Bhima's Vow and Draupadi's Curse

Verse 1 (2.92.1)

तथा तु दृष्ट्वा बहु तत्र देवीं । रोरूयमाणां कुररीमिवार्ताम् । नोचुर्वचः साध्वथवाऽप्यसाधु । महीक्षितो धार्तराष्ट्रस्य भीताः ॥

tathā tu dṛṣṭvā bahu tatra devīṃ | rorūyamāṇāṃ kurarīmivārtām | nocurvacaḥ sādhvathavā'pyasādhu | mahīkṣito dhārtarāṣṭrasya bhītāḥ

Seeing the queen there crying out again and again like a stricken osprey, the kings said nothing, good or bad, for they feared Dhritarashtra's son.

Verse 2 (2.92.2)

दृष्ट्वा तथा पार्थिवपुत्रपौत्रां- । स्तूष्णींभूतान्धृतराष्ट्रस्य पुत्रः । स्मयन्निवेदं वचनं बभाषे । पाञ्चालराजस्य सुतां तदानीम् ॥

dṛṣṭvā tathā pārthivaputrapautrāṃ- | stūṣṇīṃbhūtāndhṛtarāṣṭrasya putraḥ | smayannivedaṃ vacanaṃ babhāṣe | pāñcālarājasya sutāṃ tadānīm

Seeing the sons and grandsons of kings fallen silent, Dhritarashtra's son, half smiling, then spoke these words to the daughter of the Panchala king:

Verse 3 (2.92.3)

तिष्ठत्वयं प्रश्न उदारसत्वे । भीमेऽर्जुने सहदेवे तथैव । पत्यौ च ते नकुले याज्ञसेनि । वदन्त्वेते वचनं त्वत्प्रसूतम् ॥

tiṣṭhatvayaṃ praśna udārasatve | bhīme'rjune sahadeve tathaiva | patyau ca te nakule yājñaseni | vadantvete vacanaṃ tvatprasūtam

Let this question rest with your noble-hearted husbands, Yajnaseni: with Bhima, Arjuna and Sahadeva, and with Nakula too. Let them answer the question you have put.

Verse 4 (2.92.4)

अनीश्वरं विब्रुवन्त्वार्यमध्ये । युधिष्ठिरं तव पाञ्चालि हेतोः । कुर्वन्तु सर्वे चानृतं धर्मराजं । पाञ्चालि त्वं मोक्ष्यसे दासभावात् ॥

anīśvaraṃ vibruvantvāryamadhye | yudhiṣṭhiraṃ tava pāñcāli hetoḥ | kurvantu sarve cānṛtaṃ dharmarājaṃ | pāñcāli tvaṃ mokṣyase dāsabhāvāt

Let them declare before the nobles, for your sake, Panchali, that Yudhishthira is not your master. Let them all make the King of Dharma out to be false, and you, Panchali, will be released from slavery.

Verse 5 (2.92.5)

धर्मे स्थितो धर्मसुतो महात्मा । स्वयं चेदं कथयत्विन्द्रकल्पः । ईशो वा ते ह्यनीशोऽथवैष । वाक्यादस्य क्षिप्रमेकं भजस्व ॥

dharme sthito dharmasuto mahātmā | svayaṃ cedaṃ kathayatvindrakalpaḥ | īśo vā te hyanīśo'thavaiṣa | vākyādasya kṣipramekaṃ bhajasva

Or let the great-souled son of Dharma, who stands firm in righteousness and is like Indra, say it himself: whether he is your master or not. On his word, choose one or the other at once.

Verse 6 (2.92.6)

सर्वे हीमे कौरवेयाः सभायां । दुःखान्तरे वर्तमानास्तवैव । न विब्रुवन्त्यार्यसत्वा यथाव- । त्पतींश्च ते समवेक्ष्याल्पभाग्यान् ॥

sarve hīme kauraveyāḥ sabhāyāṃ | duḥkhāntare vartamānāstavaiva | na vibruvantyāryasatvā yathāva- | tpatīṃśca te samavekṣyālpabhāgyān

All these Kauravas in the assembly share in your distress. Noble as they are, they do not answer plainly, seeing how ill-fated your husbands are.

Verse 7 (2.92.7)

ततः सभ्याः कुरुराजस्य तस्य । वाक्यं सर्वे प्रशशंसुस्तथोच्चैः । चेलावेधांश्चापि चक्रुर्नदन्तो । हाहेत्यासीदपि चैवार्तनादः ॥

tataḥ sabhyāḥ kururājasya tasya | vākyaṃ sarve praśaśaṃsustathoccaiḥ | celāvedhāṃścāpi cakrurnadanto | hāhetyāsīdapi caivārtanādaḥ

Then all the members of the assembly loudly praised the words of the Kuru king. Shouting, they waved their garments; yet a cry of distress, "Alas, alas!", also rose.

Note on the text: Matches the critical edition 2.62.28, first two lines (the automatic alignment missed it).

Verse 8 (2.92.8)

श्रुत्वा तु तद्वाक्यमनोहरं त- । द्धर्षश्चासीत्कौरवाणां सभायाम् । सर्वे चासन्पार्थिवाः प्रीतिमन्तः । कुरुश्रेष्ठं धार्मिकं पूजयन्तः ॥

śrutvā tu tadvākyamanoharaṃ ta- | ddharṣaścāsītkauravāṇāṃ sabhāyām | sarve cāsanpārthivāḥ prītimantaḥ | kuruśreṣṭhaṃ dhārmikaṃ pūjayantaḥ

Hearing those pleasing words, the Kauravas in the hall rejoiced, and all the kings were delighted and paid honour to the righteous chief of the Kurus.

Note on the text: Corrected तुं → तु (misprint in Wikisource; stray anusvara; the critical edition reads tu). The first line is the critical edition's apparatus passage 564* (after 2.62.28d); the second line is 2.62.28ef.

