Bhima Fells Duryodhana; the Sons of Draupadi Fight

Verse 1 (6.79.1)

ततो दुर्योधनो राजा लोहितायति भास्करे । संग्रामरभसो भीमं हन्तुकामोऽभ्यधावत ॥

tato duryodhano rājā lohitāyati bhāskare | saṃgrāmarabhaso bhīmaṃ hantukāmo'bhyadhāvata

Then, as the sun was turning red, King Duryodhana, eager for battle, rushed at Bhima, wanting to kill him.

Note on the text: Adhyaya note: checked against the raw Wikisource page (a table, one row per verse, 6-79-1 to 6-79-67, under one सञ्जय उवाच heading, ending with its colophon naming this the 79th adhyaya, on the sixth day of battle). Page and input agree on all 67 verses; together they correspond to the critical edition 6.75.1–59 with its star passages *0314, *0315, *0316, *0317, *0318, *0320 and *0321. Verses 3–8 (Bhima's words to Duryodhana) carry no heading on the page and are given to Bhimasena.

Verse 2 (6.79.2)

तमायान्तमभिप्रेक्ष्य नृवीरं दृढवैरिणम् । भीमसेनः सुसंक्रुद्ध इदं वचनमब्रवीत् ॥

tamāyāntamabhiprekṣya nṛvīraṃ dṛḍhavairiṇam | bhīmasenaḥ susaṃkruddha idaṃ vacanamabravīt

Seeing that hero among men, his sworn enemy, coming on, Bhimasena, in great fury, spoke these words:

Verse 3 (6.79.3)

अयं स कालः संप्राप्तो वर्षपूगाभिवाञ्छितः । अद्य त्वां निहनिष्यामि यदि नोत्सृजसे रणम् ॥

ayaṃ sa kālaḥ saṃprāpto varṣapūgābhivāñchitaḥ | adya tvāṃ nihaniṣyāmi yadi notsṛjase raṇam

"The moment I have longed for through so many years has come. Today I will kill you, unless you abandon the battle.

Verse 4 (6.79.4)

अद्य कुन्त्याः परिक्लेशं वनवासं च कृत्स्नशः । द्रौपद्याश्च परिक्लेशं प्रणेष्यामि हते त्वयि ॥

adya kuntyāḥ parikleśaṃ vanavāsaṃ ca kṛtsnaśaḥ | draupadyāśca parikleśaṃ praṇeṣyāmi hate tvayi

Today, when you are slain, I will put away Kunti's suffering and the whole of our exile in the forest, and Draupadi's suffering too.

Verse 5 (6.79.5)

यत्पुरा मत्सरीभूत्वा पाण्डवानवमन्यसे । तस्य पापस्य गान्धारे पश्य व्यसनमागतम् ॥

yatpurā matsarībhūtvā pāṇḍavānavamanyase | tasya pāpasya gāndhāre paśya vyasanamāgatam

You who once, grown jealous, held the Pandavas in contempt: see now, son of Gandhari, the ruin that sin has brought upon you.

Verse 6 (6.79.6)

कर्णस्य मतमास्थाय सौबलस्य च यत्पुरा । अचिन्त्य पाण्डवान्कामाद्यथेष्टं कृतवानसि ॥

karṇasya matamāsthāya saubalasya ca yatpurā | acintya pāṇḍavānkāmādyatheṣṭaṃ kṛtavānasi

Following the counsel of Karna and of Saubala (Shakuni), you once did as you pleased, out of desire, giving no thought to the Pandavas.

Verse 7 (6.79.7)

याचमानं च यन्मोहाद्दाशार्हमवमन्यसे । उलूकस्य समादेशं यद्ददासि च हृष्टवत् ॥

yācamānaṃ ca yanmohāddāśārhamavamanyase | ulūkasya samādeśaṃ yaddadāsi ca hṛṣṭavat

In your folly you scorned the Dasharha (Krishna) when he came pleading, and you gleefully sent your message by Uluka.

Verse 8 (6.79.8)

तेन त्वां निहनिष्यामि सानुबन्धं सबान्धवम् । शमीकरिष्ये तत्पापं यत्पुरा कृतवानसि ॥

tena tvāṃ nihaniṣyāmi sānubandhaṃ sabāndhavam | śamīkariṣye tatpāpaṃ yatpurā kṛtavānasi

For that I will kill you, together with your followers and your kin, and settle the account of the sin you committed long ago."

Verse 9 (6.79.9)

एवमुक्त्वा धनुर्घोरं विकृष्योद्भ्राम्य चासकृत् । समाधत्त शरान्घोरान्महाशनिसमप्रभान् ॥

evamuktvā dhanurghoraṃ vikṛṣyodbhrāmya cāsakṛt | samādhatta śarānghorānmahāśanisamaprabhān

So saying, he drew his terrible bow, whirled it again and again, and fitted to it dreadful arrows that shone like great thunderbolts.

