Drona's Rampage and the Announcement of His Death

Verse 1 (7.8.1)

तथा द्रोणमभिघ्नन्तं साश्वसूतरथद्विपान् । व्यथिताः पाण्डवा दृष्ट्वा न चैनं पर्यवारयन् ॥

tathā droṇamabhighnantaṃ sāśvasūtarathadvipān | vyathitāḥ pāṇḍavā dṛṣṭvā na cainaṃ paryavārayan

So, as Drona slaughtered horses, charioteers, chariots and elephants, the Pandavas, seeing it, were shaken and did not close in around him.

Verse 2 (7.8.2)

ततो युधिष्ठिरो राजा धृष्टद्युम्नधनञ्जयौ । अब्रवीत्सर्वतो यत्तैः कुम्भयोनिर्निवार्यताम् ॥

tato yudhiṣṭhiro rājā dhṛṣṭadyumnadhanañjayau | abravītsarvato yattaiḥ kumbhayonirnivāryatām

Then King Yudhishthira said to Dhrishtadyumna and Dhananjaya, "Let the pot-born Drona be held back, from every side, by men who are alert."

Verse 3 (7.8.3)

तत्रैनमर्जुनश्चैव धृष्टद्युम्नश्च पार्षतः । ये चान्ये पार्थिवा राजन्पाण्डवस्यानुसैनिकाः । प्रत्यगृह्णंस्ततस्तत्र समागच्छन्महारथाः ॥

tatrainamarjunaścaiva dhṛṣṭadyumnaśca pārṣataḥ | ye cānye pārthivā rājanpāṇḍavasyānusainikāḥ | pratyagṛhṇaṃstatastatra samāgacchanmahārathāḥ

There Arjuna and Dhrishtadyumna, son of Prishata, and the other kings, O king, who followed the Pandava with their troops — those great chariot-warriors came together and then withstood him there.

Note on the text: Three lines. Lines 1 and 3 correspond to the critical edition's 7.7.3ab and cd (reading tatrainam arjunaś caiva pārṣataś ca sahānugaḥ, paryagṛhṇaṃs tataḥ sarve samāyāntaṃ mahārathāḥ; the page's wording kept as a variant); line 2 is not in the critical edition (vulgate only). The page opens line 2 with a backtick and never closes it (its sign for an interpolated line); the mark was removed. The automatic alignment found no match.

Verse 4 (7.8.4)

केकया भीमसेनश्च सौभद्रोऽथ घटोत्कचः । युधिष्ठिरो यमौ मात्स्यो द्रुपदश्चात्मजैः सह ॥

kekayā bhīmasenaśca saubhadro'tha ghaṭotkacaḥ | yudhiṣṭhiro yamau mātsyo drupadaścātmajaiḥ saha

the Kekayas, Bhimasena, Abhimanyu the son of Subhadra, and Ghatotkacha, Yudhishthira, the twins, the Matsya king, and Drupada with his sons,

Note on the text: Corrected द्रुदश्चात्मजैः → द्रुपदश्चात्मजैः (misprint in Wikisource; the प is dropped and the line is a syllable short; critical edition drupadasyātmajās).

Verse 5 (7.8.5)

द्रौपदेयाश्च संहृष्टा धृष्टकेतुः ससात्यकिः । चेकितानश्च सङ्क्रुद्धो युयुत्सुश्च महारथः ॥

draupadeyāśca saṃhṛṣṭā dhṛṣṭaketuḥ sasātyakiḥ | cekitānaśca saṅkruddho yuyutsuśca mahārathaḥ

the sons of Draupadi, delighted, Dhrishtaketu with Satyaki, Chekitana, in a rage, and the great chariot-warrior Yuyutsu,

Verse 6 (7.8.6)

ये चान्ये पार्थिवा राजन्पाण्डवस्यानुयायिनः । कुलवीर्यानुरूपाणि चक्रुः कर्माण्यनेकशः ॥

ye cānye pārthivā rājanpāṇḍavasyānuyāyinaḥ | kulavīryānurūpāṇi cakruḥ karmāṇyanekaśaḥ

and the other kings, O king, who followed the Pandava, did many deeds worthy of their lineage and valor.

Verse 7 (7.8.7)

संभिद्यमानां तां दृष्ट्वा पाण्डवैर्वाहिनीं रणे । व्यावृत्य चक्षुषी कोपाद्भारद्वाजोऽन्ववैक्षत ॥

saṃbhidyamānāṃ tāṃ dṛṣṭvā pāṇḍavairvāhinīṃ raṇe | vyāvṛtya cakṣuṣī kopādbhāradvājo'nvavaikṣata

Seeing his army being broken by the Pandavas in the battle, Bharadvaja rolled his eyes in anger and looked at them.

