Arjuna and Bhima Press Drona; the Kaurava Army Scatters in the Dark

Verse 1 (7.162.1)

ततो युधिष्ठिरश्चैव भीमसेनश्च पाण्डवः । द्रोणपुत्रं महाराज समन्तात्पर्यवारयन् ॥

tato yudhiṣṭhiraścaiva bhīmasenaśca pāṇḍavaḥ | droṇaputraṃ mahārāja samantātparyavārayan

Then Yudhishthira and Bhimasena the Pandava, O great king, surrounded Drona's son on every side.

Verse 2 (7.162.2)

ततो दुर्योधनो राजा भारद्वाजेन संवृतः । अभ्ययात्पाण्डवान्सङ्ख्ये ततो युद्धमवर्तत । घोररूपं महाराज भीरूणां भयवर्धनम् ॥

tato duryodhano rājā bhāradvājena saṃvṛtaḥ | abhyayātpāṇḍavānsaṅkhye tato yuddhamavartata | ghorarūpaṃ mahārāja bhīrūṇāṃ bhayavardhanam

Then King Duryodhana, accompanied by Drona, advanced against the Pandavas in the battle, and the fighting began, fearful in form, O great king, increasing the fear of the timid.

Verse 3 (7.162.3)

अम्बष्ठान्मालवान्वङ्गाञ्छिबींस्त्रैगर्तकानपि । प्राहिणोन्मृत्युलोकाय गणान्क्रुद्धो वृकोदरः ॥

ambaṣṭhānmālavānvaṅgāñchibīṃstraigartakānapi | prāhiṇonmṛtyulokāya gaṇānkruddho vṛkodaraḥ

In his rage Vrikodara sent to the world of death the troops of the Ambashthas, Malavas, Vangas, Shibis and Trigartas.

Note on the text: Recension variant, not corrected: line 2 reads क्रुद्धो वृकोदरः (angry Vrikodara) where the CE has kruddho yudhiṣṭhiraḥ.

Verse 4 (7.162.4)

अभीषाहाञ्छूरसेनान्क्षत्रियान्युद्धदुर्मदान् । निकृत्य पृथिवीं चक्रे भीमः शोणितकर्दमाम् ॥

abhīṣāhāñchūrasenānkṣatriyānyuddhadurmadān | nikṛtya pṛthivīṃ cakre bhīmaḥ śoṇitakardamām

Cutting down the Abhishahas and the Shurasenas, kshatriyas reckless in battle, Bhima made the earth a mire of blood.

Note on the text: Corrected निकृत्त्य → निकृत्य (misprint in Wikisource; the doubled त is a misprint; the gerund of ni + √kṛt is निकृत्य; CE nikṛtya).

Verse 5 (7.162.5)

यौधेयानद्रिजान्राजन्मद्रकान्मालवानपि । प्राहिणोन्मृत्युलोकाय किरीटी निशितैः शरैः ॥

yaudheyānadrijānrājanmadrakānmālavānapi | prāhiṇonmṛtyulokāya kirīṭī niśitaiḥ śaraiḥ

Kiritin, with his sharp arrows, sent to the world of death the Yaudheyas, the mountain-born, the Madrakas and the Malavas, O king.

Note on the text: Recension variant, not corrected: line 1 reads यौधेयानद्रिजान्राजन्मद्रकान्मालवानपि where the CE has yaudheyāraṭṭarājanyān madrakāṃś ca gaṇān yudhi.

Verse 6 (7.162.6)

प्रगाढमञ्जोगतिभिर्नाराचैरभिताडिताः । निपेतुर्द्विरदा भूमौ द्विशृङ्गा इव पर्वताः ॥

pragāḍhamañjogatibhirnārācairabhitāḍitāḥ | nipeturdviradā bhūmau dviśṛṅgā iva parvatāḥ

Struck deeply by straight-flying iron arrows, elephants fell to the ground like two-peaked mountains.

Note on the text: Corrected अञ्चोगतिभिः → अञ्जोगतिभिः (misprint in Wikisource; अञ्चोगति is not a word; the straight-flying नाराच arrows are अञ्जोगति; CE añjogatibhir).

Verse 7 (7.162.7)

निकृत्तैर्हस्तिहस्तैश्च चेष्टमानैरितस्ततः । रराज वसुधाऽऽकीर्णा विसर्पद्भिरिवोरगैः ॥

nikṛttairhastihastaiśca ceṣṭamānairitastataḥ | rarāja vasudhā''kīrṇā visarpadbhirivoragaiḥ

With the severed trunks of elephants writhing here and there, the earth, strewn with them, looked as if covered with crawling snakes.

Verse 8 (7.162.8)

क्षिप्तैः कनकचित्रैश्च नृपच्छत्रैः क्षितिर्बभौ । द्यौरिवादित्यचन्द्राद्यैर्ग्रहैः कीर्णा युगक्षये ॥

kṣiptaiḥ kanakacitraiśca nṛpacchatraiḥ kṣitirbabhau | dyaurivādityacandrādyairgrahaiḥ kīrṇā yugakṣaye

Strewn with thrown-down royal umbrellas, bright with gold, the earth shone as the sky does at the end of an age, strewn with the sun, the moon and the other heavenly bodies.

Verse 9 (7.162.9)

हत प्रहरताभीता विध्यत व्यवकृन्तत । इत्यासीत्तुमुलः शब्दः शोणाश्वस्य रथं प्रति ॥

hata praharatābhītā vidhyata vyavakṛntata | ityāsīttumulaḥ śabdaḥ śoṇāśvasya rathaṃ prati

"Kill! Strike! Fearless, pierce! Cut down!" such was the tumultuous cry raised against the chariot of the red-horsed one.

