The Quarrel at Prabhasa and the Slaughter of the Yadavas

Verse 1 (16.4.1)

काली स्त्री पाण्डुरैर्दन्तैः प्रविश्य हसती निशि । स्त्रियः स्वप्नेषु मुष्णन्ती द्वारकां परिधावति ॥

kālī strī pāṇḍurairdantaiḥ praviśya hasatī niśi | striyaḥ svapneṣu muṣṇantī dvārakāṃ paridhāvati

A black woman with white teeth would enter at night, laughing, and run about Dvaraka, robbing the women in their dreams.

Verse 2 (16.4.2)

अग्निहोत्रनिकेतेषु वास्तुमध्येषु वेश्मसु । वृष्ण्यन्धकानखादन्त स्वप्ने गृध्रा भयानकाः ॥

agnihotraniketeṣu vāstumadhyeṣu veśmasu | vṛṣṇyandhakānakhādanta svapne gṛdhrā bhayānakāḥ

In the houses of the sacred fires, in the middle of house-plots, and in dwellings, dreadful vultures devoured the Vrishnis and Andhakas in dreams.

Note on the text: Not in the critical edition's numbered text: star passage 16,004.001d*0015_01-02.

Verse 3 (16.4.3)

अलङ्काराश्च च्छत्रं च ध्वजाश्च कवचानि च । ह्रियमाणान्यदृश्यन्त रक्षोभिः सुभयानकैः ॥

alaṅkārāśca cchatraṃ ca dhvajāśca kavacāni ca | hriyamāṇānyadṛśyanta rakṣobhiḥ subhayānakaiḥ

Ornaments, parasols, banners and coats of mail were seen being carried off by terrifying rakshasas.

Verse 4 (16.4.4)

तच्चाग्निदत्तं कृष्णस्य वज्रनाभमयोमयम् । दिवमाचक्रमे चक्रं वृष्णीनां पश्यतां तदा ॥

taccāgnidattaṃ kṛṣṇasya vajranābhamayomayam | divamācakrame cakraṃ vṛṣṇīnāṃ paśyatāṃ tadā

And Krishna's iron discus, with its adamantine hub, given to him by Agni, rose into the sky before the eyes of the Vrishnis.

Verse 5 (16.4.5)

युक्तं रथं दिव्यमादित्यवर्णं । हयाऽहरन्पश्यतो दारुकस्य । ते सागरस्योपरिष्टादगच्छ- । न्मनोजवाश्चतुरो वाजिमुख्याः ॥

yuktaṃ rathaṃ divyamādityavarṇaṃ | hayā'haranpaśyato dārukasya | te sāgarasyopariṣṭādagaccha- | nmanojavāścaturo vājimukhyāḥ

As Daruka looked on, the horses bore away the divine chariot, yoked and radiant as the sun; and those four finest of steeds, swift as thought, sped away over the sea.

Note on the text: Four-line verse as printed (16-4-5a–d) = CE 16,004.004a and 004c; a word is split across lines ('अगच्छ-' / 'न्') as printed.

Verse 6 (16.4.6)

तालः सुपर्णश्च महाध्वजौ तौ । सुपूजितौ रामजनार्दनाभ्याम् । उच्चैर्जह्रुरप्सरसश्च दिव्या । देवा ऊचुर्गम्यतां तीर्थयात्राः ॥

tālaḥ suparṇaśca mahādhvajau tau | supūjitau rāmajanārdanābhyām | uccairjahrurapsarasaśca divyā | devā ūcurgamyatāṃ tīrthayātrāḥ

The two great standards, the Palm and the Garuda, well honoured by Rama and Janardana, were carried high away by the divine Apsarases; and the gods said, "Let pilgrimages be undertaken."

Note on the text: Corrected रामजनार्धनाभ्याम् → रामजनार्दनाभ्याम् (misprint in Wikisource; ध for द; CE reads rāmajanārdanābhyām). Four-line verse as printed (16-4-6a–d) = CE 16,004.005a and 005c (Wikisource's last line, 'देवा ऊचुर्गम्यतां तीर्थयात्राः', for CE 'vācaś cocur gamyatāṃ tīrthayātrā').

