Pulastya on the Sacred Fords: Pushkara and the Western Pilgrimage

Verse 1 (3.80.1)

अनेन तव धर्मज्ञ प्रश्रयेण दमेन च । सत्येन च महाभाग तुष्टोऽस्मि तव सुव्रत ॥

anena tava dharmajña praśrayeṇa damena ca | satyena ca mahābhāga tuṣṭo'smi tava suvrata

O knower of dharma, fortunate one, faithful to your vows, I am pleased with you for this humility of yours, your self-restraint and your truthfulness.

Note on the text: Corrected तुष्टोस्मि → तुष्टोऽस्मि (missing avagraha in Wikisource; the critical edition reads tuṣṭo 'smi).

Verse 2 (3.80.2)

यस्येदृशस्ते धर्मोऽयं पितृवाक्याश्रितोऽनघ । तेन पश्यसि मां पुत्र प्रीतिश्च परमा त्वयि ॥

yasyedṛśaste dharmo'yaṃ pitṛvākyāśrito'nagha | tena paśyasi māṃ putra prītiśca paramā tvayi

Because your dharma is such, sinless one, grounded in your father's word, you now see me, my son, and my affection for you is very great.

Verse 3 (3.80.3)

अमोघदर्शी भीष्माहं ब्रूहि किं करवाणि ते । यद्वक्ष्यसि कुरुश्रेष्ठ तस्य दाताऽस्मि तेऽनघ ॥

amoghadarśī bhīṣmāhaṃ brūhi kiṃ karavāṇi te | yadvakṣyasi kuruśreṣṭha tasya dātā'smi te'nagha

My sight is never fruitless, Bhishma. Tell me what I may do for you. Whatever you ask, best of the Kurus, I will grant it to you, sinless one.

Verse 4 (3.80.4)

प्रीते त्वयि महाभाग सर्वलोकाभिपूजिते । कृतमित्येव मन्येऽहं यदहं दृष्टवान्प्रभुम् ॥

prīte tvayi mahābhāga sarvalokābhipūjite | kṛtamityeva manye'haṃ yadahaṃ dṛṣṭavānprabhum

Since you are pleased with me, fortunate one, you whom all the worlds revere, I count my purpose already fulfilled, for I have seen you, my lord.

Verse 5 (3.80.5)

यदि त्वहमनुग्राह्यस्तव धर्मभृतांवर । संदेहं ते प्रवक्ष्यामि तन्मे त्वं छेत्तुमर्हसि ॥

yadi tvahamanugrāhyastava dharmabhṛtāṃvara | saṃdehaṃ te pravakṣyāmi tanme tvaṃ chettumarhasi

Yet if I deserve your favour, best of those who uphold dharma, I will tell you a doubt of mine; please resolve it for me.

Note on the text: Matched to CE 3.80.26, whose second line differs (vakṣyāmi hṛtsthaṃ saṃdehaṃ tan me tvaṃ vaktum arhasi); Wikisource's line is a recension variant.

Verse 6 (3.80.6)

अस्ति मे भगवन्कश्चित्तीर्थानि प्रति संशयः । तमहं श्रोतुमिच्छामि तद्भवान्वक्तुमर्हति ॥

asti me bhagavankaścittīrthāni prati saṃśayaḥ | tamahaṃ śrotumicchāmi tadbhavānvaktumarhati

Holy one, I have a doubt about the sacred fords. I wish to hear about it; please explain it to me.

Note on the text: Matched to CE 3.80.27, which words the verse differently (tīrthebhyo dharmasaṃśayaḥ … pṛthak saṃkīrtitaṃ tvayā); a recension variant.

Verse 7 (3.80.7)

प्रदक्षिणां यः पृथिवीं करोत्यमरसन्निभ । किं फलं तस्य विप्रर्षे तन्मे ब्रूहि तपोधन ॥

pradakṣiṇāṃ yaḥ pṛthivīṃ karotyamarasannibha | kiṃ phalaṃ tasya viprarṣe tanme brūhi tapodhana

You who are like an immortal, brahmin seer rich in austerity, tell me: what reward does a man win who travels around the earth, keeping it on his right?

Note on the text: Corrected तषोधन → तपोधन (misprint in Wikisource; the critical edition reads tapodhana).

Verse 8 (3.80.8)

हन्त तेऽहंप्रवक्ष्यामि यदृषीणां परायणम् । तदेकाग्रमनास्तात शृणु तीर्थेषु यत्फलम् ॥

hanta te'haṃpravakṣyāmi yadṛṣīṇāṃ parāyaṇam | tadekāgramanāstāta śṛṇu tīrtheṣu yatphalam

Very well, I will tell you what is the highest refuge of the seers. Listen with a focused mind, my son, to the reward that lies in the sacred fords.

Note on the text: Removed the speaker heading 'पुलस्त्य उवाच। 8x' that had slipped into the verse text. The heading makes Pulastya the speaker from here to the end of the adhyaya (the input had carried Bhishma on).

Verse 9 (3.80.9)

यस्य हस्तौ च पादौ च मनश्चैव सुसंयतम् । विद्या तपश्च कीर्तिश्च स तीर्थफलमश्नुते ॥

yasya hastau ca pādau ca manaścaiva susaṃyatam | vidyā tapaśca kīrtiśca sa tīrthaphalamaśnute

He whose hands and feet and mind are well restrained, who has learning, austerity and a good name, wins the reward of the sacred fords.

Verse 10 (3.80.10)

प्रतिग्रहादपावृत्तः संतुष्टो येन केनचित् । अहंकारनिवृत्तश्च स तीर्थफलमश्नुते ॥

pratigrahādapāvṛttaḥ saṃtuṣṭo yena kenacit | ahaṃkāranivṛttaśca sa tīrthaphalamaśnute

He who has turned away from accepting gifts, who is content with whatever comes, and who is free of self-conceit, wins the reward of the sacred fords.

Verse 11 (3.80.11)

अकल्कको निरारम्भो लघ्वाहारो जितेन्द्रियः । विमुक्तः सर्वपापेभ्यः स तीर्थफलमश्नुते ॥

akalkako nirārambho laghvāhāro jitendriyaḥ | vimuktaḥ sarvapāpebhyaḥ sa tīrthaphalamaśnute

He who is without deceit, who undertakes no worldly ventures, who eats lightly, who has mastered his senses and is freed from all sins, wins the reward of the sacred fords.

Note on the text: Corrected लध्वाहारो → लघ्वाहारो (misprint in Wikisource; the critical edition reads laghv āhāro).

Verse 12 (3.80.12)

अक्रोधनश्च राजेन्द्र सत्यशीलो दृढव्रतः । आत्मोपमश्च भूतेषु स तीर्थफलमश्नुते ॥

akrodhanaśca rājendra satyaśīlo dṛḍhavrataḥ | ātmopamaśca bhūteṣu sa tīrthaphalamaśnute

He who is free of anger, lord of kings, truthful by nature, firm in his vows, and who regards all beings as himself, wins the reward of the sacred fords.

Note on the text: Corrected तीर्धफलम् → तीर्थफलम् (misprint in Wikisource; the critical edition reads tīrthaphalam).

Verse 13 (3.80.13)

ऋषिभिः क्रतवः प्रोक्ता वेदेष्विह यथाक्रमम् । फलं चैव यथातत्त्वं प्रेत्य चेह च सर्वशः ॥

ṛṣibhiḥ kratavaḥ proktā vedeṣviha yathākramam | phalaṃ caiva yathātattvaṃ pretya ceha ca sarvaśaḥ

In the Vedas the seers have set out the sacrifices in their proper order, and also, truly and in full, the reward each brings here and after death.

Note on the text: Corrected देवेष्विह → वेदेष्विह (misprint in Wikisource, the vowel signs transposed; the critical edition reads vedeṣv iha).

Verse 14 (3.80.14)

न ते शक्या दरिद्रेण यज्ञाः प्राप्तुं महीपते । बहूपकरणा यज्ञा नानासंभारविस्तराः ॥

na te śakyā daridreṇa yajñāḥ prāptuṃ mahīpate | bahūpakaraṇā yajñā nānāsaṃbhāravistarāḥ

But those sacrifices cannot be achieved by a poor man, lord of the earth. Sacrifices need many implements and an abundance of varied materials.

Verse 15 (3.80.15)

प्राप्यन्ते पार्थिवैरेतैः समृद्धैर्वा नरैः क्वचित् । नार्थन्यूनोपकरणैरेकात्मभिरसंहतैः ॥

prāpyante pārthivairetaiḥ samṛddhairvā naraiḥ kvacit | nārthanyūnopakaraṇairekātmabhirasaṃhataiḥ

They are accomplished by kings, or now and then by wealthy men, not by those short of money and means, who stand alone without helpers.

Verse 16 (3.80.16)

यो दरिद्रैरपि विधिः शक्यः प्राप्तुं नरेश्वर । तुल्यो यज्ञफलैः पुण्यैस्तं निबोध युधांवर ॥

yo daridrairapi vidhiḥ śakyaḥ prāptuṃ nareśvara | tulyo yajñaphalaiḥ puṇyaistaṃ nibodha yudhāṃvara

Learn, best of warriors, lord of men, of the rite that even the poor can perform, holy and equal to the rewards of sacrifice.

