Karna Gives Away His Armour and Earrings

Verse 1 (3.311.1)

देवराजमनुप्राप्तं ब्राह्मणच्छद्मनाऽऽवृतम् । दृष्ट्वास्वागतमित्याह न बुबोधास्य मानसम् ॥

devarājamanuprāptaṃ brāhmaṇacchadmanā''vṛtam | dṛṣṭvāsvāgatamityāha na bubodhāsya mānasam

Seeing the king of the gods arrive, disguised as a brahmin, he said "Welcome," but did not read his mind.

Verse 2 (3.311.2)

हिरण्यकण्ठीः प्रमदा ग्रामान्वा बहुगोकुलान् । किं ददानीति तं विप्रमुवाचाधिरथिस्ततः ॥

hiraṇyakaṇṭhīḥ pramadā grāmānvā bahugokulān | kiṃ dadānīti taṃ vipramuvācādhirathistataḥ

Then the son of Adhiratha said to the brahmin, "What shall I give you — women with golden necklaces, or villages with many herds of cattle?"

Verse 3 (3.311.3)

हिरण्यकण्ठ्यः प्रमदा यच्चान्यत्प्रीतिवर्धनम् । नाहं दत्तमिहेच्छामि तदर्थिभ्यः प्रदीयताम् ॥

hiraṇyakaṇṭhyaḥ pramadā yaccānyatprītivardhanam | nāhaṃ dattamihecchāmi tadarthibhyaḥ pradīyatām

"Women with golden necklaces, and whatever else brings delight — I do not wish to be given these here. Let them be given to those who want them.

Note on the text: Corrected नाह → नाहं (misprint in Wikisource; dropped anusvara, the critical edition reads nāhaṃ).

Verse 4 (3.311.4)

यदेतत्सहजं वर्म कुण्डले च तवानघ । एतदुत्कृत्य मे देहि यदि सत्यव्रतो भवान् ॥

yadetatsahajaṃ varma kuṇḍale ca tavānagha | etadutkṛtya me dehi yadi satyavrato bhavān

This armour you were born with, sinless one, and these earrings — cut them off and give them to me, if you are true to your vow.

Verse 5 (3.311.5)

एतदिच्छाम्यहं भिक्षां त्वया दत्तां परंतप । एष मे सर्वलाभानां लाभः परमको मतः ॥

etadicchāmyahaṃ bhikṣāṃ tvayā dattāṃ paraṃtapa | eṣa me sarvalābhānāṃ lābhaḥ paramako mataḥ

This is the alms I want from your hand, scorcher of foes; this I hold to be the highest gain of all gains."

Verse 6 (3.311.6)

अवनिं प्रमदा गाश्च निर्वापं बहुवार्षिकम् । तत्ते विप्र प्रदास्यामि न तु वर्म सकुण्डलम् ॥

avaniṃ pramadā gāśca nirvāpaṃ bahuvārṣikam | tatte vipra pradāsyāmi na tu varma sakuṇḍalam

"Land, women, cows and a livelihood to last many years — these I will give you, brahmin, but not my armour with the earrings."

Verse 7 (3.311.7)

एवं बहुविधैर्वाक्यैर्वार्यमाणः स तु द्विजः । कर्णेन भरतश्रेष्ठ नान्यं वरमयाचत ॥

evaṃ bahuvidhairvākyairvāryamāṇaḥ sa tu dvijaḥ | karṇena bharataśreṣṭha nānyaṃ varamayācata

Though Karna tried to turn him from it with many kinds of words, best of the Bharatas, the brahmin asked for no other boon.

Note on the text: Corrected रकर्णेन → कर्णेन (misprint in Wikisource; stray र, the critical edition reads karṇena).

Verse 8 (3.311.8)

सान्त्वितश्च यथाशक्ति पूजितश्च यथाविधि । न चान्यं स द्विजश्रेष्ठः कामयामास वै वरम् ॥

sāntvitaśca yathāśakti pūjitaśca yathāvidhi | na cānyaṃ sa dvijaśreṣṭhaḥ kāmayāmāsa vai varam

Though he was soothed as far as Karna could and honoured with due rites, that best of brahmins desired no other boon.

