Yudhishthira's Grief and Vyasa's Counsel

Verse 1 (7.184.1)

कर्णदुर्योधनादीनां शकुनेः सौबलस्य च । अपनीतं महत्तात तव चैव विशेषतः ॥

karṇaduryodhanādīnāṃ śakuneḥ saubalasya ca | apanītaṃ mahattāta tava caiva viśeṣataḥ

A great wrong was done by Karna, Duryodhana and the others, by Shakuni, son of Subala, and above all, dear one, by you.

Verse 2 (7.184.2)

यदि जानीथ तां शक्तिमेकघ्नीं सततं रणे । अनिवार्यामसह्यां च देवैरपि सवासवैः ॥

yadi jānītha tāṃ śaktimekaghnīṃ satataṃ raṇe | anivāryāmasahyāṃ ca devairapi savāsavaiḥ

If you know that spear, the slayer of one, ever ready in battle, irresistible and unendurable even to the gods together with Vasava —

Verse 3 (7.184.3)

सा किमर्थं तु कर्णेन प्रवृत्ते समरे पुरा । न देवकीसुते मुक्ता फल्गुने वाऽपि सञ्जय ॥

sā kimarthaṃ tu karṇena pravṛtte samare purā | na devakīsute muktā phalgune vā'pi sañjaya

why then, when the battle began long ago, did Karna not hurl it at Devaki's son or at Phalguna, Sanjaya?

Verse 4 (7.184.4)

सङ्ग्रामाद्विनिवृत्तानां सर्वेषां नो विशाम्पते । रात्रौ कुरुकुलश्रेष्ठ मन्त्रोऽयं समजायत ॥

saṅgrāmādvinivṛttānāṃ sarveṣāṃ no viśāmpate | rātrau kurukulaśreṣṭha mantro'yaṃ samajāyata

When all of us had returned from the battle, O lord of the people, this counsel was formed in the night, O best of the Kurus:

Verse 5 (7.184.5)

प्रभातमात्रे श्वोभूते केशवायार्जुनाय वा । शक्तिरेषा हि मोक्तव्या कर्ण कर्णेति नित्यशः ॥

prabhātamātre śvobhūte keśavāyārjunāya vā | śaktireṣā hi moktavyā karṇa karṇeti nityaśaḥ

"At the very break of tomorrow's day, this spear must be hurled at Keshava or at Arjuna" — so it was said to Karna again and again, "Karna, Karna."

Note on the text: Corrected कर्णकर्णेनि → कर्ण कर्णेति (misprint in Wikisource; न for त, and the repeated vocative is two words; the critical edition reads karṇa karṇeti). Recension variant मोक्तव्या (CE: vimoktavyā).

Verse 6 (7.184.6)

ततः प्रभातसमये राजन्कर्णस्य दैवतैः । अन्येषां चैव योधानां सा बुद्धिर्नाश्यते पुनः ॥

tataḥ prabhātasamaye rājankarṇasya daivataiḥ | anyeṣāṃ caiva yodhānāṃ sā buddhirnāśyate punaḥ

But when morning came, O king, that resolve in Karna and in the other warriors was undone again by the gods.

Verse 7 (7.184.7)

दैवमेव परं मन्ये यत्कर्णो हस्तसंस्थया । न जघान रणे पार्थं कृष्णं वा देवकीसुतम् ॥

daivameva paraṃ manye yatkarṇo hastasaṃsthayā | na jaghāna raṇe pārthaṃ kṛṣṇaṃ vā devakīsutam

I think fate alone is supreme, that Karna, with the spear in his hand, did not kill Partha or Krishna, Devaki's son, in battle.

Verse 8 (7.184.8)

तस्य हस्तस्थिता शक्तिः कालरात्रिरिवोद्यता । दैवोपहतबुद्धित्वान्न तां कर्णो विमुक्तवान् ॥

tasya hastasthitā śaktiḥ kālarātririvodyatā | daivopahatabuddhitvānna tāṃ karṇo vimuktavān

The spear lay in his hand like Kalaratri, raised and ready; yet, his mind struck by fate, Karna did not release it.

Verse 9 (7.184.9)

कृष्णे वा देवकीपुत्रे मोहितो देवमायया । पार्थे वा शक्रकल्पे वै वधार्थं वासवीं प्रभो ॥

kṛṣṇe vā devakīputre mohito devamāyayā | pārthe vā śakrakalpe vai vadhārthaṃ vāsavīṃ prabho

Deluded by the divine illusion, he did not hurl Vasava's spear to kill either Krishna, Devaki's son, or Partha, the equal of Shakra, my lord.

Verse 10 (7.184.10)

दैवेनोपहता यूयं स्वबुद्ध्या केशवस्य च । गता हि वासवी हत्वा तृणभूतं घटोत्कचम् ॥

daivenopahatā yūyaṃ svabuddhyā keśavasya ca | gatā hi vāsavī hatvā tṛṇabhūtaṃ ghaṭotkacam

You were struck down by fate and by Keshava's own intelligence. Having killed Ghatotkacha, who was no more than a blade of grass, the spear of Vasava is gone.

