Duryodhana and Satyaki; Yudhishthira Urges On the Panchalas

Verse 1 (7.190.1)

तस्मिंस्तथा वर्तमाने गजाश्वनरसंक्षये । दुःशासनो महाराज धृष्टद्युम्नमयोधयत् ॥

tasmiṃstathā vartamāne gajāśvanarasaṃkṣaye | duḥśāsano mahārāja dhṛṣṭadyumnamayodhayat

While that slaughter of elephants, horses and men was going on, O great king, Duhshasana fought Dhrishtadyumna.

Verse 2 (7.190.2)

स तु रुक्मरथासक्तो दुःशासनशरार्दितः । अमर्षात्तव पुत्रस्य शरैर्वाहानवाकिरत् ॥

sa tu rukmarathāsakto duḥśāsanaśarārditaḥ | amarṣāttava putrasya śarairvāhānavākirat

Dhrishtadyumna, seated firm on his golden chariot and tormented by Duhshasana's arrows, in anger covered your son's horses with arrows.

Verse 3 (7.190.3)

क्षणेन स रथस्तस्य सध्वजः सहसारथिः । नादृश्यत महाराज पार्षतस्य शरैश्चितः ॥

kṣaṇena sa rathastasya sadhvajaḥ sahasārathiḥ | nādṛśyata mahārāja pārṣatasya śaraiścitaḥ

In an instant that chariot, with its banner and charioteer, could not be seen, O great king, buried under the arrows of Prishata's son.

Verse 4 (7.190.4)

दुःशासनस्तु राजेन्द्र पाञ्चाल्यस्य महात्मनः । नाशकत्प्रमुखे स्थातुं शरजालप्रपीडितः ॥

duḥśāsanastu rājendra pāñcālyasya mahātmanaḥ | nāśakatpramukhe sthātuṃ śarajālaprapīḍitaḥ

Duhshasana, O king of kings, tormented by a net of arrows, could not stand before the great-souled Panchala.

Verse 5 (7.190.5)

स तु दुःशासनं बाणैर्विमुखीकृत्य पार्षतः । किरञ्छरसहस्राणि द्रोणमेवाभ्ययाद्रणे ॥

sa tu duḥśāsanaṃ bāṇairvimukhīkṛtya pārṣataḥ | kirañcharasahasrāṇi droṇamevābhyayādraṇe

Then Parshata, turning Duhshasana away with his arrows and scattering thousands of shafts, advanced on Drona in the battle.

Note on the text: Corrected किऱञ्छर → किरञ्छर (misprint in Wikisource; ऱ for र; CE 7.164.5c kirañ śara).

Verse 6 (7.190.6)

अभ्यपद्यत हार्दिक्यः कृतवर्मा त्वनन्तरम् । सोदर्याणां त्रयश्चैव त एनं पर्यवारयन् ॥

abhyapadyata hārdikyaḥ kṛtavarmā tvanantaram | sodaryāṇāṃ trayaścaiva ta enaṃ paryavārayan

Next Kritavarman, son of Hridika, came up, and three of the brothers with him; they surrounded him.

Verse 7 (7.190.7)

तं यमौ पृष्ठतोऽन्वैतां रक्षन्तौ पुरुषर्षभौ । द्रोणायाभिमुखं यान्तं दीप्यमानमिवानलम् ॥

taṃ yamau pṛṣṭhato'nvaitāṃ rakṣantau puruṣarṣabhau | droṇāyābhimukhaṃ yāntaṃ dīpyamānamivānalam

The twins, those two bulls among men, followed behind him as his guards, as he advanced toward Drona, blazing like a fire.

Verse 8 (7.190.8)

सम्प्रहारमकुर्वंस्ते सर्वे च सुमहारथाः । अमर्षिताः सत्त्ववन्तः कृत्वा मरणमग्रतः ॥

samprahāramakurvaṃste sarve ca sumahārathāḥ | amarṣitāḥ sattvavantaḥ kṛtvā maraṇamagrataḥ

All those great chariot-warriors joined in combat, stout-hearted and resentful, setting death before them.

Verse 9 (7.190.9)

शुद्धात्मानः शुद्धवृत्ता राजन्स्वर्गपुरस्कृताः । आर्यं युद्धमकुर्वन्त परस्परजिगीषवः ॥

śuddhātmānaḥ śuddhavṛttā rājansvargapuraskṛtāḥ | āryaṃ yuddhamakurvanta parasparajigīṣavaḥ

Pure in spirit and pure in conduct, O king, with heaven set before them, they fought a noble battle, each eager to defeat the other.