Verse 9 (3.311.9)

यदा नान्यं प्रवृणुते वरं वै द्विजसत्तमः । विनाऽस्य सहजं वर्म कुण्डले च विशांपते । तदैनमब्रवीद्भूयो राधेयः प्रहसन्निव ॥

yadā nānyaṃ pravṛṇute varaṃ vai dvijasattamaḥ | vinā'sya sahajaṃ varma kuṇḍale ca viśāṃpate | tadainamabravīdbhūyo rādheyaḥ prahasanniva

When that best of brahmins would choose no other boon but his inborn armour and earrings, lord of the people, Radha's son, as if laughing, spoke to him again:

Note on the text: Removed stray wiki marks (backtick and quote) around the second line. Corrected नान्य → नान्यं and विनाऽस् → विनाऽस्य (misprints in Wikisource; dropped anusvara and akshara, the critical edition reads nānyaṃ … vināsya). Lines 1 and 3 = critical edition 3.294.9; line 2 is in its apparatus only, as star passage 1353 (the alignment missed the verse because of the extra line).

Verse 10 (3.311.10)

सहजं वर्म मे विप्र कुण्डले चामृतोद्भवे । तेनावध्योस्मि लोकेषु ततो नैतज्जहाम्यहम् ॥

sahajaṃ varma me vipra kuṇḍale cāmṛtodbhave | tenāvadhyosmi lokeṣu tato naitajjahāmyaham

"My armour was born with me, brahmin, and my earrings sprang from amrita; because of them no one in the worlds can kill me — so I will not part with them.

Note on the text: Speaker: Karna's reply (verses 10–12) has no printed heading; the preceding verse introduces it as his speech, so it is assigned to Karna.

Verse 11 (3.311.11)

विशालं पृथिवीराज्यं क्षेमं निहतकण्टकम् । प्रतिगृह्णीष्व मत्तस्त्वं साधु ब्राह्मणपुङ्गव ॥

viśālaṃ pṛthivīrājyaṃ kṣemaṃ nihatakaṇṭakam | pratigṛhṇīṣva mattastvaṃ sādhu brāhmaṇapuṅgava

Take from me instead a vast kingdom on earth, secure and rid of all thorns — take it gladly, bull among brahmins.

Verse 12 (3.311.12)

कुण्डलाभ्यां विमुक्तोऽहंवर्मणा सहजेन च । दमनीयो भविष्यामि शत्रूणां द्विजसत्तम ॥

kuṇḍalābhyāṃ vimukto'haṃvarmaṇā sahajena ca | damanīyo bhaviṣyāmi śatrūṇāṃ dvijasattama

Stripped of my earrings and of the armour I was born with, best of brahmins, I would become easy for my enemies to subdue."

Verse 13 (3.311.13)

यदन्यं न वरं वव्रे भगवान्पाकशासनः । ततः प्रहस्य कर्णस्तं पुनरित्यब्रवीद्वचः ॥

yadanyaṃ na varaṃ vavre bhagavānpākaśāsanaḥ | tataḥ prahasya karṇastaṃ punarityabravīdvacaḥ

When the blessed chastiser of Paka chose no other boon, Karna laughed and spoke to him again in these words:

Note on the text: Corrected प्रहस् → प्रहस्य (misprint in Wikisource; dropped akshara, the critical edition reads prahasya).

Verse 14 (3.311.14)

विदितो देवदेवेश प्रागेवासि मम प्रभो । न तु न्याय्यं मया दातुं तव शक्र वृथा वरम् ॥

vidito devadeveśa prāgevāsi mama prabho | na tu nyāyyaṃ mayā dātuṃ tava śakra vṛthā varam

"I knew you from the first, god of gods, my lord. But it is not right for me to give you a boon for nothing, Shakra.

Note on the text: Speaker: Karna's speech (verses 14–17) has no printed heading; the preceding verse introduces it, so it is assigned to Karna.

Verse 15 (3.311.15)

त्वं हि देवेश्वरः साक्षात्त्वया देयो वरो मम । अन्येषां चैव भूतानामीश्वरो ह्यसि भूतकृत् ॥

tvaṃ hi deveśvaraḥ sākṣāttvayā deyo varo mama | anyeṣāṃ caiva bhūtānāmīśvaro hyasi bhūtakṛt

For you are the lord of the gods himself; it is you who should give me a boon. You are the lord of all other beings too, their maker.

Verse 16 (3.311.16)

यदि दास्यामि ते देव कुण्डले कवचं तथा । वध्यतामुपयास्यामि त्वं च शक्रावहास्यताम् ॥

yadi dāsyāmi te deva kuṇḍale kavacaṃ tathā | vadhyatāmupayāsyāmi tvaṃ ca śakrāvahāsyatām

If I give you the earrings and the armour, O god, I shall become open to death, and you, Shakra, will become a laughing-stock.