Verse 11 (7.184.11)

कर्णश्च मम पुत्राश्च सर्वे चान्ये च पार्थिवाः । तेन वै दुष्प्रणीतेन गता वैवस्वतक्षयम् ॥

karṇaśca mama putrāśca sarve cānye ca pārthivāḥ | tena vai duṣpraṇītena gatā vaivasvatakṣayam

Karna, my sons, and all the other kings have gone to Vaivasvata's abode through that ill-devised affair.

Verse 12 (7.184.12)

भूय एव तु मे शंस यथा युद्धमवर्तत । कुरूणां पाण्डवानां च हैडिम्बे निहते तदा ॥

bhūya eva tu me śaṃsa yathā yuddhamavartata | kurūṇāṃ pāṇḍavānāṃ ca haiḍimbe nihate tadā

Tell me again how the battle between the Kurus and the Pandavas went on, when Hidimba's son had been killed.

Note on the text: Corrected कृरूणां → कुरूणां (misprint in Wikisource; ृ for ु; the critical edition reads kurūṇām) and हैडिम्बौ → हैडिम्बे (misprint in Wikisource; a dual ending for the locative singular agreeing with निहते; the critical edition reads haiḍimbe nihate).

Verse 13 (7.184.13)

ये च तेऽभ्यद्रवन्द्रोणं व्यूढानीकाः प्रहारिणः । सृञ्जयाः सह पाञ्चालैस्तेऽप्यकुर्वन्कथं रणम् ॥

ye ca te'bhyadravandroṇaṃ vyūḍhānīkāḥ prahāriṇaḥ | sṛñjayāḥ saha pāñcālaiste'pyakurvankathaṃ raṇam

And those who rushed upon Drona in battle array, the striking Srinjayas with the Panchalas — how did they fight the battle?

Verse 14 (7.184.14)

सौमदत्तेर्वधाद्द्रोणमायान्तं सैन्धवस्य च । अमर्षाज्जीवितं त्यक्त्वा गाहमानं वरूथिनीम् ॥

saumadattervadhāddroṇamāyāntaṃ saindhavasya ca | amarṣājjīvitaṃ tyaktvā gāhamānaṃ varūthinīm

Drona was advancing, in fury at the slaying of Somadatta's son and of Saindhava, careless of his life, plunging into the army —

Verse 15 (7.184.15)

जृम्भमाणमिव व्याघ्रं व्यात्ताननमिवान्तकम् । कथं प्रत्युद्ययुर्द्रोणमस्यन्तं पाण्डुसृञ्जयाः ॥

jṛmbhamāṇamiva vyāghraṃ vyāttānanamivāntakam | kathaṃ pratyudyayurdroṇamasyantaṃ pāṇḍusṛñjayāḥ

like a tiger yawning, like Death with gaping mouth, hurling his arrows: how did the Pandavas and Srinjayas withstand him?

Verse 16 (7.184.16)

आचार्यं ये च तेऽरक्षन्दुर्योधनपुरोगमाः । द्रौणिकर्णकृपास्तात ते वाऽकुर्वन्किमाहवे ॥

ācāryaṃ ye ca te'rakṣanduryodhanapurogamāḥ | drauṇikarṇakṛpāstāta te vā'kurvankimāhave

And those who guarded the preceptor, with Duryodhana at their head — Drona's son, Karna and Kripa, dear one — what did they do in the battle?

Verse 17 (7.184.17)

भारद्वाजं जिघांसन्तौ सव्यसाचिवृकोदरौ । समार्च्छन्मामका युद्धे कथं सञ्जय शंस मे ॥

bhāradvājaṃ jighāṃsantau savyasācivṛkodarau | samārcchanmāmakā yuddhe kathaṃ sañjaya śaṃsa me

How did my men meet Savyasachin and Vrikodara in the battle, when those two were seeking to kill Bharadvaja's son? Tell me, Sanjaya.

Note on the text: Corrected वृकीदरौ → वृकोदरौ (misprint in Wikisource; ी for ो; the critical edition reads vṛkodarau).

Verse 18 (7.184.18)

सिन्धुराजवधेनेमे घटोत्कचवधेन ते । अमर्षिताः सुसङ्क्रुद्धा रणं चक्रुः कथं निशि ॥

sindhurājavadheneme ghaṭotkacavadhena te | amarṣitāḥ susaṅkruddhā raṇaṃ cakruḥ kathaṃ niśi

Enraged, these at the killing of the Sindhu king, those at the killing of Ghatotkacha, how did they fight in the night?

Note on the text: Corrected अमर्पिताः → अमर्षिताः (misprint in Wikisource; प for ष; the critical edition reads amarṣitāḥ).

