Duryodhana Reproaches Bhishma

Verse 1 (6.58.1)

ततस्ते पार्थिवाः क्रुद्धाः फल्गुनं वीक्ष्य संयुगे । रथैरनेकसाहस्रैः समन्तात्पर्यवारयन् ॥

tataste pārthivāḥ kruddhāḥ phalgunaṃ vīkṣya saṃyuge | rathairanekasāhasraiḥ samantātparyavārayan

Then the kings, enraged at the sight of Phalguna in the battle, surrounded him on every side with many thousands of chariots.

Note on the text: Adhyaya note: checked against the raw Wikisource page (a table, one row per verse, 6-58-1 to 6-58-46, under one सञ्जय उवाच heading, ending with its colophon naming this the 58th adhyaya, on the third day of battle). Page and input agree on all 46 verses; together they correspond to the critical edition 6.54.1–44. Verses 34–40 (Duryodhana) and 42–44 (Bhishma) carry no heading on the page and are given to their speakers.

Verse 2 (6.58.2)

अथैनं रथवृन्देन कोष्ठकीकृत्य भारत । शरैः सुबहुसाहस्रैः समन्तादभ्यवारयन् ॥

athainaṃ rathavṛndena koṣṭhakīkṛtya bhārata | śaraiḥ subahusāhasraiḥ samantādabhyavārayan

Penning him in with a mass of chariots as if in an enclosure, O Bharata, they showered him from every side with many thousands of arrows.

Note on the text: Corrected रथबृन्देन → रथवृन्देन (misprint in Wikisource; ब for व, critical edition rathavṛndena). कोष्ठकीकृत्य (CE koṣṭakīkṛtya) kept as a variant.

Verse 3 (6.58.3)

शक्तीश्च विमलास्तीक्ष्णा गदाश्च परिघैः सह । प्रासान्परश्वथांश्चैव मुद्गरान्मुसलानपि ॥

śaktīśca vimalāstīkṣṇā gadāśca parighaiḥ saha | prāsānparaśvathāṃścaiva mudgarānmusalānapi

Bright, sharp spears, maces along with iron clubs, lances, battle-axes, mallets and pestles too

Note on the text: Corresponds to 6.54.3ab + 6.54.3cd (Wikisource divides verses 3–6 into two-line verses where the critical edition has 6.54.3–5 as verses of three, two and three lines, so nothing is lost). Corrected विमलाकस्तीक्ष्णा → विमलास्तीक्ष्णा (misprint in Wikisource; a stray क, critical edition vimalās tīkṣṇā). परश्वथान् (CE paraśvadhān) kept as a variant.

Verse 4 (6.58.4)

चिक्षिपुः समरे क्रुद्धाः फल्गुनस्य रथं प्रति । शस्त्राणामथ तां वृष्टिं शलभानामिवायतिम् ॥

cikṣipuḥ samare kruddhāḥ phalgunasya rathaṃ prati | śastrāṇāmatha tāṃ vṛṣṭiṃ śalabhānāmivāyatim

they hurled in fury at Phalguna's chariot in the battle. That rain of weapons, sweeping on like a swarm of locusts,

Note on the text: Corresponds to 6.54.3ef + 6.54.4ab (Wikisource divides verses 3–6 into two-line verses where the critical edition has 6.54.3–5 as verses of three, two and three lines, so nothing is lost). Corrected चिक्षिषुः → चिक्षिपुः (misprint in Wikisource; ष for प, critical edition cikṣipuḥ).

Verse 5 (6.58.5)

रुरोध सर्वतः पार्थः शरैः कनकभूषणैः । तत्र तल्लाघवं दृष्ट्वा बीभत्सोरतिमानुषम् ॥

rurodha sarvataḥ pārthaḥ śaraiḥ kanakabhūṣaṇaiḥ | tatra tallāghavaṃ dṛṣṭvā bībhatsoratimānuṣam

Partha checked on every side with his gold-adorned arrows. Seeing there that more than human swiftness of Bibhatsu,

Note on the text: Corresponds to 6.54.4cd + 6.54.5ab (Wikisource divides verses 3–6 into two-line verses where the critical edition has 6.54.3–5 as verses of three, two and three lines, so nothing is lost).

