Bhurishravas Slays Satyaki's Ten Sons

Verse 1 (6.74.1)

अथ राजन्महाबाहुः सात्यकिर्युद्धदुर्मदः । विकृष्य चापं समरे भारसाहमनुत्तमम् ॥

atha rājanmahābāhuḥ sātyakiryuddhadurmadaḥ | vikṛṣya cāpaṃ samare bhārasāhamanuttamam

Then, O king, mighty-armed Satyaki, wild in battle, drawing in the fight his peerless bow that could bear any strain,

Note on the text: भारसाहमनुत्तमम् for the critical edition's bhārasādhanam uttamam kept as a variant.

Verse 2 (6.74.2)

यत्तत्सख्युस्तु पूर्वेण अर्जुनादुपशिक्षितम् । प्रगाढं लघु चित्रं च दर्शयन्हस्तलाघवम् । प्रामुञ्चत्पुङ्खसंयुक्ताञ्शरानाशीविषोपमान् ॥

yattatsakhyustu pūrveṇa arjunādupaśikṣitam | pragāḍhaṃ laghu citraṃ ca darśayanhastalāghavam | prāmuñcatpuṅkhasaṃyuktāñśarānāśīviṣopamān

displaying the deep, light and varied deftness of hand that he had once learned from his friend Arjuna, loosed feathered arrows like venomous serpents.

Note on the text: The automatic alignment missed this verse: line 1 is the critical edition's star passage 6.70.1d*0290, not in its constituted text; line 2 is its 6.70.2cd (प्रगाढं and हस्तलाघवम् for prakāśaṃ and astralāghavam kept as variants) and line 3 its 6.70.2ab.

Verse 3 (6.74.3)

तस्य विक्षिपतश्चापं शरानन्यांश्च मुञ्चतः । आददानस्य भूयश्च संदधानस्य चापरान् ॥

tasya vikṣipataścāpaṃ śarānanyāṃśca muñcataḥ | ādadānasya bhūyaśca saṃdadhānasya cāparān

As he drew his bow and loosed arrows, took up more and fitted others again,

Note on the text: Corrected विक्षिपतस्छापं → विक्षिपतश्चापं (misprint in Wikisource; स्छ for श्च; the critical edition reads vikṣipataś cāpaṃ).

Verse 4 (6.74.4)

क्षिपतश्च परांस्तस्य रणे शत्रून्विनिघ्नतः । ददृशे रूपमत्यर्थं मेघस्येव प्रवर्षतः ॥

kṣipataśca parāṃstasya raṇe śatrūnvinighnataḥ | dadṛśe rūpamatyarthaṃ meghasyeva pravarṣataḥ

and shot them at his foes and slew his enemies in the battle, his form looked exceedingly like that of a cloud pouring rain.

Note on the text: परांस्तस्य for the critical edition's śarān asya kept as a variant.

Verse 5 (6.74.5)

तमुदीर्यन्तमालोक्य राजा दुर्योधनस्ततः । रथानामयुतं तस्य प्रेषयामास भारत ॥

tamudīryantamālokya rājā duryodhanastataḥ | rathānāmayutaṃ tasya preṣayāmāsa bhārata

Seeing him surge forward, King Duryodhana then sent ten thousand chariots against him, O Bharata.

Note on the text: Corrected दुर्योधस्ततः → दुर्योधनस्ततः (misprint in Wikisource; a dropped न; the critical edition reads duryodhanas tataḥ).

Verse 6 (6.74.6)

तांस्तु सर्वान्महेष्वासान्सात्यकिः सत्यविक्रमः । जघान परमेष्वासो दिव्येनास्त्रेण वीर्यवान् ॥

tāṃstu sarvānmaheṣvāsānsātyakiḥ satyavikramaḥ | jaghāna parameṣvāso divyenāstreṇa vīryavān

Satyaki, true in valour, the supreme archer of great prowess, slew all those great archers with a celestial weapon.

