Drona Fights Arjuna; Bhima Routs the Elephants

Verse 1 (6.102.1)

कथं द्रोणो महेष्वासः पाण्डवश्च धनञ्जयः । समीयतू रणे यत्तौ तावुभौ पुरुषर्षभौ ॥

kathaṃ droṇo maheṣvāsaḥ pāṇḍavaśca dhanañjayaḥ | samīyatū raṇe yattau tāvubhau puruṣarṣabhau

How did the great archer Drona and Dhananjaya the Pandava, those two bulls among men, meet in battle, each intent on the fight?

Note on the text: Adhyaya note: checked against the raw Wikisource page (a table, one row per verse, 6-102-1 to 6-102-40, headed धृतराष्ट्र उवाच for verses 1–3 and सञ्जय उवाच for 4–40, ending with its colophon naming this the 102nd adhyaya, on the ninth day of battle). Page and input agree on all 40 verses; together they correspond to the critical edition 6.98.1–38 plus its star passage 6.98.34d*0392 (verse 35) and one vulgate line in verse 36. The critical edition's star passages 6.98.4d*0390 and 6.98.29d*0391 are not on the page. समीयतू रणे यत्तौ तावुभौ पुरुषर्षभौ (CE samīyatū raṇe śūrau tan mamācakṣva saṃjaya) kept as a variant.

Verse 2 (6.102.2)

प्रियो हि पाण्डवो नित्यं भारद्वाजस्य धीमतः । आचार्यश्च रणे नित्यं प्रियः पार्थस्य सञ्जय ॥

priyo hi pāṇḍavo nityaṃ bhāradvājasya dhīmataḥ | ācāryaśca raṇe nityaṃ priyaḥ pārthasya sañjaya

For the Pandava was ever dear to wise Drona, son of Bharadvaja, and in battle too the teacher was ever dear to Partha, Sanjaya.

Verse 3 (6.102.3)

तावुभौ रथिनौ सङ्ख्ये हृष्टौ सिंहाविवोत्कटौ । कथं समीयतुर्यत्तौ भारद्वाजधनञ्जयौ ॥

tāvubhau rathinau saṅkhye hṛṣṭau siṃhāvivotkaṭau | kathaṃ samīyaturyattau bhāradvājadhanañjayau

Those two chariot-warriors, Bharadvaja's son and Dhananjaya, eager and fierce as a pair of lions, how did they meet in battle, each intent on the fight?

Note on the text: Corrected रथिनो → रथिनौ (misprint in Wikisource; ो for ौ, the dual is needed with तावुभौ, critical edition rathinau). हृष्टौ and सङ्ख्ये … यत्तौ (CE dṛptau, yuddhe) kept as variants.

Verse 4 (6.102.4)

न द्रोणः समरे पार्थं जानीते प्रियमात्मनः । क्षत्रधर्मं पुरस्कृत्य पार्थो वा गुरुमाहवे ॥

na droṇaḥ samare pārthaṃ jānīte priyamātmanaḥ | kṣatradharmaṃ puraskṛtya pārtho vā gurumāhave

In battle Drona does not regard Partha as dear to him, nor does Partha so regard his teacher in war; each puts the duty of a kshatriya first.

Verse 5 (6.102.5)

न क्षत्रिया रणे राजन्वर्जयन्ति परस्परम् । निर्मर्यादं हि युध्यन्ते पितृभिर्भ्रातृभिः सह ॥

na kṣatriyā raṇe rājanvarjayanti parasparam | nirmaryādaṃ hi yudhyante pitṛbhirbhrātṛbhiḥ saha

In battle, O king, kshatriyas do not spare one another; they fight without restraint even against fathers and brothers.

Verse 6 (6.102.6)

रणे भारत पार्थेन द्रोणो विद्धस्त्रिभिः शरैः । नाचिन्तयच्च तान्बाणान्पार्थचापच्युतान्युधि ॥

raṇe bhārata pārthena droṇo viddhastribhiḥ śaraiḥ | nācintayacca tānbāṇānpārthacāpacyutānyudhi

In the battle, O Bharata, Partha pierced Drona with three arrows, but Drona paid no heed to those arrows loosed from Partha's bow in the fight.