Verse 6 (6.58.6)

देवदानवगन्धर्वाः पिशाचोरगराक्षसाः । साधुसाध्विति राजेन्द्र फल्गुनं प्रत्यपूजयन् ॥

devadānavagandharvāḥ piśācoragarākṣasāḥ | sādhusādhviti rājendra phalgunaṃ pratyapūjayan

the gods, Danavas, Gandharvas, Pishachas, Nagas and Rakshasas honoured Phalguna, O king of kings, crying "Well done! Well done!"

Note on the text: Corresponds to 6.54.5cd + 6.54.5ef (Wikisource divides verses 3–6 into two-line verses where the critical edition has 6.54.3–5 as verses of three, two and three lines, so nothing is lost).

Verse 7 (6.58.7)

सात्यकिश्चाभिमन्युश्च महत्या सेनया वृतौ । गान्धारान्समरे शूराञ्जग्मतुः सहसौबलान् ॥

sātyakiścābhimanyuśca mahatyā senayā vṛtau | gāndhārānsamare śūrāñjagmatuḥ sahasaubalān

Satyaki and Abhimanyu, surrounded by a great army, advanced in battle against the heroic Gandharas and the Saubalas with them.

Note on the text: Corrected सेकनया → सेनया (misprint in Wikisource; a stray क, critical edition senayā). The verse otherwise differs from the critical edition 6.54.6 (there the Gandharas and Saubalas block Satyaki and Abhimanyu; here the two, surrounded by a great army, go against them); kept as a recension variant.

Verse 8 (6.58.8)

तत्र सौबलकाः क्रुद्धा वार्ष्णेयस्य रथोत्तमम् । तिलशश्चिच्छिदुः क्रोधाच्छस्त्रैर्नानाविधैर्युधि ॥

tatra saubalakāḥ kruddhā vārṣṇeyasya rathottamam | tilaśaścicchiduḥ krodhācchastrairnānāvidhairyudhi

There the Saubalas in their fury cut Varshneya's fine chariot to pieces as small as sesame seeds, with weapons of many kinds in the fight.

Note on the text: Corrected तिशलश्चिच्छिदुः → तिलशश्चिच्छिदुः (misprint in Wikisource; transposed aksharas, critical edition tilaśaś cicchiduḥ).

Verse 9 (6.58.9)

सात्यकिस्तु रथं त्यक्त्वा वर्तमाने भयावहे । अभिमन्यो रथं तूर्णमारुरोह परंतपः ॥

sātyakistu rathaṃ tyaktvā vartamāne bhayāvahe | abhimanyo rathaṃ tūrṇamāruroha paraṃtapaḥ

Satyaki, scorcher of foes, abandoned his chariot while that terrible fight went on and quickly climbed onto Abhimanyu's chariot.

Note on the text: भयावहे (CE mahābhaye) kept as a variant.

Verse 10 (6.58.10)

तावेकरथसंयुक्तौ सौबलेयस्य वाहिनीम् । व्यधमेतां शितैस्तूर्णं शरैः सन्नतपर्वभिः ॥

tāvekarathasaṃyuktau saubaleyasya vāhinīm | vyadhametāṃ śitaistūrṇaṃ śaraiḥ sannataparvabhiḥ

The two of them, riding together on one chariot, swiftly scattered the host of Subala's son with sharp, smooth-jointed arrows.

Note on the text: Corrected शरैःक → शरैः (misprint in Wikisource; a stray क, critical edition śaraiḥ).

