Karna Routs the Pandava Host

Verse 1 (8.82.1)

ततो भग्नेषु सैन्येषु भीमसेनेन संयुगे । दुर्योधनोऽब्रवीत्किं नु सौबलो वाऽपि सञ्जय ॥

tato bhagneṣu sainyeṣu bhīmasenena saṃyuge | duryodhano'bravītkiṃ nu saubalo vā'pi sañjaya

When the armies had been broken by Bhimasena in the battle, Sanjaya, what did Duryodhana say, or Subala's son Shakuni?

Verse 2 (8.82.2)

कर्णो वा जयतां श्रेष्ठो योधा वा मामका युधि । कृपो वा कृतवर्मा वा द्रौणिर्दुःशासनोऽपि वा ॥

karṇo vā jayatāṃ śreṣṭho yodhā vā māmakā yudhi | kṛpo vā kṛtavarmā vā drauṇirduḥśāsano'pi vā

And what did Karna, foremost of the victorious, say, or my other warriors in the fight, or Kripa, or Kritavarman, or Drona's son, or Duhshasana?

Verse 3 (8.82.3)

अत्यद्भुतमहं मन्ये पाण्डवेयस्य विक्रमम् । यदेकः समरे सर्वान्योधयामास मामकान् ॥

atyadbhutamahaṃ manye pāṇḍaveyasya vikramam | yadekaḥ samare sarvānyodhayāmāsa māmakān

I think the prowess of Pandu's son is utterly astonishing, that in battle he alone engaged all my warriors.

Note on the text: Line 1 = CE 8.56.3a (idaṃ for aham); line 2 = star passage 8.56.3b*0850_01 (CE reads yodhamāyāsa).

Verse 4 (8.82.4)

यथाप्रतिज्ञं योधानां राधेयः कृतवानपि । कुरूणामथ सर्वेषां कर्णः शत्रुनिषूदनः । शर्म वर्म प्रतिष्ठा च जीविताशा च सञ्जय ॥

yathāpratijñaṃ yodhānāṃ rādheyaḥ kṛtavānapi | kurūṇāmatha sarveṣāṃ karṇaḥ śatruniṣūdanaḥ | śarma varma pratiṣṭhā ca jīvitāśā ca sañjaya

And Radheya, too, had acted as he had pledged to the warriors. Karna, slayer of enemies, was for all the Kurus their shelter, their armour, their support and their hope of life, Sanjaya.

Note on the text: Line 1 = CE 8.56.3cd; line 2 = CE 8.56.4a; line 3 = CE 8.56.4c.

Verse 5 (8.82.5)

तद्भग्नं स्वबलं दृष्ट्वा कौन्तेयेनामितौजसा । धनुर्दराणां प्रवरः कर्णः किमकरोद्युधि ॥

tadbhagnaṃ svabalaṃ dṛṣṭvā kaunteyenāmitaujasā | dhanurdarāṇāṃ pravaraḥ karṇaḥ kimakarodyudhi

Seeing his own force shattered by Kunti's son of boundless might, what did Karna, the foremost of archers, do in the battle?

Note on the text: Corrected तद्भग्रं → तद्भग्नं (misprint in Wikisource; ग्र for ग्न; CE has prabhagnaṃ). Line 1 = CE 8.56.5a (tat prabhagnaṃ for tad bhagnaṃ); line 2 differs from CE 8.56.5c (rādheyānām adhirathaḥ karṇaḥ), vulgate reading.

Verse 6 (8.82.6)

पुत्रा वा मम दुर्धर्षा राजानो वा महारथाः । एतन्मे सर्वमाचक्ष्व कुशलो ह्यसि सञ्जय ॥

putrā vā mama durdharṣā rājāno vā mahārathāḥ | etanme sarvamācakṣva kuśalo hyasi sañjaya

Or what did my unconquerable sons, or the kings and great chariot-warriors do? Tell me all this, Sanjaya, for you are skilled in it.

Verse 7 (8.82.7)

अपराह्णे महाराज सूतपुत्रः प्रतापवान् । जघान सोमकान्सर्वान्भीमसेनस्य पश्यतः ॥

aparāhṇe mahārāja sūtaputraḥ pratāpavān | jaghāna somakānsarvānbhīmasenasya paśyataḥ

In the afternoon, great king, the mighty son of the charioteer slew all the Somakas while Bhimasena looked on.

Note on the text: Lines = CE 8.56.7ac.