Verse 9 (2.92.9)

युधिष्ठिरं च ते सर्वे समुदैक्षन्त पार्थिवाः । किं नु वक्ष्यति धर्मज्ञ इति साचीकृताननाः ॥

yudhiṣṭhiraṃ ca te sarve samudaikṣanta pārthivāḥ | kiṃ nu vakṣyati dharmajña iti sācīkṛtānanāḥ

And all the kings, turning their faces aside, looked toward Yudhishthira: "What will the knower of dharma say?"

Verse 10 (2.92.10)

किं नु वक्ष्यति बीभत्सुरजितो युधि पाण्डवः । भीमसेनो यमौ चोभौ भृशं कौतूहलान्विताः ॥

kiṃ nu vakṣyati bībhatsurajito yudhi pāṇḍavaḥ | bhīmaseno yamau cobhau bhṛśaṃ kautūhalānvitāḥ

"What will Bibhatsu say, the Pandava unconquered in battle? What will Bhimasena and the twins say?" So they wondered, full of curiosity.

Verse 11 (2.92.11)

तस्मिन्नुपरते शब्दे भीमसेनोऽब्रवीदिदम् । प्रगृह्य रुचिरं दिव्यं भुजं चन्दनचर्चितम् ॥

tasminnuparate śabde bhīmaseno'bravīdidam | pragṛhya ruciraṃ divyaṃ bhujaṃ candanacarcitam

When the clamour had died down, Bhimasena raised his handsome, splendid, sandal-smeared arm and said:

Verse 12 (2.92.12)

यद्येष गुरुरस्माकं धर्मराजो महामनाः । न प्रभुः स्यात्कुलस्यास्य न वयं मर्षयेमहि ॥

yadyeṣa gururasmākaṃ dharmarājo mahāmanāḥ | na prabhuḥ syātkulasyāsya na vayaṃ marṣayemahi

If this high-minded King of Dharma, our elder, were not the master of our family, we would never put up with this.

Verse 13 (2.92.13)

ईशो नः पुण्यतपसां प्राणानामपि चेश्वरः । मन्यते जितमात्मानं यद्येष विजिता वयम् ॥

īśo naḥ puṇyatapasāṃ prāṇānāmapi ceśvaraḥ | manyate jitamātmānaṃ yadyeṣa vijitā vayam

He is lord of our merit and our austerities, lord even of our lives. If he holds himself to be won, then we too are won.

Verse 14 (2.92.14)

न हि मुच्येत मे जीवन्पदा भूमिमुपस्पृशन् । मर्त्यधर्मा परामृश्य पाञ्चाल्या मूर्धजानिमान् ॥

na hi mucyeta me jīvanpadā bhūmimupaspṛśan | martyadharmā parāmṛśya pāñcālyā mūrdhajānimān

Otherwise no mortal who laid hands on these locks of Panchali's would have escaped me alive, with his feet still touching the ground.

Verse 15 (2.92.15)

पश्यध्वं ह्यायतौ वृत्तौ भुजौ मे परिघाविव । नैतयोरन्तरं प्राप्य मुच्येतापि शतक्रतुः ॥

paśyadhvaṃ hyāyatau vṛttau bhujau me parighāviva | naitayorantaraṃ prāpya mucyetāpi śatakratuḥ

Look at these long, rounded arms of mine, like iron bars. Once caught between them, not even Indra of the hundred sacrifices could get free.

Verse 16 (2.92.16)

धर्मपाशसितस्त्वेवमधिगच्छामि सङ्कटम् । गौरवेण निरुद्धश्च निग्रहादर्जुनस्य च ॥

dharmapāśasitastvevamadhigacchāmi saṅkaṭam | gauraveṇa niruddhaśca nigrahādarjunasya ca

But bound as I am by the noose of dharma, I find myself in this strait, held back by reverence for my elder and restrained by Arjuna.

Verse 17 (2.92.17)

धर्मराजनिसृष्टस्तु सिंहः क्षुद्रमृगानिव । धार्तराष्ट्रानिमान्पापान्निष्पिषेयं तलासिभिः ॥

dharmarājanisṛṣṭastu siṃhaḥ kṣudramṛgāniva | dhārtarāṣṭrānimānpāpānniṣpiṣeyaṃ talāsibhiḥ

Were the King of Dharma to let me loose, I would crush these wicked sons of Dhritarashtra with blows of my bare hands, as a lion crushes small beasts.

Note on the text: Corrected धार्तराष्टारानिमान् → धार्तराष्ट्रानिमान् and निष्पषेयं → निष्पिषेयं (misprints in Wikisource; broken conjunct and a stray akshara, a dropped i-mark; the critical edition reads dhārtarāṣṭrān imān … niṣpiṣeyaṃ).

Verse 18 (2.92.18)

तमुवाच तदा भीष्मो द्रोणो विदुर एव च । क्षम्यतामिदमित्येवं सर्वं सम्भाव्यते त्वयि ॥

tamuvāca tadā bhīṣmo droṇo vidura eva ca | kṣamyatāmidamityevaṃ sarvaṃ sambhāvyate tvayi

Then Bhishma, Drona and Vidura said to him, "Be patient. Everything is possible for you."

Verse 19 (2.92.19)

त्रयः किलेमे ह्यधना भवन्ति । दासः पुत्रश्चास्वतन्त्रा च नारी । दासस्य पत्नी त्वधनस्य भद्रे । हीनेश्वरा दासधनं च सर्वम् ॥

trayaḥ kileme hyadhanā bhavanti | dāsaḥ putraścāsvatantrā ca nārī | dāsasya patnī tvadhanasya bhadre | hīneśvarā dāsadhanaṃ ca sarvam

Three, they say, own no property: a slave, a son, and a woman who is not her own mistress. You, good lady, are the wife of a slave who owns nothing; you have lost your master, and all of it is a slave's property.