Verse 17 (3.80.17)

ऋषीणां परमं गुह्यमिदं भरतसत्तम । तीर्थाभिगमनं पुण्यं यज्ञैरपि विशिष्यते ॥

ṛṣīṇāṃ paramaṃ guhyamidaṃ bharatasattama | tīrthābhigamanaṃ puṇyaṃ yajñairapi viśiṣyate

This is the highest secret of the seers, best of the Bharatas: the holy act of visiting the sacred fords surpasses even the sacrifices.

Verse 18 (3.80.18)

अनुपोष्य त्रिरात्राणि तीर्थान्यनभिगम्य च । अदत्त्वा काञ्चनं गाश्च दरिद्रो नाम जायते ॥

anupoṣya trirātrāṇi tīrthānyanabhigamya ca | adattvā kāñcanaṃ gāśca daridro nāma jāyate

One who has never fasted for three nights, never visited the sacred fords, and never given gold and cows is born a poor man.

Note on the text: Corrected अनपोष्य → अनुपोष्य (misprint in Wikisource; अनपोष्य is not a word, and the critical edition reads anupoṣya).

Verse 19 (3.80.19)

अग्निष्टोमादिभिर्यज्ञैरिष्ट्वा विपुलदक्षिणैः । न तत्फलमवाप्नोति तीर्थाभिगमनेन यत् ॥

agniṣṭomādibhiryajñairiṣṭvā vipuladakṣiṇaiḥ | na tatphalamavāpnoti tīrthābhigamanena yat

A man who performs the Agnishtoma and other sacrifices with lavish gifts to the priests does not win the reward that comes from visiting the sacred fords.

Verse 20 (3.80.20)

सर्वतीर्थेषु राजेन्द्र तीर्थं त्रैलोक्यविश्रुतम् । पुष्करं नाम विख्यातं महाभागः समाविशेत् ॥

sarvatīrtheṣu rājendra tīrthaṃ trailokyaviśrutam | puṣkaraṃ nāma vikhyātaṃ mahābhāgaḥ samāviśet

Among all the sacred fords, lord of kings, there is one famed through the three worlds, known as Pushkara. The fortunate man should go there.

Verse 21 (3.80.21)

दशकोटिसहस्राणि तीर्थानां वै महामते । सान्निध्यं पुष्करे येषां त्रिसन्ध्यं कुरुनन्दन ॥

daśakoṭisahasrāṇi tīrthānāṃ vai mahāmate | sānnidhyaṃ puṣkare yeṣāṃ trisandhyaṃ kurunandana

Ten thousand crores of sacred fords, wise one, are present at Pushkara at the three junctions of the day, joy of the Kurus.

Verse 22 (3.80.22)

आदित्या वसवो रुद्राः साध्याश्च समरुद्गणाः । गन्धर्वाप्सरसश्चैव नित्यं सन्निहिता विभो ॥

ādityā vasavo rudrāḥ sādhyāśca samarudgaṇāḥ | gandharvāpsarasaścaiva nityaṃ sannihitā vibho

The Adityas, the Vasus, the Rudras, the Sadhyas with the hosts of Maruts, and the Gandharvas and Apsarases are always present there, mighty one.

Verse 23 (3.80.23)

यत्र देवास्तपस्तप्त्वा दैत्या ब्रह्मर्षयस्तथा । तपोविशेषैर्बहुभिः स्थानान्यापुर्महौजसः । दिव्ययोगा महाराज पुण्येन महताऽन्विताः ॥

yatra devāstapastaptvā daityā brahmarṣayastathā | tapoviśeṣairbahubhiḥ sthānānyāpurmahaujasaḥ | divyayogā mahārāja puṇyena mahatā'nvitāḥ

There the gods, the Daityas and the brahmin seers practised austerities; by many special austerities those mighty ones won their stations, great king, and gained divine powers, endowed with great merit.

Note on the text: Removed stray wiki marks (` and ') around the middle line. That line is not in the critical edition's text (its apparatus has it as 3.80.44b*0379); the other two lines match CE 3.80.44.

Verse 24 (3.80.24)

मनसाभ्येतुकामस्य पुष्कराणि मनस्विनः । पूयन्ते सर्वपापानि नाकपृष्ठे च पूज्यते ॥

manasābhyetukāmasya puṣkarāṇi manasvinaḥ | pūyante sarvapāpāni nākapṛṣṭhe ca pūjyate

Even for a high-minded man who only longs in his mind to go to Pushkara, all sins are purified away, and he is honoured on the vault of heaven.

Verse 25 (3.80.25)

तस्मिंस्तीर्थे महाभागो नित्यमेव पितामहः । उवास परमप्रीतो देवदानवसत्तमः ॥

tasmiṃstīrthe mahābhāgo nityameva pitāmahaḥ | uvāsa paramaprīto devadānavasattamaḥ

At that ford, fortunate one, the Grandsire, best among gods and Danavas, has always dwelt in great contentment.

Verse 26 (3.80.26)

पुष्करेषु महाभाग देवाः सर्षिगणाः पुरा । सिद्धिं समभिसंप्राप्ताः पुण्येन महताऽन्विताः ॥

puṣkareṣu mahābhāga devāḥ sarṣigaṇāḥ purā | siddhiṃ samabhisaṃprāptāḥ puṇyena mahatā'nvitāḥ

At Pushkara, fortunate one, the gods with the hosts of seers once attained perfection, endowed with great merit.

Note on the text: Corrected सर्पिगणाः → सर्षिगणाः (misprint in Wikisource; सर्पिगणाः gives no sense here, and the critical edition has sarṣi- in sarṣipurogamāḥ).

Verse 27 (3.80.27)

तत्राभिषेकं यः कुर्यात्पितृदेवांश्च तर्पयेत् । सर्वपापविनिर्मुक्तो ब्रह्मलोके च पूज्यते ॥

tatrābhiṣekaṃ yaḥ kuryātpitṛdevāṃśca tarpayet | sarvapāpavinirmukto brahmaloke ca pūjyate

He who bathes there and offers libations to the ancestors and the gods is freed from every sin and is honoured in the world of Brahma.

Note on the text: Matched to CE 3.80.48, which shares the opening words but goes on differently (pitṛdevārcane rataḥ / aśvamedhaṃ daśaguṇaṃ pravadanti manīṣiṇaḥ); Wikisource's text is a recension variant.

Verse 28 (3.80.28)

अप्येकं भोजयेद्विप्रं पुष्करारण्यमाश्रितः । तेनासौ कर्मणा भीष्म प्रेत्य चेह च मोदते ॥

apyekaṃ bhojayedvipraṃ puṣkarāraṇyamāśritaḥ | tenāsau karmaṇā bhīṣma pretya ceha ca modate

If a man living in the Pushkara forest feeds even a single brahmin, Bhishma, by that deed he rejoices both here and after death.

Note on the text: Corrected प्रेत् यचेह → प्रेत्य चेह (misplaced akshara and word space in Wikisource; the critical edition reads pretya ceha).

Verse 29 (3.80.29)

शाकैर्मूलैः फलैर्वाऽपि येन वर्तयते स्वयम् । तद्वै दद्याद्ब्राह्मणाय श्रद्धावाननसूयकः । तेनैव प्राप्नुयात्प्राज्ञो हयमेधफलं नरः ॥

śākairmūlaiḥ phalairvā'pi yena vartayate svayam | tadvai dadyādbrāhmaṇāya śraddhāvānanasūyakaḥ | tenaiva prāpnuyātprājño hayamedhaphalaṃ naraḥ

Whatever a man lives on himself, be it greens, roots or fruit, let him give that to a brahmin with faith and without envy; by that alone the wise man wins the reward of the horse sacrifice.

Note on the text: Corrected वाऽपिचेन → वाऽपि येन (misprint in Wikisource; the relative pronoun is needed for the sense, and the critical edition reads vāpi yena).

Verse 30 (3.80.30)

अपि वाऽप्युदपात्रेण ब्राह्मणान्स्वस्ति वाचयेत् । तेनापि पूजनेनाशु प्रेत्यानन्त्याय कल्पते ॥

api vā'pyudapātreṇa brāhmaṇānsvasti vācayet | tenāpi pūjanenāśu pretyānantyāya kalpate

Or even if he has brahmins pronounce a blessing over just a vessel of water, by that worship too he is soon made fit for endless reward after death.

Note on the text: Removed stray wiki marks (` and ') around this verse. Not in the critical edition (found in the vulgate recension); the critical edition records it in its apparatus as 3.80.50f*0380.

Verse 31 (3.80.31)

ब्राह्मणाः क्षत्रिया वैश्याः शूद्रा वा राजसत्तम । न वै योनौ प्रजायन्ते स्नातास्तीर्थे महात्मनः ॥

brāhmaṇāḥ kṣatriyā vaiśyāḥ śūdrā vā rājasattama | na vai yonau prajāyante snātāstīrthe mahātmanaḥ

Brahmins, Kshatriyas, Vaishyas or Shudras, best of kings, who have bathed at the ford of the great-souled one are not born again from a womb.

Verse 32 (3.80.32)

कार्तिक्यां तु विशेषेण योऽभिगच्छति पुष्करम् । फलं तत्राक्षयं तेन लभते भरतर्षभ ॥

kārtikyāṃ tu viśeṣeṇa yo'bhigacchati puṣkaram | phalaṃ tatrākṣayaṃ tena labhate bharatarṣabha

And especially he who goes to Pushkara on the full moon of Kartika thereby wins an undying reward there, bull of the Bharatas.

Note on the text: Removed stray wiki marks (` and ') around the second line; the whole verse matches CE 3.80.52.

