Duryodhana Laments Jayadratha's Death to Drona

Verse 1 (7.151.1)

सैन्धवे निहते राजन्पुत्रस्तव सुयोधनः । अश्रुपूर्णमुखो दीनो निरुत्साहो द्विषज्जये ॥

saindhave nihate rājanputrastava suyodhanaḥ | aśrupūrṇamukho dīno nirutsāho dviṣajjaye

O king, when the lord of the Sindhus had been slain, your son Suyodhana was downcast; his face was wet with tears, and he had lost all spirit for conquering his enemies.

Note on the text: Removed the stray opening square bracket (Wikisource brackets the star passage 7.125.1d*1087, from here to the end of verse 4). Line 1 = CE 7.125.1a, line 2 = CE 7.125.1c (अश्रुपूर्णमुखो for aśruklinnamukho, a variant); the automatic alignment left CE 7.125.1 unmatched.

Verse 2 (7.151.2)

दुर्मना निःश्वसन्दुष्टो भग्नदंष्ट्र इवोरगः । आगस्कृत्सर्वलोकस्य पुत्रस्तेऽर्तिं परामगात् ॥

durmanā niḥśvasanduṣṭo bhagnadaṃṣṭra ivoragaḥ | āgaskṛtsarvalokasya putraste'rtiṃ parāmagāt

Sick at heart, sighing, angry like a serpent whose fangs have been broken, your son, who had wronged the whole world, fell into deep distress.

Note on the text: Not in the critical edition's main text; star passage 7.125.1d*1087_01-02 (printed between 7.125.1c and 7.125.1e). The automatic alignment found no match.

Verse 3 (7.151.3)

दृष्ट्वा तत्कदनं घोरं स्वबलस्य कृतं महत् । जिष्णुना भीमसेनेन सात्वतेन च संयुगे ॥

dṛṣṭvā tatkadanaṃ ghoraṃ svabalasya kṛtaṃ mahat | jiṣṇunā bhīmasenena sātvatena ca saṃyuge

He had seen the terrible and great slaughter that Jishnu, Bhimasena and the Satvata had wrought upon his army in the battle.

Note on the text: Not in the critical edition's main text; star passage 7.125.1d*1087_03-04. The automatic alignment found no match.

Verse 4 (7.151.4)

स विवर्णः कृशो दीनो बाष्पविप्लुतलोचनः । अमन्यतार्जुनसमो न योद्धा भुवि विद्यते ॥

sa vivarṇaḥ kṛśo dīno bāṣpaviplutalocanaḥ | amanyatārjunasamo na yoddhā bhuvi vidyate

Pale, wasted and wretched, his eyes brimming with tears, he thought that there was no warrior on earth to equal Arjuna.

Note on the text: Removed the stray closing square bracket and the stray ' ।' after it (the brackets opened in verse 1 end here). Line 1 is the CE star line 7.125.1d*1087_05; line 2 is CE 7.125.1e (न योद्धा भुवि विद्यते for yodho bhuvi na vidyate, a variant). The automatic alignment left CE 7.125.1 unmatched.

Verse 5 (7.151.5)

न द्रोणो न च राधेयो नाश्वत्थामा कृपो न च । पार्थस्य सम्मुखे स्थातुं पर्याप्ता इति मारिष ॥

na droṇo na ca rādheyo nāśvatthāmā kṛpo na ca | pārthasya sammukhe sthātuṃ paryāptā iti māriṣa

Neither Drona nor Radheya, neither Ashvatthaman nor Kripa, sir, is able to stand before Partha.

Note on the text: Corrected सम्मखे → सम्मुखे (misprint in Wikisource; a dropped ु). The page reads पार्थस्य सम्मुखे where the critical edition has kruddhasya pramukhe (recension variant, kept).

Verse 6 (7.151.6)

निर्जित्य हि रणे पार्थः सर्वान्मम महारथान् । अवधीत्सैन्धवं सङ्ख्ये न च कश्चिदवारयत् ॥

nirjitya hi raṇe pārthaḥ sarvānmama mahārathān | avadhītsaindhavaṃ saṅkhye na ca kaścidavārayat

For Partha, having defeated all my great chariot-warriors in battle, struck down Saindhava in the fight, and no one held him back.

Note on the text: Removed a stray zero-width non-joiner after the final त् of अवारयत्.

