The Brothers Fall at the Lake

Verse 1 (3.313.1)

नापदामस्ति मर्यादा न निमित्तं न कारणम् । धर्मस्तु विभजत्यर्थमुभयोः पुण्यपापयोः ॥

nāpadāmasti maryādā na nimittaṃ na kāraṇam | dharmastu vibhajatyarthamubhayoḥ puṇyapāpayoḥ

Misfortunes know no bounds, and they need neither occasion nor cause. It is dharma that apportions the fruits of both, merit and sin alike.

Verse 2 (3.313.2)

प्रातिकाम्यनयत्कृष्णां सभायां प्रेष्यवत्तदा । न मया निहतस्तत्र तेन प्राप्ताः स्म संशयम् ॥

prātikāmyanayatkṛṣṇāṃ sabhāyāṃ preṣyavattadā | na mayā nihatastatra tena prāptāḥ sma saṃśayam

When the attendant Pratikami brought Draupadi into the assembly hall like a servant, I did not kill him there. That is why we have fallen into this peril.

Note on the text: Restored a missing word space (तत्रतेन → तत्र तेन).

Verse 3 (3.313.3)

वाचस्तीक्ष्णास्थिभेदिन्यः सूतपुत्रेण भाषिताः । अतितीव्रा मया क्षान्तास्तेन प्राप्ताः स्म संशयं ॥

vācastīkṣṇāsthibhedinyaḥ sūtaputreṇa bhāṣitāḥ | atitīvrā mayā kṣāntāstena prāptāḥ sma saṃśayaṃ

The charioteer's son, Karna, spoke words sharp enough to pierce the bone, and I bore them, cruel as they were. That is why we have fallen into this peril.

Verse 4 (3.313.4)

शकुनिस्त्वां यदाऽजैषीदक्षद्यूतेन भारत । स मया न हतस्तत्र तेन प्राप्ताः स्म संशयम् ॥

śakunistvāṃ yadā'jaiṣīdakṣadyūtena bhārata | sa mayā na hatastatra tena prāptāḥ sma saṃśayam

When Shakuni beat you at the game of dice, O Bharata, I did not kill him there. That is why we have fallen into this peril.

Note on the text: Restored a missing word space (तत्रतेन → तत्र तेन).

Verse 5 (3.313.5)

ततो युधिष्ठिरो राजा नकुलं वाक्यमब्रवीत् । आरुह्य वृक्षं माद्रेय निरीक्षस्व दिशो दश ॥

tato yudhiṣṭhiro rājā nakulaṃ vākyamabravīt | āruhya vṛkṣaṃ mādreya nirīkṣasva diśo daśa

Then King Yudhishthira said to Nakula, "Son of Madri, climb a tree and look out in all ten directions.

Verse 6 (3.313.6)

पानीयमन्तिके पश्य वृक्षान्वाप्युदकाश्रयान् । एते हि भ्रातरः श्रान्तास्तव तात पिपासिताः ॥

pānīyamantike paśya vṛkṣānvāpyudakāśrayān | ete hi bhrātaraḥ śrāntāstava tāta pipāsitāḥ

Look for water close at hand, or for trees that grow beside water. Your brothers here are weary and thirsty, dear one."

Verse 7 (3.313.7)

नकुलस्तु तथेत्युक्त्वा भ्रातुर्ज्येष्ठस्य शासनात् । तत उत्थाय मतिमाञ्शीघ्रमारुह्य पादपम् । अब्रवीद्भ्रातरं ज्येष्ठमभिवीक्ष्य समन्ततः ॥

nakulastu tathetyuktvā bhrāturjyeṣṭhasya śāsanāt | tata utthāya matimāñśīghramāruhya pādapam | abravīdbhrātaraṃ jyeṣṭhamabhivīkṣya samantataḥ

At his eldest brother's command Nakula said, "So be it." The wise one rose, quickly climbed a tree, looked all around, and spoke to his eldest brother.

Note on the text: The first line is not in the critical edition (vulgate recension); the other two lines match CE 3.296.7. Corrected ज्येऽष्ठस्य → ज्येष्ठस्य, अब्रवीद्धांतरं → अब्रवीद्भ्रातरं and ज्येष्मभिवीक्ष्य → ज्येष्ठमभिवीक्ष्य (Wikisource typos; the critical edition reads bhrātur jyeṣṭhasya, abravīd bhrātaraṃ jyeṣṭham abhivīkṣya).