Verse 33 (3.80.33)

सायंप्रातः स्मरेद्यस्तु पुष्कराणि कृताञ्जलिः । उपस्पृष्टं भवेत्तेन सर्वतीर्थेषु भारत । प्राप्नुयाच्च नरो लोकान्ब्रह्मणः सदनेऽक्षयान् ॥

sāyaṃprātaḥ smaredyastu puṣkarāṇi kṛtāñjaliḥ | upaspṛṣṭaṃ bhavettena sarvatīrtheṣu bhārata | prāpnuyācca naro lokānbrahmaṇaḥ sadane'kṣayān

He who, with joined palms, calls Pushkara to mind morning and evening has thereby bathed in all the sacred fords, Bharata, and wins the imperishable worlds in the abode of Brahma.

Verse 34 (3.80.34)

जन्मप्रभृतियत्पापं स्त्रिया वा पुरुषस्य वा । पुष्करे स्नातमात्रस्य सर्वमेव प्रणश्यति ॥

janmaprabhṛtiyatpāpaṃ striyā vā puruṣasya vā | puṣkare snātamātrasya sarvameva praṇaśyati

Whatever sin a woman or a man has committed since birth is wholly destroyed by merely bathing at Pushkara.

Note on the text: Corrected पुरुषस् वा → पुरुषस्य वा (dropped akshara in Wikisource; the critical edition reads puruṣasya vā).

Verse 35 (3.80.35)

यथा सुराणां सर्वेषामादिस्तु मधुसूदनः । तथैव पुष्करं राजंस्तीर्थानामादिरुच्यते ॥

yathā surāṇāṃ sarveṣāmādistu madhusūdanaḥ | tathaiva puṣkaraṃ rājaṃstīrthānāmādirucyate

As Madhusudana is the first of all the gods, so, king, Pushkara is called the first of the sacred fords.

Verse 36 (3.80.36)

उष्य द्वादशवर्षाणि पुष्करे नियतः शुचिः । क्रतून्सर्वानवाप्नोति ब्रह्मलोकं स गच्छति ॥

uṣya dvādaśavarṣāṇi puṣkare niyataḥ śuciḥ | kratūnsarvānavāpnoti brahmalokaṃ sa gacchati

He who lives at Pushkara for twelve years, self-controlled and pure, wins the reward of all the sacrifices and goes to the world of Brahma.

Verse 37 (3.80.37)

यस्तु वर्षशतं पूर्णमग्निहोत्रमुपासते । कार्तिकीं वा वसेदेकां पुष्करे सममेव तत् ॥

yastu varṣaśataṃ pūrṇamagnihotramupāsate | kārtikīṃ vā vasedekāṃ puṣkare samameva tat

If a man tends the sacred fire for a full hundred years, or dwells at Pushkara for a single night of the Kartika full moon, the two are equal.

Verse 38 (3.80.38)

त्रीणि शृङ्गाणि शुभ्राणि त्रीणि प्रस्रवणानि च । पुष्कराण्यादिसिद्धानि न विद्मस्तत्र कारणम् ॥

trīṇi śṛṅgāṇi śubhrāṇi trīṇi prasravaṇāni ca | puṣkarāṇyādisiddhāni na vidmastatra kāraṇam

Three shining peaks, three springs, and the Pushkaras, holy from the beginning: we do not know the reason for it.

Note on the text: Wikisource prints this verse in square brackets as its 38, and the input had merged it into 39; split out, and the brackets and the inner double danda removed. Not in the critical edition (found in the vulgate recension); the critical edition records it in its apparatus as 3.80.57d*0381.

Verse 39 (3.80.39)

दुष्करं पुष्करं गन्तुं दुष्करं पुष्करे तपः । दुष्करं पुष्करे दानं वस्तुं चैव सुदुष्करम् ॥

duṣkaraṃ puṣkaraṃ gantuṃ duṣkaraṃ puṣkare tapaḥ | duṣkaraṃ puṣkare dānaṃ vastuṃ caiva suduṣkaram

Hard it is to go to Pushkara, hard to practise austerity at Pushkara, hard to give gifts at Pushkara, and hardest of all to live there.

Note on the text: Split from Wikisource 38, which the input had merged into this verse.

Verse 40 (3.80.40)

उष्य द्वादशरात्रं तु नियतो नियताशनः । प्रदक्षिणमुपावृत्य जम्बूमार्गं समाविशेत् ॥

uṣya dvādaśarātraṃ tu niyato niyatāśanaḥ | pradakṣiṇamupāvṛtya jambūmārgaṃ samāviśet

Having stayed twelve nights, self-controlled and sparing in food, and having gone round the place keeping it on his right, he should go on to Jambumarga.

Verse 41 (3.80.41)

जम्बूमार्गं समाविश्य देवर्षिपितृसेवितम् । अश्वमेधमवाप्नोति विष्णुलोकं च गच्छति ॥

jambūmārgaṃ samāviśya devarṣipitṛsevitam | aśvamedhamavāpnoti viṣṇulokaṃ ca gacchati

Entering Jambumarga, which gods, seers and ancestors frequent, he wins the reward of the horse sacrifice and goes to the world of Vishnu.

Note on the text: Corrected समाक्श्यि → समाविश्य (garbled akshara in Wikisource; the critical edition reads samāviśya).

Verse 42 (3.80.42)

तत्रोष्य रजनीः पञ्च षष्ठकालक्षमी नरः । न दुर्गतिमवाप्नोति विष्णुलोकं च गच्छति ॥

tatroṣya rajanīḥ pañca ṣaṣṭhakālakṣamī naraḥ | na durgatimavāpnoti viṣṇulokaṃ ca gacchati

A man who stays there five nights, able to bear eating only at every sixth mealtime, does not meet an evil fate and goes to the world of Vishnu.

Note on the text: Corrected कषष्ठकालक्षमी → षष्ठकालक्षमी (stray क in Wikisource; the critical edition reads ṣaṣṭhakālakṣamī). The second line differs from the critical edition's (siddhiṃ prāpnoti cottamām).

Verse 43 (3.80.43)

तत्रगत्वा महाप्राज्ञः कुर्याच्छ्राद्धं दृढव्रतः । वाजपेयमवाप्नोति दुष्कृतं चास्य नश्यति ॥

tatragatvā mahāprājñaḥ kuryācchrāddhaṃ dṛḍhavrataḥ | vājapeyamavāpnoti duṣkṛtaṃ cāsya naśyati

A wise man of firm vows who goes there and performs the shraddha rite wins the reward of the Vajapeya, and his misdeeds are destroyed.

Note on the text: Removed stray wiki marks (` and ') around this verse. Not in the critical edition (found in the vulgate recension).

Verse 44 (3.80.44)

जम्बूमार्गादुपावृत्य गच्छेत्स्थण्डिलकाश्रमम् । न दुर्गतिमवाप्नोति ब्रह्मलोकं च गच्छति ॥

jambūmārgādupāvṛtya gacchetsthaṇḍilakāśramam | na durgatimavāpnoti brahmalokaṃ ca gacchati

Turning back from Jambumarga, he should go to the hermitage of Sthandilaka; he does not meet an evil fate and goes to the world of Brahma.

Note on the text: Corrected उपावृकत्यगच्छेत् → उपावृत्य गच्छेत् (stray क and a lost word space in Wikisource; the critical edition reads upāvṛtto gacchet). The critical edition names the hermitage Tandulika (taṇḍulikāśramam) and has a different last half-line.

Verse 45 (3.80.45)

आगस्त्यं सर आसाद्य पितृदेवार्चने रतः । त्रिरात्रोपोषितो राजन्नग्निष्टोमफलं लभेत् ॥

āgastyaṃ sara āsādya pitṛdevārcane rataḥ | trirātropoṣito rājannagniṣṭomaphalaṃ labhet

Reaching the lake of Agastya, devoted to worshipping the ancestors and the gods, and fasting for three nights, king, he wins the reward of the Agnishtoma.

Verse 46 (3.80.46)

शाकवृत्तिः फलैर्वाऽपि कौमारं विन्दते पदम् । कण्वाश्रमं ततो गच्छेच्छ्रीजुष्टं लोकपूजितम् ॥

śākavṛttiḥ phalairvā'pi kaumāraṃ vindate padam | kaṇvāśramaṃ tato gacchecchrījuṣṭaṃ lokapūjitam

Living there on greens or on fruit, he gains the station of Kumara. Then he should go to the hermitage of Kanva, graced with splendour and honoured by the world.

Note on the text: Corrected गच्छेच्ध्रीजुष्टं → गच्छेच्छ्रीजुष्टं (broken conjunct in Wikisource: गच्छेत् + श्रीजुष्टं; the critical edition reads śrījuṣṭaṃ).

Verse 47 (3.80.47)

धर्मारण्यं हि तत्पुण्यमाद्यं च भरतर्षभ । यत्र प्रविष्टमात्रो वै सर्वपापैः प्रमुच्यते ॥

dharmāraṇyaṃ hi tatpuṇyamādyaṃ ca bharatarṣabha | yatra praviṣṭamātro vai sarvapāpaiḥ pramucyate

That holy place is the Dharmaranya, the primeval forest, bull of the Bharatas; merely by entering it one is freed from all sins.

Verse 48 (3.80.48)

अर्चयित्वा पितॄन्देवान्नियतो नियताशनः । सर्वकामसमृद्धः स्याद्यज्ञस्य फलमश्नुते ॥

arcayitvā pitṝndevānniyato niyatāśanaḥ | sarvakāmasamṛddhaḥ syādyajñasya phalamaśnute

Worshipping the ancestors and the gods there, self-controlled and sparing in food, he becomes rich in all his desires and wins the reward of sacrifice.

