Krishna's Night Orders to Daruka

Verse 1 (7.79.1)

ततोऽर्जुनस्य भवनं प्रविश्याप्रतिमं विभुः । स्पृष्ट्वाम्भः पुण्डरीकाक्षः स्थण्डिले शुभलक्षणे । सन्तस्तार शुभां शय्यां दर्भैर्वैदूर्यसन्निभैः ॥

tato'rjunasya bhavanaṃ praviśyāpratimaṃ vibhuḥ | spṛṣṭvāmbhaḥ puṇḍarīkākṣaḥ sthaṇḍile śubhalakṣaṇe | santastāra śubhāṃ śayyāṃ darbhairvaidūryasannibhaiḥ

Then the all-pervading, lotus-eyed Krishna entered Arjuna's incomparable dwelling and touched water. On a spot of ground marked with auspicious signs, he spread a lovely bed of darbha grass, bright as lapis lazuli.

Verse 2 (7.79.2)

ततो माल्येन विधिवल्लाजैर्गन्धैः सुमङ्गलैः । अलञ्चकार तां शय्यां परिवार्यायुधोत्तमैः ॥

tato mālyena vidhivallājairgandhaiḥ sumaṅgalaiḥ | alañcakāra tāṃ śayyāṃ parivāryāyudhottamaiḥ

Then, as the rite required, he adorned that bed with garlands, parched grain, and fragrant, highly auspicious perfumes, and ringed it round with the finest weapons.

Verse 3 (7.79.3)

ततः स्पृष्टोदकं पार्थं विनीतपरिचारकम् । नैत्यकं दर्शयाञ्चक्रे नैशं त्रैयम्बकं बलिम् ॥

tataḥ spṛṣṭodakaṃ pārthaṃ vinītaparicārakam | naityakaṃ darśayāñcakre naiśaṃ traiyambakaṃ balim

Then, when Partha had touched water and his attendants stood in respectful order, Krishna showed him the customary night offering to Tryambaka.

Verse 4 (7.79.4)

ततः प्रीतमनाः पार्थो गन्धमाल्यैश्च माधवम् । अलङ्कृत्योपहारं तं नैशं तस्मै न्यवेदयत् ॥

tataḥ prītamanāḥ pārtho gandhamālyaiśca mādhavam | alaṅkṛtyopahāraṃ taṃ naiśaṃ tasmai nyavedayat

Then Partha, glad at heart, adorned Madhava with perfumes and garlands and presented that night offering to him.

Verse 5 (7.79.5)

साधुसाध्विति गोविन्दः फल्गुनं प्रत्यभाषत ॥

sādhusādhviti govindaḥ phalgunaṃ pratyabhāṣata

"Well done, well done," Govinda said to Phalguna.

Note on the text: Vulgate wording of CE 7.56.5a (smayamānas tu govindaḥ phalgunaṃ pratyabhāṣata); the second half is shared.

Verse 6 (7.79.6)

सुप्यतां पार्थ भद्रं ते कल्याणाय व्रजाम्यहम् । स्थापयित्वा ततो द्वास्थान्गोप्तॄंश्चात्तायुधान्नरान् ॥

supyatāṃ pārtha bhadraṃ te kalyāṇāya vrajāmyaham | sthāpayitvā tato dvāsthāngoptṝṃścāttāyudhānnarān

"Sleep now, Partha; may all be well with you. I go for your good." And having posted doorkeepers and armed men as guards,

Note on the text: Line 1 = CE 7.56.5cd; line 2 = CE 7.56.6a. The first half is Krishna's own words inside Sanjaya's narration; the verse is kept under Sanjaya.

Verse 7 (7.79.7)

दारुकानुगतः श्रीमान्विवेश शिबिरं स्वकम् । शिश्ये च शयने शुभ्रे बहुकृत्य विचिन्तयन् ॥

dārukānugataḥ śrīmānviveśa śibiraṃ svakam | śiśye ca śayane śubhre bahukṛtya vicintayan

the glorious Krishna, followed by Daruka, entered his own tent and lay down on his bright bed, pondering the many tasks before him.

Note on the text: Lines = CE 7.56.6cd and 6e.