Verse 7 (16.4.7)

भगवद्दर्शनस्पर्शस्नेहैर्विततभोगिनः । दिवः प्रवेशनार्थं ते विमानैर्दिवमाययुः ॥

bhagavaddarśanasparśasnehairvitatabhoginaḥ | divaḥ praveśanārthaṃ te vimānairdivamāyayuḥ

Moved by affection born of seeing and touching the Blessed Lord, those with spreading hoods came to heaven in celestial cars, in order to enter the sky.

Note on the text: Corrected प्रवेशानार्थं → प्रवेशनार्थं (misprint in Wikisource; spurious ā; CE star reads praveśanārtham). Removed the stray backtick, closing quote and doubled danda (`…।।') that bracket a vulgate-only couplet on the page. Not in the critical edition's numbered text: star passage 16,004.005d*0017_01-02 (the star reads 'vitatabhoginām').

Verse 8 (16.4.8)

ततो जिगमिषन्तस्ते वृष्ण्यन्धकमहारथाः । सान्तःपुरास्तदा तीर्थयात्रामैच्छन्नरर्षभाः ॥

tato jigamiṣantaste vṛṣṇyandhakamahārathāḥ | sāntaḥpurāstadā tīrthayātrāmaicchannararṣabhāḥ

Then the great warriors of the Vrishnis and Andhakas, eager to set out with their households, those bulls among men, wished to go on a pilgrimage.

Verse 9 (16.4.9)

ततो मनोहरा हृष्टाः पेयं मांसं मधूनि च । बहु नानाविधं चक्रुस्त्वरिताः कालचोदिताः ॥

tato manoharā hṛṣṭāḥ peyaṃ māṃsaṃ madhūni ca | bahu nānāvidhaṃ cakrustvaritāḥ kālacoditāḥ

Then, cheerful and charming, hurrying and driven by Time, they prepared drink, meat and spirits in great quantity and of many kinds.

Note on the text: Corrected हृष्टाःक पेयं → हृष्टाः पेयं (misprint in Wikisource; a stray footnote letter क is run into the text). The wording differs from CE 16,004.007 ('tato bhojyaṃ ca bhakṣyaṃ ca peyaṃ cāndhakavṛṣṇayaḥ / bahu nānāvidhaṃ cakrur madyaṃ māṃsam anekaśaḥ'), whose second line it resembles; a recension variant, kept.

Verse 10 (16.4.10)

ततः सीधुषु सक्ताश्च निर्ययुर्नगराद्बहिः । यानैरश्वैर्गजैश्चैव श्रीमन्तस्तिग्मतेजसः ॥

tataḥ sīdhuṣu saktāśca niryayurnagarādbahiḥ | yānairaśvairgajaiścaiva śrīmantastigmatejasaḥ

Then, devoted to strong drink, those splendid and fiercely brilliant men went out of the city in chariots, on horses and on elephants.

Verse 11 (16.4.11)

ततः प्रभासे न्यवसन्यथोद्दिष्टं यथागृहम् । प्रभूतभक्ष्यपेयास्ते सदारा यादवास्तदा ॥

tataḥ prabhāse nyavasanyathoddiṣṭaṃ yathāgṛham | prabhūtabhakṣyapeyāste sadārā yādavāstadā

Then the Yadavas, with their wives and abundant food and drink, took up quarters at Prabhasa as assigned, house by house.

Verse 12 (16.4.12)

निविष्टांस्तान्निशाम्याथ समुद्रान्ते स योगवित् । जगामामन्त्र्य तान्वीरानुद्धवोऽर्थविशारदः ॥

niviṣṭāṃstānniśāmyātha samudrānte sa yogavit | jagāmāmantrya tānvīrānuddhavo'rthaviśāradaḥ

Seeing them settled at the edge of the sea, Uddhava, the knower of yoga, skilled in the highest aim, took leave of those heroes and departed.