Verse 10 (6.79.10)

षड्विंशत्तरसा क्रुद्धो मुमोचाशु सुयोधने । ज्वलिताग्निशिखाकारान्वज्रकल्पानजिह्मगान् ॥

ṣaḍviṃśattarasā kruddho mumocāśu suyodhane | jvalitāgniśikhākārānvajrakalpānajihmagān

In his fury he swiftly loosed twenty-six of them at Suyodhana, straight-flying arrows like thunderbolts, shaped like the crests of blazing fire.

Note on the text: Corrected षड्विंशतिमसं → षड्विंशत्तरसा (misprint in Wikisource; मसं is not a word here, critical edition ṣaḍviṃśat tarasā).

Verse 11 (6.79.11)

ततोऽस्य कार्मुकं द्वाभ्यां सूतं द्वाभ्यां च विव्यधे । चतुर्भिरश्वाञ्जवनाननयद्यमसादनम् ॥

tato'sya kārmukaṃ dvābhyāṃ sūtaṃ dvābhyāṃ ca vivyadhe | caturbhiraśvāñjavanānanayadyamasādanam

Then with two he struck his bow and with two his charioteer, and with four he sent his swift horses to the abode of Yama.

Verse 12 (6.79.12)

द्वाभ्यां च सुविकृष्टाभ्यां शराभ्यामरिमर्दनः । छत्रं चिच्छेद समरे राज्ञस्तस्य नरोत्तम ॥

dvābhyāṃ ca suvikṛṣṭābhyāṃ śarābhyāmarimardanaḥ | chatraṃ ciccheda samare rājñastasya narottama

With two arrows drawn full, the crusher of foes cut down that king's umbrella in the battle, O best of men.

Note on the text: Corrected नरोत्तम् → नरोत्तम (misprint in Wikisource; a stray virama on the vocative). The critical edition reads rathottamāt here; the Wikisource vocative is kept.

Verse 13 (6.79.13)

षड्भिश्च तस्य चिच्छेद ज्वलन्तं ध्वजमुत्तमम् । छित्त्वा तं च ननादोच्चैस्तव पुत्रस्य पश्यतः ॥

ṣaḍbhiśca tasya ciccheda jvalantaṃ dhvajamuttamam | chittvā taṃ ca nanādoccaistava putrasya paśyataḥ

With six he cut down his splendid, blazing standard, and having cut it he roared aloud while your son looked on.

Note on the text: Corrected षङ्भिश्च → षड्भिश्च (misprint in Wikisource; ङ for ड). The critical edition has tribhiś (three) for six; the Wikisource number is kept.

Verse 14 (6.79.14)

रथाच्च स ध्वजः श्रीमान्नानारत्नविभूषितात् । पपात सहसा भूमौ विद्युज्जलधरादिव ॥

rathācca sa dhvajaḥ śrīmānnānāratnavibhūṣitāt | papāta sahasā bhūmau vidyujjaladharādiva

That splendid standard fell suddenly from the chariot adorned with many jewels to the ground, like lightning from a cloud.

Note on the text: Corrected विद्युञ्जलधरादिव → विद्युज्जलधरादिव (misprint in Wikisource; ञ for ज् in the sandhi of विद्युत् + जलधरात्, critical edition vidyuj jaladharād iva).

Verse 15 (6.79.15)

ज्वलन्तं सूर्यसंकाशं नागं मणिमयं शुभम् । ध्वजं कुरुपतेश्छिन्नं ददृशुः सर्वपार्थिवाः ॥

jvalantaṃ sūryasaṃkāśaṃ nāgaṃ maṇimayaṃ śubham | dhvajaṃ kurupateśchinnaṃ dadṛśuḥ sarvapārthivāḥ

All the kings saw the standard of the Kuru lord cut down: the beautiful jewelled serpent, blazing and bright as the sun.

Verse 16 (6.79.16)

अथैनं दशभिर्बाणैस्तोत्रैरिव महाद्विपम् । आजघान रणे वीरं स्मयन्निव महारथः ॥

athainaṃ daśabhirbāṇaistotrairiva mahādvipam | ājaghāna raṇe vīraṃ smayanniva mahārathaḥ

Then the great chariot-warrior, as if smiling, struck the hero in battle with ten arrows, as one drives a great elephant with goads.

Verse 17 (6.79.17)

स गाढविद्धो व्यथितो भीमसेनेन संयुगे । निषसाद रथोपस्थे मूर्च्छाभिहतचेतनः ॥

sa gāḍhaviddho vyathito bhīmasenena saṃyuge | niṣasāda rathopasthe mūrcchābhihatacetanaḥ

Deeply pierced and in pain from Bhimasena's blows in the battle, he sank down on the floor of his chariot, his senses struck by a swoon.

Note on the text: Corresponds to the critical edition's 6.75.19 (मूर्च्छाभिहतचेतनः for rājā duryodhanas tadā); Wikisource places it before the critical edition's 6.75.17–18.