Note on the text: Corrected अर्चयुत्वा → अर्चयित्वा (wrong vowel sign in Wikisource; the critical edition reads arcayitvā).

Verse 49 (3.80.49)

प्रदक्षिणं ततः कृत्वा ययातिपतनं व्रजेत् । हयमेधस्य यज्ञस्य फलं प्राप्नोति तत्र वै ॥

pradakṣiṇaṃ tataḥ kṛtvā yayātipatanaṃ vrajet | hayamedhasya yajñasya phalaṃ prāpnoti tatra vai

Then, going round it keeping it on the right, he should go to Yayatipatana; there he wins the reward of the horse sacrifice.

Note on the text: Corrected फंल → फलं (misplaced anusvara in Wikisource; the critical edition reads phalaṃ).

Verse 50 (3.80.50)

महाकालं ततो गच्छेन्नियतो नियताशनः । कोटितीर्थमुपस्पृश्य हयमेधफलं लभेत् ॥

mahākālaṃ tato gacchenniyato niyatāśanaḥ | koṭitīrthamupaspṛśya hayamedhaphalaṃ labhet

Then he should go to Mahakala, self-controlled and sparing in food; by bathing at Kotitirtha he wins the reward of the horse sacrifice.

Verse 51 (3.80.51)

ततो गच्छेत धर्मज्ञः स्थाणोस्तीर्थमुमापतेः । नाम्ना भद्रवटं नाम त्रिषु लोकेषु विश्रुतम् ॥

tato gaccheta dharmajñaḥ sthāṇostīrthamumāpateḥ | nāmnā bhadravaṭaṃ nāma triṣu lokeṣu viśrutam

Then the knower of dharma should go to the ford of Sthanu, Uma's lord, named Bhadravata, famed in the three worlds.

Verse 52 (3.80.52)

तत्राभिगम्य चेशानं गोसहस्रफलं लभेत् । महादेवप्रसादाच्च गाणपत्यं च विन्दति ॥

tatrābhigamya ceśānaṃ gosahasraphalaṃ labhet | mahādevaprasādācca gāṇapatyaṃ ca vindati

Approaching Ishana there, he wins the reward of a thousand cows, and by the grace of Mahadeva he gains lordship over the Ganas.

Verse 53 (3.80.53)

समृद्धमसपत्नं च श्रिया युक्तं नरोत्तमः । राज्ञां चैवाधिपत्यं हि तत्र गत्वा समाप्नुयात् ॥

samṛddhamasapatnaṃ ca śriyā yuktaṃ narottamaḥ | rājñāṃ caivādhipatyaṃ hi tatra gatvā samāpnuyāt

Going there, the best of men also wins lordship over kings, prosperous, free of rivals and endowed with glory.

Note on the text: Wikisource prints this as its 53, and the input had merged it into 54; split out, and the stray wiki marks (` and ।।') around the second line removed. Not in the critical edition (found in the vulgate recension); its apparatus has the two lines as 3.80.70d*0382 and 3.80.70d*0383.

Verse 54 (3.80.54)

नर्मदां स समासाद्य नदीं त्रैलोक्यविश्रुताम् । तर्पयित्वा पितॄन्देवानग्निष्टोमफलं लभेत् ॥

narmadāṃ sa samāsādya nadīṃ trailokyaviśrutām | tarpayitvā pitṝndevānagniṣṭomaphalaṃ labhet

Reaching the Narmada, the river famed in the three worlds, and offering libations to the ancestors and the gods, he wins the reward of the Agnishtoma.

Note on the text: Split from Wikisource 53, which the input had merged into this verse. Corrected पितृन् → पितॄन् (misspelling in Wikisource; the accusative plural is पितॄन्, as in the critical edition).

Verse 55 (3.80.55)

दक्षिणं सिन्धुमासाद्य ब्रह्मचारी जितेन्द्रियः । अग्निष्टोममवाप्नोति विमानं चाधिरोहति ॥

dakṣiṇaṃ sindhumāsādya brahmacārī jitendriyaḥ | agniṣṭomamavāpnoti vimānaṃ cādhirohati

Reaching the southern Sindhu, chaste and master of his senses, he wins the reward of the Agnishtoma and ascends a celestial chariot.

Note on the text: Corrected दक्षिमं → दक्षिणं (misprint in Wikisource; the critical edition reads dakṣiṇaṃ).

Verse 56 (3.80.56)

चर्मण्वतीं समासाद्य नियतो नियताशनः । रन्तिदेवाभ्यनुज्ञातमग्निष्टोमफलं लभेत् ॥

carmaṇvatīṃ samāsādya niyato niyatāśanaḥ | rantidevābhyanujñātamagniṣṭomaphalaṃ labhet

Reaching the Charmanvati, self-controlled and sparing in food, he wins the reward of the Agnishtoma, as Rantideva allowed.

Verse 57 (3.80.57)

ततो गच्छेत धर्मज्ञ हिमवत्सुतमर्बुदम् । पृथिव्यां यत्रवै छिद्रं पूर्वमासीद्युधिष्ठिर ॥

tato gaccheta dharmajña himavatsutamarbudam | pṛthivyāṃ yatravai chidraṃ pūrvamāsīdyudhiṣṭhira

Then, knower of dharma, he should go to Arbuda, son of Himavat, where long ago there was a cleft in the earth, Yudhishthira.

Note on the text: Corrected धर्मज्ञं → धर्मज्ञ (misprint in Wikisource; the word is a vocative, as in the parallel lines of this adhyaya and in the critical edition).

Verse 58 (3.80.58)

तत्राश्रमो वसिष्ठस्य त्रिषु लोकेषु विश्रुतः । तत्रोष्य रजनीमेकां गोसहस्रफलं लभेत् ॥

tatrāśramo vasiṣṭhasya triṣu lokeṣu viśrutaḥ | tatroṣya rajanīmekāṃ gosahasraphalaṃ labhet

There is the hermitage of Vasishtha, famed in the three worlds; staying there one night, one wins the reward of a thousand cows.

Verse 59 (3.80.59)

पिङ्गतीर्थमुपस्पृश्य ब्रह्मचारी जितेन्द्रियः । कपिलानां नरश्रेष्ठ शतस्य फलमश्नुते ॥

piṅgatīrthamupaspṛśya brahmacārī jitendriyaḥ | kapilānāṃ naraśreṣṭha śatasya phalamaśnute

Bathing at Pingatirtha, chaste and master of his senses, best of men, one enjoys the reward of a hundred tawny cows.

Note on the text: Corrected शतस् → शतस्य (dropped akshara in Wikisource; the critical edition reads śatasya).

Verse 60 (3.80.60)

ततो गच्छेत राजेन्द्र प्रभासं लोकविश्रुतम् । तीर्थं देवगणैः पूज्यमृषिभिश्च निषेवितम् ॥

tato gaccheta rājendra prabhāsaṃ lokaviśrutam | tīrthaṃ devagaṇaiḥ pūjyamṛṣibhiśca niṣevitam

Then, lord of kings, he should go to Prabhasa, famed in the world, a ford worshipped by the hosts of gods and frequented by the seers.

Note on the text: Removed stray wiki marks (` and ') around the second line. The first line is CE 3.80.77a; the second is not in the critical edition's text (its apparatus has it as 3.80.77b*0385).

Verse 61 (3.80.61)

यत्र संनिहितो नित्यं स्वयमेव हुताशनः । देवतानां मुखं वीर ज्वलनोऽनिलसारथिः ॥

yatra saṃnihito nityaṃ svayameva hutāśanaḥ | devatānāṃ mukhaṃ vīra jvalano'nilasārathiḥ

There, hero, the eater of oblations is himself ever present: Fire, the mouth of the gods, whose charioteer is the wind.

Note on the text: Restored from the critical edition (3.80.77c): Wikisource prints the line देवतानां मुखं वीर ज्वलनोऽनिलसारथिः twice, and its first copy stands where the critical edition has yatra saṃnihito nityaṃ svayam eva hutāśanaḥ; that line is restored in its place and Wikisource's second line kept (CE 3.80.77e reads analo for ज्वलनो).

Verse 62 (3.80.62)

तस्मिंस्तीर्थे नरः स्नात्वा शुचिः प्रयतमानसः । अग्निष्टोमातिरात्राभ्यां फलं प्राप्नोति मानवः ॥

tasmiṃstīrthe naraḥ snātvā śuciḥ prayatamānasaḥ | agniṣṭomātirātrābhyāṃ phalaṃ prāpnoti mānavaḥ

Bathing at that ford, pure and with a restrained mind, a man wins the reward of the Agnishtoma and the Atiratra.

Verse 63 (3.80.63)

ततो गत्वा सरस्वत्याः सागरस्य च संगमे । गोसहस्रफलं तस्य स्वर्गलोकं च विन्दति । प्रभया दीप्यते नित्यमग्निवद्भरतर्षभ ॥

tato gatvā sarasvatyāḥ sāgarasya ca saṃgame | gosahasraphalaṃ tasya svargalokaṃ ca vindati | prabhayā dīpyate nityamagnivadbharatarṣabha

Then, going to the confluence of the Sarasvati and the ocean, he wins the reward of a thousand cows and reaches the world of heaven; he shines for ever with a radiance like fire, bull of the Bharatas.

