Bhagadatta Routs Ghatotkacha; the Twins Defeat Shalya

Verse 1 (6.83.1)

बहूनि हि विचित्राणि द्वैरथानि स्म सञ्जय । पाण्डूनां मामकैः सार्धमश्रौषं तव जल्पतः ॥

bahūni hi vicitrāṇi dvairathāni sma sañjaya | pāṇḍūnāṃ māmakaiḥ sārdhamaśrauṣaṃ tava jalpataḥ

I have heard you tell, Sanjaya, of many wonderful single combats between the Pandavas and my men.

Note on the text: Adhyaya note: checked against the raw Wikisource page (a table, one row per verse, 6-83-1 to 6-83-59, headed धृतराष्ट्र उवाच for verses 1–3 and सञ्जय उवाच for 4–59, ending with its colophon naming this the 83rd adhyaya, on the seventh day of battle). Page and input agree on all 59 verses; together they correspond to the critical edition 6.79.1–55 plus its star passage 6.79.45b*0325. Throughout verses 12–23 the vulgate names the Pandava hero Yudhamanyu where the critical edition has Iravan. बहूनि हि (CE bahūnīha) kept as a variant.

Verse 2 (6.83.2)

न चैव मामकं किंचिद्धृष्टं शंससि सञ्जय । नित्यं पाण्डुसुतान्हृष्टानभग्नान्संप्रशंससि ॥

na caiva māmakaṃ kiṃciddhṛṣṭaṃ śaṃsasi sañjaya | nityaṃ pāṇḍusutānhṛṣṭānabhagnānsaṃpraśaṃsasi

Yet you never speak of any of mine as triumphant, Sanjaya; always you praise the sons of Pandu as triumphant and unbroken.

Note on the text: नित्यं पाण्डुसुतान्हृष्टानभग्नान्संप्रशंससि (CE abhagnāṃś caiva śaṃsasi) kept as a variant.

Verse 3 (6.83.3)

जीयमानान्विमनसो मामकान्विगतौजसः । वदसे संयुगे सूत दिष्टमेतन्न संशयः ॥

jīyamānānvimanaso māmakānvigataujasaḥ | vadase saṃyuge sūta diṣṭametanna saṃśayaḥ

You tell of mine as beaten in battle, dispirited and drained of their strength, O Suta. This is surely fate; there is no doubt of it.

Verse 4 (6.83.4)

यथाशक्ति यथोत्साहं युद्धे चेष्टन्ति तावकाः । दर्शयानाः परं शक्त्या पौरुषं पुरुषर्षभ ॥

yathāśakti yathotsāhaṃ yuddhe ceṣṭanti tāvakāḥ | darśayānāḥ paraṃ śaktyā pauruṣaṃ puruṣarṣabha

Your men strive in battle to the limit of their strength and spirit, O bull among men, showing the highest valour they are able.

Verse 5 (6.83.5)

गङ्गायाः सुरनद्या वै स्वादुभूतं यथोदकम् । महोदधिसमभ्याशे लवणत्वं निगच्छति ॥

gaṅgāyāḥ suranadyā vai svādubhūtaṃ yathodakam | mahodadhisamabhyāśe lavaṇatvaṃ nigacchati

But as the water of the Ganga, river of the gods, sweet as it is, turns salt when it nears the great ocean,

Note on the text: महोदधिसमभ्याशे (CE mahodadhiguṇābhyāsāl) kept as a variant.

Verse 6 (6.83.6)

तथा तत्पौरुषं राजंस्तावकानां परंतप । प्राप्य पाण्डुसुतान्वीरान्व्यर्थं भवति संयुगे ॥

tathā tatpauruṣaṃ rājaṃstāvakānāṃ paraṃtapa | prāpya pāṇḍusutānvīrānvyarthaṃ bhavati saṃyuge

so the valour of your men, O king, scorcher of foes, comes to nothing in battle when it meets the heroic sons of Pandu.

Verse 7 (6.83.7)

घटमानान्यथाशक्ति कुर्वाणान्कर्म दुष्करम् । न दोषेण कुरुश्रेष्ठ कौरवान्गन्तुमर्हसि ॥

ghaṭamānānyathāśakti kurvāṇānkarma duṣkaram | na doṣeṇa kuruśreṣṭha kauravāngantumarhasi

The Kauravas strive as hard as they can and do deeds that are hard to do; you should not lay the blame on them, O best of the Kurus.