Verse 7 (7.151.7)

सर्वथा हतमेवेदं कौरवाणां महद्बलम् । न ह्यस्य विद्यते त्राता साक्षादपि पुरन्दरः ॥

sarvathā hatamevedaṃ kauravāṇāṃ mahadbalam | na hyasya vidyate trātā sākṣādapi purandaraḥ

In every way this great army of the Kauravas is as good as slain; it has no protector, not even Purandara himself in person.

Verse 8 (7.151.8)

यमुपाश्रित्य सङ्ग्रामे कृतः शस्त्रसमुद्यमः । स कर्णो निर्जितः सङ्ख्ये हतश्चैव जयद्रथः ॥

yamupāśritya saṅgrāme kṛtaḥ śastrasamudyamaḥ | sa karṇo nirjitaḥ saṅkhye hataścaiva jayadrathaḥ

Karna, on whom I relied when I took up arms in this war, has been defeated in battle, and Jayadratha is slain as well.

Verse 9 (7.151.9)

परुषाणि सभामध्ये प्रोक्तवान्यो हि पाण्डवान् । स कर्णो निर्जितः सङ्ख्ये सैन्धवश्च निपातितः ॥

paruṣāṇi sabhāmadhye proktavānyo hi pāṇḍavān | sa karṇo nirjitaḥ saṅkhye saindhavaśca nipātitaḥ

Karna, who spoke harsh words to the Pandavas in the midst of the assembly, has been defeated in battle, and Saindhava has been struck down.

Note on the text: Removed the leading wiki backtick (it marks a vulgate addition).

Verse 10 (7.151.10)

यस्य वीर्यं समाश्रित्य शमं याचन्तमच्युतम् । तृणवत्तमहं मन्ये स कर्णो निर्जितो युधि ॥

yasya vīryaṃ samāśritya śamaṃ yācantamacyutam | tṛṇavattamahaṃ manye sa karṇo nirjito yudhi

Relying on whose strength I thought of the unfailing Krishna, as he pleaded for peace, as no more than a blade of grass, that Karna has been defeated in battle.

Verse 11 (7.151.11)

एवं क्लान्तमना राजन्नुपायाद्रोणमीक्षितुम् । आगस्कृत्सर्वलोकस्य पुत्रस्ते भरतर्षभ ॥

evaṃ klāntamanā rājannupāyādroṇamīkṣitum | āgaskṛtsarvalokasya putraste bharatarṣabha

In such a troubled state of mind, O king, O best of the Bharatas, your son, the wrong-doer against the whole world, went to see Drona.

Verse 12 (7.151.12)

ततस्तत्सर्वमाचख्यौ कुरूणां वैशसं महत् । परान्विजयतश्चापि धार्तराष्ट्रान्निमज्जतः ॥

tatastatsarvamācakhyau kurūṇāṃ vaiśasaṃ mahat | parānvijayataścāpi dhārtarāṣṭrānnimajjataḥ

Then he told him all about the great ruin of the Kurus, how their enemies were winning and the sons of Dhritarashtra were sinking.

Verse 13 (7.151.13)

पश्य मूर्धाभिषिक्तानामाचार्य कदनं महत् । कृत्वा प्रमुखतः शूरं भीष्मं मम पितामहम् ॥

paśya mūrdhābhiṣiktānāmācārya kadanaṃ mahat | kṛtvā pramukhataḥ śūraṃ bhīṣmaṃ mama pitāmaham

Look, teacher, at the great slaughter of the anointed kings, done when the hero Bhishma, my grandfather, had been set at their head.

Verse 14 (7.151.14)

तं निहत्य प्रलुब्धोऽयं शिखण्डी पूर्णमानसः । पाञ्चाल्यैः सहितः सर्वैः सेनाग्रमभिवर्तते ॥

taṃ nihatya pralubdho'yaṃ śikhaṇḍī pūrṇamānasaḥ | pāñcālyaiḥ sahitaḥ sarvaiḥ senāgramabhivartate

Having slain him, this greedy Shikhandi, his heart satisfied, advances with all the Panchalas upon the head of our army.

Verse 15 (7.151.15)

अपरश्चापि दुर्धर्षः शिष्यस्ते सव्यसाचिना । अक्षौहिणीः सप्त हत्वा हतो राजा जयद्रथः ॥

aparaścāpi durdharṣaḥ śiṣyaste savyasācinā | akṣauhiṇīḥ sapta hatvā hato rājā jayadrathaḥ

By Savyasachin, another invincible one, who is your pupil, seven akshauhinis were slain, and then King Jayadratha was killed.