Verse 8 (7.79.8)

पार्थाय सर्वं भगवाञ्शोकदुःखापहं विधिम् । व्यदधात्पुण्डरीकाक्षस्तेजोद्युतिविवर्धनम् ॥

pārthāya sarvaṃ bhagavāñśokaduḥkhāpahaṃ vidhim | vyadadhātpuṇḍarīkākṣastejodyutivivardhanam

The Blessed Lord, the lotus-eyed, arranged for Partha every rite that removes grief and sorrow and increases vigour and radiance,

Note on the text: Not in the CE main text; found there only as star passage *0403_01-02 (after 7.56.6), so ce_ref is null.

Verse 9 (7.79.9)

योगमास्थाय युक्तात्मा सर्वेषामीश्वरेश्वरः । श्रेयस्कामः पृथुयशा विष्णुर्जिष्णुप्रियङ्करः ॥

yogamāsthāya yuktātmā sarveṣāmīśvareśvaraḥ | śreyaskāmaḥ pṛthuyaśā viṣṇurjiṣṇupriyaṅkaraḥ

resorting to yoga with a collected mind: he who is the lord of the lords of all, Vishnu of wide fame, who seeks the welfare of all and does what is dear to Jishnu.

Note on the text: Not in the CE main text; star passage *0403_03-04 (after 7.56.6), so ce_ref is null.

Verse 10 (7.79.10)

न पाण्डवानां शिबिरे कश्चित्सुष्वाप तां निशाम् । प्रजागरः सर्वजनं ह्याविवेश विशाम्पते ॥

na pāṇḍavānāṃ śibire kaścitsuṣvāpa tāṃ niśām | prajāgaraḥ sarvajanaṃ hyāviveśa viśāmpate

No one in the Pandavas' camp slept that night, O lord of men; wakefulness took hold of everyone.

Verse 11 (7.79.11)

पुत्रशोकाभितप्तेन प्रतिज्ञातो महात्मना । श्वः सिन्धुराजस्य वधः कार्यो गाण्डीवधन्वना ॥

putraśokābhitaptena pratijñāto mahātmanā | śvaḥ sindhurājasya vadhaḥ kāryo gāṇḍīvadhanvanā

The great-souled wielder of the Gandiva, burning with grief for his son, had vowed that Sindhu's king should be slain on the morrow.

Verse 12 (7.79.12)

तत्कथं नु महाबाहुर्वासविः परवीरहा । प्रतिज्ञां सफलां कुर्यादिति ते समचिन्तयन् ॥

tatkathaṃ nu mahābāhurvāsaviḥ paravīrahā | pratijñāṃ saphalāṃ kuryāditi te samacintayan

"How, then, will the mighty-armed son of Vasava, the slayer of enemy heroes, make that vow come true?" So they brooded.

Verse 13 (7.79.13)

कष्टं हीदं व्यवसितं पाण्डवेन महात्मना । पुत्रशोकाभिभूतेन प्रतिज्ञा महती कृता ॥

kaṣṭaṃ hīdaṃ vyavasitaṃ pāṇḍavena mahātmanā | putraśokābhibhūtena pratijñā mahatī kṛtā

"Hard indeed is the course the great-souled Pandava has chosen; overcome by grief for his son, he has made a mighty vow.

Verse 14 (7.79.14)

भ्रातरश्चापि विक्रान्ता बहुलानि बलानि च । धृतराष्ट्रस्य पुत्रेण सर्वतः सन्निवेशिताः ॥

bhrātaraścāpi vikrāntā bahulāni balāni ca | dhṛtarāṣṭrasya putreṇa sarvataḥ sanniveśitāḥ

And Dhritarashtra's son has posted his valiant brothers and his many armies on every side.

Verse 15 (7.79.15)

स हत्वा सैन्धवं सङ्ख्ये पुनरेतु जयी सुखी । हत्वा रिपुगणं सर्वं पारयित्वा महाव्रतम् ॥

sa hatvā saindhavaṃ saṅkhye punaretu jayī sukhī | hatvā ripugaṇaṃ sarvaṃ pārayitvā mahāvratam

May he slay the Saindhava in battle and come back victorious and happy, having slain the whole host of foes and brought his great vow to its end.

Note on the text: Removed stray wiki quote/backtick marks (the bracketed passage is an interpolation marker on the page). Line 1 = CE 7.56.12ab; line 2 corresponds, in variant wording, to star passage *0405_01 (after 7.56.12).