Verse 19 (7.184.19)

हते घटोत्कचे राजन्कर्णेन निशि राक्षसे । प्रणदत्सु च हृष्टेषु तावकेषु युयुत्सुषु ॥

hate ghaṭotkace rājankarṇena niśi rākṣase | praṇadatsu ca hṛṣṭeṣu tāvakeṣu yuyutsuṣu

When the rakshasa Ghatotkacha had been killed in the night by Karna, O king, and your delighted men, eager to fight, were roaring,

Verse 20 (7.184.20)

आपतत्सु च वेगेन वध्यमाने बलेऽपि च । विगाढायां रजन्यां च राजा दैन्यं परं गतः ॥

āpatatsu ca vegena vadhyamāne bale'pi ca | vigāḍhāyāṃ rajanyāṃ ca rājā dainyaṃ paraṃ gataḥ

and were rushing forward with force while the Pandava army was being slaughtered, as the night deepened, the king fell into deep dejection.

Verse 21 (7.184.21)

अब्रवीच्च महाबाहुर्भीमसेनमिदं वचः । आवारय महाबाहो धार्तराष्ट्रस्य वाहिनीम् ॥

abravīcca mahābāhurbhīmasenamidaṃ vacaḥ | āvāraya mahābāho dhārtarāṣṭrasya vāhinīm

And the mighty-armed one spoke these words to Bhimasena: "Hold back, mighty-armed one, the army of Dhritarashtra's son.

Note on the text: Lines 1–2 = CE 7.158.21a, 21c. The narration is Sanjaya's; Yudhishthira's speech begins in line 2.

Verse 22 (7.184.22)

हैडिम्बेश्चैव घातेन मोहो मामाविशन्महान् । एवं भीमं समादिश्य स्वरथे समुपाविशत् ॥

haiḍimbeścaiva ghātena moho māmāviśanmahān | evaṃ bhīmaṃ samādiśya svarathe samupāviśat

A great bewilderment has come over me at the killing of Hidimba's son." Having thus instructed Bhima, he sat down in his own chariot.

Note on the text: Line 1 = CE 7.158.21e; line 2 = CE 7.158.22a. Line 1 is Yudhishthira's speech, line 2 is Sanjaya's narration.

Verse 23 (7.184.23)

अश्रुपूर्णमुखो राजा निःश्वसंश्च पुनःपुनः । कश्मलं प्राविशद्धोरं दृष्ट्वा कर्णस्य विक्रमम् ॥

aśrupūrṇamukho rājā niḥśvasaṃśca punaḥpunaḥ | kaśmalaṃ prāviśaddhoraṃ dṛṣṭvā karṇasya vikramam

His face full of tears, sighing again and again, the king fell into a dreadful dejection on seeing Karna's prowess.

Note on the text: Lines 1–2 = CE 7.158.22c, 22e.

Verse 24 (7.184.24)

तं तथा व्यथितं दृष्ट्वा कृष्णो वचनमब्रवीत् ॥

taṃ tathā vyathitaṃ dṛṣṭvā kṛṣṇo vacanamabravīt

Seeing him so distressed, Krishna spoke these words.

Note on the text: Line = CE 7.158.23a.

Verse 25 (7.184.25)

मा व्यथां कुरु कौन्तेय नैतत्त्वय्युपपद्यते । वैक्लव्यं भरतश्रेष्ठ यथा प्राकृतपूरुषे ॥

mā vyathāṃ kuru kaunteya naitattvayyupapadyate | vaiklavyaṃ bharataśreṣṭha yathā prākṛtapūruṣe

Do not grieve, Kaunteya; such faintheartedness, O best of the Bharatas, does not befit you, as it would a common man.

Note on the text: Lines 1–2 = CE 7.158.23c, 23e. Unheaded speech of Krishna (the narration in the previous verse introduces it).

Verse 26 (7.184.26)

उत्तिष्ठ राजन्युध्वस्व वह गुर्वीं धुरं विभो । त्वयि वैक्लव्यमापन्ने संशयो विजये भवेत् ॥

uttiṣṭha rājanyudhvasva vaha gurvīṃ dhuraṃ vibho | tvayi vaiklavyamāpanne saṃśayo vijaye bhavet

Rise, O king, and fight; bear the heavy burden, lord. If you fall into faintheartedness, victory will be in doubt.

Note on the text: Unheaded speech of Krishna, continuing the previous verse.

Verse 27 (7.184.27)

श्रुत्वा कृष्णस्य वचनं धर्मराजो युधिष्ठिरः । विमृज्य नेत्रे पाणिभ्यां कृष्णं वचनमब्रवीत् ॥

śrutvā kṛṣṇasya vacanaṃ dharmarājo yudhiṣṭhiraḥ | vimṛjya netre pāṇibhyāṃ kṛṣṇaṃ vacanamabravīt

Hearing Krishna's words, Yudhishthira, king of dharma, wiped his eyes with his hands and said to Krishna:

Verse 28 (7.184.28)

विदिता मे महाबाहो धर्माणां परमा गतिः । ब्रह्महत्याफलं तस्य यः कृतं नावबुध्यते ॥

viditā me mahābāho dharmāṇāṃ paramā gatiḥ | brahmahatyāphalaṃ tasya yaḥ kṛtaṃ nāvabudhyate

I know, mighty-armed one, the highest course of the dharmas: the man who does not acknowledge what has been done for him bears the fruit of killing a brahmin.

