The Disrobing of Draupadi

Verse 1 (2.90.1)

भवन्ति गेहे बन्धक्यः कितवानां युधिष्ठिर । न ताभिरुत दीव्यन्ति दया चैवास्ति तास्वपि ॥

bhavanti gehe bandhakyaḥ kitavānāṃ yudhiṣṭhira | na tābhiruta dīvyanti dayā caivāsti tāsvapi

Yudhishthira, gamblers keep loose women in their houses, yet even they do not stake those women at dice; they have some pity even for them.

Note on the text: Corrected भवन्ति दीव्यन्ति → न ताभिरुत दीव्यन्ति and तावस्वपि → तास्वपि (misprint in Wikisource; the second line repeats भवन्ति from the first, which leaves the quarter two syllables short and inverts the sense, and तावस्वपि is not a word; the critical edition reads na tābhir uta dīvyanti … tāsv api). Wikisource's गेहे (the critical edition: deśe) is kept.

Verse 2 (2.90.2)

काश्यो यद्धनमाहार्षीद्द्रव्यं यच्चान्यदुत्तमम् । तथाऽन्ये पृथिवीपाला यानि रत्नान्युपाहरन् ॥

kāśyo yaddhanamāhārṣīddravyaṃ yaccānyaduttamam | tathā'nye pṛthivīpālā yāni ratnānyupāharan

The wealth the king of Kashi brought, and every other fine thing; the jewels that the other rulers of the earth presented;

Verse 3 (2.90.3)

वाहनानि धनं चैव कवचान्यायुधानि च । राज्यमात्मा वयं चैव कैतवेन हृतं परैः ॥

vāhanāni dhanaṃ caiva kavacānyāyudhāni ca | rājyamātmā vayaṃ caiva kaitavena hṛtaṃ paraiḥ

our vehicles and riches, our armour and weapons, the kingdom, yourself and all of us: all this our enemies have taken by fraud.

Verse 4 (2.90.4)

न च मे तत्र कोपोऽभूत्सर्वस्येशो हि नो भवान् । इमं त्वतिक्रमं मन्ये द्रौपदी यत्र पण्यते ॥

na ca me tatra kopo'bhūtsarvasyeśo hi no bhavān | imaṃ tvatikramaṃ manye draupadī yatra paṇyate

Even at that I felt no anger, for you are master of all we have. But this I count a transgression: that Draupadi is staked.

Note on the text: Corrected मन्यो → मन्ये (misprint in Wikisource; मन्यो is not a word, the verb is मन्ये "I think", as in the critical edition).

Verse 5 (2.90.5)

एषा ह्यनर्हती बाला पाण्डवान्प्राप्य कौरवैः । त्वत्कृते क्लिश्यते क्षुद्रैर्नृशंसैरकृतात्मभिः ॥

eṣā hyanarhatī bālā pāṇḍavānprāpya kauravaiḥ | tvatkṛte kliśyate kṣudrairnṛśaṃsairakṛtātmabhiḥ

This young woman did not deserve it. Having come to the Pandavas, she is now tormented on your account by the Kauravas, petty, cruel and with minds unformed.

Verse 6 (2.90.6)

अस्याः कृते मन्युरयं त्वयि राजन्निपात्यते । बाहू ते सम्प्रधक्ष्यामि सहदेवाग्निमानय ॥

asyāḥ kṛte manyurayaṃ tvayi rājannipātyate | bāhū te sampradhakṣyāmi sahadevāgnimānaya

It is for her sake, king, that this anger falls upon you. I will burn your arms. Sahadeva, bring fire!

Note on the text: Corrected सहदेवाग्निमानयः → सहदेवाग्निमानय (misprint in Wikisource; a stray visarga on the imperative आनय, which the critical edition reads ānaya).

Verse 7 (2.90.7)

न पुरा भीमसेन त्वमीदृशीर्वदिता गिरः । परैस्ते नाशितं नूनं नृशंसैर्धर्मगौरवम् ॥

na purā bhīmasena tvamīdṛśīrvaditā giraḥ | paraiste nāśitaṃ nūnaṃ nṛśaṃsairdharmagauravam

Bhimasena, never before have you spoken words like these. Surely our cruel enemies have destroyed your regard for dharma.

Verse 8 (2.90.8)

न सकामाः परे कार्या धर्ममेवाचरोत्तमम् । भ्रातरं धार्मिकं ज्येष्ठं कोऽतिवर्तितुमर्हति ॥

na sakāmāḥ pare kāryā dharmamevācarottamam | bhrātaraṃ dhārmikaṃ jyeṣṭhaṃ ko'tivartitumarhati

Do not let our enemies have their wish; follow the highest dharma. Who may overstep his righteous elder brother?

Note on the text: Corrected परो → परे (misprint in Wikisource; the plural subject of कार्याः, "the enemies", as the critical edition reads pare).

Verse 9 (2.90.9)

आहूतो हि परै राजा क्षात्रं व्रतमनुस्मरन् । दीव्यते परकामेन तन्नः कीर्तिकरं महत् ॥

āhūto hi parai rājā kṣātraṃ vratamanusmaran | dīvyate parakāmena tannaḥ kīrtikaraṃ mahat

The king was challenged by our enemies, and, remembering the warrior's vow, he plays at another's wish. That brings us great renown.

Verse 10 (2.90.10)

एवमस्मिन्कृतं विद्यां यदि नाहं धनञ्जय । दीप्तेऽग्नौ सहितौ बाहू निर्दहेयं बलादिव ॥

evamasminkṛtaṃ vidyāṃ yadi nāhaṃ dhanañjaya | dīpte'gnau sahitau bāhū nirdaheyaṃ balādiva

Dhananjaya, if I did not know that he did this in that spirit, I would seize both his arms together and burn them in the blazing fire.

Verse 11 (2.90.11)

तथा तान्दुःखितान्दृष्ट्वा पाण्डवान्धृतराष्ट्रजः । कृष्यमाणां च पाञ्चालीं विकर्ण इदमब्रवीत् ॥

tathā tānduḥkhitāndṛṣṭvā pāṇḍavāndhṛtarāṣṭrajaḥ | kṛṣyamāṇāṃ ca pāñcālīṃ vikarṇa idamabravīt

Seeing the Pandavas so distressed, and the princess of Panchala being dragged about, Vikarna, son of Dhritarashtra, said this:

Note on the text: Removed a stray space inside दुःखितान् (Wikisource prints दुः खितान्).

Verse 12 (2.90.12)

याज्ञसेन्या यदुक्तं तद्वाक्यं विब्रूत पार्थिवाः । अविवेकेन वाक्यस्य नरकः सद्य एव नः ॥

yājñasenyā yaduktaṃ tadvākyaṃ vibrūta pārthivāḥ | avivekena vākyasya narakaḥ sadya eva naḥ

Kings, answer the question Yajnaseni has put. If we leave her words undecided, hell awaits us at once.

Note on the text: Speaker: Vikarna's speech (Wikisource prints no heading; the input carried Vaishampayana over).

