The Samshaptakas' Oath and Arjuna's Departure

Verse 1 (7.17.1)

ते सेने शिबिरं गत्वा न्यविशेतां विशाम्पते । यथाभागं यथान्यायं यथागुल्मं च सर्वशः ॥

te sene śibiraṃ gatvā nyaviśetāṃ viśāmpate | yathābhāgaṃ yathānyāyaṃ yathāgulmaṃ ca sarvaśaḥ

The two armies went to their camps, O lord of the people, and settled down each in its allotted place, in due order, company by company.

Verse 2 (7.17.2)

कृत्वाऽवहारं सैन्यानां द्रोणः परमदुर्मनाः । दुर्योधनमभिप्रेक्ष्य सव्रीडमिदमब्रवीत् ॥

kṛtvā'vahāraṃ sainyānāṃ droṇaḥ paramadurmanāḥ | duryodhanamabhiprekṣya savrīḍamidamabravīt

Having called off his troops, Drona, deeply dejected, looked at Duryodhana and said to him with shame:

Verse 3 (7.17.3)

उक्तमेतन्मया पूर्वं न तिष्ठति धनञ्जये । शक्यो ग्रहीतुं सङ्ग्रामे देवैरपि युधिष्ठिरः ॥

uktametanmayā pūrvaṃ na tiṣṭhati dhanañjaye | śakyo grahītuṃ saṅgrāme devairapi yudhiṣṭhiraḥ

"I told you before that while Dhananjaya is at his side, Yudhishthira cannot be seized in battle even by the gods.

Note on the text: Corrected धन्जये → धनञ्जये (misprint in Wikisource; a broken conjunct, the critical edition reads dhanaṃjaye). No speaker heading is printed for verses 3–10; the speech is Drona's (the page's next heading, Sanjaya, comes at verse 11).

Verse 4 (7.17.4)

इति तद्वः प्रयततां कृतं पार्थेन संयुगे । मा विशङ्कीर्वचो मह्यमजेयौ कृष्णपाण्डवौ ॥

iti tadvaḥ prayatatāṃ kṛtaṃ pārthena saṃyuge | mā viśaṅkīrvaco mahyamajeyau kṛṣṇapāṇḍavau

So it was: while you all made your effort, Partha brought that about in battle. Do not doubt my word: Krishna and Arjuna cannot be conquered.

Verse 5 (7.17.5)

अपनीते तु योगेन केनचिच्छ्वेतवाहने । तत एष्यति ते राजन्वशमेष युधिष्ठिरः ॥

apanīte tu yogena kenacicchvetavāhane | tata eṣyati te rājanvaśameṣa yudhiṣṭhiraḥ

But if the white-horsed Arjuna is somehow drawn away by a stratagem, then, O king, this Yudhishthira will come into your power.

Verse 6 (7.17.6)

कश्चिदाहूय तं सङ्ख्ये देशमन्यं प्रकर्षतु । तमजित्वा न कौन्तेयो निवर्तेत कथञ्चन ॥

kaścidāhūya taṃ saṅkhye deśamanyaṃ prakarṣatu | tamajitvā na kaunteyo nivarteta kathañcana

Let someone challenge him in battle and draw him off to another place; without conquering that challenger, Kunti's son will never turn back.

Verse 7 (7.17.7)

एतस्मिन्नन्तरे शून्येधर्मराजमहं नृप । ग्रहीष्यामि चमूं भित्त्वा धृष्टद्युम्नस्य पश्यतः ॥

etasminnantare śūnyedharmarājamahaṃ nṛpa | grahīṣyāmi camūṃ bhittvā dhṛṣṭadyumnasya paśyataḥ

In the meantime, O king, with the place left empty, I shall break through the host and seize the King of Dharma while Dhrishtadyumna looks on.

