The Pandavas Form the Vajra Array

Verse 1 (6.19.1)

अक्षौहिणीं दशैकां च व्यूढां दृष्ट्वा युधिष्ठिरः । कथमल्पेन सैन्येन प्रत्यव्यूहत पाण्डवः ॥

akṣauhiṇīṃ daśaikāṃ ca vyūḍhāṃ dṛṣṭvā yudhiṣṭhiraḥ | kathamalpena sainyena pratyavyūhata pāṇḍavaḥ

Seeing the eleven akshauhinis drawn up in array, how did Yudhishthira the Pandava form a counter-array with his small army?

Note on the text: Corrected अर्क्षांहिणीं → अक्षौहिणीं (misprint in Wikisource; a garbled akshara group, the critical edition reads akṣauhiṇyo … vyūḍhāṃ, here in the accusative singular).

Verse 2 (6.19.2)

यो वेद मानुषं व्यूहं दैवं गान्धर्वमासुरम् । कथं भीष्मं स कौन्तेयः प्रत्यव्यूहत सञ्जय ॥

yo veda mānuṣaṃ vyūhaṃ daivaṃ gāndharvamāsuram | kathaṃ bhīṣmaṃ sa kaunteyaḥ pratyavyūhata sañjaya

Bhishma knows the human array and those of the gods, the Gandharvas and the Asuras. How, Sanjaya, did the son of Kunti draw up his forces against him?

Note on the text: Corrected प्रत्ययूहत → प्रत्यव्यूहत (misprint in Wikisource; the akshara व्य dropped, as verse 1 shows; the critical edition reads pratyavyūhata).

Verse 3 (6.19.3)

धार्तराष्ट्राण्यनीकानि दृष्ट्वा व्यूढानि पाण्डवः । अभ्यभाषत धर्मात्मा धर्मराजो धनञ्जयम् ॥

dhārtarāṣṭrāṇyanīkāni dṛṣṭvā vyūḍhāni pāṇḍavaḥ | abhyabhāṣata dharmātmā dharmarājo dhanañjayam

Seeing the Dhartarashtra divisions arrayed, the righteous Pandava, the King of Dharma, spoke to Dhananjaya:

Verse 4 (6.19.4)

महर्षेर्वचनात्तात वेदयन्ति बृहस्पतेः । संहतान्योधयेदल्पान्कामं विस्तारयेद्बहून् ॥

maharṣervacanāttāta vedayanti bṛhaspateḥ | saṃhatānyodhayedalpānkāmaṃ vistārayedbahūn

"My dear one, men teach on the word of the great sage Brihaspati that a small force should be made to fight closely massed, while a large one may be spread out at will.

Note on the text: Speaker set to Yudhishthira: verses 4–5 are wholly his words to Arjuna, announced in verse 3; Wikisource prints no heading and the input carried सञ्जय.

Verse 5 (6.19.5)

सूचीमुखमनीकं स्यादल्पानां बहुभिः सह । अस्माकं च तथा सैन्यमल्पीयः सुतरां परैः ॥

sūcīmukhamanīkaṃ syādalpānāṃ bahubhiḥ saha | asmākaṃ ca tathā sainyamalpīyaḥ sutarāṃ paraiḥ

When the few fight against the many, the array should be needle-mouthed. And our army is small — far smaller than the enemy's.

Note on the text: Speaker: Yudhishthira (see verse 4).

Verse 6 (6.19.6)

एतद्वचनमाज्ञाय महर्षेर्व्यूह पाण्डव । एतच्छ्रुत्वा धर्मराजं प्रत्यभाषत पाण्डवः ॥

etadvacanamājñāya maharṣervyūha pāṇḍava | etacchrutvā dharmarājaṃ pratyabhāṣata pāṇḍavaḥ

"Bearing in mind the great sage's words, O Pandava, form the array." Hearing this, the Pandava Arjuna answered the King of Dharma:

Note on the text: The first line closes Yudhishthira's speech; the verse is kept with the narrator because its second line is narration.

Verse 7 (6.19.7)

एष व्यूहामि ते व्यूहं राजसत्तम दुर्जयम् । अचलं नाम वज्राख्यं विहितं वज्रपाणिना ॥

eṣa vyūhāmi te vyūhaṃ rājasattama durjayam | acalaṃ nāma vajrākhyaṃ vihitaṃ vajrapāṇinā

"Best of kings, I shall form for you an array that is hard to overcome — the immovable one called Vajra, devised by the wielder of the thunderbolt.