Verse 13 (2.90.13)

भीष्मश्च धृतराष्ट्रश्च कुरुवृद्धतमावुभौ । समेत्य नाहतुः किञ्चिद्विदुरश्च महामतिः ॥

bhīṣmaśca dhṛtarāṣṭraśca kuruvṛddhatamāvubhau | sametya nāhatuḥ kiñcidviduraśca mahāmatiḥ

Bhishma and Dhritarashtra, the two eldest of the Kurus, have said nothing, though they are here together; nor has Vidura, great of mind.

Note on the text: Speaker: Vikarna's speech continues (Wikisource prints no heading; the input carried Vaishampayana over).

Verse 14 (2.90.14)

भारद्वाजश्च सर्वेषामाचार्यः कृप एव च । कुत एतावपि प्रश्नं नाहतुर्द्विजसत्तमौ ॥

bhāradvājaśca sarveṣāmācāryaḥ kṛpa eva ca | kuta etāvapi praśnaṃ nāhaturdvijasattamau

And Bharadvaja's son, the teacher of us all, and Kripa as well: why do these two, best of brahmins, not answer the question either?

Note on the text: Speaker: Vikarna's speech continues (Wikisource prints no heading; the input carried Vaishampayana over).

Verse 15 (2.90.15)

ये त्वन्ये पृथिवीपालाः समेताः सर्वतोदिशम् । कामक्रोधौ समुत्सृज्य ते ब्रुवन्तु यथामति ॥

ye tvanye pṛthivīpālāḥ sametāḥ sarvatodiśam | kāmakrodhau samutsṛjya te bruvantu yathāmati

Let the other rulers of the earth, gathered here from every quarter, set aside desire and anger and speak as they judge.

Note on the text: Speaker: Vikarna's speech continues (Wikisource prints no heading; the input carried Vaishampayana over).

Verse 16 (2.90.16)

यदिदं द्रौपदी वाक्यमुक्तवत्यसकृच्छुभा । विमृश्य कस्य कः पक्षः पार्थिवा वदतोत्तरम् ॥

yadidaṃ draupadī vākyamuktavatyasakṛcchubhā | vimṛśya kasya kaḥ pakṣaḥ pārthivā vadatottaram

Weigh the words that the noble Draupadi has spoken again and again, kings, and answer: which side does each of you take?

Note on the text: Corrected यदितं → यदिदं (misprint in Wikisource; the pronoun इदं, as the critical edition reads yad idaṃ). Speaker: Vikarna's speech continues (Wikisource prints no heading; the input carried Vaishampayana over).

Verse 17 (2.90.17)

एवं स बहुशः सर्वानुक्तवांस्तान्सभासदः । न च ते पृथिवीपालास्तमूचुः साध्वसाधु वा ॥

evaṃ sa bahuśaḥ sarvānuktavāṃstānsabhāsadaḥ | na ca te pṛthivīpālāstamūcuḥ sādhvasādhu vā

Many times he spoke thus to all those seated in the hall, but the kings said nothing to him, good or bad.

Note on the text: Speaker: Wikisource's heading reads वाशम्पायन उवाच, a misprint for वैशम्पायन.

Verse 18 (2.90.18)

उक्त्वाऽसकृत्तथा सर्वान्विकर्णः पृथिवीपतीन् । पाणौ पाणिं विनिष्पिष्य निःश्वसन्निदमब्रवीत् ॥

uktvā'sakṛttathā sarvānvikarṇaḥ pṛthivīpatīn | pāṇau pāṇiṃ viniṣpiṣya niḥśvasannidamabravīt

Having spoken so again and again to all the kings, Vikarna wrung his hands, sighed, and said:

Verse 19 (2.90.19)

विब्रूत पृथिवीपाला वाक्यं मा वा कथञ्चन । मन्ये न्याय्यं यदत्राहं तद्धि वक्ष्यामि कौरवाः ॥

vibrūta pṛthivīpālā vākyaṃ mā vā kathañcana | manye nyāyyaṃ yadatrāhaṃ taddhi vakṣyāmi kauravāḥ

Kings, answer or do not answer, as you will. I shall tell you, Kauravas, what I believe to be right in this matter.

Note on the text: Corrected कथञ्चनि → कथञ्चन and तद्वि → तद्धि (misprints in Wikisource; a stray vowel sign, and व for ध in तद्धि, as the critical edition reads kathaṃ cana … tad dhi). Speaker: Vikarna's speech (Wikisource prints no heading; the input carried the narrator over).

Verse 20 (2.90.20)

चत्वार्याहुर्नरश्रेष्ठा व्यसनानि महीक्षिताम् । मृगयां पानमक्षांश्च ग्राम्ये चैवातिरक्तताम् ॥

catvāryāhurnaraśreṣṭhā vyasanāni mahīkṣitām | mṛgayāṃ pānamakṣāṃśca grāmye caivātiraktatām

The best of men speak of four vices of kings: hunting, drink, dice, and excessive attachment to the pleasures of the senses.

Note on the text: Corrected नश्रेष्ठा → नरश्रेष्ठा (misprint in Wikisource; a dropped akshara, as the critical edition reads naraśreṣṭhā). Speaker: Vikarna's speech continues.

Verse 21 (2.90.21)

एतेषु हि नरः सक्तो धर्ममुत्सृज्य वर्तते । यथाऽयुक्तेन च कृतां क्रियां लोको न मन्यते ॥

eteṣu hi naraḥ sakto dharmamutsṛjya vartate | yathā'yuktena ca kṛtāṃ kriyāṃ loko na manyate

A man given to these abandons dharma and goes his own way; and just as the world does not recognise an act done by one who is not in his right mind,

Note on the text: Speaker: Vikarna's speech continues.

Verse 22 (2.90.22)

तथेयं पाण्डुपुत्रेण व्यसने वर्तता भृशम् । समाहूतेन कितवैरास्थितो द्रौपदीपणः ॥

tatheyaṃ pāṇḍuputreṇa vyasane vartatā bhṛśam | samāhūtena kitavairāsthito draupadīpaṇaḥ

so too this stake of Draupadi was made by the son of Pandu while he was sunk deep in his vice, after gamblers had challenged him.

Note on the text: Speaker: Vikarna's speech continues.

Verse 23 (2.90.23)

साधारणी च सर्वेषां पाण्डवानामनिन्दिता । जितेन पूर्वं चानेन पाण्डवेन कृतः पणः ॥

sādhāraṇī ca sarveṣāṃ pāṇḍavānāmaninditā | jitena pūrvaṃ cānena pāṇḍavena kṛtaḥ paṇaḥ

Besides, this blameless woman belongs to all the Pandavas alike; and this Pandava made the stake after he had already lost himself.

Note on the text: Speaker: Vikarna's speech continues.

Verse 24 (2.90.24)

इयं च कीर्तिता कृष्णा सौबलेन पणार्थिना । एतत्सर्वं विचार्याहं मन्ये न विजितामिमाम् ॥

iyaṃ ca kīrtitā kṛṣṇā saubalena paṇārthinā | etatsarvaṃ vicāryāhaṃ manye na vijitāmimām

And it was Subala's son, eager for a stake, who named Krishna. Weighing all this, I hold that she has not been won.

Note on the text: Speaker: Vikarna's speech continues.