Verse 16 (7.151.16)

अस्मद्विजयकामानां सुहृदामुपकारिणाम् । गन्ताऽस्मि कथमानृण्यं गतानां यमसादनम् ॥

asmadvijayakāmānāṃ suhṛdāmupakāriṇām | gantā'smi kathamānṛṇyaṃ gatānāṃ yamasādanam

How shall I repay my debt to the friends who wished for my victory and did me service, now that they have gone to Yama's abode?

Verse 17 (7.151.17)

ये मदर्थं परीप्सन्ते वसुधां वसुधाधिपाः । ते हित्वा वसुधैश्वर्यं वसुधामधिशेरते ॥

ye madarthaṃ parīpsante vasudhāṃ vasudhādhipāḥ | te hitvā vasudhaiśvaryaṃ vasudhāmadhiśerate

The kings who strove to win the earth for my sake have given up the lordship of the earth and now lie down upon the earth.

Verse 18 (7.151.18)

सोऽहं कापुरुषः कृत्वा मित्राणां क्षयमीदृशम् । अश्वमेधसहस्रेण पावितुं न समुत्सहे ॥

so'haṃ kāpuruṣaḥ kṛtvā mitrāṇāṃ kṣayamīdṛśam | aśvamedhasahasreṇa pāvituṃ na samutsahe

Having brought such destruction upon my friends, I, a coward, cannot purify myself even with a thousand horse sacrifices.

Note on the text: Corrected क-त्वा → कृत्वा (misprint in Wikisource; a stray hyphen in place of the vowel ृ; the critical edition reads kṛtvā).

Verse 19 (7.151.19)

मम लुब्धस्य पापस्य तथा धर्मापचायिनः । व्यायामेन जिगीषन्तः प्राप्ता वैवस्वतक्षयम् ॥

mama lubdhasya pāpasya tathā dharmāpacāyinaḥ | vyāyāmena jigīṣantaḥ prāptā vaivasvatakṣayam

For me, greedy and sinful, and a wrecker of dharma, those who strove eagerly for victory by their exertions have gone to the abode of Vaivasvata.

Verse 20 (7.151.20)

कथं पतितवृत्तस्य पृथिवी सुहृदां द्रुहः । विवरं नाशकद्दातुं मम पार्थिवसंसदि ॥

kathaṃ patitavṛttasya pṛthivī suhṛdāṃ druhaḥ | vivaraṃ nāśakaddātuṃ mama pārthivasaṃsadi

How is it that the earth could not open a fissure for me in the assembly of kings, whose conduct has fallen and who betray my friends?

Verse 21 (7.151.21)

योऽहं रुधिरसिक्ताङ्गं राज्ञां मध्ये पितामहम् । शयानं नाशकं त्रातुं भीष्ममायोधने हतम् ॥

yo'haṃ rudhirasiktāṅgaṃ rājñāṃ madhye pitāmaham | śayānaṃ nāśakaṃ trātuṃ bhīṣmamāyodhane hatam

I, who was unable to protect grandfather Bhishma as he lay in the midst of the kings, his body drenched in blood, struck down in the battle,

Verse 22 (7.151.22)

तं मामनार्यपुरुषं मित्रद्रुहमधार्मिकम् । किं वक्ष्यति हि दुर्धर्षः समेत्य परलोकजित् ॥

taṃ māmanāryapuruṣaṃ mitradruhamadhārmikam | kiṃ vakṣyati hi durdharṣaḥ sametya paralokajit

what will that unconquerable conqueror of the other world say to me, an ignoble man, a betrayer of friends and a man without dharma, when I meet him?

Verse 23 (7.151.23)

जलसन्धं महेष्वासं पश्य सात्यकिना हतम् । मदर्थमुद्यतं शूरं प्राणांस्त्यक्त्वा महारथम् ॥

jalasandhaṃ maheṣvāsaṃ paśya sātyakinā hatam | madarthamudyataṃ śūraṃ prāṇāṃstyaktvā mahāratham

Look at the great archer Jalasandha, slain by Satyaki: a hero and great chariot-warrior who staked his life for my sake.