Note on the text: नाचिन्तयच्च (CE nācintayata) kept as a variant.

Verse 7 (6.102.7)

शरवृष्ट्या पुनः पार्थश्छादयामास तं रणे । स प्रजज्वाल रोषेण गहनेऽग्निरिवोर्जितः ॥

śaravṛṣṭyā punaḥ pārthaśchādayāmāsa taṃ raṇe | sa prajajvāla roṣeṇa gahane'gnirivorjitaḥ

Again Partha covered him in the battle with a shower of arrows, and he blazed with fury like a fire grown strong in a thicket.

Note on the text: स प्रजज्वाल and इवोर्जितः (CE prajajvāla ca, ivotthitaḥ) kept as variants.

Verse 8 (6.102.8)

ततोऽर्जुनं रणे द्रोणः शरैः सन्नतपर्वभिः । छादयामास राजेन्द्र नचिरादेव भारत ॥

tato'rjunaṃ raṇe droṇaḥ śaraiḥ sannataparvabhiḥ | chādayāmāsa rājendra nacirādeva bhārata

Then, O king of kings, Drona soon covered Arjuna in the battle with smooth-jointed arrows, O Bharata.

Note on the text: छादयामास and नचिरादेव (CE vārayām āsa, nacirād iva) kept as variants.

Verse 9 (6.102.9)

ततो दुर्योधनो राजा सुशर्माणमचोदयत् । द्रोणस्य समरे राजन्पार्ष्णिग्रहणकारणात् ॥

tato duryodhano rājā suśarmāṇamacodayat | droṇasya samare rājanpārṣṇigrahaṇakāraṇāt

Then King Duryodhana urged Susharma on, O king, to guard Drona's rear in the battle.

Verse 10 (6.102.10)

त्रिगर्तराडपि क्रुद्धो भृशमायम्य कार्मुकम् । छादयामास समरे पार्थं बाणैरयोमुखैः ॥

trigartarāḍapi kruddho bhṛśamāyamya kārmukam | chādayāmāsa samare pārthaṃ bāṇairayomukhaiḥ

The king of the Trigartas too, enraged, drew his bow hard and covered Partha in the battle with iron-tipped arrows.

Verse 11 (6.102.11)

ताभ्यां मुक्ताः शरा राजन्नन्तरिक्षे विरेजिरे । हंसा इव महाराज शरत्काले नभस्तले ॥

tābhyāṃ muktāḥ śarā rājannantarikṣe virejire | haṃsā iva mahārāja śaratkāle nabhastale

The arrows loosed by those two shone in the air, O king, like swans in the sky in autumn, great king.

Verse 12 (6.102.12)

ते शराः प्राप्य कौन्तेयं समन्ताद्विविशुः प्रभो । फलभारनतं यद्वत्स्वादुवृक्षं विहंगमाः ॥

te śarāḥ prāpya kaunteyaṃ samantādviviśuḥ prabho | phalabhāranataṃ yadvatsvāduvṛkṣaṃ vihaṃgamāḥ

Those arrows reached Kaunteya and entered him from every side, my lord, as birds settle on a sweet-fruited tree bowed down with its load of fruit.

Note on the text: समन्ताद्विविशुः (CE samastā viviśuḥ) kept as a variant.

Verse 13 (6.102.13)

अर्जुनस्तु रणे नादं विनद्य रथिनां वरः । त्रिगर्तराजं समरे सपुत्रं विव्यधे शरैः ॥

arjunastu raṇe nādaṃ vinadya rathināṃ varaḥ | trigartarājaṃ samare saputraṃ vivyadhe śaraiḥ

But Arjuna, best of chariot-warriors, let out a roar in the battle and pierced the king of the Trigartas and his son with arrows.