Verse 13 (16.4.13)

तं प्रस्थितं महात्मानमभिवाद्य कृताञ्जलिम् । जानन्विनाशं वृष्णीनां नैच्छद्वारयितुं हरिः ॥

taṃ prasthitaṃ mahātmānamabhivādya kṛtāñjalim | jānanvināśaṃ vṛṣṇīnāṃ naicchadvārayituṃ hariḥ

The great-souled Uddhava set out after saluting Hari with folded hands; knowing that the Vrishnis were doomed, Hari did not wish to stop him.

Verse 14 (16.4.14)

ततः कालपरीतास्ते वृष्ण्यन्धकमहारथाः । अपश्यन्नुद्धवं यान्तं तेजसाऽऽवृत्य रोदसी ॥

tataḥ kālaparītāste vṛṣṇyandhakamahārathāḥ | apaśyannuddhavaṃ yāntaṃ tejasā''vṛtya rodasī

Then the great warriors of the Vrishnis and Andhakas, overtaken by Time, saw Uddhava go, his radiance filling heaven and earth.

Verse 15 (16.4.15)

ब्राह्मणार्थेषु यत्सिद्धमन्नं तेषां महात्मनाम् । तद्वानरेभ्यः प्रददुः सुरागन्धसमन्वितम् ॥

brāhmaṇārtheṣu yatsiddhamannaṃ teṣāṃ mahātmanām | tadvānarebhyaḥ pradaduḥ surāgandhasamanvitam

The food that had been prepared for the brahmins, from those great-souled men, they gave to the monkeys, mixed with the smell of liquor.

Verse 16 (16.4.16)

ततस्तूर्यशताकीर्णं नटनर्तकसंकुलम् । अवर्तत महापानं प्रभासे तिग्मतेजसाम् ॥

tatastūryaśatākīrṇaṃ naṭanartakasaṃkulam | avartata mahāpānaṃ prabhāse tigmatejasām

Then a great drinking bout began at Prabhasa among those fiercely brilliant men, thronged with hundreds of musical instruments and crowded with actors and dancers.

Verse 17 (16.4.17)

कृष्णस्य सन्निधौ रामः सहितः कृतवर्मणा । अपिबद्युयुधानश्च गदो बभ्रुस्तथैव च ॥

kṛṣṇasya sannidhau rāmaḥ sahitaḥ kṛtavarmaṇā | apibadyuyudhānaśca gado babhrustathaiva ca

In Krishna's presence Rama drank together with Kritavarman, and so did Yuyudhana, Gada and Babhru.

Verse 18 (16.4.18)

ततः परिषदो मध्ये युयुधानो मदोत्कटः । अब्रवीत्कृतवर्माणमवहास्यावमत्य च ॥

tataḥ pariṣado madhye yuyudhāno madotkaṭaḥ | abravītkṛtavarmāṇamavahāsyāvamatya ca

Then, in the midst of the assembly, Yuyudhana, wild with drink, laughed at Kritavarman and spoke to him with contempt:

Verse 19 (16.4.19)

कः क्षत्रियो हन्यमानः सुप्तान्हन्यान्मृतानिव । तन्न मृष्यन्ति हार्दिक्य यादवा यत्त्वया कृतम् ॥

kaḥ kṣatriyo hanyamānaḥ suptānhanyānmṛtāniva | tanna mṛṣyanti hārdikya yādavā yattvayā kṛtam

'What Kshatriya, even when himself under attack, would kill men who are asleep, as though they were dead? The Yadavas will not forgive what you did, son of Hridika.'

Note on the text: Satyaki speaks; the page prints no heading for his words. Wikisource reads 'हन्यमानः' (kept) where CE has 'manyamānaḥ'.

Verse 20 (16.4.20)

इत्युक्ते युयुधानेन पूजयामास तद्वचः । प्रद्युम्नो रथिनांश्रेष्ठो हार्दिक्यमवमत्य च ॥

ityukte yuyudhānena pūjayāmāsa tadvacaḥ | pradyumno rathināṃśreṣṭho hārdikyamavamatya ca

When Yuyudhana had spoken, Pradyumna, the best of charioteers, approved his words, slighting Hardikya.