Verse 11 (6.58.11)

द्रोणभीष्मौ रणे यत्तौ धर्मराजस्य वाहिनीम् । नाशयेतां शरैस्तीक्ष्णैः कङ्कपत्रपरिच्छदैः ॥

droṇabhīṣmau raṇe yattau dharmarājasya vāhinīm | nāśayetāṃ śaraistīkṣṇaiḥ kaṅkapatraparicchadaiḥ

Bhishma and Drona, intent on the battle, were destroying the army of the King of Dharma with sharp arrows fletched with heron feathers.

Verse 12 (6.58.12)

ततो धर्मसुतो राजा माद्रीपुत्रौ च पाण्डवौ । मिषतां सर्वसैन्यानां द्रोणानीकमुपाद्रवन् ॥

tato dharmasuto rājā mādrīputrau ca pāṇḍavau | miṣatāṃ sarvasainyānāṃ droṇānīkamupādravan

Then King Yudhishthira, the son of Dharma, and the two Pandavas born of Madri charged Drona's division as all the armies looked on.

Note on the text: Corrected धर्मसुतोक → धर्मसुतो (misprint in Wikisource; a stray क, critical edition dharmasuto).

Verse 13 (6.58.13)

तत्रासीत्सुमहद्युद्धं तुमुलं रोमहर्षणम् । यथा देवासुरं युद्धं पूर्वमासीत्सुदारुणम् ॥

tatrāsītsumahadyuddhaṃ tumulaṃ romaharṣaṇam | yathā devāsuraṃ yuddhaṃ pūrvamāsītsudāruṇam

A very great battle took place there, tumultuous and hair-raising, as dreadful as the war of the gods and the Asuras long ago.

Note on the text: रोमहर्षणम् (CE lomaharṣaṇam) kept as a variant.

Verse 14 (6.58.14)

कुर्वाणौ सुमहत्कर्म भीमसेनघटोत्कचौ । दुर्योधनस्ततोऽभ्येत्य तावुभावप्यवारयत् ॥

kurvāṇau sumahatkarma bhīmasenaghaṭotkacau | duryodhanastato'bhyetya tāvubhāvapyavārayat

Bhimasena and Ghatotkacha were performing mighty feats; then Duryodhana came up and held them both back.

Note on the text: सुमहत्कर्म (CE tu mahat karma) and अप्यवारयत् (CE abhyavārayat) kept as variants.

Verse 15 (6.58.15)

तत्राद्भुतमपश्याम हैडिम्बस्य पराक्रमम् । अतीत्य पितरं युद्धे यदयुध्यत भारत ॥

tatrādbhutamapaśyāma haiḍimbasya parākramam | atītya pitaraṃ yuddhe yadayudhyata bhārata

There we saw the wondrous prowess of Hidimba's son: in that battle he fought so as to surpass even his father, O Bharata.

Note on the text: Corrected पीतरं → पितरं (misprint in Wikisource; long ई for i, critical edition pitaraṃ).

Verse 16 (6.58.16)

भीमसेनस्तु संक्रुद्धो दुर्योधनममर्षणम् । हृद्यविध्यत्पृषत्केन प्रहसन्निव पाण्डवः ॥

bhīmasenastu saṃkruddho duryodhanamamarṣaṇam | hṛdyavidhyatpṛṣatkena prahasanniva pāṇḍavaḥ

Then Bhimasena, enraged and as if laughing, pierced the wrathful Duryodhana in the chest with an arrow.

Verse 17 (6.58.17)

ततो दुर्योधनो राजा प्रहारवरपीडितः । निषसाद रथोपस्थे कश्मलं च जगाम ह ॥

tato duryodhano rājā prahāravarapīḍitaḥ | niṣasāda rathopasthe kaśmalaṃ ca jagāma ha

Then King Duryodhana, stricken by that mighty blow, sank down on the floor of his chariot and fell into a swoon.

Note on the text: Corrected दुर्योधननो → दुर्योधनो (misprint in Wikisource; a doubled न, critical edition duryodhano). प्रहारवरपीडितः (CE prahāravaramohitaḥ) kept as a variant.