Verse 14 (6.102.14)

ते वध्यमानाः पार्थेन कालेनेव युगक्षये । पार्थमेवाभ्यवर्तन्त मरणे कृतनिश्चयाः । मुमुचुः शरवृष्टिं च पाण्डवस्य रथं प्रति ॥

te vadhyamānāḥ pārthena kāleneva yugakṣaye | pārthamevābhyavartanta maraṇe kṛtaniścayāḥ | mumucuḥ śaravṛṣṭiṃ ca pāṇḍavasya rathaṃ prati

Struck down by Partha as by Time at the end of an age, they turned on Partha alone, resolved to die, and loosed a shower of arrows at the Pandava's chariot.

Verse 15 (6.102.15)

शरवृष्टिं ततस्तां तु शरवर्षैः समन्ततः । प्रतिजग्राह राजेन्द्र तोयवृष्टिमिवाचलः ॥

śaravṛṣṭiṃ tatastāṃ tu śaravarṣaiḥ samantataḥ | pratijagrāha rājendra toyavṛṣṭimivācalaḥ

That shower of arrows he met on every side with showers of his own, O king of kings, as a mountain takes a shower of rain.

Note on the text: शरवर्षैः समन्ततः (CE śaravarṣeṇa pāṇḍavaḥ) kept as a variant.

Verse 16 (6.102.16)

तत्राद्भुतमपश्याम बीभत्सोर्हस्तलाघवम् । विमुक्तां बहुभिर्योधैः शस्त्रवृष्टिं दुरासदाम् ॥

tatrādbhutamapaśyāma bībhatsorhastalāghavam | vimuktāṃ bahubhiryodhaiḥ śastravṛṣṭiṃ durāsadām

There we saw the wonderful lightness of Bibhatsu's hand: the shower of weapons, hard to withstand, loosed by many warriors,

Note on the text: योधैः (CE śūraiḥ) kept as a variant.

Verse 17 (6.102.17)

यदेको वारयामास मारुतोऽभ्रगणानिव । कर्मणा तेन पार्थस्य तुतुषुर्देवदानवाः ॥

yadeko vārayāmāsa māruto'bhragaṇāniva | karmaṇā tena pārthasya tutuṣurdevadānavāḥ

he held off alone, as the wind drives off masses of cloud. At that feat of Partha's the gods and Danavas were delighted.

Verse 18 (6.102.18)

अथ क्रुद्धो रणे पार्थस्त्रिगर्तान्प्रति भारत । मुमोचास्त्रं महाराज वायव्यं पृतनामुखे ॥

atha kruddho raṇe pārthastrigartānprati bhārata | mumocāstraṃ mahārāja vāyavyaṃ pṛtanāmukhe

Then Partha, enraged in battle against the Trigartas, O Bharata, loosed the wind weapon at the head of their army, great king.

Verse 19 (6.102.19)

प्रादुरासीत्ततो वायुः क्षोभयाणो नभस्तलम् । पातयन्वै तरुगणान्विनिघ्नंश्चैव सैनिकान् ॥

prādurāsīttato vāyuḥ kṣobhayāṇo nabhastalam | pātayanvai tarugaṇānvinighnaṃścaiva sainikān

A wind arose, churning the sky, felling clusters of trees and striking down soldiers.

Verse 20 (6.102.20)

ततो द्रोणोऽभिवीक्ष्यैव वायव्यास्त्रं सुदारुणम् । शैलमन्यन्महाराज घोरमस्त्रं मुमोच ह ॥

tato droṇo'bhivīkṣyaiva vāyavyāstraṃ sudāruṇam | śailamanyanmahārāja ghoramastraṃ mumoca ha

Then Drona, seeing that terrible wind weapon, loosed another dreadful weapon, the mountain weapon, great king.

Verse 21 (6.102.21)

द्रोणेन युधि निर्मुक्ते तस्मिन्नस्त्रे नराधिप । प्रशशाम ततो वायुः प्रसन्नाश्च दिशो दश ॥

droṇena yudhi nirmukte tasminnastre narādhipa | praśaśāma tato vāyuḥ prasannāśca diśo daśa

When Drona had loosed that weapon in the battle, O lord of men, the wind died down and the ten directions grew clear.

