Drona Kills Brihatkshatra, Dhrishtaketu and Jarasandha's Son

Verse 1 (7.125.1)

अपराह्णे महाराज सङ्ग्रामः सुमहानभूत् । पर्जन्यसमनिर्घोषः पुनर्द्रोणस्य सोमकैः ॥

aparāhṇe mahārāja saṅgrāmaḥ sumahānabhūt | parjanyasamanirghoṣaḥ punardroṇasya somakaiḥ

In the afternoon, O great king, a very great battle began again between Drona and the Somakas, thundering like a rain-cloud.

Verse 2 (7.125.2)

शोणाश्वं रथमास्थाय नरवीरः समाहितः । समरेऽभ्यद्रवत्पाण्डूञ्जवमास्थाय मध्यमम् ॥

śoṇāśvaṃ rathamāsthāya naravīraḥ samāhitaḥ | samare'bhyadravatpāṇḍūñjavamāsthāya madhyamam

Mounting his chariot of roan horses, the hero among men, intent and steady, rushed upon the Pandavas at a middling pace.

Verse 3 (7.125.3)

तव प्रियहिते युक्तो महेष्वासो महाबलः । चित्रपुङ्खैः शितैर्बाणैः कलशोत्तमसम्भवः । जघान सोमकान्राजन्सृञ्जयान्केकयानपि ॥

tava priyahite yukto maheṣvāso mahābalaḥ | citrapuṅkhaiḥ śitairbāṇaiḥ kalaśottamasambhavaḥ | jaghāna somakānrājansṛñjayānkekayānapi

Devoted to your welfare, the great archer, mighty and born from the excellent pitcher, struck down with sharp arrows of bright feathers the Somakas, the Srinjayas and the Kekayas too, O king.

Note on the text: Removed stray wiki quote marks (backtick and apostrophe). Lines 1–2 = CE 7.101.3a and 3c; line 3 is CE star passage 7.101.3d*0739_01.

Verse 4 (7.125.4)

वरान्वरान्हि योधानां विचिन्वन्निव भारत । आक्रीडत रणे राजन्भारद्वाजः प्रतापवान् ॥

varānvarānhi yodhānāṃ vicinvanniva bhārata | ākrīḍata raṇe rājanbhāradvājaḥ pratāpavān

As if picking out the best of the warriors, O Bharata, glorious Bharadvaja's son played about in the battle, O king.

Note on the text: Corrected रमे → रणे (misprint in Wikisource; ण and म confused; CE akrīḍata raṇe).

Verse 5 (7.125.5)

तमभ्ययाद्बृहत्क्षत्रः केकयानां महारथः । भ्रातॄणां नृप पञ्चानां श्रेष्ठः समरकर्कशः ॥

tamabhyayādbṛhatkṣatraḥ kekayānāṃ mahārathaḥ | bhrātṝṇāṃ nṛpa pañcānāṃ śreṣṭhaḥ samarakarkaśaḥ

Brihatkshatra, the great chariot-warrior of the Kekayas, rode against him, O king, the foremost of five brothers, grim in battle.

Note on the text: Corrected भातॄणां → भ्रातॄणां (misprint in Wikisource; dropped र from the conjunct; CE bhrātṝṇāṃ).

Verse 6 (7.125.6)

विमुञ्चन्विशिखांस्तीक्ष्णानाचार्यं भृशमार्दयत् । महामेघो यथा वर्षं विमुञ्चन्गन्धमादने ॥

vimuñcanviśikhāṃstīkṣṇānācāryaṃ bhṛśamārdayat | mahāmegho yathā varṣaṃ vimuñcangandhamādane

Loosing sharp arrows, he sorely afflicted the preceptor, as a great cloud pours rain on Gandhamadana.

Verse 7 (7.125.7)

तस्य द्रोणो महाराज स्वर्णपुङ्खाञ्शिलाशितान् । प्रेषयामास सङ्क्रुद्धः सायकान्दश पञ्च च ॥

tasya droṇo mahārāja svarṇapuṅkhāñśilāśitān | preṣayāmāsa saṅkruddhaḥ sāyakāndaśa pañca ca

Enraged, O great king, Drona sent against him fifteen arrows, gold-feathered and whetted on stone.

Note on the text: Corrected सङ्क्रुद्ध- सायकान् → सङ्क्रुद्धः सायकान् (misprint in Wikisource; a stray hyphen and space stand for the lost visarga; CE saṃkruddhaḥ sāyakān).

Verse 8 (7.125.8)

तांस्तु द्रोणविनिर्मुक्तान्क्रुद्धाशीविषसन्निभान् । एकैकं पञ्चभिर्बाणैर्युधि चिच्छेद हृष्टवत् ॥

tāṃstu droṇavinirmuktānkruddhāśīviṣasannibhān | ekaikaṃ pañcabhirbāṇairyudhi ciccheda hṛṣṭavat

But he cut each of those arrows loosed by Drona, which were like angry venomous snakes, with five arrows apiece, as if in delight.

Note on the text: Corrected क्रुंद्धा → क्रुद्धा (misprint in Wikisource; a stray anusvara; CE ghorān āśīviṣopamān, the sense is angry venomous snakes).

Verse 9 (7.125.9)

तदस्य लाघवं दृष्ट्वा प्रहस्य द्विजपुङ्गवः । प्रेषयामास विशिखानष्टौ सन्नतपर्वणः ॥

tadasya lāghavaṃ dṛṣṭvā prahasya dvijapuṅgavaḥ | preṣayāmāsa viśikhānaṣṭau sannataparvaṇaḥ

Seeing his dexterity, the best of the twice-born smiled and sent eight straight-jointed arrows.