Verse 18 (6.79.18)

ततः स राजा सिन्धूनां रथश्रेष्ठो महाबलः । दुर्योधनस्य जग्राह पार्ष्णिं स्वपुरुषैर्वृतः ॥

tataḥ sa rājā sindhūnāṃ rathaśreṣṭho mahābalaḥ | duryodhanasya jagrāha pārṣṇiṃ svapuruṣairvṛtaḥ

Then the king of the Sindhus, best of chariot-fighters and of great strength, surrounded by his own men, took up the guard of Duryodhana's flank.

Verse 19 (6.79.19)

कृपश्च रथिनां श्रेष्ठस्तव पुत्रमचेतनम् । आरोपयद्रथं राजन्दुर्योधनममर्षणम् ॥

kṛpaśca rathināṃ śreṣṭhastava putramacetanam | āropayadrathaṃ rājanduryodhanamamarṣaṇam

And Kripa, best of chariot-warriors, lifted your unconscious son, the unyielding Duryodhana, onto his own chariot, O king.

Verse 20 (6.79.20)

परिवार्य ततो भीमं जेतुकामो जयद्रथः । रथैरनेकसाहस्रैर्भीमस्यावारयद्दिशः ॥

parivārya tato bhīmaṃ jetukāmo jayadrathaḥ | rathairanekasāhasrairbhīmasyāvārayaddiśaḥ

Then Jayadratha, eager to win, surrounded Bhima with many thousands of chariots and shut him in on every side.

Verse 21 (6.79.21)

धृष्टकेतुस्ततो राजन्नभिमन्युश्च वीर्यवान् । केकया द्रौपदेयाश्च तव पुत्रानयोधयन् ॥

dhṛṣṭaketustato rājannabhimanyuśca vīryavān | kekayā draupadeyāśca tava putrānayodhayan

Then, O king, Dhrishtaketu, the valiant Abhimanyu, the Kekayas and the sons of Draupadi fought with your sons.

Verse 22 (6.79.22)

चित्रसेनः सुचित्रश्च चित्राङ्गश्चित्रदर्शनः । चारुचित्रः सुचारुश्च तथा नन्दोपनन्दकौ ॥

citrasenaḥ sucitraśca citrāṅgaścitradarśanaḥ | cārucitraḥ sucāruśca tathā nandopanandakau

Chitrasena, Suchitra, Chitranga, Chitradarshana, Charuchitra, Sucharu, and Nanda and Upanandaka:

Verse 23 (6.79.23)

अष्टावेते महेष्वासाः सुकुमारा यशस्विनः । अभिमन्युरथं राजन्समन्तात्पर्यवारयन् ॥

aṣṭāvete maheṣvāsāḥ sukumārā yaśasvinaḥ | abhimanyurathaṃ rājansamantātparyavārayan

these eight great archers, youthful and renowned, surrounded Abhimanyu's chariot on every side, O king.

Verse 24 (6.79.24)

आजघान ततस्तूर्णमभिमन्युर्महामनाः । एकैकं पञ्चभिर्बाणैः शितैः सन्नतपर्वभिः ॥

ājaghāna tatastūrṇamabhimanyurmahāmanāḥ | ekaikaṃ pañcabhirbāṇaiḥ śitaiḥ sannataparvabhiḥ

Then the high-minded Abhimanyu swiftly struck each of them with five sharp, straight-jointed arrows,

Note on the text: Corresponds to the critical edition's 6.75.24ab–cd (शितैः for viddhvā). Wikisource divides the critical edition's three-line verses here into couplets, so nothing is lost.

Verse 25 (6.79.25)

वज्रमृत्युप्रतीकाशैर्विचित्रायुधनिःसृतैः । अमृष्यमाणास्ते सर्वे सौभद्रं रथसत्तमम् ॥

vajramṛtyupratīkāśairvicitrāyudhaniḥsṛtaiḥ | amṛṣyamāṇāste sarve saubhadraṃ rathasattamam

arrows like the thunderbolt and like death, sped from his wondrous bow. Unable to endure it, they all, against Saubhadra, that best of chariot-warriors,

Note on the text: Corresponds to the critical edition's 6.75.24ef and 6.75.25ab. Wikisource divides the critical edition's three-line verses here into couplets, so nothing is lost.

Verse 26 (6.79.26)

ववृषुर्मार्गणैस्तीक्ष्णैर्गिरिं मेरुमिवाम्बुदाः । स पीड्यमानः समरे कृतास्त्रो युद्धदुर्मदः ॥

vavṛṣurmārgaṇaistīkṣṇairgiriṃ merumivāmbudāḥ | sa pīḍyamānaḥ samare kṛtāstro yuddhadurmadaḥ

rained sharp arrows as clouds rain on Mount Meru. Hard pressed in the battle, the master of weapons, fierce in war,

Note on the text: Corresponds to the critical edition's 6.75.25cd and 6.75.26ab. Wikisource divides the critical edition's three-line verses here into couplets, so nothing is lost.

