Brahma on the Student, the Forest-Dweller and the Renunciant

Verse 1 (14.46.1)

एवमेतेन मार्गेण पूर्वोक्तेन यथाविधि । अधीतवान्यथाशक्ति तथैव ब्रह्मचर्यवान् ॥

evametena mārgeṇa pūrvoktena yathāvidhi | adhītavānyathāśakti tathaiva brahmacaryavān

In this very way, along the path described before and according to rule, the student who keeps the vow of celibacy studies as far as his strength allows.

Verse 2 (14.46.2)

स्वधर्मनिरतो विद्वान्सर्वेन्द्रिययतो मुनिः । गुरोः प्रियहिते युक्तः सत्यधर्मपरः शुचिः ॥

svadharmanirato vidvānsarvendriyayato muniḥ | guroḥ priyahite yuktaḥ satyadharmaparaḥ śuciḥ

Devoted to his own duty, learned, with all his senses restrained, a silent sage, intent on what pleases and benefits his teacher, firm in truth and righteousness, and pure,

Verse 3 (14.46.3)

गुरुणा समनुज्ञातो भुञ्जीतान्नमकुत्सयन् । हविष्यभैक्ष्यभुक् चापि स्थानासनविहारवान् ॥

guruṇā samanujñāto bhuñjītānnamakutsayan | haviṣyabhaikṣyabhuk cāpi sthānāsanavihāravān

and, with his teacher's permission, he should eat without finding fault with his food, living on sacrificial fare and alms, and keeping to the proper place, seat and manner of living.

Verse 4 (14.46.4)

द्विकालमग्निं जुह्वानः शुचिर्भूत्वा समाहितः । धारयीत सदा दण्डं बैल्वं पालाशमेव वा ॥

dvikālamagniṃ juhvānaḥ śucirbhūtvā samāhitaḥ | dhārayīta sadā daṇḍaṃ bailvaṃ pālāśameva vā

Offering oblations to the fire at both junctures of the day, pure and composed, he should always carry a staff of bilva or palasha wood.

Verse 5 (14.46.5)

क्षौमं कार्पासिकं वाऽपि मृगाजिनमथापि वा । सर्वं काषायरक्तं वा वासो वाऽपि द्विजस्य ह ॥

kṣaumaṃ kārpāsikaṃ vā'pi mṛgājinamathāpi vā | sarvaṃ kāṣāyaraktaṃ vā vāso vā'pi dvijasya ha

For a twice-born, the garment may be of linen, of cotton, or of antelope skin, or any cloth dyed reddish-ochre.

Verse 6 (14.46.6)

मेखला च भवेन्मौञ्जी जटी नित्योदकस्तथा । यज्ञोपवीती स्वाध्यायी अलुप्तनियतव्रतः ॥

mekhalā ca bhavenmauñjī jaṭī nityodakastathā | yajñopavītī svādhyāyī aluptaniyatavrataḥ

He should wear a girdle of munja grass, keep matted hair, bathe every day, wear the sacred thread, study the Veda, and keep his appointed vows unbroken.

Note on the text: Corrected जटो → जटी (misprint in Wikisource; ो for ी — 'wearing matted hair'; CE 14.46.6a jaṭī).

Verse 7 (14.46.7)

पूताभिश्च तथैवाद्भिः सदा दैवततर्पणम् । भावेन नियतः कुर्वन्ब्रह्मचारी प्रशस्यते ॥

pūtābhiśca tathaivādbhiḥ sadā daivatatarpaṇam | bhāvena niyataḥ kurvanbrahmacārī praśasyate

He should always make libations to the gods with pure water, and, firm in devotion, the student who does so is praised.

Verse 8 (14.46.8)

एवं युक्तो जयेत्स्वर्गमूर्ध्वरेताः समाहितः । न संसरति जातीषु परमं स्थानमाश्रितः ॥

evaṃ yukto jayetsvargamūrdhvaretāḥ samāhitaḥ | na saṃsarati jātīṣu paramaṃ sthānamāśritaḥ

Thus disciplined, with his seed held upward and his mind composed, he wins heaven; having reached the highest state, he does not wander again through births.

Verse 9 (14.46.9)

संस्कृतः सर्वसंस्कारैस्तथैव ब्रह्मचर्यवान् । ग्रामान्निष्क्रम्य चारण्ये मुनिः प्रव्रजितो वसेत् ॥

saṃskṛtaḥ sarvasaṃskāraistathaiva brahmacaryavān | grāmānniṣkramya cāraṇye muniḥ pravrajito vaset

One who has received all the sacramental rites and kept the student's vow should leave the village and live in the forest as a sage gone forth.