Verse 64 (3.80.64)

त्रिरात्रमुषितस्तत्र तर्पयेत्पितृदेवताः । प्रभासते यथा सोमः सोऽश्वमेधं च विन्दति ॥

trirātramuṣitastatra tarpayetpitṛdevatāḥ | prabhāsate yathā somaḥ so'śvamedhaṃ ca vindati

Staying there three nights, let him offer libations to the ancestors and the gods; he shines like the moon and wins the horse sacrifice.

Note on the text: Restored from the critical edition (3.80.80a): Wikisource opens this verse with the two lines वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर, copied in error from its next verse (65), which begins with the same two lines. They stand where the critical edition has trirātram uṣitas tatra tarpayet pitṛdevatāḥ, so the duplicate is replaced by that line and Wikisource's last line kept. Also corrected सोश्वमेधं → सोऽश्वमेधं (missing avagraha).

Verse 65 (3.80.65)

वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर । वरदाने नरः स्नात्वा गोसहस्रफलं लभेत् ॥

varadānaṃ tato gacchettīrthaṃ bharatasattama | viṣṇordurvāsasā yatra varo datto yudhiṣṭhira | varadāne naraḥ snātvā gosahasraphalaṃ labhet

Then he should go, best of the Bharatas, to the ford of Varadana, where Durvasas gave a boon to Vishnu, Yudhishthira. A man who bathes at Varadana wins the reward of a thousand cows.

Note on the text: Corrected फंल → फलं (misplaced anusvara in Wikisource). The first two lines are CE 3.80.81; the third is CE 3.80.82a.

Verse 66 (3.80.66)

ततो द्वारवतीं गच्छेन्नियतो नियताशनः । पिण्डारके नरः स्नात्वा लभेद्बहुसुवर्णकम् ॥

tato dvāravatīṃ gacchenniyato niyatāśanaḥ | piṇḍārake naraḥ snātvā labhedbahusuvarṇakam

Then he should go to Dvaravati, self-controlled and sparing in food; a man who bathes at Pindaraka gains much gold.

Note on the text: Matches CE 3.80.82c–e.

Verse 67 (3.80.67)

तस्मिंस्तीर्थे महाभाग पद्मलक्षणलक्षिताः । अद्यापि मुद्रा दृश्यन्ते तदद्भुतमरिंदम ॥

tasmiṃstīrthe mahābhāga padmalakṣaṇalakṣitāḥ | adyāpi mudrā dṛśyante tadadbhutamariṃdama

At that ford, fortunate one, seals marked with the sign of the lotus are seen even today; that is a wonder, tamer of foes.

Verse 68 (3.80.68)

त्रिशूलाङ्कानि पद्मानि दृश्यन्ते कुरुनन्दन । महादेवस्य सांनिध्यं तत्र वै पुरुषर्षभ ॥

triśūlāṅkāni padmāni dṛśyante kurunandana | mahādevasya sāṃnidhyaṃ tatra vai puruṣarṣabha

Lotuses marked with the trident are seen there, joy of the Kurus; Mahadeva is present there, bull among men.

Verse 69 (3.80.69)

सागरस्य च सिन्धोश्च संगमं प्राप्य दुर्लभम् । तीर्थे सलिलराजस्य स्नात्वा प्रयतमानसः ॥

sāgarasya ca sindhośca saṃgamaṃ prāpya durlabham | tīrthe salilarājasya snātvā prayatamānasaḥ

Reaching the confluence of the ocean and the Sindhu, which is hard to attain, and bathing with a restrained mind at the ford of the Lord of Waters,

Verse 70 (3.80.70)

तर्पयित्वा पितॄन्देवानृषींश्च भरतर्षभ । प्राप्नोति वारुणं लोकं दीप्यमानं स्वतेजसा ॥

tarpayitvā pitṝndevānṛṣīṃśca bharatarṣabha | prāpnoti vāruṇaṃ lokaṃ dīpyamānaṃ svatejasā

and offering libations to the ancestors, the gods and the seers, bull of the Bharatas, he reaches the world of Varuna, blazing with its own splendour.

Verse 71 (3.80.71)

शङ्कुकर्णेश्वरं देवमर्चयित्वा युधिष्ठिर । अश्वमेधाद्दशगुणं प्रवदन्ति मनीषिणः ॥

śaṅkukarṇeśvaraṃ devamarcayitvā yudhiṣṭhira | aśvamedhāddaśaguṇaṃ pravadanti manīṣiṇaḥ

The wise say that worshipping the god Shankukarneshvara, Yudhishthira, is ten times greater than the horse sacrifice.

Verse 72 (3.80.72)

प्रदक्षिणमुपावृत्य गच्छेत भरतर्षभ । तीर्थं कुरुवरश्रेष्ठ त्रिषु लोकेषु विश्रुतम् ॥

pradakṣiṇamupāvṛtya gaccheta bharatarṣabha | tīrthaṃ kuruvaraśreṣṭha triṣu lokeṣu viśrutam

Going round it keeping it on the right, bull of the Bharatas, he should go on, best of the Kurus, to a ford famed in the three worlds,

Verse 73 (3.80.73)

शमीति नाम्ना विख्यातं सर्वपापप्रणाशनम् । तत्रब्रह्मादयो देवा उपासन्ते महेश्वरम् ॥

śamīti nāmnā vikhyātaṃ sarvapāpapraṇāśanam | tatrabrahmādayo devā upāsante maheśvaram

known by the name of Shami, the destroyer of all sins. There Brahma and the other gods worship Maheshvara.

Note on the text: The first line is CE 3.80.88e, where the ford is called Dṛmī (Wikisource: शमी); the second line is CE 3.80.89a.

Verse 74 (3.80.74)

तत्रस्नात्वाऽर्चयित्वा च रुद्रं देवगणैर्वृतम् । जन्मप्रभृतियत्पापं तत्स्नातस्य प्रणश्यति ॥

tatrasnātvā'rcayitvā ca rudraṃ devagaṇairvṛtam | janmaprabhṛtiyatpāpaṃ tatsnātasya praṇaśyati

Whoever bathes there and worships Rudra, surrounded by the hosts of gods, has all the sin he has done since birth destroyed by that bath.

Note on the text: Matches CE 3.80.89c–e, with a variant last half-line.

Verse 75 (3.80.75)

शमी चात्रनरश्रेष्ठ सर्वदेवैरभिष्टुता । तत्र स्नात्वा नरव्याघ्र हयमेधमवाप्नुयात् ॥

śamī cātranaraśreṣṭha sarvadevairabhiṣṭutā | tatra snātvā naravyāghra hayamedhamavāpnuyāt

And here, best of men, is Shami, praised by all the gods; bathing there, tiger among men, one wins the horse sacrifice.

Verse 76 (3.80.76)

गत्वा यत्रमहाप्राज्ञ विष्णुना प्रभविष्णुना । पुरा शौचं कृतंराजन्हत्वा दैवतकण्टकान् ॥

gatvā yatramahāprājña viṣṇunā prabhaviṣṇunā | purā śaucaṃ kṛtaṃrājanhatvā daivatakaṇṭakān

It is the place, wise one, where long ago the mighty Vishnu came and purified himself, king, after slaying the thorns in the side of the gods.

Verse 77 (3.80.77)

ततो गच्छेत धर्मज्ञ वसोर्धारामभिष्टुताम् । गमनादेवतस्यां हि हयमेधफलं लभेत् ॥

tato gaccheta dharmajña vasordhārāmabhiṣṭutām | gamanādevatasyāṃ hi hayamedhaphalaṃ labhet

Then, knower of dharma, he should go to the praised Vasordhara; merely by going there one wins the reward of the horse sacrifice.

Verse 78 (3.80.78)

स्नात्वा कुरुवरश्रेष्ठ प्रयतात्मा समाहितः । तर्प्य देवान्पितॄंश्चैव विष्णुलोके महीयते ॥

snātvā kuruvaraśreṣṭha prayatātmā samāhitaḥ | tarpya devānpitṝṃścaiva viṣṇuloke mahīyate

Bathing there, best of the Kurus, pure in spirit and composed, and offering libations to the gods and ancestors, he is exalted in the world of Vishnu.

Verse 79 (3.80.79)

तीर्थे चात्र सरः पुण्यं वसूनां भरतर्षभ । तत्र स्नात्वा च पीत्वा च वसूनां संमतोभवेत् ॥

tīrthe cātra saraḥ puṇyaṃ vasūnāṃ bharatarṣabha | tatra snātvā ca pītvā ca vasūnāṃ saṃmatobhavet

And at this ford, bull of the Bharatas, is the holy lake of the Vasus; by bathing there and drinking its water one becomes dear to the Vasus.

Note on the text: Corrected सर → सरः (dropped visarga in Wikisource; सरः पुण्यं, 'a holy lake'). The critical edition reads tīrthaṃ cātra paraṃ puṇyaṃ.

Verse 80 (3.80.80)

सिन्धूत्तममिति ख्यातं सर्वपापप्रणाशनम् । तत्र स्नात्वा नरश्रेष्ठ लभेद्बहुसुवर्णकम् ॥

sindhūttamamiti khyātaṃ sarvapāpapraṇāśanam | tatra snātvā naraśreṣṭha labhedbahusuvarṇakam

There is the ford known as Sindhuttama, the destroyer of all sins; bathing there, best of men, one gains much gold.

Verse 81 (3.80.81)

ब्रह्मतीर्थं समासाद्य शुचिः शीलसमन्वितः । ब्रह्मलोकमवाप्नोति गतिं च परमां व्रजेत् ॥

brahmatīrthaṃ samāsādya śuciḥ śīlasamanvitaḥ | brahmalokamavāpnoti gatiṃ ca paramāṃ vrajet

Reaching Brahmatirtha, pure and of good conduct, one attains the world of Brahma and goes to the highest state.