Verse 18 (6.58.18)

तं विसंज्ञं विदित्वा तु त्वरमाणोऽस्य सारथिः । अपोवाह रणाद्राजंस्ततः सैन्यमभज्यत ॥

taṃ visaṃjñaṃ viditvā tu tvaramāṇo'sya sārathiḥ | apovāha raṇādrājaṃstataḥ sainyamabhajyata

Seeing that he had lost his senses, his charioteer hurriedly carried him away from the battle, O king, and then the army broke.

Note on the text: विदित्वा तु (CE atho jñātvā) and अभज्यत (CE abhidyata) kept as variants.

Verse 19 (6.58.19)

ततस्तां कौरवीं सेनां द्रवमाणां समन्ततः । निघ्नन्भीमः शरैस्तीक्ष्णैरनुवव्राज पृष्ठतः ॥

tatastāṃ kauravīṃ senāṃ dravamāṇāṃ samantataḥ | nighnanbhīmaḥ śaraistīkṣṇairanuvavrāja pṛṣṭhataḥ

Then Bhima pursued that Kaurava army from behind as it fled on every side, striking it down with sharp arrows.

Verse 20 (6.58.20)

पार्षतश्च रथश्रेष्ठो धर्मपुत्रश्च पाण्डवः । द्रोणस्य पश्यतः सैन्यं गाङ्गेयस्य च पश्यतः ॥

pārṣataśca rathaśreṣṭho dharmaputraśca pāṇḍavaḥ | droṇasya paśyataḥ sainyaṃ gāṅgeyasya ca paśyataḥ

And Parshata (Dhrishtadyumna), best of chariot-warriors, and the Pandava son of Dharma, while Drona looked on and while Ganga's son looked on,

Note on the text: Corresponds to 6.54.19ab + 6.54.19cd (Wikisource divides verses 20–24 into two-line verses where the critical edition has 6.54.19–22 as verses of three, two, two and three lines, so nothing is lost). Corrected रथश्रोष्ठो → रथश्रेष्ठो (misprint in Wikisource; ो for े, critical edition rathaśreṣṭho).

Verse 21 (6.58.21)

जघ्नतुर्विशिखैस्तीक्ष्णैः परानीकविनाशनैः । द्रवमाणं तु तत्सैन्यं तव पुत्रस्य संयुगे ॥

jaghnaturviśikhaistīkṣṇaiḥ parānīkavināśanaiḥ | dravamāṇaṃ tu tatsainyaṃ tava putrasya saṃyuge

struck down the army with sharp arrows that destroy enemy hosts. Your son's army, fleeing in the battle,

Note on the text: Corresponds to 6.54.19ef + 6.54.20ab (Wikisource divides verses 20–24 into two-line verses where the critical edition has 6.54.19–22 as verses of three, two, two and three lines, so nothing is lost). Corrected विशिकैः → विशिखैः (misprint in Wikisource; क for ख, critical edition viśikhaiḥ). परानीकविनाशनैः (CE parānīkaviśātanaiḥ) kept as a variant.

Verse 22 (6.58.22)

नाशक्नुतां वारयितुं भीष्मद्रोणौ महारथौ । वार्यमाणं च भीष्मेण द्रोणेन च महात्मना ॥

nāśaknutāṃ vārayituṃ bhīṣmadroṇau mahārathau | vāryamāṇaṃ ca bhīṣmeṇa droṇena ca mahātmanā

the great chariot-warriors Bhishma and Drona could not hold back. Though Bhishma and the great-souled Drona tried to stop it,

Note on the text: Corresponds to 6.54.20cd + 6.54.21ab (Wikisource divides verses 20–24 into two-line verses where the critical edition has 6.54.19–22 as verses of three, two, two and three lines, so nothing is lost). च … महात्मना (CE hi … viśāṃ pate) kept as a variant.