Verse 8 (7.17.8)

अर्जुनेन परित्यक्तो न चेत्त्रासात्पलायते । मामुपायान्तमालोक्य गृहीतं विद्धि पाण्डवम् ॥

arjunena parityakto na cettrāsātpalāyate | māmupāyāntamālokya gṛhītaṃ viddhi pāṇḍavam

If, left behind by Arjuna, he does not flee in fear when he sees me coming, know that Pandava to be taken.

Note on the text: Corresponds to the critical edition's 7.16.8 (a recension variant: the page reads अर्जुनेन परित्यक्तो न चेत्त्रासात्पलायते … गृहीतं विद्धि पाण्डवम्, the critical edition arjunena vihīnas tu yadi notsṛjate raṇam … gṛhītam iti viddhi tam); the automatic alignment missed it.

Verse 9 (7.17.9)

एवं तेऽहं महाराज धर्मपुत्रं युधिष्ठिरम् । समानेष्यामि सगणं वशमद्य न संशयः ॥

evaṃ te'haṃ mahārāja dharmaputraṃ yudhiṣṭhiram | samāneṣyāmi sagaṇaṃ vaśamadya na saṃśayaḥ

In this way, O great king, I shall bring Yudhishthira, the son of Dharma, with his followers into your power today; there is no doubt of it.

Verse 10 (7.17.10)

यदि तिष्ठति सङ्ग्रामे मुहूर्तमपि पाण्डवः । अथापयाति सङ्ग्रामाद्विजयात्तद्विशिष्यते ॥

yadi tiṣṭhati saṅgrāme muhūrtamapi pāṇḍavaḥ | athāpayāti saṅgrāmādvijayāttadviśiṣyate

If the Pandava stays in the battle even for a moment, or if he withdraws from it, that is better than a victory."

Verse 11 (7.17.11)

द्रोणस्य तद्वचः श्रुत्वा त्रिगर्ताधिपतिस्तदा । भ्रातृभिः सहितो राजन्निदं वचनमब्रवीत् ॥

droṇasya tadvacaḥ śrutvā trigartādhipatistadā | bhrātṛbhiḥ sahito rājannidaṃ vacanamabravīt

Hearing Drona's words, the lord of the Trigartas, with his brothers, said this, O king:

Verse 12 (7.17.12)

वयं विनिकृता राजन्सदा गाण्डीवधन्वना । अनागःस्वपि चागस्तत्कृतमस्मासु तेन वै ॥

vayaṃ vinikṛtā rājansadā gāṇḍīvadhanvanā | anāgaḥsvapi cāgastatkṛtamasmāsu tena vai

"O king, we have always been wronged by the wielder of Gandiva; though we were blameless, he committed offences against us.

Note on the text: No speaker heading is printed for verses 12–16; the speech is Susharma's, the lord of the Trigartas (see verse 11).

Verse 13 (7.17.13)

ते वयं स्मरमाणास्तान्विनिकारान्पृथग्विधान् । क्रोधाग्निना दह्यमाना ह्यशेमहि सदा निशि ॥

te vayaṃ smaramāṇāstānvinikārānpṛthagvidhān | krodhāgninā dahyamānā hyaśemahi sadā niśi

Remembering those many and varied insults, we lie burning in the fire of anger night after night.

Verse 14 (7.17.14)

स नो दिष्ट्याऽस्त्रसम्पन्नश्चक्षुर्विषयमागतः । कर्तारः स्म वयं कर्म यच्चिकीर्षाम हृद्गतम् ॥

sa no diṣṭyā'strasampannaścakṣurviṣayamāgataḥ | kartāraḥ sma vayaṃ karma yaccikīrṣāma hṛdgatam

By good fortune he has come within our sight, equipped with his weapons. We shall do the deed we have wished in our hearts to do.

Note on the text: Corrected स्मरयं → स्म वयं (misprint in Wikisource; र for व and a missing word break, the critical edition reads sma vayam).