Note on the text: Corrected हार्दिक्यमवमत्य व → हार्दिक्यमवमत्य च (misprint in Wikisource; व for च; CE reads avamanya ca).

Verse 21 (16.4.21)

ततः परमसंक्रुद्धः कृतवर्मा तमब्रवीत् । निर्दिशन्निव सावज्ञं तदा सव्येन पाणिना ॥

tataḥ paramasaṃkruddhaḥ kṛtavarmā tamabravīt | nirdiśanniva sāvajñaṃ tadā savyena pāṇinā

Then Kritavarman, greatly enraged, answered him, pointing at him scornfully with his left hand:

Verse 22 (16.4.22)

भूरिश्रवाश्छिन्नबाहुर्युद्धे प्रायगतस्त्वया । वधेन सुनृशंसेन कथं वीरेण पातितः ॥

bhūriśravāśchinnabāhuryuddhe prāyagatastvayā | vadhena sunṛśaṃsena kathaṃ vīreṇa pātitaḥ

'Bhurishravas, his arm cut off, sat in the fast unto death on the battlefield. How was he struck down by you, a hero, in so cruel a killing?'

Note on the text: Corrected युर्द्धे → युद्धे (misprint in Wikisource; stray र्; CE reads yuddhe). Kritavarman speaks; the page prints no heading for his words.

Verse 23 (16.4.23)

इति तस्य वचः श्रुत्वा केशवः परवीरहा । तिर्यक्सरोषया दृष्ट्या वीक्षांचक्रे स मन्युमान् ॥

iti tasya vacaḥ śrutvā keśavaḥ paravīrahā | tiryaksaroṣayā dṛṣṭyā vīkṣāṃcakre sa manyumān

Hearing his words, Keshava, destroyer of enemy heroes, in his anger cast a sidelong glance with an angry eye.

Verse 24 (16.4.24)

मणिः स्यमन्तकश्चैव यः स सत्राजितोऽभवत् । तां कथां श्रावयामास सात्यकिर्मधुसूदनम् ॥

maṇiḥ syamantakaścaiva yaḥ sa satrājito'bhavat | tāṃ kathāṃ śrāvayāmāsa sātyakirmadhusūdanam

Then Satyaki made Madhusudana hear that tale of the Syamantaka jewel which had belonged to Satrajit.

Verse 25 (16.4.25)

तच्छ्रुत्वा केशवस्याङ्कमगमद्रुदती तदा । सत्यभामा प्रकुपिता कोपयन्ती जनार्दनम् ॥

tacchrutvā keśavasyāṅkamagamadrudatī tadā | satyabhāmā prakupitā kopayantī janārdanam

Hearing it, Satyabhama, enraged and weeping, went to Keshava's lap, provoking Janardana to anger.

Verse 26 (16.4.26)

तत उत्थाय सक्रोधः सात्यकिर्वाक्यमब्रवीत् ॥

tata utthāya sakrodhaḥ sātyakirvākyamabravīt

Then Satyaki rose in anger and spoke these words:

Note on the text: Single-line verse as printed (16-4-26a) = the first line of CE 16,004.024; its second line begins the next verse on the page.

Verse 27 (16.4.27)

पञ्चानां द्रौपदेयानां धृष्टद्युम्नशिखण्डिनोः । एष गच्छामि पदवीं सत्येन च तथा शपे ॥

pañcānāṃ draupadeyānāṃ dhṛṣṭadyumnaśikhaṇḍinoḥ | eṣa gacchāmi padavīṃ satyena ca tathā śape

'For the five sons of Draupadi, and for Dhrishtadyumna and Shikhandin, I take their road now; this I swear by truth.

Note on the text: Line 1 = CE 16,004.024c; line 2 = CE 16,004.025a.

Verse 28 (16.4.28)

सौप्तिके ये च निहताः सुप्ता येन दुरात्मना । द्रोणपुत्रसहायेन पापेन कृतवर्मणा ॥

sauptike ye ca nihatāḥ suptā yena durātmanā | droṇaputrasahāyena pāpena kṛtavarmaṇā

Those who were killed asleep in the night raid by that wicked man, the sinful Kritavarman, the ally of Drona's son:

Note on the text: Line 1 = CE 16,004.025c; line 2 = CE 16,004.026a.