Verse 8 (8.82.8)

भीमोऽप्यतिबलं सैन्यं धार्तराष्ट्रं व्यपोथयत् ॥

bhīmo'pyatibalaṃ sainyaṃ dhārtarāṣṭraṃ vyapothayat

And Bhima, of great strength, smote the Dhartarashtra army.

Note on the text: Single line = CE 8.56.7e; Wikisource prints it as its own verse. CE star 8.56.7f*0852_01 is not in the base text.

Verse 9 (8.82.9)

द्राव्यमाणं बलं दृष्ट्वा भीमसेनेन धीमता । यन्तारमब्रवीत्कर्णः पाञ्चालानेव मां वह ॥

drāvyamāṇaṃ balaṃ dṛṣṭvā bhīmasenena dhīmatā | yantāramabravītkarṇaḥ pāñcālāneva māṃ vaha

Seeing his force being driven back by the wise Bhimasena, Karna said to his charioteer, "Carry me against the Panchalas alone."

Verse 10 (8.82.10)

मद्रराजस्ततः शल्यः श्वेतानश्वान्महाजवान् । प्राहिणोच्चेदिपाञ्चालान्करूशांश्च महाबलः ॥

madrarājastataḥ śalyaḥ śvetānaśvānmahājavān | prāhiṇoccedipāñcālānkarūśāṃśca mahābalaḥ

Then Shalya, king of the Madras, mighty, drove his swift white horses toward the Chedis, the Panchalas and the Karushas.

Verse 11 (8.82.11)

प्रविश्य च महत्सैन्यं शल्यः परबलार्दनः । न्ययच्छत्तुरगान्हृष्टो यत्रयत्र च ते रथाः ॥

praviśya ca mahatsainyaṃ śalyaḥ parabalārdanaḥ | nyayacchatturagānhṛṣṭo yatrayatra ca te rathāḥ

Entering that great host, Shalya, the tormentor of hostile forces, joyfully reined in the horses wherever those chariots stood.

Verse 12 (8.82.12)

तं रथं मेघसङ्काशं वैयाघ्रपरिवारणम् । संदृश्य पाण्डुपञ्चालास्त्रस्ता ह्यासन्विशाम्पते ॥

taṃ rathaṃ meghasaṅkāśaṃ vaiyāghraparivāraṇam | saṃdṛśya pāṇḍupañcālāstrastā hyāsanviśāmpate

Seeing that chariot, which was like a cloud and hung about with tiger-skins, the Pandavas and Panchalas became terrified, lord of men.

Verse 13 (8.82.13)

ततो रथस्य निनदः प्रादुरासीन्महारणे । पर्जन्यसमनिर्घोषः पर्वतस्येव दीर्यतः ॥

tato rathasya ninadaḥ prādurāsīnmahāraṇe | parjanyasamanirghoṣaḥ parvatasyeva dīryataḥ

Then in the great battle the roar of the chariot rose, with a sound like thunder-clouds, like a mountain splitting.

Verse 14 (8.82.14)

ततः शरशतैस्तीक्षणैः कर्ण आकर्णनिःसृतैः । जघान पाण्डवबलं शतशोऽथ सहस्रशः ॥

tataḥ śaraśataistīkṣaṇaiḥ karṇa ākarṇaniḥsṛtaiḥ | jaghāna pāṇḍavabalaṃ śataśo'tha sahasraśaḥ

Then Karna, with hundreds of sharp arrows drawn back to the ear, struck the Pandava army by the hundred and by the thousand.

Verse 15 (8.82.15)

तं तथा समरे कर्म कुर्वाणमपराजितम् । परिवव्रुर्महेष्वासाः पाण्डवानां महारथाः ॥

taṃ tathā samare karma kurvāṇamaparājitam | parivavrurmaheṣvāsāḥ pāṇḍavānāṃ mahārathāḥ

As he went on doing such deeds in the battle, unconquered, the great archers, the great chariot-warriors of the Pandavas, surrounded him.

Verse 16 (8.82.16)

तं शिखण्डी च भीमश्च धृष्टद्युम्नश्च पार्षतः । नकुलः सहदेवश्च द्रौपदेयाश्च सात्यकिः ॥

taṃ śikhaṇḍī ca bhīmaśca dhṛṣṭadyumnaśca pārṣataḥ | nakulaḥ sahadevaśca draupadeyāśca sātyakiḥ

Shikhandi, Bhima, Dhrishtadyumna the son of Prishata, Nakula, Sahadeva, the sons of Draupadi, and Satyaki,

Note on the text: Line 1 = CE 8.56.15a; line 2 = CE 8.56.15c (Wikisource: सात्यकिः for sasātyakāḥ).