Verse 8 (6.83.8)

तवापराधात्सुमहान्सपुत्रस्य विशांपते । पृथिव्याः प्रक्षयो घोरो यमराष्ट्रविवर्धनः ॥

tavāparādhātsumahānsaputrasya viśāṃpate | pṛthivyāḥ prakṣayo ghoro yamarāṣṭravivardhanaḥ

It is through your own fault, and your son's, O lord of the people, that this vast and terrible destruction of the earth has come about, swelling the kingdom of Yama.

Note on the text: Corrected पृतिव्याः → पृथिव्याः (misprint in Wikisource; त for थ, critical edition pṛthivyāḥ).

Verse 9 (6.83.9)

आत्मदोषात्समुत्पन्नं शोचितुं नार्हसे नृप । न हि रक्षन्ति राजानः सर्वथाऽत्रापि जीवितम् ॥

ātmadoṣātsamutpannaṃ śocituṃ nārhase nṛpa | na hi rakṣanti rājānaḥ sarvathā'trāpi jīvitam

You should not grieve over what has sprung from your own fault, O king. Kings here do not in any way hold back even their lives.

Note on the text: सर्वथाऽत्रापि (CE sarvārthān nāpi) kept as a variant.

Verse 10 (6.83.10)

युद्धे सुकृतिनां लोकानिच्छन्तो वसुधाधिपाः । चमूं विगाह्य युद्ध्यन्ते नित्यं स्वर्गपरायणाः ॥

yuddhe sukṛtināṃ lokānicchanto vasudhādhipāḥ | camūṃ vigāhya yuddhyante nityaṃ svargaparāyaṇāḥ

Seeking through battle the worlds of the righteous, the lords of the earth plunge into the enemy host and fight, ever intent on heaven.

Verse 11 (6.83.11)

पूर्वाह्णे तु महाराज प्रावर्तत जनक्षयः । तं त्वमेकमना भूत्वा शृणु देवासुरोपमम् ॥

pūrvāhṇe tu mahārāja prāvartata janakṣayaḥ | taṃ tvamekamanā bhūtvā śṛṇu devāsuropamam

In the forenoon, O great king, a great slaughter of men began. Listen to it with an attentive mind; it was like the war of the gods and the asuras.

Note on the text: तं त्वमेकमना (CE tan mamaikamanā) kept as a variant.

Verse 12 (6.83.12)

आवन्त्यौ तु महेष्वासौ महासेनौ महाबलौ । युधामन्युमभिप्रेक्ष्य समेयातां रणोत्कटौ ॥

āvantyau tu maheṣvāsau mahāsenau mahābalau | yudhāmanyumabhiprekṣya sameyātāṃ raṇotkaṭau

The two princes of Avanti, great archers with great armies and great strength, fierce in battle, caught sight of Yudhamanyu and came together against him.

Note on the text: Corresponds to 6.79.12ab (Wikisource divides the critical edition's three-line verses here into couplets, so nothing is lost: verses 12–14 here = critical edition 6.79.12–13). Corrected समेयता → समेयातां (misprint in Wikisource; a dropped ा and anusvara, the dual verb is needed, critical edition sameyātāṃ). युधामन्यु (Yudhamanyu) is the vulgate's name for the hero of this duel, where the critical edition has Iravan (irāvān); the page's own footnotes record the झ manuscript's इरावन्. Kept as the base reading. महासेनौ (CE mahātmānau) kept as a variant.

Verse 13 (6.83.13)

तेषां प्रववृते युद्धं सुमहद्रोमहर्षणम् । युधामन्युः सुसंक्रुद्धो भ्रातरौ देवरूपिणौ ॥

teṣāṃ pravavṛte yuddhaṃ sumahadromaharṣaṇam | yudhāmanyuḥ susaṃkruddho bhrātarau devarūpiṇau

Between them a battle broke out, vast and hair-raising. Yudhamanyu, in great fury, pierced the two brothers, godlike in form,

Note on the text: Corresponds to 6.79.12ef + 6.79.13ab (Wikisource divides the critical edition's three-line verses here into couplets, so nothing is lost). Corrected समुहद्रोणहर्षणम् → सुमहद्रोमहर्षणम् (misprint in Wikisource; the vowels of सुमहद् transposed and ण for म, giving no word; the evident reading is "vast and hair-raising", where the critical edition has tumulaṃ lomaharṣaṇam). युधामन्यु (Yudhamanyu) is the vulgate's name for the hero of this duel, where the critical edition has Iravan (irāvān); the page's own footnotes record the झ manuscript's इरावन्. Kept as the base reading.

Verse 14 (6.83.14)

विव्याध निशितैस्तूर्णं शरैः सन्नतपर्वभिः । तावेनं प्रत्यविध्येतां समरे चित्रयोधिनौ ॥

vivyādha niśitaistūrṇaṃ śaraiḥ sannataparvabhiḥ | tāvenaṃ pratyavidhyetāṃ samare citrayodhinau

swiftly with sharp arrows with well-bent joints, and those two, masters of many ways of fighting, pierced him back in the battle.