Note on the text: Unheaded speech of Yudhishthira, which runs from this verse to verse 50. Recension variant मे for CE te.

Verse 29 (7.184.29)

अस्माकं हि वनस्थानां हैडिम्बेन महात्मना । बालेनापि सता तेन कृतं साह्यं जनार्दन ॥

asmākaṃ hi vanasthānāṃ haiḍimbena mahātmanā | bālenāpi satā tena kṛtaṃ sāhyaṃ janārdana

While we lived in the forest, Hidimba's mighty son, though only a boy, gave us help, Janardana.

Note on the text: Corrected महात्सना → महात्मना (misprint in Wikisource; स for म; the critical edition reads mahātmanā).

Verse 30 (7.184.30)

अस्त्रहेतोर्गतं ज्ञात्वा पाण्डवं श्वेतवाहनम् । असौ कृष्ण महेष्वासः काम्यके मामुपस्थितः ॥

astrahetorgataṃ jñātvā pāṇḍavaṃ śvetavāhanam | asau kṛṣṇa maheṣvāsaḥ kāmyake māmupasthitaḥ

Knowing that the white-horsed Pandava had gone for weapons, that great archer came to me at Kamyaka, O Krishna,

Note on the text: Lines 1–2 = CE 7.158.28a, 28c (the critical edition's star passage 7.158.28b*1257_01–03 stands between them and is not in Wikisource). Corrected स्वेतवाहनम् → श्वेतवाहनम् (misprint in Wikisource; स for श; the critical edition reads śvetavāhanam).

Verse 31 (7.184.31)

उषितश्च सहास्माभिर्यावन्नासीद्धनञ्जयः । गन्धमादनयात्रायां दुर्गेभ्यश्च स्म तारिताः । पाञ्चाली च परिश्रान्ता पृष्ठेनोढा महात्मना ॥

uṣitaśca sahāsmābhiryāvannāsīddhanañjayaḥ | gandhamādanayātrāyāṃ durgebhyaśca sma tāritāḥ | pāñcālī ca pariśrāntā pṛṣṭhenoḍhā mahātmanā

and stayed with us as long as Dhananjaya was away. On the journey to Gandhamadana he carried us across difficult places, and the weary Panchali was borne on the back of that great soul.

Note on the text: Line 1 = CE 7.158.28e; lines 2–3 = CE 7.158.29a, 29c. The page prints the three lines as one verse (5-184-31a–c). The critical edition's star passage 7.158.29d*1258_01–02 is not in Wikisource.

Verse 32 (7.184.32)

आरम्भांश्चैव युद्धानां यदेष कृतवान्प्रभो । मदर्थे दुष्करं कर्म कृतं तेन महाहवे ॥

ārambhāṃścaiva yuddhānāṃ yadeṣa kṛtavānprabho | madarthe duṣkaraṃ karma kṛtaṃ tena mahāhave

And in whatever battles this man undertook, lord, he did a hard deed for my sake in the great war.

Note on the text: Recension variant in line 1 (CE: ārambhāc caiva; the page's own note records अभिज्ञश्चैव as another reading).

Verse 33 (7.184.33)

स्वभावाद्या च मे प्रीतिः सहदेवे जनार्दन । सैव मे द्विगुणा प्रीती राक्षसेन्द्रे घटोत्कचे ॥

svabhāvādyā ca me prītiḥ sahadeve janārdana | saiva me dviguṇā prītī rākṣasendre ghaṭotkace

The affection I naturally feel for Sahadeva, Janardana, is doubled in me for Ghatotkacha, the lord of the rakshasas.

Verse 34 (7.184.34)

भक्तश्च मे महाबाहुः प्रियोऽस्याहं प्रियश्च मे । तेन विन्दामि वार्ष्णेय कश्मलं शोकतापितः ॥

bhaktaśca me mahābāhuḥ priyo'syāhaṃ priyaśca me | tena vindāmi vārṣṇeya kaśmalaṃ śokatāpitaḥ

The mighty-armed one was devoted to me, and I was dear to him, and he to me. Therefore, Vrishni, scorched by grief, I am overcome by faintness.

Note on the text: Corrected मेहाबाहुः → मे महाबाहुः (misprint in Wikisource; a dropped akshara and space; the critical edition reads me mahābāhuḥ) and शोकतापिताः → शोकतापितः (misprint in Wikisource; the speaker is singular, agreeing with विन्दामि; the critical edition reads śokatāpitaḥ).

Verse 35 (7.184.35)

पश्य सैन्यानि वार्ष्णेय द्राव्यमाणानि कौरवैः । द्रोणकर्णौ तु संयत्तौ पश्य युद्धे महारथौ ॥

paśya sainyāni vārṣṇeya drāvyamāṇāni kauravaiḥ | droṇakarṇau tu saṃyattau paśya yuddhe mahārathau

Look, Vrishni, our armies are being driven back by the Kauravas; and see Drona and Karna, both great chariot-warriors, intent on the fight.