Verse 17 (8.82.17)

परिवव्रुर्जिघांसन्तो राधेयं शरवृष्टिभिः । सात्यकिस्तु तदा कर्णं विंशत्या निशितैः शरैः ॥

parivavrurjighāṃsanto rādheyaṃ śaravṛṣṭibhiḥ | sātyakistu tadā karṇaṃ viṃśatyā niśitaiḥ śaraiḥ

surrounded Radheya, eager to kill him, with showers of arrows. Satyaki then, with twenty sharp arrows,

Note on the text: Line 1 = CE 8.56.15e; line 2 = CE 8.56.16a (tataḥ for तदा).

Verse 18 (8.82.18)

अताडयद्रणे शूरो जत्रुदेशे नरोत्तमः । शिखण्डी पञ्चविंशत्या धृष्टद्युम्नश्च सप्तभिः ॥

atāḍayadraṇe śūro jatrudeśe narottamaḥ | śikhaṇḍī pañcaviṃśatyā dhṛṣṭadyumnaśca saptabhiḥ

struck Karna in the collarbone in the battle, that hero, best of men. Shikhandi struck him with twenty-five, Dhrishtadyumna with seven,

Note on the text: Line 1 = CE 8.56.16c; line 2 = CE 8.56.17a (Wikisource: सप्तभिः for pañcabhiḥ).

Verse 19 (8.82.19)

द्रौपदेयाश्चतुःषष्ट्या सहदेवश्च सप्तभिः । नकुलश्च शतेनाजौ कर्णं विव्याध सायकैः ॥

draupadeyāścatuḥṣaṣṭyā sahadevaśca saptabhiḥ | nakulaśca śatenājau karṇaṃ vivyādha sāyakaiḥ

the sons of Draupadi with sixty-four, Sahadeva with seven, and Nakula with a hundred arrows pierced Karna in the fight.

Note on the text: Lines = CE 8.56.17ce.

Verse 20 (8.82.20)

भीमसेनस्तु राधेयं नवत्या नतपर्वणाम् । विव्याध समरे क्रुद्धो जत्रुदेशे महाबलः ॥

bhīmasenastu rādheyaṃ navatyā nataparvaṇām | vivyādha samare kruddho jatrudeśe mahābalaḥ

And Bhimasena, mighty and enraged, pierced Radheya in the battle in the collarbone with ninety smooth-jointed arrows.

Verse 21 (8.82.21)

अथ प्रहस्याधिरथिर्व्याक्षिपद्धनुरुत्तमम् । मुमोच निशितान्बाणान्पीडयन्सुमहाबलः ॥

atha prahasyādhirathirvyākṣipaddhanuruttamam | mumoca niśitānbāṇānpīḍayansumahābalaḥ

Then Adhiratha's son laughed, flexed his excellent bow and, greatly mighty, loosed sharp arrows, tormenting them.

Note on the text: Line 1 = CE 8.56.19a; line 2 = CE 8.56.19c.

Verse 22 (8.82.22)

तान्प्रत्यविध्यद्राधेयः पञ्चभिः पञ्चभिः शरैः । सात्यकेस्तु धनुश्छित्त्वा ध्वजं च भरतर्षभ ॥

tānpratyavidhyadrādheyaḥ pañcabhiḥ pañcabhiḥ śaraiḥ | sātyakestu dhanuśchittvā dhvajaṃ ca bharatarṣabha

Radheya pierced each of them in return with five arrows apiece, and, best of the Bharatas, cut down Satyaki's bow and banner.

Note on the text: Line 1 = CE 8.56.19e; line 2 = CE 8.56.20a.

Verse 23 (8.82.23)

तं तथा नवभिर्बाणैराजघान स्तनान्तरे । भीमसेनं ततः क्रुद्धो विव्याध त्रिंशता शरैः ॥

taṃ tathā navabhirbāṇairājaghāna stanāntare | bhīmasenaṃ tataḥ kruddho vivyādha triṃśatā śaraiḥ

Then he struck him in the chest with nine arrows, and, enraged, pierced Bhimasena with thirty arrows.

Note on the text: Line 1 = CE 8.56.20cd; line 2 = CE 8.56.21a.