Verse 10 (14.46.10)

चर्मवल्कलसंवासी सायं प्रातरुपस्पृशेत् । अरण्यगोचरो नित्यं न ग्रामं प्रविशेत्पुनः ॥

carmavalkalasaṃvāsī sāyaṃ prātarupaspṛśet | araṇyagocaro nityaṃ na grāmaṃ praviśetpunaḥ

Clothed in bark and hide, he should bathe at dusk and dawn; ever roaming the wilds, he should never enter a village again.

Verse 11 (14.46.11)

अर्चयन्नतिथीन्काले दद्याच्चापि प्रतिश्रयम् । फलपत्रावरैर्मूलैः श्यामाकेन च वर्तयन् ॥

arcayannatithīnkāle dadyāccāpi pratiśrayam | phalapatrāvarairmūlaiḥ śyāmākena ca vartayan

Honouring guests in due season and giving them shelter, he should sustain himself on fruits, leaves, small roots and wild millet.

Verse 12 (14.46.12)

स नित्यमुदकं वायुं सर्वं वानेयमाश्रयेत् । प्राश्नीयादानुपूर्व्येण यथादीक्षमतन्द्रितः ॥

sa nityamudakaṃ vāyuṃ sarvaṃ vāneyamāśrayet | prāśnīyādānupūrvyeṇa yathādīkṣamatandritaḥ

He should always rely on water, air and every produce of the forest, eating in due order and without sloth, as his vow of initiation requires.

Verse 13 (14.46.13)

समूलफलशाकाद्यैरर्चेदतिथिमागतम् । यद्भक्षः स्यात्ततो दद्याद्भिक्षां नित्यमतन्द्रितः ॥

samūlaphalaśākādyairarcedatithimāgatam | yadbhakṣaḥ syāttato dadyādbhikṣāṃ nityamatandritaḥ

With roots, fruits and greens he should honour a guest who has come; and from whatever he himself eats he should always give alms, without sloth.

Verse 14 (14.46.14)

देवतातिथिपूर्वं च सदा प्राश्नीत वाग्यतः । अस्कन्दितमनाश्चैव लघ्वाशी देवताश्रयः ॥

devatātithipūrvaṃ ca sadā prāśnīta vāgyataḥ | askanditamanāścaiva laghvāśī devatāśrayaḥ

Always giving first to the gods and guests, he should eat in silence, with an unwavering mind, eating lightly, with the gods as his refuge.

Verse 15 (14.46.15)

दान्तो मैत्रः क्षमायुक्तः केशश्मश्रु च धारयन् । जुह्वन्स्वाध्यायशीलश्च सत्यधर्मपरायणः ॥

dānto maitraḥ kṣamāyuktaḥ keśaśmaśru ca dhārayan | juhvansvādhyāyaśīlaśca satyadharmaparāyaṇaḥ

Self-controlled, friendly, patient, letting his hair and beard grow, offering oblations, devoted to study, and firm in truth and righteousness,

Note on the text: Corrected कशाञ्शमश्रु → केशश्मश्रु (misprint in Wikisource: कशान् 'whips' makes no sense, and the conjunct श्म is broken; CE 14.46.15a keśaśmaśru).

Verse 16 (14.46.16)

न्यस्तदेहः सदा दक्षो वननित्यः समाहितः । एवं युक्तो जयेत्स्वर्गं वानप्रस्थो जितेन्द्रियः ॥

nyastadehaḥ sadā dakṣo vananityaḥ samāhitaḥ | evaṃ yukto jayetsvargaṃ vānaprastho jitendriyaḥ

having cast off concern for the body, ever skilful, a constant dweller in the forest, composed — thus disciplined, the forest-dweller of mastered senses wins heaven.

Verse 17 (14.46.17)

गृहस्थो ब्रह्मचारी च वानप्रस्थोऽथवा पुनः । य इच्छेन्मोक्षमास्थातुमुत्तमां वृत्तिमाश्रयेत् ॥

gṛhastho brahmacārī ca vānaprastho'thavā punaḥ | ya icchenmokṣamāsthātumuttamāṃ vṛttimāśrayet

Whether a householder, a student or a forest-dweller, whoever wishes to take up liberation should adopt the highest way of life.