Verse 27 (6.79.27)

अभिमन्युर्महाराज तावकान्समकम्पयत् । यथा देवासुरे युद्धे वज्रपाणिर्महासुरान् ॥

abhimanyurmahārāja tāvakānsamakampayat | yathā devāsure yuddhe vajrapāṇirmahāsurān

Abhimanyu made your men tremble, O great king, as the wielder of the thunderbolt did the great Asuras in the war of the gods and Asuras.

Note on the text: Corresponds to the critical edition's 6.75.26cd–ef. Wikisource divides the critical edition's three-line verses here into couplets, so nothing is lost.

Verse 28 (6.79.28)

विकर्णस्य ततो भल्लान्प्रेषयामास भारत । चतुर्दश रथश्रेष्ठो घोरानाशीविषोपमान् ॥

vikarṇasya tato bhallānpreṣayāmāsa bhārata | caturdaśa rathaśreṣṭho ghorānāśīviṣopamān

Then that best of chariot-warriors loosed at Vikarna fourteen broad-headed arrows, O Bharata, terrible as venomous serpents.

Note on the text: Corresponds to the critical edition's 6.75.27ab–cd.

Verse 29 (6.79.29)

स तैर्विकर्णस्य रथात्पातयामास वीर्यवान् । ध्वजं सूतं हयांश्चैव नृत्यमान इवाहवे ॥

sa tairvikarṇasya rathātpātayāmāsa vīryavān | dhvajaṃ sūtaṃ hayāṃścaiva nṛtyamāna ivāhave

With them the valiant warrior struck down from Vikarna's chariot his standard, his charioteer and his horses, as though dancing in the fight.

Note on the text: Line 1 is the critical edition's star passage 6.75.27d*0314, not in the constituted text; line 2 is a variant of 6.75.27ef (ध्वजं सूतं हयांश्चैव नृत्यमान इवाहवे for dhvajaṃ sūtaṃ hayāṃś cāsya chittvā nṛtyann ivāhave).

Verse 30 (6.79.30)

पुनश्चान्याञ्शरान्पीतानकुण्ठाग्राञ्शिलाशितान् । प्रेषयामास संक्रुद्धो विकर्णाय महाबलः ॥

punaścānyāñśarānpītānakuṇṭhāgrāñśilāśitān | preṣayāmāsa saṃkruddho vikarṇāya mahābalaḥ

Again, in fury, the mighty warrior sent other arrows at Vikarna, oiled, with unblunted points and whetted on stone.

Verse 31 (6.79.31)

ते विकर्णं समासाद्य कङ्कबर्हिणवाससः । भित्त्वा देहं गता भूमिं ज्वलन्त इव पन्नगाः ॥

te vikarṇaṃ samāsādya kaṅkabarhiṇavāsasaḥ | bhittvā dehaṃ gatā bhūmiṃ jvalanta iva pannagāḥ

Feathered with heron and peacock plumes, they reached Vikarna, pierced through his body and went into the earth like blazing serpents.

Verse 32 (6.79.32)

ते शरा हेमपुङ्खाग्रा व्यदृश्यन्त महीतले । विकर्णरुधिरक्लिन्ना वमन्त इव शोणितम् ॥

te śarā hemapuṅkhāgrā vyadṛśyanta mahītale | vikarṇarudhiraklinnā vamanta iva śoṇitam

Those arrows with golden feathers and tips, soaked in Vikarna's blood, were seen lying on the ground as if vomiting blood.

Verse 33 (6.79.33)

विकर्णं वीक्ष्य निर्भिन्नं तस्यैवान्ये सहोदराः । अभ्यद्रवन्त समरे सौभद्रप्रमुखान्रथान् ॥

vikarṇaṃ vīkṣya nirbhinnaṃ tasyaivānye sahodarāḥ | abhyadravanta samare saubhadrapramukhānrathān

Seeing Vikarna pierced through, his other brothers rushed in the battle at the chariot-warriors led by Saubhadra.

Verse 34 (6.79.34)

अभियात्वा तथैवान्यान्रथांस्तान्सूर्यवर्चसः । अविध्यन्समरेऽन्योन्यं संरम्भाद्युद्धदुर्मदाः ॥

abhiyātvā tathaivānyānrathāṃstānsūryavarcasaḥ | avidhyansamare'nyonyaṃ saṃrambhādyuddhadurmadāḥ

Attacking in the same way those other chariot-warriors, bright as the sun, the warriors, wild in battle, pierced one another in their fury.

Verse 35 (6.79.35)

दुर्मुखः श्रुतकर्माणं विद्ध्वा सप्तभिराशुगैः । ध्वजमेकेन चिच्छेद सारथिं चास्य सप्तभिः ॥

durmukhaḥ śrutakarmāṇaṃ viddhvā saptabhirāśugaiḥ | dhvajamekena ciccheda sārathiṃ cāsya saptabhiḥ

Durmukha pierced Shrutakarma with seven swift arrows, cut down his standard with one and struck his charioteer with seven.

Note on the text: Corrected सप्तमिः → सप्तभिः (misprint in Wikisource; म for भ, critical edition saptabhiḥ).