Note on the text: Speaker set to Arjuna: verses 7–15 are wholly his reply, announced in verse 6 and closed by "इति बीभत्सुरब्रवीत्" in verse 15; Wikisource prints no heading and the input carried सञ्जय.

Verse 8 (6.19.8)

यः स वात इवोद्भूतः समरे दुःसहः परैः । स नः पुरो योत्स्यते वै भीमः प्रहरतां वरः ॥

yaḥ sa vāta ivodbhūtaḥ samare duḥsahaḥ paraiḥ | sa naḥ puro yotsyate vai bhīmaḥ praharatāṃ varaḥ

He who is like a raging wind, unbearable to enemies in battle — Bhima, best of fighters — will fight at our front.

Note on the text: Corrected योत्सयते → योत्स्यते (misprint in Wikisource; a dropped virama in the future tense; the critical edition reads yotsyati). Speaker: Arjuna (see verse 7).

Verse 9 (6.19.9)

तेजांसि रिपुसैन्यानां मृद्गन्पुरुषसत्तमः । अग्रेऽग्रणीर्योत्स्यति नो युद्धोपायविचक्षणः ॥

tejāṃsi ripusainyānāṃ mṛdganpuruṣasattamaḥ | agre'graṇīryotsyati no yuddhopāyavicakṣaṇaḥ

Crushing the might of the enemy hosts, that best of men, skilled in the ways of war, will fight in front as our leader.

Note on the text: Corrected अग्नेऽग्रणीः → अग्रेऽग्रणीः (misprint in Wikisource; न for र, "in front", the critical edition reads agre 'graṇīḥ). Speaker: Arjuna (see verse 7).

Verse 10 (6.19.10)

यं दृष्ट्वा कुरवः सर्वे दुर्योधनपुरोगमाः । निवर्तिष्यन्ति संत्रस्ताः सिंहं क्षुद्रमृगा यथा ॥

yaṃ dṛṣṭvā kuravaḥ sarve duryodhanapurogamāḥ | nivartiṣyanti saṃtrastāḥ siṃhaṃ kṣudramṛgā yathā

Seeing him, all the Kurus led by Duryodhana will turn back in terror, like small beasts before a lion.

Note on the text: Speaker: Arjuna (see verse 7).

Verse 11 (6.19.11)

तं सर्वे संश्रयिष्यामः प्राकारमकुतोभयाः । भीमं प्रहरतां श्रेष्ठं देवराजमिवामराः ॥

taṃ sarve saṃśrayiṣyāmaḥ prākāramakutobhayāḥ | bhīmaṃ praharatāṃ śreṣṭhaṃ devarājamivāmarāḥ

We shall all take shelter in Bhima, best of fighters, as in a rampart, fearing nothing from any side, as the immortals take shelter in the king of the gods.

Note on the text: Corrected देवाराजमिवामराः → देवराजमिवामराः (misprint in Wikisource; a stray long vowel in देवराज). Speaker: Arjuna (see verse 7).

Verse 12 (6.19.12)

न हि सोऽस्ति पुमाँल्लोके यः संक्रुद्धं वृकोदरम् । द्रष्टुमत्युग्रकर्माणं विषहेत नरर्षभम् ॥

na hi so'sti pumām̐lloke yaḥ saṃkruddhaṃ vṛkodaram | draṣṭumatyugrakarmāṇaṃ viṣaheta nararṣabham

There is no man in the world who could bear even to look upon Vrikodara, that bull among men of terrible deeds, when he is enraged.

Note on the text: Speaker: Arjuna (see verse 7).

Verse 13 (6.19.13)

भीमसेनो गदां बिभ्रद्वज्रसारमयीं दृढाम् । चरन्वेगेन महता समुद्रमपि शोषयेत् ॥

bhīmaseno gadāṃ bibhradvajrasāramayīṃ dṛḍhām | caranvegena mahatā samudramapi śoṣayet

Bhimasena, bearing his strong mace made of the very substance of the thunderbolt and moving with great speed, could dry up even the ocean.

Note on the text: Speaker: Arjuna (see verse 7).

Verse 14 (6.19.14)

भीमसेनं तदा राजन्दर्शयस्व महाबलम् । केकया धृष्टकेतुश्च चेकितानश्च वीर्यवान् ॥

bhīmasenaṃ tadā rājandarśayasva mahābalam | kekayā dhṛṣṭaketuśca cekitānaśca vīryavān

Then show them mighty Bhimasena, O king. The Kekayas, Dhrishtaketu and the valiant Chekitana —

Note on the text: The first line is not in the critical edition's constituted text (vulgate): it is star passage *0073 (bhīmasenaṃ tadā rājan darśayan sa mahābalam), printed there after 6.19.14; the second line = 6.19.14ab. Speaker: Arjuna (see verse 7).