Note on the text: Corrected हीनश्वरा → हीनेश्वरा (misprint in Wikisource; dropped e-mark; the critical edition reads hīneśvarā).

Verse 20 (2.92.20)

प्रविश्य राज्ञः परिवारं भजस्व । तत्ते कार्यं शिष्टमादिश्यतेऽत्र । ईशास्तु सर्वे तव राजपुत्रि । भवन्ति वै धार्तराष्ट्रा न पार्थाः ॥

praviśya rājñaḥ parivāraṃ bhajasva | tatte kāryaṃ śiṣṭamādiśyate'tra | īśāstu sarve tava rājaputri | bhavanti vai dhārtarāṣṭrā na pārthāḥ

Go into the king's household and serve his people; that is the task now set for you here. All the sons of Dhritarashtra, princess, are now your masters, not the sons of Pritha.

Verse 21 (2.92.21)

अन्यं वृणीष्व पतिमाशु भामिनि । यस्माद्दास्यं न लभसि देवनेन । अवाच्या वै पतिषु कामवृत्ति- । र्नित्यं दास्ये विदितं तत्तवास्तु ॥

anyaṃ vṛṇīṣva patimāśu bhāmini | yasmāddāsyaṃ na labhasi devanena | avācyā vai patiṣu kāmavṛtti- | rnityaṃ dāsye viditaṃ tattavāstu

Choose another husband quickly, proud lady, one through whom you will not be made a slave by dicing. For a woman in slavery, free conduct toward husbands is never blamed; let that be known to you.

Verse 22 (2.92.22)

पराजितो नकुलो भीमसेनो । युधिष्ठिरः सहदेवार्जुनौ च । दासीभूता त्वं हि वै याज्ञसेनि । पराजितास्ते पतयो नैव सन्ति ॥

parājito nakulo bhīmaseno | yudhiṣṭhiraḥ sahadevārjunau ca | dāsībhūtā tvaṃ hi vai yājñaseni | parājitāste patayo naiva santi

Nakula has been defeated, and Bhimasena, Yudhishthira, Sahadeva and Arjuna. You have become a slave, Yajnaseni; your husbands are beaten and are your husbands no longer.

Note on the text: Corrected युधिष्ठरः → युधिष्ठिरः (misprint in Wikisource; dropped i-mark).

Verse 23 (2.92.23)

प्रयोजनं जन्मनि किं न मन्यते । पराक्रमं पौरुषं चैव पार्थः । पाञ्चाल्यस्य द्रुपदस्यात्मजामिमां । सभामध्ये यो व्यदेवीद्‌ग्लहेषु ॥

prayojanaṃ janmani kiṃ na manyate | parākramaṃ pauruṣaṃ caiva pārthaḥ | pāñcālyasya drupadasyātmajāmimāṃ | sabhāmadhye yo vyadevīdglaheṣu

What use does the son of Pritha see in his birth, in his valour and his manhood, he who staked this daughter of Drupada of Panchala in the middle of the assembly?

Note on the text: Corrected पार्थटः → पार्थः (misprint in Wikisource; stray akshara; the critical edition reads pārthaḥ).

Verse 24 (2.92.24)

तद्वै श्रुत्वा भीमसेनोऽत्यमर्षी । भृशं निशश्वास तदाऽर्तरूपः । राजानुगो धर्मपाशानुबद्धो । दहन्निवैनं क्रोधसंरक्तदृष्टिः ॥

tadvai śrutvā bhīmaseno'tyamarṣī | bhṛśaṃ niśaśvāsa tadā'rtarūpaḥ | rājānugo dharmapāśānubaddho | dahannivainaṃ krodhasaṃraktadṛṣṭiḥ

Hearing this, Bhimasena, who could not bear it, sighed deeply in anguish. Yet, obedient to the king and bound by the noose of dharma, he only glared at him with eyes red with anger, as though to burn him up.

Verse 25 (2.92.25)

नाहं कुप्ये सूतपुत्रस्य राज- । न्नेष सत्यं दासधर्मः प्रदिष्टः । किं विद्विषो वै मामेवं व्याहरेयु- । र्नादेवीस्त्वं यद्यनया नरेन्द्र ॥

nāhaṃ kupye sūtaputrasya rāja- | nneṣa satyaṃ dāsadharmaḥ pradiṣṭaḥ | kiṃ vidviṣo vai māmevaṃ vyāhareyu- | rnādevīstvaṃ yadyanayā narendra

I am not angry with the charioteer's son, O king; this is indeed the rule laid down for slaves. But would our enemies speak to me like this, lord of men, had you not gambled with her?

Verse 26 (2.92.26)

भीमसेनवचः श्रुत्वा राजा दुर्योधनस्तदा । युधिष्ठिरमुवाचेदं तूष्णीम्भूतमचेतनम् ॥

bhīmasenavacaḥ śrutvā rājā duryodhanastadā | yudhiṣṭhiramuvācedaṃ tūṣṇīmbhūtamacetanam

Hearing Bhimasena's words, King Duryodhana then said to Yudhishthira, who sat silent and senseless:

Verse 27 (2.92.27)

भीमार्जुनौ यमौ चैव स्थितौ ते नृप शासने । प्रश्नं ब्रूहि च कृष्णां त्वमजितां यदि मन्यसे ॥

bhīmārjunau yamau caiva sthitau te nṛpa śāsane | praśnaṃ brūhi ca kṛṣṇāṃ tvamajitāṃ yadi manyase

Bhima and Arjuna and the twins stand under your command, O king. Answer the question: do you consider Krishna unwon?

