Bhima Crushes Durmada, Dushkarna and the Kalinga Prince

Verse 1 (7.156.1)

तस्मिन्प्रविष्टे दुर्धर्षे सृञ्जयानमितौजसि । अमृष्यमाणे संरब्धे का वोऽभूद्वै मतिस्तदा ॥

tasminpraviṣṭe durdharṣe sṛñjayānamitaujasi | amṛṣyamāṇe saṃrabdhe kā vo'bhūdvai matistadā

When that unassailable one of immeasurable might entered among the Srinjayas, furious and unable to bear them, what did you all then decide?

Verse 2 (7.156.2)

दुर्योधनं तथा पुत्रमुक्त्वा शास्त्रातिगं मम । यत्प्राविशदमेयात्मा किं पार्थः प्रत्यपद्यत ॥

duryodhanaṃ tathā putramuktvā śāstrātigaṃ mama | yatprāviśadameyātmā kiṃ pārthaḥ pratyapadyata

After he had spoken to my son Duryodhana, who oversteps the bounds of the scriptures, and that one of immeasurable spirit had entered, what did Partha do in reply?

Verse 3 (7.156.3)

निहते सैन्धवे वीरे भूरिश्रवसि चैव ह । यदाऽभ्यगान्महातेजाः पाञ्चालानपराजितः ॥

nihate saindhave vīre bhūriśravasi caiva ha | yadā'bhyagānmahātejāḥ pāñcālānaparājitaḥ

When the hero Saindhava had been slain, and Bhurishravas too, and that unconquered one of great energy went against the Panchalas,

Verse 4 (7.156.4)

किममन्यत दुर्धर्षे प्रविष्टे शत्रुतापने । दुर्योधनस्तु किं कृत्यं प्राप्तकालममन्यत ॥

kimamanyata durdharṣe praviṣṭe śatrutāpane | duryodhanastu kiṃ kṛtyaṃ prāptakālamamanyata

what did that unassailable scorcher of foes think when he had entered? And what did Duryodhana judge to be the duty that the moment demanded?

Verse 5 (7.156.5)

के च तं वरदं वीरमन्वयुर्द्विजसत्तमम् । के चास्य पृष्ठतोऽगच्छन्वीराः शूरस्य युध्यतः । के पुरस्तादवर्तन्त निघ्नन्तः शात्रवान्रणे ॥

ke ca taṃ varadaṃ vīramanvayurdvijasattamam | ke cāsya pṛṣṭhato'gacchanvīrāḥ śūrasya yudhyataḥ | ke purastādavartanta nighnantaḥ śātravānraṇe

Who followed that hero, the giver of boons, the best of the twice-born? Who went behind that champion as he fought? Who stood in front of him, striking down the enemies in battle?

Note on the text: Corrected शास्त्रवान् → शात्रवान् (misprint in Wikisource; "enemies" needs शात्रवान्, as in CE 7.130.5e śātravān). Lines 1-2 = CE 7.130.5a, 5c; line 3 = CE 7.130.5e, where the CE reads ayudhyanta for Wikisource अवर्तन्त (recension variant, kept).

Verse 6 (7.156.6)

मन्येऽहं पाण्डवान्सर्वान्भारद्वाजशरार्दितान् । शिशिरे कम्पमाना वै कृशा गाव इव प्रभो ॥

manye'haṃ pāṇḍavānsarvānbhāradvājaśarārditān | śiśire kampamānā vai kṛśā gāva iva prabho

I think all the Pandavas, tormented by Bharadvaja's arrows, must be like lean cows trembling in the winter cold, my lord.

Verse 7 (7.156.7)

प्रविश्य स महेष्वासः पाञ्चालानरिमर्दनः । कथं नु पुरुषव्याघ्रः पञ्चत्वमुपजग्मिवान् ॥

praviśya sa maheṣvāsaḥ pāñcālānarimardanaḥ | kathaṃ nu puruṣavyāghraḥ pañcatvamupajagmivān

Having entered the Panchalas, how did that great archer, that tiger among men, crusher of enemies, come to his death?