Verse 16 (7.79.16)

यद्यस्ति सुकृतं किञ्चिदस्माकं हन्तु सैन्धवम् । जित्वा सर्वान्रिपून्पार्थस्त्रातु नोऽस्मान्महाभयात् ॥

yadyasti sukṛtaṃ kiñcidasmākaṃ hantu saindhavam | jitvā sarvānripūnpārthastrātu no'smānmahābhayāt

If we have any merit at all, let him slay the Saindhava; let Partha conquer all the foes and save us from this great peril."

Note on the text: Not in the CE main text; star passage *0406_01-02 (after 7.56.12), so ce_ref is null.

Verse 17 (7.79.17)

एवमाशंसमानास्ते केचित्तस्थुरुपश्रुतिम् । श्रुत्वा चेष्टं सुमनसो व्यक्तमाशंसिरे जयम् ॥

evamāśaṃsamānāste kecittasthurupaśrutim | śrutvā ceṣṭaṃ sumanaso vyaktamāśaṃsire jayam

Hoping thus, some of them stood listening for an omen, and when they heard a favourable word they glad-heartedly looked for victory with confidence.

Note on the text: Not in the CE main text; star passage *0406_03-04 (after 7.56.12), so ce_ref is null.

Verse 18 (7.79.18)

भविता नु कथं कृत्यमिदमित्यब्रुवञ्जनाः । श्वोऽहत्वा सिन्धुराजं वै धूमकेतुं प्रवेक्ष्यति ॥

bhavitā nu kathaṃ kṛtyamidamityabruvañjanāḥ | śvo'hatvā sindhurājaṃ vai dhūmaketuṃ pravekṣyati

"How is this to be accomplished?" the people asked one another; "tomorrow, if he has not slain the king of Sindhu, he will enter the fire.

Note on the text: Removed stray wiki quote/backtick marks (the bracketed passage is an interpolation marker on the page). Line 1 = star passage *0406_05 (after 7.56.12; variant ending 'ity apare 'bruvan'); line 2 = CE 7.56.13ab (variant 'śvo 'hatvā … vai'). ce_ref is null because the first line is a star passage.

Verse 19 (7.79.19)

न शक्यमनृतां कर्तुं प्रतिज्ञां विजयेन हि । महद्धि साहसं पार्थः कृतवाच्छोकमोहितः ॥

na śakyamanṛtāṃ kartuṃ pratijñāṃ vijayena hi | mahaddhi sāhasaṃ pārthaḥ kṛtavācchokamohitaḥ

Vijaya cannot make his vow untrue, and it was a great rashness that Partha committed, crazed with grief."

Note on the text: Removed stray wiki quote/backtick marks (the bracketed passage is an interpolation marker on the page). Line 1 = CE 7.56.13cd; line 2 = star passage *0407_01 (after 7.56.13).

Verse 20 (7.79.20)

धर्मपुत्रः कथं राजा भविष्यति मृतेऽर्जुने । तस्मिन्हि विजयः कृत्स्नः पाण्डवेन समाहितः ॥

dharmaputraḥ kathaṃ rājā bhaviṣyati mṛte'rjune | tasminhi vijayaḥ kṛtsnaḥ pāṇḍavena samāhitaḥ

"If Arjuna is slain, how will Dharma's son be king? For the Pandava has placed his whole victory in him.

Verse 21 (7.79.21)

यदि नोऽस्ति कृतं किञ्चिद्यदि दत्तं हुतं यदि । फलेन तस्य सर्वस्य सव्यसाची जयत्वरीन् ॥

yadi no'sti kṛtaṃ kiñcidyadi dattaṃ hutaṃ yadi | phalena tasya sarvasya savyasācī jayatvarīn

If we have done any good, if we have given, if we have offered sacrifice, then by the fruit of all that, may Savyasachin conquer his foes."

Verse 22 (7.79.22)

एवं कथयतां तेषां जयमाशंसतां प्रभो । कृच्छ्रेण महता राजन्रजनी व्यत्यवर्तत ॥

evaṃ kathayatāṃ teṣāṃ jayamāśaṃsatāṃ prabho | kṛcchreṇa mahatā rājanrajanī vyatyavartata

While they spoke thus, hoping for victory, O lord, O king, the night passed with great difficulty.