Verse 36 (7.184.36)

निशीथे पाण्डवं सैन्यमाभ्यां माधव मर्दितम् । गजाभ्यामिव मत्ताभ्यां यथा नलवनं महत् ॥

niśīthe pāṇḍavaṃ sainyamābhyāṃ mādhava marditam | gajābhyāmiva mattābhyāṃ yathā nalavanaṃ mahat

In the dead of night, Madhava, these two have crushed the Pandava army as two maddened elephants crush a great reed-bed.

Note on the text: Recension variant in line 1 (CE: ābhyāṃ paśya pramarditam).

Verse 37 (7.184.37)

अनादृत्य बलं बाह्वोर्भीमसेनस्य माधव । चित्रास्त्रतां च पार्थस्य विक्रमन्ते च कौरवाः ॥

anādṛtya balaṃ bāhvorbhīmasenasya mādhava | citrāstratāṃ ca pārthasya vikramante ca kauravāḥ

Disregarding the might of Bhimasena's arms and the wondrous weapon-skill of Partha, the Kauravas press on boldly.

Verse 38 (7.184.38)

एष द्रोणश्च कर्णश्च राजा चैव सुयोधनः । निहत्य राक्षसं युद्धे हृष्टा नर्दन्ति संयुगे ॥

eṣa droṇaśca karṇaśca rājā caiva suyodhanaḥ | nihatya rākṣasaṃ yuddhe hṛṣṭā nardanti saṃyuge

Here are Drona and Karna and King Suyodhana, who have killed the rakshasa in the battle and now roar in delight on the field.

Verse 39 (7.184.39)

कथं वाऽस्मासु जीवत्सु त्वयि चैव जनार्दन । हैडिम्बिः प्राप्तवान्मृत्युं सूतपुत्रेण सङ्गतः ॥

kathaṃ vā'smāsu jīvatsu tvayi caiva janārdana | haiḍimbiḥ prāptavānmṛtyuṃ sūtaputreṇa saṅgataḥ

How, while we were alive, and you too, Janardana, did Hidimba's son meet his death at the hands of the charioteer's son?

Note on the text: Corrected वाऽसमासु → वाऽस्मासु (misprint in Wikisource; a dropped conjunct; the critical edition reads asmāsu) and मृत्यं → मृत्युं (misprint in Wikisource; a dropped vowel sign; the critical edition reads mṛtyuṃ).

Verse 40 (7.184.40)

कदर्थीकृत्य नः सर्वान्पश्यतः सव्यसाचिनः । निहतो राक्षसः कृष्ण भैमसेनिर्महाबलः ॥

kadarthīkṛtya naḥ sarvānpaśyataḥ savyasācinaḥ | nihato rākṣasaḥ kṛṣṇa bhaimasenirmahābalaḥ

Making light of all of us, in the very sight of Savyasachin, the mighty rakshasa, Bhima's son, has been killed, Krishna.

Verse 41 (7.184.41)

यदाऽभिमन्युर्निहतो धार्तराष्ट्रैर्दुरात्मभिः । नासीत्तत्र रणे कृष्ण सव्यसाची महारथः ॥

yadā'bhimanyurnihato dhārtarāṣṭrairdurātmabhiḥ | nāsīttatra raṇe kṛṣṇa savyasācī mahārathaḥ

When Abhimanyu was killed by Dhritarashtra's wicked sons, the great chariot-warrior Savyasachin was not there in the battle, Krishna.

Verse 42 (7.184.42)

निरुद्वाश्च वयं सर्वे सैन्धवेन दुरात्मना । निमित्तमभवद्द्रोणः सपुत्रस्तत्र कर्मणि ॥

nirudvāśca vayaṃ sarve saindhavena durātmanā | nimittamabhavaddroṇaḥ saputrastatra karmaṇi

All of us were held back by the wicked Saindhava, and Drona with his son was the instrument in that deed.

Verse 43 (7.184.43)

उपदिष्टो वधोपायः कर्णस्य गुरुणा स्वयम् । व्यायच्छतश्च खड्गेन द्विधा खड्गं चकार ह ॥

upadiṣṭo vadhopāyaḥ karṇasya guruṇā svayam | vyāyacchataśca khaḍgena dvidhā khaḍgaṃ cakāra ha

The means of killing him was taught to Karna by his own teacher, and as he struggled on with his sword, that sword was cut in two.

Note on the text: Corrected खङ्गेन → खड्गेन and खङ्गं → खड्गं (misprint in Wikisource; ङ्ग for ड्ग; the critical edition reads khaḍgena … khaḍgam).