Verse 8 (7.156.8)

सर्वेषु योधेषु च सङ्गतेषु । रात्रौ समेतेषु महारथेषु । संलोड्यमानेषु पृथग्बलेषु । के वस्तदानीं मतिमन्त आसन् ॥

sarveṣu yodheṣu ca saṅgateṣu | rātrau sameteṣu mahāratheṣu | saṃloḍyamāneṣu pṛthagbaleṣu | ke vastadānīṃ matimanta āsan

When all the warriors had come together, when the great chariot-warriors had assembled in the night, and the separate armies were being thrown into turmoil, who among you then kept their wits?

Verse 9 (7.156.9)

हतांश्चैव विषक्तांश्च पराभूतांश्च शंससि । रथिनो विरथांश्चैव कृतान्युद्धेषु मामकान् ॥

hatāṃścaiva viṣaktāṃśca parābhūtāṃśca śaṃsasi | rathino virathāṃścaiva kṛtānyuddheṣu māmakān

You tell me that my men were slain, were entangled, were routed, and that charioteers were left without chariots in these battles.

Note on the text: Split from the input row, which joined two verses: the page prints 5-156-9a, 9b and then 5-156-10, 10b. This verse = lines 1-2 (CE 7.130.9a, 9c).

Verse 10 (7.156.10)

तेषां संलोड्यमानानां पाण्डवैर्हतचेतसाम् । अन्धे तमसि मग्नानामभवत्का मतिस्तदा ॥

teṣāṃ saṃloḍyamānānāṃ pāṇḍavairhatacetasām | andhe tamasi magnānāmabhavatkā matistadā

For them, thrown into turmoil, their minds struck down by the Pandavas, sunk in blinding darkness, what resolve was there then?

Note on the text: Split from the input row, which joined two verses (the page prints 5-156-10 and 10b for these lines). Not in the critical edition's main text; the two lines are star passage 7.130.9d*1113_01-02 (placed after 7.130.9), with the variant अन्धे तमसि मग्नानामभवत्का मतिस्तदा for CE andhe tamasi kiṃ jyotir abhavat kā matis tadā.

Verse 11 (7.156.11)

प्रहृष्टांश्चाप्युदग्रांश्च सन्तुष्टांश्चैव पाण्डवान् । शंससीहाप्रहृष्टांश्च विभ्रष्टांश्चैव मामकान् ॥

prahṛṣṭāṃścāpyudagrāṃśca santuṣṭāṃścaiva pāṇḍavān | śaṃsasīhāprahṛṣṭāṃśca vibhraṣṭāṃścaiva māmakān

You describe the Pandavas as elated, exultant and content, and my men as dispirited and ruined.

Note on the text: Not in the critical edition's main text; the two lines correspond to star passage 7.130.9d*1113_03-04 (placed after 7.130.9), which reads prahṛṣṭāṃś cāpy udagrāṃś ca nityaṃ śaṃsasi pāṇḍavān / aprahṛṣṭān vimanaso vitrastāṃś caiva māmakān. The automatic alignment found no match.

Verse 12 (7.156.12)

कथमेषां तदा तत्र पार्थानामपलायिनाम् । प्रकाशमभवद्रात्रौ कथं कुरुषु सञ्जय ॥

kathameṣāṃ tadā tatra pārthānāmapalāyinām | prakāśamabhavadrātrau kathaṃ kuruṣu sañjaya

How was it, then, that light came to those sons of Pritha, who did not flee, in the night? And how was it among the Kurus, Sanjaya?

Verse 13 (7.156.13)

रात्रियुद्धे तदा राजन्वर्तमाने सुदारुणे । द्रोणमभ्यद्रवन्सर्वे पाण्डवाः सह सोमकैः ॥

rātriyuddhe tadā rājanvartamāne sudāruṇe | droṇamabhyadravansarve pāṇḍavāḥ saha somakaiḥ

While the dreadful night battle was going on, O king, all the Pandavas, with the Somakas, rushed upon Drona.

