The Horse Wanders South and West to Gandhara

Verse 1 (14.84.1)

मागधेनार्चितो राजन्पाण्डवः श्वेतवाहनः । दक्षिणां दिशमास्थाय चारयामास तं हयम् ॥

māgadhenārcito rājanpāṇḍavaḥ śvetavāhanaḥ | dakṣiṇāṃ diśamāsthāya cārayāmāsa taṃ hayam

Honoured by the Magadhan, O king, the Pandava of the white horses turned to the southern direction and let the horse roam there.

Verse 2 (14.84.2)

ततः स पुनरावर्त्य हयः कामचरो बली । आससाद पुरीं रम्यां चेदीनां शुक्तिसाह्वयाम् ॥

tataḥ sa punarāvartya hayaḥ kāmacaro balī | āsasāda purīṃ ramyāṃ cedīnāṃ śuktisāhvayām

Then that mighty horse, roaming at will, turned back and came to the lovely city of the Chedis called Shukti.

Verse 3 (14.84.3)

शरभेणार्चितस्तत्र शिशुपालसुतेन सः । युद्धपूर्वं तदा तेन पूजया च महाबलः ॥

śarabheṇārcitastatra śiśupālasutena saḥ | yuddhapūrvaṃ tadā tena pūjayā ca mahābalaḥ

There the mighty one was honoured by Sharabha, the son of Shishupala, first with battle and then with worship.

Note on the text: Line 2 reads युद्धपूर्वं तदा तेन पूजया च against the critical edition's युद्धपूर्वेण मानेन पूजया च (yuddhapūrveṇa mānena pūjayā ca); recension variant, kept.

Verse 4 (14.84.4)

ततोऽर्चितो ययौ राजंस्तदा स तुरगोत्तमः । काशीनङ्गान्कोसलांश्च किरातानाथ तङ्गणान् ॥

tato'rcito yayau rājaṃstadā sa turagottamaḥ | kāśīnaṅgānkosalāṃśca kirātānātha taṅgaṇān

Then, honoured there, that excellent horse went, O king, to the Kashis, the Angas, the Kosalas, the Kiratas and then the Tanganas.

Note on the text: Corrected तङ्गणात् → तङ्गणान् (misprint in Wikisource; the accusative plural is required to go with the list of peoples; the critical edition reads taṅgaṇān). Line 1 reads ततोऽर्चितो ययौ and line 2 काशीनङ्गान् against the critical edition's तत्रार्चितो ययौ and काशीन् अन्ध्रान् (kāśīn andhrān); recension variants, kept.

Verse 5 (14.84.5)

पूजां तत्र यथान्यायं प्रतिगृह्य धनंजयः । पुनरावृत्त्य कौन्तेयो दशार्णानगमत्तदा ॥

pūjāṃ tatra yathānyāyaṃ pratigṛhya dhanaṃjayaḥ | punarāvṛttya kaunteyo daśārṇānagamattadā

Having duly accepted the worship offered there, Dhananjaya, Kunti's son, turned back and then went to the Dasharnas.

Verse 6 (14.84.6)

तत्र चित्राङ्गदो नाम बलवानरिमर्दनः । तेन युद्धमभूत्तस्य विजयस्यातिभैरवम् ॥

tatra citrāṅgado nāma balavānarimardanaḥ | tena yuddhamabhūttasya vijayasyātibhairavam

There was there a powerful king named Chitrangada, a crusher of enemies; and a most terrible battle took place between him and Vijaya.

Note on the text: Line 1 reads बलवानरिमर्दनः against the critical edition's बलवान् वसुधाधिपः (balavān vasudhādhipaḥ); recension variant, kept.

Verse 7 (14.84.7)

तं चापि वशमानीय किरीटी पुरुषर्षभः । निषादराज्ञो विषयमेकलव्यस्य जग्मिवान् ॥

taṃ cāpi vaśamānīya kirīṭī puruṣarṣabhaḥ | niṣādarājño viṣayamekalavyasya jagmivān

Having brought him too under control, Kiriti, the best of men, went to the realm of the Nishada king Ekalavya.