Verse 28 (2.92.28)

एवमुक्त्वा तु कौन्तेयमपोह्य वसनं स्वकम् । स्मयन्निवेक्ष्य पाञ्चालीमैश्वर्यमदमोहितः ॥

evamuktvā tu kaunteyamapohya vasanaṃ svakam | smayannivekṣya pāñcālīmaiśvaryamadamohitaḥ

Having said this to the son of Kunti, Duryodhana, crazed by the pride of power, drew aside his own garment and, smiling, glanced at Panchali;

Note on the text: Corrected कौन्येयम् → कौन्तेयम् (misprint in Wikisource; the critical edition reads kaunteyam).

Verse 29 (2.92.29)

कदलीदण्डसदृशं सर्वलक्षणसंयुतम् । गजहस्तप्रतीकाशं वज्रप्रतिमगौरवम् ॥

kadalīdaṇḍasadṛśaṃ sarvalakṣaṇasaṃyutam | gajahastapratīkāśaṃ vajrapratimagauravam

then that thigh, like the stem of a plantain, marked with every auspicious sign, like an elephant's trunk and heavy as the thunderbolt,

Verse 30 (2.92.30)

अभ्युत्स्मयित्वा राधेयं भीममाधर्षयन्निव । द्रौपद्याः प्रेक्षमाणायाः सव्यमूरुमदर्शयत् ॥

abhyutsmayitvā rādheyaṃ bhīmamādharṣayanniva | draupadyāḥ prekṣamāṇāyāḥ savyamūrumadarśayat

his left thigh, he bared before Draupadi's eyes, smiling broadly at Radheya as if to taunt Bhima.

Verse 31 (2.92.31)

भीमसेनस्तमालोक्य नेत्रे उत्फाल्य लोहिते । प्रोवाच राजमध्ये तं सभां विश्रावयन्निव ॥

bhīmasenastamālokya netre utphālya lohite | provāca rājamadhye taṃ sabhāṃ viśrāvayanniva

Seeing this, Bhimasena opened wide his blood-red eyes and spoke to him in the midst of the kings, as if to make the whole hall hear:

Verse 32 (2.92.32)

पितृभिः सह सालोक्यं मा स्म गच्छेद्वृकोदरः । यद्येतमूरुं गदया न भिन्द्यां ते महाहवे ॥

pitṛbhiḥ saha sālokyaṃ mā sma gacchedvṛkodaraḥ | yadyetamūruṃ gadayā na bhindyāṃ te mahāhave

May Vrikodara never share the world of his forefathers if he does not shatter that thigh of yours with his mace in the great battle!

Verse 33 (2.92.33)

क्रुद्धस्य तस्य सर्वेभ्यः स्रोतोभ्यः पावकार्चिषः । वृक्षस्येव विनिश्चेरुः कोटरेभ्यः प्रदह्यतः ॥

kruddhasya tasya sarvebhyaḥ srotobhyaḥ pāvakārciṣaḥ | vṛkṣasyeva viniśceruḥ koṭarebhyaḥ pradahyataḥ

As he raged, flames of fire burst from every pore of his body, like fire from the hollows of a burning tree.

Note on the text: Corrected विनिश्वेरुः → विनिश्चेरुः (misprint in Wikisource; व for च; the critical edition reads viniśceruḥ).

Verse 34 (2.92.34)

परं भयं पश्यत भीमसेना- । त्तद्बुध्यध्वं पार्थिवाः प्रातिपेयाः । दैवेरितो नूनमयं पुरस्ता- । त्परोऽनयो भरतेषूदपादि ॥

paraṃ bhayaṃ paśyata bhīmasenā- | ttadbudhyadhvaṃ pārthivāḥ prātipeyāḥ | daiverito nūnamayaṃ purastā- | tparo'nayo bharateṣūdapādi

See the great danger from Bhimasena, you kings of Pratipa's line, and understand it. Surely this supreme calamity, driven by fate, has now risen before the Bharatas.

Verse 35 (2.92.35)

अतिद्यूतं कृतमिदं धार्तराष्ट्र । यस्मात्स्त्रियं विवदध्वं सभायाम् । योगक्षेमौ नश्यतो वः समग्रौ । पापान्मन्त्रान्कुरवो मन्त्रयन्ति ॥

atidyūtaṃ kṛtamidaṃ dhārtarāṣṭra | yasmātstriyaṃ vivadadhvaṃ sabhāyām | yogakṣemau naśyato vaḥ samagrau | pāpānmantrānkuravo mantrayanti

This gambling has gone too far, son of Dhritarashtra, now that you quarrel over a woman in the assembly. Your welfare and security are wholly being destroyed; the Kurus are plotting evil counsels.

Verse 36 (2.92.36)

इमं धर्मं कुरवो जानताशु । ध्वस्ते धर्मे परिषत्सम्प्रदुष्येत् । इमां चेत्पूर्वं कितवोऽग्लहिष्य- । दीशोऽभविष्यदपराजितात्मा ॥

imaṃ dharmaṃ kuravo jānatāśu | dhvaste dharme pariṣatsampraduṣyet | imāṃ cetpūrvaṃ kitavo'glahiṣya- | dīśo'bhaviṣyadaparājitātmā

Kurus, understand this point of dharma at once: when dharma is destroyed, the assembly is corrupted. Had the gambler staked her before he lost himself, he would have been her master.

Verse 37 (2.92.37)

स्वप्ने यथैतद्विजितं धनं स्या- । देवं मन्ये यस्य दीव्यत्यनीशः । गान्धारराजस्य वचो निशम्य । धर्मादस्मात्कुरवो माऽपयात ॥

svapne yathaitadvijitaṃ dhanaṃ syā- | devaṃ manye yasya dīvyatyanīśaḥ | gāndhārarājasya vaco niśamya | dharmādasmātkuravo mā'payāta

Wealth staked by one who plays when he is no longer master is, I think, like wealth won in a dream. Do not listen to the Gandhara king's words, Kurus, and stray from this dharma.