Verse 14 (7.156.14)

ततो द्रोणः केकयांश्च धृष्टद्युम्नस्य चात्मजान् । सम्प्रैषयत्प्रेतलोकं सर्वानिषुभिराशुगैः ॥

tato droṇaḥ kekayāṃśca dhṛṣṭadyumnasya cātmajān | sampraiṣayatpretalokaṃ sarvāniṣubhirāśugaiḥ

Then Drona sent the Kekayas and the sons of Dhrishtadyumna, all of them, to the world of the dead with his swift arrows.

Verse 15 (7.156.15)

तस्य प्रमुखतो राजन्येऽवर्तन्त महारथाः । तान्सर्वान्प्रेषयामास पितृलोकं स भारत ॥

tasya pramukhato rājanye'vartanta mahārathāḥ | tānsarvānpreṣayāmāsa pitṛlokaṃ sa bhārata

All the great chariot-warriors who stood before him, O king, he sent to the world of the fathers, O Bharata.

Verse 16 (7.156.16)

प्रमथ्नन्तं तदा वीरान्भारद्वाजं महारथम् । अभ्यवर्तत सङ्क्रुद्धः शिबी राजा प्रतापवान् ॥

pramathnantaṃ tadā vīrānbhāradvājaṃ mahāratham | abhyavartata saṅkruddhaḥ śibī rājā pratāpavān

As the great chariot-warrior Bharadvaja was crushing the heroes, the glorious King Shibi, in a rage, advanced against him.

Verse 17 (7.156.17)

तमापतन्तं सम्प्रेक्ष्य पाण्डवानां महारथम् । विव्याध दशभिर्द्रोणः सर्वपारशवैः शितैः ॥

tamāpatantaṃ samprekṣya pāṇḍavānāṃ mahāratham | vivyādha daśabhirdroṇaḥ sarvapāraśavaiḥ śitaiḥ

Seeing that great chariot-warrior of the Pandavas rushing at him, Drona pierced him with ten sharp arrows made wholly of iron.

Verse 18 (7.156.18)

तं शिबिः प्रतिविव्याध त्रिंशता निशितैः शरैः । सारथिं चास्य भुल्लेन स्मयमानो न्यपातयत् ॥

taṃ śibiḥ prativivyādha triṃśatā niśitaiḥ śaraiḥ | sārathiṃ cāsya bhullena smayamāno nyapātayat

Shibi struck back at him with thirty sharp arrows and, smiling, felled his charioteer with a broad-headed arrow.

Verse 19 (7.156.19)

तस्य द्रोणो हयान्हत्वा सारथिं च महात्मनः । अथाऽस्य सशिरस्त्राणं शिरः कायादपाहरत् ॥

tasya droṇo hayānhatvā sārathiṃ ca mahātmanaḥ | athā'sya saśirastrāṇaṃ śiraḥ kāyādapāharat

Drona killed that great-souled man's horses and his charioteer, and then struck his head, with its helmet, from his body.

Verse 20 (7.156.20)

ततोऽस्य सारथिं क्षिप्रमन्यं दुर्योधनोऽदिशत् । स तेन सङ्गृहीताश्वः पुनरभ्यद्रवद्रिपून् ॥

tato'sya sārathiṃ kṣipramanyaṃ duryodhano'diśat | sa tena saṅgṛhītāśvaḥ punarabhyadravadripūn

Then Duryodhana quickly appointed another charioteer for him, and with that man holding his horses he again rushed at the enemies.

Note on the text: Not in the critical edition's main text; it is star passage 7.130.17d*1114_01-02 (placed after 7.130.17). The automatic alignment found no match.