Verse 23 (6.58.23)

विद्रवत्येव तत्सैन्यं पश्यतोर्द्रोणभीष्मयोः । ततो रथसहस्रेषु विद्रवत्सु ततस्ततः ॥

vidravatyeva tatsainyaṃ paśyatordroṇabhīṣmayoḥ | tato rathasahasreṣu vidravatsu tatastataḥ

that army kept on fleeing while Drona and Bhishma looked on. Then, as thousands of chariots scattered this way and that,

Note on the text: Corresponds to 6.54.21cd + 6.54.22ab (Wikisource divides verses 20–24 into two-line verses where the critical edition has 6.54.19–22 as verses of three, two, two and three lines, so nothing is lost). Corrected ततस्ततःक → ततस्ततः (misprint in Wikisource; a stray क, critical edition tatas tataḥ).

Verse 24 (6.58.24)

तावास्थितावेकरथं सौभद्रशिनिपुङ्गवौ । सौबलीं समरे सेनां शातयेतां समन्ततः ॥

tāvāsthitāvekarathaṃ saubhadraśinipuṅgavau | saubalīṃ samare senāṃ śātayetāṃ samantataḥ

Subhadra's son and the bull of the Shinis, mounted on a single chariot, cut down the Saubala army on every side in the battle.

Note on the text: Corresponds to 6.54.22cd + 6.54.22ef (Wikisource divides verses 20–24 into two-line verses where the critical edition has 6.54.19–22 as verses of three, two, two and three lines, so nothing is lost).

Verse 25 (6.58.25)

शुशुभाते तदा तौ तु शैनेयकुरुपुङ्गवौ । अमावास्यां गतौ यद्वत्सोमसूर्यौ नभस्तले ॥

śuśubhāte tadā tau tu śaineyakurupuṅgavau | amāvāsyāṃ gatau yadvatsomasūryau nabhastale

Those two bulls, Shaineya and the Kuru, shone then like the moon and the sun come together in the sky on the night of the new moon.

Verse 26 (6.58.26)

अर्जुनस्तु ततः क्रुद्धस्तव सैन्यं विशांपते । ववर्ष शरवर्षेण धाराभिरिव तोयदः ॥

arjunastu tataḥ kruddhastava sainyaṃ viśāṃpate | vavarṣa śaravarṣeṇa dhārābhiriva toyadaḥ

Then Arjuna in his fury rained a storm of arrows on your army, lord of the people, as a cloud pours down its torrents.

Verse 27 (6.58.27)

वध्यमानं ततस्तत्र शरैः पार्थस्य संयुगे । दुद्राव कौरवं सैन्यं विषादभयकम्पितम् ॥

vadhyamānaṃ tatastatra śaraiḥ pārthasya saṃyuge | dudrāva kauravaṃ sainyaṃ viṣādabhayakampitam

Struck down there by Partha's arrows in the battle, the Kaurava army fled, trembling with despair and fear.

Note on the text: ततस्तत्र (CE tatas tat tu) kept as a variant.

Verse 28 (6.58.28)

द्रवतस्तान्समालक्ष्य भीष्मद्रोणौ महारथौ । न्यवारयेतां संरब्धौ दुर्योधनहितैषिणौ ॥

dravatastānsamālakṣya bhīṣmadroṇau mahārathau | nyavārayetāṃ saṃrabdhau duryodhanahitaiṣiṇau

Seeing them in flight, the great chariot-warriors Bhishma and Drona, roused to anger and seeking Duryodhana's good, held them back.

Note on the text: समालक्ष्य (CE samālokya) kept as a variant.

Verse 29 (6.58.29)

ततो दुर्योधनो राजा समाश्वस्य विशांपते । न्यवर्तयत तत्सैन्यं द्रवमाणं समन्ततः ॥

tato duryodhano rājā samāśvasya viśāṃpate | nyavartayata tatsainyaṃ dravamāṇaṃ samantataḥ

Then King Duryodhana, having recovered, lord of the people, turned back that army which was fleeing on every side.