Verse 25 (2.90.25)

एतच्छ्रुत्वा महान्नादः सभ्यानामुदतिष्ठत । विकर्णं शंसमानानां सौबलं चापि निन्दताम् ॥

etacchrutvā mahānnādaḥ sabhyānāmudatiṣṭhata | vikarṇaṃ śaṃsamānānāṃ saubalaṃ cāpi nindatām

When they heard this, a great clamour rose from those in the hall, praising Vikarna and censuring Subala's son.

Verse 26 (2.90.26)

तस्मिन्नुपरते शब्दे राधेयः क्रोधमूर्छितः । प्रगृह्य रुचिरं बाहुमिदं वचनमब्रवीत् ॥

tasminnuparate śabde rādheyaḥ krodhamūrchitaḥ | pragṛhya ruciraṃ bāhumidaṃ vacanamabravīt

When the noise had died down, Radha's son, beside himself with rage, raised his handsome arm and said:

Verse 27 (2.90.27)

दृश्यन्ते वै विकर्णेह वैकृतानि बहून्यपि । तज्जातस्तद्विनाशाय यथाऽग्निररणिप्रजः ॥

dṛśyante vai vikarṇeha vaikṛtāni bahūnyapi | tajjātastadvināśāya yathā'gniraraṇiprajaḥ

Vikarna, many perverse things are to be seen here. Born of this house, you would bring about its ruin, as the fire born of the kindling-wood consumes it.

Verse 28 (2.90.28)

एते न किञ्चिदप्याहुश्चोदिता ह्यपि कृष्णया । धर्मेण विजितामेतां मन्यन्ते द्रुपदात्मजाम् ॥

ete na kiñcidapyāhuścoditā hyapi kṛṣṇayā | dharmeṇa vijitāmetāṃ manyante drupadātmajām

These men have said nothing at all, though Krishna has urged them; they hold that Drupada's daughter has been won according to dharma.

Note on the text: Corrected द्रपदात्मजाम् → द्रुपदात्मजाम् (misprint in Wikisource; a dropped vowel sign in Drupada's name).

Verse 29 (2.90.29)

त्वं तु केवलबाल्येन धार्तराष्ट्र विदीर्यसे । यद्ब्रवीषि सभामध्ये बालः स्थविरभाषितम् ॥

tvaṃ tu kevalabālyena dhārtarāṣṭra vidīryase | yadbravīṣi sabhāmadhye bālaḥ sthavirabhāṣitam

But you, son of Dhritarashtra, are torn apart by sheer childishness, for you, a boy, speak in the middle of the assembly as though you were an elder.

Note on the text: Corrected सभाम्ध्ये → सभामध्ये (misprint in Wikisource; a broken conjunct).

Verse 30 (2.90.30)

न च धर्मं यथावत्त्वं वेत्सि दुर्योधनावर । यद्ब्रवीषि जितां कृष्णां न जितेति सुमन्दधीः ॥

na ca dharmaṃ yathāvattvaṃ vetsi duryodhanāvara | yadbravīṣi jitāṃ kṛṣṇāṃ na jiteti sumandadhīḥ

Nor do you know dharma as it truly is, younger brother of Duryodhana, since in your dullness you say of Krishna, who has been won, that she is not won.

Note on the text: Restored from the critical edition (2.61.30): Wikisource's first line reads न च धर्म यथावत्त्वं कृष्णां च जितेति सुमन्दधीः, whose second quarter repeats the end of the next line and leaves the sentence without a verb; the lost quarter वेत्सि दुर्योधनावर (vetsi duryodhanāvara) is supplied from the critical edition, and धर्म is corrected to धर्मं (misprint in Wikisource; the object of वेत्सि). Wikisource's यथावत्त्वं (critical edition: yathātattvaṃ) and न जितेति (ajiteti) are kept.

Verse 31 (2.90.31)

कथं ह्यविजितां कृष्णां मन्यसे धृतराष्ट्रज । यदा सभायां सर्वस्वं न्यस्तवान्पाण्डवाग्रजः ॥

kathaṃ hyavijitāṃ kṛṣṇāṃ manyase dhṛtarāṣṭraja | yadā sabhāyāṃ sarvasvaṃ nyastavānpāṇḍavāgrajaḥ

How can you think Krishna unwon, son of Dhritarashtra, when the eldest of the Pandavas staked everything he had in this hall?

Verse 32 (2.90.32)

अभ्यन्तरा च सर्वस्वे द्रौपदी भरतर्षभ । एवं धर्मजितां कृष्णां मन्यसे न जितां कथम् ॥

abhyantarā ca sarvasve draupadī bharatarṣabha | evaṃ dharmajitāṃ kṛṣṇāṃ manyase na jitāṃ katham

Draupadi is included in that "everything", bull of the Bharatas. Krishna has thus been won lawfully; how can you think her not won?

Note on the text: Corrected अभ्यन्तर → अभ्यन्तरा (misprint in Wikisource; the adjective agrees with द्रौपदी, as the critical edition reads abhyantarā).

Verse 33 (2.90.33)

कीर्तिता द्रौपदी वाचा अनुज्ञाता च पाण्डवैः । भवत्यविजिता केन हेतुनैषा मता तव ॥

kīrtitā draupadī vācā anujñātā ca pāṇḍavaiḥ | bhavatyavijitā kena hetunaiṣā matā tava

Draupadi was named aloud, and the Pandavas allowed it. On what ground, then, do you think she has not been won?

Verse 34 (2.90.34)

मन्यसे वा सभामेतामानीतामेकवाससम् । अधर्मेणेति तत्रापि शृणु मे वाक्यमुत्तमम् ॥

manyase vā sabhāmetāmānītāmekavāsasam | adharmeṇeti tatrāpi śṛṇu me vākyamuttamam

Or perhaps you think it wrong that she was brought into the hall wearing a single garment. Hear my excellent answer to that as well.

Verse 35 (2.90.35)

एको भर्ता स्त्रिया देवैर्विहितः कुरुनन्दन । इयं त्वनेकवशगा बन्धकीति विनिश्चिता ॥

eko bhartā striyā devairvihitaḥ kurunandana | iyaṃ tvanekavaśagā bandhakīti viniścitā

The gods have ordained one husband for a woman, joy of the Kurus. This woman submits to many, and so she is surely a wanton.

Verse 36 (2.90.36)

अस्याः सभामानयनं न चित्रमिति मे मतिः । एकाम्बरधरत्वं वाऽप्यथवाऽपि विवस्त्रता ॥

asyāḥ sabhāmānayanaṃ na citramiti me matiḥ | ekāmbaradharatvaṃ vā'pyathavā'pi vivastratā

So in my view there is nothing strange in bringing her into the hall, whether in a single garment or even without clothing.

Verse 37 (2.90.37)

यच्चैषां द्रविणं किञ्चिद्या चैषा ये च पाण्डवाः । सौबलेनेह तत्सर्वं धर्मेण विजितं वसु ॥

yaccaiṣāṃ draviṇaṃ kiñcidyā caiṣā ye ca pāṇḍavāḥ | saubaleneha tatsarvaṃ dharmeṇa vijitaṃ vasu

Whatever wealth these men had, and this woman herself, and the Pandavas too: all of it Subala's son has won here lawfully as his property.