Note on the text: Matched to CE 3.80.96, which names the ford Brahmatunga (brahmatuṅgaṃ) and has a different second line; a recension variant.

Verse 82 (3.80.82)

कुमारिकाणां शक्रस्य तीर्थं सिद्धनिषेवितम् । तत्र स्नात्वा नरः क्षिप्रं स्वर्गलोकमवाप्नुयात् ॥

kumārikāṇāṃ śakrasya tīrthaṃ siddhaniṣevitam | tatra snātvā naraḥ kṣipraṃ svargalokamavāpnuyāt

There is the ford of Shakra's maidens, frequented by the Siddhas; bathing there, a man quickly reaches the world of heaven.

Verse 83 (3.80.83)

रेणुकायाश्च तत्रैव तीर्थं सिद्धनिषेवितम् । तत्र स्नात्वा भवेद्विप्रो निर्मलश्चन्द्रमा यथा ॥

reṇukāyāśca tatraiva tīrthaṃ siddhaniṣevitam | tatra snātvā bhavedvipro nirmalaścandramā yathā

In the same place is the ford of Renuka, frequented by the Siddhas; bathing there, a brahmin becomes spotless as the moon.

Verse 84 (3.80.84)

अथ पञ्चनदं गत्वा नियतो नियताशनः । पञ्चयज्ञानवाप्नोति क्रमशो येऽनुकीर्तिताः ॥

atha pañcanadaṃ gatvā niyato niyatāśanaḥ | pañcayajñānavāpnoti kramaśo ye'nukīrtitāḥ

Then, going to Panchanada, self-controlled and sparing in food, one wins in turn the five sacrifices that are enjoined.

Verse 85 (3.80.85)

ततो गच्छेत राजेन्द्र भीमायाः स्थानमुत्तमम् । तत्रस्नात्वा न योन्यां वै भवेद्भरतसत्तम ॥

tato gaccheta rājendra bhīmāyāḥ sthānamuttamam | tatrasnātvā na yonyāṃ vai bhavedbharatasattama

Then, lord of kings, he should go to the excellent abode of Bhima. One who bathes there, best of the Bharatas, is not born again from a womb;

Note on the text: The critical edition reads tatra snātvā tu yonyāṃ vai ('bathing at the yoni there'); Wikisource's न योन्यां is kept as its own reading.

Verse 86 (3.80.86)

देव्याः पुत्रो भवेद्राजंस्तप्तकुण्डलभूषणः । गवां शतसहस्रस्य फलं प्राप्नोति मानवः ॥

devyāḥ putro bhavedrājaṃstaptakuṇḍalabhūṣaṇaḥ | gavāṃ śatasahasrasya phalaṃ prāpnoti mānavaḥ

he becomes the goddess's son, king, adorned with earrings of refined gold, and wins the reward of a hundred thousand cows.

Verse 87 (3.80.87)

गिरिकुञ्जं समासाद्य त्रिषु लोकेषु विश्रुतम् । पितामहं नमस्कृत्य गोसहस्रफलं लभेत् ॥

girikuñjaṃ samāsādya triṣu lokeṣu viśrutam | pitāmahaṃ namaskṛtya gosahasraphalaṃ labhet

Reaching Girikunja, famed in the three worlds, and bowing to the Grandsire, one wins the reward of a thousand cows.

Verse 88 (3.80.88)

ततो गच्छेत धर्मज्ञ विमलं तीर्थमुत्तमम् । अद्यापि यत्रदृश्यन्ते मत्स्याः सौवर्णराजताः ॥

tato gaccheta dharmajña vimalaṃ tīrthamuttamam | adyāpi yatradṛśyante matsyāḥ sauvarṇarājatāḥ

Then, knower of dharma, he should go to Vimala, an excellent ford, where even today fish of gold and silver are seen.

Verse 89 (3.80.89)

तत्र स्नात्वा नरः क्षिप्रं वासवं लोकमाप्नुयात् । सर्वपापविशुद्धात्मा गच्छेत परमां गतिम् ॥

tatra snātvā naraḥ kṣipraṃ vāsavaṃ lokamāpnuyāt | sarvapāpaviśuddhātmā gaccheta paramāṃ gatim

Bathing there, a man quickly reaches the world of Vasava; cleansed of all sin, he goes to the highest state.

Note on the text: Not in the critical edition (found in the vulgate recension). The automatic alignment paired it with CE 3.80.104, but that verse matches Wikisource 92 almost word for word; only this verse's second line resembles it.

Verse 90 (3.80.90)

वितस्तां च समासाद्य संतर्प्य पितृदेवताः । नरः फलमवाप्नोति वाजपेयस्य भारत ॥

vitastāṃ ca samāsādya saṃtarpya pitṛdevatāḥ | naraḥ phalamavāpnoti vājapeyasya bhārata

Reaching the Vitasta and satisfying the ancestors and the gods, a man wins the reward of the Vajapeya, Bharata.

Note on the text: Not in the critical edition (found in the vulgate recension); the critical edition records it in its apparatus as 3.80.104d*0387 (lines 1–2).

Verse 91 (3.80.91)

काश्मीरेष्वेव नागस्य भवनं तक्षकस्य च । वितस्ताख्यमिति ख्यातं सर्वपापप्रमोचनम् ॥

kāśmīreṣveva nāgasya bhavanaṃ takṣakasya ca | vitastākhyamiti khyātaṃ sarvapāpapramocanam

In Kashmir itself is the abode of the Naga Takshaka, known as Vitasta, which releases one from all sins.

Note on the text: Corrected काश्मीरष्वेव → काश्मीरेष्वेव (dropped vowel sign in Wikisource; the apparatus reads kāśmīreṣv eva). Not in the critical edition (found in the vulgate recension); the critical edition records it in its apparatus as 3.80.104d*0387 (lines 3–4).

Verse 92 (3.80.92)

तत्रस्नात्वा नरो नूनं वाजपेयमवाप्नुयात् । सर्वपापविशुद्धात्मा गच्छेच्च परमां गतिम् ॥

tatrasnātvā naro nūnaṃ vājapeyamavāpnuyāt | sarvapāpaviśuddhātmā gacchecca paramāṃ gatim

A man who bathes there surely wins the Vajapeya; cleansed of all sin, he goes to the highest state.

Note on the text: Matched by hand: this is CE 3.80.104 (tatra snātvā naraśreṣṭha vājapeyam avāpnuyāt …), which in the critical edition closes the Vimala passage; the vulgate places the Vitasta lines before it.

Verse 93 (3.80.93)

ततो गच्छेत मलदां त्रिषु लोकेषु विश्रुताम् । पश्चिमायां तु संध्यायामुपस्पृश्य यथाविधि ॥

tato gaccheta maladāṃ triṣu lokeṣu viśrutām | paścimāyāṃ tu saṃdhyāyāmupaspṛśya yathāvidhi

Then he should go to Malada, famed in the three worlds; at the western twilight, having bathed according to the rule,

Verse 94 (3.80.94)

चरुं सप्तार्चिषे राजन्यथाशक्ति निवेदयेत् । पितॄणामक्षयं दानं प्रवदन्ति मनीषिणः ॥

caruṃ saptārciṣe rājanyathāśakti nivedayet | pitṝṇāmakṣayaṃ dānaṃ pravadanti manīṣiṇaḥ

let him offer, king, a pot of rice to the seven-flamed Fire as far as he is able. The wise call this a gift to the ancestors that never perishes.

Verse 95 (3.80.95)

ऋषयः पितरो देवा गन्धर्वाप्सरसां गणाः । गुह्यकाः किन्नरा यक्षाः सिद्धा विद्याधरा नराः ॥

ṛṣayaḥ pitaro devā gandharvāpsarasāṃ gaṇāḥ | guhyakāḥ kinnarā yakṣāḥ siddhā vidyādharā narāḥ

The seers, the ancestors, the gods, the hosts of Gandharvas and Apsarases, the Guhyakas, Kinnaras, Yakshas, Siddhas, Vidyadharas and men,

Note on the text: Not in the critical edition (found in the vulgate recension); the critical edition records it in its apparatus as 3.80.106d*0388 (lines 1–2).

Verse 96 (3.80.96)

राक्षसा दितिजा रुद्रा ब्रह्मा च मनुजाधिप । नियतः परमां दीक्षामास्थायाब्दसहस्रिकीम् ॥

rākṣasā ditijā rudrā brahmā ca manujādhipa | niyataḥ paramāṃ dīkṣāmāsthāyābdasahasrikīm

the Rakshasas, the sons of Diti, the Rudras and Brahma, lord of men, self-controlled, undertook the supreme consecration lasting a thousand years;

Note on the text: Not in the critical edition (found in the vulgate recension); the critical edition records it in its apparatus as 3.80.106d*0388 (lines 3–4).

Verse 97 (3.80.97)

विष्णोः प्रसादनं कुर्वंश्चरुं च श्रपयंस्तथा । सप्तभिः सप्तभिश्चैव ऋग्भिस्तुष्टाव केशवम् ॥

viṣṇoḥ prasādanaṃ kurvaṃścaruṃ ca śrapayaṃstathā | saptabhiḥ saptabhiścaiva ṛgbhistuṣṭāva keśavam

seeking to win Vishnu's favour and cooking the sacrificial rice, they praised Keshava with verses of the Rig Veda, seven by seven.