Verse 15 (7.17.15)

भवतश्च प्रियं यत्स्यादस्माकं च यशस्करम् । वयमेनं हनिष्यामो निकृष्यायोधनाद्बहिः ॥

bhavataśca priyaṃ yatsyādasmākaṃ ca yaśaskaram | vayamenaṃ haniṣyāmo nikṛṣyāyodhanādbahiḥ

What will please you and bring us glory, that we shall do: we will drag him out of the battlefield and kill him.

Verse 16 (7.17.16)

अद्यास्त्वनर्जुना भूमिरत्रिगर्ताथ वा पुनः । सत्यं ते प्रतिजानीमो नैतन्मिथ्या भविष्यति ॥

adyāstvanarjunā bhūmiratrigartātha vā punaḥ | satyaṃ te pratijānīmo naitanmithyā bhaviṣyati

Today the earth shall be without Arjuna, or else without the Trigartas. We promise you this truly; it will not prove false."

Note on the text: Corrected भूमिरत्रिगर्ताऽवा → भूमिरत्रिगर्ताथ वा (misprint in Wikisource; the syllable थ is lost and a stray control character, U+008C, sits after the avagraha; the critical edition reads atrigartātha vā).

Verse 17 (7.17.17)

एवं सत्यरथश्चोक्त्वा सत्यवर्मा च भारत । सत्यव्रतश्च सत्येषुः सत्यकर्मा तथैव च ॥

evaṃ satyarathaścoktvā satyavarmā ca bhārata | satyavrataśca satyeṣuḥ satyakarmā tathaiva ca

So speaking, O Bharata, Satyaratha, Satyavarma, Satyavrata, Satyeshu and Satyakarma,

Verse 18 (7.17.18)

सहिता भ्रातरः पञ्च रथानामयुतेन च । न्यवर्तन्त महाराज कृत्वा शपथमाहवे ॥

sahitā bhrātaraḥ pañca rathānāmayutena ca | nyavartanta mahārāja kṛtvā śapathamāhave

the five brothers, together with ten thousand chariots, went forth, O great king, having sworn their oath in the battle.

Verse 19 (7.17.19)

मालवास्तुण्डिकेराश्च रथानामयुतैस्त्रिभिः । सुशर्मा च नरव्याघ्रस्त्रिगर्तः प्रस्थलाधिपः ॥

mālavāstuṇḍikerāśca rathānāmayutaistribhiḥ | suśarmā ca naravyāghrastrigartaḥ prasthalādhipaḥ

The Malavas and Tundikeras with thirty thousand chariots, and Susharma, tiger among men, the Trigarta lord of Prasthala,

Verse 20 (7.17.20)

मावेल्लकैर्ललित्थैश्च सहितो मद्रकैरपि । रथानामयुतेनैव सोऽगमद्धातृभिः सह ॥

māvellakairlalitthaiśca sahito madrakairapi | rathānāmayutenaiva so'gamaddhātṛbhiḥ saha

joined by the Mavellakas, Lalitthas and Madrakas, went with ten thousand chariots, together with his brothers.

Verse 21 (7.17.21)

नानाजनपदेभ्यश्च रथानामयुतं पुनः । समुत्थितं विशिष्टानां शपथार्थमुपागमत् ॥

nānājanapadebhyaśca rathānāmayutaṃ punaḥ | samutthitaṃ viśiṣṭānāṃ śapathārthamupāgamat

Another ten thousand chariots of picked men, risen from many lands, also came to take the oath.

Verse 22 (7.17.22)

ततो ज्वलनमानर्च्य हुत्वा सर्वे पृथक्पृथक् । जगृहुः कुशचीराणि चित्राणि कवचानि च ॥

tato jvalanamānarcya hutvā sarve pṛthakpṛthak | jagṛhuḥ kuśacīrāṇi citrāṇi kavacāni ca

Then, having worshipped the fire and made offerings, each separately, they all took up garments of kusha grass and bright armour.