Note on the text: Corrected किञ्चिद्य → किञ्चिद्या (misprint in Wikisource; the pronoun या, "she", lost its vowel sign; the critical edition reads yā caiṣā).

Verse 38 (2.90.38)

दुःशासन सुबालोऽयं विकर्णः प्राज्ञवादिकः । पाण्डवानां च वासांसि द्रौपद्याश्चाप्युपाहर ॥

duḥśāsana subālo'yaṃ vikarṇaḥ prājñavādikaḥ | pāṇḍavānāṃ ca vāsāṃsi draupadyāścāpyupāhara

Duhshasana, this Vikarna is a mere boy who talks as if he were wise. Strip the garments from the Pandavas, and from Draupadi too.

Verse 39 (2.90.39)

तच्छ्रुत्वा पाण्डवाः सर्वे स्वानि वासांसि भारत । अवकीर्योत्तरीयाणि सभायां समुपाविशन् ॥

tacchrutvā pāṇḍavāḥ sarve svāni vāsāṃsi bhārata | avakīryottarīyāṇi sabhāyāṃ samupāviśan

Hearing this, Bharata, all the Pandavas threw off their upper garments and sat down in the hall.

Verse 40 (2.90.40)

ततो दुःशासनो राजन्द्रौपद्या वसनं बलात् । सभामध्ये समाक्षिप्य व्यपाक्रष्टुं प्रचक्रमे ॥

tato duḥśāsano rājandraupadyā vasanaṃ balāt | sabhāmadhye samākṣipya vyapākraṣṭuṃ pracakrame

Then, king, in the middle of the hall, Duhshasana seized Draupadi's garment by force and began to drag it off her.

Note on the text: Corrected सभाक्षिप्य → समाक्षिप्य (misprint in Wikisource; the gerund of सम्-आ-क्षिप्, as the critical edition reads samākṣipya).

Verse 41 (2.90.41)

आकृष्यमाणे वसने विललाप सुदुःखिता । ज्ञातं मया वसिष्ठेन पुरा गीतं महात्मना ॥

ākṛṣyamāṇe vasane vilalāpa suduḥkhitā | jñātaṃ mayā vasiṣṭhena purā gītaṃ mahātmanā

As her garment was being pulled away, she lamented in deep distress: "I know what the great-souled Vasishtha sang long ago:

Note on the text: Not in the critical edition (found in the vulgate recension). Both lines appear in the critical apparatus after 2.61.40: the first as passage *547, line 1 (apakṛṣyamāṇe vasane vilalāpa suduḥkhitā), the second as passage *548, line 1.

Verse 42 (2.90.42)

महत्यापदि सम्प्राप्ते स्मर्तव्यो भगवान्हरिः । इति निश्चित्य मनसा शरणागतवत्सलम् । आकृष्यमाणे वसने द्रौपदी कृष्णमस्मरत् ॥

mahatyāpadi samprāpte smartavyo bhagavānhariḥ | iti niścitya manasā śaraṇāgatavatsalam | ākṛṣyamāṇe vasane draupadī kṛṣṇamasmarat

when great calamity befalls, the Lord Hari is to be remembered." Resolving on this in her mind, as her garment was being dragged away, Draupadi called to mind Krishna, who cherishes those who come to him for refuge.

Note on the text: Corrected कृष्णमस्तरत् → कृष्णमस्मरत् (misprint in Wikisource; अस्तरत् makes no sense here, the verb is अस्मरत् "she remembered"). Not in the critical edition (found in the vulgate recension). The first line appears in the critical apparatus after 2.61.40 as passage *548, line 2; the other two lines are not in the critical edition or its apparatus.

Verse 43 (2.90.43)

शङ्खचक्रगदापाणे द्वारकानिलयाच्युत । गोविन्द पुण्डरीकाक्ष रक्ष मां शरणागताम् ॥

śaṅkhacakragadāpāṇe dvārakānilayācyuta | govinda puṇḍarīkākṣa rakṣa māṃ śaraṇāgatām

O bearer of conch, discus and mace, Achyuta who dwell in Dvaraka, Govinda, lotus-eyed one: protect me, for I have come to you for refuge.

Note on the text: Not in the critical edition (found in the vulgate recension). It appears in the critical apparatus after 2.61.40 as passage *547, lines 3–4. Speaker: Draupadi's prayer (Wikisource prints no heading; the input carried Vaishampayana over).

Verse 44 (2.90.44)

हा कृष्ण द्वारकावासिन्क्वासि यादवनन्दन । इमामवस्थां सम्प्राप्तामनाथां किमुपेक्षसे ॥

hā kṛṣṇa dvārakāvāsinkvāsi yādavanandana | imāmavasthāṃ samprāptāmanāthāṃ kimupekṣase

Ah, Krishna, dweller in Dvaraka, where are you, delight of the Yadavas? Why do you abandon me, helpless, now that I have come to this state?

Note on the text: Corrected यादवन्दन → यादवनन्दन (misprint in Wikisource; a dropped akshara, which leaves the line a syllable short; the apparatus reads yādavanandana). Not in the critical edition (found in the vulgate recension). It appears in the critical apparatus after 2.61.40 as passage *550. Speaker: Draupadi's prayer continues.

Verse 45 (2.90.45)

गोविन्द द्वारकावासिन्कृष्ण गोपीजनप्रिय । कौरवैः परिभूतां मां किं न जानासि केशव ॥

govinda dvārakāvāsinkṛṣṇa gopījanapriya | kauravaiḥ paribhūtāṃ māṃ kiṃ na jānāsi keśava

Govinda, dweller in Dvaraka, Krishna, beloved of the cowherd women: do you not know, Keshava, that the Kauravas are humiliating me?

Note on the text: Removed a stray quote mark after केशव. Not in the critical edition (found in the vulgate recension). It appears in the critical apparatus after 2.61.40 as passage *543, lines 2–3 (and, with kurubhiḥ for kauravaiḥ, as *542, lines 1–2). Speaker: Draupadi's prayer continues.

Verse 46 (2.90.46)

हे नाथ हे रमानाथ व्रजनाथार्तिनाशन । कौरवार्णवमग्नां मामुद्धरस्व जनार्दन ॥

he nātha he ramānātha vrajanāthārtināśana | kauravārṇavamagnāṃ māmuddharasva janārdana

O Lord, lord of Lakshmi, lord of Vraja, remover of distress, Janardana: lift me out, for I am drowning in the ocean of the Kauravas.

Note on the text: Not in the critical edition (found in the vulgate recension). It appears in the critical apparatus after 2.61.40 as passage *543, lines 4–5. Speaker: Draupadi's prayer continues.

Verse 47 (2.90.47)

कृष्णकृष्ण महायोगिन्विश्वात्मन्विश्वभावन । प्रपन्नां पाहि गोविन्द कुरुमध्येऽवसीदतीम् ॥

kṛṣṇakṛṣṇa mahāyoginviśvātmanviśvabhāvana | prapannāṃ pāhi govinda kurumadhye'vasīdatīm

Krishna, Krishna, great yogin, soul of the universe, maker of the universe: Govinda, protect me, who have surrendered to you and am sinking in the midst of the Kurus.