Note on the text: Corrected द्रवमाणां → द्रवमाणं (misprint in Wikisource; a feminine form that cannot agree with the neuter सैन्यं, critical edition dravamāṇaṃ).

Verse 30 (6.58.30)

यत्र यत्र हि पुत्रं ते ये ये पश्यन्ति भारत । तत्र तत्र न्यवर्तन्त क्षत्रियाणां महारथाः ॥

yatra yatra hi putraṃ te ye ye paśyanti bhārata | tatra tatra nyavartanta kṣatriyāṇāṃ mahārathāḥ

Wherever any of them caught sight of your son, O Bharata, there the great chariot-warriors among the kshatriyas turned back.

Note on the text: Corrected महरथाः → महारथाः (misprint in Wikisource; a dropped ā, critical edition mahārathāḥ). पुत्रं ते ये ये पश्यन्ति (CE sutaṃ tubhyaṃ yo yaḥ paśyati) kept as a variant.

Verse 31 (6.58.31)

तान्निवृत्तान्समीक्ष्यैव ततोऽन्येऽपीतरे जनाः । अन्योन्यस्पर्धया राजँल्लज्जया चावतस्थिरे ॥

tānnivṛttānsamīkṣyaiva tato'nye'pītare janāḥ | anyonyaspardhayā rājam̐llajjayā cāvatasthire

Seeing them turn back, the other men too stood their ground, O king, out of rivalry with one another and out of shame.

Note on the text: लज्जया चावतस्थिरे (CE lajjayānye 'vatasthire) kept as a variant.

Verse 32 (6.58.32)

पुनरावर्ततां तेषां वेग आसीद्विशांपते । पूर्यतः सागरस्येव चन्द्रस्योदयनं प्रति ॥

punarāvartatāṃ teṣāṃ vega āsīdviśāṃpate | pūryataḥ sāgarasyeva candrasyodayanaṃ prati

As they surged back again, lord of the people, their rush was like the swelling of the ocean at the rising of the moon.

Verse 33 (6.58.33)

सन्निवृत्तांस्ततस्तांस्तु दृष्ट्वा राजा सुयोधनः । अब्रवीत्त्वरितो गत्वा भीष्मं शान्तनवं वचः ॥

sannivṛttāṃstatastāṃstu dṛṣṭvā rājā suyodhanaḥ | abravīttvarito gatvā bhīṣmaṃ śāntanavaṃ vacaḥ

Then, seeing them turned back, King Suyodhana went quickly to Bhishma, the son of Shantanu, and spoke these words:

Note on the text: Corrected अन्निवृत्तांस् → सन्निवृत्तांस् (misprint in Wikisource; अ for स gives no word, critical edition saṃnivṛttāṃs).

Verse 34 (6.58.34)

पितामह निबोधेदं यत्त्वां वक्ष्यामि भारत । नानुरूपमहं मन्ये त्वयि जीवति कौरव ॥

pitāmaha nibodhedaṃ yattvāṃ vakṣyāmi bhārata | nānurūpamahaṃ manye tvayi jīvati kaurava

"Grandsire, hear what I shall say to you, O Bharata. I do not think it fitting, O Kaurava, that while you are alive,

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading).

Verse 35 (6.58.35)

द्रोणे चास्त्रविदां श्रेष्ठे सपुत्रे ससुहृज्जने । कृपे चैव महेष्वासे द्रवते यद्वरूथिनी ॥

droṇe cāstravidāṃ śreṣṭhe saputre sasuhṛjjane | kṛpe caiva maheṣvāse dravate yadvarūthinī

and while Drona, best of those who know weapons, is here with his son and his friends, and Kripa the great archer too, this army should be fleeing.