Verse 8 (14.84.8)

एकलव्यसुतश्चैनं युद्धेन जगृहे तदा । तत्र चक्रे निषादैः स संग्रामं रोमहर्षणम् ॥

ekalavyasutaścainaṃ yuddhena jagṛhe tadā | tatra cakre niṣādaiḥ sa saṃgrāmaṃ romaharṣaṇam

Ekalavya's son then took him on in battle, and there Arjuna fought a hair-raising battle with the Nishadas.

Note on the text: Corrected युद्धेनि → युद्धेन (misprint in Wikisource; a stray इ-matra; the critical edition reads yuddhena). Corrected सग्रामं → संग्रामं (misprint in Wikisource; a missing anusvara; the critical edition reads saṃgrāmaṃ). Line 2 reads तत्र चक्रे against the critical edition's ततश्चक्रे (tataś cakre); recension variant, kept.

Verse 9 (14.84.9)

ततस्तमपि कौन्तेयः समरेष्वपराजितः । जिगाय युधि दुर्धर्षो यज्ञविघ्नार्थमागतम् ॥

tatastamapi kaunteyaḥ samareṣvaparājitaḥ | jigāya yudhi durdharṣo yajñavighnārthamāgatam

Then Kunti's son, unconquered in battles and hard to assail, defeated him too in the fight, though he had come to obstruct the sacrifice.

Note on the text: Line 2 reads जिगाय युधि दुर्धर्षो यज्ञविघ्नार्थमागतम् against the critical edition's जिगाय समरे वीरो यज्ञविघ्नार्थमुद्यतम् (jigāya samare vīro yajñavighnārtham udyatam); recension variant, kept.

Verse 10 (14.84.10)

स तं जित्वा महाराज नैषादिं पाकशासनिः । अर्चितः प्रययौ भूयो दक्षिणं सलिलार्णवम् ॥

sa taṃ jitvā mahārāja naiṣādiṃ pākaśāsaniḥ | arcitaḥ prayayau bhūyo dakṣiṇaṃ salilārṇavam

Having conquered that son of the Nishada, O great king, Indra's son went on honoured toward the southern ocean.

Verse 11 (14.84.11)

तत्रापि द्रविडैरान्ध्रै रौद्रैर्माहिषकैरपि । तथा कोल्लगिरेयैश्च युद्धमासीन्किरीटिनः ॥

tatrāpi draviḍairāndhrai raudrairmāhiṣakairapi | tathā kollagireyaiśca yuddhamāsīnkirīṭinaḥ

There too Kiriti had battles with the Dravidas, the Andhras, the Raudras, the Mahishakas and the Kollagireyas.

Note on the text: Corrected द्रवीडै → द्रविडै (misprint in Wikisource; the people are the Dravidas, not द्रवीड; the critical edition reads draviḍair).

Verse 12 (14.84.12)

तांश्चापि विजयो जित्वा नातितीव्रेण कर्मणा । तुरङ्गमवशेनाथ सुराष्ट्रानभितो ययौ । गोकर्णमथ चासाद्य प्रभासमपि जग्मिवान् ॥

tāṃścāpi vijayo jitvā nātitīvreṇa karmaṇā | turaṅgamavaśenātha surāṣṭrānabhito yayau | gokarṇamatha cāsādya prabhāsamapi jagmivān

Vijaya conquered them too, by no very hard exertion; then, as the horse led, he went all around the Surashtras, and having reached Gokarna, he went on to Prabhasa as well.

Note on the text: Line 1 = star line 14,084.011d*0158_01 ("tāṃś cāpi vijayo jitvā nātitīvreṇa karmaṇā"); lines 2-3 = CE 14,084.012 (the critical edition has "turagasya vaśenātha" for Wikisource's तुरङ्गमवशेनाथ; variant, kept). Wikisource prints the three lines as one verse.

Verse 13 (14.84.13)

ततो द्वारवतीं रम्यां वृष्णिवीराभिपालिताम् । आससाद हयः श्रीमान्कुरुराजस्य यज्ञियः ॥

tato dvāravatīṃ ramyāṃ vṛṣṇivīrābhipālitām | āsasāda hayaḥ śrīmānkururājasya yajñiyaḥ

Then the splendid sacrificial horse of the Kuru king reached lovely Dvaravati, protected by the heroes of the Vrishnis.