Note on the text: Not in the critical edition (found in the vulgate recension). It appears in the critical apparatus after 2.61.40 as passage *543, lines 6–7. Speaker: Draupadi's prayer continues.

Verse 48 (2.90.48)

इत्यनुस्मृत्य कृष्णं सा हरिं त्रिभुवनेश्वरम् । प्रारुदद्दुःखिता राजन्मुखमाच्छाद्य भामिनी ॥

ityanusmṛtya kṛṣṇaṃ sā hariṃ tribhuvaneśvaram | prārudadduḥkhitā rājanmukhamācchādya bhāminī

Calling to mind in this way Krishna, Hari, lord of the three worlds, the lovely lady covered her face, king, and wept in her anguish.

Note on the text: Not in the critical edition (found in the vulgate recension). It appears in the critical apparatus after 2.61.40 as passage *543, lines 8–9.

Verse 49 (2.90.49)

तस्य प्रसादाद्द्रौपद्याः कृष्यमाणेऽम्बरे तदा । तद्रूपमपरं वस्त्रं प्रादुरासीदनेकशः ॥

tasya prasādāddraupadyāḥ kṛṣyamāṇe'mbare tadā | tadrūpamaparaṃ vastraṃ prādurāsīdanekaśaḥ

Then, by his grace, as the garment was being pulled from Draupadi, another garment just like it appeared, again and again.

Note on the text: Corrected प्रसाद्द्रौपद्याः → प्रसादाद्द्रौपद्याः (misprint in Wikisource; a dropped akshara, which leaves the line a syllable short; the apparatus reads prasādād) and अपरे → अपरं (misprint in Wikisource; it must agree with वस्त्रं, as the critical edition reads aparaṃ). The second line is the critical edition's 2.61.41cd; the first is not in its constituted text but appears in its apparatus after 2.61.41 as passage *551.

Verse 50 (2.90.50)

नानारागविरागाणि वसनान्यथ वै प्रभो । प्रादुर्भवन्ति शतशो धर्मस्य परिपालनात् ॥

nānārāgavirāgāṇi vasanānyatha vai prabho | prādurbhavanti śataśo dharmasya paripālanāt

Garments of many colours, and white ones too, appeared by the hundred, my lord, because dharma was being protected.

Note on the text: Not in the critical edition (found in the vulgate recension). It appears in the critical apparatus after 2.61.41 as passage *553.

Verse 51 (2.90.51)

ततो हलहलाशब्दस्तत्रासीद्घोरदर्शनः । तदद्भुततमं लोके वीक्ष्य सर्वे महीभृतः ॥

tato halahalāśabdastatrāsīdghoradarśanaḥ | tadadbhutatamaṃ loke vīkṣya sarve mahībhṛtaḥ

Then a tumultuous uproar arose there, terrible to witness, as all the kings beheld that greatest wonder in the world.

Verse 52 (2.90.52)

शशंसुर्द्रौपदीं तत्र कुत्सन्तो धृतराष्ट्रजम् । धिग्धिगित्यशिवां वाचमुत्सृजन्कौरवान्प्रति ॥

śaśaṃsurdraupadīṃ tatra kutsanto dhṛtarāṣṭrajam | dhigdhigityaśivāṃ vācamutsṛjankauravānprati

They praised Draupadi there and reviled the son of Dhritarashtra, crying "Shame, shame!" and hurling harsh words at the Kauravas.

Note on the text: Removed a stray quote mark after प्रति. Not in the critical edition (found in the vulgate recension). It appears in the critical apparatus after 2.61.42 as passages *554 and *555.

Verse 53 (2.90.53)

यदा तु वाससां राशिः सभामध्ये समाचितः । तदा दुःशासनः श्रान्तो व्रीडितः समुपाविशत् ॥

yadā tu vāsasāṃ rāśiḥ sabhāmadhye samācitaḥ | tadā duḥśāsanaḥ śrānto vrīḍitaḥ samupāviśat

When a heap of garments had piled up in the middle of the hall, Duhshasana, exhausted and ashamed, sat down.

Note on the text: Removed a stray quote mark after समाचितः. The critical edition has this verse after Bhima's vow (2.61.48).

Verse 54 (2.90.54)

शशाप तत्र भीमस्तु राजमध्ये बृहत्स्वनः । क्रोधाद्विस्फुरमाणौष्ठो विनिष्पिष्य करे करम् ॥

śaśāpa tatra bhīmastu rājamadhye bṛhatsvanaḥ | krodhādvisphuramāṇauṣṭho viniṣpiṣya kare karam

Then Bhima, his lips quivering with rage, pressed hand against hand and, in a mighty voice, swore an oath there among the kings:

Verse 55 (2.90.55)

इदं मे वाक्यमादद्ध्वं क्षत्रिया लोकवासिनः । नोक्तपूर्वं नरैरन्यैर्न चान्यो यद्वदिष्यति ॥

idaṃ me vākyamādaddhvaṃ kṣatriyā lokavāsinaḥ | noktapūrvaṃ narairanyairna cānyo yadvadiṣyati

Kshatriyas of the world, take heed of these words of mine, words no man has spoken before and none will speak hereafter.

Note on the text: Corrected आदध्वं → आदद्ध्वं (misprint in Wikisource; the imperative of आ-धा needs the doubled consonant, as the critical edition reads ādaddhvaṃ).

Verse 56 (2.90.56)

यद्येतदेवमुक्त्वाऽहं न कुर्यां पृथिवीश्वराः । पितामहानां पूर्वेषां नाहं गतिमवाप्नुयाम् ॥

yadyetadevamuktvā'haṃ na kuryāṃ pṛthivīśvarāḥ | pitāmahānāṃ pūrveṣāṃ nāhaṃ gatimavāpnuyām

Lords of the earth, if, having said this, I do not do it, may I not reach the world of my forefathers,

Verse 57 (2.90.57)

अस्य पापस्य दुर्बुद्धेर्भारतापसदस्य च । न पिबेयं बलाद्वक्षो भित्त्वा चेद्रुधिरं युधि ॥

asya pāpasya durbuddherbhāratāpasadasya ca | na pibeyaṃ balādvakṣo bhittvā cedrudhiraṃ yudhi

if I do not, in battle, tear open by force the breast of this evil-minded wretch, this outcast of the Bharatas, and drink his blood.

Verse 58 (2.90.58)

तस्य ते तद्वचः श्रुत्वा रौद्रं लोमप्रहर्षणम् । प्रचक्रुर्बहुलां पूजां कुत्सन्तो धृतराष्ट्रजम् ॥

tasya te tadvacaḥ śrutvā raudraṃ lomapraharṣaṇam | pracakrurbahulāṃ pūjāṃ kutsanto dhṛtarāṣṭrajam

Hearing those fierce words of his, which made the hair stand on end, they paid him great honour and reviled the son of Dhritarashtra.

Note on the text: Corrected कुसन्तो → कुत्सन्तो (misprint in Wikisource; a dropped akshara, as the critical edition reads kutsanto).