Verse 17 (3.311.17)

तस्माद्विनिमयं कृत्वा कुण्डलेवर्म चोत्तमम् । हरस्व शक्रकामं मे न दद्यामहमन्यथा ॥

tasmādvinimayaṃ kṛtvā kuṇḍalevarma cottamam | harasva śakrakāmaṃ me na dadyāmahamanyathā

So make an exchange, Shakra: take the earrings and the excellent armour and grant my wish. Otherwise I will not give them."

Verse 18 (3.311.18)

विदितोऽहं रवेः पूर्वमायानेव तवान्तिकम् । तेन ते सर्वमाख्यातमेवमेतन्न संशयः ॥

vidito'haṃ raveḥ pūrvamāyāneva tavāntikam | tena te sarvamākhyātamevametanna saṃśayaḥ

"Ravi knew of me beforehand, even as I was coming to you; it was he who told you everything. It is just so, no doubt of it.

Verse 19 (3.311.19)

काममस्तु तथा तात तव कर्ण यथेच्छसि । वर्जयित्वा तु मे वज्रं प्रवृणीष्व यथेच्छसि ॥

kāmamastu tathā tāta tava karṇa yathecchasi | varjayitvā tu me vajraṃ pravṛṇīṣva yathecchasi

Let it be as you wish, Karna, my son. Except for my thunderbolt, choose whatever you wish."

Verse 20 (3.311.20)

ततः कर्णः प्रहृष्टस्तु उपसंगम्य वासवम् । अमोघां शक्तिमभ्येत्य वव्रे सम्पूर्णमानसः ॥

tataḥ karṇaḥ prahṛṣṭastu upasaṃgamya vāsavam | amoghāṃ śaktimabhyetya vavre sampūrṇamānasaḥ

Then Karna, delighted, drew near to Vasava and, his heart's desire fulfilled, asked for the unfailing spear.

Verse 21 (3.311.21)

वर्मणा कुण्डलाभ्यां च शक्तिं मे देहि वासव । अमोघां शत्रुसङ्घानां घातिनीं पृतनामुखे ॥

varmaṇā kuṇḍalābhyāṃ ca śaktiṃ me dehi vāsava | amoghāṃ śatrusaṅghānāṃ ghātinīṃ pṛtanāmukhe

"In exchange for my armour and earrings, Vasava, give me your spear — unfailing, the slayer of hosts of enemies at the front of battle."

Note on the text: Speaker heading misprinted क्रण in Wikisource; read as कर्ण. Corrected पृथनामुखे → पृतनामुखे (misprint in Wikisource; थ for त, the critical edition reads pṛtanāmukhe).

Verse 22 (3.311.22)

ततः सञ्चिन्त्य मनसा मुहूर्तमिव वासवः । शक्त्यर्थं पृथिवीपाल कर्णं वाक्यमथाब्रवीत् ॥

tataḥ sañcintya manasā muhūrtamiva vāsavaḥ | śaktyarthaṃ pṛthivīpāla karṇaṃ vākyamathābravīt

Then Vasava reflected for a moment in his mind, and concerning the spear, protector of the earth, he spoke these words to Karna:

Note on the text: Speaker corrected: this narrative verse follows Karna's heading in Wikisource with no new heading; it is narration (the critical edition heads 3.294.22 "vaiśaṃpāyana uvāca"), so it is assigned to Vaishampayana.

Verse 23 (3.311.23)

कुण्डले मे प्रयच्छस्व वर्म चैव शरीरजम् । गृहाण कर्ण शक्तिं त्वमनेन समयेन च ॥

kuṇḍale me prayacchasva varma caiva śarīrajam | gṛhāṇa karṇa śaktiṃ tvamanena samayena ca

"Give me your earrings and the armour born with your body, and take the spear, Karna, on this condition:

Note on the text: Speaker: Indra's reply (verses 23–25) has no printed heading; the preceding verse introduces it, so it is assigned to Indra (Wikisource carried Karna's heading over).

Verse 24 (3.311.24)

अमोघा हन्ति शतशः शत्रून्मम करच्युता । पुनश्च पाणिमभ्येति मम दैत्यान्विनिघ्नतः ॥

amoghā hanti śataśaḥ śatrūnmama karacyutā | punaśca pāṇimabhyeti mama daityānvinighnataḥ

Hurled from my hand, this unfailing spear kills enemies by the hundred, and comes back to my hand as I slay the Daityas.

