā maladigdhāṅgī kṛśā dīnā tapasvinī

There in Ravana's inner apartments I saw Sita, faithful and chaste, given to fasting and austerity, longing to see her husband, her hair matted, her limbs smeared with grime, thin, wretched and pitiable.

Note on the text: Restored from the critical edition (3.266.58a): Wikisource has lost the verse's first line, leaving the description of Sita without its subject and verb; restored as तत्र सीता मया दृष्टा रावणान्तःपुरे सती. Corrected मलदिग्धाङ्गीकृश दीना तपस्विन → मलदिग्धाङ्गी कृशा दीना तपस्विनी (misprint in Wikisource; dropped vowel signs ा in कृशा and ी in तपस्विनी; the critical edition reads maladigdhāṅgī kṛśā dīnā tapasvinī).

Verse 61 (3.283.61)

निमित्तैस्तामहं सीतामुपलभ्य पृथग्विधैः । उपसृत्याब्रवं चार्यामभिगम्य रहोगताम् ॥

nimittaistāmahaṃ sītāmupalabhya pṛthagvidhaiḥ | upasṛtyābravaṃ cāryāmabhigamya rahogatām

Knowing her for Sita by various signs, I drew near to the noble lady when she was alone, and said:

Verse 62 (3.283.62)

सीते रामस्य दूतोऽहंवानरोमारुतात्मजः । त्वद्दर्शनमभिप्रेप्सुरिह प्राप्तो विहायसा ॥

sīte rāmasya dūto'haṃvānaromārutātmajaḥ | tvaddarśanamabhiprepsuriha prāpto vihāyasā

"Sita, I am Rama's messenger, a monkey, the son of the Wind. Wishing to see you, I have come here through the sky.

Note on the text: Corrected त्वद्दर्शनमभिप्रप्सुरिह → त्वद्दर्शनमभिप्रेप्सुरिह (misprint in Wikisource; dropped vowel sign े; the critical edition reads abhiprepsur).

Verse 63 (3.283.63)

राजपुत्रौ कुशलिनौ भ्रातरौ रामलक्ष्मणौ । सर्वशाखामृगेन्द्रेण सुग्रीवेणाभिपालितौ ॥

rājaputrau kuśalinau bhrātarau rāmalakṣmaṇau | sarvaśākhāmṛgendreṇa sugrīveṇābhipālitau

The two princes, the brothers Rama and Lakshmana, are well, under the protection of Sugriva, lord of all the monkeys.

Verse 64 (3.283.64)

कुशलंत्वाब्रवीद्रामःसीते सौमित्रिणा सह । सखिभावाच्च सुग्रीवः कुशलं त्वाऽनुपृच्छति ॥

kuśalaṃtvābravīdrāmaḥsīte saumitriṇā saha | sakhibhāvācca sugrīvaḥ kuśalaṃ tvā'nupṛcchati

Rama, with Saumitri, asks after your welfare, Sita, and Sugriva too, as a friend, asks after your welfare.

Note on the text: Corrected सखिभावाच् सुग्रीवः → सखिभावाच्च सुग्रीवः (misprint in Wikisource; dropped akshara of the particle च; the critical edition reads sakhibhāvāc ca).

Verse 65 (3.283.65)

क्षिप्रमेष्यति ते भर्ता सर्वशाखामृगैः सह । प्रत्ययं कुरु मे देवि वानरोऽस्मि न राक्षसः ॥

kṣiprameṣyati te bhartā sarvaśākhāmṛgaiḥ saha | pratyayaṃ kuru me devi vānaro'smi na rākṣasaḥ

Your husband will soon come with all the monkeys. Trust me, my lady: I am a monkey, not a rakshasa."

Verse 66 (3.283.66)

मुहूर्तमिवच ध्यात्वा सीता मां प्रत्युवाच ह । अवैमि त्वांहनूमन्तमविन्ध्यवचनादहम् ॥

muhūrtamivaca dhyātvā sītā māṃ pratyuvāca ha | avaimi tvāṃhanūmantamavindhyavacanādaham

Sita thought for a moment and answered me: "I know you to be Hanuman from what Avindhya told me.

Verse 67 (3.283.67)

अविन्ध्यो हि महाबाहो राक्षसो वृद्धसंमतः । कथितस्तेन सुग्रीवस्त्वद्विधैः सचिवैर्वृतः ॥

avindhyo hi mahābāho rākṣaso vṛddhasaṃmataḥ | kathitastena sugrīvastvadvidhaiḥ sacivairvṛtaḥ

For Avindhya, mighty-armed one, is a rakshasa respected by the elders, and he told me of Sugriva, surrounded by counsellors like you."

Verse 68 (3.283.68)

गम्यतामिति चोक्त्वा मां सीता प्रादादिमं मणिम् । धारिता येन वैदेही कालमेतमनिन्दिता ॥

gamyatāmiti coktvā māṃ sītā prādādimaṃ maṇim | dhāritā yena vaidehī kālametamaninditā

Saying "Go," Sita gave me this jewel, by which the blameless Vaidehi has kept herself alive all this time.

Note on the text: Corrected पादादिमं → प्रादादिमं (misprint in Wikisource; dropped र, which leaves the sentence without its verb; the critical edition reads prādād imaṃ). Corrected घारिता → धारिता (misprint in Wikisource; घ for ध; the Wikisource commentary glosses धारिता; the critical edition reads dhāritā).

Verse 69 (3.283.69)

प्रत्ययार्थं कथां चेमां कथयामास जानकी । क्षिप्तामिषीकां काकाय चित्रकूटे महागिरौ ॥

pratyayārthaṃ kathāṃ cemāṃ kathayāmāsa jānakī | kṣiptāmiṣīkāṃ kākāya citrakūṭe mahāgirau

And as a token Janaki told me this story: of the reed that was hurled at the crow on the great mountain Chitrakuta

Note on the text: These are the first two lines of the critical edition's three-line 3.266.67 (Wikisource reads काकाय for kākasya); its third line opens Wikisource's next verse.

Verse 70 (3.283.70)

भवता पुरुषव्याघ्र प्रत्यभिज्ञानकारणात् । एकाक्षिविकलः काकः सुदुष्टात्मा कृतश्चवै ॥

bhavatā puruṣavyāghra pratyabhijñānakāraṇāt | ekākṣivikalaḥ kākaḥ suduṣṭātmā kṛtaścavai

by you, O tiger among men. She told it so that you would recognise it; and that wicked crow was left with only one eye."

Note on the text: Removed stray wiki marks (backtick and quote mark) around the second line. The first line is 3.266.67e of the critical edition. The second line is not in its text; it is the starred passage 3.266.67f*1273 of its apparatus (found in the vulgate recension).

Verse 71 (3.283.71)

ग्राहयित्वाऽहमात्मानं ततो दग्ध्वाच तां पुरीम् । संप्राप्त इतितं रामः प्रियवादिनमार्चयत् ॥

grāhayitvā'hamātmānaṃ tato dagdhvāca tāṃ purīm | saṃprāpta ititaṃ rāmaḥ priyavādinamārcayat

"Then I let myself be captured, and after burning that city I have come back." Rama honoured him for his welcome words.