Verse 24 (8.82.24)

सहदेवस्य भल्लेन ध्वजं चिच्छेद मारिष । सारथिं च त्रिभिर्बाणैराजघान परन्तपः ॥

sahadevasya bhallena dhvajaṃ ciccheda māriṣa | sārathiṃ ca tribhirbāṇairājaghāna parantapaḥ

With a broad-headed arrow he cut down Sahadeva's banner, respected sir, and the scorcher of foes struck his charioteer with three arrows.

Note on the text: Line 1 = CE star passage 8.56.21b*0853_01; line 2 = CE 8.56.21c.

Verse 25 (8.82.25)

विरथान्द्रौपदेयांश्च चकार भरतर्षभ । अक्ष्णोर्निमेषमात्रेण तदद्भुतमिवाभवत् ॥

virathāndraupadeyāṃśca cakāra bharatarṣabha | akṣṇornimeṣamātreṇa tadadbhutamivābhavat

He made the sons of Draupadi chariotless, best of the Bharatas, in the mere blink of an eye, and it seemed a marvel.

Verse 26 (8.82.26)

विमुखीकृत्य तान्सर्वाञ्शरैः सन्नतपर्वभिः । पाञ्चालानहनञ्छूरांश्चेदीनां च महारथान् ॥

vimukhīkṛtya tānsarvāñśaraiḥ sannataparvabhiḥ | pāñcālānahanañchūrāṃścedīnāṃ ca mahārathān

Turning them all away with arrows of bent joints, he slew the heroic Panchalas and the great chariot-warriors of the Chedis.

Verse 27 (8.82.27)

ते वध्यमानाः समरे चेदिमत्स्या विशाम्पते । कर्णमेकमभिद्रुत्य शरसङ्घैः समार्पयन् ॥

te vadhyamānāḥ samare cedimatsyā viśāmpate | karṇamekamabhidrutya śarasaṅghaiḥ samārpayan

Being slain in the battle, the Chedis and Matsyas, lord of men, rushed upon Karna alone and overwhelmed him with masses of arrows.

Note on the text: Corrected शरसङ्खैः → शरसङ्घैः (misprint in Wikisource; ख for घ; CE śarasaṃghaiḥ). Lines = CE 8.56.24ac (Wikisource: समार्पयन् for samārdayan).

Verse 28 (8.82.28)

ताञ्जघान शितैर्बाणैः सूतपुत्रो महारथः । ते वध्यमानाः समरे चेदिमात्स्या विशाम्पते । प्राद्रवन्त रणे भीताः सिंहत्रस्ता मृगा इव ॥

tāñjaghāna śitairbāṇaiḥ sūtaputro mahārathaḥ | te vadhyamānāḥ samare cedimātsyā viśāmpate | prādravanta raṇe bhītāḥ siṃhatrastā mṛgā iva

The great chariot-warrior, the charioteer's son, struck them down with sharp arrows. Being slain in the battle, the Chedis and Matsyas, lord of men, fled in terror from the field, like deer frightened by a lion.

Note on the text: Line 1 = CE 8.56.24e; line 2 repeats line 24a (vulgate repetition, not in CE here); line 3 = CE star passage 8.56.24f*0854_01.

Verse 29 (8.82.29)

एतदत्यद्भुतं कर्म दृष्ट्वानस्मि भारत । यदेकः समरे शूरान्सूतपुत्रः प्रतापवान् ॥

etadatyadbhutaṃ karma dṛṣṭvānasmi bhārata | yadekaḥ samare śūrānsūtaputraḥ pratāpavān

This was a most marvellous feat I saw, Bharata: that the mighty son of the charioteer, alone in the battle,

Note on the text: Corrected एतदत्युद्भतं → एतदत्यद्भुतं (misprint in Wikisource; garbled akshara order; CE atyadbhutaṃ).

Verse 30 (8.82.30)

यतमानान्परं शक्त्या योधयानांश्च धन्विनः । पाण्डवेयान्महाराज शरैर्वारितवान्रणे ॥

yatamānānparaṃ śaktyā yodhayānāṃśca dhanvinaḥ | pāṇḍaveyānmahārāja śarairvāritavānraṇe

held off with his arrows the Pandavas, great king, who strove with all their strength and fought as archers.

Verse 31 (8.82.31)

तत्र भारत कर्णस्य लाघवेन महात्मनः । तुतुषुर्देवताः सर्वाः सिद्धाश्च सह चारणैः ॥

tatra bhārata karṇasya lāghavena mahātmanaḥ | tutuṣurdevatāḥ sarvāḥ siddhāśca saha cāraṇaiḥ

Then, Bharata, all the gods, and the Siddhas with the Charanas, were pleased at the great-souled Karna's swiftness of hand.