Verse 15 (6.19.15)

एते गच्छन्तु सामात्याः प्रकर्षन्तो जनाधिप । धृतराष्ट्रस्य दायादानिति बीभत्सुरब्रवीत् ॥

ete gacchantu sāmātyāḥ prakarṣanto janādhipa | dhṛtarāṣṭrasya dāyādāniti bībhatsurabravīt

let these go forward with their ministers, O lord of men, driving back the heirs of Dhritarashtra." So spoke Bibhatsu.

Note on the text: The first line answers to 6.19.14cd in a different reading (CE eta tiṣṭhanti sāmātyāḥ prekṣakās te nareśvara); the second line = 6.19.15ab. Speaker: Arjuna (see verse 7).

Verse 16 (6.19.16)

ब्रुवाणं तु तथा पार्थं सर्वसैन्यानि भारत । अपूजयंस्तदा वाग्भिरनुकूलाभिराहवे ॥

bruvāṇaṃ tu tathā pārthaṃ sarvasainyāni bhārata | apūjayaṃstadā vāgbhiranukūlābhirāhave

As Partha spoke thus, O Bharata, all the troops there on the field honoured him with words of approval.

Note on the text: = 6.19.15cd–ef (the critical edition prints 6.19.15 as a three-line verse).

Verse 17 (6.19.17)

एवमुक्त्वा महाबाहुस्तथा चक्रे धनञ्जयः । व्यूह्य तानि बलान्याशु प्रययौ फल्गुनस्तथा ॥

evamuktvā mahābāhustathā cakre dhanañjayaḥ | vyūhya tāni balānyāśu prayayau phalgunastathā

Having spoken thus, the mighty-armed Dhananjaya did as he had said; quickly arraying those forces, Phalguna set out.

Verse 18 (6.19.18)

संप्रयातान्कुरून्दृष्ट्वा पाण्डवानां महाचमूः । गङ्गेव पूर्णा स्तिमिता स्पन्दमाना व्यदृश्यत ॥

saṃprayātānkurūndṛṣṭvā pāṇḍavānāṃ mahācamūḥ | gaṅgeva pūrṇā stimitā spandamānā vyadṛśyata

Seeing the Kurus advancing, the great host of the Pandavas looked like the full, still Ganga, gently stirring.

Note on the text: Corrected पाण्डंवानां → पाण्डवानां (misprint in Wikisource; a stray anusvara).

Verse 19 (6.19.19)

भीमसेनोऽग्रणीस्तेषां धृष्टद्युम्नश्च वीर्यवान् । नकुलः सहदेवश्च धृष्टकेतुश्च पार्थिवः ॥

bhīmaseno'graṇīsteṣāṃ dhṛṣṭadyumnaśca vīryavān | nakulaḥ sahadevaśca dhṛṣṭaketuśca pārthivaḥ

Bhimasena was at their head, with the valiant Dhrishtadyumna, Nakula, Sahadeva and King Dhrishtaketu.

Verse 20 (6.19.20)

विराटश्च ततः पश्चाद्राजाथाक्षौहिणीवृतः । भ्रातृभिः सह पुत्रैश्च सोऽभ्यरक्षत पृष्ठतः ॥

virāṭaśca tataḥ paścādrājāthākṣauhiṇīvṛtaḥ | bhrātṛbhiḥ saha putraiśca so'bhyarakṣata pṛṣṭhataḥ

Behind them came King Virata, surrounded by an akshauhini; with his brothers and sons he guarded the rear.

Verse 21 (6.19.21)

चक्ररक्षौ तु भीमस्य माद्रीपुत्रौ महाद्युती । द्रौपदेयाः ससौभद्राः पृष्ठगोपास्तरस्विनः ॥

cakrarakṣau tu bhīmasya mādrīputrau mahādyutī | draupadeyāḥ sasaubhadrāḥ pṛṣṭhagopāstarasvinaḥ

The two sons of Madri, of great splendour, guarded Bhima's chariot wheels; the sons of Draupadi, with Subhadra's son, swift and strong, guarded the rear.