Verse 8 (3.313.8)

पश्यामि बहुलान्राजन्वृक्षानुदकसंश्रयान् । सारसानां च निर्ह्रादस्तत्रोदकमसंशयम् ॥

paśyāmi bahulānrājanvṛkṣānudakasaṃśrayān | sārasānāṃ ca nirhrādastatrodakamasaṃśayam

"O king, I see many trees of the kind that grow by water, and I hear the cries of cranes. There is water there, without a doubt."

Verse 9 (3.313.9)

ततोऽब्रवीत्सत्यधृतिः कुन्तीपुत्रो युधिष्ठिरः । गच्छ सौम्य ततः शीघ्रं तूणैः पानीयमानय ॥

tato'bravītsatyadhṛtiḥ kuntīputro yudhiṣṭhiraḥ | gaccha saumya tataḥ śīghraṃ tūṇaiḥ pānīyamānaya

Then Yudhishthira, son of Kunti, steadfast in truth, said, "Go there quickly, gentle one, and bring water back in the quivers."

Note on the text: Corrected तूणैः रपानीयमानय → तूणैः पानीयमानय (stray र; the critical edition reads pānīyam ānaya). Its tūrṇaṃ ("quickly") for तूणैः ("in the quivers") is a recension variant and is kept.

Verse 10 (3.313.10)

नकुलस्तु तथेत्युक्त्वा भ्रातुर्ज्येष्ठस्य शासनात् । प्राद्रवद्यत्र पानीयं शीघ्रं चैवान्वपद्यत ॥

nakulastu tathetyuktvā bhrāturjyeṣṭhasya śāsanāt | prādravadyatra pānīyaṃ śīghraṃ caivānvapadyata

Nakula said, "So be it," and at his eldest brother's command ran toward the water, and quickly reached it.

Verse 11 (3.313.11)

स दृष्ट्वा विमलं तोयं सारसैः परिवारितम् । पातुकामस्ततो वाचमन्तरिक्षात्स शुश्रुवे ॥

sa dṛṣṭvā vimalaṃ toyaṃ sārasaiḥ parivāritam | pātukāmastato vācamantarikṣātsa śuśruve

He saw the clear water with cranes all about it. As he was about to drink, he heard a voice from the sky.

Verse 12 (3.313.12)

मा तात साहसं कार्षीर्मम पूर्वपरिग्रहः । प्रश्नानुक्त्वा तु माद्रेय ततः पिब हरस्व च ॥

mā tāta sāhasaṃ kārṣīrmama pūrvaparigrahaḥ | praśnānuktvā tu mādreya tataḥ piba harasva ca

"Do not be rash, my child; this water is already mine. Son of Madri, answer my questions first, and then drink and carry some away."

Verse 13 (3.313.13)

अनादृत्य तु तद्वाक्यं नकुलः सुपिपासितः । अपिबच्छीतलं तोयं पीत्वा च निपपात ह ॥

anādṛtya tu tadvākyaṃ nakulaḥ supipāsitaḥ | apibacchītalaṃ toyaṃ pītvā ca nipapāta ha

Paying no heed to those words, Nakula, parched with thirst, drank the cool water, and having drunk it, fell down.

Verse 14 (3.313.14)

चिरायमाणे नकुले कुन्तीपुत्रो युधिष्ठिरः । अब्रवीद्भ्रातरं वीरं सहदेवमरिंदमम् ॥

cirāyamāṇe nakule kuntīputro yudhiṣṭhiraḥ | abravīdbhrātaraṃ vīraṃ sahadevamariṃdamam

When Nakula was long in returning, Yudhishthira, son of Kunti, spoke to his brother Sahadeva, the hero who subdues his foes.

Note on the text: Corrected अब्रवीद्ध्रातरं → अब्रवीद्भ्रातरं (Wikisource typo; the critical edition reads abravīd bhrātaraṃ).

Verse 15 (3.313.15)

भ्राता चिरायते तात सहदेव तवाग्रजः । तं चैवानय सोदर्यं पानीयं च त्वमानय ॥

bhrātā cirāyate tāta sahadeva tavāgrajaḥ | taṃ caivānaya sodaryaṃ pānīyaṃ ca tvamānaya

"Your elder brother is taking a long time, dear Sahadeva. Bring him back, your own brother, and bring water as well."