Verse 32 (8.82.32)

अपूजयन्महेष्वासा धार्तराष्ट्रा नरोत्तमम् । कर्णं रथवरश्रेष्ठं श्रेष्ठं सर्वधनुष्मताम् ॥

apūjayanmaheṣvāsā dhārtarāṣṭrā narottamam | karṇaṃ rathavaraśreṣṭhaṃ śreṣṭhaṃ sarvadhanuṣmatām

The Dhartarashtras, the great archers, honoured that best of men, Karna, finest of chariot-warriors, foremost of all who bear bows.

Verse 33 (8.82.33)

ततः कर्णो महाराज ददाह रिपुवाहिनीम् । कक्षमिद्धो यथा वह्निर्निदाधे ज्वलितो महान् ॥

tataḥ karṇo mahārāja dadāha ripuvāhinīm | kakṣamiddho yathā vahnirnidādhe jvalito mahān

Then, great king, Karna burned the enemy host, as a great fire kindled in summer, blazing, burns dry grass.

Verse 34 (8.82.34)

ते वध्यमानाः कर्णेन पाण्डवेयास्ततस्ततः । प्राद्रवन्त रणे भीताः कर्णं दृष्ट्वा महारथम् ॥

te vadhyamānāḥ karṇena pāṇḍaveyāstatastataḥ | prādravanta raṇe bhītāḥ karṇaṃ dṛṣṭvā mahāratham

Slain by Karna here and there, the Pandavas fled in fear from the battle at the sight of that great chariot-warrior Karna.

Verse 35 (8.82.35)

तत्राक्रन्दो महानासीत्पाञ्चालानां महारणे । वध्यतां सायकैस्तीक्ष्णैः कर्णचापवरच्युतैः ॥

tatrākrando mahānāsītpāñcālānāṃ mahāraṇe | vadhyatāṃ sāyakaistīkṣṇaiḥ karṇacāpavaracyutaiḥ

A great cry of distress rose from the Panchalas in that great battle, as they were slain by the sharp arrows loosed from Karna's excellent bow.

Verse 36 (8.82.36)

तेन शब्देन वित्रस्ता पाण्डवानां महाचमूः । कर्णमेकं रणे योधं मेनिरे तत्र शात्रवाः ॥

tena śabdena vitrastā pāṇḍavānāṃ mahācamūḥ | karṇamekaṃ raṇe yodhaṃ menire tatra śātravāḥ

Terrified by that noise, the great army of the Pandavas, there in the battle, took Karna alone to be a warrior.

Verse 37 (8.82.37)

तत्राद्भुतं पुनश्चक्रे राधेयः शत्रुकर्शनः । यदेनं पाण्डवाः सर्वे न शेकुरभिवीक्षितुम् ॥

tatrādbhutaṃ punaścakre rādheyaḥ śatrukarśanaḥ | yadenaṃ pāṇḍavāḥ sarve na śekurabhivīkṣitum

There Radheya, tormentor of enemies, did a marvel once more: all the Pandavas together could not bear to look at him.

Verse 38 (8.82.38)

जलौघः पर्वतश्रेष्ठं यथासाद्य प्रभिद्यते । तथा तत्पाण्डवं सैन्यं कर्णमासाद्य दीर्यते ॥

jalaughaḥ parvataśreṣṭhaṃ yathāsādya prabhidyate | tathā tatpāṇḍavaṃ sainyaṃ karṇamāsādya dīryate

As a flood of water breaks apart when it strikes the greatest of mountains, so that Pandava army was torn apart when it met Karna.

Verse 39 (8.82.39)

कर्णोऽपि समरे राजन्विधूमोऽग्निरिव ज्वलत् । दहंस्तस्थौ महाबाहुः पाण्डवानां महाचमूम् ॥

karṇo'pi samare rājanvidhūmo'gniriva jvalat | dahaṃstasthau mahābāhuḥ pāṇḍavānāṃ mahācamūm

Karna too, O king, mighty-armed, stood in the battle like a blazing smokeless fire, burning the great army of the Pandavas.

Verse 40 (8.82.40)

शिरांसि च महाराज कर्णांश्चैव सकुण्डलान् । बाहूंश्च वीरो वीराणां चिच्छेद लघु चेषुभिः ॥

śirāṃsi ca mahārāja karṇāṃścaiva sakuṇḍalān | bāhūṃśca vīro vīrāṇāṃ ciccheda laghu ceṣubhiḥ

Great king, the hero swiftly cut off with his arrows the heads of heroes, and ears together with their earrings, and arms,

Note on the text: Corrected कर्णां श्चैव → कर्णांश्चैव (misprint in Wikisource; stray space inside the word).