Verse 10 (7.190.10)

शुक्लाभिजनकर्माणो मतिमन्तो जनाधिप । धर्मयुद्धमयुध्यन्त प्रेप्सन्तो गतिमुत्तमाम् ॥

śuklābhijanakarmāṇo matimanto janādhipa | dharmayuddhamayudhyanta prepsanto gatimuttamām

Of spotless birth and deeds, and wise, O lord of the people, they fought a righteous war, seeking the highest goal.

Verse 11 (7.190.11)

न तत्रासीदधर्मिष्ठमशस्तं युद्धमेव च । नात्र कर्णी न नालीको न लिप्तो न च बस्तिकः ॥

na tatrāsīdadharmiṣṭhamaśastaṃ yuddhameva ca | nātra karṇī na nālīko na lipto na ca bastikaḥ

There was nothing unrighteous or unsanctioned in that fight: no barbed arrow, no tubular arrow, no poisoned one, and none with a loose bulb at the joint,

Verse 12 (7.190.12)

न सूची कपिशो नैव न गवास्थिर्गजास्थिजः । न चूली बलिशस्तत्र न यमी नापि पाचकः । इषुरासीन्न संश्लिष्टो न पूतिर्न च जिह्मगः ॥

na sūcī kapiśo naiva na gavāsthirgajāsthijaḥ | na cūlī baliśastatra na yamī nāpi pācakaḥ | iṣurāsīnna saṃśliṣṭo na pūtirna ca jihmagaḥ

no needle-arrow, no tawny one, none made of cow-bone or elephant-bone, none of the kinds called chuli, balisha, yami or pachaka; and no arrow was ill-joined, rotten or crooked in flight.

Note on the text: Line 1 = CE 7.164.12a; line 2 = CE star passage 7.164.12b*1296_01 (Wikisource reads पाचकः for CE pāvakaḥ, a recension variant); line 3 = CE 7.164.12c.

Verse 13 (7.190.13)

ऋजून्येव विशुद्धानि सर्वे शस्त्राण्यधारयन् । सुयुद्धेन पराँल्लोकानीप्सन्तः कीर्तिमेव च ॥

ṛjūnyeva viśuddhāni sarve śastrāṇyadhārayan | suyuddhena parām̐llokānīpsantaḥ kīrtimeva ca

All bore straight and clean weapons, seeking by fair fighting the worlds beyond and fame.

Verse 14 (7.190.14)

तदासीत्तुमुलं युद्धं सर्वदोषविवर्जितम् । चतुर्णां तव योधानां तैस्त्रिभिः पाण्डवैः सह ॥

tadāsīttumulaṃ yuddhaṃ sarvadoṣavivarjitam | caturṇāṃ tava yodhānāṃ taistribhiḥ pāṇḍavaiḥ saha

That was a tumultuous battle, free of every fault, between four of your warriors and those three Pandavas.

Verse 15 (7.190.15)

धृष्टद्युम्नस्तु तान्दृष्ट्वा तव राजन्रथर्षभान् । यमाभ्यां वारितान्वीराञ्छीघ्रास्त्रो द्रोणमभ्ययात् ॥

dhṛṣṭadyumnastu tāndṛṣṭvā tava rājanratharṣabhān | yamābhyāṃ vāritānvīrāñchīghrāstro droṇamabhyayāt

Dhrishtadyumna, swift with weapons, seeing those heroes of yours, bulls among chariot-fighters, held back by the twins, went toward Drona.

Verse 16 (7.190.16)

निवारितास्तु ते वीरास्तयोः पुरुषसिंहयोः । समसज्जन्त चत्वारो वाताः पर्वतयोरिव ॥

nivāritāstu te vīrāstayoḥ puruṣasiṃhayoḥ | samasajjanta catvāro vātāḥ parvatayoriva

Held back by those two lions among men, the four heroes clashed with them like four winds against two mountains.

Verse 17 (7.190.17)

द्वाभ्यां द्वाभ्यां यमौ सार्धं रथाभ्यां रथपुङ्गवौ । समासक्तौ ततो द्रोणं धृष्टद्युम्नोऽभ्यवर्तत ॥

dvābhyāṃ dvābhyāṃ yamau sārdhaṃ rathābhyāṃ rathapuṅgavau | samāsaktau tato droṇaṃ dhṛṣṭadyumno'bhyavartata

The twins, two foremost chariot-fighters, were each locked in combat with two chariots at once, and Dhrishtadyumna turned upon Drona.