Verse 21 (7.156.21)

कलिङ्गानामनीकेन कालिङ्गस्य सुतो रणे । पूर्वं पितृवधात्क्रुद्धो भीमसेनमुपाद्रवत् ॥

kaliṅgānāmanīkena kāliṅgasya suto raṇe | pūrvaṃ pitṛvadhātkruddho bhīmasenamupādravat

The son of the Kalinga king, with a Kalinga force, enraged at his father's earlier slaying, attacked Bhimasena in the battle.

Note on the text: Corrected क्रुद्धौ → क्रुद्धो (misprint in Wikisource; a dual ending cannot agree with the singular subject सुतः; CE 7.130.18c reads kruddho).

Verse 22 (7.156.22)

स भीमं पञ्चभिर्विद्ध्वा पुनर्विव्याध सप्तभिः । विशोकं त्रिभिरानर्च्छद्ध्वजमेकेन पत्रिणा ॥

sa bhīmaṃ pañcabhirviddhvā punarvivyādha saptabhiḥ | viśokaṃ tribhirānarcchaddhvajamekena patriṇā

He pierced Bhima with five arrows and again with seven, struck Vishoka with three, and the banner with a single arrow.

Note on the text: Corrected आनर्च्छद्वजम् → आनर्च्छद्ध्वजम् (misprint in Wikisource; a dropped ध् in the conjunct, the word being ध्वजम्, CE 7.130.19c dhvajam). The verb आनर्च्छत् (CE ājaghne) is a recension variant, kept.

Verse 23 (7.156.23)

कलिङ्गानां तु तं शूरं क्रुद्धं क्रुद्धो वृकोदरः । रथाद्रथमभिद्रुत्य मुष्टिनाऽभिजघान ह ॥

kaliṅgānāṃ tu taṃ śūraṃ kruddhaṃ kruddho vṛkodaraḥ | rathādrathamabhidrutya muṣṭinā'bhijaghāna ha

But Vrikodara, enraged at that furious hero of the Kalingas, ran from chariot to chariot and struck him with his fist.

Verse 24 (7.156.24)

तस्य मुष्टिहतस्याजौ पाण्डवेन बलीयसा । सर्वाण्यस्थीनि सहसा प्रापतन्वै पृथक्पृथक् ॥

tasya muṣṭihatasyājau pāṇḍavena balīyasā | sarvāṇyasthīni sahasā prāpatanvai pṛthakpṛthak

Struck by the fist of the mighty Pandava in the battle, all his bones at once flew apart, each from the others.

Verse 25 (7.156.25)

तस्मिन्हते तदा तेन सिंहनादो महानभूत् । पाञ्चालानां महाराज साधुसाध्विति पाण्डवम् ॥

tasminhate tadā tena siṃhanādo mahānabhūt | pāñcālānāṃ mahārāja sādhusādhviti pāṇḍavam

When he was slain by him, O great king, the Panchalas raised a great lion's roar, crying "Well done, well done!" for the Pandava.

Note on the text: Removed the stray quote marks (` and ') around this verse. Not in the critical edition's main text; it is star passage 7.130.21d*1115_01-02 (placed after 7.130.21). The automatic alignment found no match.

Verse 26 (7.156.26)

तं कर्णो भ्रातरश्चास्य नामृष्यन्त परन्तप । ते भीमसेनं नाराचैर्जघ्नुराशीविषोपमैः ॥

taṃ karṇo bhrātaraścāsya nāmṛṣyanta parantapa | te bhīmasenaṃ nārācairjaghnurāśīviṣopamaiḥ

Karna and his brothers could not bear this, O scorcher of foes. They struck Bhimasena with iron arrows like venomous snakes.

Verse 27 (7.156.27)

ततः शत्रुरथं त्यक्त्वा भीमो द्रुमरथं गतः । द्रुमं चास्यन्तमनिशं मुष्टिना समपोथयत् ॥

tataḥ śatrurathaṃ tyaktvā bhīmo drumarathaṃ gataḥ | drumaṃ cāsyantamaniśaṃ muṣṭinā samapothayat

Then Bhima left the enemy's chariot and went to Druma's chariot, and Druma, who was shooting without pause, he pounded with his fist.