Note on the text: Corresponds to 6.79.13cd + 6.79.13ef (Wikisource divides the critical edition's three-line verses here into couplets, so nothing is lost).

Verse 15 (6.83.15)

युध्यतां हि तथा राजन्विशेषो न व्यदृश्यत । यततां शत्रुनाशाय कृतप्रतिकृतैषिणाम् ॥

yudhyatāṃ hi tathā rājanviśeṣo na vyadṛśyata | yatatāṃ śatrunāśāya kṛtapratikṛtaiṣiṇām

As they fought on in this way, O king, striving to destroy the foe and eager to answer blow with blow, no difference could be seen between them.

Verse 16 (6.83.16)

युधामन्युस्ततो राजन्ननुविन्दस्य सायकैः । चतुर्भिश्चतुरो वाहाननयद्यमसादनम् ॥

yudhāmanyustato rājannanuvindasya sāyakaiḥ | caturbhiścaturo vāhānanayadyamasādanam

Then, O king, Yudhamanyu with four arrows sent Anuvinda's four horses to the abode of Yama,

Note on the text: युधामन्यु (Yudhamanyu) is the vulgate's name for the hero of this duel, where the critical edition has Iravan (irāvān); the page's own footnotes record the झ manuscript's इरावन्. Kept as the base reading.

Verse 17 (6.83.17)

भल्लाभ्यां च सुतीक्ष्णाभ्यां धनुः केतुं च मारिष । चिच्छेद समरे राजंस्तदद्भुतमिवाभवत् ॥

bhallābhyāṃ ca sutīkṣṇābhyāṃ dhanuḥ ketuṃ ca māriṣa | ciccheda samare rājaṃstadadbhutamivābhavat

and with two very sharp broad-headed arrows he cut his bow and his banner in the battle, O sire, O king; it seemed a wonder.

Verse 18 (6.83.18)

त्यक्त्वाऽनुविन्दोऽथ रथं विन्दस्य रथमास्थितः । धनुर्गृहीत्वा परमं भारसाधनमुत्तमम् ॥

tyaktvā'nuvindo'tha rathaṃ vindasya rathamāsthitaḥ | dhanurgṛhītvā paramaṃ bhārasādhanamuttamam

Then Anuvinda left his chariot and mounted Vinda's, taking up a splendid bow, the finest, able to bear great strain.

Note on the text: परमं (CE navamaṃ) kept as a variant.

Verse 19 (6.83.19)

तावेकस्थौ रणे वीरावावन्त्यौ रथिनां वरौ । शरान्मुमुचतुस्तूर्णं युधामन्यौ महात्मनि ॥

tāvekasthau raṇe vīrāvāvantyau rathināṃ varau | śarānmumucatustūrṇaṃ yudhāmanyau mahātmani

Standing on one chariot in the battle, the two heroes of Avanti, best of chariot-fighters, swiftly loosed arrows at the great-souled Yudhamanyu.

Note on the text: युधामन्यु (Yudhamanyu) is the vulgate's name for the hero of this duel, where the critical edition has Iravan (irāvān); the page's own footnotes record the झ manuscript's इरावन्. Kept as the base reading.

Verse 20 (6.83.20)

ताभ्यां मुक्ता महावेगाः शराः काञ्चनभूषणाः । दिवाकरपथं प्राप्य च्छादयामासुरम्बरम् ॥

tābhyāṃ muktā mahāvegāḥ śarāḥ kāñcanabhūṣaṇāḥ | divākarapathaṃ prāpya cchādayāmāsurambaram

Loosed by them, the swift arrows adorned with gold reached the path of the sun and covered the sky.

Verse 21 (6.83.21)

युधामन्यू रणे क्रुद्धो भ्रातरौ तौ महारथौ । ववर्ष शरवर्षेण सारथिं चाप्यपातयत् ॥

yudhāmanyū raṇe kruddho bhrātarau tau mahārathau | vavarṣa śaravarṣeṇa sārathiṃ cāpyapātayat

Yudhamanyu, enraged in the battle, rained a shower of arrows on those two brothers, great chariot-warriors, and brought down their charioteer as well.

Note on the text: युधामन्यु (Yudhamanyu) is the vulgate's name for the hero of this duel, where the critical edition has Iravan (irāvān); the page's own footnotes record the झ manuscript's इरावन्. Kept as the base reading.