Verse 18 (7.190.18)

दृष्ट्वा द्रोणाय पाञ्चाल्यं व्रजन्तं युद्धदुर्मदम् । यमाभ्यां तांश्च संसक्तांस्तदन्तरमुपाद्रवत् ॥

dṛṣṭvā droṇāya pāñcālyaṃ vrajantaṃ yuddhadurmadam | yamābhyāṃ tāṃśca saṃsaktāṃstadantaramupādravat

Seeing the Panchala, reckless in battle, going toward Drona, and those warriors engaged with the twins, he rushed into the gap between them.

Verse 19 (7.190.19)

दुर्योधनो महाराज किरञ्छोणितभोजनान् । तं सात्यकिः शीघ्रतरं पुनरेवाभ्यवर्तत ॥

duryodhano mahārāja kirañchoṇitabhojanān | taṃ sātyakiḥ śīghrataraṃ punarevābhyavartata

It was Duryodhana, O great king, scattering blood-drinking arrows; but Satyaki quickly turned on him again.

Verse 20 (7.190.20)

तौ परस्परमासाद्य समीपे कुरुमाधवौ । हसमानौ नृशार्दूलावभीतौ समसज्जताम् ॥

tau parasparamāsādya samīpe kurumādhavau | hasamānau nṛśārdūlāvabhītau samasajjatām

Meeting face to face, those two, the Kuru and the Madhava, tigers among men, fearless, closed with each other, laughing.

Verse 21 (7.190.21)

बाल्यवृत्तानि सर्वाणि प्रीयमाणौ विचिन्त्य तौ । अन्योन्यं प्रेक्षमाणौ च स्मयमानौ पुनःपुनः ॥

bālyavṛttāni sarvāṇi prīyamāṇau vicintya tau | anyonyaṃ prekṣamāṇau ca smayamānau punaḥpunaḥ

Remembering all the deeds of their boyhood, each pleased, looking at the other, smiling again and again.

Verse 22 (7.190.22)

अथ दुर्योधनो राजा सात्यकिं समभाषत । प्रियं सखायं सततं गर्हयन्वृत्तमात्मनः ॥

atha duryodhano rājā sātyakiṃ samabhāṣata | priyaṃ sakhāyaṃ satataṃ garhayanvṛttamātmanaḥ

Then King Duryodhana spoke to Satyaki, his dear friend, reproaching his own way of life.

Verse 23 (7.190.23)

धिक् क्रोधं धिक्सखे लोभं धिङ्मोहं धिगमर्षितम् । धिगस्तु क्षात्रमाचारं धिगस्तु बलमौरसम् ॥

dhik krodhaṃ dhiksakhe lobhaṃ dhiṅmohaṃ dhigamarṣitam | dhigastu kṣātramācāraṃ dhigastu balamaurasam

"Shame on anger, my friend, shame on greed; shame on delusion, shame on resentment; shame on the warrior's code, shame on strength that is born in the body.

Note on the text: Unheaded speech of Duryodhana (verses 23–25); Sanjaya's narration resumes in verse 26.

Verse 24 (7.190.24)

यत्र मामभिसन्धत्से त्वां चाहं शिनिपुङ्गव । त्वं हि प्राणैः प्रियतरो ममाहं च सदा तव ॥

yatra māmabhisandhatse tvāṃ cāhaṃ śinipuṅgava | tvaṃ hi prāṇaiḥ priyataro mamāhaṃ ca sadā tava

That you should aim at me, O bull of the Shinis, and I at you! You are dearer to me than my life, and I am ever so to you.

Note on the text: Speech of Duryodhana.

Verse 25 (7.190.25)

स्मरामि तानि सर्वाणि बाल्यवृत्तानि यानि नौ । तानि सर्वाणि जीर्णानि साम्प्रतं नो रणाजिरे । किमन्यत्क्रोधलोभाभ्यां युद्धमेवाद्य सात्वत ॥

smarāmi tāni sarvāṇi bālyavṛttāni yāni nau | tāni sarvāṇi jīrṇāni sāmprataṃ no raṇājire | kimanyatkrodhalobhābhyāṃ yuddhamevādya sātvata

I remember all those things of our boyhood that were ours; all of them are now worn out for us on this field of battle. What is there now but anger and greed? Today there is only fighting, descendant of Satvata."

Note on the text: Speech of Duryodhana. Three lines = CE 7.164.25a, 25c, 25e.

Verse 26 (7.190.26)

तं तथावादिनं तत्र सात्यकिः प्रत्यभाषत । प्रहसन्विशिखांस्तीक्ष्णानुद्यम्य परमास्त्रवित् ॥

taṃ tathāvādinaṃ tatra sātyakiḥ pratyabhāṣata | prahasanviśikhāṃstīkṣṇānudyamya paramāstravit

To him who spoke thus, Satyaki, knower of the supreme weapons, replied, smiling and raising sharp arrows.