Note on the text: Not in the critical edition (found in the vulgate recension); the critical edition records it in its apparatus as 3.80.106d*0388 (lines 5–6).

Verse 98 (3.80.98)

ददावष्टगुणैश्वर्यं तेषां तुष्टस्तु केशवः । यथाभिलषितानन्यान्कामान्दत्त्वा महीपते ॥

dadāvaṣṭaguṇaiśvaryaṃ teṣāṃ tuṣṭastu keśavaḥ | yathābhilaṣitānanyānkāmāndattvā mahīpate

Pleased with them, Keshava gave them lordship with its eight powers, and after granting other wishes as each desired, lord of the earth,

Note on the text: Corrected दत्वा → दत्त्वा (misspelling in Wikisource; the apparatus reads dattvā). Not in the critical edition (found in the vulgate recension); the critical edition records it in its apparatus as 3.80.106d*0388 (lines 7–8).

Verse 99 (3.80.99)

तत्रैवान्तर्दधे देवो विद्युदभ्रेषु वै यथा । नाम्ना सप्तचरुं तेन ख्यातं लोकेषु भारत ॥

tatraivāntardadhe devo vidyudabhreṣu vai yathā | nāmnā saptacaruṃ tena khyātaṃ lokeṣu bhārata

the god vanished right there, like lightning in the clouds. For that reason the place is known in the world as Saptacharu, Bharata.

Note on the text: Not in the critical edition (found in the vulgate recension); the critical edition records it in its apparatus as 3.80.106d*0388 (lines 9–10).

Verse 100 (3.80.100)

गवां शतसहस्रेण राजसूयशतेन च । अश्वमेधसहस्रेण श्रेयान्सप्तार्चिषे चरुः ॥

gavāṃ śatasahasreṇa rājasūyaśatena ca | aśvamedhasahasreṇa śreyānsaptārciṣe caruḥ

A pot of rice offered to the seven-flamed Fire is better than a hundred thousand cows, a hundred Rajasuya sacrifices and a thousand horse sacrifices.

Verse 101 (3.80.101)

ततो निवृत्तो राजेन्द्र रुद्रं पदमथाविशेत् । अर्चयित्वामहादेवमश्वमेधफलं लभेत् ॥

tato nivṛtto rājendra rudraṃ padamathāviśet | arcayitvāmahādevamaśvamedhaphalaṃ labhet

Turning back from there, lord of kings, he should then enter the place of Rudra; worshipping Mahadeva there, he wins the reward of the horse sacrifice.

Note on the text: Wikisource numbers this verse 101, and the input had merged it into 102; split out, with its closing danda made a double danda. Matched to CE 3.80.108, which names the place Vastrapada (vastrāpadam) and reads abhigamya for अर्चयित्वा.

Verse 102 (3.80.102)

मणिमन्तं समासाद्य ब्रह्मचारी समाहितः । एकरात्रोषितो राजन्नग्निष्टोमफलं लभेत् ॥

maṇimantaṃ samāsādya brahmacārī samāhitaḥ | ekarātroṣito rājannagniṣṭomaphalaṃ labhet

Reaching Manimanta, chaste and composed, and staying one night, king, one wins the reward of the Agnishtoma.

Note on the text: Split from Wikisource 101, which the input had merged into this verse. Corrected एकरात्रोपितो → एकरात्रोषितो (misprint in Wikisource; उषितः 'having stayed', and the critical edition reads ekarātroṣito).

Verse 103 (3.80.103)

अथ गच्छेत राजेन्द्र देविकां लोकविश्रुताम् । प्रसूतिर्यत्र विप्राणां श्रूयते भरतर्षभ ॥

atha gaccheta rājendra devikāṃ lokaviśrutām | prasūtiryatra viprāṇāṃ śrūyate bharatarṣabha

Then, lord of kings, he should go to the Devika, famed in the world, where, we hear, the brahmins had their origin, bull of the Bharatas.

Note on the text: Corrected लोकविश्रुतम् → लोकविश्रुताम् (wrong gender ending in Wikisource; it qualifies the feminine देविकाम्, and the critical edition reads lokaviśrutām).

Verse 104 (3.80.104)

त्रिशूलपाणेः स्थानं च त्रिषु लोकेषु विश्रुतम् । देविकायां नरः स्नात्वा समभ्यर्च्य महेश्वरम् ॥

triśūlapāṇeḥ sthānaṃ ca triṣu lokeṣu viśrutam | devikāyāṃ naraḥ snātvā samabhyarcya maheśvaram

There too is the abode of the trident-bearer, famed in the three worlds. A man who bathes in the Devika and worships Maheshvara,

Note on the text: Corrected त्रिशूलपाणएः → त्रिशूलपाणेः (garbled vowel sign in Wikisource; the critical edition reads triśūlapāṇeḥ).

Verse 105 (3.80.105)

यथाशक्ति चरुं तत्र निवेद्य भरतर्षभ । सर्वकामसमृद्धस्य यज्ञस्य लभते फलम् ॥

yathāśakti caruṃ tatra nivedya bharatarṣabha | sarvakāmasamṛddhasya yajñasya labhate phalam

and offers a pot of rice there as far as he is able, bull of the Bharatas, wins the reward of a sacrifice rich in every desire.

Verse 106 (3.80.106)

कामाख्यं तत्र रुद्रस्य तीर्थं देवनिषेवितम् । तत्रस्नात्वा नरः क्षिप्रं सिद्धिं प्राप्नोति भारत ॥

kāmākhyaṃ tatra rudrasya tīrthaṃ devaniṣevitam | tatrasnātvā naraḥ kṣipraṃ siddhiṃ prāpnoti bhārata

There is Rudra's ford called Kamakhya, frequented by the gods; bathing there, a man quickly attains perfection, Bharata.

Verse 107 (3.80.107)

यजनं याजनं चैवतथैव ब्रह्मबालुकम् । पुष्पाम्भश्च उपस्पृश्य न शोचेन्मरणं गतः ॥

yajanaṃ yājanaṃ caivatathaiva brahmabālukam | puṣpāmbhaśca upaspṛśya na śocenmaraṇaṃ gataḥ

Bathing at Yajana and Yaajana, and likewise at Brahmabaluka and Pushpambhas, one does not grieve when death comes.

Verse 108 (3.80.108)

अर्धयोजनविस्तारां पञ्चयोजनमायताम् । एतां हि देविकामाहुः पुण्यां देवर्षिसेविताम् ॥

ardhayojanavistārāṃ pañcayojanamāyatām | etāṃ hi devikāmāhuḥ puṇyāṃ devarṣisevitām

Half a yojana wide and five yojanas long: this, they say, is the holy Devika, frequented by gods and seers.

Verse 109 (3.80.109)

ततो गच्छेत धर्मज्ञ दीर्घसत्रं यथाक्रमम् । तत्र ब्रह्मादयो देवाः सिद्धाश्च परमर्षयः । दीर्घसत्रमुपासन्ते दीक्षिता नियतव्रताः ॥

tato gaccheta dharmajña dīrghasatraṃ yathākramam | tatra brahmādayo devāḥ siddhāśca paramarṣayaḥ | dīrghasatramupāsante dīkṣitā niyatavratāḥ

Then, knower of dharma, he should go in due order to Dirghasatra, where Brahma and the other gods, the Siddhas and the supreme seers, consecrated and firm in their vows, attend the long sacrificial session.

Note on the text: Corrected परमर्षपः → परमर्षयः (misprint in Wikisource; the critical edition reads paramarṣayaḥ).

Verse 110 (3.80.110)

गमनादेव राजेन्द्र दीर्घसत्रमरिंदम । राजसूयाश्वमेधाभ्यां फलं प्राप्नोति भारत ॥

gamanādeva rājendra dīrghasatramariṃdama | rājasūyāśvamedhābhyāṃ phalaṃ prāpnoti bhārata

Merely by going to Dirghasatra, lord of kings, tamer of foes, one wins the reward of the Rajasuya and the horse sacrifice, Bharata.

Verse 111 (3.80.111)

ततो विनशनं गच्छेन्नियतो नियताशनः । गच्छत्यन्तर्हिता यत्रमेरुपृष्ठे सरस्वती ॥

tato vinaśanaṃ gacchenniyato niyatāśanaḥ | gacchatyantarhitā yatramerupṛṣṭhe sarasvatī

Then he should go to Vinashana, self-controlled and sparing in food, where the Sarasvati flows on hidden on the back of Meru.

Note on the text: Matches CE 3.80.118a–c; the critical edition reads marupṛṣṭhe ('on the back of the desert') for Wikisource's मेरुपृष्ठे.

Verse 112 (3.80.112)

चमसेऽथ शिवोद्भेदे नागोद्भेदे च दृश्यते । तत्र स्नात्वा नरव्याघ्र द्योतते शशिवत्सदा । स्नात्वा तु चमसोद्भेदे अग्निष्टोमफलं लभेत् ॥

camase'tha śivodbhede nāgodbhede ca dṛśyate | tatra snātvā naravyāghra dyotate śaśivatsadā | snātvā tu camasodbhede agniṣṭomaphalaṃ labhet

She is seen again at Chamasa, at Shivodbheda and at Nagodbheda. Bathing there, tiger among men, one shines for ever like the moon; bathing at Chamasodbheda, one wins the reward of the Agnishtoma.