Verse 25 (3.311.25)

सेयं तव करप्राप्ता हत्वैकं रिपुमूर्जितम् । गर्जन्तं प्रतपन्तं च मामेवैष्यति सूतज ॥

seyaṃ tava karaprāptā hatvaikaṃ ripumūrjitam | garjantaṃ pratapantaṃ ca māmevaiṣyati sūtaja

But once in your hand, son of a suta, it will kill a single mighty enemy, roaring and blazing, and then return to me."

Note on the text: Corrected हत्वैरकं → हत्वैकं (misprint in Wikisource; stray र, the critical edition reads hatvaikaṃ).

Verse 26 (3.311.26)

एकमेवाहमिच्छामि रिपुं हन्तुं महाहवे । गर्जन्तंप्रतपन्तं च यतो मम भयं भवेत् ॥

ekamevāhamicchāmi ripuṃ hantuṃ mahāhave | garjantaṃpratapantaṃ ca yato mama bhayaṃ bhavet

"I wish to kill only one enemy in the great battle — one who roars and blazes, from whom danger comes to me."

Verse 27 (3.311.27)

एकं हनिष्यसि रिपुं गर्जन्तं बलिनं रणे । त्वं तु यं प्रार्थयस्येकं रक्ष्यते स महात्मना ॥

ekaṃ haniṣyasi ripuṃ garjantaṃ balinaṃ raṇe | tvaṃ tu yaṃ prārthayasyekaṃ rakṣyate sa mahātmanā

"You will kill one enemy in battle, a strong one who roars. But the one man you long for is guarded by a great-souled being —

Verse 28 (3.311.28)

यमाहुर्वेदविद्वांसो वराहमपराजितम् । नारायणमचिन्त्यं च तेन कृष्णेन रक्ष्यते ॥

yamāhurvedavidvāṃso varāhamaparājitam | nārāyaṇamacintyaṃ ca tena kṛṣṇena rakṣyate

he whom those who know the Vedas call the unconquered Boar, the inconceivable Narayana: by that Krishna he is guarded."

Verse 29 (3.311.29)

एवमेतद्यथाऽऽत्थ त्वं दानवानां निषूदन । वधिष्यामि रणे शत्रुं यो मे स्थाता पुरस्सरः ॥

evametadyathā''ttha tvaṃ dānavānāṃ niṣūdana | vadhiṣyāmi raṇe śatruṃ yo me sthātā purassaraḥ

"It is as you say, slayer of the Danavas. Yet I will kill in battle the enemy who stands foremost against me.

Note on the text: Removed stray wiki marks (backtick and quote). Not in the critical edition text; appears in its apparatus as star passage 1354, before 3.294.29 (vulgate/southern addition).

Verse 30 (3.311.30)

एवमप्यस्तु भगवन्नेकवीरवधे मम । अमोघां देहि मे शक्तिं यथा हन्यां प्रतापिनम् ॥

evamapyastu bhagavannekavīravadhe mama | amoghāṃ dehi me śaktiṃ yathā hanyāṃ pratāpinam

Even so, blessed one, let it be for the killing of one hero: give me the unfailing spear, so that I may slay a blazing foe.

Verse 31 (3.311.31)

उत्कृत्य तु प्रदास्यामि कुण्डले कवचं च ते । निकृत्तेषु तु गात्रेषु न मे बीभत्सता भवेत् ॥

utkṛtya tu pradāsyāmi kuṇḍale kavacaṃ ca te | nikṛtteṣu tu gātreṣu na me bībhatsatā bhavet

I will cut off the earrings and the armour and give them to you; but let my body not be hideous where the limbs are cut."

Verse 32 (3.311.32)

न ते बीभत्सता कर्ण भविष्यति कथञ्चन । व्रणश्चैव न गात्रेषु यस्त्वं नानृतमिच्छसि ॥

na te bībhatsatā karṇa bhaviṣyati kathañcana | vraṇaścaiva na gātreṣu yastvaṃ nānṛtamicchasi

"You will not be disfigured in any way, Karna, nor will any wound remain on your limbs, since you have no wish to be false.

Note on the text: Corrected ब्रणश्चैव → व्रणश्चैव (misprint in Wikisource; ब for व, the critical edition reads vraṇaś).