Verse 22 (6.83.22)

तस्मिंस्तु पतिते भूमौ गतसत्त्वे तु सारथौ । रथः प्रदुद्राव दिशः समुद्भ्रान्तहयस्ततः ॥

tasmiṃstu patite bhūmau gatasattve tu sārathau | rathaḥ pradudrāva diśaḥ samudbhrāntahayastataḥ

When the charioteer fell lifeless to the ground, the chariot, its horses bolting in panic, ran off in every direction.

Note on the text: Corrected गतसत्वे → गतसत्त्वे (misprint in Wikisource; a dropped त्, critical edition gatasattve) and समुद्धान्तहयस्ततः → समुद्भ्रान्तहयस्ततः (misprint; ध for भ्र, critical edition samudbhrāntahayas tataḥ). तस्मिंस्तु पतिते and तु (CE tasmin nipatite, 'tha) kept as variants.

Verse 23 (6.83.23)

तौ स जित्वा महाराज यज्ञसेनसुतः प्रभुः । पौरुषं ख्यापयंस्तूर्णं व्यधमत्तव वाहिनीम् ॥

tau sa jitvā mahārāja yajñasenasutaḥ prabhuḥ | pauruṣaṃ khyāpayaṃstūrṇaṃ vyadhamattava vāhinīm

Having defeated those two, O great king, the mighty son of Yajnasena, proclaiming his valour, swiftly scattered your host.

Note on the text: यज्ञसेनसुतः प्रभुः (the vulgate, consistent with its Yudhamanyu) where the critical edition has nāgarājasutāsutaḥ, "son of the serpent king's daughter", i.e. Iravan; the page's footnote records that reading from the झ manuscript. Kept as the base reading.

Verse 24 (6.83.24)

सा वध्यमाना समरे धार्तराष्ट्री महाचमूः । वेगान्बहुविधांश्चक्रे विषं पीत्वेव मानवः ॥

sā vadhyamānā samare dhārtarāṣṭrī mahācamūḥ | vegānbahuvidhāṃścakre viṣaṃ pītveva mānavaḥ

Being cut down in the battle, the great host of Dhritarashtra's son went through spasms of many kinds, like a man who has drunk poison.

Note on the text: Corrected पीत्वेन → पीत्वेव (misprint in Wikisource; न for व, the simile needs इव, critical edition pītveva).

Verse 25 (6.83.25)

हैडिम्बो राक्षसेन्द्रस्तु भगदत्तं समाद्रवत् । रथेनादित्यवर्णेन सध्वजेन महाबलः ॥

haiḍimbo rākṣasendrastu bhagadattaṃ samādravat | rathenādityavarṇena sadhvajena mahābalaḥ

Hidimba's son (Ghatotkacha), lord of the rakshasas, mighty, rushed at Bhagadatta on his sun-coloured chariot with its banner.

Verse 26 (6.83.26)

ततः प्राग्ज्योतिषो राजा नागराजं समास्थितः । यथा वज्रधरः पूर्वं संग्रामे तारकामये ॥

tataḥ prāgjyotiṣo rājā nāgarājaṃ samāsthitaḥ | yathā vajradharaḥ pūrvaṃ saṃgrāme tārakāmaye

Then the king of Pragjyotisha, mounted on his lordly elephant, met him as the wielder of the thunderbolt did of old in the war over Taraka.

Note on the text: Removed a stray क after समास्थितः (misprint in Wikisource).

Verse 27 (6.83.27)

तत्र देवाः सगन्धर्वा ऋषयश्च समागताः । विशेषं न स्म विविदुर्हैडिम्बभगदत्तयोः ॥

tatra devāḥ sagandharvā ṛṣayaśca samāgatāḥ | viśeṣaṃ na sma vividurhaiḍimbabhagadattayoḥ

The gods with the gandharvas, and the rishis, gathered there, and they could see no difference between Hidimba's son and Bhagadatta.

Verse 28 (6.83.28)

यथा सुरपतिः शक्रस्त्रासयामास दानवान् । तथैव समरे राजा द्रावयामास पाण्डवान् ॥

yathā surapatiḥ śakrastrāsayāmāsa dānavān | tathaiva samare rājā drāvayāmāsa pāṇḍavān

As Shakra, lord of the gods, struck terror into the danavas, so the king put the Pandavas to flight in the battle.

Note on the text: राजा द्रावयामास (CE rājaṃs trāsayām āsa) kept as a variant.

Verse 29 (6.83.29)

तेन विद्राव्यमाणास्ते पाण्डवाः सर्वतो दिशम् । त्रातारं नाभ्यगच्छन्तः स्वेष्वनीकेषु भारत ॥

tena vidrāvyamāṇāste pāṇḍavāḥ sarvato diśam | trātāraṃ nābhyagacchantaḥ sveṣvanīkeṣu bhārata

Routed by him in every direction, the Pandavas found no one to protect them among their own ranks, O Bharata.