Verse 18 (14.46.18)

अभयं सर्वभूतेभ्यो दत्त्वा नैष्कर्म्यमाचरेत् । सर्वभूतहितो मैत्रः सर्वेन्द्रिययतो मुनिः ॥

abhayaṃ sarvabhūtebhyo dattvā naiṣkarmyamācaret | sarvabhūtahito maitraḥ sarvendriyayato muniḥ

Having given freedom from fear to all beings, he should practise freedom from action; friendly and benevolent to all beings, the sage should restrain all his senses.

Verse 19 (14.46.19)

अयाचितमसंक्लृप्तमुपपन्नं यदृच्छया । कृत्वा प्राह्णे चरेद्भैक्ष्यं विधूमे भुक्तवज्जने ॥

ayācitamasaṃklṛptamupapannaṃ yadṛcchayā | kṛtvā prāhṇe caredbhaikṣyaṃ vidhūme bhuktavajjane

Taking what comes unasked, unplanned and by chance, he should go for alms in the forenoon, when the smoke has died down and the people have eaten.

Note on the text: Not matched by the alignment. Line 1 = CE 14.46.19ab; line 2 is a variant of CE 14.46.26cd (Wikisource कृत्वा प्राह्णे against kṛtvā vahniṃ). Wikisource arranges this part of the passage differently from the CE.

Verse 20 (14.46.20)

वृत्ते शरावसम्पाते भैक्ष्यं लिप्सेत मोक्षवित् । लाभेन च न हृष्येत नालाभे विमना भवेत् । न चातिभिक्षां भिक्षेत केवलं प्राणयात्रिकः ॥

vṛtte śarāvasampāte bhaikṣyaṃ lipseta mokṣavit | lābhena ca na hṛṣyeta nālābhe vimanā bhavet | na cātibhikṣāṃ bhikṣeta kevalaṃ prāṇayātrikaḥ

When the clatter of dishes has died down, the knower of liberation should seek alms. He should not be glad at a gain nor downcast at none, and he should not beg too much, but only enough to carry on his life.

Note on the text: Not matched by the alignment. Lines 1–2 = CE 14.46.27ab and a variant of 27cd (Wikisource लाभेन च न हृष्येत for lābhe na ca prahṛṣyeta); line 3 is the CE star line 14.46.27d*0085_01 (na cātibhikṣāṃ bhikṣeta kevalaṃ prāṇayātrikaḥ).

Verse 21 (14.46.21)

यात्रार्थी कालमाकाङ्क्षंश्चरेद्भैक्ष्यं समाहितः । लाभं साधारणं नेच्छेन्न भुञ्जीताभिपूजितः ॥

yātrārthī kālamākāṅkṣaṃścaredbhaikṣyaṃ samāhitaḥ | lābhaṃ sādhāraṇaṃ necchenna bhuñjītābhipūjitaḥ

Seeking only to keep himself going and awaiting the proper time, he should go for alms with a collected mind; he should not wish for a gain that is common to all, nor eat what has been offered with honour.

Note on the text: Not matched by the alignment. Line 1 is a variant of CE 14.46.28a (Wikisource यात्रार्थी for mātrāśī); line 2 = CE 14.46.28c.

Verse 22 (14.46.22)

अभिपूजितलाभाद्धि विजुगुप्सेत भिक्षुकः । भुक्तान्यन्नानि तिक्तानि कषायकटुकानि च ॥

abhipūjitalābhāddhi vijugupseta bhikṣukaḥ | bhuktānyannāni tiktāni kaṣāyakaṭukāni ca

A mendicant should shrink from gains that bring honour. The foods he has eaten, whether bitter, astringent or pungent,

Note on the text: Corrected अभिपूजितलाभाद्वि → अभिपूजितलाभाद्धि (misprint in Wikisource; द्वि for द्धि; CE 14.46.28e dhi). Not matched by the alignment: line 1 = CE 14.46.28e; line 2 is a variant of CE 14.46.29a (Wikisource भुक्तान्यन्नानि for śuktāny amlāni).

Verse 23 (14.46.23)

नास्वादयीत भुञ्जानो रसांश्च मधुरांस्तथा । यात्रामात्रं च भुञ्जीत केवलं प्राणधारणम् ॥

nāsvādayīta bhuñjāno rasāṃśca madhurāṃstathā | yātrāmātraṃ ca bhuñjīta kevalaṃ prāṇadhāraṇam

he should not relish while eating, nor the sweet flavours either; he should eat only enough to carry on, merely to hold the breath of life.