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading). Corrected द्रोणो → द्रोणे (misprint in Wikisource; ो for े, the locative the sense and the following श्रेष्ठे require, critical edition droṇe) and ससुहृञ्जने → ससुहृज्जने (misprint; ञ्ज for ज्ज, critical edition sasuhṛjjane). द्रवते यद्वरूथिनी (CE dravatīyaṃ varūthinī) kept as a variant.

Verse 36 (6.58.36)

न पाण्डवान्प्रतिबलांस्तव मन्ये कथंचन । तथा द्रोणस्य सङ्ग्रामे द्रौणेश्चैव कृपस्य च ॥

na pāṇḍavānpratibalāṃstava manye kathaṃcana | tathā droṇasya saṅgrāme drauṇeścaiva kṛpasya ca

In no way do I think the Pandavas a match for you, nor likewise for Drona in battle, nor for Drona's son and Kripa.

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading). Corrected प्रतिलांस्तव → प्रतिबलांस्तव (misprint in Wikisource; a dropped ब leaves a non-word and a seven-syllable quarter, critical edition pratibalās), सङ्ग्रमे → सङ्ग्रामे (dropped ā, critical edition saṃgrāme) and द्रौमेश्चैव → द्रौणेश्चैव (म for ण, critical edition drauṇeś). पाण्डवान्प्रतिबलांस्तव मन्ये (CE pāṇḍavāḥ pratibalās tava rājan) kept as a variant.

Verse 37 (6.58.37)

अनुग्राह्याः पाण्डुसुतास्तव नूनं पितामह । यथेमां क्षमसे वीर वध्यमानां वरूथिनीम् ॥

anugrāhyāḥ pāṇḍusutāstava nūnaṃ pitāmaha | yathemāṃ kṣamase vīra vadhyamānāṃ varūthinīm

Surely the sons of Pandu have your favour, Grandsire, since you let this army be slaughtered, O hero.

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading). Word order पाण्डुसुतास्तव नूनं (CE pāṇḍusutā nūnaṃ tava) kept as a variant.

Verse 38 (6.58.38)

सोऽस्मि वाच्यस्त्वया राजन्पूर्वमेव समागमे । न योत्स्ये पाण्डवान्सङ्ख्ये नापि पार्षतसात्यकी ॥

so'smi vācyastvayā rājanpūrvameva samāgame | na yotsye pāṇḍavānsaṅkhye nāpi pārṣatasātyakī

You should have told me so at the very start, O king, when we met: 'I will not fight the Pandavas in battle, nor Parshata and Satyaki.'

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading).

Verse 39 (6.58.39)

श्रुत्वा तु वचनं तुभ्यमाचार्यस्य कृपस्य च । कर्णेन सहितः कृत्यं चिन्तयानस्तदैव हि ॥

śrutvā tu vacanaṃ tubhyamācāryasya kṛpasya ca | karṇena sahitaḥ kṛtyaṃ cintayānastadaiva hi

Having heard that word from you, and from the Acharya and Kripa, I would have been considering then and there, with Karna, what was to be done.

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading).

Verse 40 (6.58.40)

यदि नाहं परित्याज्यो युवाभ्यामिह संयुगे । विक्रमेणानुरूपेण युध्येतां पुरुषर्षभौ ॥

yadi nāhaṃ parityājyo yuvābhyāmiha saṃyuge | vikrameṇānurūpeṇa yudhyetāṃ puruṣarṣabhau

If I am not to be abandoned by you two in this battle, then fight, bulls among men, with the valour that befits you."

Note on the text: Speaker: Duryodhana's words to Bhishma, introduced in verse 33; the page prints no heading here (these verses fall under its सञ्जय उवाच heading).