Note on the text: Removed stray wiki marks (` and ') and a doubled danda around the middle line, and corrected शशिवत्वदा → शशिवत्सदा in it (misprint; the same line reads शशिवत्सदा at Wikisource 116). The first line is CE 3.80.118e and the last is CE 3.80.119a; the middle line is not in the critical edition (found in the vulgate recension).

Verse 113 (3.80.113)

शिवोद्भेदे नरः स्नात्वा गोसहस्रफलं लभेत् । नागोद्भेदे नरः स्नात्वा नागलोकमवाप्नुयात् ॥

śivodbhede naraḥ snātvā gosahasraphalaṃ labhet | nāgodbhede naraḥ snātvā nāgalokamavāpnuyāt

A man who bathes at Shivodbheda wins the reward of a thousand cows; a man who bathes at Nagodbheda reaches the world of the Nagas.

Note on the text: Corrected फंल → फलं (misplaced anusvara in Wikisource). The lines are CE 3.80.119c and 3.80.120a.

Verse 114 (3.80.114)

शशयानं च राजेन्द्रतीर्थमासाद्य दुर्लभम् । शतरूपप्रतिच्छन्नाः पुष्करा यत्र भारत ॥

śaśayānaṃ ca rājendratīrthamāsādya durlabham | śatarūpapraticchannāḥ puṣkarā yatra bhārata

And reaching, lord of kings, the rare ford of Shashayana, where the lotuses lie hidden in a hundred forms, Bharata,

Note on the text: Matches CE 3.80.120c–e; the critical edition reads śaśarūpa- ('in the form of hares') for Wikisource's शतरूप-.

Verse 115 (3.80.115)

सरस्वत्यां महाराज शतं संवत्सरं च ते । दृश्यन्ते भरतश्रेष्ठ वृत्तां वै कार्तिकीं सदा ॥

sarasvatyāṃ mahārāja śataṃ saṃvatsaraṃ ca te | dṛśyante bharataśreṣṭha vṛttāṃ vai kārtikīṃ sadā

in the Sarasvati, great king, they are always seen, for a hundred years, best of the Bharatas, at the close of the Kartika full moon.

Verse 116 (3.80.116)

तत्रस्नात्वा नरव्याघ्र द्योतते शशिवत्सदा । गोसहस्रफलं चैव प्राप्नुयाद्भरतर्षभ ॥

tatrasnātvā naravyāghra dyotate śaśivatsadā | gosahasraphalaṃ caiva prāpnuyādbharatarṣabha

Bathing there, tiger among men, one shines for ever like the moon and wins the reward of a thousand cows, bull of the Bharatas.

Verse 117 (3.80.117)

कुमारकोटीमासाद्य नियतः कुरुनन्दन । तत्राभिषेकं कुर्वीत पितृदेवार्चने रतः ॥

kumārakoṭīmāsādya niyataḥ kurunandana | tatrābhiṣekaṃ kurvīta pitṛdevārcane rataḥ

Reaching Kumarakoti, self-controlled, joy of the Kurus, let him bathe there, devoted to worshipping the ancestors and the gods.

Note on the text: Matches CE 3.80.123a–c.

Verse 118 (3.80.118)

गवामयुतमाप्नोति कुलं चैव समुद्धरेत् । ततो गच्छेत धर्मज्ञ रुद्रकोटिं समाहितः ॥

gavāmayutamāpnoti kulaṃ caiva samuddharet | tato gaccheta dharmajña rudrakoṭiṃ samāhitaḥ

He wins the reward of ten thousand cows and raises up his whole family. Then, knower of dharma, he should go with a composed mind to Rudrakoti,

Note on the text: The first line is CE 3.80.123e (which reads gavāmayam, the Gavamayana sacrifice); the second is CE 3.80.124a.

Verse 119 (3.80.119)

पुरा यत्र महाराज मुनिकोटिः समागता । हर्षेण महताऽऽविष्टा रुद्रदर्शनकाङ्क्षया ॥

purā yatra mahārāja munikoṭiḥ samāgatā | harṣeṇa mahatā''viṣṭā rudradarśanakāṅkṣayā

where long ago, great king, a crore of sages gathered, filled with great joy and longing to see Rudra.

Note on the text: Matches CE 3.80.124c–e, with variants.

Verse 120 (3.80.120)

अहंपूर्वमहंपूर्वं द्रक्ष्यामि वृषभध्वजम् । एवं संप्रस्थिता राजन्नृषयः किल भारत ॥

ahaṃpūrvamahaṃpūrvaṃ drakṣyāmi vṛṣabhadhvajam | evaṃ saṃprasthitā rājannṛṣayaḥ kila bhārata

"I shall see the bull-bannered god first! I shall be first!" So, it is said, king, the seers set out, Bharata.

Verse 121 (3.80.121)

ततो योगीश्वरेणापि योगमास्थाय भूपते । तेषां मन्युप्रणाशार्थमृषीणां भावितात्मनाम् ॥

tato yogīśvareṇāpi yogamāsthāya bhūpate | teṣāṃ manyupraṇāśārthamṛṣīṇāṃ bhāvitātmanām

Then the Lord of yoga too, entering into yoga, lord of the earth, to quell the resentment of those seers of cultivated soul,

Verse 122 (3.80.122)

सृष्टा कोटिस्तु रुद्राणामृषीणामग्रतः स्थिता । मया पूर्वतरं दृष्ट इतिते मेनिरे पृथक् ॥

sṛṣṭā koṭistu rudrāṇāmṛṣīṇāmagrataḥ sthitā | mayā pūrvataraṃ dṛṣṭa itite menire pṛthak

created a crore of Rudras, which stood before the seers; and each of them thought for himself, "It was I who saw him first."

Note on the text: Corrected स्रष्टा कोटीस्तु → सृष्टा कोटिस्तु (misprints in Wikisource: स्रष्टा 'creator' does not agree with स्थिता, and कोटीस्तु is not a singular form; the critical edition reads sṛṣṭā koṭis tu).

Verse 123 (3.80.123)

तेषां तुष्टो महादेवो मुनीनां भावितात्मनाम् । भक्त्या परमया राजन्वरं तेषां प्रदिष्टवान् ॥

teṣāṃ tuṣṭo mahādevo munīnāṃ bhāvitātmanām | bhaktyā paramayā rājanvaraṃ teṣāṃ pradiṣṭavān

Mahadeva was pleased with those sages of cultivated soul for their supreme devotion, king, and granted them a boon:

Verse 124 (3.80.124)

अद्यप्रभृति युष्माकं धर्मवृद्धिर्भविष्यति । तत्रस्नात्वा नरव्याघ्र रुद्रकोट्यां नरः शुचिः ॥

adyaprabhṛti yuṣmākaṃ dharmavṛddhirbhaviṣyati | tatrasnātvā naravyāghra rudrakoṭyāṃ naraḥ śuciḥ

"From this day on your dharma will grow." A man who bathes there at Rudrakoti, tiger among men, pure,

Note on the text: The first line is CE 3.80.128e; the second is CE 3.80.129a.

Verse 125 (3.80.125)

अश्वमेधमवाप्नोति कुलं चैव समुद्धरेत् । ततो गच्छेत राजेन्द्र संगमं लोकविश्रुतम् ॥

aśvamedhamavāpnoti kulaṃ caiva samuddharet | tato gaccheta rājendra saṃgamaṃ lokaviśrutam

wins the reward of the horse sacrifice and raises up his family. Then, lord of kings, he should go to the confluence famed in the world,

Note on the text: The first line is CE 3.80.129c; the second is CE 3.80.130a.

Verse 126 (3.80.126)

सरस्वत्या महापुण्यं केशवं समुपासते । यत्रब्रह्मादयो देवा ऋषयश्च तपोधनाः ॥

sarasvatyā mahāpuṇyaṃ keśavaṃ samupāsate | yatrabrahmādayo devā ṛṣayaśca tapodhanāḥ

the most holy confluence of the Sarasvati, where they worship Keshava; where Brahma and the other gods and the seers rich in austerity

Note on the text: Corrected ब्रह्माहयो → ब्रह्मादयो (misprint in Wikisource; the critical edition reads brahmādayo). The lines are CE 3.80.130c and 3.80.131a.

Verse 127 (3.80.127)

अभिगच्छन्ति राजेन्द्र चैत्रशुक्लचतुर्दशीम् । तत्रस्नात्वा नरव्याघ्र विन्देद्बहुसुवर्णकम् । सर्वपापविशुद्धात्मा ब्रह्मलोकं च गच्छति ॥

abhigacchanti rājendra caitraśuklacaturdaśīm | tatrasnātvā naravyāghra vindedbahusuvarṇakam | sarvapāpaviśuddhātmā brahmalokaṃ ca gacchati

come, lord of kings, on the fourteenth day of the bright half of Chaitra. Bathing there, tiger among men, one gains much gold and, cleansed of all sin, goes to the world of Brahma.

Note on the text: The first line is CE 3.80.131c; the other two are CE 3.80.132. Checked against the raw page: the verse is complete (three lines).

Verse 128 (3.80.128)

ऋषीणां यत्र सत्राणि समाप्तानि नराधिप । तत्रावसानमासाद्य गोसहस्रफलं लभेत् ॥

ṛṣīṇāṃ yatra satrāṇi samāptāni narādhipa | tatrāvasānamāsādya gosahasraphalaṃ labhet

Where the sacrificial sessions of the seers were brought to completion, lord of men, reaching that place of completion, one wins the reward of a thousand cows.

Note on the text: Removed the verse number 128 and a stray single danda that had slipped into the text, and set the verse's own number (the input carried it as null); the raw page prints it as 128.