Verse 36 (6.79.36)

अश्वाञ्जाम्बूनदैर्जालैः प्रच्छन्नान्वातरंहसः । जघान षड्भिरासाद्य सारथिं चाभ्यपातयत् ॥

aśvāñjāmbūnadairjālaiḥ pracchannānvātaraṃhasaḥ | jaghāna ṣaḍbhirāsādya sārathiṃ cābhyapātayat

Closing in, he killed with six arrows his horses, swift as the wind and covered with nets of gold, and brought down the charioteer.

Note on the text: Corrected षङ्भिरासाद्य → षड्भिरासाद्य (misprint in Wikisource; ङ for ड, critical edition ṣaḍbhir āsādya).

Verse 37 (6.79.37)

स हताश्वे रथे तिष्ठञ्श्रुतकर्मा महारथः । शक्तिं चिक्षेप संक्रुद्धो महोल्कां ज्वलितामिव ॥

sa hatāśve rathe tiṣṭhañśrutakarmā mahārathaḥ | śaktiṃ cikṣepa saṃkruddho maholkāṃ jvalitāmiva

Standing on his chariot whose horses were slain, the great chariot-warrior Shrutakarma hurled in fury a spear like a great blazing meteor.

Verse 38 (6.79.38)

सा दुर्मुखस्य विमलं वर्म भित्त्वा यशस्विनः । विदार्य प्राविशद्भूमिं दीप्यमाना स्वतेजसा ॥

sā durmukhasya vimalaṃ varma bhittvā yaśasvinaḥ | vidārya prāviśadbhūmiṃ dīpyamānā svatejasā

It pierced the bright armour of the renowned Durmukha, tore through him and, blazing with its own fire, entered the earth.

Note on the text: Corrected प्राविशद्भूभिं → प्राविशद्भूमिं (misprint in Wikisource; भ for म, critical edition prāviśad bhūmiṃ).

Verse 39 (6.79.39)

दुर्मुखो विह्वलस्तत्र निषसाद रणे विभो । विसंज्ञं प्रेक्ष्य ते सर्वे भ्रातरः पर्यवारयन् ॥

durmukho vihvalastatra niṣasāda raṇe vibho | visaṃjñaṃ prekṣya te sarve bhrātaraḥ paryavārayan

Durmukha, overcome, sank down there in the battle, O lord; seeing him senseless, all his brothers gathered round him.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.75.36d*0315. Line 1 reads रणे for rathe.

Verse 40 (6.79.40)

तं दृष्ट्वा विरथं तत्र सुतसोमो महारथः । पश्यतां सर्वसैन्यानां रथमारोपयत्स्वकम् ॥

taṃ dṛṣṭvā virathaṃ tatra sutasomo mahārathaḥ | paśyatāṃ sarvasainyānāṃ rathamāropayatsvakam

Seeing Shrutakarma without a chariot, the great chariot-warrior Sutasoma took him up onto his own chariot while all the armies looked on.

Verse 41 (6.79.41)

श्रुतकीर्तिस्तथा वीरो जयत्सेनं सुतं तव । अभ्ययात्समरे राजन्हन्तुकामो यशस्विनम् ॥

śrutakīrtistathā vīro jayatsenaṃ sutaṃ tava | abhyayātsamare rājanhantukāmo yaśasvinam

Then the hero Shrutakirti advanced in the battle, O king, against your renowned son Jayatsena, wanting to kill him.

Verse 42 (6.79.42)

तस्य विक्षिपतश्चापं श्रुतकीर्तेर्महास्वनम् । चिच्छेद समरे तूर्णं जयत्सेनः सुतस्तव ॥

tasya vikṣipataścāpaṃ śrutakīrtermahāsvanam | ciccheda samare tūrṇaṃ jayatsenaḥ sutastava

As Shrutakirti was drawing his loud-twanging bow, your son Jayatsena swiftly cut it in the battle

Note on the text: Corresponds to the critical edition's 6.75.39ab–cd (महास्वनम् for mahātmanaḥ, तूर्णं for rājañ). Wikisource divides the critical edition's three-line verses here into couplets, so nothing is lost.

Verse 43 (6.79.43)

क्षुरप्रेण सुतीक्ष्णेन प्रहसन्निव भारत । तं दृष्ट्वा च्छिन्नधन्वानं शतानीकः सहोदरम् ॥

kṣurapreṇa sutīkṣṇena prahasanniva bhārata | taṃ dṛṣṭvā cchinnadhanvānaṃ śatānīkaḥ sahodaram

with a very sharp razor-headed arrow, as if laughing, O Bharata. Seeing his brother's bow cut, Shatanika,

Note on the text: Corresponds to the critical edition's 6.75.39ef and 6.75.40ab (च्छिन्नधन्वानं for chinnadhanvānaṃ). Wikisource divides the critical edition's three-line verses here into couplets, so nothing is lost.