Verse 59 (2.90.59)

न विब्रुवन्ति कौरव्याः प्रश्नमेतमिति स्म ह । सुजनः क्रोशति स्मात्र धृतराष्ट्रं विगर्हयन् ॥

na vibruvanti kauravyāḥ praśnametamiti sma ha | sujanaḥ krośati smātra dhṛtarāṣṭraṃ vigarhayan

"The Kauravas will not answer this question," they said; and the good folk there cried out, condemning Dhritarashtra.

Verse 60 (2.90.60)

ततो बाहू समुत्क्षिप्य निवार्य च सभासदः । विदुरः सर्वधर्मज्ञ इदं वचनमब्रवीत् ॥

tato bāhū samutkṣipya nivārya ca sabhāsadaḥ | viduraḥ sarvadharmajña idaṃ vacanamabravīt

Then Vidura, who knows all of dharma, raised his arms, silenced those in the hall, and said:

Note on the text: Corrected समुक्षिप्य → समुत्क्षिप्य (misprint in Wikisource; a dropped त् in the gerund of सम्-उत्-क्षिप्, "raising"; the critical edition reads the synonym samucchritya).

Verse 61 (2.90.61)

द्रौपदी प्रश्नमुक्त्वैवं रोरवीति त्वनाथवत् । न च विब्रूत तं प्रश्नं सभ्या धर्मोऽत्र पीड्यते ॥

draupadī praśnamuktvaivaṃ roravīti tvanāthavat | na ca vibrūta taṃ praśnaṃ sabhyā dharmo'tra pīḍyate

Having put her question, Draupadi weeps on like one who has no protector, and you in the hall do not answer it. Dharma is wronged here.

Verse 62 (2.90.62)

सभां प्रपद्यते प्रश्नः प्रज्वलन्निव हव्यवाट् । तं वै सत्येन धर्मेण सभ्याः प्रशमयन्त्युत ॥

sabhāṃ prapadyate praśnaḥ prajvalanniva havyavāṭ | taṃ vai satyena dharmeṇa sabhyāḥ praśamayantyuta

A question comes before an assembly like a blazing fire; the members of the assembly quench it with truth and dharma.

Note on the text: Corrected हव्यवाद् → हव्यवाट् (misprint in Wikisource; the word-final form, as the critical edition reads havyavāṭ).

Verse 63 (2.90.63)

धर्म्यं प्रश्नमतो ब्रूयादार्यः सत्येन मानवः । विब्रूयुस्तत्र तं प्रश्नं कामक्रोधबलातिगाः ॥

dharmyaṃ praśnamato brūyādāryaḥ satyena mānavaḥ | vibrūyustatra taṃ praśnaṃ kāmakrodhabalātigāḥ

So a noble man should put a righteous question truthfully, and those present, rising above the sway of desire and anger, should answer it.

Verse 64 (2.90.64)

विकर्णेन यथाप्रज्ञमुक्तः प्रश्नो नराधिपाः । भवन्तोऽपि हि तं प्रश्नं विब्रुवन्तु यथामति ॥

vikarṇena yathāprajñamuktaḥ praśno narādhipāḥ | bhavanto'pi hi taṃ praśnaṃ vibruvantu yathāmati

Kings, Vikarna has answered the question as far as his understanding allows. You too should answer it as you judge.

Verse 65 (2.90.65)

यो हि प्रश्नं न विब्रूयाद्धर्मदर्शी सभां गतः । अनृते या फलावाप्तिस्तस्याः सोऽर्धं समश्नुते ॥

yo hi praśnaṃ na vibrūyāddharmadarśī sabhāṃ gataḥ | anṛte yā phalāvāptistasyāḥ so'rdhaṃ samaśnute

One who sees dharma and has come into an assembly, yet does not answer a question, earns half the fruit that falls to a lie.

Verse 66 (2.90.66)

यः पुनर्वितथं ब्रूयाद्धर्मदर्शी सभां गतः । अनृतस्य फलं कृत्स्नं स प्राप्नोतीति निश्चयः ॥

yaḥ punarvitathaṃ brūyāddharmadarśī sabhāṃ gataḥ | anṛtasya phalaṃ kṛtsnaṃ sa prāpnotīti niścayaḥ

And one who sees dharma and has come into an assembly, yet answers falsely, reaps the whole fruit of a lie. That is certain.

Note on the text: Corrected धर्मदशीं → धर्मदर्शी (misprint in Wikisource; a dropped repha and a misplaced anusvara, as in the previous verse and the critical edition's dharmadarśī).

Verse 67 (2.90.67)

अत्राप्युदाहरन्तीममितिहासं पुरातनम् । प्रह्लादस्य च संवादं मुनेराङ्गिरसस्य च ॥

atrāpyudāharantīmamitihāsaṃ purātanam | prahlādasya ca saṃvādaṃ munerāṅgirasasya ca

On this they tell an ancient tale, the dialogue between Prahlada and the sage who was the son of Angiras.

Verse 68 (2.90.68)

प्रह्लादो नाम दैत्येन्द्रस्तस्य पुत्रो विरोचनः । कन्याहेतोराङ्गिरसं सुधन्वानमुपाद्रवत् ॥

prahlādo nāma daityendrastasya putro virocanaḥ | kanyāhetorāṅgirasaṃ sudhanvānamupādravat

There was a lord of the Daityas named Prahlada; his son was Virochana. For the sake of a maiden, Virochana challenged Sudhanvan, the son of Angiras.

Verse 69 (2.90.69)

अहं ज्यायानहं ज्यायानिति कन्येप्सया तदा । तयोर्देवनमत्रासीत्प्राणयोरिति नः श्रुतम् ॥

ahaṃ jyāyānahaṃ jyāyāniti kanyepsayā tadā | tayordevanamatrāsītprāṇayoriti naḥ śrutam

"I am the better! I am the better!" each of them said then, in his desire for the maiden; and, so we have heard, they wagered their lives on it.

Verse 70 (2.90.70)

तयोः प्रश्नविवादोऽभूत्प्रह्लादं तावपृच्छताम् । ज्यायान्क आवयोरेकः प्रश्नं प्रब्रूहि मा मृषा ॥

tayoḥ praśnavivādo'bhūtprahlādaṃ tāvapṛcchatām | jyāyānka āvayorekaḥ praśnaṃ prabrūhi mā mṛṣā

Their dispute turned into a question, and they asked Prahlada: "Which of us two is the better? Answer the question, and do not lie."

Verse 71 (2.90.71)

स वै विवदनाद्भीतः सुधन्वानं विलोकयन् । तं सुधन्वाब्रवीत्क्रुद्धो ब्रह्मदण्ड इव ज्वलन् ॥

sa vai vivadanādbhītaḥ sudhanvānaṃ vilokayan | taṃ sudhanvābravītkruddho brahmadaṇḍa iva jvalan

Afraid of the dispute, Prahlada looked at Sudhanvan; and Sudhanvan, angry and blazing like Brahma's rod of punishment, said to him:

Note on the text: Corrected ब्रह्मदम्ड → ब्रह्मदण्ड (misprint in Wikisource; a broken conjunct, as the critical edition reads brahmadaṇḍa).