Verse 22 (6.19.22)

धृष्टद्युम्नश्च पाञ्चाल्यस्तेषां गोप्ता महारथः । सहितः पृतनाशूरैः रथमुख्यैः प्रभद्रकैः ॥

dhṛṣṭadyumnaśca pāñcālyasteṣāṃ goptā mahārathaḥ | sahitaḥ pṛtanāśūraiḥ rathamukhyaiḥ prabhadrakaiḥ

The Panchala prince Dhrishtadyumna, a great chariot-warrior, was their protector, together with the Prabhadrakas, heroes of the host and foremost of chariot-fighters.

Verse 23 (6.19.23)

शिखण्डी तु ततः पश्चादर्जुनेनाभिरक्षितः । यत्तो भीष्मविनाशाय प्रययौ भरतर्षभ ॥

śikhaṇḍī tu tataḥ paścādarjunenābhirakṣitaḥ | yatto bhīṣmavināśāya prayayau bharatarṣabha

Behind them, O bull of the Bharatas, came Shikhandi, protected by Arjuna, intent on the destruction of Bhishma.

Verse 24 (6.19.24)

पृष्ठतोऽप्यर्जुनस्यासीद्युयुधानो महाबलः । चक्ररक्षौ तु पाञ्चाल्यौ युधामन्यूत्तमोजसौ ॥

pṛṣṭhato'pyarjunasyāsīdyuyudhāno mahābalaḥ | cakrarakṣau tu pāñcālyau yudhāmanyūttamojasau

Behind Arjuna was the mighty Yuyudhana; the two Panchalas, Yudhamanyu and Uttamaujas, guarded his chariot wheels.

Verse 25 (6.19.25)

राजा तु मध्यमानीके कुन्तीपुत्रो युधिष्ठिरः । बृहद्भिः कुञ्जरैर्मत्तैश्चलद्भिरचलैरिव ॥

rājā tu madhyamānīke kuntīputro yudhiṣṭhiraḥ | bṛhadbhiḥ kuñjarairmattaiścaladbhiracalairiva

King Yudhishthira, the son of Kunti, was in the centre of the army, among huge elephants in rut, like moving mountains.

Note on the text: Corrected बृहद्भीः → बृहद्भिः (misprint in Wikisource; long ī for short i in the instrumental plural, the critical edition reads bṛhadbhiḥ).

Verse 26 (6.19.26)

अक्षौहिण्याथ पाञ्चाल्यो यज्ञसेनो महामनाः । विराटमन्वयात्पश्चात्पाण्डवार्थं पराक्रमी ॥

akṣauhiṇyātha pāñcālyo yajñaseno mahāmanāḥ | virāṭamanvayātpaścātpāṇḍavārthaṃ parākramī

The high-minded and valiant Panchala Yajnasena, with an akshauhini, followed behind Virata for the Pandavas' sake.

Verse 27 (6.19.27)

तेषामादित्यचन्द्राभाः कनकोत्तमभूषणाः । नानाचिह्नधरा राजन्रथेष्वासन्महाध्वजाः ॥

teṣāmādityacandrābhāḥ kanakottamabhūṣaṇāḥ | nānācihnadharā rājanratheṣvāsanmahādhvajāḥ

On their chariots stood great standards bearing many emblems, bright as the sun and moon and adorned with the finest gold.

Verse 28 (6.19.28)

समुत्सार्य ततः पश्चाद्धृष्टद्युम्नो महारथः । भ्रातृभिः सहपुत्रैश्च सोऽभ्यरक्षद्युधिष्ठिरम् ॥

samutsārya tataḥ paścāddhṛṣṭadyumno mahārathaḥ | bhrātṛbhiḥ sahaputraiśca so'bhyarakṣadyudhiṣṭhiram

Then, clearing a way, the great chariot-warrior Dhrishtadyumna, with his brothers and sons, guarded Yudhishthira from behind.

Verse 29 (6.19.29)

त्वदीयानां परेषां च रथेषु विपुलान्ध्वजान् । अभिभूयार्जुनस्यैको रथे तस्थौ महाकपिः ॥

tvadīyānāṃ pareṣāṃ ca ratheṣu vipulāndhvajān | abhibhūyārjunasyaiko rathe tasthau mahākapiḥ

Outshining the great standards on the chariots of your men and of the enemy, the one great monkey stood on Arjuna's chariot.