Verse 16 (3.313.16)

सहदेवस्तथेत्युक्त्वा तां दिशं प्रत्यपद्यत । ददर्श च हतं भूमौ भ्रातरं नकुलं तदा ॥

sahadevastathetyuktvā tāṃ diśaṃ pratyapadyata | dadarśa ca hataṃ bhūmau bhrātaraṃ nakulaṃ tadā

Sahadeva said, "So be it," and set off in that direction, and there he saw his brother Nakula lying dead on the ground.

Verse 17 (3.313.17)

भ्रातृशोकाभिसंतप्तस्तृषया च प्रपीडितः । अभिदुद्राव पानीयं ततो वागभ्यभाषत ॥

bhrātṛśokābhisaṃtaptastṛṣayā ca prapīḍitaḥ | abhidudrāva pānīyaṃ tato vāgabhyabhāṣata

Burning with grief for his brother and tormented by thirst, he ran toward the water. Then the voice spoke.

Note on the text: Corrected रपानीयं → पानीयं (stray र; the critical edition reads pānīyaṃ).

Verse 18 (3.313.18)

मा तात साहसं कार्षीर्मम पूर्वपरिग्रहः । प्रश्नानुक्त्वा यथाकामं पिबस्व च हरस्व च ॥

mā tāta sāhasaṃ kārṣīrmama pūrvaparigrahaḥ | praśnānuktvā yathākāmaṃ pibasva ca harasva ca

"Do not be rash, my child; this water is already mine. Answer my questions, and then drink as you please and carry some away."

Verse 19 (3.313.19)

अनादृत्य तु तद्वाक्यं सहदेवः पिपासितः । अपिबच्छीतलं तोयं पीत्वा च निपपात ह ॥

anādṛtya tu tadvākyaṃ sahadevaḥ pipāsitaḥ | apibacchītalaṃ toyaṃ pītvā ca nipapāta ha

Paying no heed to those words, the thirsty Sahadeva drank the cool water, and having drunk it, fell down.

Verse 20 (3.313.20)

अथाब्रवीत्स विजयं कुन्तीपुत्रो युधिष्ठिरः । भ्रातरौ ते चिरगतौ बीभत्सो शत्रुकर्शन ॥

athābravītsa vijayaṃ kuntīputro yudhiṣṭhiraḥ | bhrātarau te ciragatau bībhatso śatrukarśana

Then Yudhishthira, son of Kunti, said to Arjuna, "Bibhatsu, scourge of your enemies, your two brothers have been gone a long time.

Verse 21 (3.313.21)

तौ चैवानय भद्रं ते पानीयं च त्वमानय । त्वं हि नस्तात सर्वेषां दुःखितानामपाश्रयः ॥

tau caivānaya bhadraṃ te pānīyaṃ ca tvamānaya | tvaṃ hi nastāta sarveṣāṃ duḥkhitānāmapāśrayaḥ

Bring them back, and may all go well with you; bring water too. For you, dear one, are the refuge of us all in our distress."

Note on the text: The first line is the third line of CE 3.296.20; the second line is not in the critical edition (vulgate recension).

Verse 22 (3.313.22)

एवमुक्तो गुडाकेशः प्रगृह्य सशरं धनुः । आमुक्तखङ्गो मेधावी तत्सरः प्रत्यपद्यत ॥

evamukto guḍākeśaḥ pragṛhya saśaraṃ dhanuḥ | āmuktakhaṅgo medhāvī tatsaraḥ pratyapadyata

So addressed, the wise Arjuna, conqueror of sleep, took up his bow and arrows, girded on his sword, and went to that lake.

Verse 23 (3.313.23)

यतः पुरुषशार्दूलौ पानीयहरणे गतौ । तौ ददर्श हतौ तत्र भ्रातरौ श्वेतवाहनः ॥

yataḥ puruṣaśārdūlau pānīyaharaṇe gatau | tau dadarśa hatau tatra bhrātarau śvetavāhanaḥ

There, where those two tigers among men had gone to fetch water, Arjuna of the white horses saw his two brothers lying dead.

Note on the text: Restored a missing word space (तत्रभ्रातरौ → तत्र भ्रातरौ).