Verse 29 (16.4.29)

समाप्तमायुरस्याद्य यशश्चैव सुमध्यमे । इत्येवमुक्त्वा खड्गेन केशवस्य समीपतः । अभिद्रुत्य शिरः क्रुद्धश्चिच्छेद कृतवर्मणः ॥

samāptamāyurasyādya yaśaścaiva sumadhyame | ityevamuktvā khaḍgena keśavasya samīpataḥ | abhidrutya śiraḥ kruddhaściccheda kṛtavarmaṇaḥ

his life is ended today, and his fame as well, O slender-waisted one.' Having said this, Satyaki, in rage, rushed at Kritavarman with his sword in front of Keshava and cut off his head.

Note on the text: Corrected सुमध्यते → सुमध्यमे (misprint in Wikisource; dropped म and spurious त; the vocative is sumadhyame in CE). Corrected खङ्गेन → खड्गेन (misprint in Wikisource; ङ्ग for ड्ग; CE reads khaḍgena). Three-line verse as printed (16-4-29a,b,c): line 1 = CE 16,004.026c, lines 2–3 = CE 16,004.027a and 027c. Line 1 is the end of Satyaki's speech; the narration begins with line 2.

Verse 30 (16.4.30)

तथाऽन्यानपि निघ्नन्तं युयुधानं समन्ततः । अभ्यधावद्धृषीकेशो विनिवारयितुं तदा ॥

tathā'nyānapi nighnantaṃ yuyudhānaṃ samantataḥ | abhyadhāvaddhṛṣīkeśo vinivārayituṃ tadā

As Yuyudhana went on killing others all around, Hrishikesha ran towards him to restrain him.

Verse 31 (16.4.31)

एकीभूतास्ततः सर्वे कालपर्यायचोदिताः । भोजान्धका महाराज शैनेयं पर्यवारयन् ॥

ekībhūtāstataḥ sarve kālaparyāyacoditāḥ | bhojāndhakā mahārāja śaineyaṃ paryavārayan

Then all of them together, driven by the turn of Time, the Bhojas and Andhakas, O great king, surrounded Shaineya.

Verse 32 (16.4.32)

तान्दृष्ट्वा पततस्तूर्णमभिक्रुद्धाञ्जनार्दनः । न चुक्रोध महातेजा जानन्कालस्य पर्ययम् ॥

tāndṛṣṭvā patatastūrṇamabhikruddhāñjanārdanaḥ | na cukrodha mahātejā jānankālasya paryayam

Seeing them rush on in anger, Janardana, of great energy, did not grow angry, knowing the turning of Time.

Verse 33 (16.4.33)

ते तु पानमदाविष्टाश्चोदिताः कालधर्मणा । युयुधानमथाभ्यघ्नन्नुच्छिष्टैर्भाजनैस्तदा ॥

te tu pānamadāviṣṭāścoditāḥ kāladharmaṇā | yuyudhānamathābhyaghnannucchiṣṭairbhājanaistadā

But maddened with drink and driven by the force of Time, they struck Yuyudhana with the vessels they had eaten from.

Verse 34 (16.4.34)

हन्यमाने तु शैनेये क्रुद्धो रुक्मिणिनन्दनः । तदनन्तरमागच्छन्मोचयिष्यञ्शिनेः सुतम् ॥

hanyamāne tu śaineye kruddho rukmiṇinandanaḥ | tadanantaramāgacchanmocayiṣyañśineḥ sutam

As Shaineya was being beaten, the son of Rukmini, enraged, ran up in between to free the son of Shini.