Verse 30 (6.19.30)

पदातास्त्वग्रतोऽगच्छन्नसिशक्त्यृष्टिपाणयः । अनेकशतसाहस्रा भीमसेनस्य रक्षिणः ॥

padātāstvagrato'gacchannasiśaktyṛṣṭipāṇayaḥ | anekaśatasāhasrā bhīmasenasya rakṣiṇaḥ

Foot-soldiers went in front, swords, spears and lances in hand, many hundreds of thousands, guarding Bhimasena.

Verse 31 (6.19.31)

वारणा दशसाहस्राः प्रभिन्नकरटामुखाः । शूरा हेममयैर्जालैर्दीप्यमाना इवाचलाः ॥

vāraṇā daśasāhasrāḥ prabhinnakaraṭāmukhāḥ | śūrā hemamayairjālairdīpyamānā ivācalāḥ

Ten thousand elephants, with rut streaming from their temples and mouths, valiant, gleaming with nets of gold like mountains,

Verse 32 (6.19.32)

क्षरन्त इव जीमूता महार्हाः पद्मगन्धिनः । राजानमन्वयुः पश्चाज्जीमूता इव वार्षिकाः ॥

kṣaranta iva jīmūtā mahārhāḥ padmagandhinaḥ | rājānamanvayuḥ paścājjīmūtā iva vārṣikāḥ

dripping like rain-clouds, precious, fragrant as lotuses, followed behind the king like the clouds of the rainy season.

Note on the text: Corrected यश्चात् → पश्चात् (misprint in Wikisource; य for प, the critical edition reads anvayuḥ paścāt).

Verse 33 (6.19.33)

भीमसेनो गदां भीमां प्रकर्षन्परिघोपमाम् । प्रचकर्ष महासैन्यं दुराधर्षो महामनाः ॥

bhīmaseno gadāṃ bhīmāṃ prakarṣanparighopamām | pracakarṣa mahāsainyaṃ durādharṣo mahāmanāḥ

Bhimasena, unassailable and great-hearted, swinging his terrible mace like an iron bar, led the great army onward.

Verse 34 (6.19.34)

तमर्कमिव दुष्प्रेक्ष्यं तपन्तमिव वाहिनीम् । न शेकुः सर्वयोधास्ते प्रतिवीक्षितुमन्तिके ॥

tamarkamiva duṣprekṣyaṃ tapantamiva vāhinīm | na śekuḥ sarvayodhāste prativīkṣitumantike

Like the sun he was hard to look upon, as if scorching the enemy host; none of the warriors could bear to look at him close at hand.

Verse 35 (6.19.35)

वज्रो नामैष स व्यूहो निर्भयः सर्वतोमुखः । चापविद्युद्ध्वजो घोरो गुप्तो गाण्डीवधन्वना ॥

vajro nāmaiṣa sa vyūho nirbhayaḥ sarvatomukhaḥ | cāpavidyuddhvajo ghoro gupto gāṇḍīvadhanvanā

This is the array called Vajra — fearless, facing every way, terrible, its standards flashing with bows like lightning, guarded by the wielder of Gandiva.

Verse 36 (6.19.36)

यं प्रतिव्यूह्य तिष्ठन्ति पाण्डवास्तव वाहिनीम् । अजेयो मानुषे लोके पाण्डवैरभिरक्षितः ॥

yaṃ prativyūhya tiṣṭhanti pāṇḍavāstava vāhinīm | ajeyo mānuṣe loke pāṇḍavairabhirakṣitaḥ

With this array the Pandavas stand against your army; guarded by the Pandavas, it cannot be conquered in the world of men.

Note on the text: Corrected प्रतिव्यूहय् → प्रतिव्यूह्य (misprint in Wikisource; a misplaced virama, the critical edition reads prativyūhya).

Verse 37 (6.19.37)

संध्यां तिष्ठत्सु सैन्येषु सूर्यस्योदयनं प्रति । प्रववौ पृष्ठतो वायुर्निरभ्रे स्तनयित्नुमान् ॥

saṃdhyāṃ tiṣṭhatsu sainyeṣu sūryasyodayanaṃ prati | pravavau pṛṣṭhato vāyurnirabhre stanayitnumān

As the armies stood at dawn awaiting the sunrise, a wind blew from behind with a roll of thunder, though the sky was cloudless.

Verse 38 (6.19.38)

विष्वग्वाताश्च विववुर्नीचैः शर्करकर्षिणः । रजश्चोद्धूयत महत्तम आच्छादयञ्जगत् ॥

viṣvagvātāśca vivavurnīcaiḥ śarkarakarṣiṇaḥ | rajaścoddhūyata mahattama ācchādayañjagat

Whirlwinds blew low on every side, dragging gravel along, and a great dust rose up, shrouding the world in darkness.