Verse 10 (7.125.10)

तान्दृष्ट्वा पततस्तूर्णं द्रोणचापच्युताञ्शरान् । अवारयच्छरैरेव तावद्भिर्निशितैर्मृधे ॥

tāndṛṣṭvā patatastūrṇaṃ droṇacāpacyutāñśarān | avārayaccharaireva tāvadbhirniśitairmṛdhe

Seeing those arrows falling swiftly from Drona's bow, he stopped them in the fight with as many sharp, strong arrows.

Verse 11 (7.125.11)

ततोऽभवन्महाराज तव सैन्यस्य विस्मयः । बृहत्क्षत्रेण तत्कर्म कृतं दृष्ट्वा सुदुष्करम् ॥

tato'bhavanmahārāja tava sainyasya vismayaḥ | bṛhatkṣatreṇa tatkarma kṛtaṃ dṛṣṭvā suduṣkaram

Then, O great king, wonder seized your army at seeing the deed so hard to do that Brihatkshatra had done.

Verse 12 (7.125.12)

ततो द्रोणो महाराज बृहत्क्षत्रं विशेषयन् । प्रादुश्चक्रे रणे दिव्यं ब्राह्ममस्त्रं सुदुर्जयम् ॥

tato droṇo mahārāja bṛhatkṣatraṃ viśeṣayan | prāduścakre raṇe divyaṃ brāhmamastraṃ sudurjayam

Then Drona, O great king, wishing to surpass Brihatkshatra, brought forth in the battle the divine Brahma weapon, so hard to overcome.

Verse 13 (7.125.13)

कैकेयोऽस्त्रं समालोक्य मुक्तं द्रोणेन संयुगे । ब्रह्मास्त्रेणैव राजेन्द्र ब्राह्ममस्त्रमशातयत् ॥

kaikeyo'straṃ samālokya muktaṃ droṇena saṃyuge | brahmāstreṇaiva rājendra brāhmamastramaśātayat

The Kaikeya, seeing the weapon that Drona had loosed in the fight, destroyed that Brahma weapon with the Brahma weapon itself, O king of kings.

Note on the text: Not in the critical edition's main text; it appears there as star passage 7.101.14b*0743_01–02. The CE's main-text verse 7.101.13 (tad asya rājan kaikeyaḥ pratyavārayad acyutaḥ …) is a different version of the same incident.

Verse 14 (7.125.14)

ततोऽस्त्रे निहते ब्राह्मे बृहत्क्षत्रस्तु भारत । विव्याध ब्राह्मणं षष्ट्या स्वर्णपुङ्खैः शिलाशितैः ॥

tato'stre nihate brāhme bṛhatkṣatrastu bhārata | vivyādha brāhmaṇaṃ ṣaṣṭyā svarṇapuṅkhaiḥ śilāśitaiḥ

Then, when the Brahma weapon had been destroyed, Brihatkshatra, O Bharata, pierced the brahmin with sixty gold-feathered arrows whetted on stone.

Note on the text: Line 1 is CE star passage 7.101.14b*0743_03; line 2 = CE 7.101.14c.

Verse 15 (7.125.15)

तं द्रोणो द्विपदां श्रेष्ठो नाराचेन समार्पयत् । स तस्य कवचं भित्त्वा प्राविशद्धरणीतलम् ॥

taṃ droṇo dvipadāṃ śreṣṭho nārācena samārpayat | sa tasya kavacaṃ bhittvā prāviśaddharaṇītalam

Drona, the best of two-footed beings, struck him with an iron arrow; it split his armour and went into the ground.

Verse 16 (7.125.16)

कृष्णसर्पो यथा मुक्तो वल्मीकं नृपसत्तम । तथाऽत्यगान्महीं बाणो भित्त्वा कैकेयमाहवे ॥

kṛṣṇasarpo yathā mukto valmīkaṃ nṛpasattama | tathā'tyagānmahīṃ bāṇo bhittvā kaikeyamāhave

Just as a black snake let loose goes into an anthill, O best of kings, so the arrow, having pierced the Kaikeya in the fight, passed on into the earth.

Verse 17 (7.125.17)

सोऽतिविद्धो महाराज कैकेयो द्रोणसायकैः । क्रोधेन महताऽऽविष्टो व्यावृत्य नयने शुभे ॥

so'tividdho mahārāja kaikeyo droṇasāyakaiḥ | krodhena mahatā''viṣṭo vyāvṛtya nayane śubhe

Sorely pierced by Drona's arrows, O great king, the Kaikeya, filled with mighty anger, rolled his fair eyes.

Verse 18 (7.125.18)

द्रोणं विव्याध सप्तत्या स्वर्णपुङ्खैः शिलाशितैः । सारथिं चास्य बाणेन भृशं मर्मस्वताडयत् ॥

droṇaṃ vivyādha saptatyā svarṇapuṅkhaiḥ śilāśitaiḥ | sārathiṃ cāsya bāṇena bhṛśaṃ marmasvatāḍayat

He pierced Drona with seventy gold-feathered arrows whetted on stone, and struck his charioteer hard in the vitals with an arrow.

Verse 19 (7.125.19)

द्रोणस्तु बहुभिर्विद्धो बृहत्क्षत्रेण मारिष । असृजद्विशिखांस्तीक्ष्णान्कैकेयस्य रथं प्रति ॥

droṇastu bahubhirviddho bṛhatkṣatreṇa māriṣa | asṛjadviśikhāṃstīkṣṇānkaikeyasya rathaṃ prati

But Drona, though pierced by Brihatkshatra with many arrows, O sir, let fly sharp arrows at the Kaikeya's chariot.

Verse 20 (7.125.20)

व्याकुलीकृत्य तं द्रोणो बृहत्क्षत्रं महारथम् । अश्वांश्चतुर्भिर्न्यवधीच्चतुरोऽस्य पतत्त्रिभिः ॥

vyākulīkṛtya taṃ droṇo bṛhatkṣatraṃ mahāratham | aśvāṃścaturbhirnyavadhīccaturo'sya patattribhiḥ

Having thrown the great chariot-warrior Brihatkshatra into confusion, Drona killed his four horses with four winged arrows.