Verse 23 (7.79.23)

तस्या रजन्या मध्ये तु प्रतिबुद्धो जनार्दनः । स्मृत्वा प्रतिज्ञां पार्थस्य दारुकं प्रत्यभाषत ॥

tasyā rajanyā madhye tu pratibuddho janārdanaḥ | smṛtvā pratijñāṃ pārthasya dārukaṃ pratyabhāṣata

In the middle of that night Janardana awoke, remembered Partha's vow, and spoke to Daruka.

Verse 24 (7.79.24)

अर्जुनेन प्रतिज्ञातमार्तेन हतबन्धुना । जयद्रथं वधिष्यामि श्वोभूत इति दारुक ॥

arjunena pratijñātamārtena hatabandhunā | jayadrathaṃ vadhiṣyāmi śvobhūta iti dāruka

"Arjuna, in his anguish over the loss of his kinsman, has vowed, 'Tomorrow I shall slay Jayadratha,' Daruka.

Note on the text: Krishna's speech to Daruka begins here (no printed heading, Sanjaya narrating); verses 24-45 are given to Vasudeva.

Verse 25 (7.79.25)

तत्तु दुर्योधनः श्रुत्वा मन्त्रिभिर्मन्त्रयिष्यति । यथा जयद्रथं पार्थो न हन्यादिति संयुगे ॥

tattu duryodhanaḥ śrutvā mantribhirmantrayiṣyati | yathā jayadrathaṃ pārtho na hanyāditi saṃyuge

Hearing that, Duryodhana will take counsel with his ministers on how Partha may be kept from slaying Jayadratha in battle.

Verse 26 (7.79.26)

अक्षौहिण्यो हि ताः सर्वा रक्षिष्यन्ति जयद्रथम् । द्रोणश्च सहपुत्रेण सर्वास्त्रविधिपारगः ॥

akṣauhiṇyo hi tāḥ sarvā rakṣiṣyanti jayadratham | droṇaśca sahaputreṇa sarvāstravidhipāragaḥ

All those akshauhinis will guard Jayadratha, and so will Drona with his son, a master of every kind of weapon-craft.

Verse 27 (7.79.27)

एको वीरः सहस्राक्षो दैत्यदानवदर्पहा । सोऽपि तं नोत्सहेताजौ हन्तुं द्रोणेन रक्षितम् ॥

eko vīraḥ sahasrākṣo daityadānavadarpahā | so'pi taṃ notsahetājau hantuṃ droṇena rakṣitam

Even that one hero, the thousand-eyed Indra, the humbler of the pride of Daityas and Danavas, would not dare to kill him in battle if Drona were guarding him.

Verse 28 (7.79.28)

सोऽहं श्वस्तत्करिष्यामि यथा कुन्तीसुतोऽर्जुनः । अप्राप्तेऽस्तं दिनकरे हनिष्यति जयद्रथम् ॥

so'haṃ śvastatkariṣyāmi yathā kuntīsuto'rjunaḥ | aprāpte'staṃ dinakare haniṣyati jayadratham

So tomorrow I shall do whatever is needed so that Kunti's son Arjuna may slay Jayadratha before the sun reaches its setting.

Verse 29 (7.79.29)

न हि दारा न मित्राणि ज्ञातयो न च बान्धवाः । कश्चिदन्यः प्रियतरः कुन्तीपुत्रान्ममार्जुनात् ॥

na hi dārā na mitrāṇi jñātayo na ca bāndhavāḥ | kaścidanyaḥ priyataraḥ kuntīputrānmamārjunāt

For neither wives nor friends, neither kinsmen nor relatives are dearer to me than Arjuna, son of Kunti.

Verse 30 (7.79.30)

अनर्जुनमिमं लोकं मुहूर्तमपि दारुक । उदीक्षितुं न शक्तोऽहं भविता न च तत्तथा ॥

anarjunamimaṃ lokaṃ muhūrtamapi dāruka | udīkṣituṃ na śakto'haṃ bhavitā na ca tattathā

Daruka, I cannot look upon this world without Arjuna even for a moment; and it shall not come to that.