Note on the text: नाभ्यगच्छन्तः (CE nābhyavindanta) kept as a variant.

Verse 30 (6.83.30)

भैमसेनिं रथस्थं तु तत्रापश्याम भारत । शेषा विमनसो भूत्वा प्राद्रवन्त महारथाः ॥

bhaimaseniṃ rathasthaṃ tu tatrāpaśyāma bhārata | śeṣā vimanaso bhūtvā prādravanta mahārathāḥ

There we saw Bhima's son still standing on his chariot, O Bharata; the other great chariot-warriors lost heart and fled.

Verse 31 (6.83.31)

निवृत्तेषु तु पाण्डूनां पुनः सैन्येषु भारत । आसीन्निष्ठानको घोरस्तव सैन्यस्य संयुगे ॥

nivṛtteṣu tu pāṇḍūnāṃ punaḥ sainyeṣu bhārata | āsīnniṣṭhānako ghorastava sainyasya saṃyuge

When the Pandava troops had turned back again, O Bharata, a terrible uproar arose in your army in the battle.

Note on the text: सैन्यस्य (CE sainyeṣu) kept as a variant.

Verse 32 (6.83.32)

घटोत्कचस्ततो राजन्भगदत्तं महारणे । शरैः प्रच्छादयामास मेरुं गिरिमिवाम्बुदः ॥

ghaṭotkacastato rājanbhagadattaṃ mahāraṇe | śaraiḥ pracchādayāmāsa meruṃ girimivāmbudaḥ

Then Ghatotkacha, O king, covered Bhagadatta with arrows in the great battle, as a cloud covers Mount Meru.

Verse 33 (6.83.33)

निहत्य ताञ्शरान्राजा राक्षसस्य धनुश्च्युतान् । भैमसेनिं रणे तूर्णं सर्वमर्मस्वताडयत् ॥

nihatya tāñśarānrājā rākṣasasya dhanuścyutān | bhaimaseniṃ raṇe tūrṇaṃ sarvamarmasvatāḍayat

The king destroyed those arrows loosed from the rakshasa's bow and swiftly struck Bhima's son in all his vital parts in the battle.

Note on the text: Corrected धनुश्र्युतान् → धनुश्च्युतान् (misprint in Wikisource; र् for च्, critical edition dhanuścyutān).

Verse 34 (6.83.34)

स ताड्यमानो बहुभिः शरैः सन्नतपर्वभिः । न विव्यथे राक्षसेन्द्रो भिद्यमान इवाचलः ॥

sa tāḍyamāno bahubhiḥ śaraiḥ sannataparvabhiḥ | na vivyathe rākṣasendro bhidyamāna ivācalaḥ

Though struck by many arrows with well-bent joints, the lord of the rakshasas did not waver, like a mountain being split.

Note on the text: Corrected राक्षसन्द्रो → राक्षसेन्द्रो (misprint in Wikisource; a dropped े, critical edition rākṣasendro).

Verse 35 (6.83.35)

तस्य प्राग्ज्योतिषः क्रुद्धस्तोमरांश्च चतुर्दश । प्रेषयामास समरे तांश्चिच्छेद स राक्षसः ॥

tasya prāgjyotiṣaḥ kruddhastomarāṃśca caturdaśa | preṣayāmāsa samare tāṃściccheda sa rākṣasaḥ

Then the king of Pragjyotisha, enraged, sent fourteen lances at him in the battle, and the rakshasa cut them down.

Note on the text: तोमरांश्च and तांश्चिच्छेद स (CE tomarān sa, tāṃś ca ciccheda) kept as variants.

Verse 36 (6.83.36)

स तांश्छित्त्वा महाबाहुस्तोमरान्निशितैः शरैः । भगदत्तं च विव्याध सप्तत्या कङ्कपत्रिभिः ॥

sa tāṃśchittvā mahābāhustomarānniśitaiḥ śaraiḥ | bhagadattaṃ ca vivyādha saptatyā kaṅkapatribhiḥ

Having cut those lances with sharp arrows, the mighty-armed one pierced Bhagadatta with seventy arrows fletched with heron feathers.

Verse 37 (6.83.37)

ततः प्राग्ज्योतिषो राजा प्रहसन्निव भारत । तस्याश्वांश्चतुरः सङ्ख्ये पातयामास सायकैः ॥

tataḥ prāgjyotiṣo rājā prahasanniva bhārata | tasyāśvāṃścaturaḥ saṅkhye pātayāmāsa sāyakaiḥ

Then the king of Pragjyotisha, as though laughing, O Bharata, brought down his four horses in the battle with his arrows.