Note on the text: Lines 1-2 correspond to CE 7.130.23a, 23c; Wikisource reads द्रुम (Druma) where the CE has dhruva (recension variant, kept). The automatic alignment found no match.

Verse 28 (7.156.28)

यथा काचमणिर्न्यस्तो मुष्टिनैकेन लीलया । स हतः सर्वथा चूर्णो रक्तमेवोदपद्यत ॥

yathā kācamaṇirnyasto muṣṭinaikena līlayā | sa hataḥ sarvathā cūrṇo raktamevodapadyata

Just as a glass jewel set down is ground to powder by a single fist in play, so he, struck down, was ground wholly to powder, and nothing but blood came of him,

Note on the text: Removed the stray quote mark (`). Not in the critical edition's main text; the two lines are star passage 7.130.23d*1117_01-02 (placed after 7.130.23). The automatic alignment found no match.

Verse 29 (7.156.29)

तथा चूर्णमभूत्तत्र कर्णभ्राता द्रुमस्तथा । स तदा पाण्डुपुत्रेण बलिनाऽभिहतोऽपतत् ॥

tathā cūrṇamabhūttatra karṇabhrātā drumastathā | sa tadā pāṇḍuputreṇa balinā'bhihato'patat

and so Druma, Karna's brother, was reduced to powder there. Struck down by the mighty son of Pandu, he fell.

Note on the text: Removed the stray quote mark (') and a stray zero-width joiner in पाण्‍डुपुत्रेण. Line 1 is star passage 7.130.23d*1117_03 (placed after 7.130.23); line 2 = CE 7.130.23e (sa tathā pāṇḍuputreṇa balinā nihato 'patat), which Wikisource words differently. The automatic alignment found no match.

Verse 30 (7.156.30)

तं निहत्य महाराज भीमसेनो महाबलः । जयरातरथं प्राप्य मुहुः सिंह इवानदत् ॥

taṃ nihatya mahārāja bhīmaseno mahābalaḥ | jayarātarathaṃ prāpya muhuḥ siṃha ivānadat

Having slain him, O great king, mighty Bhimasena reached Jayarata's chariot and roared again and again like a lion.

Verse 31 (7.156.31)

जयरातं तु चरणे गृह्य भीमो महाबलः । सूतं चास्य महाबाहुर्गृह्य राजंस्तथैव च ॥

jayarātaṃ tu caraṇe gṛhya bhīmo mahābalaḥ | sūtaṃ cāsya mahābāhurgṛhya rājaṃstathaiva ca

Mighty Bhima seized Jayarata by the foot, and the mighty-armed one, O king, seized his charioteer in the same way,

Note on the text: Line 1 is not in the critical edition (the CE's own opening for this passage, 7.130.25a jayarātam athākṣipya nadan savyena pāṇinā, and 25c are not in Wikisource); line 2 = CE star passage 7.130.25b*1118_01. ce_ref left null. The automatic alignment found no match.

Verse 32 (7.156.32)

पादयोर्गृह्य तौ वीरौ भीमः कर्णस्य पश्यतः । भूमावाविद्ध्य जघ्ने स तौ च प्राणैर्व्ययुज्यताम् ॥

pādayorgṛhya tau vīrau bhīmaḥ karṇasya paśyataḥ | bhūmāvāviddhya jaghne sa tau ca prāṇairvyayujyatām

and, holding the two heroes by their feet, Bhima, while Karna looked on, whirled them and dashed them to the ground; he killed them, and they were parted from their lives.

Note on the text: Not in the critical edition's main text; its two lines are star passage 7.130.25d*1119_01-02 (placed after 7.130.25). The automatic alignment found no match.

Verse 33 (7.156.33)

कर्णस्तु पाण्डवे शक्तिं काञ्चनीं समवासृजत् । ततस्तामेव जग्राह प्रहसन्पाण्डुनन्दनः ॥

karṇastu pāṇḍave śaktiṃ kāñcanīṃ samavāsṛjat | tatastāmeva jagrāha prahasanpāṇḍunandanaḥ

Karna hurled a golden spear at the Pandava, and the son of Pandu, laughing, caught that very spear.