Note on the text: Not matched by the alignment. Line 1 = CE 14.46.29cd; line 2 is a variant of CE 14.46.29e (Wikisource प्राणधारणम् for prāṇayātrikam).

Verse 24 (14.46.24)

असंरोधेन भूतानां वृत्तिं लिप्सेत मोक्षवित् । न चान्यमन्नं लिप्सेत भिक्षमाणः कथञ्चन ॥

asaṃrodhena bhūtānāṃ vṛttiṃ lipseta mokṣavit | na cānyamannaṃ lipseta bhikṣamāṇaḥ kathañcana

The knower of liberation should seek a livelihood that obstructs no creature, and, while begging, he should not ask in any way for other food.

Verse 25 (14.46.25)

न सन्निकाशयेद्धर्मं विविक्ते विरजाश्चरेत् । शून्यागारमरण्यं वा वृक्षमूलं नदीं तथा ॥

na sannikāśayeddharmaṃ vivikte virajāścaret | śūnyāgāramaraṇyaṃ vā vṛkṣamūlaṃ nadīṃ tathā

He should not make his righteousness conspicuous; he should live apart and free of passion, taking an empty house, a forest, the foot of a tree, or a river as his lodging,

Note on the text: Corrected चारजाश्चरेत् → विरजाश्चरेत् (misprint in Wikisource; चारजाः is no word here, and the sense is 'free of passion'; CE 14.46.31a virajāś caret) and शून्यागारमण्यं → शून्यागारमरण्यं (misprint; dropped र; CE araṇyaṃ). Not matched by the alignment: line 1 = CE 14.46.31a, line 2 = CE 14.46.31c.

Verse 26 (14.46.26)

प्रतिश्रयार्थं सेवेत पार्वतीं वा पुनर्गुहाम् । ग्रामैकरात्रिको ग्रीष्मे वर्षास्वेकत्र वा वसेत् ॥

pratiśrayārthaṃ seveta pārvatīṃ vā punarguhām | grāmaikarātriko grīṣme varṣāsvekatra vā vaset

or else a mountain cave. In summer he should stay but a single night in a village; in the rainy season he should stay in one place.

Note on the text: Not matched by the alignment. Line 1 = CE 14.46.31e; line 2 = CE 14.46.32a.

Verse 27 (14.46.27)

अध्वा सूर्येण निर्दिष्टः कीटवच्च चरेन्महीम् । दयार्थं चैव भूतानां समीक्ष्य पृथिवीं चरेत् ॥

adhvā sūryeṇa nirdiṣṭaḥ kīṭavacca carenmahīm | dayārthaṃ caiva bhūtānāṃ samīkṣya pṛthivīṃ caret

His road is shown by the sun, and he should move over the earth like an insect; and out of compassion for creatures he should look carefully at the ground as he walks.

Note on the text: Corrected सूर्येणि → सूर्येण (misprint in Wikisource; stray ि; CE sūryeṇa) and दयार्तं → दयार्थं (misprint; त for थ; CE 14.46.33a dayārthaṃ). Not matched by the alignment: line 1 = CE 14.46.32c; line 2 is CE 14.46.33a.

Verse 28 (14.46.28)

सञ्चयांश्च न कुर्वीत स्नेहवासं च वर्जयेत् । पूताभिरद्भिर्नित्यं वै कार्यं कुर्वीत मोक्षवित् ॥

sañcayāṃśca na kurvīta snehavāsaṃ ca varjayet | pūtābhiradbhirnityaṃ vai kāryaṃ kurvīta mokṣavit

He should store nothing and should avoid dwelling in attachment; the knower of liberation should do whatever needs doing with purified water.

Note on the text: Not matched by the alignment. Line 1 = CE 14.46.33c; line 2 is a variant of CE 14.46.34a (Wikisource पूताभिरद्भिः for pūtena cāmbhasā).

Verse 29 (14.46.29)

उपस्पृशेदुद्धृताभिरद्भिश्च पुरुषः सदा । अहिंसा ब्रह्मचर्यं च सत्यमार्जवमेव च ॥

upaspṛśeduddhṛtābhiradbhiśca puruṣaḥ sadā | ahiṃsā brahmacaryaṃ ca satyamārjavameva ca

A man should always rinse his mouth with water drawn up from a source. Non-violence, celibacy, truth and uprightness,

Note on the text: Corrected उद्दृताभिः → उद्धृताभिः (misprint in Wikisource; उद्दृत is not a word, 'drawn up' is उद्धृत; CE 14.46.34c uddhṛtābhir). Not matched by the alignment: line 1 = CE 14.46.34c; line 2 = CE 14.46.35a.