Verse 38 (6.83.38)

स हताश्वे रथे तिष्ठन्राक्षसेन्द्रः प्रतापवान् । शक्तिं चिक्षेप वेगेन प्राग्ज्योतिषगजं प्रति ॥

sa hatāśve rathe tiṣṭhanrākṣasendraḥ pratāpavān | śaktiṃ cikṣepa vegena prāgjyotiṣagajaṃ prati

Standing on his chariot with its horses slain, the valiant lord of the rakshasas hurled a spear with great force at the elephant of the king of Pragjyotisha.

Note on the text: Corrected प्रग्ज्योतिषगजं → प्राग्ज्योतिषगजं (misprint in Wikisource; a dropped ा, critical edition prāgjyotiṣagajaṃ).

Verse 39 (6.83.39)

तामापतन्तीं सहसा हेमदण्डां सुवेगिनीम् । त्रिधा चिच्छेद नृपतिः सा व्यकीर्यत मेदिनीम् ॥

tāmāpatantīṃ sahasā hemadaṇḍāṃ suveginīm | tridhā ciccheda nṛpatiḥ sā vyakīryata medinīm

As it flew at him suddenly, golden-shafted and very swift, the king cut it in three, and it fell in pieces on the earth.

Note on the text: Corrected मेदिनीं → मेदिनीम् (the verse-final म् printed as an anusvara in Wikisource; critical edition medinīm). सुवेगिनीम् (CE suvegitām) kept as a variant.

Verse 40 (6.83.40)

शक्तिं विनिहतां दृष्ट्वा हैडिम्बः प्राद्रवद्भयात् । यथेन्द्रस्य रणात्पूर्वं नमुचिर्दैत्यसत्तमः ॥

śaktiṃ vinihatāṃ dṛṣṭvā haiḍimbaḥ prādravadbhayāt | yathendrasya raṇātpūrvaṃ namucirdaityasattamaḥ

Seeing his spear destroyed, Hidimba's son fled in fear, as Namuci, foremost of the daityas, once fled from battle with Indra.

Verse 41 (6.83.41)

तं विजित्य रणे शूरं विक्रान्तं ख्यातपौरुषम् । अजय्यं समरे वीरं यमेन वरुणेन च ॥

taṃ vijitya raṇe śūraṃ vikrāntaṃ khyātapauruṣam | ajayyaṃ samare vīraṃ yamena varuṇena ca

Having conquered that brave hero, valiant and famed for his manhood, whom even Yama and Varuna could not overcome in battle,

Note on the text: अजय्यं समरे वीरं (CE ajeyaṃ samare rājan) kept as a variant.

Verse 42 (6.83.42)

पाण्डवीं समरे सेनां संममर्द स कुञ्जरः । यथा वनगजो राजन्मृद्नंश्चरति पद्मिनीम् ॥

pāṇḍavīṃ samare senāṃ saṃmamarda sa kuñjaraḥ | yathā vanagajo rājanmṛdnaṃścarati padminīm

he and his elephant crushed the Pandava army in the battle, as a wild elephant, O king, roams through a lotus pool trampling it.

Note on the text: Corrected मृद्गश्चरति → मृद्नंश्चरति (misprint in Wikisource; ग for न and a dropped anusvara, critical edition mṛdnaṃś carati). स कुञ्जरः (CE sakuñjaraḥ) kept as the page prints it.

Verse 43 (6.83.43)

मद्रेश्वरस्तु समरे यमाभ्यां समसञ्जत । स्वस्त्रीयौ छादयांचक्रे शरौघैः पाण्डुनन्दनौ ॥

madreśvarastu samare yamābhyāṃ samasañjata | svastrīyau chādayāṃcakre śaraughaiḥ pāṇḍunandanau

The lord of the Madras closed with the twins in battle and covered his sister's sons, the delight of Pandu, with floods of arrows.

Note on the text: समसञ्जत (CE saha saṃgataḥ) kept as a variant.

Verse 44 (6.83.44)

सहदेवस्तु समरे मातुलं दृश्य संगतम् । अवारयच्छरौघेण मेघो यद्वद्दिवाकरम् ॥

sahadevastu samare mātulaṃ dṛśya saṃgatam | avārayaccharaugheṇa megho yadvaddivākaram

Sahadeva, seeing his uncle engaged with them in battle, held him back with a flood of arrows, as a cloud holds back the sun.

Note on the text: दृश्य (CE vīkṣya) kept as the page prints it.