Verse 7 (6.74.7)

स कृत्वा दारुणं कर्म प्रगृहीतशरासनः । आससाद ततो वीरो भूरिश्रवसमाहवे ॥

sa kṛtvā dāruṇaṃ karma pragṛhītaśarāsanaḥ | āsasāda tato vīro bhūriśravasamāhave

Having done that dreadful deed, bow in hand, the hero then closed with Bhurishravas in the battle.

Note on the text: Corrected कृत्कवा → कृत्वा (misprint in Wikisource; a stray क; the critical edition reads kṛtvā).

Verse 8 (6.74.8)

स हि संदृश्य सेनां ते युयुधानेन पातिताम् । अभ्यधावत संक्रुद्धः कुरूणां कीर्तिवर्धनः ॥

sa hi saṃdṛśya senāṃ te yuyudhānena pātitām | abhyadhāvata saṃkruddhaḥ kurūṇāṃ kīrtivardhanaḥ

For he, who added to the fame of the Kurus, seeing your army felled by Yuyudhana, had rushed forward in fury.

Verse 9 (6.74.9)

इन्द्रायुधसवर्णं तु विस्फार्य सुमहद्धनुः । सृष्टवान्वज्रसंकाशाञ्शरानाशीविषोपमान् ॥

indrāyudhasavarṇaṃ tu visphārya sumahaddhanuḥ | sṛṣṭavānvajrasaṃkāśāñśarānāśīviṣopamān

Stretching his huge bow, coloured like Indra's rainbow, he loosed arrows like thunderbolts and like venomous serpents,

Note on the text: The automatic alignment missed this verse: it is the critical edition's 6.70.9a–d (तु … सुमहद्धनुः and सृष्टवान् for tat sa … mahad dhanuḥ and vyasṛjad kept as variants).

Verse 10 (6.74.10)

सहस्रशो महाराज दर्शयन्पाणिलाघवम् । शरांस्तान्मृत्युसंस्पर्शान्सात्यकेश्च पदानुगाः ॥

sahasraśo mahārāja darśayanpāṇilāghavam | śarāṃstānmṛtyusaṃsparśānsātyakeśca padānugāḥ

by the thousand, O great king, displaying his deftness of hand. Satyaki's followers could not bear those arrows whose touch was death;

Note on the text: Corrected माहाराज → महाराज (misprint in Wikisource; a stray long ā; the critical edition reads mahārāja). The automatic alignment missed this verse: line 1 is the critical edition's 6.70.9ef and line 2 its 6.70.10ab.

Verse 11 (6.74.11)

न विषेहुस्तदा राजन्दुद्रुवुस्ते समन्ततः । विहाय सात्यकिं राजन्समरे युद्धदुर्मदम् ॥

na viṣehustadā rājandudruvuste samantataḥ | vihāya sātyakiṃ rājansamare yuddhadurmadam

they fled on every side then, O king, abandoning Satyaki, wild in battle, on the field, O king.

Note on the text: The automatic alignment missed this verse: it is the critical edition's 6.70.10cd and ef.

Verse 12 (6.74.12)

तं दृष्ट्वा युयुधानस्य सुता दश महाबलाः । महारथाः समाख्याताश्चित्रवर्मायुधध्वजाः ॥

taṃ dṛṣṭvā yuyudhānasya sutā daśa mahābalāḥ | mahārathāḥ samākhyātāścitravarmāyudhadhvajāḥ

Seeing him, Yuyudhana's ten mighty sons, renowned as great chariot-warriors, with bright armour, weapons and banners,

Note on the text: Corrected महारथाःक → महारथाः (misprint in Wikisource; a stray क after the visarga; the critical edition reads mahārathāḥ).

Verse 13 (6.74.13)

समासाद्य महेष्वासं भूरिश्रवसमाहवे । ऊचुः सर्वे सुसंरब्धा यूपकेतुं महारणे ॥

samāsādya maheṣvāsaṃ bhūriśravasamāhave | ūcuḥ sarve susaṃrabdhā yūpaketuṃ mahāraṇe

closing with the great archer Bhurishravas on the field, all spoke in great fury to him whose banner bore the sacrificial post, in that great battle:

Verse 14 (6.74.14)

भोभो कौरवदायाद सहास्माभिर्महाबल । एहि युध्यस्व संग्रामे समस्तैः पृथगेव वा ॥

bhobho kauravadāyāda sahāsmābhirmahābala | ehi yudhyasva saṃgrāme samastaiḥ pṛthageva vā

"Ho there, heir of the Kurus, mighty one! Come, fight with us in battle, all of us together or one by one.