Verse 41 (8.82.41)

हस्तिदन्तत्सरून्खड्गान्ध्वजाञ्शक्तीर्हयान्गजान् । रथांश्च विविधान्राजन्पताका व्यजनानि च ॥

hastidantatsarūnkhaḍgāndhvajāñśaktīrhayāngajān | rathāṃśca vividhānrājanpatākā vyajanāni ca

swords with hilts of elephant tusk, banners, spears, horses and elephants, and chariots of many kinds, O king, with flags and fans,

Note on the text: Corrected खङ्गान् → खड्गान् (misprint in Wikisource; CE khaḍgān).

Verse 42 (8.82.42)

अक्षं च युगयोक्त्राणि चक्राणि विविधानि च । चिच्छेद बहुधा कर्णो योधव्रतमनुष्ठितः ॥

akṣaṃ ca yugayoktrāṇi cakrāṇi vividhāni ca | ciccheda bahudhā karṇo yodhavratamanuṣṭhitaḥ

and axles, yokes, harness-straps, and wheels of many kinds; Karna cut them to pieces in many ways, true to a warrior's vow.

Verse 43 (8.82.43)

तत्र भारत कर्णेन निहतैर्गजवाजिभिः । अगम्यरूपा पृथिवी मांसशोणितकर्दमा ॥

tatra bhārata karṇena nihatairgajavājibhiḥ | agamyarūpā pṛthivī māṃsaśoṇitakardamā

There, Bharata, with the elephants and horses slain by Karna, the earth became impassable, a mire of flesh and blood.

Verse 44 (8.82.44)

विषमं च समं चैव हतैरश्वपदातिभिः । रथैश्च कुञ्जरैश्चैव न प्राज्ञायत किञ्चन ॥

viṣamaṃ ca samaṃ caiva hatairaśvapadātibhiḥ | rathaiśca kuñjaraiścaiva na prājñāyata kiñcana

With slain horses and foot-soldiers, with chariots and elephants, nothing could be made out, whether the ground was rough or smooth.

Verse 45 (8.82.45)

नापि स्वे न परे योधाः प्राज्ञायन्त परस्परम् । घोरे शरान्धकारे तु कर्णास्त्रे च विजृम्भिते ॥

nāpi sve na pare yodhāḥ prājñāyanta parasparam | ghore śarāndhakāre tu karṇāstre ca vijṛmbhite

Neither their own warriors nor the enemy's could be told apart from one another, in that dreadful darkness of arrows, when Karna's weapon spread out.

Verse 46 (8.82.46)

राधेयचापनिर्मुक्तैः शरैः काञ्चनभूषणैः । सञ्छादिता महाराज पाण्डवानां महारथाः ॥

rādheyacāpanirmuktaiḥ śaraiḥ kāñcanabhūṣaṇaiḥ | sañchāditā mahārāja pāṇḍavānāṃ mahārathāḥ

The great chariot-warriors of the Pandavas, great king, were covered over with golden-adorned arrows loosed from Radheya's bow.

Verse 47 (8.82.47)

ते पाण्डवेयाः समरे राधेयेन पुनः पुनः । अभज्यन्त महाराज यतमाना महारथाः ॥

te pāṇḍaveyāḥ samare rādheyena punaḥ punaḥ | abhajyanta mahārāja yatamānā mahārathāḥ

Those Pandavas, great king, though they strove, great chariot-warriors as they were, were broken again and again in the battle by Radheya.

Verse 48 (8.82.48)

मृगसङ्घान्यथा क्रुद्धः सिंहो द्रावयते वने । पञ्चालानां रथश्रेष्ठान्द्रावयञ्शात्रवांस्तथा ॥

mṛgasaṅghānyathā kruddhaḥ siṃho drāvayate vane | pañcālānāṃ rathaśreṣṭhāndrāvayañśātravāṃstathā

As an enraged lion drives herds of deer through the forest, so he drove the foremost chariot-warriors of the Panchalas and put the enemy to flight.

Note on the text: Line 1 = CE 8.56.44a; line 2 = CE star passage 8.56.44b*0859_01.