Verse 24 (7.151.24)

काम्भोजं निहतं दृष्ट्वा तथालम्बुसमेव च । अन्यान्बहूंश्च सुहृदो जीवितार्थोऽद्य को मम ॥

kāmbhojaṃ nihataṃ dṛṣṭvā tathālambusameva ca | anyānbahūṃśca suhṛdo jīvitārtho'dya ko mama

Seeing the Kamboja slain, and Alambusa too, and many other friends, what use is life to me today?

Verse 25 (7.151.25)

व्यायच्छन्तो हताः शूरा मदर्थे येऽपराङ्मुखाः । यतमानाः परं शक्त्या विजेतुमहितान्मम ॥

vyāyacchanto hatāḥ śūrā madarthe ye'parāṅmukhāḥ | yatamānāḥ paraṃ śaktyā vijetumahitānmama

The heroes who were slain fighting for my sake, who never turned back, and who strove with all their strength to conquer my enemies,

Note on the text: Corrected ये पराङ्मुखाः → येऽपराङ्मुखाः (Wikisource drops the avagraha, which flips the sense to 'who turned away'; the critical edition reads ye 'parāṅmukhāḥ, 'who did not turn back').

Verse 26 (7.151.26)

तेषां गत्वाऽहमानृण्यमद्य शक्त्या परन्तप । तर्पयिष्यामि तानेव जलेन यमुनामनु ॥

teṣāṃ gatvā'hamānṛṇyamadya śaktyā parantapa | tarpayiṣyāmi tāneva jalena yamunāmanu

to them, O scorcher of foes, I shall go today and, as far as my strength allows, pay my debt, offering them water along the Yamuna.

Verse 27 (7.151.27)

सत्यं ते प्रतिजानामि सर्वशस्त्रभृतां वर । इष्टापूर्तेन च शपे वीर्येण च सुतैरपि ॥

satyaṃ te pratijānāmi sarvaśastrabhṛtāṃ vara | iṣṭāpūrtena ca śape vīryeṇa ca sutairapi

I tell you truly, best of all bearers of weapons: I swear it by my sacrifices and works of charity, by my valour and by my sons.

Verse 28 (7.151.28)

निहत्य तान्रमे सर्वान्पाञ्चालान्पाण्डवैः सह । शान्तिं लब्धाऽस्मि तेषां वा रणे गन्ता सलोकताम् ॥

nihatya tānrame sarvānpāñcālānpāṇḍavaiḥ saha | śāntiṃ labdhā'smi teṣāṃ vā raṇe gantā salokatām

Having slain all those Panchalas together with the Pandavas, I shall rejoice and find peace; or else I shall go in battle to the same world as they.

Note on the text: Corrected सान्तिं → शान्तिं (misprint in Wikisource; स for श; the critical edition reads śāntiṃ).

Verse 29 (7.151.29)

सोऽहं तत्र गमिष्यामि यत्र ते पुरुषर्षभाः । हता मदर्थे सङ्ग्रामे युध्यमानाः किरीटिना ॥

so'haṃ tatra gamiṣyāmi yatra te puruṣarṣabhāḥ | hatā madarthe saṅgrāme yudhyamānāḥ kirīṭinā

I shall go to the place where those bulls among men have gone, slain in battle for my sake as they fought Kiritin.

Note on the text: Split from the four-line row that the page prints with the numbers 29a, 29b, 30, 30b (two verses merged in the input); lines 1–2 are verse 29. They are a couplet that the critical edition has once, as 7.125.32, and that this page repeats as verse 36 below (the vulgate repeats it); the automatic alignment found no match here.

Verse 30 (7.151.30)

न हीदानीं सहाया मे परीप्सन्त्यनुपस्कृताः । श्रेयो हि पाण्डून्मन्यन्ते न तथास्मान्महाभुज ॥

na hīdānīṃ sahāyā me parīpsantyanupaskṛtāḥ | śreyo hi pāṇḍūnmanyante na tathāsmānmahābhuja

For now my helpers, unrewarded as they are, no longer seek to protect me; they think the Pandavas the better side and not us, O mighty-armed one.

Note on the text: Split from the four-line row that the page prints with the numbers 29a, 29b, 30, 30b (two verses merged in the input); lines 3–4 are verse 30 = CE 7.125.26, which the automatic alignment left unmatched.