Note on the text: Corrected चतुर्भिरन्यवधीच्चतुरो → चतुर्भिर्न्यवधीच्चतुरो (misprint in Wikisource; the verb is न्यवधीत् (ni + avadhīt), not अन्यवधीत्; CE nyavadhīc caturo). Line 1 = CE 7.101.20a; line 2 is a variant of CE star passage 7.101.20b*0744_01.

Verse 21 (7.125.21)

सूतं चैकेन बाणेन रथनीडादपातयत् । द्वाभ्यां ध्वजं च च्छत्रं च च्छित्त्वा भूमावपातयत् ॥

sūtaṃ caikena bāṇena rathanīḍādapātayat | dvābhyāṃ dhvajaṃ ca cchatraṃ ca cchittvā bhūmāvapātayat

With one arrow he threw his charioteer down from the chariot-seat, and with two he cut down his banner and umbrella and cast them to the ground.

Note on the text: Not in the critical edition's main text; it appears there as star passage 7.101.20b*0744_02–03 (line 1 reads सूतं चैकेन बाणेन रथनीडादपातयत् where the CE has sārathiṃ cāsya bāṇena rathanīḍād apāharat).

Verse 22 (7.125.22)

ततः साधुविसृष्टेन नाराचेन द्विजर्षभः । हृद्यविध्यद्बृहत्क्षत्रं स च्छिन्नहृदयोऽपतत् ॥

tataḥ sādhuvisṛṣṭena nārācena dvijarṣabhaḥ | hṛdyavidhyadbṛhatkṣatraṃ sa cchinnahṛdayo'patat

Then the best of the twice-born pierced Brihatkshatra in the heart with a well-aimed iron arrow, and with his heart split he fell.

Note on the text: Line 1 and the first half of line 2 are CE star passage 7.101.21c*0747_01–02 (which the CE prints with its second line incomplete, ending hṛdy avidhyad bṛhatkṣatraṃ); the last words (स च्छिन्नहृदयोऽपतत्) resemble CE 7.101.21d (saṃbhinnahṛdayo 'patat). The CE's main-text verse 7.101.21 is a different version.

Verse 23 (7.125.23)

बृहत्क्षत्रे हते राजन्केकयानां महारथे । शैशुपालिरभिक्रुद्धो यन्तारमिदमब्रवीत् ॥

bṛhatkṣatre hate rājankekayānāṃ mahārathe | śaiśupālirabhikruddho yantāramidamabravīt

When Brihatkshatra, the great chariot-warrior of the Kekayas, was slain, the son of Shishupala, burning with anger, said this to his charioteer.

Verse 24 (7.125.24)

सारथे याहि यत्रैष द्रोणस्तिष्ठति दंशितः । विनिघ्नन्केकयान्सर्वान्पाञ्चालानां च वाहिनीं ॥

sārathe yāhi yatraiṣa droṇastiṣṭhati daṃśitaḥ | vinighnankekayānsarvānpāñcālānāṃ ca vāhinīṃ

"Charioteer, drive to where Drona stands armoured, cutting down all the Kekayas and the army of the Panchalas."

Verse 25 (7.125.25)

तस्य तद्वचनं श्रुत्वा सारथी रथिनां वरम् । द्रोणाय प्रापयामास काम्भोजैर्जवनैर्हयैः ॥

tasya tadvacanaṃ śrutvā sārathī rathināṃ varam | droṇāya prāpayāmāsa kāmbhojairjavanairhayaiḥ

Hearing his words, the charioteer brought the best of charioteers to Drona with swift Kamboja horses.

Verse 26 (7.125.26)

धृष्टकेतुश्च चेदीनामृषभोऽतिबलोदितः । वधायाभ्यद्रवद्द्रोणं पतङ्ग इव पावकम् ॥

dhṛṣṭaketuśca cedīnāmṛṣabho'tibaloditaḥ | vadhāyābhyadravaddroṇaṃ pataṅga iva pāvakam

And Dhrishtaketu, the bull of the Chedis, swollen with great strength, rushed at Drona to kill him, like a moth at a fire.

Verse 27 (7.125.27)

सोऽविध्यत तदा द्रोणं षष्ट्या साश्वरथध्वजम् । पुनश्चान्यैः शरैस्तीक्ष्णैः सुप्तं व्याघ्रं तुदन्निव ॥

so'vidhyata tadā droṇaṃ ṣaṣṭyā sāśvarathadhvajam | punaścānyaiḥ śaraistīkṣṇaiḥ suptaṃ vyāghraṃ tudanniva

Then he pierced Drona, with his horses, chariot and banner, with sixty arrows, and again with other sharp arrows, like one goading a sleeping tiger.

Note on the text: Corrected सऱैस्तीक्ष्णैः → शरैस्तीक्ष्णैः (misprint in Wikisource; ऱ is not a Sanskrit letter; CE śarais tīkṣṇaiḥ).

Verse 28 (7.125.28)

तस्य द्रोणो धनुर्मध्ये क्षुरप्रेण शितेन च । चकर्त गार्ध्रपत्रेण यतमानस्य शुष्मिणः ॥

tasya droṇo dhanurmadhye kṣurapreṇa śitena ca | cakarta gārdhrapatreṇa yatamānasya śuṣmiṇaḥ

With a sharp razor-headed arrow, vulture-feathered, Drona cut his bow in the middle as the powerful prince strove.

Note on the text: A variant of CE 7.101.27 (CE: tasya droṇo dhanurmadhye kṣurapreṇa śitena ha / ciccheda rājño balino yatamānasya saṃyuge).

Verse 29 (7.125.29)

अथान्यद्धनुरादाय शैशुपालिर्महारथः । विव्याध सायकैर्द्रोणं कङ्कबर्हिणवाजितैः ॥

athānyaddhanurādāya śaiśupālirmahārathaḥ | vivyādha sāyakairdroṇaṃ kaṅkabarhiṇavājitaiḥ

Then the great chariot-warrior, son of Shishupala, took another bow and pierced Drona with arrows fletched with heron and peacock feathers.