Verse 41 (6.58.41)

एतच्छ्रुत्वा वचो भीष्मः प्रहसन्वै मुहुर्मुहुः । अब्रवीत्तनयं तुभ्यं क्रोधादुद्वृत्य चक्षुषी ॥

etacchrutvā vaco bhīṣmaḥ prahasanvai muhurmuhuḥ | abravīttanayaṃ tubhyaṃ krodhādudvṛtya cakṣuṣī

Hearing these words, Bhishma laughed again and again; then, rolling his eyes in anger, he said to your son:

Verse 42 (6.58.42)

बहुशोऽसि मया राजंस्तथ्यमुक्तो हितं वचः । अजेयाः पाण्डवा युद्धे देवैरपि सवासवैः ॥

bahuśo'si mayā rājaṃstathyamukto hitaṃ vacaḥ | ajeyāḥ pāṇḍavā yuddhe devairapi savāsavaiḥ

"Many times, O king, I have told you words that were true and for your good: the Pandavas cannot be conquered in battle even by the gods with Vasava.

Note on the text: Speaker: Bhishma's reply, introduced in verse 41; the page prints no heading here (these verses fall under its सञ्जय उवाच heading). बहुशोऽसि … तथ्यमुक्तो (CE bahuśo hi … tathyam uktaṃ) kept as a variant.

Verse 43 (6.58.43)

यत्तु शक्यं मया कर्तुं वृद्धेनाद्य गतायुषा । करिष्यामि यथाशक्ति पश्येदानीं सबान्धवः ॥

yattu śakyaṃ mayā kartuṃ vṛddhenādya gatāyuṣā | kariṣyāmi yathāśakti paśyedānīṃ sabāndhavaḥ

But what I, an old man whose life is spent, can still do today, I will do to the utmost of my strength. Watch now, with your kinsmen.

Note on the text: Speaker: Bhishma's reply, introduced in verse 41; the page prints no heading here (these verses fall under its सञ्जय उवाच heading). गतायुषा (CE nṛpottama) and पश्येदानीं (CE prekṣedānīṃ) kept as variants.

Verse 44 (6.58.44)

अद्य पाण्डुसुतानेकः ससैन्यान्सह बन्धुभिः । सोऽहं निवारयिष्यामि सर्वलोकस्य पश्यतः ॥

adya pāṇḍusutānekaḥ sasainyānsaha bandhubhiḥ | so'haṃ nivārayiṣyāmi sarvalokasya paśyataḥ

Today, alone, I shall hold back the sons of Pandu with their armies and their kinsmen, while the whole world looks on."

Note on the text: Speaker: Bhishma's reply, introduced in verse 41; the page prints no heading here (these verses fall under its सञ्जय उवाच heading). पाण्डुसुतानेकः … सोऽहं निवारयिष्यामि (CE pāṇḍusutān sarvān … miṣato vārayiṣyāmi) kept as a variant.

Verse 45 (6.58.45)

एवमुक्ते तु भीष्मेण पुत्रास्तव जनेश्वर । दध्मुः शङ्खान्मुदा युक्ता भेरीः संजघ्निरे भृशम् ॥

evamukte tu bhīṣmeṇa putrāstava janeśvara | dadhmuḥ śaṅkhānmudā yuktā bherīḥ saṃjaghnire bhṛśam

When Bhishma had spoken thus, your sons, lord of men, joyfully blew their conches and beat their kettledrums loudly.

Note on the text: भेरीः संजघ्निरे (CE bherīś ca jaghnire) kept as a variant.

Verse 46 (6.58.46)

पाण्डवा हि ततो राजञ्श्रुत्वा तं निनदं महत् । दध्मुः शङ्खांश्च भेरीश्च मुरजांश्चाप्यनादयन् ॥

pāṇḍavā hi tato rājañśrutvā taṃ ninadaṃ mahat | dadhmuḥ śaṅkhāṃśca bherīśca murajāṃścāpyanādayan

And the Pandavas, O king, hearing that great din, blew their conches and sounded their kettledrums and tabors.

Note on the text: पाण्डवा हि (CE pāṇḍavāpi) and मुरजांश्चाप्यनादयन् (CE murajāṃś ca vyanādayan) kept as variants.