Verse 31 (7.151.31)

स्वयं हि मृत्युर्विहितः सत्यसन्धेन संयुगे । भवानुपेक्षां कुरुते शिष्यत्वादर्जुनस्य हि ॥

svayaṃ hi mṛtyurvihitaḥ satyasandhena saṃyuge | bhavānupekṣāṃ kurute śiṣyatvādarjunasya hi

In battle, Death itself has been ordained for us by the man who keeps his word; yet you, sir, look on with indifference, because Arjuna is your pupil.

Verse 32 (7.151.32)

अतो विनिहताः सर्वे येऽस्मज्जयचिकीर्षवः । कर्णमेव तु पश्यामि सम्प्रत्यस्मज्जयैषिणम् ॥

ato vinihatāḥ sarve ye'smajjayacikīrṣavaḥ | karṇameva tu paśyāmi sampratyasmajjayaiṣiṇam

For that reason all who wished to win for us have been slain; now I see only Karna as the one who wishes for our victory.

Verse 33 (7.151.33)

यो हि मित्रमविज्ञाय याथातथ्येन मन्दधीः । मित्रार्थे योजयत्येनं तस्य सोऽर्थोऽवसीदति ॥

yo hi mitramavijñāya yāthātathyena mandadhīḥ | mitrārthe yojayatyenaṃ tasya so'rtho'vasīdati

The fool who, without truly knowing a friend, sets him to a friend's task finds his purpose come to ruin.

Verse 34 (7.151.34)

तादृग्रूपं कृतमिदं मम कार्यं सुहृत्तमैः । मोहाल्लुब्धस्य पापस्य जिह्मस्य धनमीहतः ॥

tādṛgrūpaṃ kṛtamidaṃ mama kāryaṃ suhṛttamaiḥ | mohāllubdhasya pāpasya jihmasya dhanamīhataḥ

Such was the work done for me by my dearest friends, for me, greedy through delusion, sinful, crooked and covetous of wealth.

Note on the text: The automatic alignment left CE 7.125.30 unmatched; this verse is CE 7.125.30 (line 1 सुहृत्तमैः for suhṛdbruvaiḥ and line 2 मोहाल्लुब्धस्य पापस्य जिह्मस्य धनमीहतः for mohāl lubdhasya pāpasya jihmācārais tatas tataḥ are recension variants, kept).

Verse 35 (7.151.35)

यौ मे युद्धस्य कृत्यस्य जिह्माचारैः समीयतुः । हतो जयद्रथश्चैव सौमदत्तिश्च वीर्यवान् । अभीषाहाः शूरसेनाः शिबयोऽथ वसातयः ॥

yau me yuddhasya kṛtyasya jihmācāraiḥ samīyatuḥ | hato jayadrathaścaiva saumadattiśca vīryavān | abhīṣāhāḥ śūrasenāḥ śibayo'tha vasātayaḥ

The two who joined me in the business of war through my crooked ways, Jayadratha, and the mighty son of Somadatta, are slain; and so are the Abhishahas, Shurasenas, Shibis and Vasatis.

Note on the text: Corrected विर्यवान् → वीर्यवान् (misprint in Wikisource; short इ for long ई; the critical edition reads vīryavān). Lines 2–3 = CE 7.125.31; line 1 (यौ मे युद्धस्य कृत्यस्य जिह्माचारैः समीयतुः) is not in the critical edition (found in the vulgate recension). The automatic alignment left CE 7.125.31 unmatched.

Verse 36 (7.151.36)

सोऽहमद्य गमिष्यामि यत्र ते पुरुषर्षभाः । हता मदर्थे सङ्ग्रामे युध्यमानाः किरीटिना ॥

so'hamadya gamiṣyāmi yatra te puruṣarṣabhāḥ | hatā madarthe saṅgrāme yudhyamānāḥ kirīṭinā

I shall go today to the place where those bulls among men have gone, slain for my sake in battle as they fought Kiritin.

Verse 37 (7.151.37)

न हि मे जीवितेनार्थस्तानृते पुरुषर्षभान् । आचार्यः पाण्डुपुत्राणामनुजानातु नो भवान् ॥

na hi me jīvitenārthastānṛte puruṣarṣabhān | ācāryaḥ pāṇḍuputrāṇāmanujānātu no bhavān

I have no use for life without those bulls among men. Let you, teacher of the sons of Pandu, give us leave to go.