Verse 30 (14.46.30)

अक्रोधश्चानसूया च दमो नित्यमपैशुनम् । अष्टस्वेतेषु युक्तः स्याद्व्रतेषु नियतेन्द्रियः ॥

akrodhaścānasūyā ca damo nityamapaiśunam | aṣṭasveteṣu yuktaḥ syādvrateṣu niyatendriyaḥ

freedom from anger, freedom from fault-finding, self-restraint, and freedom from slander — he should devote himself to these eight vows, with his senses restrained.

Note on the text: Not matched by the alignment. Line 1 = CE 14.46.35c; line 2 = CE 14.46.36a.

Verse 31 (14.46.31)

अपापमशठं वृत्तमजिह्मं नित्यमाचरेत् । जोषयेत सदा भोज्यं ग्रासमागतमस्पृहः ॥

apāpamaśaṭhaṃ vṛttamajihmaṃ nityamācaret | joṣayeta sadā bhojyaṃ grāsamāgatamaspṛhaḥ

He should always follow conduct that is sinless, honest and straightforward; and, free of craving, he should accept the food that has come to him, one morsel at a time.

Note on the text: Not matched by the alignment. Line 1 = CE 14.46.36c; line 2 = CE 14.46.19cd (joṣayeta sadā bhojyaṃ grāsam āgatam aspṛhaḥ), which the CE places in a different position.

Verse 32 (14.46.32)

यात्रामात्रं च भुञ्जीत केवलं प्राणयात्रिकम् । धर्मलब्धमथाश्नीयान्न काममनुवर्तयेत् ॥

yātrāmātraṃ ca bhuñjīta kevalaṃ prāṇayātrikam | dharmalabdhamathāśnīyānna kāmamanuvartayet

He should eat only enough to carry on, merely to sustain his life, and eat only what is lawfully obtained; he should not follow desire.

Verse 33 (14.46.33)

ग्रासादाच्छादनादन्यन्न गृह्णीयात्कथञ्चन । यावदाहारयेत्तावत्प्रतिगृह्णीत नाधिकम् ॥

grāsādācchādanādanyanna gṛhṇīyātkathañcana | yāvadāhārayettāvatpratigṛhṇīta nādhikam

He should never accept anything beyond food and clothing; as much as he can eat, so much he may take, and no more.

Verse 34 (14.46.34)

परेभ्यो न प्रतिग्राह्यं न च देयं कदाचन । दैन्यभावाच्च भूतानां संविभज्य सदा बुधः ॥

parebhyo na pratigrāhyaṃ na ca deyaṃ kadācana | dainyabhāvācca bhūtānāṃ saṃvibhajya sadā budhaḥ

Nothing is to be accepted from others, nor is anything ever to be given; and the wise man should always share, out of pity for the wretchedness of creatures.

Verse 35 (14.46.35)

नाददीत परस्वानि न गृह्णीयान्न याचयेत् । न किञ्चिद्विषयं भुक्त्वा स्पृहयेत्तस्य वै पुनः ॥

nādadīta parasvāni na gṛhṇīyānna yācayet | na kiñcidviṣayaṃ bhuktvā spṛhayettasya vai punaḥ

He should not take what belongs to others, nor seize, nor beg; and having once enjoyed some object, he should never long for it again.

Verse 36 (14.46.36)

मृदमापस्तथाऽन्नानि पत्रपुष्पफलानि च । असंवृतानि गृह्णीयात्प्रवृत्तानि च कार्यवान् ॥

mṛdamāpastathā'nnāni patrapuṣpaphalāni ca | asaṃvṛtāni gṛhṇīyātpravṛttāni ca kāryavān

Earth, water, food, leaves, flowers and fruits — whatever is not enclosed and lies freely available — he may take when he has need.

Verse 37 (14.46.37)

न शिल्पजीविकां जीवेद्द्विरन्नं नोत कामयेत् । न द्वेष्टा नोपदेष्टा च भवेच्च निरुपस्कृतः ॥

na śilpajīvikāṃ jīveddvirannaṃ nota kāmayet | na dveṣṭā nopadeṣṭā ca bhavecca nirupaskṛtaḥ

He should not live by a craft or wish for a second meal; he should be neither a hater nor a teacher, and should remain plain and unadorned.