Verse 27 (7.190.27)

नेयं सभा राजपुत्र नाचार्यस्य निवेशनम् । यत्र क्रीडितमस्माभिस्तदा राजन्समागतैः ॥

neyaṃ sabhā rājaputra nācāryasya niveśanam | yatra krīḍitamasmābhistadā rājansamāgataiḥ

"This is not that assembly hall, prince, nor the house of our teacher, where we played together, O king, when we gathered there."

Note on the text: Unheaded reply of Satyaki to Duryodhana.

Verse 28 (7.190.28)

क्व सा क्रीडा गताऽस्माकं बाल्ये वै शिनिपुङ्गव । क्व च युद्धमिदं भूयः कालो हि दुरतिक्रमः ॥

kva sā krīḍā gatā'smākaṃ bālye vai śinipuṅgava | kva ca yuddhamidaṃ bhūyaḥ kālo hi duratikramaḥ

"Where has that play of ours gone, from our boyhood, O bull of the Shinis? And where did this war come from again? Time is hard to overcome.

Note on the text: Speech of Duryodhana, as the page's heading (दुर्योधन उवाच) gives it.

Verse 29 (7.190.29)

किन्तु नो विद्यते कृत्यं धनेन धनलिप्सया । यत्र युध्यामहे सर्वे धनलोभात्समागताः ॥

kintu no vidyate kṛtyaṃ dhanena dhanalipsayā | yatra yudhyāmahe sarve dhanalobhātsamāgatāḥ

What have we to do with wealth, out of a hunger for wealth, in this battle where we all fight, gathered here from greed for wealth?"

Note on the text: Speech of Duryodhana.

Verse 30 (7.190.30)

तं तथावादिनं तत्र राजानं माधवोऽब्रवीत् । एवं वृत्तं सदा क्षात्रं युध्यन्तीह गुरूनपि ॥

taṃ tathāvādinaṃ tatra rājānaṃ mādhavo'bravīt | evaṃ vṛttaṃ sadā kṣātraṃ yudhyantīha gurūnapi

To the king who spoke thus, Madhava replied: "This is how the warrior's way has always been: here men fight even their elders.

Note on the text: Removed the line सञ्जय उवाय । (a speaker heading, a misprint for उवाच, that slipped into the verse text); the verse's speaker is Sanjaya. Line 1 is Sanjaya's narration; Satyaki's speech begins with line 2 and runs through verse 32. Recension variant युध्यन्तीह (CE: yad dhantīha).

Verse 31 (7.190.31)

यदि तेऽहं प्रियो राजञ्जहि मां मा चिरं कृथाः । त्वत्कृते सुकृतांल्लोकान्गच्छेयं भरतर्षभ ॥

yadi te'haṃ priyo rājañjahi māṃ mā ciraṃ kṛthāḥ | tvatkṛte sukṛtāṃllokāngaccheyaṃ bharatarṣabha

If I am dear to you, O king, kill me; do not delay. Through you may I go to the worlds of the righteous, O best of the Bharatas.

Note on the text: Speech of Satyaki (Madhava).

Verse 32 (7.190.32)

या ते शक्तिर्बलं यच्च तत्क्षिप्रं मयि दर्शय । नेच्छामि तदहं द्रष्टुं मित्राणां व्यसनं महत् ॥

yā te śaktirbalaṃ yacca tatkṣipraṃ mayi darśaya | necchāmi tadahaṃ draṣṭuṃ mitrāṇāṃ vyasanaṃ mahat

Show me swiftly whatever power and strength you have; I do not wish to see this great calamity of friends."

Note on the text: Speech of Satyaki (Madhava).

Verse 33 (7.190.33)

इत्येवं व्यक्तमाभाष्य प्रतिभाष्य च सात्यकिः । अभ्ययात्तूर्णमव्यग्रो दयां नाकुरुतात्मनि ॥

ityevaṃ vyaktamābhāṣya pratibhāṣya ca sātyakiḥ | abhyayāttūrṇamavyagro dayāṃ nākurutātmani

Having spoken so plainly and answered him, Satyaki advanced swiftly and steadily, showing no pity in his heart.

Verse 34 (7.190.34)

तमायान्तं महाबाहुं प्रत्यगृह्णात्तवात्मजः । शरैश्चावाकिरद्राजञ्शैनेयं तनयस्तव ॥

tamāyāntaṃ mahābāhuṃ pratyagṛhṇāttavātmajaḥ | śaraiścāvākiradrājañśaineyaṃ tanayastava

Your son received him as the mighty-armed one came on, and covered the Shini's descendant with arrows, O king.