Note on the text: Corrected कौरवादायाद → कौरवदायाद (misprint in Wikisource; a stray long ā inside the compound; the critical edition reads kauravadāyāda). Speaker: the page prints no heading; verses 14–15 are the challenge of Satyaki's ten sons, introduced in verse 13 (ऊचुः सर्वे), so they are given to them (सात्यकिपुत्रा ऊचुः; the critical edition prints no heading either).

Verse 15 (6.74.15)

अस्मान्वा त्वं पराजित्य यशः प्राप्नुहि संयुगे । वयं वा त्वां पराजित्य प्रीतिं धास्यामहे पितुः ॥

asmānvā tvaṃ parājitya yaśaḥ prāpnuhi saṃyuge | vayaṃ vā tvāṃ parājitya prītiṃ dhāsyāmahe pituḥ

Either you defeat us and win glory in battle, or we defeat you and bring joy to our father."

Note on the text: Speaker: the challenge of Satyaki's sons continues (see verse 14). धास्यामहे for the critical edition's dāsyāmahe kept as a variant.

Verse 16 (6.74.16)

एवमुक्तस्तदा शूरैस्तानुवाच महाबलः । वीर्यश्लाघी नरश्रेष्ठस्तान्दृष्ट्वा समवस्थितान् ॥

evamuktastadā śūraistānuvāca mahābalaḥ | vīryaślāghī naraśreṣṭhastāndṛṣṭvā samavasthitān

So addressed by those heroes, the mighty one, best of men, who prided himself on his valour, seeing them standing ready, said to them:

Note on the text: समवस्थितान् for the critical edition's samupasthitān kept as a variant.

Verse 17 (6.74.17)

साध्विदं कथ्यते वीरा यद्येवं मतिरद्य वः । युध्यध्वं सहिता यत्ता निहनिष्यामि वो रणे ॥

sādhvidaṃ kathyate vīrā yadyevaṃ matiradya vaḥ | yudhyadhvaṃ sahitā yattā nihaniṣyāmi vo raṇe

"Well spoken, heroes, if such is your mind today. Fight together, and be on your guard; I shall slay you in battle."

Note on the text: Corrected यंद्येवं → यद्येवं (misprint in Wikisource; a stray anusvara; the critical edition reads yad evaṃ, Wikisource's यदि ('if') kept as a variant). Speaker: the page prints no heading; this is Bhurishravas's reply, introduced in verse 16 (तानुवाच), so it is given to him.

Verse 18 (6.74.18)

एवमुक्ता महेष्वासास्ते वीराः क्षिप्रकारिणः । महता शरवर्षेण अभ्यधावन्नरिन्दमम् ॥

evamuktā maheṣvāsāste vīrāḥ kṣiprakāriṇaḥ | mahatā śaravarṣeṇa abhyadhāvannarindamam

So addressed, those great archers, heroes swift in action, rushed at the tamer of foes with a great shower of arrows.

Note on the text: अभ्यधावन् for the critical edition's abhyavarṣann kept as a variant.

Verse 19 (6.74.19)

सोऽपराह्णे महाराज संग्रामस्तुमुलोऽभवत् । एकस्य च बहूनां च समेतानां रणाजिरे ॥

so'parāhṇe mahārāja saṃgrāmastumulo'bhavat | ekasya ca bahūnāṃ ca sametānāṃ raṇājire

That battle in the afternoon, O great king, grew tumultuous, one man against many who had come together on the field.

Verse 20 (6.74.20)

तमेकं रथिनां श्रेष्ठं शरैस्ते समवाकिरन् । प्रावृषीव यथा मेरुं सिषिचुर्जलदा नृप ॥

tamekaṃ rathināṃ śreṣṭhaṃ śaraiste samavākiran | prāvṛṣīva yathā meruṃ siṣicurjaladā nṛpa

They covered that one, the best of chariot-warriors, with arrows, as clouds in the rainy season drench Mount Meru, O king.