Verse 44 (6.79.44)

अभ्यपद्यत तेजस्वी सिंहवन्निनदन्मुहुः । शतानीकस्तु समरे दृढं विस्पार्य कार्मुकम् ॥

abhyapadyata tejasvī siṃhavanninadanmuhuḥ | śatānīkastu samare dṛḍhaṃ vispārya kārmukam

full of fire, rushed up, roaring like a lion again and again. Drawing his strong bow in the battle, Shatanika

Note on the text: Corresponds to the critical edition's 6.75.40cd and 6.75.41ab (विस्पार्य for visphārya). Wikisource divides the critical edition's three-line verses here into couplets, so nothing is lost.

Verse 45 (6.79.45)

विव्याध दशभिस्तूर्णं जयत्सेनं शिलीमुखैः । ननाद सुमहानादं प्रभिन्न इव वारणः ॥

vivyādha daśabhistūrṇaṃ jayatsenaṃ śilīmukhaiḥ | nanāda sumahānādaṃ prabhinna iva vāraṇaḥ

swiftly pierced Jayatsena with ten arrows and roared a mighty roar, like an elephant in rut.

Note on the text: Line 1 is the critical edition's 6.75.41cd; line 2 is its star passage 6.75.41b*0316, which the critical edition's apparatus places before 41cd.

Verse 46 (6.79.46)

अथान्येन सुतीक्ष्णेन सर्वावरणभेदिना । शतानीको जयत्सेनं विव्याध हृदये भृशम् ॥

athānyena sutīkṣṇena sarvāvaraṇabhedinā | śatānīko jayatsenaṃ vivyādha hṛdaye bhṛśam

Then with another very sharp arrow that pierced every armour, Shatanika struck Jayatsena hard in the chest.

Verse 47 (6.79.47)

तथा तस्मिन्वर्तमाने दुष्कर्णो भ्रातुरन्तिके । मुमोचास्मै शितान्बाणांस्तीक्ष्णानाशीविषोपमान् । चिच्छेद समरे चापं नाकुलेः क्रोधमूर्च्छितः ॥

tathā tasminvartamāne duṣkarṇo bhrāturantike | mumocāsmai śitānbāṇāṃstīkṣṇānāśīviṣopamān | ciccheda samare cāpaṃ nākuleḥ krodhamūrcchitaḥ

While this was going on, Dushkarna, at his brother's side, loosed at him sharp, keen arrows like venomous serpents, and, beside himself with fury, cut the bow of Nakula's son in the battle.

Note on the text: Lines 1 and 3 are the critical edition's 6.75.43ab and cd; line 2 is its star passage 6.75.43b*0317, not in the constituted text. Restored the missing space in मुमोचास्मैशितान् → मुमोचास्मै शितान् (two words run together in Wikisource).

Verse 48 (6.79.48)

अथान्यद्धनुरादाय भारसाहमनुत्तमम् । समादत्त शरान्घोराञ्शतानीको महाबलः ॥

athānyaddhanurādāya bhārasāhamanuttamam | samādatta śarānghorāñśatānīko mahābalaḥ

Taking up another excellent bow able to bear great strain, the mighty Shatanika fitted terrible arrows to it.

Verse 49 (6.79.49)

तिष्ठतिष्ठेति चामन्त्र्य दुष्कर्णं भ्रातुरग्रतः । मुमोचास्मै शितान्बाणाञ्ज्वलितान्पन्नगानिव ॥

tiṣṭhatiṣṭheti cāmantrya duṣkarṇaṃ bhrāturagrataḥ | mumocāsmai śitānbāṇāñjvalitānpannagāniva

Calling out "Stand! Stand!" to Dushkarna before his brother's eyes, he loosed at him sharp arrows like blazing serpents.

Note on the text: Corrected बाणाज्ज्वलितान् → बाणाञ्ज्वलितान् (misprint in Wikisource; the sandhi of बाणान् + ज्वलितान् gives ञ्ज, critical edition bāṇāñ jvalitān).

Verse 50 (6.79.50)

ततोऽस्य धनुरेकेन द्वाभ्यां सूतं च मारिष । चिच्छेद समरे तूर्णं तं च विव्याध सप्तभिः ॥

tato'sya dhanurekena dvābhyāṃ sūtaṃ ca māriṣa | ciccheda samare tūrṇaṃ taṃ ca vivyādha saptabhiḥ

Then with one he swiftly cut his bow in the battle, with two his charioteer, sir, and pierced Dushkarna himself with seven.

Verse 51 (6.79.51)

अश्वान्मनोजवांस्तस्य कर्बुरान्वातरंहसः । जघान निशितैस्तूर्णं सर्वान्द्वादशभिः शरैः ॥

aśvānmanojavāṃstasya karburānvātaraṃhasaḥ | jaghāna niśitaistūrṇaṃ sarvāndvādaśabhiḥ śaraiḥ

With twelve sharp arrows he swiftly killed all his horses, dappled, swift as thought and fleet as the wind.