Verse 35 (7.190.35)

ततः प्रववृते युद्धं कुरुमाधवसिंहयोः । अन्योन्यं क्रुद्धयोर्घोरं यथा द्विरदसिंहयोः ॥

tataḥ pravavṛte yuddhaṃ kurumādhavasiṃhayoḥ | anyonyaṃ kruddhayorghoraṃ yathā dviradasiṃhayoḥ

Then a battle began between those two lions, the Kuru and the Madhava, furious with each other, terrible as that of an elephant and a lion.

Verse 36 (7.190.36)

ततः पूर्णायतोत्सृष्टैः सात्वतं युद्धदुर्मदम् । दुर्योधनः प्रत्यविध्यत्कुपितो दशभिः शरैः ॥

tataḥ pūrṇāyatotsṛṣṭaiḥ sātvataṃ yuddhadurmadam | duryodhanaḥ pratyavidhyatkupito daśabhiḥ śaraiḥ

Then with arrows loosed from a fully drawn bow, Duryodhana, enraged, pierced the Satvata, reckless in battle, with ten arrows.

Verse 37 (7.190.37)

तं सात्यकिः प्रत्यविध्यत्तथैवावाकिरच्छरैः । पञ्चाशता पुनश्चाजौ त्रिंशता दशभिश्च ह ॥

taṃ sātyakiḥ pratyavidhyattathaivāvākiraccharaiḥ | pañcāśatā punaścājau triṃśatā daśabhiśca ha

Satyaki pierced him in return and likewise covered him with arrows, again with fifty in the fight, then with thirty, and with ten.

Verse 38 (7.190.38)

सात्यकिं तु रणे राजन्प्रहसंस्तनयस्तव । आकर्णपूर्णैर्निशितैर्विव्याध त्रिंशता शरैः ॥

sātyakiṃ tu raṇe rājanprahasaṃstanayastava | ākarṇapūrṇairniśitairvivyādha triṃśatā śaraiḥ

And laughing, your son in the battle pierced Satyaki, O king, with thirty sharp arrows drawn to the ear.

Note on the text: Not in the critical edition's main text; its two lines appear there as star passage 7.164.37d*1299_01–02 (Wikisource reads आकर्णपूर्णैर्निशितैः for CE ākarṇamuktair niśitaiḥ). Verses 38–42 of this adhyaya correspond to the star run 7.164.37d*1299_01–09 (vulgate-only).

Verse 39 (7.190.39)

ततोऽस्य सशरं चापं क्षुरप्रेण द्विधाऽच्छिनत् ॥

tato'sya saśaraṃ cāpaṃ kṣurapreṇa dvidhā'cchinat

Then with a razor-headed arrow he split Satyaki's bow, with its arrow, in two.

Note on the text: Not in the critical edition's main text; the single line is star passage 7.164.37d*1299_03 (Wikisource reads द्विधाऽच्छिनत् for CE dvidhākarot).

Verse 40 (7.190.40)

सोऽन्यत्कार्मुकमादाय लघुहस्तस्ततो दृढम् । सात्यकिर्व्यसृजच्चापि शरश्रेणीं सुतस्य ते ॥

so'nyatkārmukamādāya laghuhastastato dṛḍham | sātyakirvyasṛjaccāpi śaraśreṇīṃ sutasya te

Taking another bow, Satyaki, swift of hand, then firmly loosed a line of arrows at your son.

Note on the text: Not in the critical edition's main text; the two lines are star passage 7.164.37d*1299_04–05.

Verse 41 (7.190.41)

तामापतन्तीं सहसा शरश्रेणीं जिघांसया । चिच्छेद बहुधा राजा तत उच्चुक्रुशुर्जनाः ॥

tāmāpatantīṃ sahasā śaraśreṇīṃ jighāṃsayā | ciccheda bahudhā rājā tata uccukruśurjanāḥ

As that line of arrows came swiftly on, the king, wishing to destroy it, cut it into many pieces, and the people shouted aloud.

Note on the text: Not in the critical edition's main text; the two lines are star passage 7.164.37d*1299_06–07.

Verse 42 (7.190.42)

सात्यकिं च त्रिसप्तत्या पीडयामास वेगितः । स्वर्णपुङ्खैः शिलाधौतैराकर्णापूर्णनिःसृतैः ॥

sātyakiṃ ca trisaptatyā pīḍayāmāsa vegitaḥ | svarṇapuṅkhaiḥ śilādhautairākarṇāpūrṇaniḥsṛtaiḥ

Then in haste he struck Satyaki with seventy-three arrows, gold-feathered, whetted on stone and shot from a bow drawn to the ear.