Verse 38 (2.92.38)

भीमस्य वाक्ये तद्वदेवार्जुनस्य । स्थितोऽहं वै यमयोश्चैवमेव । युधिष्ठिरं ते प्रवदन्त्वनीश- । मथो दास्यान्मोक्षसे याज्ञसेनि ॥

bhīmasya vākye tadvadevārjunasya | sthito'haṃ vai yamayoścaivameva | yudhiṣṭhiraṃ te pravadantvanīśa- | matho dāsyānmokṣase yājñaseni

I abide by what Bhima says, and Arjuna, and the twins as well. Let them declare Yudhishthira no master, and then, Yajnaseni, you will go free from slavery.

Verse 39 (2.92.39)

ईशो राजा पूर्वमासीद्‌ग्लहे नः । कुन्तीसुतो धर्मराजो महात्मा । ईशस्त्वयं कस्य पराजितात्मा । तज्जानीध्वं कुरवः सर्व एव ॥

īśo rājā pūrvamāsīdglahe naḥ | kuntīsuto dharmarājo mahātmā | īśastvayaṃ kasya parājitātmā | tajjānīdhvaṃ kuravaḥ sarva eva

The king, the great-souled son of Kunti, the King of Dharma, was our master when he first played. But once he had lost himself, whose master could he be? Judge that, all you Kurus.

Note on the text: Matches the critical edition 2.63.21 (the automatic alignment missed it).

Verse 40 (2.92.40)

दुश्शासन निबोधेदं वचनं वै प्रभाषितम् । किमनेन चिरं वीर नयस्व द्रुपदात्मजाम् । दासीभावेन भुङ्क्ष्व त्वं यथेष्टं कुरुनन्दन ॥

duśśāsana nibodhedaṃ vacanaṃ vai prabhāṣitam | kimanena ciraṃ vīra nayasva drupadātmajām | dāsībhāvena bhuṅkṣva tvaṃ yatheṣṭaṃ kurunandana

Duhshasana, listen to what I say. Why waste time over this, hero? Take Drupada's daughter away. Use her as a slave as you please, joy of the Kurus.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 1–3). Removed the speaker heading "कर्ण उवाच" (with a stray wiki backtick) that had slipped into the verse text, and gave the verse to Karna. Corrected द्रपदात्मजाम् → द्रुपदात्मजाम् (misprint in Wikisource; dropped u-mark).

Verse 41 (2.92.41)

ततो गान्धारराजस्य पुत्रः शकुनिरब्रवीत् । साधु कर्ण महाबाहो यथेष्टं क्रियतामिति ॥

tato gāndhārarājasya putraḥ śakunirabravīt | sādhu karṇa mahābāho yatheṣṭaṃ kriyatāmiti

Then Shakuni, son of the Gandhara king, said, "Well said, mighty-armed Karna! Let it be done as you wish."

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 4–5).

Verse 42 (2.92.42)

ततो दुश्शासनस्तूर्णं द्रुपदस्य सुतां बलात् । प्रवेशयितुमारब्धः स चकर्ष दुरात्मवान् । ततो विक्रोशति तदा पाञ्चाली वरवर्णिनी ॥

tato duśśāsanastūrṇaṃ drupadasya sutāṃ balāt | praveśayitumārabdhaḥ sa cakarṣa durātmavān | tato vikrośati tadā pāñcālī varavarṇinī

Then the wicked Duhshasana quickly began to force Drupada's daughter inside and dragged her along. Then lovely Panchali cried out:

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 6–8). Wikisource numbers the third line "43b" and has no other verse 43; the appendix shows no further line here.

Verse 43 (2.92.43)

परित्रायस्व मां भीष्म द्रोण द्रौणे तथा कृप । परित्रायस्व विदुर धर्मिष्ठो धर्मवत्सल ॥

paritrāyasva māṃ bhīṣma droṇa drauṇe tathā kṛpa | paritrāyasva vidura dharmiṣṭho dharmavatsala

Save me, Bhishma! Drona, son of Drona, and Kripa! Save me, Vidura, most righteous, lover of dharma!

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 9–10). Corrected भीष्ण → भीष्म (misprint in Wikisource).

Verse 44 (2.92.44)

धृतराष्ट्र महाराज परित्रायस्व वै स्नुषाम् । गान्धारि त्वं महाभागे सर्वज्ञे सर्वदर्शिनि । परित्रायस्व मां भीरुं सुयोधनभयार्दिताम् ॥

dhṛtarāṣṭra mahārāja paritrāyasva vai snuṣām | gāndhāri tvaṃ mahābhāge sarvajñe sarvadarśini | paritrāyasva māṃ bhīruṃ suyodhanabhayārditām

Dhritarashtra, great king, save your daughter-in-law! Gandhari, most fortunate, all-knowing, all-seeing, save me, a frightened woman tormented by fear of Suyodhana!

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 11–13). Corrected पिरत्रायस्व → परित्रायस्व (misprint in Wikisource; misplaced i-mark).

Verse 45 (2.92.45)

त्वमार्ये वीरजननि किं मां पश्यसि यादवि । क्लिश्यमानामनार्येण न त्रायसि वधूं स्वकाम् ॥

tvamārye vīrajanani kiṃ māṃ paśyasi yādavi | kliśyamānāmanāryeṇa na trāyasi vadhūṃ svakām

Noble lady, mother of heroes, daughter of the Yadavas, why do you only look on at me? Why do you not save your own daughter-in-law as a base man torments her?

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 14–15). Corrected यादवीम् → यादवि (misprint in Wikisource; Kunti, the Yadava princess, is being addressed, as the appendix's yādavi shows) and त्रायसिव → त्रायसि (stray akshara that breaks the metre).