Verse 45 (6.83.45)

छाद्यमानः शरौघेण हृष्टरूपतरोऽभवत् । तयोश्चाप्यभवत्प्रीतिरतुला मातृकारणात् ॥

chādyamānaḥ śaraugheṇa hṛṣṭarūpataro'bhavat | tayoścāpyabhavatprītiratulā mātṛkāraṇāt

Covered by that flood of arrows, Shalya grew ever more delighted, and the twins too felt boundless affection for him, for their mother's sake.

Verse 46 (6.83.46)

ततः प्रहस्य समरे नकुलस्य महारथः । ध्वजं चिच्छेद बाणेन धनुश्चैकेन मारिष ॥

tataḥ prahasya samare nakulasya mahārathaḥ | dhvajaṃ ciccheda bāṇena dhanuścaikena māriṣa

Then the great chariot-warrior, laughing in the battle, cut down Nakula's banner with one arrow and his bow with another, O sire.

Note on the text: Line 1 is the critical edition's 6.79.45a; line 2 is its star passage 6.79.45b*0325 (line 1), not in the constituted text (found in the vulgate recension). Removed a stray backtick (`) before ध्वजं (a wiki mark in Wikisource).

Verse 47 (6.83.47)

अथैनं छिन्नधन्वानं छादयामास भारत । निजघान रणे तं तु सूतं चास्य न्यपातयत् ॥

athainaṃ chinnadhanvānaṃ chādayāmāsa bhārata | nijaghāna raṇe taṃ tu sūtaṃ cāsya nyapātayat

Then he covered him, his bow now cut, O Bharata, struck at him in the battle and brought down his charioteer.

Note on the text: Not in the critical edition's constituted text (found in the vulgate recension); the critical edition records it in its apparatus as the star passage 6.79.45b*0325, lines 2–3 (with chādayann iva for छादयामास).

Verse 48 (6.83.48)

ततः प्रसह्य समरे नकुलस्य महारथः । अश्वांश्च चतुरो राजंश्चतुर्भिः सायकोत्तमैः ॥

tataḥ prasahya samare nakulasya mahārathaḥ | aśvāṃśca caturo rājaṃścaturbhiḥ sāyakottamaiḥ

Then, pressing his attack in the battle, the great chariot-warrior with four excellent arrows, O king, sent Nakula's four horses

Note on the text: Line 1 repeats, with प्रसह्य for प्रहस्य, the opening line of verse 46 (the critical edition's 6.79.45a), as the vulgate resumes the constituted text after the star passage; line 2 is 6.79.45cd (अश्वांश्च for aśvān vai). Verses 48–52 here = critical edition 6.79.45–48 (Wikisource divides the critical edition's three-line verses here into couplets, so nothing is lost).

Verse 49 (6.83.49)

प्रेषयामास समरे यमस्य सदनं प्रति । हताश्वात्तु रथात्तूर्णमवप्लुत्य महारथः ॥

preṣayāmāsa samare yamasya sadanaṃ prati | hatāśvāttu rathāttūrṇamavaplutya mahārathaḥ

to the abode of Yama in the battle. Leaping swiftly from his chariot, its horses slain, the great chariot-warrior

Note on the text: Corresponds to 6.79.45ef + 6.79.46ab (Wikisource divides the critical edition's three-line verses here into couplets, so nothing is lost).

Verse 50 (6.83.50)

आरुरोह ततो यानं भ्रातुरेव यशस्विनः । एकस्थौ तु रणे शूरौ दृढे विक्षिप्य कार्मुके ॥

āruroha tato yānaṃ bhrātureva yaśasvinaḥ | ekasthau tu raṇe śūrau dṛḍhe vikṣipya kārmuke

mounted the chariot of his glorious brother. Standing on one chariot, the two heroes drew their strong bows in the battle

Note on the text: Corresponds to 6.79.46cd + 6.79.47ab (Wikisource divides the critical edition's three-line verses here into couplets, so nothing is lost).

Verse 51 (6.83.51)

मद्रराजरथं तूर्णं च्छादयामासतुः क्षणात् । स च्छाद्यमानो बहुभिः शरैः सन्नतपर्वभिः ॥

madrarājarathaṃ tūrṇaṃ cchādayāmāsatuḥ kṣaṇāt | sa cchādyamāno bahubhiḥ śaraiḥ sannataparvabhiḥ

and in an instant covered the Madra king's chariot. Though covered with many arrows with well-bent joints

Note on the text: Corresponds to 6.79.47cd + 6.79.48ab (Wikisource divides the critical edition's three-line verses here into couplets, so nothing is lost). तूर्णं (CE kruddhau) kept as a variant.