Verse 8 (7.8.8)

स तीव्रं कोपमास्थाय रथे समरदुर्जयः । व्यधमत्पाण्डवानीकं महाभ्राणीव मारुतः ॥

sa tīvraṃ kopamāsthāya rathe samaradurjayaḥ | vyadhamatpāṇḍavānīkaṃ mahābhrāṇīva mārutaḥ

Seized by a fierce rage, hard to conquer in battle on his chariot, he scattered the Pandava host as the wind scatters great clouds.

Verse 9 (7.8.9)

रथानश्वान्नरान्नागानभिधावन्नितस्ततः । चचारोन्मत्तवद्द्रोणो वृद्धोऽपि तरुणो यथा ॥

rathānaśvānnarānnāgānabhidhāvannitastataḥ | cacāronmattavaddroṇo vṛddho'pi taruṇo yathā

Rushing here and there against chariots, horses, men and elephants, Drona roamed like a madman, old though he was, like a youth.

Verse 10 (7.8.10)

तस्य शोणितदिग्धाङ्गाः शोणास्ते वातरंहसः । आजानेया हया राजन्नविश्रान्ताः सुखं ययुः ॥

tasya śoṇitadigdhāṅgāḥ śoṇāste vātaraṃhasaḥ | ājāneyā hayā rājannaviśrāntāḥ sukhaṃ yayuḥ

His red thoroughbred horses, swift as the wind, their bodies smeared with blood, ran on untiring, O king, as if at their ease.

Verse 11 (7.8.11)

तमन्तकमिव क्रुद्धमापतन्तं यतव्रतम् । दृष्ट्वा सम्प्राद्रवन्योधाः पाण्डवस्य ततस्ततः ॥

tamantakamiva kruddhamāpatantaṃ yatavratam | dṛṣṭvā samprādravanyodhāḥ pāṇḍavasya tatastataḥ

Seeing him bearing down like Death in his wrath, firm in his vows, the Pandava warriors fled in all directions.

Verse 12 (7.8.12)

तेषां प्राद्रवतां भीमः पुनरावर्ततामपि । पश्यतां तिष्ठतां चासीच्छब्दः परमदारुणः ॥

teṣāṃ prādravatāṃ bhīmaḥ punarāvartatāmapi | paśyatāṃ tiṣṭhatāṃ cāsīcchabdaḥ paramadāruṇaḥ

As some of them fled, as others turned back again, as others stood and watched, a terrible, most dreadful sound arose,

Verse 13 (7.8.13)

शूराणां हर्षजननो भीरूणां भयवर्धनः । द्यावापृथिव्योर्विवरं पूरयामास सर्वतः ॥

śūrāṇāṃ harṣajanano bhīrūṇāṃ bhayavardhanaḥ | dyāvāpṛthivyorvivaraṃ pūrayāmāsa sarvataḥ

gladdening the brave, increasing the fear of the timid, and filling the space between heaven and earth on every side.

Verse 14 (7.8.14)

ततः पुनरपि द्रोणो नाम विश्रावयन्युधि । अकरोद्रौद्रमात्मानं किरञ्छरशतैः परान् ॥

tataḥ punarapi droṇo nāma viśrāvayanyudhi | akarodraudramātmānaṃ kirañcharaśataiḥ parān

Then once more Drona, proclaiming his name in the battle, made himself terrible, scattering hundreds of arrows on his foes.

Verse 15 (7.8.15)

स तथा तेष्वनीकेषु पाण्डुपुत्रस्य मारिष । कालवद्व्यचरद्द्रोणो युवेव स्थविरो बली ॥

sa tathā teṣvanīkeṣu pāṇḍuputrasya māriṣa | kālavadvyacaraddroṇo yuveva sthaviro balī

Among those divisions of the son of Pandu, O lord, Drona roamed like Time itself, an old man as mighty as a youth.

Note on the text: The automatic alignment found no match. This is a vulgate version of CE 7.7.15 (sa tathā tāny anīkāni pāṇḍaveyasya dhīmataḥ / kālavan nyavadhīd droṇo yuveva sthaviro balī): line 1 reads तेष्वनीकेषु पाण्डुपुत्रस्य मारिष and line 2 व्यचरत् for nyavadhīt; kept as variants.