Verse 23 (7.17.23)

ते च बद्धतनुत्राणा घृताक्ताः कुशचीरिणः । मौर्वीमेखलिनो वीराः सहस्रशतदक्षिणाः ॥

te ca baddhatanutrāṇā ghṛtāktāḥ kuśacīriṇaḥ | maurvīmekhalino vīrāḥ sahasraśatadakṣiṇāḥ

Armoured, anointed with ghee, clad in kusha-grass bark and girt with belts of munja grass, those heroes had given priestly fees by the hundred and the thousand.

Verse 24 (7.17.24)

यज्वानः पुत्रिणो लोक्याः कृतकृत्यास्तनुत्यजः । योक्ष्यमाणास्तदाऽऽत्मानं यशसा विजयेन च ॥

yajvānaḥ putriṇo lokyāḥ kṛtakṛtyāstanutyajaḥ | yokṣyamāṇāstadā''tmānaṃ yaśasā vijayena ca

They had sacrificed, had sons, were fit for the worlds of merit, their duties done, ready to give up their bodies, and now they were about to join themselves to glory and victory.

Verse 25 (7.17.25)

ब्रह्मचर्यश्रुतिमुखैः क्रतुभिश्चाप्तदक्षिणैः । प्राप्याँल्लोकान्सुयुद्धेन क्षिप्रमेव यियासवः ॥

brahmacaryaśrutimukhaiḥ kratubhiścāptadakṣiṇaiḥ | prāpyām̐llokānsuyuddhena kṣiprameva yiyāsavaḥ

Having kept the disciplines in which chastity and Vedic study stand first, and performed sacrifices with full fees, they were eager to go quickly, by fine fighting, to the worlds that are to be won.

Note on the text: Corrected ब्रह्मचर्युश्रुतिमुखैः → ब्रह्मचर्यश्रुतिमुखैः (misprint in Wikisource; a stray vowel u, the critical edition reads brahmacaryaśrutimukhaiḥ and the page's own commentary glosses brahmacarya and śruti).

Verse 26 (7.17.26)

ब्राह्मणांस्तर्पयित्वा च निष्कान्दत्वा पृथक्पृथक् । गाश्च वासांसि च पुनः समाभाष्य परस्परम् ॥

brāhmaṇāṃstarpayitvā ca niṣkāndatvā pṛthakpṛthak | gāśca vāsāṃsi ca punaḥ samābhāṣya parasparam

They satisfied the Brahmins with gold nishkas, each giving separately, and with cows and garments, and spoke together with one another;

Note on the text: Corrected ब्राह्ममांस्तर्पयित्वा → ब्राह्मणांस्तर्पयित्वा (misprint in Wikisource; म for ण, the critical edition reads brāhmaṇāṃs tarpayitvā).

Verse 27 (7.17.27)

द्विजमुख्यैः समुदितैः कृतस्वस्त्ययनाशिषः । मुदिताश्च प्रहृष्टाश्च जलं संस्पृश्य निर्मलम् ॥

dvijamukhyaiḥ samuditaiḥ kṛtasvastyayanāśiṣaḥ | muditāśca prahṛṣṭāśca jalaṃ saṃspṛśya nirmalam

having had blessings and auspicious rites pronounced over them by the assembled chief Brahmins, glad and joyful, having touched clean water,

Note on the text: Not in the critical edition (found in the vulgate recension); the critical edition gives it only in its apparatus, as the star passage 7.16.26d*0126_01–02 (printed after 7.16.26). Removed the wiki quote marks (opening backtick, closing apostrophe).

Verse 28 (7.17.28)

प्रज्वाल्य कृष्णवर्त्मानमुपागम्य रणव्रतम् । तस्मिन्नग्नौ तदा चक्रुः प्रतिज्ञां दृढनिश्चयाः ॥

prajvālya kṛṣṇavartmānamupāgamya raṇavratam | tasminnagnau tadā cakruḥ pratijñāṃ dṛḍhaniścayāḥ

they kindled the fire, the dark-pathed god, and, entering upon the vow of battle, made their resolute pledge before that fire.