Verse 46 (2.92.46)

यदि लालप्यमानां मां न कश्चित्किञ्चिदब्रवीत् । हा हताऽस्मि सुमन्दात्मा सुयोधनवशं गता ॥

yadi lālapyamānāṃ māṃ na kaścitkiñcidabravīt | hā hatā'smi sumandātmā suyodhanavaśaṃ gatā

Though I cry out like this, no one says anything at all. Alas, I am lost, wretched that I am, fallen into Suyodhana's power!

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 16–17).

Verse 47 (2.92.47)

न वै पाण्डुर्नरपतिर्न धर्मो न च देवराट् । न वायुर्नाश्विनौ वाऽपि परित्रायन्ति वै स्नुषाम् । धिक्कष्टं यदि जीवेयं मन्दभाग्या पतिव्रता ॥

na vai pāṇḍurnarapatirna dharmo na ca devarāṭ | na vāyurnāśvinau vā'pi paritrāyanti vai snuṣām | dhikkaṣṭaṃ yadi jīveyaṃ mandabhāgyā pativratā

Neither King Pandu, nor Dharma, nor the king of the gods, nor Vayu, nor the Ashvins save their daughter-in-law. Shame and misery, if I, an ill-fated and faithful wife, should go on living!

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 18–20). Corrected न चायुर्नाश्विनौ → न वायुर्नाश्विनौ (misprint in Wikisource; च for व; Vayu, father of Bhima, is meant, and the appendix reads vāyur). Wikisource numbers the third line "49b" and has no other verse 49; the appendix shows no further line here.

Verse 48 (2.92.48)

शृणोमि वाक्यं तव राजपुत्रि । नेमे पार्थाः किञ्चिदपि ब्रुवन्ति । सा त्वं प्रियार्थं शृणु वाक्यमेत- । द्यदुच्यते पापमतिः कृतघ्नः ॥

śṛṇomi vākyaṃ tava rājaputri | neme pārthāḥ kiñcidapi bruvanti | sā tvaṃ priyārthaṃ śṛṇu vākyameta- | dyaducyate pāpamatiḥ kṛtaghnaḥ

I hear your words, princess, and these sons of Pritha say nothing at all. So, for your sake, listen to what I now declare. The evil-minded, ungrateful

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 21–24).

Verse 49 (2.92.49)

सुयोधनः सानुचरः सुदुष्टः । सहैव राजा निकृतः सूनुना च । यद्येष वाचं महदुच्यमानां । न श्रोष्यते पापमतिः सुदुष्टः ॥

suyodhanaḥ sānucaraḥ suduṣṭaḥ | sahaiva rājā nikṛtaḥ sūnunā ca | yadyeṣa vācaṃ mahaducyamānāṃ | na śroṣyate pāpamatiḥ suduṣṭaḥ

Suyodhana, wicked through and through, with his followers, and the king too, led astray by his son, are lost if this evil-minded, wicked man will not hear the grave words now being spoken.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 25–28).

Verse 50 (2.92.50)

इत्येवमुक्त्वा द्रुपदस्य पुत्रीं । क्षत्ताऽब्रवीद्धृतराष्ट्रस्य पुत्रम् ॥

ityevamuktvā drupadasya putrīṃ | kṣattā'bravīddhṛtarāṣṭrasya putram

Having spoken thus to Drupada's daughter, the Steward said to Dhritarashtra's son:

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 29–30).

Verse 51 (2.92.51)

मा क्लिश्यतां वै द्रुपदस्य पुत्री । मा त्वं चारीन् द्रक्ष्यसि राजपुत्र ॥

mā kliśyatāṃ vai drupadasya putrī | mā tvaṃ cārīn drakṣyasi rājaputra

Let Drupada's daughter not be tormented, prince, or you will find enemy spies about you.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 31–32). Vidura's words, printed under Vaishampayana's heading, are given to Vidura. Corrected पुत्रीं → पुत्री (misprint in Wikisource; the passive verb needs the nominative, as in the appendix's putrī) and चरीं → चारीन् (not a word; the appendix reads cārīn).

Verse 52 (2.92.52)

यद्येवं त्वं महाराज सङ्क्लेशयसि द्रौपदीम् । अचिरेणैव कालेन पुत्रस्ते सह मन्त्रिभिः । गमिष्यति क्षयं पापः पाण्डवक्षयकारणात् ॥

yadyevaṃ tvaṃ mahārāja saṅkleśayasi draupadīm | acireṇaiva kālena putraste saha mantribhiḥ | gamiṣyati kṣayaṃ pāpaḥ pāṇḍavakṣayakāraṇāt

If you let Draupadi be tormented like this, great king, before long your wicked son and his counsellors will go to destruction for having brought destruction on the Pandavas,

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 34–36).

Verse 53 (2.92.53)

भीमार्जुनाभ्यां क्रुद्धाभ्यां माद्रीपुत्रद्वयेन च । तस्मान्निवारय सुतं मा विनाशं विचिन्तय ॥

bhīmārjunābhyāṃ kruddhābhyāṃ mādrīputradvayena ca | tasmānnivāraya sutaṃ mā vināśaṃ vicintaya

at the hands of Bhima and Arjuna in their wrath, and of the two sons of Madri. So restrain your son; do not set your mind on ruin.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 37–38).

Verse 54 (2.92.54)

एतच्छुत्वा मन्दबुद्धिर्नोत्तरं किञ्चिदब्रवीत् । ततो दुर्योधनस्तत्र दैवमोहबलात्कृतः ॥

etacchutvā mandabuddhirnottaraṃ kiñcidabravīt | tato duryodhanastatra daivamohabalātkṛtaḥ

Hearing this, the dull-witted king made no reply at all. Then Duryodhana, overpowered by a delusion sent by fate,

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 39–40).