Verse 16 (7.8.16)

उत्कृत्य च शिरांस्युग्रो बाहूनपि सुभूषणान् । कृत्वा शून्यान्रथोपस्थानुदक्रोशन्महारवान् ॥

utkṛtya ca śirāṃsyugro bāhūnapi subhūṣaṇān | kṛtvā śūnyānrathopasthānudakrośanmahāravān

Cutting off heads and arms with their fine ornaments, and leaving the chariot-seats empty, the fierce one roared out loud cries.

Verse 17 (7.8.17)

तस्य हर्षप्रणादेन बाणवर्षेण च प्रभो । प्राकम्पन्त रणे योधा गावः शीतार्दिता इव ॥

tasya harṣapraṇādena bāṇavarṣeṇa ca prabho | prākampanta raṇe yodhā gāvaḥ śītārditā iva

At his joyful shouts and his showers of arrows, O lord, the warriors in the battle trembled like cattle stricken with cold.

Verse 18 (7.8.18)

द्रोणस्य रथघोषेण मौर्वीनिष्पेषणेन च । धनुःशब्देन चाकाशे शब्दः समभवन्महान् ॥

droṇasya rathaghoṣeṇa maurvīniṣpeṣaṇena ca | dhanuḥśabdena cākāśe śabdaḥ samabhavanmahān

From the rattle of Drona's chariot, the twang of his bowstring being drawn, and the sound of his bow, a great noise arose in the sky.

Verse 19 (7.8.19)

अथास्य धनुषो बाणा निस्सरन्तः सहस्रशः । व्याप्य सर्वा दिशः पेतुर्नागाश्वरथपत्तिषु ॥

athāsya dhanuṣo bāṇā nissarantaḥ sahasraśaḥ | vyāpya sarvā diśaḥ peturnāgāśvarathapattiṣu

Then thousands of arrows issuing from his bow, filling all the directions, fell upon elephants, horses, chariots and foot-soldiers.

Verse 20 (7.8.20)

तं कार्मुकमहावेगमस्त्रज्वलितपावकम् । द्रोणमासादयाञ्चक्रुः पाञ्चालाः पाण्डवैः सह ॥

taṃ kārmukamahāvegamastrajvalitapāvakam | droṇamāsādayāñcakruḥ pāñcālāḥ pāṇḍavaiḥ saha

Him, of great swiftness with the bow, a fire kindled by his missiles, the Panchalas and the Pandavas together approached.

Verse 21 (7.8.21)

सनागरथपत्त्यश्वान्प्राहिणोद्यमसादनम् । अचिरादकरोद्द्रोणो महीं शोणितकर्दमाम् ॥

sanāgarathapattyaśvānprāhiṇodyamasādanam | acirādakaroddroṇo mahīṃ śoṇitakardamām

Drona sent chariots, elephants, foot-soldiers and horses to Yama's abode, and in no time made the earth a mire of blood.

Note on the text: Corrected अचिरादकरोद्दोणो → अचिरादकरोद्द्रोणो (misprint in Wikisource; the र of द्रोण is dropped).

Verse 22 (7.8.22)

तन्वता परमास्त्राणि शरान्सततमस्यता । द्रोणेन विहितं दिक्षु शरजालमदृश्यत ॥

tanvatā paramāstrāṇi śarānsatatamasyatā | droṇena vihitaṃ dikṣu śarajālamadṛśyata

As he displayed supreme weapons and shot arrows without pause, a net of arrows spread by Drona was seen in all directions.

Verse 23 (7.8.23)

पदातिषु रथाश्वेषु वारणेषु च सर्वशः । तस्य विद्युदिवाभ्रेषु चरन्केतुरदृश्यत ॥

padātiṣu rathāśveṣu vāraṇeṣu ca sarvaśaḥ | tasya vidyudivābhreṣu caranketuradṛśyata

Among foot-soldiers, horses and chariots, and among elephants, everywhere, his banner was seen moving like lightning among clouds.

Verse 24 (7.8.24)

स केकयानां प्रवरांश्च पञ्च पाञ्चालराजं च शरैः प्रमथ्य । युधिष्ठिरानीकमदीनसत्वो द्रोणोऽभ्ययात्कार्मुकबाणपाणिः ॥

sa kekayānāṃ pravarāṃśca pañca pāñcālarājaṃ ca śaraiḥ pramathya | yudhiṣṭhirānīkamadīnasatvo droṇo'bhyayātkārmukabāṇapāṇiḥ

Crushing with his arrows five of the foremost of the Kekayas and the king of the Panchalas, Drona, of undaunted spirit, bow and arrows in hand, advanced upon Yudhishthira's army.

Note on the text: Word space restored in स केकयानां (Wikisource runs the two words together as सकेकयानां; the sense is "he … of the Kekayas", critical edition sa kekayānāṃ).