Note on the text: Not matched by the alignment. Line 1 = CE 14.46.25a; line 2 = CE 14.46.25c.

Verse 38 (14.46.38)

श्रद्धापूतानि भुञ्जीत निमित्तानि च वर्जयेत् । मुधावृत्तिरसक्तश्च सर्वभूतैरसंधितः ॥

śraddhāpūtāni bhuñjīta nimittāni ca varjayet | mudhāvṛttirasaktaśca sarvabhūtairasaṃdhitaḥ

He should eat what faith has made pure and avoid signs and omens; living on what is freely given, unattached, and bound by no pact with any creature.

Note on the text: Not matched by the alignment. Line 1 = CE 14.46.25e; line 2 is a variant of CE 14.46.26a (Wikisource सर्वभूतैरसंधितः for sarvabhūtair asaṃvidam).

Verse 39 (14.46.39)

आशीर्युक्तानि सर्वाणि हिंसायुक्तानि यानि च । लोकसङ्ग्रहधर्मं च नैव कुर्यान्न कारयेत् ॥

āśīryuktāni sarvāṇi hiṃsāyuktāni yāni ca | lokasaṅgrahadharmaṃ ca naiva kuryānna kārayet

All works bound up with desire for reward and whatever is bound up with violence, and the duty of upholding the world, he should neither do nor cause others to do.

Verse 40 (14.46.40)

सर्वभावानतिक्रम्य लघुमात्रः परिव्रजेत् । समः सर्वेषु भूतेषु स्थावरेषु चरेषु च ॥

sarvabhāvānatikramya laghumātraḥ parivrajet | samaḥ sarveṣu bhūteṣu sthāvareṣu careṣu ca

Passing beyond all states of being, travelling light, he should wander the earth, the same to all beings, moving and unmoving.

Verse 41 (14.46.41)

परं नोद्वेजयेत्कञ्चिन्न च कस्यचिदुद्विजेत् । विश्वास्यः सर्वभूतानामग्र्यो मोक्षविदुच्यते ॥

paraṃ nodvejayetkañcinna ca kasyacidudvijet | viśvāsyaḥ sarvabhūtānāmagryo mokṣaviducyate

He should not distress anyone else, nor be distressed by anyone; trusted by all beings, he is called the foremost of those who know liberation.

Verse 42 (14.46.42)

अनागतं च न ध्यायेन्नातीतमनुचिन्तयेत् । वर्तमानमुपेक्षेत कालाकाङ्क्षी समाहितः ॥

anāgataṃ ca na dhyāyennātītamanucintayet | vartamānamupekṣeta kālākāṅkṣī samāhitaḥ

He should not brood on the future nor dwell on the past; he should let the present pass unheeded, composed, awaiting only his time.

Verse 43 (14.46.43)

न चक्षुषा न मनसा न वाचा दूषयेत्क्वचित् । न प्रत्यक्षं परोक्षं वा किञ्चिद्दुष्टं समाचरेत् ॥

na cakṣuṣā na manasā na vācā dūṣayetkvacit | na pratyakṣaṃ parokṣaṃ vā kiñcidduṣṭaṃ samācaret

With eye, mind or speech he should never offend, and he should never do any wrong act, whether openly or in secret.

Verse 44 (14.46.44)

इन्द्रियाण्युपसंहृत्य कूर्मोऽङ्गानीव सर्वशः । क्षीणेन्द्रियमनोबुद्धिर्निरीहः सर्वतत्त्ववित् ॥

indriyāṇyupasaṃhṛtya kūrmo'ṅgānīva sarvaśaḥ | kṣīṇendriyamanobuddhirnirīhaḥ sarvatattvavit

Drawing in his senses on every side as a tortoise draws in its limbs, with senses, mind and intellect stilled, free of striving, knowing all the principles,

Verse 45 (14.46.45)

निर्द्वन्द्वो निर्नमस्कारो निःस्वाहाकार एव च । निर्ममो निरहङ्कारो निर्योगक्षेम आत्मवान् ॥

nirdvandvo nirnamaskāro niḥsvāhākāra eva ca | nirmamo nirahaṅkāro niryogakṣema ātmavān

free from the pairs of opposites, giving no salutation, uttering no svaha, without possessiveness or egoism, without care for gain and keeping, master of himself,

Verse 46 (14.46.46)

निराशीर्निर्गुणः शान्तो निरासक्तो निराश्रयः । आत्मसङ्गी च तत्त्वज्ञो मुच्यते नात्र संशयः ॥

nirāśīrnirguṇaḥ śānto nirāsakto nirāśrayaḥ | ātmasaṅgī ca tattvajño mucyate nātra saṃśayaḥ

without wishes, without qualities, calm, unattached, without support, keeping company with the Self, knowing the truth — he is freed; there is no doubt of it.