Verse 30 (7.125.30)

तस्य द्रोणो हयान्हत्वा चतुर्भिश्चतुरः शरैः । सारथेश्च शिरः कायाच्चकर्त प्रहसन्निव ॥

tasya droṇo hayānhatvā caturbhiścaturaḥ śaraiḥ | sāratheśca śiraḥ kāyāccakarta prahasanniva

Drona killed his horses with four arrows, four of them, and, as if smiling, cut his charioteer's head from his body.

Note on the text: Line 1 is a variant of CE 7.101.29a; line 2 = CE star passage 7.101.29b*0748_01.

Verse 31 (7.125.31)

अथैनं पञ्चविंशत्या सायकानां समार्पयत् ॥

athainaṃ pañcaviṃśatyā sāyakānāṃ samārpayat

Then he struck him with twenty-five arrows.

Note on the text: A single line, = CE 7.101.29c.

Verse 32 (7.125.32)

अवप्लुत्य रथाच्चैद्यो गदामादाय सत्वरः । भारद्वाजाय चिक्षेप रुषितामिव पन्नगीम् ॥

avaplutya rathāccaidyo gadāmādāya satvaraḥ | bhāradvājāya cikṣepa ruṣitāmiva pannagīm

Leaping down from his chariot, the Chedi prince quickly took up a mace and hurled it at Bharadvaja's son like an angry she-serpent.

Note on the text: Corrected रुपिताम् → रुषिताम् (misprint in Wikisource; प and ष confused; CE ruṣitām). Not in the critical edition's main text; it appears there as star passage 7.101.30d*0749_01–02 (after 7.101.30, whose main-text version of the mace-throwing is different).

Verse 33 (7.125.33)

तामापतन्तीमालोक्य कालरात्रिमिवोद्यताम् । अश्मसारमयीं गुर्वीं तपनीयविभूषिताम् । शरैरनेकसाहस्रैर्भारद्वाजोऽच्छिनच्छितैः ॥

tāmāpatantīmālokya kālarātrimivodyatām | aśmasāramayīṃ gurvīṃ tapanīyavibhūṣitām | śarairanekasāhasrairbhāradvājo'cchinacchitaiḥ

Seeing it come at him like Kalaratri herself raised against him, heavy, made of hardest iron, adorned with gold, Bharadvaja's son cut it with many thousands of sharp arrows.

Note on the text: Corrected भाद्वाजो → भारद्वाजो (misprint in Wikisource; dropped र; CE bhāradvājo). Line 2 = CE 7.101.31c; lines 1 and 3 are variants of CE 7.101.31a and 31e.

Verse 34 (7.125.34)

सा छिन्ना बहुभिर्बाणैर्भारद्वाजेन मारिष । गदा पपात कौरव्य नादयन्ती धरातलम् ॥

sā chinnā bahubhirbāṇairbhāradvājena māriṣa | gadā papāta kauravya nādayantī dharātalam

Cut by many arrows from Bharadvaja's son, O sir, the mace fell to the ground, O Kaurava, making it ring.

Note on the text: Corrected बाणैभारद्वाजेन → बाणैर्भारद्वाजेन (misprint in Wikisource; dropped र् before भ). A variant of CE 7.101.32 (CE: sā papāta gadā bhūmau bhāradvājena sāditā / raktamālyāmbaradharā tāreva nabhasas talāt); this wording is not in the CE.

Verse 35 (7.125.35)

गदां विनिहतां दृष्ट्वा धृष्टकेतुरमर्षणः । तोमरं व्यसृजद्वीरः शक्तिं च कनकोज्ज्वलाम् ॥

gadāṃ vinihatāṃ dṛṣṭvā dhṛṣṭaketuramarṣaṇaḥ | tomaraṃ vyasṛjadvīraḥ śaktiṃ ca kanakojjvalām

Seeing his mace destroyed, the furious hero Dhrishtaketu hurled a javelin and a gleaming golden spear.

Note on the text: Corrected कन कोज्ज्वलाम् → कनकोज्ज्वलाम् (misprint in Wikisource; a stray space splits the compound कनकोज्ज्वलाम्).

Verse 36 (7.125.36)

तोमरं पञ्चभिर्भित्त्वा शक्तिं चिच्छेद पञ्चभिः । तौ जग्मतुर्महीं छिन्नौ सर्पाविव गरुत्मता ॥

tomaraṃ pañcabhirbhittvā śaktiṃ ciccheda pañcabhiḥ | tau jagmaturmahīṃ chinnau sarpāviva garutmatā

Drona split the javelin with five arrows and cut the spear with five; both, cut through, fell to the ground like two snakes struck by Garuda.

Note on the text: A variant of CE star passage 7.101.34d*0750_01–02 (CE line 1: tomaraṃ pañcabhiś chittvā śaktiṃ ciccheda saptabhiḥ); the CE's main-text verse 7.101.34 is a different version.

Verse 37 (7.125.37)

ततोऽस्य विशिखं तीक्ष्णं वधाय वधकाङ्क्षिणः । प्रेषयामास समरे भारद्वाजः प्रतापवान् ॥

tato'sya viśikhaṃ tīkṣṇaṃ vadhāya vadhakāṅkṣiṇaḥ | preṣayāmāsa samare bhāradvājaḥ pratāpavān

Then glorious Bharadvaja's son, wishing to kill him, sent a sharp arrow at him in the battle for his death.

Verse 38 (7.125.38)

स तस्य कवचं भित्त्वा हृदयं चामितौजसः । अभ्यगाद्धरणीं बाणो हंसः पद्मवनं यथा ॥

sa tasya kavacaṃ bhittvā hṛdayaṃ cāmitaujasaḥ | abhyagāddharaṇīṃ bāṇo haṃsaḥ padmavanaṃ yathā

It split his armour and the heart of that man of boundless might and went to the ground, like a swan to a lotus-bed.