Verse 25 (7.8.25)

तं भीमसेनश्च धनञ्जयश्च शिनेश्च नप्ता द्रुपदात्मजश्च । शैब्यात्मजः काशिपतिः शिबिश्च दृष्ट्वा नदन्तो व्यकिरञ्छरौघैः ॥

taṃ bhīmasenaśca dhanañjayaśca śineśca naptā drupadātmajaśca | śaibyātmajaḥ kāśipatiḥ śibiśca dṛṣṭvā nadanto vyakirañcharaughaiḥ

Bhimasena and Dhananjaya, the grandson of Shini, the son of Drupada, the son of Shaibya, the lord of Kashi, and Shibi, seeing him, roared and covered him with floods of arrows.

Verse 26 (7.8.26)

तेषां शरा द्रोणशरैर्निकृत्ता भूमावदृश्यन्त विवर्तमानाः । श्रेणीकृताः संयति मोघवेगा द्वीपे नदीनामिव काशरोहाः ॥

teṣāṃ śarā droṇaśarairnikṛttā bhūmāvadṛśyanta vivartamānāḥ | śreṇīkṛtāḥ saṃyati moghavegā dvīpe nadīnāmiva kāśarohāḥ

Their arrows, cut down by Drona's arrows, were seen rolling on the ground, lying in rows with their force spent in vain in the fight, like clumps of kasha reeds on a river island.

Note on the text: Not in the critical edition's constituted text (found in the vulgate recension). Line 2 is recorded in the critical edition's apparatus as the star passage 7.7.25d*0050_01–02; line 1 appears nowhere in the critical edition. The page marks the verse off with a backtick and a closing quote mark (its sign for an interpolated passage); both marks were removed.

Verse 27 (7.8.27)

ते द्रोणबाणासनविप्रमुक्ताः पतत्रिणः काञ्चनचित्रपुङ्खाः । भित्त्वा शरीराणि गजाश्वयूनां जग्मुर्महीं शोणितदिग्धवाजाः ॥

te droṇabāṇāsanavipramuktāḥ patatriṇaḥ kāñcanacitrapuṅkhāḥ | bhittvā śarīrāṇi gajāśvayūnāṃ jagmurmahīṃ śoṇitadigdhavājāḥ

Those winged arrows loosed from Drona's bow, with golden, brightly colored feathers, pierced the bodies of elephants, horses and young men and sank into the earth, their feathers drenched in blood.

Verse 28 (7.8.28)

सा योधसङ्घैश्च रथैश्च भूमिः शरैर्विभिन्नैर्गजवाजिभिश्च । प्रच्छाद्यमाना पतितैर्बभूव समावृता द्यौरिव कालमेघैः ॥

sā yodhasaṅghaiśca rathaiśca bhūmiḥ śarairvibhinnairgajavājibhiśca | pracchādyamānā patitairbabhūva samāvṛtā dyauriva kālameghaiḥ

The earth, covered all around with the fallen hosts of warriors, chariots, and elephants and horses shattered by arrows, was like the sky wrapped in dark clouds.

Verse 29 (7.8.29)

शैनेयभीमार्जुनवाहिनीशं सौभद्रपाञ्चालसकाशिराजम् । अन्यांश्च वीरान्समरे ममर्द द्रोणः सुतानां तव भूतिकामः ॥

śaineyabhīmārjunavāhinīśaṃ saubhadrapāñcālasakāśirājam | anyāṃśca vīrānsamare mamarda droṇaḥ sutānāṃ tava bhūtikāmaḥ

He crushed in the battle the leaders of the armies of Shaineya, Bhima and Arjuna, together with Abhimanyu, the Panchala and the king of Kashi, and other heroes — Drona, who wished your sons well.

Note on the text: Corrected सौभ्रद्र → सौभद्र (misprint in Wikisource; a stray र).

Verse 30 (7.8.30)

एतानि चान्यानि च कौरवेन्द्र कर्माणि कृत्वा समरे महात्मा । प्रताप्य लोकानिव कालसूर्यो द्रोणो गतः स्वर्गमितो हि राजन् ॥

etāni cānyāni ca kauravendra karmāṇi kṛtvā samare mahātmā | pratāpya lokāniva kālasūryo droṇo gataḥ svargamito hi rājan

Having done these and other deeds in battle, O lord of the Kauravas, the great-souled Drona, like the sun of the world's end scorching the worlds, has gone from here to heaven, O king.