Verse 52 (6.79.52)

अथापरेण भल्लेन सुयुक्तेनाशुपातिना । दुष्कर्णं नाकुलिः क्रुद्धो विव्याध हृदये भृशम् ॥

athāpareṇa bhallena suyuktenāśupātinā | duṣkarṇaṃ nākuliḥ kruddho vivyādha hṛdaye bhṛśam

Then with another broad-headed arrow, well fitted and swift in its fall, Nakula's son in his fury pierced Dushkarna hard in the chest.

Verse 53 (6.79.53)

स पपात ततो भूमौ वज्राहत इव द्रुमः । दुष्कर्णं व्यथितं दृष्ट्वा पञ्च राजन्महारथाः ॥

sa papāta tato bhūmau vajrāhata iva drumaḥ | duṣkarṇaṃ vyathitaṃ dṛṣṭvā pañca rājanmahārathāḥ

He fell to the ground like a tree struck by a thunderbolt. Seeing Dushkarna stricken, O king, five great chariot-warriors,

Note on the text: Line 1 is the critical edition's star passage 6.75.48d*0318 (वज्राहत for vajrarugṇa), not in the constituted text; line 2 is 6.75.49ab (व्यथितं for nihataṃ). Wikisource divides the critical edition's verses 49–52 into couplets that straddle them, so nothing is lost.

Verse 54 (6.79.54)

जिघांसन्तः शतानीकं सर्वतः पर्यवारयन् । छाद्यमानं शरव्रातैः शतानीकं यशस्विनम् ॥

jighāṃsantaḥ śatānīkaṃ sarvataḥ paryavārayan | chādyamānaṃ śaravrātaiḥ śatānīkaṃ yaśasvinam

eager to kill Shatanika, surrounded him on every side. As the renowned Shatanika was being buried under masses of arrows,

Note on the text: Corresponds to the critical edition's 6.75.49cd and 6.75.50ab. Corrected दिघांसन्तः → जिघांसन्तः (misprint in Wikisource; द for ज, critical edition jighāṃsantaḥ) and शरव्रतैः → शरव्रातैः (misprint in Wikisource; a dropped ā-sign, critical edition śaravrātaiḥ).

Verse 55 (6.79.55)

अभ्यधावन्त संक्रुद्धाः केकयाः पञ्च सोदराः । तानभ्यापततः प्रेक्ष्य तव पुत्रा महारथाः ॥

abhyadhāvanta saṃkruddhāḥ kekayāḥ pañca sodarāḥ | tānabhyāpatataḥ prekṣya tava putrā mahārathāḥ

the five Kekaya brothers rushed up in fury. Seeing them charge, your sons, great chariot-warriors,

Note on the text: Corresponds to the critical edition's 6.75.50cd and 6.75.51ab (संक्रुद्धाः for saṃrabdhāḥ).

Verse 56 (6.79.56)

प्रत्युद्ययुर्महाराज गजानिव महागजाः । दुर्मुखो दुर्जयश्चैव तथा दुर्मर्षणो युवा ॥

pratyudyayurmahārāja gajāniva mahāgajāḥ | durmukho durjayaścaiva tathā durmarṣaṇo yuvā

went out to meet them, O great king, like great elephants against elephants: Durmukha, Durjaya, the young Durmarshana,

Note on the text: Corresponds to the critical edition's 6.75.51cd (गजानिव महागजाः for gajā iva mahāgajān) and 6.75.52ab.

Verse 57 (6.79.57)

शत्रुंजयः शत्रुसहः सर्वे क्रुद्धा यशस्विनः । प्रत्युद्याता महाराज केकयान्भ्रातरः समम् ॥

śatruṃjayaḥ śatrusahaḥ sarve kruddhā yaśasvinaḥ | pratyudyātā mahārāja kekayānbhrātaraḥ samam

Shatrunjaya and Shatrusaha, all of them furious and renowned; together the brothers went out against the Kekayas, O great king,

Note on the text: Corresponds to the critical edition's 6.75.52cd–ef. Corrected सत्रुसहः → शत्रुसहः (misprint in Wikisource; स for श, critical edition śatrusahaḥ).

Verse 58 (6.79.58)

रथैर्नगरसंकाशैर्हयैर्युक्तैर्मनोजवैः । नानावर्णविचित्राभिः पताकाभिरलङ्कृतैः ॥

rathairnagarasaṃkāśairhayairyuktairmanojavaiḥ | nānāvarṇavicitrābhiḥ patākābhiralaṅkṛtaiḥ

on chariots like cities, yoked to horses swift as thought and adorned with banners of many bright colours.

Verse 59 (6.79.59)

शरचापधरा वीरा विचित्रकवचध्वजाः । विविशुस्ते परं सैन्यं सिंहा इव वनाद्वनम् ॥

śaracāpadharā vīrā vicitrakavacadhvajāḥ | viviśuste paraṃ sainyaṃ siṃhā iva vanādvanam

Bearing arrows and bows, with brilliant armour and standards, the heroes plunged into the enemy army like lions passing from forest to forest.