Note on the text: Not matched by the alignment: a variant of CE 14.46.44 (Wikisource निराशीर्निर्गुणः शान्तः and आत्मसङ्गी च तत्त्वज्ञः for nirāśīḥ sarvabhūteṣu and sarvajñaḥ sarvato muktaḥ).

Verse 47 (14.46.47)

अपादपाणिपृष्ठं तदशिरस्कमनूदरम् । अभिन्नगुणकर्माणं केवलं विमलं स्थिरम् ॥

apādapāṇipṛṣṭhaṃ tadaśiraskamanūdaram | abhinnaguṇakarmāṇaṃ kevalaṃ vimalaṃ sthiram

That Reality has no feet, hands or back, no head and no belly; its qualities and actions are undivided; it is alone, spotless and steady;

Verse 48 (14.46.48)

अगन्धमरसस्पर्शमरूपाशब्दमेव च । अनुगम्यमनासक्तममांसमपि चैव यत् ॥

agandhamarasasparśamarūpāśabdameva ca | anugamyamanāsaktamamāṃsamapi caiva yat

it has no smell, taste, touch, form or sound; it is to be followed after, unattached, and it is that which is without flesh as well.

Verse 49 (14.46.49)

निश्चिन्तमव्ययं दिव्यं गृहस्थमपि सर्वदा । सर्वभूतस्थमात्मानं ये पश्यन्ति न ते मृताः ॥

niścintamavyayaṃ divyaṃ gṛhasthamapi sarvadā | sarvabhūtasthamātmānaṃ ye paśyanti na te mṛtāḥ

Free of anxiety, imperishable, divine, ever dwelling in the house of the body — those who see the Self abiding in all beings do not die.

Note on the text: Corrected निशअचिन्तमव्ययं → निश्चिन्तमव्ययं (misprint in Wikisource; a stray अ, and the conjunct श्च lost; CE 14.46.47a niścintam avyayaṃ). Recension variants, kept: दिव्यं for nityam, गृहस्थम् for hṛdistham.

Verse 50 (14.46.50)

न तत्र क्रमते बुद्धिर्नेन्द्रियाणि न देवताः । वेदा यज्ञाश्च लोकाश्च न तपो न व्रतानि च ॥

na tatra kramate buddhirnendriyāṇi na devatāḥ | vedā yajñāśca lokāśca na tapo na vratāni ca

There the intellect does not reach, nor the senses, nor the gods; the Vedas, sacrifices and worlds do not, nor austerity, nor vows.

Note on the text: Not matched by the alignment. Lines 1–2 = CE 14.46.48ab and a variant of 48cd (Wikisource न व्रतानि च for na parākramaḥ).

Verse 51 (14.46.51)

यत्र ज्ञानवतां प्राप्तिरलिङ्गग्रहणा स्मृता । तस्मादलिङ्गधर्मज्ञो धर्मतत्त्वमुपाचरेत् ॥

yatra jñānavatāṃ prāptiraliṅgagrahaṇā smṛtā | tasmādaliṅgadharmajño dharmatattvamupācaret

That is the goal where the attainment of the knowers is said to come without any outward mark. Therefore, one who knows the markless way of righteousness should practise the very essence of righteousness.

Note on the text: Corrected प्राप्तिलिङ्गग्रहणा → प्राप्तिरलिङ्गग्रहणा (misprint in Wikisource; the र of प्राप्तिः is dropped, which flips the sense — the attainment is 'without outward mark'; CE 14.46.48e prāptir aliṅgagrahaṇā, and line 2 here has अलिङ्ग). Not matched by the alignment: line 1 = CE 14.46.48e; line 2 is a variant of CE 14.46.49ab (Wikisource तस्मादलिङ्गधर्मज्ञो धर्मतत्त्वमुपाचरेत् for tasmād aliṅgo dharmajño dharmavratam anuvrataḥ).

Verse 52 (14.46.52)

गूढधर्माश्रितो विद्वान्विज्ञानचरितं चरेत् । अमूढो मूढरूपेण चरेद्धर्ममदूषयन् ॥

gūḍhadharmāśrito vidvānvijñānacaritaṃ caret | amūḍho mūḍharūpeṇa careddharmamadūṣayan

Resting on a hidden righteousness, the learned man should live a life guided by knowledge; unbewildered, he should go about as if a fool, without defiling righteousness.