Verse 55 (2.92.55)

अचिन्त्य क्षत्तुर्वचनं हर्षेणायतलोचनः । ऊरू दर्शयते पापो द्रौपद्या वै मुहुर्मुहुः ॥

acintya kṣatturvacanaṃ harṣeṇāyatalocanaḥ | ūrū darśayate pāpo draupadyā vai muhurmuhuḥ

ignored the Steward's words and, wide-eyed with glee, the wicked man bared his thighs to Draupadi again and again.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 41–42).

Verse 56 (2.92.56)

ऊरौ सन्दर्श्यमाने तु निरीक्ष्य तु सुयोधनम् । वृकोदरस्तदालोक्य नेत्रे चोत्फाल्य लोहिते ॥

ūrau sandarśyamāne tu nirīkṣya tu suyodhanam | vṛkodarastadālokya netre cotphālya lohite

As the thigh was being shown, Vrikodara, watching Suyodhana and seeing it, opened wide his blood-red eyes.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 43–44). Corrected चोल्फाल्य → चोत्फाल्य (misprint in Wikisource; compare उत्फाल्य earlier in this adhyaya).

Verse 57 (2.92.57)

एतत्समीक्ष्यात्मनि चावमानं । नियम्य मन्युं बलवान्स मानी । राजानुजः संसदि कौरवाणां । विनिष्क्रमन्वाक्यमुवाच भीमः ॥

etatsamīkṣyātmani cāvamānaṃ | niyamya manyuṃ balavānsa mānī | rājānujaḥ saṃsadi kauravāṇāṃ | viniṣkramanvākyamuvāca bhīmaḥ

Seeing this insult to himself, the proud and mighty Bhima, the king's younger brother, mastered his anger and, as he left the Kauravas' assembly, spoke these words:

Note on the text: Corrected बलनान् → बलवान् (misprint in Wikisource; न for व; the critical edition reads balavān).

Verse 58 (2.92.58)

अहं दुर्योधनं हन्ता कर्णं हन्ता धनञ्जयः । शकुनिं चाक्षकितवं सहदेवो हनिष्यति ॥

ahaṃ duryodhanaṃ hantā karṇaṃ hantā dhanañjayaḥ | śakuniṃ cākṣakitavaṃ sahadevo haniṣyati

I will kill Duryodhana; Dhananjaya will kill Karna; and Sahadeva will kill Shakuni, the cheat at dice.

Verse 59 (2.92.59)

इदं च भूयो वक्ष्यामि सभामध्ये बृहद्वचः । सत्यं देवाः करिष्यन्ति यदा युद्धं भविष्यति ॥

idaṃ ca bhūyo vakṣyāmi sabhāmadhye bṛhadvacaḥ | satyaṃ devāḥ kariṣyanti yadā yuddhaṃ bhaviṣyati

And I will say this further, a solemn word, in the midst of the assembly; the gods will make it come true when war comes.

Note on the text: Restored from the critical edition (Appendix I, no. 38, lines 51–52; the same verse is 2.68.27): Wikisource jumps from verse 60 to a half-verse numbered 63b, so verses 61, 62 and the first line of 63 are lost.

Verse 60 (2.92.60)

सुयोधनमिमं पापं हन्तास्मि गदया युधि । शिरः पादेन चास्याहमधितिष्ठामि भूतले ॥

suyodhanamimaṃ pāpaṃ hantāsmi gadayā yudhi | śiraḥ pādena cāsyāhamadhitiṣṭhāmi bhūtale

I will kill this wicked Suyodhana with my mace in battle, and with my foot I will stand on his head as it lies on the ground.

Note on the text: Restored from the critical edition (Appendix I, no. 38, lines 53–54; the same verse is 2.68.28): lost in Wikisource (see the previous verse).

Verse 61 (2.92.61)

वक्षः शूरस्य निर्भिद्य पुरुषस्य दुरात्मनः । दुश्शासनस्य रुधिरं पास्यामि मृगराडिव ॥

vakṣaḥ śūrasya nirbhidya puruṣasya durātmanaḥ | duśśāsanasya rudhiraṃ pāsyāmi mṛgarāḍiva

And, tearing open the chest of that vile man, the "hero" Duhshasana, I will drink his blood like a lion.

Note on the text: First line restored from the critical edition (Appendix I, no. 38, line 55; cf. 2.68.29): Wikisource prints only the second line, numbered 63b. The verse continues Bhima's vow and is given to Bhima, not Vaishampayana.

Verse 62 (2.92.62)

भीमसेन न ते सन्ति येषां वैरं त्वया सह । मन्दा गृहेषु सुखिनो न बुद्ध्यन्ते महद्भयम् ॥

bhīmasena na te santi yeṣāṃ vairaṃ tvayā saha | mandā gṛheṣu sukhino na buddhyante mahadbhayam

Bhimasena, those who are at enmity with you are as good as gone. The fools sit at ease in their homes and do not see the great danger.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 57–58). Corrected नन्दा → मन्दा (misprint in Wikisource) and restored the dropped word सुखिनो, without which the line is three syllables short, from the appendix (mandā gṛheṣu sukhino na budhyante).

Verse 63 (2.92.63)

नैव वाचा व्यवसितं भीम विज्ञायते सताम् । यदि स्थास्यन्ति सङ्ग्रामे क्षत्रधर्मेण वै सह ॥

naiva vācā vyavasitaṃ bhīma vijñāyate satām | yadi sthāsyanti saṅgrāme kṣatradharmeṇa vai saha

Bhima, the resolve of the good is not made known by words. If they stand their ground in battle as the warrior's code requires,

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 59–60); its first line also stands in the critical edition as 2.68.30ab.