Verse 24 (3.313.24)

विगतासू नरव्याघ्रौ शयानौ वसुधातले । प्रसुप्ताविव तौ दृष्ट्वा नरसिंहः सुदुःखितः । धनुरुद्यम्य कौन्तेयो व्यलोकयत तद्वनम् ॥

vigatāsū naravyāghrau śayānau vasudhātale | prasuptāviva tau dṛṣṭvā narasiṃhaḥ suduḥkhitaḥ | dhanurudyamya kaunteyo vyalokayata tadvanam

Seeing those two tigers among men lying lifeless on the ground as if asleep, that lion among men was deeply grieved. Raising his bow, the son of Kunti scanned the forest.

Note on the text: The first line is not in the critical edition (vulgate recension); the other two lines match CE 3.296.23. Removed the backtick/quote marks with which the Wikisource (Kumbhakonam) text brackets a passage found in southern manuscripts; the words are unchanged.

Verse 25 (3.313.25)

नापश्यत्तत्र किंचित्स भूतमस्मिन्महावने । सव्यसाची पिपासार्तः पानीयं सोऽभ्यधावत ॥

nāpaśyattatra kiṃcitsa bhūtamasminmahāvane | savyasācī pipāsārtaḥ pānīyaṃ so'bhyadhāvata

He saw no creature anywhere in that great forest. Then Savyasachi, tormented by thirst, ran toward the water.

Note on the text: Restored a missing word space (तत्रकिंचित्स → तत्र किंचित्स) and the avagraha in सोऽभ्यधावत (critical edition: so 'bhyadhāvata).

Verse 26 (3.313.26)

अभिधावंस्ततो वाचमन्तरिक्षात्स शुश्रुवे । यत्त्वमिच्छसि पानीयं नैतच्छक्यं बलात्त्वया ॥

abhidhāvaṃstato vācamantarikṣātsa śuśruve | yattvamicchasi pānīyaṃ naitacchakyaṃ balāttvayā

As he ran, he heard a voice from the sky: "The water you desire cannot be taken by force.

Verse 27 (3.313.27)

कौन्तेय यदि वै प्रश्नान्मयोक्तान्प्रतिवक्ष्यसि । ततः पास्यसि पानीयं हरिष्यसि च भारत ॥

kaunteya yadi vai praśnānmayoktānprativakṣyasi | tataḥ pāsyasi pānīyaṃ hariṣyasi ca bhārata

Son of Kunti, if you answer the questions I put to you, then you shall drink the water and carry some away, O Bharata."

Verse 28 (3.313.28)

वारितस्त्वब्रवीत्पार्थो दृश्यमानो निवारय । यावद्बाणैर्विनिर्भिन्नः पुनर्नैवं वदिष्यसि ॥

vāritastvabravītpārtho dṛśyamāno nivāraya | yāvadbāṇairvinirbhinnaḥ punarnaivaṃ vadiṣyasi

Thus forbidden, Partha said, "Show yourself, and then forbid me! Once my arrows have pierced you through, you will not speak like this again."

Verse 29 (3.313.29)

एवमुक्त्वा ततः पार्थः शरैरस्त्रानुमन्त्रितैः । प्रववर्ष दिशः कृत्स्नाः शब्दवेधं च दर्शयन् । कर्णिनालीकनाराचानुत्सृजन्भरतर्षभः ॥

evamuktvā tataḥ pārthaḥ śarairastrānumantritaiḥ | pravavarṣa diśaḥ kṛtsnāḥ śabdavedhaṃ ca darśayan | karṇinālīkanārācānutsṛjanbharatarṣabhaḥ

Having said this, Partha rained arrows charged with weapon-mantras over every direction, showing his skill at striking by sound alone. That bull of the Bharatas loosed barbed arrows, tubular darts and iron shafts.

Note on the text: Corrected प्रववर्ष रदिशः → प्रववर्ष दिशः (stray र; the critical edition reads diśaṃ). The third line is the first line of CE 3.296.29.

Verse 30 (3.313.30)

स त्वमोघानिषून्मुक्त्वा तृष्णयाऽभिप्रपीडितः । अनेकैरिषुसंघातैरन्तरिक्षे ववर्ष ह ॥

sa tvamoghāniṣūnmuktvā tṛṣṇayā'bhiprapīḍitaḥ | anekairiṣusaṃghātairantarikṣe vavarṣa ha

Racked by thirst, he loosed his unfailing arrows and rained volley after volley into the sky.

Note on the text: The second line is the second line of CE 3.296.29; the first line corresponds to the first line of CE 3.296.31.