Verse 31 (7.8.31)

एवं रुक्मरथः शूरो हत्वा शतसहस्रशः । पाण्डवानां रणे योधान्पार्षतेन निपातितः ॥

evaṃ rukmarathaḥ śūro hatvā śatasahasraśaḥ | pāṇḍavānāṃ raṇe yodhānpārṣatena nipātitaḥ

Thus the hero of the golden chariot, having slain warriors of the Pandavas by the hundred thousand in the battle, was struck down by Prishata's son.

Verse 32 (7.8.32)

अक्षौहिणीमभ्यधिकां शूराणामनिवर्तिनाम् । निहत्य पश्चाद्धृतिमानगच्छत्परमां गतिम् ॥

akṣauhiṇīmabhyadhikāṃ śūrāṇāmanivartinām | nihatya paścāddhṛtimānagacchatparamāṃ gatim

Having slain more than an akshauhini of heroes who never turned back, the steadfast one afterwards went to the highest goal.

Verse 33 (7.8.33)

पाण्डवैः सहपाञ्चालैरशिवैः क्रूरकर्मभिः । हतो रुक्मरथो राजन्कृत्वा कर्म सुदुष्करम् ॥

pāṇḍavaiḥ sahapāñcālairaśivaiḥ krūrakarmabhiḥ | hato rukmaratho rājankṛtvā karma suduṣkaram

The golden-chariot hero, O king, after doing a most difficult deed, was slain by the Pandavas together with the Panchalas, those ruthless doers of cruel deeds.

Verse 34 (7.8.34)

ततो निनादो भूतानामाकाशे समजायत । सैन्यानां च ततो राजन्नाचार्ये निहते युधि ॥

tato ninādo bhūtānāmākāśe samajāyata | sainyānāṃ ca tato rājannācārye nihate yudhi

Then a cry of living beings rose in the sky, and a cry of the soldiers too, O king, when the teacher was slain in battle,

Verse 35 (7.8.35)

द्यां धरां खं दिशो वापि प्रदिशश्चानुनादयन् । अहो धिगिति भूतानां शब्दः समभवद्भृशम् ॥

dyāṃ dharāṃ khaṃ diśo vāpi pradiśaścānunādayan | aho dhigiti bhūtānāṃ śabdaḥ samabhavadbhṛśam

filling heaven, earth, the sky, the quarters and the intermediate quarters with its echo — a cry of "Alas! Shame!" rose loudly from the beings.

Note on the text: Corrected प्रदिशर्श्चानुनादयन् → प्रदिशश्चानुनादयन् (misprint in Wikisource; र् for श्, critical edition pradiśaś cānunādayan) and समभावद्भृशम् → समभवद्भृशम् (misprint; समभावत् is not a verb form, critical edition samabhavan).

Verse 36 (7.8.36)

देवताः पितरश्चैव पूर्वे ये चास्य बान्धवाः । ददृशुर्निहतं तत्र भारद्वाजं महारथम् ॥

devatāḥ pitaraścaiva pūrve ye cāsya bāndhavāḥ | dadṛśurnihataṃ tatra bhāradvājaṃ mahāratham

The gods and the ancestors, and his kinsmen who had gone before, saw the great chariot-warrior Bharadvaja lying slain there.

Verse 37 (7.8.37)

पाण्डवास्तु जयं लब्ध्वा सिंहनादान्प्रचक्रिरे । सिंहनादेन महता समकम्पत मेदिनी ॥

pāṇḍavāstu jayaṃ labdhvā siṃhanādānpracakrire | siṃhanādena mahatā samakampata medinī

But the Pandavas, having won the victory, raised lion's roars, and the earth shook with that great lion's roar.

Verse 38 (7.8.38)

विचित्रजाम्बूनदभूषितध्वजं महारथं रुक्मरथं निपातितम् । निशम्य कश्चिद्धि न हर्षमेयिवान् ऋते मृधे द्रुपदसुतात्ससृञ्जयात् ॥

vicitrajāmbūnadabhūṣitadhvajaṃ mahārathaṃ rukmarathaṃ nipātitam | niśamya kaściddhi na harṣameyivān ṛte mṛdhe drupadasutātsasṛñjayāt

Hearing that the great chariot-warrior of the golden chariot, his banner adorned with fine gold, had been struck down, no one felt joy, save, in the battle, the son of Drupada with the Srinjayas.

Note on the text: Restored from the critical edition: Wikisource prints only the first line (the backtick-opened, unclosed star passage), which is the critical edition's star passage 7.7.36d*0052_01–02, and loses the second line. Line 2 is restored from *0052_03–04 (niśamya kaś cid dhi na harṣam eyivān / ṛte mṛdhe drupadasutāt sasṛñjayāt), in the critical edition's words. Not in the critical edition's constituted text (vulgate only). The stray backtick on line 1 was removed.