Note on the text: Corrected वयुः → वायुः (misprint in Wikisource; a dropped ा, critical edition vāyuḥ). नराधिप and प्रसन्नाश्च दिशो दश (CE mahāmṛdhe, prasannāś cābhavan diśaḥ) kept as variants.

Verse 22 (6.102.22)

ततः पाण्डुसुतो वीरस्त्रिगर्तस्य रथव्रजान् । निरुत्साहान्रणे चक्रे विमुखान्विपराक्रमान् ॥

tataḥ pāṇḍusuto vīrastrigartasya rathavrajān | nirutsāhānraṇe cakre vimukhānviparākramān

Then the heroic son of Pandu left the Trigarta's squadrons of chariots dispirited in the battle, turned back and stripped of their valour.

Verse 23 (6.102.23)

ततो दुर्योधनश्चैव कृपश्च रथिनां वरः । अश्वत्थामा तथा शल्यः काम्भोजश्च सुदक्षिणः ॥

tato duryodhanaścaiva kṛpaśca rathināṃ varaḥ | aśvatthāmā tathā śalyaḥ kāmbhojaśca sudakṣiṇaḥ

Then Duryodhana and Kripa, best of chariot-warriors, Ashvatthama, Shalya, and Sudakshina of Kamboja,

Note on the text: दुर्योधनश्चैव and तथा (CE duryodhano rājā, tataḥ) kept as variants.

Verse 24 (6.102.24)

विन्दानुविन्दावावन्त्यौ बाह्लिकः सह बाह्लिकैः । महता रथवंशेन पार्थस्यावारयन्दिशः ॥

vindānuvindāvāvantyau bāhlikaḥ saha bāhlikaiḥ | mahatā rathavaṃśena pārthasyāvārayandiśaḥ

Vinda and Anuvinda of Avanti, and Bahlika with his Bahlikas, closed off every direction against Partha with a great host of chariots.

Note on the text: बाह्लिकः सह बाह्लिकैः (CE bāhlikaś ca sabāhlikaḥ) kept as a variant.

Verse 25 (6.102.25)

तथैव भगदत्तश्च श्रुतायुश्च महाबलः । गजानीकेन भीमस्य ताववारयतां दिशः ॥

tathaiva bhagadattaśca śrutāyuśca mahābalaḥ | gajānīkena bhīmasya tāvavārayatāṃ diśaḥ

Likewise Bhagadatta and mighty Shrutayu closed off every direction against Bhima with a division of elephants.

Note on the text: Corrected श्रतायुश्च → श्रुतायुश्च (misprint in Wikisource; a dropped ु, critical edition śrutāyuś).

Verse 26 (6.102.26)

भूरिश्रवाः शलश्चैव सौबलश्च विशांपते । शरौघैर्विमलैस्तीक्ष्णैर्माद्रीपुत्राववारयन् ॥

bhūriśravāḥ śalaścaiva saubalaśca viśāṃpate | śaraughairvimalaistīkṣṇairmādrīputrāvavārayan

Bhurishravas, Shala and Saubala, O lord of the people, held off the two sons of Madri with floods of bright, sharp arrows.

Note on the text: विमलैस्तीक्ष्णैः (CE vividhais tūrṇaṃ) kept as a variant.

Verse 27 (6.102.27)

भीष्मस्तु संहतः सङ्ख्ये धार्तराष्ट्रैः ससैनिकैः । युधिष्ठिरं समासाद्य सर्वतः पर्यवारयत् ॥

bhīṣmastu saṃhataḥ saṅkhye dhārtarāṣṭraiḥ sasainikaiḥ | yudhiṣṭhiraṃ samāsādya sarvataḥ paryavārayat

Bhishma, banded together in the fight with Dhritarashtra's sons and their soldiers, came upon Yudhishthira and surrounded him on every side.

Note on the text: संहतः … धार्तराष्ट्रैः ससैनिकैः (CE sahitaḥ sarvair dhārtarāṣṭrasya sainikaiḥ) kept as a variant.