Verse 31 (3.313.31)

किं विधानेन ते पार्थ प्रश्नानुक्त्वा पयः पिब । अनुक्त्वा च पिबन्प्रश्नान्पीत्वैव न भविष्यसि ॥

kiṃ vidhānena te pārtha praśnānuktvā payaḥ piba | anuktvā ca pibanpraśnānpītvaiva na bhaviṣyasi

"What use is all this, Partha? Answer my questions and then drink. If you drink without answering them, you will perish the moment you drink."

Note on the text: Restored a missing word space (नभविष्यसि → न भविष्यसि).

Verse 32 (3.313.32)

स च मोघानिषून्दृष्ट्वा तृष्णया च प्रपीडितः । अवज्ञायैव तां वाचं पीत्वैव निपपात ह ॥

sa ca moghāniṣūndṛṣṭvā tṛṣṇayā ca prapīḍitaḥ | avajñāyaiva tāṃ vācaṃ pītvaiva nipapāta ha

Seeing that his arrows had been in vain, and tormented by thirst, he disregarded the voice, drank, and fell the moment he drank.

Note on the text: Corrected निपपात् → निपपात (stray virama; the critical edition reads nipapāta). Restored a missing word space (दृष्ट्वातृष्णया → दृष्ट्वा तृष्णया).

Verse 33 (3.313.33)

अथाब्रवीद्भीमसेनं कुन्तीपुत्रो युधिष्ठिरः । नकुलः सहदेवश्च बीभत्सुश्च परंतप ॥

athābravīdbhīmasenaṃ kuntīputro yudhiṣṭhiraḥ | nakulaḥ sahadevaśca bībhatsuśca paraṃtapa

Then Yudhishthira, son of Kunti, said to Bhimasena, "Scorcher of foes, Nakula, Sahadeva and Bibhatsu

Note on the text: Corrected कुनतीपुत्रो → कुन्तीपुत्रो (Wikisource typo; the critical edition reads kuntīputro).

Verse 34 (3.313.34)

चिरंगतास्तोयहेतोर्न चागच्छन्ति भारत । तांश्चैवानय भद्रं ते पानीयं च त्वमानय ॥

ciraṃgatāstoyahetorna cāgacchanti bhārata | tāṃścaivānaya bhadraṃ te pānīyaṃ ca tvamānaya

went for water long ago and have not come back, O Bharata. Bring them back, and may all go well with you; bring water too."

Verse 35 (3.313.35)

भीमसेनस्तथेत्युक्त्वा तं देशं प्रत्यपद्यत । यत्र ते पुरुषव्याघ्रा भ्रातरोऽस्य निपातिताः ॥

bhīmasenastathetyuktvā taṃ deśaṃ pratyapadyata | yatra te puruṣavyāghrā bhrātaro'sya nipātitāḥ

Bhimasena said, "So be it," and went to the place where his brothers, those tigers among men, had been struck down.

Note on the text: Corrected रयत्रते → यत्र ते (stray र, missing space; the critical edition reads yatra te) and restored the avagraha in भ्रातरोऽस्य (critical edition: bhrātaro 'sya).

Verse 36 (3.313.36)

तान्दृष्ट्वा दुःखितो भीमस्तृषया च प्रपीडितः । अमन्यत महाबाहुः कर्म तद्यक्षरक्षसाम् ॥

tāndṛṣṭvā duḥkhito bhīmastṛṣayā ca prapīḍitaḥ | amanyata mahābāhuḥ karma tadyakṣarakṣasām

Seeing them, the mighty-armed Bhima was stricken with grief and tormented by thirst, and he took it to be the work of yakshas or rakshasas.

Verse 37 (3.313.37)

स चिन्तयामास तदा योद्धव्यं ध्रुवमद्य मे । पास्यामि तावत्पानीयमिति पार्थो वृकोदरः ॥

sa cintayāmāsa tadā yoddhavyaṃ dhruvamadya me | pāsyāmi tāvatpānīyamiti pārtho vṛkodaraḥ

Then Vrikodara, son of Pritha, thought, "Surely I shall have to fight today. But first I will drink the water."

Note on the text: The first line is the third line of CE 3.296.35; the second line is the first line of CE 3.296.36. Restored a missing word space (सचिन्तयामास → स चिन्तयामास).

Verse 38 (3.313.38)

ततोऽभ्यधावत्पानीयं पिपासुः पुरुषर्षभः ॥

tato'bhyadhāvatpānīyaṃ pipāsuḥ puruṣarṣabhaḥ

Then that bull among men, thirsting, ran toward the water.