Verse 39 (7.125.39)

पतङ्गं हि ग्रसेच्चाषो यथा क्षुद्रं बुभुक्षितः । तथा द्रोणोऽग्रसच्छूरो धृष्टकेतुं महाहवे ॥

pataṅgaṃ hi graseccāṣo yathā kṣudraṃ bubhukṣitaḥ | tathā droṇo'grasacchūro dhṛṣṭaketuṃ mahāhave

As a hungry blue jay swallows a small moth, so the heroic Drona devoured Dhrishtaketu in that great battle.

Verse 40 (7.125.40)

निहते चेदिराजे तु तत्खण्डं पित्र्यमाविशत् । अमर्षवशमापन्नः पुत्रोऽस्य परमास्त्रवित् ॥

nihate cedirāje tu tatkhaṇḍaṃ pitryamāviśat | amarṣavaśamāpannaḥ putro'sya paramāstravit

When the king of the Chedis was slain, his son, a master of the highest weapons, fell under the sway of rage and stepped into his father's share of the fight.

Verse 41 (7.125.41)

तमपि प्रहसन्द्रोणः शरैर्निन्ये यमक्षयम् । महाव्याघ्रो महारण्ये मृगशावं यथा बली ॥

tamapi prahasandroṇaḥ śarairninye yamakṣayam | mahāvyāghro mahāraṇye mṛgaśāvaṃ yathā balī

Smiling, Drona sent him too with his arrows to the abode of Yama, as a mighty tiger in a great forest does a fawn.

Note on the text: Corrected शरैर्नित्ये → शरैर्निन्ये (misprint in Wikisource; the verb is निन्ये (नी, perfect); CE ninye).

Verse 42 (7.125.42)

तेषु प्रक्षीयमाणेषु पाण्डवेयेषु भारत । जरासन्धसुतो वीरः स्वयं द्रोणमुपाद्रवत् ॥

teṣu prakṣīyamāṇeṣu pāṇḍaveyeṣu bhārata | jarāsandhasuto vīraḥ svayaṃ droṇamupādravat

As those Pandava warriors were being destroyed, O Bharata, the hero, the son of Jarasandha, himself rushed at Drona.

Verse 43 (7.125.43)

स तु द्रोणं महाबाहुः शरधाराभिराहवे । अदृश्यमकरोत्तूर्णं जलदो भास्करं यथा ॥

sa tu droṇaṃ mahābāhuḥ śaradhārābhirāhave | adṛśyamakarottūrṇaṃ jalado bhāskaraṃ yathā

The mighty-armed one covered Drona in the fight with streams of arrows, quickly making him invisible, as a cloud hides the sun.

Verse 44 (7.125.44)

तस्य तल्लाघवं दृष्ट्वा द्रोणः क्षत्रियमर्दनः । व्यसृजत्सायकांस्तूर्णं शतशोऽथ सहस्रशः ॥

tasya tallāghavaṃ dṛṣṭvā droṇaḥ kṣatriyamardanaḥ | vyasṛjatsāyakāṃstūrṇaṃ śataśo'tha sahasraśaḥ

Seeing his dexterity, Drona, crusher of Kshatriyas, swiftly loosed arrows by the hundred and by the thousand.

Verse 45 (7.125.45)

छादयित्वा रणे द्रोणो रथस्थं रथिनां वरम् । जारासन्धिं जघानाशु मिषतां सर्वधन्विनाम् ॥

chādayitvā raṇe droṇo rathasthaṃ rathināṃ varam | jārāsandhiṃ jaghānāśu miṣatāṃ sarvadhanvinām

Having covered in the battle the chariot-borne best of charioteers, Drona quickly killed Jarasandha's son in the sight of all the archers.

Note on the text: Corrected रमे द्रोणं → रणे द्रोणो (misprint in Wikisource; रमे is a misprint for रणे (CE raṇe); and Drona must be the subject of the sentence that ends जघान, so द्रोणं is read द्रोणो (CE droṇo)).

Verse 46 (7.125.46)

योयो विधीयते खण्डस्तंतं द्रोणोऽन्तकोपमः । आदत्त सर्वभूतानि प्राप्ते काले यथान्तकः ॥

yoyo vidhīyate khaṇḍastaṃtaṃ droṇo'ntakopamaḥ | ādatta sarvabhūtāni prāpte kāle yathāntakaḥ

Whichever division was set against him, Drona, like Death himself, took away, each and every one, as Death takes all creatures when their time has come.

Verse 47 (7.125.47)

ततो द्रोणो महाराज नाम विश्राव्य संयुगे । शरैरनेकसाहस्रैः पाण्डवेयान्समावृणोत् ॥

tato droṇo mahārāja nāma viśrāvya saṃyuge | śarairanekasāhasraiḥ pāṇḍaveyānsamāvṛṇot

Then, O great king, proclaiming his name in the battle, Drona covered the Pandava warriors with many thousands of arrows.

Verse 48 (7.125.48)

ते तु नामाङ्किता बाणा द्रोणेनास्ताः शिलाशिताः । नरान्नागान्हयांश्चैव निजघ्नुः शतशो मृधे ॥

te tu nāmāṅkitā bāṇā droṇenāstāḥ śilāśitāḥ | narānnāgānhayāṃścaiva nijaghnuḥ śataśo mṛdhe

Those arrows, marked with his name, loosed by Drona and whetted on stone, killed men, elephants and horses by the hundred in the fight.

Note on the text: A variant of CE 7.101.46 (CE: tato droṇāṅkitā bāṇāḥ svarṇapuṅkhāḥ śilāśitāḥ … sarvato raṇe).