Note on the text: समवाकिरन् and यथा मेरुं for the critical edition's śaravarṣair avākiran and mahāśailaṃ kept as variants.

Verse 21 (6.74.21)

तैस्तु मुक्ताञ्शरान्घोरान्यमदण्डाशनिप्रभान् । असंप्राप्तानसंभ्रान्तश्चिच्छेदाशु महारथः ॥

taistu muktāñśarānghorānyamadaṇḍāśaniprabhān | asaṃprāptānasaṃbhrāntaścicchedāśu mahārathaḥ

The terrible arrows they loosed, bright as Yama's staff and the thunderbolt, the great chariot-warrior calmly and quickly cut down before they reached him.

Note on the text: Corrected असंभ्राकन्तिश्चिच्छेदाशु → असंभ्रान्तश्चिच्छेदाशु (misprint in Wikisource; a stray क and vowel sign ि garble असंभ्रान्तः, 'unflustered'). The critical edition reads asaṃprāptān asaṃprāptāṃś here; Wikisource's असंभ्रान्तः and शरान्घोरान् (for śaraughāṃs tān) kept as variants.

Verse 22 (6.74.22)

तत्राद्भुतमपश्याम सौमदत्तेः पराक्रमम् । यदेको बहुभिर्युद्धे समसज्जदभीतवत् ॥

tatrādbhutamapaśyāma saumadatteḥ parākramam | yadeko bahubhiryuddhe samasajjadabhītavat

There we saw the wondrous valour of Somadatta's son, that he, alone, engaged many in battle as though he knew no fear.

Note on the text: Corrected बहुबिर् → बहुभिर् (misprint in Wikisource; ब for भ) and समसञ्जद् → समसज्जद् (misprint in Wikisource; the root सञ्ज् drops its nasal in the present stem); the critical edition reads bahubhir … samasajjad.

Verse 23 (6.74.23)

विसृज्य शरवृष्टिं तां दश राजन्महारथाः । परिवार्य महाबाहुं निहन्तुमुपचक्रमुः ॥

visṛjya śaravṛṣṭiṃ tāṃ daśa rājanmahārathāḥ | parivārya mahābāhuṃ nihantumupacakramuḥ

Having loosed that shower of arrows, the ten great chariot-warriors, O king, surrounded the mighty-armed one and set about killing him.

Verse 24 (6.74.24)

सौमदत्तिस्ततः क्रुद्धस्तेषां चापानि भारत । चिच्छेद समरे राजन्युध्यमानो महारथैः ॥

saumadattistataḥ kruddhasteṣāṃ cāpāni bhārata | ciccheda samare rājanyudhyamāno mahārathaiḥ

Then Somadatta's son in anger cut their bows, O Bharata, in the battle, O king, as he fought those great chariot-warriors.

Note on the text: Corrected समदत्तिस् → सौमदत्तिस् (misprint in Wikisource; a dropped vowel sign ौ; the critical edition reads saumadattis). Line 2 (चिच्छेद समरे राजन्युध्यमानो महारथैः) differs from the critical edition's ciccheda daśabhir bāṇair nimeṣeṇa mahārathaḥ; kept as a recension variant.

Verse 25 (6.74.25)

अथैषां छिन्नधनुषां शरैः सन्नतपर्वभिः । चिच्छेद समरे राजञ्शिरांसि भरतर्षभ ॥

athaiṣāṃ chinnadhanuṣāṃ śaraiḥ sannataparvabhiḥ | ciccheda samare rājañśirāṃsi bharatarṣabha

Then with arrows of smooth joints he cut off in battle the heads of those whose bows were cut, O king, O bull of the Bharatas.

Note on the text: The automatic alignment missed this verse: it is the critical edition's 6.70.24a–d (शरैः and भरतर्षभ for bhallaiḥ and niśitaiḥ śaraiḥ kept as variants).