Verse 34 (7.156.34)

कर्णायैव च दुर्धर्षश्चिक्षेपाजौ वृकोदरः । तामापतन्तीं चिच्छेद शकुनिस्तैलपायिना ॥

karṇāyaiva ca durdharṣaścikṣepājau vṛkodaraḥ | tāmāpatantīṃ ciccheda śakunistailapāyinā

And the unassailable Vrikodara hurled it back at Karna in the battle, but Shakuni cut it down as it came, with an oil-polished blade.

Verse 35 (7.156.35)

एतत्कृत्वा महत्कर्म रणेऽद्भुतपराक्रमः । पुनः स्वरथमास्थाय दुद्राव तव वाहिनीम् ॥

etatkṛtvā mahatkarma raṇe'dbhutaparākramaḥ | punaḥ svarathamāsthāya dudrāva tava vāhinīm

Having done this great deed of marvellous valour in the battle, he mounted his own chariot again and rushed at your army.

Note on the text: Not in the critical edition's main text; its two lines are star passage 7.130.27d*1120_01-02 (placed after 7.130.27). The automatic alignment found no match.

Verse 36 (7.156.36)

तमायान्तं जिघांसन्तं भीमं क्रुद्धमिवान्तकम् । न्यवारयन्महाबाहुं तव पुत्रा विशाम्पते । महता शरवर्षेण च्छादयन्तो महारथाः ॥

tamāyāntaṃ jighāṃsantaṃ bhīmaṃ kruddhamivāntakam | nyavārayanmahābāhuṃ tava putrā viśāmpate | mahatā śaravarṣeṇa cchādayanto mahārathāḥ

As Bhima came on, bent on killing, like angry Death, your sons, O lord of the people, held the mighty-armed one back, those great chariot-warriors covering him with a great rain of arrows.

Note on the text: Lines 1-2 = CE star passage 7.130.27d*1120_03-04 (placed after 7.130.27); line 3 is a vulgate variant of CE 7.130.28c (mahatā śaravarṣeṇa chādayanto vṛkodaram). The CE's line 7.130.28a, tatas tava sutā rājan bhīmasya ratham āvrajan, is not in Wikisource. ce_ref left null. The automatic alignment found no match.

Verse 37 (7.156.37)

दुर्मदस्य ततो भीमः प्रहसन्निव संयुगे । सारथिं च हयांश्चैव शरैर्निन्ये यमक्षयम् ॥

durmadasya tato bhīmaḥ prahasanniva saṃyuge | sārathiṃ ca hayāṃścaiva śarairninye yamakṣayam

Then Bhima, laughing as it were in the battle, sent Durmada's charioteer and horses to Yama's abode with his arrows.

Note on the text: Lines 1-2 = CE 7.130.29a, 29c. The automatic alignment found no match.

Verse 38 (7.156.38)

दुर्मदस्तु ततो यानं दुष्कर्णस्यावचक्रमे । तावेकरथमारूढौ भ्रातरौ परतापनौ ॥

durmadastu tato yānaṃ duṣkarṇasyāvacakrame | tāvekarathamārūḍhau bhrātarau paratāpanau

Durmada then went over to Dushkarna's chariot, and the two brothers, scorchers of foes, rode on a single chariot.

Note on the text: Line 1 = CE 7.130.29e (durmadas tu tato yānaṃ duṣkarṇasyāvapupluve; Wikisource reads अवचक्रमे, a recension variant, kept); line 2 = CE 7.130.30a. The automatic alignment found no match.