Verse 28 (6.102.28)

आपतन्तं गजानीकं दृष्ट्वा पार्थो वृकोदरः । लेलिहन्सृक्किणी वीरो मृगराडिव कानने ॥

āpatantaṃ gajānīkaṃ dṛṣṭvā pārtho vṛkodaraḥ | lelihansṛkkiṇī vīro mṛgarāḍiva kānane

Seeing the division of elephants bearing down, Partha Vrikodara, the hero, licked the corners of his mouth like a king of beasts in the forest.

Note on the text: Corrected लोलिहन् → लेलिहन् (misprint in Wikisource; ो for े, the intensive participle of लिह् is लेलिहत्, critical edition lelihan).

Verse 29 (6.102.29)

भीमस्तु रथिनां श्रेष्ठो गदां गृह्य महाहवे । अवप्लुत्य रथात्तूर्णं तव सैन्यान्यभीषयत् ॥

bhīmastu rathināṃ śreṣṭho gadāṃ gṛhya mahāhave | avaplutya rathāttūrṇaṃ tava sainyānyabhīṣayat

Bhima, best of chariot-warriors, took up his mace in the great battle, leapt swiftly down from his chariot and struck terror into your troops.

Note on the text: भीमस्तु and सैन्यान्यभीषयत् (CE tatas tu, sainyam abhīṣayat) kept as variants.

Verse 30 (6.102.30)

तमुद्वीक्ष्य गदाहस्तं ततस्ते गजसादिनः । परिवव्रू रणे यत्ता भीमसेनं समन्ततः ॥

tamudvīkṣya gadāhastaṃ tataste gajasādinaḥ | parivavrū raṇe yattā bhīmasenaṃ samantataḥ

Seeing him mace in hand, the elephant-riders, intent on the fight, surrounded Bhimasena on every side in the battle.

Verse 31 (6.102.31)

गजमध्यमनुप्राप्तः पाण्डवः स व्यराजत । मेघजालस्य महतो यथा मध्यगतो रविः ॥

gajamadhyamanuprāptaḥ pāṇḍavaḥ sa vyarājata | meghajālasya mahato yathā madhyagato raviḥ

Come into the midst of the elephants, the Pandava shone like the sun in the middle of a vast mass of cloud.

Note on the text: स (CE ca) kept as a variant.

Verse 32 (6.102.32)

व्यधमत्स गजानीकं गदया पाण्डवर्षभः । महाभ्रजालमतुलं मातरिश्वेव सन्ततम् ॥

vyadhamatsa gajānīkaṃ gadayā pāṇḍavarṣabhaḥ | mahābhrajālamatulaṃ mātariśveva santatam

That bull among the Pandavas scattered the elephant division with his mace, as the wind scatters a vast, unbroken spread of great clouds.

Verse 33 (6.102.33)

ते वध्यमाना बलिना भीमसेनेन दन्तिनः । आर्तनादं रणे चक्रुर्गर्जन्तो जलदा इव ॥

te vadhyamānā balinā bhīmasenena dantinaḥ | ārtanādaṃ raṇe cakrurgarjanto jaladā iva

Struck by mighty Bhimasena, the tuskers cried out in pain on the field, rumbling like thunderclouds.

Verse 34 (6.102.34)

बहुधा दारितश्चैव विषाणैस्तत्र दन्तिभिः । फुल्लाशोकनिभः पार्थः शुशुभे रणमूर्धनि ॥

bahudhā dāritaścaiva viṣāṇaistatra dantibhiḥ | phullāśokanibhaḥ pārthaḥ śuśubhe raṇamūrdhani

Gashed in many places there by the tusks of the elephants, Partha shone at the forefront of the battle like an ashoka tree in full flower.