Verse 31 (7.79.31)

अहं विजित्य तान्सर्वान्सहसा सहयद्विपान् । अर्जुनार्थे हनिष्यामि सकर्णान्ससुयोधनान् ॥

ahaṃ vijitya tānsarvānsahasā sahayadvipān | arjunārthe haniṣyāmi sakarṇānsasuyodhanān

Swiftly conquering them all, with their horses and elephants, Karna and Suyodhana among them, I shall slay them for Arjuna's sake.

Verse 32 (7.79.32)

श्वो निरीक्षन्तु मे वीर्यं त्रयो लोका महाहवे । धनञ्जयार्थे समरे पराक्रान्तस्य दारुक ॥

śvo nirīkṣantu me vīryaṃ trayo lokā mahāhave | dhanañjayārthe samare parākrāntasya dāruka

Tomorrow, Daruka, in that great battle, let the three worlds watch my prowess as I strive in the fight for Dhananjaya's sake.

Verse 33 (7.79.33)

श्वो नरेन्द्रसहस्राणि राजपुत्रशतानि च । साश्वद्विपरथान्याजौ विद्रविष्यामि दारुक ॥

śvo narendrasahasrāṇi rājaputraśatāni ca | sāśvadviparathānyājau vidraviṣyāmi dāruka

Tomorrow, Daruka, I shall scatter in battle thousands of kings and hundreds of princes, with their horses, elephants and chariots.

Verse 34 (7.79.34)

श्वस्तां चक्रप्रमथितां द्रक्ष्यसे नृपवाहिनीम् । मया क्रुद्धेन समरे पाण्डवार्थे निपातिताम् ॥

śvastāṃ cakrapramathitāṃ drakṣyase nṛpavāhinīm | mayā kruddhena samare pāṇḍavārthe nipātitām

Tomorrow you will see that army of kings crushed by my discus, struck down in battle by me in my wrath for the Pandava's sake.

Verse 35 (7.79.35)

श्वः सदेवाः सगन्धर्वाः पिशाचोरगराक्षसाः । ज्ञास्यन्ति लोकाः सर्वे मां सुहृदं सव्यसाचिनः ॥

śvaḥ sadevāḥ sagandharvāḥ piśācoragarākṣasāḥ | jñāsyanti lokāḥ sarve māṃ suhṛdaṃ savyasācinaḥ

Tomorrow gods and gandharvas, pishachas, serpents and rakshasas, all the worlds, will know me as the friend of Savyasachin.

Verse 36 (7.79.36)

यस्तं द्वेष्टि स मां द्वेष्टि यस्तं चानु स मामनु । इति सङ्कल्प्यतां बुद्ध्या शरीरार्धं ममार्जुनः ॥

yastaṃ dveṣṭi sa māṃ dveṣṭi yastaṃ cānu sa māmanu | iti saṅkalpyatāṃ buddhyā śarīrārdhaṃ mamārjunaḥ

Whoever hates him hates me; whoever follows him follows me. Hold this firmly in your mind: Arjuna is half of my body.

Verse 37 (7.79.37)

यथा त्वं मे प्रभातायामस्यां निशि रथोत्तमम् । कल्पयित्वा यथाशास्त्रमादाय व्रज संयतः ॥

yathā tvaṃ me prabhātāyāmasyāṃ niśi rathottamam | kalpayitvā yathāśāstramādāya vraja saṃyataḥ

When this night turns to dawn, make ready my finest chariot as the rules prescribe, and bring it, self-controlled.

Verse 38 (7.79.38)

गदां कौमोदकीं दिव्यां शक्तिं चक्रं धनुः शरान् । आरोप्य वै रथे सूत सर्वोपकरणानि च ॥

gadāṃ kaumodakīṃ divyāṃ śaktiṃ cakraṃ dhanuḥ śarān | āropya vai rathe sūta sarvopakaraṇāni ca

Load onto the chariot, charioteer, the divine mace Kaumodaki, the spear, the discus, the bow, the arrows and all the equipment.

Verse 39 (7.79.39)

स्थानं च कल्पयित्वाऽथ रथोपस्थे ध्वजस्य मे । वैनतेयस्य वीरस्य समरे रथशोभिनः ॥

sthānaṃ ca kalpayitvā'tha rathopasthe dhvajasya me | vainateyasya vīrasya samare rathaśobhinaḥ

And make a place on the chariot's platform for my banner, the heroic Vainateya, who graces the chariot in battle.