Note on the text: Not in the critical edition's main text; the two lines are star passage 7.164.37d*1299_08–09.

Verse 43 (7.190.43)

तस्य सन्दधतश्चेषु संहितेषु च कार्मुकम् । आच्छिनत्सात्यकिस्तूर्णं शरैश्चैवाप्यवीविधत् ॥

tasya sandadhataśceṣu saṃhiteṣu ca kārmukam | ācchinatsātyakistūrṇaṃ śaraiścaivāpyavīvidhat

As he was fitting his arrows, Satyaki swiftly cut through his bow with its arrows set, and pierced him with shafts.

Verse 44 (7.190.44)

स गाढविद्धो व्यथितः प्रत्यपायाद्रथान्तरे । दुर्योधनो महाराज दाशार्हशरपीडितः ॥

sa gāḍhaviddho vyathitaḥ pratyapāyādrathāntare | duryodhano mahārāja dāśārhaśarapīḍitaḥ

Deeply wounded and shaken, Duryodhana, O great king, tormented by the arrows of the Dasharha, withdrew to another chariot.

Verse 45 (7.190.45)

समाश्वस्य तु पुत्रस्ते सात्यकिं पुनरभ्ययात् । विसृजन्निषुजालानि युयुधानरथं प्रति ॥

samāśvasya tu putraste sātyakiṃ punarabhyayāt | visṛjanniṣujālāni yuyudhānarathaṃ prati

Having recovered, your son came at Satyaki again, discharging showers of arrows at Yuyudhana's chariot.

Verse 46 (7.190.46)

तथैव सात्यकिर्बाणान्दुर्योधनरथं प्रति । सततं विसृजन्राजंस्तत्सङ्कुलमवर्तत ॥

tathaiva sātyakirbāṇānduryodhanarathaṃ prati | satataṃ visṛjanrājaṃstatsaṅkulamavartata

In the same way Satyaki kept sending arrows at Duryodhana's chariot, O king, and the clash became tumultuous.

Verse 47 (7.190.47)

तत्रेषुभिः क्षिप्यमाणैः पतद्भिश्च शरीरिषु । अग्नेरिव महाकक्षैः शब्दः समभवन्महान् ॥

tatreṣubhiḥ kṣipyamāṇaiḥ patadbhiśca śarīriṣu | agneriva mahākakṣaiḥ śabdaḥ samabhavanmahān

From the arrows being shot and falling upon bodies there, a great noise arose, like the roar of a fire in great thickets.

Verse 48 (7.190.48)

तयोः शरसहस्रैश्च सञ्छन्नं वसुधातलम् । अगम्यरूपं च शरैराकाशं समपद्यत ॥

tayoḥ śarasahasraiśca sañchannaṃ vasudhātalam | agamyarūpaṃ ca śarairākāśaṃ samapadyata

The surface of the earth was covered with the thousands of arrows of the two, and the sky became impassable with shafts.

Note on the text: Not in the critical edition's main text; the two lines are star passage 7.164.42d*1300_01–02.

Verse 49 (7.190.49)

तत्राप्यधिकमालक्ष्य माधवं रथसत्तमम् । क्षिप्रमभ्यपतत्कर्णः परीप्संस्तनयं तव ॥

tatrāpyadhikamālakṣya mādhavaṃ rathasattamam | kṣipramabhyapatatkarṇaḥ parīpsaṃstanayaṃ tava

Seeing the Madhava, best of charioteers, gaining the upper hand there, Karna swiftly rushed in, wishing to protect your son.

Verse 50 (7.190.50)

न तु तं मर्षयामास भीमसेनो महाबलः । सोऽभ्ययात्त्वरितः कर्णं विसृजन्सायकान्बहून् ॥

na tu taṃ marṣayāmāsa bhīmaseno mahābalaḥ | so'bhyayāttvaritaḥ karṇaṃ visṛjansāyakānbahūn

But mighty Bhimasena could not bear that; he hurried at Karna, discharging many arrows.

Verse 51 (7.190.51)

तस्य कर्णः शितान्बाणान्प्रतिहन्य हसन्निव । धनुः शरांश्च चिच्छेद सूतं चाभ्यहनच्छरैः ॥

tasya karṇaḥ śitānbāṇānpratihanya hasanniva | dhanuḥ śarāṃśca ciccheda sūtaṃ cābhyahanaccharaiḥ

Karna, as if laughing, turned aside his sharp arrows, cut his bow and shafts, and struck his charioteer with arrows.