Verse 39 (6.19.39)

पपात महती चोल्का प्राङ्मुखी भरतर्षभ । उद्यन्तं सूर्यमाहत्य व्यशीर्यत महास्वना ॥

papāta mahatī colkā prāṅmukhī bharatarṣabha | udyantaṃ sūryamāhatya vyaśīryata mahāsvanā

A great meteor fell, O bull of the Bharatas, flying eastward; it struck the rising sun and shattered with a mighty crash.

Note on the text: Corrected प्राङ्भुखी → प्राङ्मुखी (misprint in Wikisource; भ for म, the critical edition reads prāṅmukhī).

Verse 40 (6.19.40)

अथ संनह्यमानेषु सैन्येषु भरतर्षभ । निष्प्रभोऽभ्युद्ययौ सूर्यः सघोषं भूश्चचाल च ॥

atha saṃnahyamāneṣu sainyeṣu bharatarṣabha | niṣprabho'bhyudyayau sūryaḥ saghoṣaṃ bhūścacāla ca

Then, as the armies were girding themselves, O bull of the Bharatas, the sun rose without its radiance, and the earth shook with a roar.

Note on the text: = 6.19.39abcd (CE sajjīyamāneṣu … 'bhyudiyāt … saghoṣo … ha for संनह्यमानेषु … ऽभ्युद्ययौ … सघोषं … च, recension variants); the automatic alignment missed it because the two texts divide 6.19.39–40 differently.

Verse 41 (6.19.41)

व्यशीर्यत सनादा च भूस्तदा भरतर्षभ । निर्घाता बहवो राजन्दिक्षु सर्वासु चाभवन् । प्रादुरासीद्रजस्तीव्रं न प्राज्ञायत किंचन ॥

vyaśīryata sanādā ca bhūstadā bharatarṣabha | nirghātā bahavo rājandikṣu sarvāsu cābhavan | prādurāsīdrajastīvraṃ na prājñāyata kiṃcana

Then the earth burst apart with a loud noise, O bull of the Bharatas; many thunderclaps sounded in every quarter, O king; a thick dust arose, and nothing could be made out.

Note on the text: This three-line verse = 6.19.39ef + 40abcd; the automatic alignment missed it because the two texts divide 6.19.39–40 differently.

Verse 42 (6.19.42)

ध्वजानां धूयमानानां सहसा मातरिश्वना । किङ्किणीजालबद्धानां काञ्चनस्रग्वराम्बरैः ॥

dhvajānāṃ dhūyamānānāṃ sahasā mātariśvanā | kiṅkiṇījālabaddhānāṃ kāñcanasragvarāmbaraiḥ

As the standards were suddenly tossed by the wind — standards hung with nets of little bells, with golden garlands and fine cloths —

Verse 43 (6.19.43)

महतां सपताकानामादित्यसमतेजसाम् । सर्वं झणझणीभूतमासीत्तालवनेष्विव ॥

mahatāṃ sapatākānāmādityasamatejasām | sarvaṃ jhaṇajhaṇībhūtamāsīttālavaneṣviva

those great standards with their banners, bright as the sun, everything rang out with a jingling, as in a forest of palm trees.

Verse 44 (6.19.44)

एवं ते पुरुषव्याघ्राः पाण्डवा युद्धनन्दिनः । व्यवस्थिताः प्रतिव्यूह्य तव पुत्रस्य वाहिनीम् ॥

evaṃ te puruṣavyāghrāḥ pāṇḍavā yuddhanandinaḥ | vyavasthitāḥ prativyūhya tava putrasya vāhinīm

So those tigers among men, the Pandavas, delighting in battle, stood arrayed against your son's army.

Verse 45 (6.19.45)

ग्रसन्त इव मज्जानो योधानां भरतर्षभ । दृष्ट्वाग्रतो भीमसेनं गदापाणिमवस्थितम् ॥

grasanta iva majjāno yodhānāṃ bharatarṣabha | dṛṣṭvāgrato bhīmasenaṃ gadāpāṇimavasthitam

The very marrow of the warriors seemed to be devoured, O bull of the Bharatas, when they saw Bhimasena standing in front, mace in hand.

Note on the text: Corrected मञ्जानो → मज्जानो (misprint in Wikisource; ञ्ज for ज्ज, "marrow"; the commentary on this page reads मज्जान and the critical edition majjāno).