Verse 39 (7.156.39)

सङ्ग्रामशिरसो मध्ये भीमं द्वावप्यधावताम् । यथाम्बुपतिमित्रौ हि तारकं दैत्यसत्तमम् ॥

saṅgrāmaśiraso madhye bhīmaṃ dvāvapyadhāvatām | yathāmbupatimitrau hi tārakaṃ daityasattamam

In the forefront of the battle both charged at Bhima, like the two friends of the lord of the waters falling on Taraka, the best of the Daityas.

Note on the text: Lines 1-2 = CE 7.130.30c, 30e. The automatic alignment found no match.

Verse 40 (7.156.40)

ततस्तु दुर्मदश्चैव दुष्कर्णश्च तवात्मजौ । रथमेकं समारुह्य भीमं बाणैरविध्यताम् ॥

tatastu durmadaścaiva duṣkarṇaśca tavātmajau | rathamekaṃ samāruhya bhīmaṃ bāṇairavidhyatām

Then your sons Durmada and Dushkarna, mounting a single chariot, pierced Bhima with arrows.

Verse 41 (7.156.41)

ततः कर्णस्य मिषतो द्रौणेर्दुर्योधनस्य च । कृपस्य सोमदत्तस्य बाह्लीकस्य च पाण्डवः ॥

tataḥ karṇasya miṣato drauṇerduryodhanasya ca | kṛpasya somadattasya bāhlīkasya ca pāṇḍavaḥ

Then, while Karna, Drona's son, Duryodhana, Kripa, Somadatta and Bahlika looked on, the Pandava,

Verse 42 (7.156.42)

दुर्मदस्य च वीरस्य दुष्कर्णस्य च तं रथम् । पादप्रहारेण धरां प्रावेशयदरिन्दमः ॥

durmadasya ca vīrasya duṣkarṇasya ca taṃ ratham | pādaprahāreṇa dharāṃ prāveśayadarindamaḥ

the subduer of foes, drove the chariot of the heroes Durmada and Dushkarna into the earth with a blow of his foot.

Verse 43 (7.156.43)

ततः सुतौ ते बलिनौ शूरौ दुष्कर्णदुर्मदौ । मुष्टिनाऽऽहत्य सङ्क्रुद्धो ममर्द चरणेन ह ॥

tataḥ sutau te balinau śūrau duṣkarṇadurmadau | muṣṭinā''hatya saṅkruddho mamarda caraṇena ha

Then, in a rage, he struck your two mighty, heroic sons Dushkarna and Durmada with his fist and crushed them under his foot.

Note on the text: Corrected सङ्क्रुद्धौ → सङ्क्रुद्धो (misprint in Wikisource; the dual ending cannot agree with the singular subject, Bhima; CE 7.130.34c saṃkruddho).

Verse 44 (7.156.44)

ततो हाहाकृते सैन्ये दृष्ट्वा भीमं नृपाऽब्रुवन् । रुद्रोऽयं भीमरूपेण धार्तराष्ट्रेषु युध्यति ॥

tato hāhākṛte sainye dṛṣṭvā bhīmaṃ nṛpā'bruvan | rudro'yaṃ bhīmarūpeṇa dhārtarāṣṭreṣu yudhyati

Then, as the army cried out in dismay at the sight of Bhima, the kings said, "This is Rudra, fighting among the sons of Dhritarashtra in the form of Bhima."

Verse 45 (7.156.45)

एवमुक्त्वा पलायन्ते सर्वे भारत पार्थिवाः । विसंज्ञा वाहयन्वाहान्न च द्वौ सह धावतः ॥

evamuktvā palāyante sarve bhārata pārthivāḥ | visaṃjñā vāhayanvāhānna ca dvau saha dhāvataḥ

Having said this, all the kings fled, O Bharata, senseless, driving their mounts, and no two ran together.

Verse 46 (7.156.46)

ततो बले भृशलुलिते निशामुखे । सुपूजितो नृपवृषभैर्वृकोदरः । महाबलः कमलविबुद्धलोचनो । युधिष्ठिरं नृपतिमपूजयद्बली ॥

tato bale bhṛśalulite niśāmukhe | supūjito nṛpavṛṣabhairvṛkodaraḥ | mahābalaḥ kamalavibuddhalocano | yudhiṣṭhiraṃ nṛpatimapūjayadbalī

Then, as the army was thrown into utter turmoil at nightfall, mighty Vrikodara, greatly honoured by the bulls among kings, his eyes like opened lotuses, in his strength paid homage to King Yudhishthira.