Verse 35 (6.102.35)

सादिनां शस्त्रवृष्टिं च व्यधमद्गदया ततः । वायुवेगसमायुक्तो व्यचरत्पाण्डवो युधि ॥

sādināṃ śastravṛṣṭiṃ ca vyadhamadgadayā tataḥ | vāyuvegasamāyukto vyacaratpāṇḍavo yudhi

With his mace he scattered the shower of weapons from the riders, and, swift as the wind, the Pandava ranged over the battlefield.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.98.34d*0392 (both lines, identical). Removed a stray backtick and quote mark around line 1 (wiki marks in Wikisource) and the doubled danda.

Verse 36 (6.102.36)

विषाणोल्लिखितैर्गात्रैर्विषाणाभिहतो भृशम् । विषाणे दन्तिनं गृह्य निर्विषाणमथाकरोत् ॥

viṣāṇollikhitairgātrairviṣāṇābhihato bhṛśam | viṣāṇe dantinaṃ gṛhya nirviṣāṇamathākarot

His limbs scored by tusks and hard struck by tusks, he seized an elephant by its tusk and left it tuskless.

Note on the text: Line 1 is not in the critical edition (found in the vulgate recension); line 2 is 6.98.35ab. Corrected गात्रौर् → गात्रैर् (misprint in Wikisource; ौ for ै, the instrumental plural is needed). Verses 36–37 here = critical edition 6.98.35 plus the vulgate line.

Verse 37 (6.102.37)

विषाणेन च तेनैव कुम्भेऽभ्याहत्य दन्तिनम् । पातयामास समरे दण्डहस्त इवान्तकः ॥

viṣāṇena ca tenaiva kumbhe'bhyāhatya dantinam | pātayāmāsa samare daṇḍahasta ivāntakaḥ

And with that same tusk he struck the elephant on its temple and felled it in the battle, like Death with his rod in hand.

Note on the text: Corresponds to 6.98.35cd + 6.98.35ef. Corrected कुम्भोऽभ्याहत्य → कुम्भेऽभ्याहत्य (misprint in Wikisource; ो for े, the locative "on the temple" is needed, critical edition kumbhe 'bhyāhatya).

Verse 38 (6.102.38)

शोणिताक्तां गदां बिभ्रन्मेदोमज्जाकृतच्छविः । कृताभ्यङ्गः शोणितेन रुद्रवत्प्रत्यदृश्यत ॥

śoṇitāktāṃ gadāṃ bibhranmedomajjākṛtacchaviḥ | kṛtābhyaṅgaḥ śoṇitena rudravatpratyadṛśyata

Bearing his blood-smeared mace, his body daubed with fat and marrow and anointed with blood, he looked like Rudra.

Note on the text: Corrected मेदोभञ्जा → मेदोमज्जा (misprint in Wikisource; भ for म and ञ्ज for ज्ज, giving no word, critical edition medomajjā). कृताभ्यङ्गः (CE kṛtāṅgadaḥ) kept as a variant.

Verse 39 (6.102.39)

एवं ते वध्यमानाश्च हतशेषा महागजाः । प्राद्रवन्त दिशो राजन्विमृद्नन्तः स्वकं बलम् ॥

evaṃ te vadhyamānāśca hataśeṣā mahāgajāḥ | prādravanta diśo rājanvimṛdnantaḥ svakaṃ balam

Struck down in this way, the great elephants that were left alive fled in every direction, O king, trampling their own army.

Note on the text: Corrected के → ते (misprint in Wikisource; क for त, critical edition te) and विमृद्गन्तः → विमृद्नन्तः (misprint; ग for न, critical edition vimṛdnantaḥ). च (CE tu) kept as a variant.

Verse 40 (6.102.40)

द्रवद्भिस्तैर्महानागैः समन्ताद्भरतर्षभ । दुर्योधनबलं सर्वं पुनरासीत्पराङ्मुखम् ॥

dravadbhistairmahānāgaiḥ samantādbharatarṣabha | duryodhanabalaṃ sarvaṃ punarāsītparāṅmukham

With those great elephants fleeing on all sides, O bull of the Bharatas, Duryodhana's whole army turned its back once more.

Note on the text: Corrected पराङ्भुखम् → पराङ्मुखम् (misprint in Wikisource; भ for म, critical edition parāṅmukham).