Note on the text: Line 1 reads वृष्णिवीराभिपालिताम् against the critical edition's वृष्णिवीराभिरक्षिताम् (…abhirakṣitām); recension variant, kept.

Verse 14 (14.84.14)

तमुन्मथ्य हयश्रेष्ठं यादवानां कुमारकाः । प्रययुस्तांस्तदा राजन्नुग्रसेनो न्यवारयत् ॥

tamunmathya hayaśreṣṭhaṃ yādavānāṃ kumārakāḥ | prayayustāṃstadā rājannugraseno nyavārayat

The young Yadava boys seized that best of horses and went off with it; but Ugrasena, O king, stopped them.

Verse 15 (14.84.15)

ततः पुराद्विनिष्क्रम्य वृष्ण्यन्धकपतिस्तदा । सहितो वासुदेवेन मातुलेन किरीटिनः ॥

tataḥ purādviniṣkramya vṛṣṇyandhakapatistadā | sahito vāsudevena mātulena kirīṭinaḥ

Then the lord of the Vrishnis and Andhakas came out of the city, together with Vasudeva, Kiriti's maternal uncle.

Note on the text: Line 1 reads ततः पुराद्विनिष्क्रम्य against the critical edition's ततः पुर्या विनिष्क्रम्य (tataḥ puryā viniṣkramya); line 2 reads वासुदेवेन against the critical edition's वसुदेवेन (vasudevena); recension variants, kept.

Verse 16 (14.84.16)

तौ समेत्य कुरुश्रेष्ठं विधिवत्प्रीतिपूर्वकम् । परया भारतश्रेष्ठं पूजया समवस्थितौ । ततस्ताभ्यामनुज्ञातो ययौ येन हयो गतः ॥

tau sametya kuruśreṣṭhaṃ vidhivatprītipūrvakam | parayā bhārataśreṣṭhaṃ pūjayā samavasthitau | tatastābhyāmanujñāto yayau yena hayo gataḥ

The two met the best of the Kurus duly and with affection, and stood by, honouring him, the best of the Bharatas, with the highest worship; then, given leave by them, he went where the horse had gone.

Note on the text: Corrected यतयौ → ययौ (misprint in Wikisource; a stray त; the critical edition reads yayau).

Verse 17 (14.84.17)

ततः स पश्चिमं देशं समुद्रस्य तदा हयः । क्रमेण व्यचरत्स्फीतं ततः पञ्चनदं ययौ ॥

tataḥ sa paścimaṃ deśaṃ samudrasya tadā hayaḥ | krameṇa vyacaratsphītaṃ tataḥ pañcanadaṃ yayau

Then the horse went to the western region by the sea, roaming through the prosperous land in due order, and then reached the Punjab, the land of the five rivers.

Note on the text: Corrected क्रमेणि → क्रमेण (misprint in Wikisource; a stray इ-matra; the critical edition reads krameṇa).

Verse 18 (14.84.18)

तस्मादपि स कौरव्य गन्धारविषयं हयः । विचचार यथाकामं कौन्तेयानुगतस्तदा ॥

tasmādapi sa kauravya gandhāraviṣayaṃ hayaḥ | vicacāra yathākāmaṃ kaunteyānugatastadā

From there too, O Kauravya, the horse roamed the land of Gandhara as it pleased, with Kunti's son following it.

Verse 19 (14.84.19)

ततो गान्धारराजेन युद्धमासीत्किरीटिनः । घोरं शकुनिपुत्रेण पूर्ववैरानुसारिणा ॥

tato gāndhārarājena yuddhamāsītkirīṭinaḥ | ghoraṃ śakuniputreṇa pūrvavairānusāriṇā

Then there was a terrible battle between Kiriti and the king of Gandhara, Shakuni's son, who was acting out the old enmity.

Note on the text: Wikisource's verse (ततो गान्धारराजेन युद्धमासीत्किरीटिनः / घोरं शकुनिपुत्रेण पूर्ववैरानुसारिणा) is the same as the critical edition's 14.84.19 (tatra gāndhārarājena yuddham āsīn mahātmanaḥ / ghoraṃ śakuniputreṇa pūrvavairānusāriṇā) with a different first line; recension variant, kept.