Verse 47 (7.156.47)

ततो यमौ द्रुपदविराटकेकया । युधिष्ठिरश्चापि परां मुदं ययुः । वृकोदरं भृशमनुपूजयंश्च ते । यथान्धके प्रतिनिहते हरं सुराः ॥

tato yamau drupadavirāṭakekayā | yudhiṣṭhiraścāpi parāṃ mudaṃ yayuḥ | vṛkodaraṃ bhṛśamanupūjayaṃśca te | yathāndhake pratinihate haraṃ surāḥ

Then the twins, Drupada, Virata, the Kekaya and Yudhishthira too felt the highest joy, and they honoured Vrikodara greatly, as the gods honoured Hara when Andhaka was slain.

Verse 48 (7.156.48)

ततः सुतास्ते वरुणात्मजोपमा । रुषान्विताः सह गुरुणा महात्मना । वृकोदरं सरथपदातिकुञ्जरा । युयुत्सवो भृशमभिपर्यवारयन् ॥

tataḥ sutāste varuṇātmajopamā | ruṣānvitāḥ saha guruṇā mahātmanā | vṛkodaraṃ sarathapadātikuñjarā | yuyutsavo bhṛśamabhiparyavārayan

Then your sons, like the sons of Varuna, filled with rage, together with the great-souled preceptor, with chariots, foot soldiers and elephants, eager to fight, closely surrounded Vrikodara.

Note on the text: Corrected रुपान्विताः → रुषान्विताः (misprint in Wikisource; प for ष, "filled with rage"; CE 7.130.39a ruṣānvitāḥ).

Verse 49 (7.156.49)

ततो यमौ द्रुपदसुताः ससैनिका । युधिष्ठिरद्रुपदविराटसात्वताः । घटोत्कचो जयविजयौ द्रुमो वृकः । ससृञ्जयास्तव तनयानवारयन् ॥

tato yamau drupadasutāḥ sasainikā | yudhiṣṭhiradrupadavirāṭasātvatāḥ | ghaṭotkaco jayavijayau drumo vṛkaḥ | sasṛñjayāstava tanayānavārayan

Then the twins, the sons of Drupada with their troops, Yudhishthira, Drupada, Virata and the Satvatas, Ghatotkacha, Jaya and Vijaya, Druma and Vrika, with the Srinjayas, held back your sons.

Note on the text: Removed the stray quote marks (` and ') around this verse. Not in the critical edition's main text; it is star passage 7.130.39d*1122_01-04 (placed after 7.130.39), where the CE reads drumau for Wikisource द्रुमो. The automatic alignment found no match.

Verse 50 (7.156.50)

ततोऽभवत्तिमिरघनैरिवावृते । महाभये भयदमतीव दारुणम् । निशामुखे वृकबलगृध्रमोदनं । महात्मनाम् नृपवर युद्धमद्भुतम् ॥

tato'bhavattimiraghanairivāvṛte | mahābhaye bhayadamatīva dāruṇam | niśāmukhe vṛkabalagṛdhramodanaṃ | mahātmanām nṛpavara yuddhamadbhutam

Then, as if wrapped in clouds of darkness, the nightfall battle of the great-souled became fearful, terror-giving and exceedingly dreadful, a joy to wolves and vultures, and marvellous, O best of kings.

Note on the text: Corrected महात्मना → महात्मनाम् (misprint in Wikisource; a dropped final म्; the genitive plural "of the great-souled" is needed, CE 7.130.40d mahātmanāṃ). The compound वृकबलगृध्र… is the Wikisource reading, where the CE has baḍavṛkagṛdhra…; kept as a recension variant.