Note on the text: A single line in the base text; it is the second line of CE 3.296.36.

Verse 39 (3.313.39)

मा तात साहसं कार्षीर्मम पूर्वपरिग्रहः । प्रश्नानुक्त्वा तु कौन्तेय ततः पिब हरस्व च ॥

mā tāta sāhasaṃ kārṣīrmama pūrvaparigrahaḥ | praśnānuktvā tu kaunteya tataḥ piba harasva ca

"Do not be rash, my child; this water is already mine. Son of Kunti, answer my questions first, and then drink and carry some away."

Note on the text: Restored a missing word space (साहसंकार्षीर् → साहसं कार्षीर्).

Verse 40 (3.313.40)

एवमुक्तस्तदा भीमो यक्षेणामिततेजसा । अनुक्त्वैव तु तान्प्रश्नान्पीत्वैव निपपात ह ॥

evamuktastadā bhīmo yakṣeṇāmitatejasā | anuktvaiva tu tānpraśnānpītvaiva nipapāta ha

Though the yaksha of boundless power spoke to him thus, Bhima drank without answering those questions, and fell the moment he drank.

Verse 41 (3.313.41)

ततः कुन्तीसुतो राजा प्रचिन्त्य पुरुषर्षभः । आत्मनाऽऽत्मानमन्विष्य विचारमकरोत्प्रभुः ॥

tataḥ kuntīsuto rājā pracintya puruṣarṣabhaḥ | ātmanā''tmānamanviṣya vicāramakarotprabhuḥ

Then the king, the son of Kunti, a bull among men, pondered deeply; searching within himself, the lord weighed the matter.

Note on the text: The first line matches the first line of CE 3.296.39; the second line is not in the critical edition (vulgate recension). Removed the backtick/quote marks with which the Wikisource (Kumbhakonam) text brackets a passage found in southern manuscripts; the words are unchanged.

Verse 42 (3.313.42)

ततश्चिरगतान्भ्रातॄनथाऽऽज्ञाय युधिष्ठिरः । चिरायमाणान्बहुशः पुनः पुनरुवाच ह ॥

tataściragatānbhrātṝnathā''jñāya yudhiṣṭhiraḥ | cirāyamāṇānbahuśaḥ punaḥ punaruvāca ha

Realising that his brothers had been gone a long while and were still delaying, Yudhishthira spoke again and again.

Note on the text: Not in the critical edition (found in the vulgate recension). Corrected भ्रातृन् → भ्रातॄन् (accusative plural needs long ॄ; the critical edition has the form bhrātṝṃl at 3.297.1). Restored a missing word space (पुनरुवाचह → पुनरुवाच ह).

Verse 43 (3.313.43)

किंस्विद्वनमिदं दग्धं किंस्विद्दृष्टो मृतो भवेत् । प्रहरन्तो महाभूतं शप्तास्तेनाथ तेऽपतन् ॥

kiṃsvidvanamidaṃ dagdhaṃ kiṃsviddṛṣṭo mṛto bhavet | praharanto mahābhūtaṃ śaptāstenātha te'patan

"Is this forest under a curse? Has one of them perhaps met his death? Or did they strike at some mighty being, and fall under its curse?

Note on the text: Not in the critical edition (found in the vulgate recension). Corrected the second किंखिद् → किंस्विद् (ख misread for स्व; the same line opens with किंस्विद्).

Verse 44 (3.313.44)

न पश्यन्त्यथवा वीराः पानीयं यत्र ते गताः । अन्विच्छद्भिर्वने तोयं कालोऽयमतिपातितः ॥

na paśyantyathavā vīrāḥ pānīyaṃ yatra te gatāḥ | anvicchadbhirvane toyaṃ kālo'yamatipātitaḥ

Or perhaps the heroes cannot find water where they have gone, and the time has slipped away as they search the forest for it.

Note on the text: Not in the critical edition (found in the vulgate recension). Restored a missing word space (यत्रते → यत्र ते).