Verse 49 (7.125.49)

ते वध्यमाना द्रोणेन शक्रेणेव महासुराः । समकम्पन्त पाञ्चाला गावः शीतार्दिता इव ॥

te vadhyamānā droṇena śakreṇeva mahāsurāḥ | samakampanta pāñcālā gāvaḥ śītārditā iva

Slain by Drona as great asuras are by Shakra, the Panchalas trembled, like cows tormented by cold.

Verse 50 (7.125.50)

ततो निष्टानको घोरः पाण्डवानामजायत । द्रोणेन वध्यमानेषु सैन्येषु भरतर्षभ ॥

tato niṣṭānako ghoraḥ pāṇḍavānāmajāyata | droṇena vadhyamāneṣu sainyeṣu bharatarṣabha

Then a dreadful wail rose among the Pandavas as their armies were being slaughtered by Drona, O best of the Bharatas.

Verse 51 (7.125.51)

प्रताप्यमानाः सूर्येण हन्यमानाश्च सायकैः । अन्वपद्यन्त पाञ्चालास्तदा सन्त्रस्तचेतसः ॥

pratāpyamānāḥ sūryeṇa hanyamānāśca sāyakaiḥ | anvapadyanta pāñcālāstadā santrastacetasaḥ

Scorched by the sun and struck by arrows, the Panchalas then pressed on, their hearts stricken with terror.

Note on the text: Not in the critical edition's main text; it appears there as star passage 7.101.48d*0752_01–02 (after 7.101.48).

Verse 52 (7.125.52)

मोहिता बाणजालेन भारद्वाजेन संयुगे । ऊरुग्राहगृहीतानां पाञ्चालानां महारथाः ॥

mohitā bāṇajālena bhāradvājena saṃyuge | ūrugrāhagṛhītānāṃ pāñcālānāṃ mahārathāḥ

Bewildered in battle by Bharadvaja's son's net of arrows, the great chariot-warriors of the Panchalas were seized with a stiffening of the thighs.

Verse 53 (7.125.53)

चेदयश्च महाराज सृञ्जयाः काशिकोसलाः । अभ्यद्रवन्त संहृष्टा भारद्वाजं युयुत्सया ॥

cedayaśca mahārāja sṛñjayāḥ kāśikosalāḥ | abhyadravanta saṃhṛṣṭā bhāradvājaṃ yuyutsayā

And the Chedis, O great king, the Srinjayas, and the Kashis and Kosalas, delighted and eager to fight, rushed at Bharadvaja's son.

Verse 54 (7.125.54)

ब्रुवन्तश्च रणेऽन्योन्यं चेदिपाञ्चालसृञ्जयाः । हत द्रोणं हत द्रोणमिति ते द्रोणमभ्ययुः ॥

bruvantaśca raṇe'nyonyaṃ cedipāñcālasṛñjayāḥ | hata droṇaṃ hata droṇamiti te droṇamabhyayuḥ

Calling out to one another in the battle, the Chedis, Panchalas and Srinjayas went at Drona crying, "Kill Drona! Kill Drona!"

Note on the text: Line 1 is CE star passage 7.101.50d*0753_01; line 2 = CE 7.101.51a.

Verse 55 (7.125.55)

यतन्तः पुरुपव्याघ्राः सर्वशक्त्या महाद्युतिम् । निनीपवो रणे द्रोणं यमस्य सदनं प्रति ॥

yatantaḥ purupavyāghrāḥ sarvaśaktyā mahādyutim | ninīpavo raṇe droṇaṃ yamasya sadanaṃ prati

Those tigers among men, striving with all their strength, wished to bring the radiant Drona to the abode of Yama in the battle.

Note on the text: = CE 7.101.51c and 51e.

Verse 56 (7.125.56)

यतमानांस्तु तान्वीरान्भारद्वाजः शिलीमुखैः । यमाय प्रेषयामास चेदिमुख्यान्विशेषतः ॥

yatamānāṃstu tānvīrānbhāradvājaḥ śilīmukhaiḥ | yamāya preṣayāmāsa cedimukhyānviśeṣataḥ

But as those heroes strove, Bharadvaja's son sent them to Yama with his arrows, especially the foremost of the Chedis.

Note on the text: Corrected प्रेपयामास → प्रेषयामास (misprint in Wikisource; प and ष confused; CE preṣayām āsa). Corrected विशेपतः → विशेषतः (misprint in Wikisource; प and ष confused; CE viśeṣataḥ).

Verse 57 (7.125.57)

तेषु प्रक्षीयमाणेषु चेदिमुख्येषु सर्वशः । पाञ्चालाः समकम्पन्त द्रोणसायकपीडिताः ॥

teṣu prakṣīyamāṇeṣu cedimukhyeṣu sarvaśaḥ | pāñcālāḥ samakampanta droṇasāyakapīḍitāḥ

As the foremost Chedis were destroyed on every side, the Panchalas, tormented by Drona's arrows, trembled.

Note on the text: Corrected पाञ्चलाः → पाञ्चालाः (misprint in Wikisource; dropped ā; CE pāñcālāḥ).

Verse 58 (7.125.58)

प्राक्रोशन्भीमसेनं ते धृष्टद्युम्नं च भारत । दृष्ट्वा द्रोणस्य कर्माणि तथारूपाणि मारिष ॥

prākrośanbhīmasenaṃ te dhṛṣṭadyumnaṃ ca bhārata | dṛṣṭvā droṇasya karmāṇi tathārūpāṇi māriṣa

They cried out to Bhimasena and Dhrishtadyumna, O Bharata, seeing such deeds of Drona, O sir.

Verse 59 (7.125.59)

ब्राह्मणेन तपो नूनं चरितं दुश्चरं महत् । तथा हि युधि सङ्क्रुद्धो दहति क्षत्रियर्षभान् ॥

brāhmaṇena tapo nūnaṃ caritaṃ duścaraṃ mahat | tathā hi yudhi saṅkruddho dahati kṣatriyarṣabhān

"The brahmin has surely practised a great and hard austerity, for in battle, enraged, he burns the foremost Kshatriyas.