Verse 29 (7.17.29)

शृण्वतां सर्वभूतानामुच्चैर्वाचो बभाषिरे । सर्वे धनञ्जयवधे प्रतिज्ञां चापि चक्रिरे ॥

śṛṇvatāṃ sarvabhūtānāmuccairvāco babhāṣire | sarve dhanañjayavadhe pratijñāṃ cāpi cakrire

In the hearing of all beings they spoke aloud, and all of them took the vow to kill Dhananjaya:

Verse 30 (7.17.30)

ये वै लोकाश्चाव्रतिनां ये चैव ब्रह्मघातिनाम् । मद्यपस्य च ये लोका गुरुदाररतस्य च ॥

ye vai lokāścāvratināṃ ye caiva brahmaghātinām | madyapasya ca ye lokā gurudāraratasya ca

"The worlds of those who break their vows, of those who kill Brahmins, of the drinker of liquor, and of one who lies with his teacher's wife,

Note on the text: No speaker heading is printed for verses 30–37; the speech is the oath of the Samshaptakas (see verse 29).

Verse 31 (7.17.31)

ब्रह्मस्वहारिणश्चैव राजपिण्डापहारिणः । शरणागतं च त्यजतो याचमानं तथा घ्नतः ॥

brahmasvahāriṇaścaiva rājapiṇḍāpahāriṇaḥ | śaraṇāgataṃ ca tyajato yācamānaṃ tathā ghnataḥ

of those who steal a Brahmin's property or take the king's food, who abandon one who has come for refuge, or strike down one who begs,

Verse 32 (7.17.32)

अगारदाहिनां चैव ये च गां निघ्नतामपि । अपकारिणां च ये लोका ये च ब्रह्मद्विषामपि ॥

agāradāhināṃ caiva ye ca gāṃ nighnatāmapi | apakāriṇāṃ ca ye lokā ye ca brahmadviṣāmapi

of those who burn houses, who kill cows, who do harm to others, and who hate Brahmins,

Verse 33 (7.17.33)

स्वभार्यामृतुकालेषु मोहाद्वै नाभिगच्छताम् । श्राद्धमैथुनिकानां च ये चाप्यात्मापहारिणाम् ॥

svabhāryāmṛtukāleṣu mohādvai nābhigacchatām | śrāddhamaithunikānāṃ ca ye cāpyātmāpahāriṇām

of those who through folly do not go to their own wives in their season, who lie with a woman at a shraddha, and who conceal their own caste,

Note on the text: Matches the critical edition's 7.16.32 (a recension variant: the page reads स्वभार्यामृतुकालेषु मोहाद्वै नाभिगच्छताम् for jāyāṃ ca ṛtukāle vai ye mohād abhigacchatām); the automatic alignment missed it.

Verse 34 (7.17.34)

न्यासापहारिणां ये च श्रुतं नाशयतां च ये । क्लीबेन युध्यमानानां ये च नीचानुसारिणाम् ॥

nyāsāpahāriṇāṃ ye ca śrutaṃ nāśayatāṃ ca ye | klībena yudhyamānānāṃ ye ca nīcānusāriṇām

of those who keep deposits dishonestly, who destroy their pledged word, who fight a eunuch, and who follow the base,

Note on the text: Corrected क्लीबने → क्लीबेन (misprint in Wikisource; the instrumental ending, the critical edition has a different word here, kopena). The critical edition's verse 7.16.34 also carries a star line (*0127_01) that is not on the page.

Verse 35 (7.17.35)

नास्तिकानां च ये लोका येऽग्निमातृपितृत्यजाम् । तानाप्नुयामहे लोकान्ये च पापकृतामपि ॥

nāstikānāṃ ca ye lokā ye'gnimātṛpitṛtyajām | tānāpnuyāmahe lokānye ca pāpakṛtāmapi

of the atheists, of those who abandon the sacred fire, their mother and their father, and of other doers of evil: those worlds may we gain,

Verse 36 (7.17.36)

यद्यहत्वा वयं युद्धे निवर्तेम धनञ्जयम् । तेन चाभ्यर्दितास्त्रासाद्भवेमहि पराङ्मुखाः ॥

yadyahatvā vayaṃ yuddhe nivartema dhanañjayam | tena cābhyarditāstrāsādbhavemahi parāṅmukhāḥ

if we return from the battle without having killed Dhananjaya, or if, hard pressed by him, we turn our faces away in fear.