Verse 10 (7.162.10)

द्रोणस्तु परमक्रुद्धो वायव्यास्त्रेण संयुगे । व्यधमत्तान्महवायुर्मेघानिव दुरत्ययः ॥

droṇastu paramakruddho vāyavyāstreṇa saṃyuge | vyadhamattānmahavāyurmeghāniva duratyayaḥ

But Drona, in great anger, scattered them in the battle with the Vayavya weapon, as the great wind, hard to withstand, scatters the clouds.

Verse 11 (7.162.11)

ते हन्यमाना द्रोणेन पाञ्चालाः प्राद्रवन्भयात् । पश्यतो भीमसेनस्य पार्थस्य च महात्मनः ॥

te hanyamānā droṇena pāñcālāḥ prādravanbhayāt | paśyato bhīmasenasya pārthasya ca mahātmanaḥ

Struck down by Drona, the Panchalas fled in fear, while Bhimasena and the great-souled Partha looked on.

Verse 12 (7.162.12)

ततः किरीटी भीमश्च सहसा सन्न्यवर्तताम् । महता रथवंशेन परिगृह्य बलं महत् ॥

tataḥ kirīṭī bhīmaśca sahasā sannyavartatām | mahatā rathavaṃśena parigṛhya balaṃ mahat

Then Kiritin and Bhima suddenly turned back, enclosing the great army with a great mass of chariots.

Note on the text: Corrected किरीटि भीमश्च → किरीटी भीमश्च (misprint in Wikisource; the short-i form किरीटि is not valid before a following word; the nominative is किरीटी; CE kirīṭī bhīmaś ca).

Verse 13 (7.162.13)

बीभत्सुर्दक्षिणं पार्श्वमुत्तरं तु वृकोदरः । भारद्वाजं शरौघाभ्यां महद्भ्यामभ्यवर्षताम् ॥

bībhatsurdakṣiṇaṃ pārśvamuttaraṃ tu vṛkodaraḥ | bhāradvājaṃ śaraughābhyāṃ mahadbhyāmabhyavarṣatām

Bibhatsu on the right flank and Vrikodara on the left rained two great floods of arrows on Bharadvaja's son.

Note on the text: Corrected वार्श्वम् → पार्श्वम् (misprint in Wikisource; वार्श्व is not a word here; CE pārśvam). Corrected महद्भामभ्यवर्षताम् → महद्भ्यामभ्यवर्षताम् (misprint in Wikisource; the conjunct भ्य is broken, giving the non-word महद्भाम्; the dual instrumental महद्भ्याम् agrees with शरौघाभ्याम्; CE mahadbhyām).

Verse 14 (7.162.14)

तौ तथा सृञ्जयाश्चैव पाञ्चालाश्च महौजसः । अन्वगच्छन्महाराज मात्स्यैश्च सह सोमकैः ॥

tau tathā sṛñjayāścaiva pāñcālāśca mahaujasaḥ | anvagacchanmahārāja mātsyaiśca saha somakaiḥ

Then the Srinjayas and the mighty Panchalas followed those two, O great king, together with the Matsyas and the Somakas.

Note on the text: Recension variant, not corrected: the page reads तौ तथा सृञ्जयाश्चैव पाञ्चालाश्च महौजसः where the CE has tau tadā sṛñjayāś caiva pāñcālāś ca mahārathāḥ.

Verse 15 (7.162.15)

तथैव तव पुत्रस्य रथोदाराः प्रहारिणः । महत्या सेनया राजञ्जग्मुर्द्रोणरथं प्रति ॥

tathaiva tava putrasya rathodārāḥ prahāriṇaḥ | mahatyā senayā rājañjagmurdroṇarathaṃ prati

In the same way, noble chariot-warriors of your son, skilled strikers, went with a great army against Drona's chariot.

Verse 16 (7.162.16)

ततः सा भारती सेना हन्यमाना किरीटिना । तमसा निद्रया चैव पुनरेव व्यदीर्यत ॥

tataḥ sā bhāratī senā hanyamānā kirīṭinā | tamasā nidrayā caiva punareva vyadīryata

Then that Bharata army, struck down by Kiritin, was scattered once more by darkness and by sleep.

Note on the text: Aligned by hand to CE 7.136.16 (the automatic alignment found no match): the page reads हन्यमाना where the CE has vadhyamānā; otherwise the same.

Verse 17 (7.162.17)

द्रोणेन वार्यमाणास्ते स्वयं तव सुतेन च । नाशक्यन्त महाराज योधा वारयितुं तदा ॥

droṇena vāryamāṇāste svayaṃ tava sutena ca | nāśakyanta mahārāja yodhā vārayituṃ tadā

Though checked by Drona and by your son himself, O great king, the warriors could not then be held back.

Note on the text: Aligned by hand to CE 7.136.17 (the automatic alignment found no match): the page reads नाशक्यन्त where the CE has na śakyante; otherwise the same.

Verse 18 (7.162.18)

सा पाण्डुपुत्रस्य शरैर्दीर्यमाणा महाचमूः । तमसा संवृते लोके व्यद्रवत्सर्वतोमुखी ॥

sā pāṇḍuputrasya śarairdīryamāṇā mahācamūḥ | tamasā saṃvṛte loke vyadravatsarvatomukhī

That great army, torn by the arrows of Pandu's son, fled in every direction in the world wrapped in darkness.

Verse 19 (7.162.19)

उत्सृज्य शतशो वाहांस्तत्र केचिन्नराधिपाः । प्राद्रवन्त महाराज भयाविष्टाः समन्ततः ॥

utsṛjya śataśo vāhāṃstatra kecinnarādhipāḥ | prādravanta mahārāja bhayāviṣṭāḥ samantataḥ

Some kings there, abandoning their vehicles by the hundreds, fled on every side, O great king, gripped by fear.