Note on the text: Corrected क्षत्रियर्पभान् → क्षत्रियर्षभान् (misprint in Wikisource; प and ष confused; ऋषभ in क्षत्रियर्षभ). Speaker: Bhima, as the Wikisource heading prints it. The critical edition prints no speaker here, and the preceding verse has the Panchalas crying out to Bhimasena and Dhrishtadyumna.

Verse 60 (7.125.60)

धर्मो युद्धं क्षत्रियस्य ब्राह्मणस्य परं तपः । तपस्वी कृतविद्यश्च प्रेक्षितेनापि निर्दहेत् ॥

dharmo yuddhaṃ kṣatriyasya brāhmaṇasya paraṃ tapaḥ | tapasvī kṛtavidyaśca prekṣitenāpi nirdahet

War is the Kshatriya's dharma, austerity the brahmin's highest. An ascetic who is also learned could burn one up with a mere glance.

Verse 61 (7.125.61)

द्रोणाग्निमस्त्रसंस्पर्शं प्रविष्टाः क्षत्रियर्षभाः । बहवो दुस्तरं घोरं यत्रादह्यन्त भारत ॥

droṇāgnimastrasaṃsparśaṃ praviṣṭāḥ kṣatriyarṣabhāḥ | bahavo dustaraṃ ghoraṃ yatrādahyanta bhārata

Many foremost Kshatriyas, O Bharata, have entered the fire that is Drona, with its touch of weapons, so hard to cross and so terrible, and have been burned there.

Note on the text: Corrected क्षत्रियर्पभाः → क्षत्रियर्षभाः (misprint in Wikisource; प and ष confused; ऋषभ in क्षत्रियर्षभ).

Verse 62 (7.125.62)

यथाबलं यथोत्साहं यथासत्वं महाद्युतिः । मोहयन्सर्वभूतानि द्रोणो हन्ति बलानि नः ॥

yathābalaṃ yathotsāhaṃ yathāsatvaṃ mahādyutiḥ | mohayansarvabhūtāni droṇo hanti balāni naḥ

According to his strength, his zeal and his might, the exceedingly radiant Drona, bewildering all beings, is destroying our forces."

Verse 63 (7.125.63)

तस्य तद्वचनं श्रुत्वा क्षत्रधर्मा व्यवस्थितः । अर्धचन्द्रेण चिच्छेद द्रोणस्य सशरं धनुः ॥

tasya tadvacanaṃ śrutvā kṣatradharmā vyavasthitaḥ | ardhacandreṇa ciccheda droṇasya saśaraṃ dhanuḥ

Hearing his words, Kshatradharman stood firm and cut Drona's bow, with its arrow, with a crescent-headed arrow.

Verse 64 (7.125.64)

स संरब्धतरो भूत्वा द्रोणः क्षत्रियमर्दनः ॥

sa saṃrabdhataro bhūtvā droṇaḥ kṣatriyamardanaḥ

Drona, crusher of Kshatriyas, grew still more furious.

Note on the text: A single line, = CE 7.101.60a.

Verse 65 (7.125.65)

अन्यत्कार्मुकमादाय भास्वरं वेगवत्तरम् । तत्राधाय शरं तीक्ष्णं परानीकविशातनम् ॥

anyatkārmukamādāya bhāsvaraṃ vegavattaram | tatrādhāya śaraṃ tīkṣṇaṃ parānīkaviśātanam

Taking another bright and swifter bow, and fixing on it a sharp arrow that breaks the ranks of the enemy,

Note on the text: Line 1 = CE 7.101.60c; line 2 is a variant of CE 7.101.61a (CE: tatrādhāya śaraṃ tīkṣṇaṃ bhāraghnaṃ vimalaṃ dṛḍham).

Verse 66 (7.125.66)

आकर्णपूर्णमाचार्यो बलवानभ्यवासृजत् । स हत्वा क्षत्रधर्माणं जगाम धरणीतलम् ॥

ākarṇapūrṇamācāryo balavānabhyavāsṛjat | sa hatvā kṣatradharmāṇaṃ jagāma dharaṇītalam

the mighty preceptor drew it to his ear and loosed it; having killed Kshatradharman, it went to the ground.

Note on the text: Line 1 = CE 7.101.61c; line 2 = CE 7.101.62a.

Verse 67 (7.125.67)

स भिन्नहृदयो वाहान्न्यपतन्मेदिनीतले । ततः सैन्यान्यकम्पन्त धृष्टद्युम्नसुते हते ॥

sa bhinnahṛdayo vāhānnyapatanmedinītale | tataḥ sainyānyakampanta dhṛṣṭadyumnasute hate

With his heart split, he fell from his chariot to the earth. Then the armies trembled, when Dhrishtadyumna's son was slain.

Note on the text: Line 1 = CE 7.101.62c; line 2 = CE 7.101.63a.

Verse 68 (7.125.68)

अथ द्रोणं समारोहच्चेकितानो महाबलः । स द्रोणं दशभिर्विद्ध्वा प्रत्यविद्ध्यत्स्तनान्तरे ॥

atha droṇaṃ samārohaccekitāno mahābalaḥ | sa droṇaṃ daśabhirviddhvā pratyaviddhyatstanāntare

Then the mighty Chekitana charged at Drona, and having pierced Drona with ten arrows, he struck him back between the breasts.

Note on the text: Line 1 = CE 7.101.63c; line 2 is a variant of CE 7.101.64a.

Verse 69 (7.125.69)

चतुर्भिः सारथिं चास्य चतुर्भिश्चतुरो हयान् । तमाचार्यस्त्रिभिर्बाणैर्बाह्वोरुरसि चार्दयत् ॥

caturbhiḥ sārathiṃ cāsya caturbhiścaturo hayān | tamācāryastribhirbāṇairbāhvorurasi cārdayat

He struck Drona's charioteer with four arrows and his four horses with four; the preceptor tormented him with three arrows in his arms and chest.