Verse 44 (7.184.44)

व्यसने वर्तमानस्य कृतवर्मा नृशंसवत् । अश्वाञ्जघान सहसा तथोभौ पार्ष्णिसारथी । तथेतरे महेष्वासाः सौभद्रं युध्यपातयन् ॥

vyasane vartamānasya kṛtavarmā nṛśaṃsavat | aśvāñjaghāna sahasā tathobhau pārṣṇisārathī | tathetare maheṣvāsāḥ saubhadraṃ yudhyapātayan

While he was in distress, Kritavarman, ruthless as he was, suddenly killed his horses and both his rear-guard and his charioteer; and so the other great archers struck down Subhadra's son in the fight.

Note on the text: Lines 1–2 = CE 7.158.42a, 42c; line 3 = CE 7.158.42e. The page prints the three lines as one verse (5-184-44a–c).

Verse 45 (7.184.45)

अल्पे च कारणे कृष्ण हतो गाण्डीवधन्वना । सैन्धवो यादवश्रेष्ठ तच्च नातिप्रियं मम ॥

alpe ca kāraṇe kṛṣṇa hato gāṇḍīvadhanvanā | saindhavo yādavaśreṣṭha tacca nātipriyaṃ mama

And for a slight cause, Krishna, Saindhava was killed by the wielder of Gandiva, O best of the Yadavas; and that did not much please me.

Verse 46 (7.184.46)

यदि शत्रुवधो न्याय्यो भवेत्कर्तुं हि पाण्डवैः । कर्णद्रोणौ रणे पूर्वं हन्तव्याविति मे मतिः ॥

yadi śatruvadho nyāyyo bhavetkartuṃ hi pāṇḍavaiḥ | karṇadroṇau raṇe pūrvaṃ hantavyāviti me matiḥ

If the killing of enemies were rightly to be done by the Pandavas, then Karna and Drona should have been killed first in the battle; that is my view.

Verse 47 (7.184.47)

एतौ हि मूलं दुःखानामस्माकं पुरुषर्षभ । एतौ रणे समासाद्य समाश्वस्तः सुयोधनः ॥

etau hi mūlaṃ duḥkhānāmasmākaṃ puruṣarṣabha | etau raṇe samāsādya samāśvastaḥ suyodhanaḥ

These two are the root of our sorrows, bull among men; and having got these two in battle, Suyodhana has taken comfort.

Verse 48 (7.184.48)

यत्र वध्यो भवेद्द्रोणः सूतपुत्रश्च सानुगः । तत्रावधीन्महाबाहुः सैन्धवं दूरवासिनम् ॥

yatra vadhyo bhaveddroṇaḥ sūtaputraśca sānugaḥ | tatrāvadhīnmahābāhuḥ saindhavaṃ dūravāsinam

Where Drona and the charioteer's son with his followers were fit to be killed, there the mighty-armed one killed Saindhava, who dwelt far away.

Verse 49 (7.184.49)

अवश्यं तु मया कार्यः सूतपुत्रस्य निग्रहः । ततो यास्याम्यहं वीर स्वयं कर्णजिघांसया ॥

avaśyaṃ tu mayā kāryaḥ sūtaputrasya nigrahaḥ | tato yāsyāmyahaṃ vīra svayaṃ karṇajighāṃsayā

But I must without fail put down the charioteer's son; so I shall go myself, hero, wishing to kill Karna.

Note on the text: Lines 1–2 = CE 7.158.47a, 47c.

Verse 50 (7.184.50)

भीमसेनो महाबाहुर्द्रोणानीकेन सङ्गतः ॥

bhīmaseno mahābāhurdroṇānīkena saṅgataḥ

Mighty-armed Bhimasena is engaged with Drona's army.

Note on the text: Line = CE 7.158.47e.

Verse 51 (7.184.51)

एवमुक्त्वा ययौ तूर्णं त्वरमाणो युधिष्ठिरः । स विष्फार्य महच्चापं शङ्खं प्रध्माप्य भैरवम् ॥

evamuktvā yayau tūrṇaṃ tvaramāṇo yudhiṣṭhiraḥ | sa viṣphārya mahaccāpaṃ śaṅkhaṃ pradhmāpya bhairavam

Having spoken thus, Yudhishthira went swiftly, in haste, stretching his great bow and blowing a fearful conch.

Verse 52 (7.184.52)

ततो रथसहस्रेण गजानां च शतैस्त्रिभिः । वाजिभिः पञ्चसाहस्रैः पाञ्चालैः सप्रभद्रकैः । वृतः शिखण्डी त्वरितो राजानं पृष्ठतोऽन्वयात् ॥

tato rathasahasreṇa gajānāṃ ca śataistribhiḥ | vājibhiḥ pañcasāhasraiḥ pāñcālaiḥ saprabhadrakaiḥ | vṛtaḥ śikhaṇḍī tvarito rājānaṃ pṛṣṭhato'nvayāt

Then Shikhandi, surrounded by a thousand chariots, three hundred elephants, five thousand horses, and the Panchalas with the Prabhadrakas, followed the king hastily from behind.