Verse 35 (16.4.35)

स भोजैः सह संयुक्तः सात्यकिश्चान्धकैः सह । व्यायच्छमानौ तौ वीरौ बाहुद्रविणशालिनौ । बहुत्वान्निहतौ तत्र उभौ कृष्णस्य पश्यतः ॥

sa bhojaiḥ saha saṃyuktaḥ sātyakiścāndhakaiḥ saha | vyāyacchamānau tau vīrau bāhudraviṇaśālinau | bahutvānnihatau tatra ubhau kṛṣṇasya paśyataḥ

He was caught up with the Bhojas, and Satyaki with the Andhakas; those two heroes, rich in the strength of their arms, struggled on, and both were killed there by sheer numbers as Krishna looked on.

Note on the text: Corrected कुष्णस्य → कृष्णस्य (misprint in Wikisource; ु for ृ; CE reads kṛṣṇasya). Three-line verse as printed (16-4-35a,b,c) = CE 16,004.033a, star line 16,004.033b*0019_01, and CE 16,004.033c.

Verse 36 (16.4.36)

हतं दृष्ट्वा च शैनेयं पुत्रं च यदुनन्दनः । एरकाणां ततो मुष्टिं कोपाज्जग्राह केशवः ॥

hataṃ dṛṣṭvā ca śaineyaṃ putraṃ ca yadunandanaḥ | erakāṇāṃ tato muṣṭiṃ kopājjagrāha keśavaḥ

Seeing Shaineya and his own son dead, Keshava, the scion of Yadu, in rage took up a handful of eraka reeds.

Verse 37 (16.4.37)

तदभून्मुसलं घोरं वज्रकल्पमयोमयम् । जघान कृष्णस्तांस्तेन ये ये प्रमुखतोऽभवन् ॥

tadabhūnmusalaṃ ghoraṃ vajrakalpamayomayam | jaghāna kṛṣṇastāṃstena ye ye pramukhato'bhavan

It became a dreadful iron pestle, like a thunderbolt; with it Krishna struck down all those who stood before him.

Note on the text: Corrected कुष्णस्तां → कृष्णस्तां (misprint in Wikisource; ु for ृ; CE reads kṛṣṇas tān). Corrected तेनि येये → तेन ये ये (misprint in Wikisource; a stray vowel sign ि and the joined words ये ये).

Verse 38 (16.4.38)

ततोऽन्धकाश्च भोजाश्च शैनेया वृष्णयस्तथा । जघ्नुरन्योन्यमाक्रन्दे मुसलैः कालचोदिताः ॥

tato'ndhakāśca bhojāśca śaineyā vṛṣṇayastathā | jaghnuranyonyamākrande musalaiḥ kālacoditāḥ

Then the Andhakas, Bhojas, Shaineyas and Vrishnis, driven by Time, struck one another with pestles in the uproar.

Verse 39 (16.4.39)

यस्तेषामेरकां कश्चिज्जग्राह कुपितो नृपः । वज्रभूतेव सा राजन्नदृश्यत तदा विभो ॥

yasteṣāmerakāṃ kaścijjagrāha kupito nṛpaḥ | vajrabhūteva sā rājannadṛśyata tadā vibho

Whichever of them, enraged, took hold of an eraka reed, O king, it looked like a thunderbolt then, O lord.

Verse 40 (16.4.40)

तृणं च मुसलीभूतमपि तत्र व्यदृश्यत । ब्रह्मदण्डकृतं सर्वमिति तद्विद्धि पार्थिव ॥

tṛṇaṃ ca musalībhūtamapi tatra vyadṛśyata | brahmadaṇḍakṛtaṃ sarvamiti tadviddhi pārthiva

Even a blade of grass was seen to turn into a pestle there. Know, O king, that it was all the work of the brahmin's curse.

Note on the text: Corrected तद्विद्वि → तद्विद्धि (misprint in Wikisource; द्वि for द्धि; CE reads viddhi).

Verse 41 (16.4.41)

आविध्याविध्य ते राजन्प्रहरन्ति स्म तैस्तृणैः । तद्वज्रभूतं मुसलं व्यदृश्यत तदा दृढम् ॥

āvidhyāvidhya te rājanpraharanti sma taistṛṇaiḥ | tadvajrabhūtaṃ musalaṃ vyadṛśyata tadā dṛḍham

O king, whatever grass they snatched up, swung round and struck with, appeared as a hard pestle, hard as a thunderbolt.