Verse 49 (8.82.49)

कर्णस्तु समरे योधांस्त्रासयन्सुमहायशाः । कालयामास तत्सैन्यं यथा पशुगणान्वृकः ॥

karṇastu samare yodhāṃstrāsayansumahāyaśāḥ | kālayāmāsa tatsainyaṃ yathā paśugaṇānvṛkaḥ

Karna of great fame, terrifying the warriors in the battle, drove that army before him as a wolf drives herds of cattle.

Note on the text: Corrected त्रासयुन् → त्रासयन् (misprint in Wikisource; ुन् for न्; the present participle of त्रासयति is त्रासयन्). Lines = CE 8.56.44ce (CE: karṇas tu samare yodhāṃs tatra tatra mahāyaśāḥ; the base reads त्रासयन्सुमहायशाः).

Verse 50 (8.82.50)

दृष्ट्वा तु पाण्डवीं मेनां धार्तराष्ट्राः पराङ्मुखीम् । तत्राजग्मुर्महेष्वासा रुदन्तो भैरवान्रवान् ॥

dṛṣṭvā tu pāṇḍavīṃ menāṃ dhārtarāṣṭrāḥ parāṅmukhīm | tatrājagmurmaheṣvāsā rudanto bhairavānravān

Seeing the Pandava army turned away, the Dhartarashtra great archers went there, crying out dreadful cries.

Note on the text: Corrected पराङ्युखीम् → पराङ्मुखीम् (misprint in Wikisource; CE parāṅmukhīm). Corrected भैरवात्रवान् → भैरवान्रवान् (misprint in Wikisource; CE bhairavān ravān).

Verse 51 (8.82.51)

दुर्योधनो हि राजेन्द्र मुदा परमया युतः । वादयामास संहृष्टो नानावाद्यानि सर्वशः ॥

duryodhano hi rājendra mudā paramayā yutaḥ | vādayāmāsa saṃhṛṣṭo nānāvādyāni sarvaśaḥ

And Duryodhana, king of kings, filled with the utmost joy, in delight had all kinds of instruments played on every side.

Verse 52 (8.82.52)

पाञ्चालाश्च महेष्वासा भग्नास्तत्र नरोत्तमाः । न्यवर्तन्त तदा शूरा मृत्युं कृत्वा निवर्तनम् ॥

pāñcālāśca maheṣvāsā bhagnāstatra narottamāḥ | nyavartanta tadā śūrā mṛtyuṃ kṛtvā nivartanam

And the Panchalas, great archers and best of men, who had been broken there, turned back, those heroes, making death the only end of their turning back.

Verse 53 (8.82.53)

तान्निवृत्तान्रणे शूरान्राधेयः शत्रुतापनः । अनेकशो महाराज बभञ्ज पुरुषर्षभः ॥

tānnivṛttānraṇe śūrānrādheyaḥ śatrutāpanaḥ | anekaśo mahārāja babhañja puruṣarṣabhaḥ

Radheya, tormentor of foes, bull among men, broke those heroes again and again as they turned back to the fight, great king.

Verse 54 (8.82.54)

तत्र भारत कर्णेन पाञ्चाला विंशती रथाः । निहताः सायकैः क्रोधाच्चेदयश्च परंशताः ॥

tatra bhārata karṇena pāñcālā viṃśatī rathāḥ | nihatāḥ sāyakaiḥ krodhāccedayaśca paraṃśatāḥ

There, Bharata, Karna in his anger slew with his arrows twenty Panchala chariot-warriors, and Chedis to the number of more than a hundred.

Verse 55 (8.82.55)

कृत्वा शून्यान्रथोपस्थान्वाजिपृष्ठांश्च भारत । निर्मनुष्यान्गजस्कन्धान्पादातांश्चैव विद्रुतान् ॥

kṛtvā śūnyānrathopasthānvājipṛṣṭhāṃśca bhārata | nirmanuṣyāngajaskandhānpādātāṃścaiva vidrutān

He left the chariot-boxes empty, Bharata, and the horses' backs, and the elephants' shoulders without men, and the foot-soldiers fled.

Verse 56 (8.82.56)

आदित्य इव मध्याह्ने दुर्निरीक्ष्यः परन्तपः । कालान्तकवपुः शूरः सूतपुत्रोऽभ्यराजत ॥

āditya iva madhyāhne durnirīkṣyaḥ parantapaḥ | kālāntakavapuḥ śūraḥ sūtaputro'bhyarājata

Like the midday sun, hard to look upon, the scorcher of foes, the heroic son of the charioteer, shone with a form like Death the ender.