Verse 45 (3.313.45)

किं नु तत्कारणं येन नायान्ति पुरुषर्षभाः । गच्छाम्येषां पदं द्रष्टुमिति कृत्वा युधिष्ठिरः ॥

kiṃ nu tatkāraṇaṃ yena nāyānti puruṣarṣabhāḥ | gacchāmyeṣāṃ padaṃ draṣṭumiti kṛtvā yudhiṣṭhiraḥ

What can be the reason these bulls among men do not return? I will go and follow their tracks to see." Having resolved this, Yudhishthira

Note on the text: Not in the critical edition (found in the vulgate recension). Restored a missing word space (किंनु → किं नु). Removed the backtick/quote marks with which the Wikisource (Kumbhakonam) text brackets a passage found in southern manuscripts; the words are unchanged.

Verse 46 (3.313.46)

समुत्थाय महाबुद्धिर्दह्यमानेन चेतसा । व्यपेतजननिर्घोषं प्रविवेश महावनम् ॥

samutthāya mahābuddhirdahyamānena cetasā | vyapetajananirghoṣaṃ praviveśa mahāvanam

rose, great of mind, his heart burning within him, and entered the great forest, where no sound of human voices was heard.

Note on the text: The first line is the second line of CE 3.296.39; the second line is the first line of CE 3.296.40.

Verse 47 (3.313.47)

रुरुभिश्च वराहैश्च पक्षिभिश्च निषेवितम् । नीलभास्वरवर्णैश्च पादपैरुपशोभितम् ॥

rurubhiśca varāhaiśca pakṣibhiśca niṣevitam | nīlabhāsvaravarṇaiśca pādapairupaśobhitam

It was haunted by ruru deer, boars and birds, and graced by trees of a deep, gleaming blue-green.

Note on the text: Corrected पादपैरुशोभितम् → पादपैरुपशोभितम् (dropped akshara; the critical edition reads pādapair upaśobhitam). The verse straddles CE 3.296.40–41.

Verse 48 (3.313.48)

भ्रमरैरुपगीतं च पक्षिभिश्च समन्ततः । मृदुशाड्वलसंकीर्णभूमिभागं मनोहरम् ॥

bhramarairupagītaṃ ca pakṣibhiśca samantataḥ | mṛduśāḍvalasaṃkīrṇabhūmibhāgaṃ manoharam

It rang on every side with the hum of bees and the songs of birds, and its ground was lovely, spread with soft grass.

Note on the text: Corrected पक्षिभिश् → पक्षिभिश्च (dropped च; the critical edition reads pakṣibhiś ca). The first line is the second line of CE 3.296.41; the second line is not in the critical edition (vulgate recension). Removed the backtick/quote marks with which the Wikisource (Kumbhakonam) text brackets a passage found in southern manuscripts; the words are unchanged.

Verse 49 (3.313.49)

स गच्छन्कानने तस्मिन्हेमजालपरिष्कृतम् । ददर्श तत्सरः श्रीमान्विश्वकर्मकृतं यथा ॥

sa gacchankānane tasminhemajālapariṣkṛtam | dadarśa tatsaraḥ śrīmānviśvakarmakṛtaṃ yathā

Walking through that forest, the illustrious one saw the lake, adorned as if with a net of gold, as though Vishvakarma himself had made it.

Verse 50 (3.313.50)

उपेतं नलिनीजालैः सिन्धुवारैः सवेतसैः । केतकैः करवीरैश्च पिप्पलैश्चैव संवृतम् ॥

upetaṃ nalinījālaiḥ sindhuvāraiḥ savetasaiḥ | ketakaiḥ karavīraiśca pippalaiścaiva saṃvṛtam

It was covered with clusters of lotuses and ringed with sinduvara shrubs and vetasa reeds, with ketaka and karavira, and with pippala trees.

Note on the text: Corrected सचेतसैः → सवेतसैः ("with vetasa reeds"; च misread for व — the critical edition reads vetasaiḥ). The third line of CE 3.296.43 is the second line of verse 51.

Verse 51 (3.313.51)

ततो धर्मसुतः श्रीमान्भ्रातृदर्शनलालसः । श्रमार्तस्तदुपागम्य सरो दृष्ट्वाऽथ विस्मितः ॥

tato dharmasutaḥ śrīmānbhrātṛdarśanalālasaḥ | śramārtastadupāgamya saro dṛṣṭvā'tha vismitaḥ

Then the illustrious son of Dharma, longing to see his brothers, came up to the lake, worn out with fatigue, and on seeing it was struck with wonder.

Note on the text: The first line is not in the critical edition (vulgate recension); the second line is the third line of CE 3.296.43. Removed the backtick/quote marks with which the Wikisource (Kumbhakonam) text brackets a passage found in southern manuscripts; the words are unchanged.