Verse 52 (6.83.52)

स्वस्त्रीयाभ्यां नरव्याघ्रो नाकम्पत यथाऽचलः । प्रहसन्निव तां चापि शस्त्रवृष्टिं जघान ह ॥

svastrīyābhyāṃ naravyāghro nākampata yathā'calaḥ | prahasanniva tāṃ cāpi śastravṛṣṭiṃ jaghāna ha

by his sister's sons, that tiger among men did not tremble, any more than a mountain, and as though laughing he struck down that rain of weapons.

Note on the text: Corresponds to 6.79.48cd + 6.79.48ef (Wikisource divides the critical edition's three-line verses here into couplets, so nothing is lost). शस्त्रवृष्टिं (CE śaravṛṣṭiṃ) kept as a variant.

Verse 53 (6.83.53)

सहदेवस्ततः क्रुद्धः शरमुद्गृह्य वीर्यवान् । मद्रराजमभिप्रेक्ष्य प्रेषयामास भारत ॥

sahadevastataḥ kruddhaḥ śaramudgṛhya vīryavān | madrarājamabhiprekṣya preṣayāmāsa bhārata

Then the valiant Sahadeva, enraged, took up an arrow and, aiming at the Madra king, loosed it, O Bharata.

Verse 54 (6.83.54)

स शरः प्रेषितस्तेन गरुडानिलवेगवान् । मद्रराजं विनिर्भिद्य निपपात महीतले ॥

sa śaraḥ preṣitastena garuḍānilavegavān | madrarājaṃ vinirbhidya nipapāta mahītale

Loosed by him, that arrow, swift as Garuda and the wind, pierced through the Madra king and fell to the ground.

Note on the text: गरुडानिलवेगवान् (CE garutmān iva vegavān) kept as a variant.

Verse 55 (6.83.55)

स गाढविद्धो व्यथितो रथोपस्थे महारथः । निषसाद महाराज कश्मलं च जगाम ह ॥

sa gāḍhaviddho vyathito rathopasthe mahārathaḥ | niṣasāda mahārāja kaśmalaṃ ca jagāma ha

Deeply pierced and in pain, the great chariot-warrior sank down on the floor of his chariot, O great king, and fell into a swoon.

Verse 56 (6.83.56)

तं विसंज्ञं निपतितं सूतः संप्रेक्ष्य संयुगे । अपोवाह रथेनाजौ यमाभ्यामभिपीडितम् ॥

taṃ visaṃjñaṃ nipatitaṃ sūtaḥ saṃprekṣya saṃyuge | apovāha rathenājau yamābhyāmabhipīḍitam

Seeing him fallen senseless, hard pressed by the twins, his charioteer bore him away from the fight on the chariot.

Verse 57 (6.83.57)

दृष्ट्वा मद्रेश्वररथं धार्तराष्ट्राः पराङ्मुखम् । सर्वे विमनसो भूत्वा नेदमस्तीत्यचिन्तयन् ॥

dṛṣṭvā madreśvararathaṃ dhārtarāṣṭrāḥ parāṅmukham | sarve vimanaso bhūtvā nedamastītyacintayan

Seeing the Madra king's chariot turned away, all the sons of Dhritarashtra lost heart and thought that all was lost.

Note on the text: Corrected पराङ्भुखम् → पराङ्मुखम् (misprint in Wikisource; भ for म, critical edition parāṅmukham).

Verse 58 (6.83.58)

निर्जित्य मातुलं सङ्ख्ये माद्रीपुत्रौ महारथौ । दध्मतुर्मुदितौ शङ्खौ सिंहनादं च नेदतुः ॥

nirjitya mātulaṃ saṅkhye mādrīputrau mahārathau | dadhmaturmuditau śaṅkhau siṃhanādaṃ ca nedatuḥ

Having defeated their uncle in battle, the two sons of Madri, great chariot-warriors, joyfully blew their conches and roared like lions.

Note on the text: Corrected दध्यतुर्मुदितौ → दध्मतुर्मुदितौ (misprint in Wikisource; य for म, critical edition dadhmatur muditau). सिंहनादं च नेदतुः (CE siṃhanādaṃ vinedatuḥ) kept as a variant.

Verse 59 (6.83.59)

अभिदुद्रुवतुर्हृष्टौ तव सैन्यं विशांपते । यथा दैत्यचमूं राजन्निन्द्रोपेन्द्राविवामरौ ॥

abhidudruvaturhṛṣṭau tava sainyaṃ viśāṃpate | yathā daityacamūṃ rājannindropendrāvivāmarau

Rejoicing, the two rushed upon your army, O lord of the people, as the immortals Indra and Upendra once rushed upon the host of the daityas, O king.