Verse 72 (2.90.72)

यदि वै वक्ष्यसि मृषा प्रह्लादाथ न वक्ष्यसि । शतधा ते शिरो वज्री वज्रेण प्रहरिष्यति ॥

yadi vai vakṣyasi mṛṣā prahlādātha na vakṣyasi | śatadhā te śiro vajrī vajreṇa prahariṣyati

Prahlada, if you speak falsely, or if you do not speak at all, the wielder of the thunderbolt will strike your head into a hundred pieces with his thunderbolt.

Note on the text: Corrected शतघा → शतधा (misprint in Wikisource; घ for ध, as the critical edition reads śatadhā). Speaker: Sudhanvan's words within Vidura's tale (Wikisource prints no heading; the input carried Vidura over).

Verse 73 (2.90.73)

सुधन्वना तथोक्तः सन्व्यथितोऽश्वत्थपर्णवत् । जगाम कश्यपं दैत्यः परिप्रष्टुं महौजसम् ॥

sudhanvanā tathoktaḥ sanvyathito'śvatthaparṇavat | jagāma kaśyapaṃ daityaḥ paripraṣṭuṃ mahaujasam

Addressed in this way by Sudhanvan, the Daitya trembled like a leaf of the ashvattha tree and went to question Kashyapa, of great power.

Verse 74 (2.90.74)

त्वं वै धर्मस्य विज्ञाता दैवस्येहासुरस्य च । ब्राह्मणस्य महाभाग धर्मकृच्छ्रमिदं शृणु ॥

tvaṃ vai dharmasya vijñātā daivasyehāsurasya ca | brāhmaṇasya mahābhāga dharmakṛcchramidaṃ śṛṇu

You know the dharma of the gods and of the asuras alike, and of brahmins, illustrious one. Hear this dilemma of dharma.

Verse 75 (2.90.75)

यो वै प्रश्नं न विब्रूयाद्वितथं चैव निर्दिशेत् । के वै तस्य परे लोकास्तन्ममाचक्ष्व पृच्छतः ॥

yo vai praśnaṃ na vibrūyādvitathaṃ caiva nirdiśet | ke vai tasya pare lokāstanmamācakṣva pṛcchataḥ

What worlds hereafter await one who does not answer a question, or who answers it falsely? Tell me, for I ask.

Verse 76 (2.90.76)

जानन्नविब्रुवन्प्रश्नान्कामात्क्रोधाद्भयात्तथा । सहस्रं वारुणान्पाशानात्मनि प्रतिमुञ्चति ॥

jānannavibruvanpraśnānkāmātkrodhādbhayāttathā | sahasraṃ vāruṇānpāśānātmani pratimuñcati

One who knows and yet does not answer questions, out of desire, anger or fear, binds a thousand nooses of Varuna upon himself.

Verse 77 (2.90.77)

साक्षी वा विब्रुवन्साक्ष्यं गोकर्णशिथिलश्चरन् । सहस्रं वारुणान्पाशानात्मनि प्रतिमुञ्चति ॥

sākṣī vā vibruvansākṣyaṃ gokarṇaśithilaścaran | sahasraṃ vāruṇānpāśānātmani pratimuñcati

So too a witness who, in giving testimony, sways this way and that like a cow's ear binds a thousand nooses of Varuna upon himself.

Note on the text: Corrected गोकर्णशिथिलश्वरन् → गोकर्णशिथिलश्चरन् and प्रतिमुञ्जति → प्रतिमुञ्चति (misprints in Wikisource; व for च in चरन्, and ञ्ज for ञ्च, as in the previous verse; the apparatus reads gokarṇaśithilaś caran … pratimuñcati). Not in the critical edition (found in the vulgate recension). It appears in the critical apparatus after 2.61.67 as passages *556 and *557.

Verse 78 (2.90.78)

तस्य संवत्सरे पूर्णे पाश एकः प्रमुच्यते । तस्मात्सत्यं तु वक्तव्यं जानता सत्यमञ्जसा ॥

tasya saṃvatsare pūrṇe pāśa ekaḥ pramucyate | tasmātsatyaṃ tu vaktavyaṃ jānatā satyamañjasā

Only when a full year has passed is one noose released. Therefore one who knows the truth should speak it plainly.

Note on the text: Corrected सत्यमुञ्जसा → सत्यमञ्जसा (misprint in Wikisource; the adverb अञ्जसा "straightforwardly", as the critical edition reads satyam añjasā).

Verse 79 (2.90.79)

विद्धो धर्मो ह्यधर्मेण सभां यत्रोपपद्यते । न चास्य शल्यं कृन्तन्ति विद्धास्तत्र सभासदः ॥

viddho dharmo hyadharmeṇa sabhāṃ yatropapadyate | na cāsya śalyaṃ kṛntanti viddhāstatra sabhāsadaḥ

Where dharma, pierced by adharma, comes into an assembly and those present do not cut out the dart, they too are pierced.

Verse 80 (2.90.80)

अर्धं हरति वै श्रेष्ठः पादो भवति कर्तृषु । पादश्चैव सभासत्सु ये न निन्दन्ति निन्दितम् ॥

ardhaṃ harati vai śreṣṭhaḥ pādo bhavati kartṛṣu | pādaścaiva sabhāsatsu ye na nindanti ninditam

The chief man takes half the sin, the doers a quarter, and a quarter falls on those in the assembly who do not censure what deserves censure.

Verse 81 (2.90.81)

अनेना भवति श्रेष्ठो मुच्यन्ते च सभासदः । एनो गच्छति कर्तारं निन्दार्हो यत्र निन्द्यते ॥

anenā bhavati śreṣṭho mucyante ca sabhāsadaḥ | eno gacchati kartāraṃ nindārho yatra nindyate

But where the one who deserves censure is censured, the chief man is free of sin and those in the assembly are released; the sin goes to the doer.

Verse 82 (2.90.82)

वितथं तु वदेयुर्ये धर्मं प्रह्लाद पृच्छते । इष्टापूर्तं च ते घ्नन्ति सप्तसप्त परावरान् ॥

vitathaṃ tu vadeyurye dharmaṃ prahlāda pṛcchate | iṣṭāpūrtaṃ ca te ghnanti saptasapta parāvarān

Those who speak falsely, Prahlada, to one who asks about dharma destroy the merit of their sacrifices and good works, and seven generations before them and seven after.

Note on the text: Corrected घ्न्ति → घ्नन्ति (misprint in Wikisource; a dropped akshara, as the critical edition reads ghnanti).

Verse 83 (2.90.83)

हृतस्वस्य हि यद्दुःखं हतपुत्रस्य चैव यत् । ऋणिनः प्रति यच्चैव स्वार्थाद्भ्रष्टस्य चैव यत् ॥

hṛtasvasya hi yadduḥkhaṃ hataputrasya caiva yat | ṛṇinaḥ prati yaccaiva svārthādbhraṣṭasya caiva yat

The grief of one robbed of his wealth, the grief of one whose son is slain, the grief that weighs on debtors, the grief of one fallen from his fortune;

Note on the text: Corrected स्वार्थाद्धष्टस्य → स्वार्थाद्भ्रष्टस्य (misprint in Wikisource; हष्ट is not a word, the evident word is भ्रष्ट "fallen", which the critical edition has in sārthād bhraṣṭasya, 2.61.74b; Wikisource's स्वार्थाद् is kept). The second half of the critical edition's line (rājñā grastasya) stands in the next verse in Wikisource.