Note on the text: Line 1 = CE 7.101.64c; line 2 differs from the CE's 7.101.65a (tasyācāryaḥ ṣoḍaśabhir avidhyad dakṣiṇaṃ bhujam).

Verse 70 (7.125.70)

ध्वजं सप्तभिरुन्मथ्य यन्तारमवधीत्त्रिभिः । तस्य सूते हते तेऽश्वा रथमादाय विद्रुताः ॥

dhvajaṃ saptabhirunmathya yantāramavadhīttribhiḥ | tasya sūte hate te'śvā rathamādāya vidrutāḥ

Drona smashed his banner with seven arrows and killed his charioteer with three; when the charioteer was dead, the horses bolted, taking the chariot with them.

Note on the text: Line 1 is a variant of CE 7.101.65c; line 2 = CE 7.101.66a.

Verse 71 (7.125.71)

समरे शरसंवीता भारद्वाजेन मारिष । चेकितानरथं दृष्ट्वा हताश्वं हतसारथिम् ॥

samare śarasaṃvītā bhāradvājena māriṣa | cekitānarathaṃ dṛṣṭvā hatāśvaṃ hatasārathim

Seeing Chekitana's chariot, O sir, its horses and charioteer slain, covered with arrows in the battle by Bharadvaja's son,

Note on the text: Line 1 = CE 7.101.66c; line 2 is a variant of CE 7.101.67a. The CE's 7.101.67c (pāñcālān pāṇḍavāṃś caiva mahad bhayam athāviśat) is not in Wikisource; the sentence runs on into the next verse, so nothing is restored.

Verse 72 (7.125.72)

तान्समेतान्रणे शूरांश्चेदिपाञ्चालसृञ्जयान् । समन्ताद्द्रावयन्द्रोणो बह्वशोभत मारिष ॥

tānsametānraṇe śūrāṃścedipāñcālasṛñjayān | samantāddrāvayandroṇo bahvaśobhata māriṣa

Drona, driving those assembled heroes of the Chedis, Panchalas and Srinjayas back on every side, shone greatly, O sir.

Verse 73 (7.125.73)

आकर्णपलितः श्यामो वयसाऽशीतिपञ्चकः । रणे पर्यचरद्द्रोणो वृद्धः षोडशवर्षवत् ॥

ākarṇapalitaḥ śyāmo vayasā'śītipañcakaḥ | raṇe paryacaraddroṇo vṛddhaḥ ṣoḍaśavarṣavat

Grey-haired to his ears, dark of hue, eighty-five years of age, Drona moved about the battle like a youth of sixteen.

Note on the text: Translated as eighty-five years (aśīti-pañcaka, eighty and five); the page's own gloss reads it as four hundred (five times eighty).

Verse 74 (7.125.74)

अथ द्रोणं महाराज विचरन्तमभीतवत् । वज्रहस्तममन्यन्त शत्रवः शत्रुसूदनम् ॥

atha droṇaṃ mahārāja vicarantamabhītavat | vajrahastamamanyanta śatravaḥ śatrusūdanam

Then, O great king, as Drona moved about fearless, the enemies took the destroyer of foes to be Indra with the thunderbolt in his hand.

Verse 75 (7.125.75)

ततोऽब्रवीन्महाबाहुर्द्रुपदो बुद्धिमान्नृप । लुब्धोऽयं क्षत्रियान्हन्ति व्याघ्रः क्षुद्रमृगानिव ॥

tato'bravīnmahābāhurdrupado buddhimānnṛpa | lubdho'yaṃ kṣatriyānhanti vyāghraḥ kṣudramṛgāniva

Then the wise, mighty-armed Drupada said, O king: "This greedy man kills Kshatriyas as a tiger kills small deer.

Note on the text: Line 1 is narration and line 2 begins Drupada's speech (no printed heading), so the verse stays with Sanjaya; verses 76–77 are wholly Drupada's.

Verse 76 (7.125.76)

कृच्छ्रान्दुर्योधनो लोकान्पापः प्राप्स्यति दुर्मतिः । यस्य लोभाद्विनिहताः समरे क्षत्रियर्षभाः ॥

kṛcchrānduryodhano lokānpāpaḥ prāpsyati durmatiḥ | yasya lobhādvinihatāḥ samare kṣatriyarṣabhāḥ

Duryodhana, wicked and evil-minded, will reach worlds of hardship, he through whose greed the foremost Kshatriyas have been slain in battle.

Note on the text: Speaker: Drupada (direct speech with no printed heading, begun in verse 75); Wikisource's next heading, at verse 78, returns to Sanjaya.

Verse 77 (7.125.77)

शतशः शेरते भूमौ निकृत्ता गोवृषा इव । रुधिरेण परीताङ्गाः श्वशृगालादनीकृताः ॥

śataśaḥ śerate bhūmau nikṛttā govṛṣā iva | rudhireṇa parītāṅgāḥ śvaśṛgālādanīkṛtāḥ

They lie on the ground by the hundred, cut down like felled bulls, their limbs drenched in blood, made a feast for dogs and jackals."

Note on the text: Speaker: Drupada (direct speech with no printed heading, continuing from verse 75).

Verse 78 (7.125.78)

एवमुक्त्वा महाराज द्रुपदोऽक्षौहिणीपतिः । पुरस्कृत्य रणे पार्थान्द्रोणमभ्यद्रवद्द्रुतम् ॥

evamuktvā mahārāja drupado'kṣauhiṇīpatiḥ | puraskṛtya raṇe pārthāndroṇamabhyadravaddrutam

Having spoken thus, O great king, Drupada, lord of an akshauhini, put the Parthas in front and swiftly rushed at Drona in the battle.