Verse 42 (16.4.42)

अवधीत्पितरं पुत्रः पिता पुत्रं च भारत । मत्ताः परिपतन्ति स्म योधयन्तः परस्परम् ॥

avadhītpitaraṃ putraḥ pitā putraṃ ca bhārata | mattāḥ paripatanti sma yodhayantaḥ parasparam

Son killed father and father son, O Bharata; maddened, they fell on one another and fought each other.

Verse 43 (16.4.43)

पतङ्गा इव चाग्नौ ते निपेतुः कुकुरान्धकाः । नासीत्पलायने बुद्धिर्वध्यमानस्य कस्यचित् ॥

pataṅgā iva cāgnau te nipetuḥ kukurāndhakāḥ | nāsītpalāyane buddhirvadhyamānasya kasyacit

The Kukuras and Andhakas fell like moths into a fire; not one of those being slain thought of fleeing.

Note on the text: Corrected वधअयमानस्य → वध्यमानस्य (misprint in Wikisource; a stray extra letter अ and a broken conjunct; CE reads vadhyamānasya).

Verse 44 (16.4.44)

तत्रापश्यन्महाबाहुर्जानन्कालस्य पर्ययम् । मुसलं समवष्टभ्य तस्थौ स मधुसूदनः ॥

tatrāpaśyanmahābāhurjānankālasya paryayam | musalaṃ samavaṣṭabhya tasthau sa madhusūdanaḥ

Seeing this, the mighty-armed Madhusudana, knowing the turning of Time, took up a pestle and stood still.

Verse 45 (16.4.45)

सांबं च निहतं दृष्ट्वा चारुदेष्णं च माधवः । प्रद्युम्नं चानिरुद्धं च ततश्चुक्रोध भारत ॥

sāṃbaṃ ca nihataṃ dṛṣṭvā cārudeṣṇaṃ ca mādhavaḥ | pradyumnaṃ cāniruddhaṃ ca tataścukrodha bhārata

Seeing Samba slain, and Charudeshna, and Pradyumna and Aniruddha, Madhava grew angry, O Bharata.

Verse 46 (16.4.46)

गदं वीक्ष्य शयानं च भृशं कोपसमन्वितः । स निःशेषं तदा चक्रे शार्ङ्गचक्रगदाधरः ॥

gadaṃ vīkṣya śayānaṃ ca bhṛśaṃ kopasamanvitaḥ | sa niḥśeṣaṃ tadā cakre śārṅgacakragadādharaḥ

Seeing Gada lying dead, and filled with fierce anger, the bearer of the Sharnga bow, the discus and the mace then made an end of them all.

Note on the text: Corrected शार्ङ्गचक्रगंदाधरः → शार्ङ्गचक्रगदाधरः (misprint in Wikisource; stray anusvara).

Verse 47 (16.4.47)

तं निघ्नन्तं महातेजा बभ्रुः परपुरंजयः । दारुकश्चैव दाशार्हमूचतुर्यन्निबोध तत् ॥

taṃ nighnantaṃ mahātejā babhruḥ parapuraṃjayaḥ | dārukaścaiva dāśārhamūcaturyannibodha tat

As he was slaying them, the greatly radiant Babhru, conqueror of enemy cities, and Daruka spoke to the descendant of Dasharha. Hear what they said.

Note on the text: Corrected दाशार्हमूवतुर्यन्निबोध → दाशार्हमूचतुर्यन्निबोध (misprint in Wikisource; व for च; CE reads ūcatur).

Verse 48 (16.4.48)

भगवन्निहताः सर्वे त्वया भूयिष्ठशो नराः । रामस्य पदमन्विच्छ तत्र गच्छाम यत्र सः ॥

bhagavannihatāḥ sarve tvayā bhūyiṣṭhaśo narāḥ | rāmasya padamanviccha tatra gacchāma yatra saḥ

'Blessed Lord, men have been killed by you in great numbers. Follow Rama's footsteps; let us go where he is.'

Note on the text: Babhru and Daruka speak (dual); the page prints no heading for their words.