Verse 33 (3.311.33)

यादृशस्ते पितुर्वर्णस्तेजश्च वदतांवर । तादृशेनैव वर्णेन त्वं कर्ण भविता पुनः ॥

yādṛśaste piturvarṇastejaśca vadatāṃvara | tādṛśenaiva varṇena tvaṃ karṇa bhavitā punaḥ

The colour and radiance your father has, best of speakers — with that very colour, Karna, you will be once more.

Verse 34 (3.311.34)

विद्यमानेषु शस्त्रेषु यद्यमोघामसंशये । प्रमत्तो मोक्ष्यसे चापि त्वय्येवैषा पतिष्यति ॥

vidyamāneṣu śastreṣu yadyamoghāmasaṃśaye | pramatto mokṣyase cāpi tvayyevaiṣā patiṣyati

But if, while you still have other weapons and are in no danger, you carelessly let loose this unfailing spear, it will fall on you yourself."

Verse 35 (3.311.35)

संशयं परमं प्राप्य विमोक्ष्ये वासवीमिमाम् । यथा मामात्थ शक्र त्वं सत्यमेतद्ब्रवीमि ते ॥

saṃśayaṃ paramaṃ prāpya vimokṣye vāsavīmimām | yathā māmāttha śakra tvaṃ satyametadbravīmi te

"Only when I have fallen into the gravest danger will I let fly this spear of Vasava, as you tell me, Shakra. I tell you this truly."

Note on the text: Corrected मामौत्थ → मामात्थ (misprint in Wikisource; au-sign for ā in आत्थ, the critical edition reads mām āttha).

Verse 36 (3.311.36)

ततः शक्तिं प्रज्वलितां प्रतिगृह्य विशांपते । शस्त्रं गृहीत्वा निशितं सर्वगात्राण्यकृन्तत ॥

tataḥ śaktiṃ prajvalitāṃ pratigṛhya viśāṃpate | śastraṃ gṛhītvā niśitaṃ sarvagātrāṇyakṛntata

Then, lord of the people, having received the blazing spear, he took a sharp blade and cut at all his limbs.

Note on the text: Corrected प्रतिगृह् → प्रतिगृह्य (misprint in Wikisource; dropped akshara, the critical edition reads pratigṛhya).

Verse 37 (3.311.37)

ततो देवा मानवा दानवाश्च । निकृन्तन्तं कर्णमात्मानमेव । दृष्ट्वा सर्वे सिंहनादान्प्रणेदु- । र्न ह्यस्यासीन्मुखजो वै विकारः ॥

tato devā mānavā dānavāśca | nikṛntantaṃ karṇamātmānameva | dṛṣṭvā sarve siṃhanādānpraṇedu- | rna hyasyāsīnmukhajo vai vikāraḥ

Then gods, men and Danavas, seeing Karna cutting into his own body, all raised lion-roars; for no change came over his face.

Verse 38 (3.311.38)

ततो दिव्या दुन्दुभयः प्रणेदुः । पपातोच्चैः पुष्पवर्षं च दिव्यम् । दृष्ट्वा कर्णं शस्त्रसंकृत्तगात्रं । मुहुश्चापि स्मयमानं नृवीरम् ॥

tato divyā dundubhayaḥ praṇeduḥ | papātoccaiḥ puṣpavarṣaṃ ca divyam | dṛṣṭvā karṇaṃ śastrasaṃkṛttagātraṃ | muhuścāpi smayamānaṃ nṛvīram

Then divine drums sounded, and a shower of heavenly flowers fell from on high, as they saw Karna, hero among men, his body cut by the blade, and yet smiling again and again.

Note on the text: Corrected महुश्चापि → मुहुश्चापि (misprint in Wikisource; missing u-sign, the critical edition reads muhuś cāpi).

Verse 39 (3.311.39)

ततश्छित्त्वा कवचं दिव्यमङ्गा- । त्तथैवार्द्रं प्रददौ वासवाय । तथोत्कृत्य प्रददौ कुण्डले ते । कर्णात्तस्मात्कर्मणा तेन कर्णः ॥

tataśchittvā kavacaṃ divyamaṅgā- | ttathaivārdraṃ pradadau vāsavāya | tathotkṛtya pradadau kuṇḍale te | karṇāttasmātkarmaṇā tena karṇaḥ

Then, having cut the divine armour from his body, he gave it, still wet, to Vasava; and likewise he cut off the earrings and gave them. From that deed of cutting at his ears he is called Karna.