Verse 52 (7.190.52)

भीमसेनस्तु सङ्क्रुद्धो गदामादाय पाण्डवः । ध्वजं धनुश्च सूतं च सम्ममर्दाहवे रिपोः ॥

bhīmasenastu saṅkruddho gadāmādāya pāṇḍavaḥ | dhvajaṃ dhanuśca sūtaṃ ca sammamardāhave ripoḥ

Bhimasena, the Pandava, enraged, took up his mace and crushed in the battle his enemy's banner, bow and charioteer.

Verse 53 (7.190.53)

रथचक्रं च कर्णस्य बभञ्ज स महाबलः । भग्नचक्रे रथेऽतिष्ठदकम्पः शैलराडिव ॥

rathacakraṃ ca karṇasya babhañja sa mahābalaḥ | bhagnacakre rathe'tiṣṭhadakampaḥ śailarāḍiva

That mighty one also broke Karna's chariot wheel; and with its wheel broken, the chariot stood, Karna on it unshaken, like the king of mountains.

Note on the text: Corrected भग्नयक्रे → भग्नचक्रे (misprint in Wikisource; य for च; CE star passage 7.164.46d*1301_02 bhagnacakre). Not in the critical edition's main text; the two lines are star passage 7.164.46d*1301_01–02.

Verse 54 (7.190.54)

एकचक्रं रथं तस्य तमूहुः सुचिरं हयाः । एकचक्रमिवार्कस्य रथं सप्त हया यथा ॥

ekacakraṃ rathaṃ tasya tamūhuḥ suciraṃ hayāḥ | ekacakramivārkasya rathaṃ sapta hayā yathā

The horses drew his one-wheeled chariot for a long time, as the seven horses draw the one-wheeled chariot of the sun.

Note on the text: Not in the critical edition's main text; the two lines are star passage 7.164.46d*1301_03–04 (line 2 ends सप्त हया यथा; CE: saptarṣayo 'malāḥ).

Verse 55 (7.190.55)

अमृष्यमाणः कर्णस्तु भीमसेनमयुध्यत । विविधैरिषुजालैश्च नानाशस्त्रैश्च संयुगे ॥

amṛṣyamāṇaḥ karṇastu bhīmasenamayudhyata | vividhairiṣujālaiśca nānāśastraiśca saṃyuge

Unable to bear it, Karna fought Bhimasena with many kinds of showers of arrows and with various weapons in the battle.

Verse 56 (7.190.56)

भीमसेनस्तु सङ्क्रुद्धः सूतपुत्रमयोधयत् । तस्मिंस्तथा वर्तमाने क्रुद्धो धर्मसुतोऽब्रवीत् । पाञ्चालानां नरव्याघ्रान्मात्स्यांश्च पुरुषर्षभान् ॥

bhīmasenastu saṅkruddhaḥ sūtaputramayodhayat | tasmiṃstathā vartamāne kruddho dharmasuto'bravīt | pāñcālānāṃ naravyāghrānmātsyāṃśca puruṣarṣabhān

Bhimasena, enraged, fought the charioteer's son. While this was going on, the king, the son of Dharma, angrily spoke to the Panchalas, those tigers among men, and to the Matsyas, those bulls among men:

Note on the text: Line 1 = CE star passage 7.164.47d*1302_01; lines 2–3 = CE 7.164.48a, 48c (Wikisource reads तस्मिंस्तथा वर्तमाने for CE saṃkule vartamāne tu, a recension variant). Yudhishthira's speech, introduced here, fills verses 57–59.

Verse 57 (7.190.57)

ये नः प्राणाः शिरो ये च ये नो योधा महारथाः । त एते धार्तराष्ट्रेषु विषक्ताः पुरुषर्षभाः ॥

ye naḥ prāṇāḥ śiro ye ca ye no yodhā mahārathāḥ | ta ete dhārtarāṣṭreṣu viṣaktāḥ puruṣarṣabhāḥ

"Those who are our life-breath and our head, and those who are our warriors, great chariot-fighters, all of them are locked in combat with the Dhartarashtras, O bulls among men.

Note on the text: Speech of Yudhishthira (verses 57–59 of this adhyaya). The page prints this verse twice, as rows 57 and 58, identical except that row 57 ends पुरुषर्षभान् (a misprint) and row 58 पुरुषर्षभाः (CE 7.164.49c puruṣarṣabhāḥ); row 58 is kept and the repeated row 57 dropped as a duplicate. Recension variants शिरो ये च ... महारथाः (CE: śiro ye no ... mahābalāḥ).