Verse 84 (2.90.84)

स्त्रियाः पत्या विहीनाया राज्ञा ग्रस्तस्य चैव यत् । अपुत्रायाश्च यद्दुःखं व्याघ्राघ्रातस्य चैव यत् ॥

striyāḥ patyā vihīnāyā rājñā grastasya caiva yat | aputrāyāśca yadduḥkhaṃ vyāghrāghrātasya caiva yat

the grief of a woman bereft of her husband, and of one seized by the king; the grief of a woman without a son, and of one sniffed at by a tiger;

Note on the text: The first quarter is the critical edition's 2.61.74a and the second its 2.61.73d (rājñā grastasya); the second line is not in its constituted text but appears in its apparatus after 2.61.74ab as passage *559.

Verse 85 (2.90.85)

अध्यूढायाश्च यद्दुःखं व्याघ्राघ्रातस्य चैव यत् । एतानि वै समान्याहुर्दुःखानि त्रिदिवेश्वराः ॥

adhyūḍhāyāśca yadduḥkhaṃ vyāghrāghrātasya caiva yat | etāni vai samānyāhurduḥkhāni tridiveśvarāḥ

the grief of a wife whose husband has taken another wife, and of one sniffed at by a tiger: these griefs, the lords of heaven declare, are all equal.

Note on the text: The first line's first quarter is the critical edition's 2.61.74c; its second quarter repeats the second quarter of the previous verse, where the critical edition reads sākṣibhir vihatasya ca ("of one struck down by witnesses"). Wikisource's text is kept and translated as printed. The second line is the critical edition's 2.61.75ab (Wikisource: त्रिदिवेश्वराः, critical edition: tridaśeśvarāḥ).

Verse 86 (2.90.86)

तानि सर्वाणि दुःखानि प्राप्नोति वितथं ब्रुवन् । समक्षदर्शनात्साक्षी श्रवणाच्चेति धारणात् ॥

tāni sarvāṇi duḥkhāni prāpnoti vitathaṃ bruvan | samakṣadarśanātsākṣī śravaṇācceti dhāraṇāt

All these griefs fall upon one who speaks falsely. One becomes a witness by seeing with one's own eyes, by hearing, and by holding in memory.

Note on the text: The first line is the critical edition's 2.61.75cd and the second its 2.61.76ab (Wikisource: साक्षी, critical edition: sākṣyaṃ).

Verse 87 (2.90.87)

तस्मात्सत्यं ब्रुवन्साक्षी धर्मार्थाभ्यां न हीयते ॥

tasmātsatyaṃ bruvansākṣī dharmārthābhyāṃ na hīyate

Therefore a witness who speaks the truth loses neither dharma nor wealth.

Note on the text: Wikisource verse 87 is split here at the change of speaker: its first line ends Kashyapa's answer (the critical edition's 2.61.76cd), and its second line returns to Vidura's narration, where the critical edition prints विदुर उवाच (2.61.77). Corrected ब्रुवत्साक्षी → ब्रुवन्साक्षी (misprint in Wikisource; the participle needs its न्, as the critical edition reads bruvan sākṣī).

Verse 88 (2.90.88)

कश्यपस्य वचः श्रुत्वा प्रह्लादः पुत्रमब्रवीत् ॥

kaśyapasya vacaḥ śrutvā prahlādaḥ putramabravīt

Hearing Kashyapa's words, Prahlada said to his son:

Note on the text: Second half of Wikisource verse 87 (the critical edition's 2.61.77ab), split off at the change of speaker; Vidura resumes the tale (Wikisource prints no heading here; the input carried Kashyapa over).

Verse 89 (2.90.89)

श्रेयान्सुधन्वा त्वत्तो वै मत्तः श्रेयांस्तथाङ्गिराः । माता सुधन्वनश्चापि श्रेयसी मातृतस्तव । विरोचन सुधन्वाऽयं प्राणानामीश्वरस्तव ॥

śreyānsudhanvā tvatto vai mattaḥ śreyāṃstathāṅgirāḥ | mātā sudhanvanaścāpi śreyasī mātṛtastava | virocana sudhanvā'yaṃ prāṇānāmīśvarastava

Sudhanvan is better than you, and Angiras is better than I. Sudhanvan's mother, too, is better than your mother. Virochana, this Sudhanvan is now master of your life.

Note on the text: Restored from the critical edition (2.61.78ab): Wikisource's middle line reads माता सुधन्वाऽयं प्राणानामीश्वरस्तव, which has lost the end of its first quarter and the whole second quarter and repeats the end of the last line; it is replaced with the critical edition's mātā sudhanvanaś cāpi śreyasī mātṛtas tava. The first line is the critical edition's 2.61.77cd and the last its 2.61.78cd. Speaker: Prahlada speaks to his son (the input carried Kashyapa over).

Verse 90 (2.90.90)

पुत्रस्नेहं परित्यज्य यस्त्वं धर्मे व्यवस्थितः । अनुजानामि ते पुत्रं जीवत्वेव शतं समाः ॥

putrasnehaṃ parityajya yastvaṃ dharme vyavasthitaḥ | anujānāmi te putraṃ jīvatveva śataṃ samāḥ

Since you have set aside love for your son and stood firm in dharma, I grant you your son. Let him live a hundred years.

Note on the text: Corrected पिरत्यज्य → परित्यज्य (misprint in Wikisource; a misplaced vowel sign, as the critical edition reads parityajya).

Verse 91 (2.90.91)

एवं वै परमं धर्मं श्रुत्वा सर्वे सभासदः । यथाप्रश्नं तु कृष्णाया मन्यध्वं तत्र किं परम् ॥

evaṃ vai paramaṃ dharmaṃ śrutvā sarve sabhāsadaḥ | yathāpraśnaṃ tu kṛṣṇāyā manyadhvaṃ tatra kiṃ param

Now that all of you in the hall have heard this highest dharma, consider what the answer to Krishna's question should be.

Verse 92 (2.90.92)

विदुरस्य वचः श्रुत्वा नोचुः किञ्चन पार्थिवाः । कर्णो दुःशासनं त्वाह कृष्णां दासीं गृहान्नय ॥

vidurasya vacaḥ śrutvā nocuḥ kiñcana pārthivāḥ | karṇo duḥśāsanaṃ tvāha kṛṣṇāṃ dāsīṃ gṛhānnaya

Hearing Vidura's words, the kings said nothing at all. Then Karna said to Duhshasana, "Take Krishna, the slave woman, to the house."

Note on the text: Corrected कृष्णं → कृष्णां (misprint in Wikisource; the feminine accusative agreeing with दासीं, as the critical edition reads kṛṣṇāṃ).

Verse 93 (2.90.93)

तां वेपमानां सव्रीडां प्रलपन्तीं स्म पाण्डवान् । दुःशासनः सभामध्ये विचकर्ष तपस्विनीम् ॥

tāṃ vepamānāṃ savrīḍāṃ pralapantīṃ sma pāṇḍavān | duḥśāsanaḥ sabhāmadhye vicakarṣa tapasvinīm

And in the middle of the hall Duhshasana dragged away the unhappy woman as she trembled with shame and cried out to the Pandavas.