Note on the text: Corrected तवरितो → त्वरितो (misprint in Wikisource; a broken conjunct; the critical edition reads tvarito). Recension variant in line 2 (CE: pañcasāhasrais trisāhasraiḥ prabhadrakaiḥ). The page prints the three lines as one verse (5-184-52a–c), as CE 7.158.49 prints them (49a, 49c, 49e).

Verse 53 (7.184.53)

ततो भेरीः समाजघ्नुः पणवानकगोमुखान् । शङ्खशब्दरवांश्चैव पाणिशब्दांश्च दंशिताः । पाञ्चालाः पाण्डवाश्चैव युधिष्ठिरपुरोगमाः ॥

tato bherīḥ samājaghnuḥ paṇavānakagomukhān | śaṅkhaśabdaravāṃścaiva pāṇiśabdāṃśca daṃśitāḥ | pāñcālāḥ pāṇḍavāścaiva yudhiṣṭhirapurogamāḥ

Then the armoured Panchalas and Pandavas, with Yudhishthira at their head, beat the kettledrums, tabors, anakas and cow-horns, and raised the din of conchs and the clapping of hands.

Note on the text: Corrected शह्खशब्दरवांश्चैव → शङ्खशब्दरवांश्चैव (misprint in Wikisource; ह्ख for ङ्ख; the critical edition's star line reads śaṅkhaśabdaravāṃś caiva). Line 1 differs from CE 7.158.50a (tato bherīḥ samājaghnuḥ śaṅkhān dadhmuś ca daṃśitāḥ), a recension variant; line 2 corresponds to the CE star passage 7.158.50b*1259_01 (CE: bāṇaśabdāṃś, the page reads पाणिशब्दांश्च); line 3 = CE 7.158.50c.

Verse 54 (7.184.54)

ततोऽब्रवीन्महाबाहुर्वासुदेवो धनञ्जयम् ॥

tato'bravīnmahābāhurvāsudevo dhanañjayam

Then mighty-armed Vasudeva said to Dhananjaya:

Note on the text: Line = CE 7.158.51a.

Verse 55 (7.184.55)

एष प्रयाति त्वरितः क्रोधाविष्टो युधिष्ठिरः । जिघांसुः सूतपुत्रस्य तस्योपेक्षा न युज्यते ॥

eṣa prayāti tvaritaḥ krodhāviṣṭo yudhiṣṭhiraḥ | jighāṃsuḥ sūtaputrasya tasyopekṣā na yujyate

Yudhishthira is going swiftly, seized with wrath, wishing to kill the charioteer's son; it is not right to neglect him.

Note on the text: Lines 1–2 = CE 7.158.51c, 51e. Unheaded speech of Krishna (the previous verse introduces it).

Verse 56 (7.184.56)

एवमुक्त्वा हृषीकेशः शीघ्रमश्वानचोदयत् । दूरं प्रयान्तं राजानमन्वगच्छज्जनार्दनः ॥

evamuktvā hṛṣīkeśaḥ śīghramaśvānacodayat | dūraṃ prayāntaṃ rājānamanvagacchajjanārdanaḥ

Having said this, Hrishikesha quickly urged on the horses, and Janardana followed the king, who had gone far ahead.

Verse 57 (7.184.57)

तं दृष्ट्वा सहसा यान्तं सूतपुत्रजिघांसया । शोकोपहतसङ्कल्पं दह्यमानमिवाग्निना । अभिगम्याब्रवीद्व्यासो धर्मपुत्रं युधिष्ठिरम् ॥

taṃ dṛṣṭvā sahasā yāntaṃ sūtaputrajighāṃsayā | śokopahatasaṅkalpaṃ dahyamānamivāgninā | abhigamyābravīdvyāso dharmaputraṃ yudhiṣṭhiram

Seeing him go suddenly in his desire to kill the charioteer's son, his resolve overcome by grief, as if burning in fire, Vyasa approached Yudhishthira, the son of Dharma, and spoke.

Note on the text: Corrected भूतपुत्र → सूतपुत्र (misprint in Wikisource; भ for स; the critical edition reads sūtaputra). The page prints the three lines as one verse (5-184-57a–c), as CE 7.158.53 prints them (53a, 53c, 53e).

Verse 58 (7.184.58)

कर्णमासाद्य सङ्ग्रामे दिष्ट्या जीवति फल्गुनः ॥

karṇamāsādya saṅgrāme diṣṭyā jīvati phalgunaḥ

By good fortune Phalguna is alive after meeting Karna in battle!

Note on the text: Line = CE 7.158.54a.

Verse 59 (7.184.59)

सव्यसाचिवधाकाङ्क्षी शक्तिं रक्षितवान्हि सः । न चागाद्द्वैरथं जिष्णुर्दिष्ट्या तेन महारणे ॥

savyasācivadhākāṅkṣī śaktiṃ rakṣitavānhi saḥ | na cāgāddvairathaṃ jiṣṇurdiṣṭyā tena mahāraṇe

Wishing to kill Savyasachin, he kept the spear safe; and by good fortune, because of that, Jishnu did not enter a duel of chariots in the great battle.