Verse 60 (6.79.60)

तेषां सुतुमुलं युद्धं व्यतिषक्तरथद्विपम् । अवर्तत महारौद्रं निघ्नतामितरेतरम् ॥

teṣāṃ sutumulaṃ yuddhaṃ vyatiṣaktarathadvipam | avartata mahāraudraṃ nighnatāmitaretaram

Then a most tumultuous and terrible battle broke out between them, chariots and elephants locked together, as they slew one another,

Note on the text: Corresponds to the critical edition's 6.75.55ab–cd. Wikisource divides the critical edition's three-line verses here into couplets, so nothing is lost.

Verse 61 (6.79.61)

अन्योन्यागस्कृतां राजन्यमराष्ट्रविवर्धनम् । मुहूर्तास्तमिते सूर्ये चक्रुर्युद्धं सुदारुणम् ॥

anyonyāgaskṛtāṃ rājanyamarāṣṭravivardhanam | muhūrtāstamite sūrye cakruryuddhaṃ sudāruṇam

men who had wronged one another, O king, a battle that swelled the kingdom of Yama. A little after the sun had set, they fought a most dreadful fight.

Note on the text: Corresponds to the critical edition's 6.75.55ef and 6.75.56ab. Wikisource divides the critical edition's three-line verses here into couplets, so nothing is lost.

Verse 62 (6.79.62)

रथिनः सादिनश्चाथ व्यकीर्यन्त सहस्रशः । ततः शान्तनवः क्रुद्धः शरैः सन्नतपर्वभिः ॥

rathinaḥ sādinaścātha vyakīryanta sahasraśaḥ | tataḥ śāntanavaḥ kruddhaḥ śaraiḥ sannataparvabhiḥ

Chariot-fighters and horsemen were scattered by the thousand. Then the son of Shantanu, in fury, with straight-jointed arrows,

Note on the text: Corresponds to the critical edition's 6.75.56cd (चाथ for caiva) and 6.75.57ab. Wikisource divides the critical edition's three-line verses here into couplets, so nothing is lost.

Verse 63 (6.79.63)

नाशयामास सेनां तां भीष्मस्तेषां महात्मनाम् । पञ्चालानां च सैन्यानि शरैर्निन्ये यमक्षयम् ॥

nāśayāmāsa senāṃ tāṃ bhīṣmasteṣāṃ mahātmanām | pañcālānāṃ ca sainyāni śarairninye yamakṣayam

Bhishma destroyed that army of the great-souled warriors, and with his arrows sent the hosts of the Panchalas to the realm of Yama.

Note on the text: Corresponds to the critical edition's 6.75.57cd–ef (तां for vai). Wikisource divides the critical edition's three-line verses here into couplets, so nothing is lost.

Verse 64 (6.79.64)

एवं भित्त्वा महेष्वासः पाण्डवानामनीकिनीम् । कृत्वाऽवहारं सैन्यानां ययौ स्वशिबिरं नृप ॥

evaṃ bhittvā maheṣvāsaḥ pāṇḍavānāmanīkinīm | kṛtvā'vahāraṃ sainyānāṃ yayau svaśibiraṃ nṛpa

Having thus broken the army of the Pandavas, the great archer withdrew his troops and went to his own camp, O king.

Verse 65 (6.79.65)

नाशयामासतुर्वीरौ धृष्टद्युम्नवृकोदरौ । कौरवाणामनीकानि शरैः सन्नतपर्वभिः ॥

nāśayāmāsaturvīrau dhṛṣṭadyumnavṛkodarau | kauravāṇāmanīkāni śaraiḥ sannataparvabhiḥ

The two heroes Dhrishtadyumna and Vrikodara destroyed the divisions of the Kauravas with straight-jointed arrows.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.75.58d*0320. Corrected करवाणामनीकानि → कौरवाणामनीकानि (misprint in Wikisource; a dropped au-sign, the apparatus reads kauravāṇām anīkāni).

Verse 66 (6.79.66)

धर्मराजोऽपि संप्रेक्ष्य धृष्टद्युम्नवृकोदरौ । मूर्ध्नि चैतावुपाघ्राय प्रहृष्टः शिबिरं ययौ ॥

dharmarājo'pi saṃprekṣya dhṛṣṭadyumnavṛkodarau | mūrdhni caitāvupāghrāya prahṛṣṭaḥ śibiraṃ yayau

The Dharma King Yudhishthira too, looking upon Dhrishtadyumna and Vrikodara, kissed them both on the head and went to the camp rejoicing.

Verse 67 (6.79.67)

अर्जुनो वासुदेवश्च कौरवाणामनीकिनीम् । हत्वा विद्राव्य च शरैः शिबिरायैव जग्मतुः ॥

arjuno vāsudevaśca kauravāṇāmanīkinīm | hatvā vidrāvya ca śaraiḥ śibirāyaiva jagmatuḥ

Arjuna and Vasudeva, having slain and scattered the Kaurava army with their arrows, likewise went back to their camp.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.75.59d*0321. Removed stray wiki marks (a backtick before अर्जुनो and a quote mark after the first line's danda).