Verse 58 (7.190.58)

किं तिष्ठत यथा मूढाः सर्वे विगतचेतसः । तत्र गच्छत यत्रैते युध्यन्ते मामका रथाः ॥

kiṃ tiṣṭhata yathā mūḍhāḥ sarve vigatacetasaḥ | tatra gacchata yatraite yudhyante māmakā rathāḥ

Why do you stand like fools, all of you out of your senses? Go where those chariot-fighters of mine are fighting.

Note on the text: Speech of Yudhishthira.

Verse 59 (7.190.59)

क्षत्रधर्मं पुरस्कृत्य सर्व एव गतज्वराः । जयन्तो वध्यमानाश्च गतिमिष्टां गमिष्यथ ॥

kṣatradharmaṃ puraskṛtya sarva eva gatajvarāḥ | jayanto vadhyamānāśca gatimiṣṭāṃ gamiṣyatha

Setting the warrior's duty before you, all of you free of anxiety, you will reach your desired goal, whether winning or slain."

Note on the text: Speech of Yudhishthira. CE 7.164.52 (jitvā ca bahubhir yajñair yakṣyadhvaṃ bhūridakṣiṇaiḥ / hatā vā devasād bhūtvā lokān prāpsyatha puṣkalān) is not in Wikisource.

Verse 60 (7.190.60)

ते राज्ञा चोदिता वीरा योत्स्यमाना महारथाः । चतुर्धा वाहिनीं कृत्वा त्वरिता द्रोणमभ्ययुः ॥

te rājñā coditā vīrā yotsyamānā mahārathāḥ | caturdhā vāhinīṃ kṛtvā tvaritā droṇamabhyayuḥ

Urged on by the king, those heroes, great chariot-warriors resolved to fight, formed their force in four divisions and hurried to Drona.

Verse 61 (7.190.61)

पाञ्चालास्त्वेकतो द्रोणमभ्यघ्नन्निशितैः शरैः । भीमसेनपुरोगाश्चाप्येकतः पर्यवारयन् ॥

pāñcālāstvekato droṇamabhyaghnanniśitaiḥ śaraiḥ | bhīmasenapurogāścāpyekataḥ paryavārayan

The Panchalas on one side struck Drona with sharp arrows, and those led by Bhimasena on another side surrounded him.

Verse 62 (7.190.62)

आसंस्तु पाण्डुपुत्राणां त्रयोऽजिह्मा महारथाः । यमौ च भीमसेनश्च प्राक्रोशंस्ते धनञ्जयम् ॥

āsaṃstu pāṇḍuputrāṇāṃ trayo'jihmā mahārathāḥ | yamau ca bhīmasenaśca prākrośaṃste dhanañjayam

Among the sons of Pandu there were three upright great chariot-warriors, the twins and Bhimasena, and they cried out to Dhananjaya:

Note on the text: Corrected त्रयो जिह्मा → त्रयोऽजिह्मा (missing avagraha in Wikisource, which as printed would mean 'three crooked ones'; CE 7.164.55a trayo 'jihmāḥ). The sentence runs on into verse 64.

Verse 63 (7.190.63)

अभिद्रवार्जुन क्षिप्रं कुरून्द्रोणादपानुद । तत एनं हनिष्यन्ति पाञ्चाला हतरक्षिणम् ॥

abhidravārjuna kṣipraṃ kurūndroṇādapānuda | tata enaṃ haniṣyanti pāñcālā hatarakṣiṇam

"Charge, Arjuna, quickly! Draw the Kurus away from Drona! Then the Panchalas will kill him, his guard gone."

Note on the text: Unheaded speech of Bhimasena and the twins to Arjuna.

Verse 64 (7.190.64)

कौरवेयांस्ततः पार्थः सहसा समुपाद्रवत् । पाञ्चालानेव तु द्रोणो धृष्टद्युम्नपुरोगमान् । ममर्दुस्तरसा वीराः पञ्चमेऽहनि भारत ॥

kauraveyāṃstataḥ pārthaḥ sahasā samupādravat | pāñcālāneva tu droṇo dhṛṣṭadyumnapurogamān | mamardustarasā vīrāḥ pañcame'hani bhārata

Partha then rushed suddenly upon the Kauravas, while Drona, with the other heroes, crushed with force the Panchalas led by Dhrishtadyumna, on the fifth day, O Bharata.

Note on the text: Corrected ससा → सहसा (misprint in Wikisource; a dropped ह; CE 7.164.57a sahasā). Lines 1–2 = CE 7.164.57a, 57c; line 3 = CE star passage 7.164.57d*1303_01 (Wikisource reads ममर्दुस्तरसा वीराः for CE sasṛjus tarasā vīrān, a recension variant). 'The fifth day' is the fifth day of Drona's command.