Verse 26 (6.74.26)

ते हता न्यपतन्राजन्वज्रभग्ना इव द्रुमाः । तान्दृष्ट्वा निहतान्वीरो रणे पुत्रान्महाबलान् ॥

te hatā nyapatanrājanvajrabhagnā iva drumāḥ | tāndṛṣṭvā nihatānvīro raṇe putrānmahābalān

Slain, they fell, O king, like trees shattered by the thunderbolt. Seeing his mighty sons slain in the battle, the hero,

Note on the text: The automatic alignment missed this verse: line 1 is the critical edition's 6.70.24ef (राजन् for bhūmau) and line 2 its 6.70.25ab (वीरो for vīrān); kept as variants.

Verse 27 (6.74.27)

वार्ष्णेयो विनदन्राजन्भूरिश्रवसमभ्ययात् । रथं रथेन समरे पीडयित्वा महाबलौ ॥

vārṣṇeyo vinadanrājanbhūriśravasamabhyayāt | rathaṃ rathena samare pīḍayitvā mahābalau

the Vrishni hero, roaring, O king, advanced against Bhurishravas. Pressing chariot against chariot in the battle, the two mighty men

Note on the text: Corrected विनदराजन् → विनदन्राजन् (misprint in Wikisource; a dropped न्; the critical edition reads vinadan rājan). The automatic alignment missed this verse: line 1 is the critical edition's 6.70.25cd and line 2 its 6.70.26ab.

Verse 28 (6.74.28)

तावन्योन्यं हि समरे निहत्य रथवाजिनः । विरथावभिवल्गन्तौ समेयातां महारथौ ॥

tāvanyonyaṃ hi samare nihatya rathavājinaḥ | virathāvabhivalgantau sameyātāṃ mahārathau

killed each other's chariot-horses in the fight, and then, chariotless, leaping about, the two great chariot-warriors met.

Note on the text: The automatic alignment missed this verse: it is the critical edition's 6.70.26cd and ef (अन्योन्यं हि for anyonyasya kept as a variant).

Verse 29 (6.74.29)

प्रगृहीतमहाखड्गौ तौ चर्मवरधारिणौ । शुशुभाते नरव्याघ्रौ युद्धाय समवस्थितौ ॥

pragṛhītamahākhaḍgau tau carmavaradhāriṇau | śuśubhāte naravyāghrau yuddhāya samavasthitau

Grasping great swords and bearing fine shields, the two tigers among men shone as they stood ready for combat.

Note on the text: Corrected खङ्गौ → खड्गौ (misprint in Wikisource; ङ्ग for ड्ग; the critical edition reads khaḍgau).

Verse 30 (6.74.30)

असह्यमसियुद्धाय भूरिश्रवसमाहवे । मत्वा वृकोदरस्तूर्णमभिप्लुत्य महारथः ॥

asahyamasiyuddhāya bhūriśravasamāhave | matvā vṛkodarastūrṇamabhiplutya mahārathaḥ

Judging that Bhurishravas could not be withstood in a sword fight on that field, Vrikodara, the great chariot-warrior, swiftly leapt forward;

Note on the text: Not in the critical edition (found in the vulgate recension); the critical edition gives it only in its apparatus, as the star passage 6.70.27d*0292.

Verse 31 (6.74.31)

ततः सात्यकिमभ्येत्य निस्त्रिंशवरधारिणम् । भीमसेनस्त्वरन्राजन्रथमारोपयत्तदा ॥

tataḥ sātyakimabhyetya nistriṃśavaradhāriṇam | bhīmasenastvaranrājanrathamāropayattadā

then, coming up to Satyaki, who held his fine sword, Bhimasena hastily, O king, took him up into his chariot.

Verse 32 (6.74.32)

तवापि तनयो राजन्भूरिश्रवसमाहवे । आरोपयद्रथं तूर्णं पश्यतां सर्वधन्विनाम् ॥

tavāpi tanayo rājanbhūriśravasamāhave | āropayadrathaṃ tūrṇaṃ paśyatāṃ sarvadhanvinām

Your son too, O king, quickly took Bhurishravas up into his chariot in the battle while all the bowmen looked on.