Verse 40 (7.79.40)

छत्रं जाम्बूनदैर्जालैरर्कज्वलनसप्रभैः । विश्वकर्मकृतैर्दिव्यैरश्वानपि विभूषय ॥

chatraṃ jāmbūnadairjālairarkajvalanasaprabhaiḥ | viśvakarmakṛtairdivyairaśvānapi vibhūṣaya

Adorn the canopy, and the horses as well, with divine nets of Jambunada gold, bright as the sun or fire, made by Vishvakarman.

Verse 41 (7.79.41)

बलाहकं मेघपुष्पं शैब्यं सुग्रीवमेव च । युक्त्वा वाजिवरांस्तत्र कवची तिष्ठ दारुक ॥

balāhakaṃ meghapuṣpaṃ śaibyaṃ sugrīvameva ca | yuktvā vājivarāṃstatra kavacī tiṣṭha dāruka

Yoke the excellent horses Balahaka, Meghapushpa, Shaibya and Sugriva, and stand ready, armoured, Daruka.

Verse 42 (7.79.42)

पाञ्चजन्यस्य निर्घोषं पर्जन्यनिनदोपमम् । श्रुत्वा च भैरवं नादमुपेयास्त्वं जवेन माम् ॥

pāñcajanyasya nirghoṣaṃ parjanyaninadopamam | śrutvā ca bhairavaṃ nādamupeyāstvaṃ javena mām

When you hear the roar of the Panchajanya, deep as a rain-cloud's thunder, and its terrible sound, come to me at speed.

Verse 43 (7.79.43)

एकाह्नाऽहममर्षं च सर्वदुःखानि चैव ह । भ्रातुः पैतृष्वसेयस्य व्यपनेष्यामि दारुक ॥

ekāhnā'hamamarṣaṃ ca sarvaduḥkhāni caiva ha | bhrātuḥ paitṛṣvaseyasya vyapaneṣyāmi dāruka

In a single day, Daruka, I shall take away the anger and all the sorrows of my father's sister's son.

Verse 44 (7.79.44)

सर्वोपायैर्यतिष्यामि यथा बीभत्सुराहवे । पश्यतां धार्तराष्ट्राणां हनिष्यति जयद्रथम् ॥

sarvopāyairyatiṣyāmi yathā bībhatsurāhave | paśyatāṃ dhārtarāṣṭrāṇāṃ haniṣyati jayadratham

I shall try by every means that Bibhatsu slays Jayadratha in battle before the eyes of Dhritarashtra's sons.

Verse 45 (7.79.45)

यस्य यस्य च बीभत्सुर्वधे यत्नं करिष्यति । आशंसेऽहं रणे तं तं तत्र तत्र हनिष्यति ॥

yasya yasya ca bībhatsurvadhe yatnaṃ kariṣyati | āśaṃse'haṃ raṇe taṃ taṃ tatra tatra haniṣyati

Whomever Bibhatsu sets his mind on slaying, I trust he will slay each of them in battle, wherever they stand."

Note on the text: Corrected तन्तं → तं तं (misprint in Wikisource; not a word; the doubled तं तं, "each of them"). Corrected यस्ययस्य → यस्य यस्य (misprint in Wikisource; run-together reduplication). Corrected तत्रतत्र → तत्र तत्र (misprint in Wikisource; run-together reduplication). Second half is vulgate wording; CE 7.56.39cd reads 'āśaṃse sārathe tatra bhavitāsya dhruvo jayaḥ'.

Verse 46 (7.79.46)

जय एव ध्रुवस्तस्य कुत एव पराजयः । यस्य त्वं पुरुषव्याघ्र सारथ्यमुपजग्मिवान् ॥

jaya eva dhruvastasya kuta eva parājayaḥ | yasya tvaṃ puruṣavyāghra sārathyamupajagmivān

"Victory is certain for him; how could defeat be his, tiger among men, when you have become his charioteer?

Verse 47 (7.79.47)

एवं चैतत्करिष्यामि यथा मामनुभाषसे । सुप्रभातामिमां रात्रिं जयाय विजयस्य हि ॥

evaṃ caitatkariṣyāmi yathā māmanubhāṣase | suprabhātāmimāṃ rātriṃ jayāya vijayasya hi

I will do just as you instruct me. Let this night give way to a fair dawn, for the victory of Vijaya."