Verse 37 (7.17.37)

यदि त्वसुकरं लोके कर्म कुर्याम संयुगे । इष्टाँल्लोकान्प्राप्नुयामो वयमद्य न संशयः ॥

yadi tvasukaraṃ loke karma kuryāma saṃyuge | iṣṭām̐llokānprāpnuyāmo vayamadya na saṃśayaḥ

But if we do in battle a deed that is hard to do in this world, then without doubt we shall win the worlds we desire today."

Verse 38 (7.17.38)

एवमुक्त्वा तदा राजंस्तेऽभ्यवर्तन्त संयुगे । आह्वयन्तोऽर्जुनं वीराः पितृजुष्टां दिशं प्रति ॥

evamuktvā tadā rājaṃste'bhyavartanta saṃyuge | āhvayanto'rjunaṃ vīrāḥ pitṛjuṣṭāṃ diśaṃ prati

Having so spoken, O king, those heroes went forth into battle toward the southern quarter, the region of the Fathers, challenging Arjuna.

Verse 39 (7.17.39)

आहूतस्तैर्नरव्याघ्रैः पार्थः परपुरञ्जयः । धर्मराजमिदं वाक्यमपदान्तरमब्रवीत् ॥

āhūtastairnaravyāghraiḥ pārthaḥ parapurañjayaḥ | dharmarājamidaṃ vākyamapadāntaramabravīt

Called out by those tigers among men, Partha, conqueror of hostile cities, at once said this to the King of Dharma:

Note on the text: Corrected परपुरञ्चयः → परपुरञ्जयः (misprint in Wikisource; च for ज, the critical edition reads parapuraṃjayaḥ).

Verse 40 (7.17.40)

आहूतो न निवर्तेयमिति मे व्रतमाहितम् । संशप्तकाश्च मां राजन्नाह्वयन्ति महामृधे ॥

āhūto na nivarteyamiti me vratamāhitam | saṃśaptakāśca māṃ rājannāhvayanti mahāmṛdhe

"I have taken the vow that, once called, I shall not turn back. And the Samshaptakas are challenging me, O king, in this great battle.

Note on the text: No speaker heading is printed for verses 40–42; the speech is Arjuna's (the page's next heading, Yudhishthira, comes at verse 43).

Verse 41 (7.17.41)

एष च भ्रातृभिः सार्धं सुशर्माऽऽह्वयते रणे । वधाय सगणस्यास्य मामनुज्ञातुमर्हसि ॥

eṣa ca bhrātṛbhiḥ sārdhaṃ suśarmā''hvayate raṇe | vadhāya sagaṇasyāsya māmanujñātumarhasi

Here is Susharma, with his brothers, calling me out to battle. You should give me leave to destroy him with his host.

Verse 42 (7.17.42)

नैतच्छक्नोमि संसोढुमाह्वानं पुरुषर्षभ । सत्यं ते प्रतिजानामि हतान्विद्धि परान्युधि ॥

naitacchaknomi saṃsoḍhumāhvānaṃ puruṣarṣabha | satyaṃ te pratijānāmi hatānviddhi parānyudhi

I cannot bear this challenge, O best of men. I promise you truly: know that my enemies are slain in the fight."

Verse 43 (7.17.43)

श्रुतं ते तत्त्वतस्तात यद्द्रोणस्य चिकीर्षितम् । यथा तदनृतं तस्य भवेत्तत्त्वं समाचर ॥

śrutaṃ te tattvatastāta yaddroṇasya cikīrṣitam | yathā tadanṛtaṃ tasya bhavettattvaṃ samācara

"You have heard truly, dear one, what Drona intends. Act rightly, so that it proves false.