Note on the text: Not matched by the alignment. Line 1 = CE 14.46.49c (Wikisource विज्ञानचरितं for ajñātacaritaṃ); line 2 = CE 14.46.50ab.

Verse 53 (14.46.53)

यथैनमवमन्येरन्परे सततमेव हि । तथावृत्तश्चरेच्छान्तः सतां धर्मानकुत्सयन् ॥

yathainamavamanyeranpare satatameva hi | tathāvṛttaścarecchāntaḥ satāṃ dharmānakutsayan

He should live in such a way that others will always slight him, and, calm, he should do so without despising the righteousness of the good.

Note on the text: Not matched by the alignment. Line 1 = CE 14.46.50cd; line 2 is a variant of CE 14.46.51ab (Wikisource तथावृत्तश्चरेच्छान्तः सतां धर्मानकुत्सयन् for tathāvṛttaś cared dharmaṃ satāṃ vartmāvidūṣayan).

Verse 54 (14.46.54)

य एवं वृत्तसम्पन्नः स मुनिः श्रेष्ठ उच्यते । इन्द्रियाणीन्द्रियार्थांश्च महाभूतानि पञ्च च ॥

ya evaṃ vṛttasampannaḥ sa muniḥ śreṣṭha ucyate | indriyāṇīndriyārthāṃśca mahābhūtāni pañca ca

One endowed with such conduct is called the best of sages. The senses and the objects of the senses, and the five great elements,

Note on the text: Not matched by the alignment. Line 1 = CE 14.46.51cd (Wikisource य एवं for yo hy evaṃ); line 2 = CE 14.46.52ab.

Verse 55 (14.46.55)

मनो बुद्धिरहङ्कारमव्यक्तं पुरुषं तथा । एतत्सर्वं प्रसङ्ख्याय यथावत्तत्त्वनिश्चयात् ॥

mano buddhirahaṅkāramavyaktaṃ puruṣaṃ tathā | etatsarvaṃ prasaṅkhyāya yathāvattattvaniścayāt

mind, intellect, ego, the unmanifest and the Person — having rightly reckoned up all this by firm grasp of the principles,

Note on the text: Not matched by the alignment. Line 1 = CE 14.46.52cd (variant); line 2 is a variant of CE 14.46.53ab (Wikisource यथावत्तत्त्वनिश्चयात् for samyak saṃtyajya nirmalaḥ).

Verse 56 (14.46.56)

ततः स्वर्गमवाप्नोति विमुक्तः सर्वबन्धनैः । एतावदन्तवेलायां परिसङ्ख्याय तत्त्ववित् ॥

tataḥ svargamavāpnoti vimuktaḥ sarvabandhanaiḥ | etāvadantavelāyāṃ parisaṅkhyāya tattvavit

he then attains heaven, freed from all bonds. Having made this reckoning at the hour of his end, the knower of truth

Note on the text: Not matched by the alignment. Line 1 = CE 14.46.53cd; line 2 is a variant of CE 14.46.54ab (Wikisource एतावदन्तवेलायां for etad evāntavelāyāṃ).

Verse 57 (14.46.57)

ध्यायेदेकान्तमास्थाय मुच्यतेऽथ निराश्रयः । निर्मुक्तः सर्वसङ्गेभ्यो वायुराकाशगो यथा ॥

dhyāyedekāntamāsthāya mucyate'tha nirāśrayaḥ | nirmuktaḥ sarvasaṅgebhyo vāyurākāśago yathā

should meditate, taking to solitude, and is then freed, without support; released from all attachments, like the wind moving in the sky,

Note on the text: Not matched by the alignment. Line 1 = CE 14.46.54cd; line 2 = CE 14.46.55ab.

Verse 58 (14.46.58)

क्षीणकोशो निरातङ्कस्तथेदं प्राप्नुयात्परम् ॥

kṣīṇakośo nirātaṅkastathedaṃ prāpnuyātparam

his store exhausted, free of dread, he reaches that highest state.

Note on the text: Not matched by the alignment. A single line, as on the page (labelled 14-46-58a): a variant of CE 14.46.55cd (Wikisource तथेदं प्राप्नुयात्परम् for prāpnoti paramaṃ padam). Nothing is lost: the line completes the sentence begun in verse 57.