Verse 57 (8.82.57)

एवमेतन्महाराज नरवाजिरथद्विपान् । हत्वा तस्थौ महेष्वासः कर्णोऽरिगणसूदनः ॥

evametanmahārāja naravājirathadvipān | hatvā tasthau maheṣvāsaḥ karṇo'rigaṇasūdanaḥ

Thus, great king, having slain men, horses, chariots and elephants, the great archer Karna, slayer of hosts of foes, stood there.

Verse 58 (8.82.58)

यथा भूतगणान्हत्वा कालस्तिष्ठेन्महाबलः । तथा स सोमकान्हत्वा तस्थावेको महारथः ॥

yathā bhūtagaṇānhatvā kālastiṣṭhenmahābalaḥ | tathā sa somakānhatvā tasthāveko mahārathaḥ

As mighty Time would stand, having slain all beings, so he stood alone, a great chariot-warrior, having slain the Somakas.

Verse 59 (8.82.59)

तत्राद्भुतमपश्याम पाञ्चालानां पराक्रमम् । वध्यमानापि यत्कर्णं नाजहू रणमूर्धनि ॥

tatrādbhutamapaśyāma pāñcālānāṃ parākramam | vadhyamānāpi yatkarṇaṃ nājahū raṇamūrdhani

There we saw a marvel in the valour of the Panchalas: that even as they were being slain, they did not abandon Karna at the head of the battle.

Note on the text: Corrected वध्यमानाऽपि → वध्यमानापि (misprint in Wikisource; stray avagraha; CE vadhyamānāpi).

Verse 60 (8.82.60)

राजा दुःशासनश्चैव कृपः शारद्वतस्तथा । अश्वत्थामा कृतवर्मा शकुनिश्च महाबलः । व्यहनन्पाण्डवीं सेनां शतशोऽथ सहस्रशः ॥

rājā duḥśāsanaścaiva kṛpaḥ śāradvatastathā | aśvatthāmā kṛtavarmā śakuniśca mahābalaḥ | vyahananpāṇḍavīṃ senāṃ śataśo'tha sahasraśaḥ

King Duhshasana, Kripa the son of Sharadvat, Ashvatthama, Kritavarman, and mighty Shakuni struck down the Pandava army by the hundred and by the thousand.

Note on the text: Lines = CE 8.56.55ace (variants: शकुनिश्च महाबलः for śakuniś cāpi saubalaḥ; व्यहनन् for nyahanan).

Verse 61 (8.82.61)

कर्णपुत्रौ तु राजेन्द्र भ्रातरौ सत्यविक्रमौ । निजघ्नाते बलं क्रुद्धौ पाण्डवानामितस्ततः ॥

karṇaputrau tu rājendra bhrātarau satyavikramau | nijaghnāte balaṃ kruddhau pāṇḍavānāmitastataḥ

As for Karna's two sons, king of kings, brothers of true valour, in anger they struck down the Pandava force here and there.

Note on the text: Corrected कर्मपुत्रौ → कर्णपुत्रौ (misprint in Wikisource; CE karṇaputrau; the sons of Karna are meant). Line 1 = CE 8.56.56a; line 2 is a vulgate reading in place of CE 8.56.56c (anāśayetāṃ balinaḥ pāñcālān vai tatas tataḥ).

Verse 62 (8.82.62)

तत्र युद्धं महच्चासीत्क्रूरं विशसनं महत् ॥

tatra yuddhaṃ mahaccāsītkrūraṃ viśasanaṃ mahat

There the battle was great, cruel, a great slaughter.

Note on the text: Single line = CE 8.56.56e.

Verse 63 (8.82.63)

तथैव पाण्डवाः शूरा धृष्टद्युम्नशिखण्डिनौ । द्रौपदेयाश्च सङ्क्रुद्धा अभ्यघ्नंस्तावकं बलम् ॥

tathaiva pāṇḍavāḥ śūrā dhṛṣṭadyumnaśikhaṇḍinau | draupadeyāśca saṅkruddhā abhyaghnaṃstāvakaṃ balam

Likewise the Pandava heroes, Dhrishtadyumna and Shikhandin, and the sons of Draupadi, in fury struck down your force.

Verse 64 (8.82.64)

एवमेष क्षयो वृत्तः पाण्डवानां ततस्ततः । तावकानामपि रणे भीमं प्राप्य महाबलम् ॥

evameṣa kṣayo vṛttaḥ pāṇḍavānāṃ tatastataḥ | tāvakānāmapi raṇe bhīmaṃ prāpya mahābalam

Thus the ruin came upon the Pandavas here and there, and upon your men too in the battle, when they met mighty Bhima.