Note on the text: Corrected भवेतत्त्वं → भवेत्तत्त्वं (misprint in Wikisource; a dropped त, the critical edition reads bhavet tadvat).

Verse 44 (7.17.44)

द्रोणो हि बलवाञ्शूरः कृतास्त्रश्च जितश्रमः । प्रतिज्ञातं च तेनैतद्ग्रहणं मे महारथ ॥

droṇo hi balavāñśūraḥ kṛtāstraśca jitaśramaḥ | pratijñātaṃ ca tenaitadgrahaṇaṃ me mahāratha

Drona is strong, a hero, skilled in weapons and untiring; and he has made the vow to take me, O great warrior."

Verse 45 (7.17.45)

अयं वै सत्यजिद्राजन्नद्य त्वां रक्षिता युधि । ध्रियमाणे च पाञ्चाल्ये नाचार्यः काममाप्स्यति ॥

ayaṃ vai satyajidrājannadya tvāṃ rakṣitā yudhi | dhriyamāṇe ca pāñcālye nācāryaḥ kāmamāpsyati

"O king, this is Satyajit; he will protect you in battle today. While the Panchala lives, the teacher will not win what he desires.

Note on the text: The four-line star passage 7.16.44*0129, which the critical edition prints between the arjuna uvāca heading and this verse, is not on the page.

Verse 46 (7.17.46)

हते तु पुरुषव्याघ्रे रणे सत्यजिति प्रभो । सर्वैरपि समेतैर्वा न स्थातव्यं कथंचन ॥

hate tu puruṣavyāghre raṇe satyajiti prabho | sarvairapi sametairvā na sthātavyaṃ kathaṃcana

But if Satyajit, that tiger among men, is killed in the fight, O lord, you must not remain there at all, even if everyone were gathered together."

Verse 47 (7.17.47)

अनुज्ञातस्ततो राज्ञा परिष्वक्तश्च फल्गुनः । प्रेम्णा दृष्टश्च बहुधा ह्याशिषश्चास्य योजिताः ॥

anujñātastato rājñā pariṣvaktaśca phalgunaḥ | premṇā dṛṣṭaśca bahudhā hyāśiṣaścāsya yojitāḥ

Then, given leave by the king, embraced by him, looked on with love many times and given his blessings, Phalguna departed.

Verse 48 (7.17.48)

विहायैनं ततः पार्थस्त्रिगर्तान्प्रत्ययाद्बली । क्षुधितः क्षुद्विघातार्थं सिंहो मृगगणानिव ॥

vihāyainaṃ tataḥ pārthastrigartānpratyayādbalī | kṣudhitaḥ kṣudvighātārthaṃ siṃho mṛgagaṇāniva

Leaving him, mighty Partha went confidently against the Trigartas, like a hungry lion going to herds of deer to end his hunger.

Verse 49 (7.17.49)

ततो दौर्योधनं सैन्यं मुदा परमया युतम् । ऋतेऽर्जुनं भृशं क्रुद्धं धर्मराजस्य निग्रहे ॥

tato dauryodhanaṃ sainyaṃ mudā paramayā yutam | ṛte'rjunaṃ bhṛśaṃ kruddhaṃ dharmarājasya nigrahe

Then Duryodhana's army, filled with great joy, with Arjuna gone, was fiercely intent on seizing the King of Dharma.

Verse 50 (7.17.50)

ततोऽन्योन्येन ते सैन्ये समाजग्मतुरोजसा । गङ्गासरय्वौ वेगेन प्रावृषीवोल्बणोदके ॥

tato'nyonyena te sainye samājagmaturojasā | gaṅgāsarayvau vegena prāvṛṣīvolbaṇodake

Then the two armies came together with force, like the Ganga and the Sarayu rushing together in the rains, their waters swollen.