Verse 40 (3.311.40)

ततः शक्रः प्रहसन्वञ्चयित्वा । कर्णं लोके यशसा योजयित्वा । कृतं कार्यं पाण्डवानां हि मेने । ततः पश्चाद्दिवमेवोत्पपात ॥

tataḥ śakraḥ prahasanvañcayitvā | karṇaṃ loke yaśasā yojayitvā | kṛtaṃ kāryaṃ pāṇḍavānāṃ hi mene | tataḥ paścāddivamevotpapāta

Then Shakra, laughing, having outwitted Karna and yet joined him to fame in the world, thought the Pandavas' task accomplished, and afterwards flew up to heaven.

Note on the text: Restored from the critical edition (3.294.39): Wikisource prints only the last quarter of this verse ("ततः पश्चाद्दिवमेवोत्पपात") as an unnumbered row between its verses 39 and 41; the first three quarters are supplied from the critical edition.

Verse 41 (3.311.41)

श्रुत्वा कर्णं मुषितं धार्तराष्ट्रा । दीनाः सर्वे भग्नदर्पा इवासन् । तां चावस्थां गमितं सूतपुत्रं । श्रुत्वा पार्था जहृषुः काननस्थाः ॥

śrutvā karṇaṃ muṣitaṃ dhārtarāṣṭrā | dīnāḥ sarve bhagnadarpā ivāsan | tāṃ cāvasthāṃ gamitaṃ sūtaputraṃ | śrutvā pārthā jahṛṣuḥ kānanasthāḥ

Hearing that Karna had been despoiled, the sons of Dhritarashtra were all downcast, as if their pride were broken; and hearing that the suta's son had been brought to this state, the Parthas in the forest rejoiced.

Note on the text: Corrected रचावस्थां → चावस्थां and जहृपुः → जहृषुः (misprints in Wikisource; a stray र and प for ष, the critical edition reads cāvasthāṃ … jahṛṣuḥ).

Verse 42 (3.311.42)

क्वस्था वीराः पाण्डवास्ते बभूवुः । कुतश्चैते श्रुतवन्तः प्रियं तत् । किं वाऽकार्षुर्द्वादशेऽब्दे व्यतीते । तन्मे सर्वं भगवान्व्याकरोतु ॥

kvasthā vīrāḥ pāṇḍavāste babhūvuḥ | kutaścaite śrutavantaḥ priyaṃ tat | kiṃ vā'kārṣurdvādaśe'bde vyatīte | tanme sarvaṃ bhagavānvyākarotu

"Where were those heroes, the Pandavas, at that time? From whom did they hear this welcome news? And what did they do when the twelfth year had passed? Let the blessed one explain all this to me."

Note on the text: Corrected क्वस्ता → क्वस्था (misprint in Wikisource; त for थ, the critical edition reads kvasthā).

Verse 43 (3.311.43)

लब्ध्वा कृष्णां सैन्धवं द्रावयित्वा । विप्रैः सार्धं काम्यकादाश्रमात्ते । मार्कण्डेयाच्छ्रुतवन्तः पुराणं । देवर्षीणां चरितं विस्तरेण ॥

labdhvā kṛṣṇāṃ saindhavaṃ drāvayitvā | vipraiḥ sārdhaṃ kāmyakādāśramātte | mārkaṇḍeyācchrutavantaḥ purāṇaṃ | devarṣīṇāṃ caritaṃ vistareṇa

Having won back Krishna (Draupadi) and put the Sindhu king to flight, and having heard at length from Markandeya the ancient lore, the deeds of gods and seers, they set out with the brahmins from the Kamyaka hermitage,

Note on the text: Corrected कदेवर्षीणआं → देवर्षीणां (misprint in Wikisource; a stray क and a broken vowel sign, the critical edition reads devarṣīṇāṃ).

Verse 44 (3.311.44)

प्रत्याजग्मुः सरथाः सानुयात्राः । सर्वैः सार्धं सूतपौरोगवैस्ते । ततो ययुर्द्वैतवनं नृवीरा । निस्तीर्यैवं वनवासं समग्रम् ॥

pratyājagmuḥ sarathāḥ sānuyātrāḥ | sarvaiḥ sārdhaṃ sūtapaurogavaiste | tato yayurdvaitavanaṃ nṛvīrā | nistīryaivaṃ vanavāsaṃ samagram

and came back with their chariots and their followers, together with all their charioteers and stewards; then those heroes among men went on to Dvaitavana, having thus passed through the whole of their life in the forest.

Note on the text: Removed stray wiki marks (backtick and quote).