Note on the text: Line 1 = CE 7.158.54c; line 2 = CE 7.158.55a with a recension variant (तेन महारणे for CE taṃ bharatarṣabha).

Verse 60 (7.184.60)

सृजेतां स्पर्धिनावेतौ दिव्यान्यस्त्राणि सर्वशः । वध्यमानेषु चास्त्रेषु पीडितः सूतनन्दनः ॥

sṛjetāṃ spardhināvetau divyānyastrāṇi sarvaśaḥ | vadhyamāneṣu cāstreṣu pīḍitaḥ sūtanandanaḥ

These two rivals would loose divine weapons of every kind; and as the weapons were being struck down, the charioteer's son, hard pressed,

Note on the text: Lines 1–2 = CE 7.158.55c, 56a. Corrected वध्मानेषु → वध्यमानेषु (misprint in Wikisource; a dropped syllable; the critical edition reads vadhyamāneṣu).

Verse 61 (7.184.61)

वासवीं समरे शक्तिं ध्रुवं मुञ्चेद्युधिष्ठिर । ततो भवेत्ते व्यसनं घोरं भरतसत्तम ॥

vāsavīṃ samare śaktiṃ dhruvaṃ muñcedyudhiṣṭhira | tato bhavette vyasanaṃ ghoraṃ bharatasattama

would surely hurl Vasava's spear in the battle, Yudhishthira; and then a dreadful calamity would befall you, best of the Bharatas.

Note on the text: Lines 1–2 = CE 7.158.56c, 57a.

Verse 62 (7.184.62)

दिष्ट्या रक्षो हतं युद्धे सूतपुत्रेण मानद । वासवीं कारणं कृत्वा कालेनोपहतो ह्यसौ ॥

diṣṭyā rakṣo hataṃ yuddhe sūtaputreṇa mānada | vāsavīṃ kāraṇaṃ kṛtvā kālenopahato hyasau

By good fortune the rakshasa was killed in the battle by the charioteer's son, O giver of honour; making the spear the means, that one has been overtaken by Time.

Note on the text: Lines 1–2 = CE 7.158.57c, 58a. Recension variant उपहतः (CE: apahataḥ).

Verse 63 (7.184.63)

तवैव कारणाद्रक्षो निहतं तात संयुगे । मा क्रुधो भरतश्रेष्ठ मा च शोके मनः कृथाः ॥

tavaiva kāraṇādrakṣo nihataṃ tāta saṃyuge | mā krudho bharataśreṣṭha mā ca śoke manaḥ kṛthāḥ

It was for your sake alone that the rakshasa was killed in the battle, dear child. Do not be angry, best of the Bharatas, and do not set your mind on grief.

Note on the text: Lines 1–2 = CE 7.158.58c, 59a.

Verse 64 (7.184.64)

प्राणिनामिह सर्वेषामेषा निष्ठा युधिष्ठिर । भ्रातृभिः सहितः सर्वैः पार्थिवैश्च महात्मभिः ॥

prāṇināmiha sarveṣāmeṣā niṣṭhā yudhiṣṭhira | bhrātṛbhiḥ sahitaḥ sarvaiḥ pārthivaiśca mahātmabhiḥ

This is the end of all living beings here, Yudhishthira. Together with all your brothers and the great-souled kings,

Note on the text: Lines 1–2 = CE 7.158.59c, 60a.

Verse 65 (7.184.65)

कौरवान्समरे राजन्प्रतियुध्यस्व भारत । पञ्चमे दिवसे तात पृथिवी ते भविष्यति ॥

kauravānsamare rājanpratiyudhyasva bhārata | pañcame divase tāta pṛthivī te bhaviṣyati

fight the Kauravas in battle, O king, Bharata; on the fifth day the earth will be yours, dear one.

Note on the text: Lines 1–2 = CE 7.158.60c, 60e.

Verse 66 (7.184.66)

नित्यं च पुरुषव्याघ्र धर्ममेवानुचिन्तय । आनृशंस्यं तपो दानं क्षमां सत्यं च पाण्डव ॥

nityaṃ ca puruṣavyāghra dharmamevānucintaya | ānṛśaṃsyaṃ tapo dānaṃ kṣamāṃ satyaṃ ca pāṇḍava

And always, tiger among men, keep dharma alone in mind: non-cruelty, austerity, giving, forbearance and truth, Pandava —

Note on the text: Recension variant अनुचिन्तय in line 1 (CE: vicintaya).

Verse 67 (7.184.67)

सेवेथाः परमप्रीतो यतो धर्मस्ततो जयः । इत्युक्त्वा पाण्डवं व्यासस्तत्रैवान्तरधीयत ॥

sevethāḥ paramaprīto yato dharmastato jayaḥ | ityuktvā pāṇḍavaṃ vyāsastatraivāntaradhīyata

practise with deep joy; where there is dharma, there is victory.' Having said this to the Pandava, Vyasa vanished on the spot.

Note on the text: Line 1 is Vyasa's speech (heading व्यास उवाच on the page); line 2 is Sanjaya's narration.