Verse 33 (6.74.33)

तस्मिंस्तथा वर्तमाने रणे भीष्मं महारथम् । अयोधयन्त संरब्धाः पाण्डवा भरतर्षभ ॥

tasmiṃstathā vartamāne raṇe bhīṣmaṃ mahāratham | ayodhayanta saṃrabdhāḥ pāṇḍavā bharatarṣabha

While this was going on in the battle, the Pandavas in their fury fought Bhishma, the great chariot-warrior, O bull of the Bharatas.

Note on the text: Corrected तस्मिस्तथा → तस्मिंस्तथा (misprint in Wikisource; a dropped anusvara; the critical edition reads tasmiṃs tathā).

Verse 34 (6.74.34)

लोहितायति चादित्ये त्वरमाणो धनञ्जयः । पञ्चविंशतिसाहस्रान्निजघान महारथान् ॥

lohitāyati cāditye tvaramāṇo dhanañjayaḥ | pañcaviṃśatisāhasrānnijaghāna mahārathān

As the sun turned red, Dhananjaya, in haste, slew twenty-five thousand great chariot-warriors.

Verse 35 (6.74.35)

ते हि दुर्योधनादिष्टास्तदा पार्थनिबर्हणे । संप्राप्यैव गता नाशं शलभा इव पावकम् ॥

te hi duryodhanādiṣṭāstadā pārthanibarhaṇe | saṃprāpyaiva gatā nāśaṃ śalabhā iva pāvakam

For they had been ordered by Duryodhana to slay Partha, and they perished as soon as they reached him, like moths in a fire.

Verse 36 (6.74.36)

ततो मत्स्याः केकयाश्च धनुर्वेदविशारदाः । परिवव्रुस्तदा पार्थं सहपुत्रं महारथम् ॥

tato matsyāḥ kekayāśca dhanurvedaviśāradāḥ | parivavrustadā pārthaṃ sahaputraṃ mahāratham

Then the Matsyas and the Kekayas, skilled in the science of archery, surrounded Partha, the great chariot-warrior, and his son.

Verse 37 (6.74.37)

एतस्मिन्नेव काले तु सूर्येऽस्तमुपगच्छति । सर्वेषां चैव सैन्यानां प्रमोहः समजायत ॥

etasminneva kāle tu sūrye'stamupagacchati | sarveṣāṃ caiva sainyānāṃ pramohaḥ samajāyata

At that very time, as the sun was setting, a bewilderment came over all the armies.

Note on the text: Corrected एवस्मिन्नेव → एतस्मिन्नेव (misprint in Wikisource; व for त; the critical edition reads etasminn eva). चैव for the critical edition's eva kept as a variant.

Verse 38 (6.74.38)

अवहारं ततश्चक्रे पिता देवव्रतस्तव । संध्याकाले महाराज सैन्यानां श्रान्तवाहनः ॥

avahāraṃ tataścakre pitā devavratastava | saṃdhyākāle mahārāja sainyānāṃ śrāntavāhanaḥ

Then your father Devavrata, whose mounts were weary, withdrew the troops at twilight, O great king.

Verse 39 (6.74.39)

पाण्डवानां कुरूणां च परस्परसमागमे । ते सेने भृशसंविग्ने ययतुः स्वं निवेशनम् ॥

pāṇḍavānāṃ kurūṇāṃ ca parasparasamāgame | te sene bhṛśasaṃvigne yayatuḥ svaṃ niveśanam

After that clash of Pandavas and Kurus, the two armies, sorely shaken, went back to their own quarters.

Verse 40 (6.74.40)

ततः स्वशिबिरं गत्वा न्यविशंस्तत्र भारत । पाण्डवाः सृञ्जयैः सार्धं कुरवश्च यथाविधि ॥

tataḥ svaśibiraṃ gatvā nyaviśaṃstatra bhārata | pāṇḍavāḥ sṛñjayaiḥ sārdhaṃ kuravaśca yathāvidhi

Then, reaching their own camps, the Pandavas with the Srinjayas, and the Kurus, rested there in due order, O Bharata.

Note on the text: Corrected यथाविधिः → यथाविधि (misprint in Wikisource; the indeclinable takes no visarga; the critical edition reads yathāvidhi).