Verse 64 (2.92.64)

दुर्योधनस्य कर्णस्य शकुनेश्च दुरात्मनः । दुश्शासनचतुर्थानां भूमिः पास्यति शोणितम् ॥

duryodhanasya karṇasya śakuneśca durātmanaḥ | duśśāsanacaturthānāṃ bhūmiḥ pāsyati śoṇitam

the earth will drink the blood of Duryodhana, of Karna, of the evil Shakuni, and of Duhshasana, the fourth.

Verse 65 (2.92.65)

असूयितारं वक्तारं प्रहृष्टानां दुरात्मनाम् । भीमसेन नियोगात्ते हन्ताऽहं कर्णमाहवे ॥

asūyitāraṃ vaktāraṃ prahṛṣṭānāṃ durātmanām | bhīmasena niyogātte hantā'haṃ karṇamāhave

At your bidding, Bhimasena, I will kill Karna in battle, that jealous spokesman of these exulting villains.

Verse 66 (2.92.66)

कर्णं कर्णानुगांश्चैव रणे हन्ताऽस्मि पत्रिभिः । ये चान्ये विप्रयोत्स्यन्ति बुद्धिमोहेन मां नृपाः । तान्स्म सर्वाञ्छितैर्बाणैर्नेताऽस्मि यमसादनम् ॥

karṇaṃ karṇānugāṃścaiva raṇe hantā'smi patribhiḥ | ye cānye viprayotsyanti buddhimohena māṃ nṛpāḥ | tānsma sarvāñchitairbāṇairnetā'smi yamasādanam

I will slay Karna and Karna's followers in battle with my arrows; and whatever other kings, in their folly, fight against me, all of them I will send with my sharp arrows to the abode of Yama.

Note on the text: Corrected सर्वञ्छितैर् → सर्वाञ्छितैर् (misprint in Wikisource; dropped ā in sarvān). The first line is the critical edition's 2.68.33cd and the rest is 2.68.34 (the same three lines are Appendix I, no. 38, lines 65–67).

Verse 67 (2.92.67)

चलेद्धि हिमवान्स्थानान्निष्प्रभः स्याद्दिवाकरः । शैत्यं सोमात्प्रणश्येत मत्सत्यं विचलेद्यदि ॥

caleddhi himavānsthānānniṣprabhaḥ syāddivākaraḥ | śaityaṃ somātpraṇaśyeta matsatyaṃ vicaledyadi

The Himalaya would move from its place, the sun would lose its light, coolness would vanish from the moon, before my word would waver.

Note on the text: Corrected चलेद्वि → चलेद्धि (misprint in Wikisource; the critical edition reads caled dhi).

Verse 68 (2.92.68)

इत्युक्तवति पार्थे तु श्रीमान्माद्रवतीसुतः । प्रगृह्य विपुलं बाहुं सहदेवः प्रतापवान् ॥

ityuktavati pārthe tu śrīmānmādravatīsutaḥ | pragṛhya vipulaṃ bāhuṃ sahadevaḥ pratāpavān

When Partha had spoken, the glorious and valiant Sahadeva, son of Madri, raised his massive arm

Note on the text: Corrected उत्युक्तवति → इत्युक्तवति (misprint in Wikisource; the critical edition reads ity uktavati).

Verse 69 (2.92.69)

सौबलस्य वधप्रेप्सुरिदं वचनमब्रवीत् । क्रोधसंरक्तनयनो निश्वस्य च मुहुर्मुहुः ॥

saubalasya vadhaprepsuridaṃ vacanamabravīt | krodhasaṃraktanayano niśvasya ca muhurmuhuḥ

and, eager to kill Saubala, spoke these words, his eyes red with fury, sighing again and again:

Verse 70 (2.92.70)

यानक्षान्मन्यसे मूढ गान्धाराणां यशोहर । नैते ह्यक्षाः शिता बाणास्त्वयैते समरे धृताः ॥

yānakṣānmanyase mūḍha gāndhārāṇāṃ yaśohara | naite hyakṣāḥ śitā bāṇāstvayaite samare dhṛtāḥ

Fool, disgrace of the Gandharas! These that you take for dice are not dice; they are sharp arrows you have taken up in battle.

Note on the text: Corrected वाणास् → बाणास् (misprint in Wikisource; व for ब; the critical edition reads bāṇā).

Verse 71 (2.92.71)

यथा चैवोक्तवान्भीमस्त्वामुद्दिश्य सबान्धवम् । कर्ताऽहं कर्मणा चास्य कुरुकार्याणि सर्वशः । यदि स्थास्यसि सङ्ग्रामे क्षत्रधर्मेण सौबल ॥

yathā caivoktavānbhīmastvāmuddiśya sabāndhavam | kartā'haṃ karmaṇā cāsya kurukāryāṇi sarvaśaḥ | yadi sthāsyasi saṅgrāme kṣatradharmeṇa saubala

As Bhima has declared against you and your kin, so I will carry it out in deed. Put all your affairs in order, Saubala, if indeed you stand your ground in battle by the warrior's code.

Note on the text: Corrected स्थस्यासि → स्थास्यसि (misprint in Wikisource; transposed long ā; the critical edition reads sthāsyasi). The first two lines are the critical edition's 2.68.40 and the third is 2.68.41cd (the same three lines are Appendix I, no. 38, lines 76–78).

Verse 72 (2.92.72)

सहदेववचः श्रुत्वा नकुलोऽपि विशाम्पते । दर्शनीयतमो नॄणामिदं वचनमब्रवीत् ॥

sahadevavacaḥ śrutvā nakulo'pi viśāmpate | darśanīyatamo nṝṇāmidaṃ vacanamabravīt

Hearing Sahadeva's words, lord of the people, Nakula too, the handsomest of men, spoke these words:

Verse 73 (2.92.73)

सुतेयं यज्ञसेनस्य द्यूतेऽस्मिन्धृतराष्ट्रजैः । यैर्वाचः श्राविता रूक्षा धूर्तैर्दुर्योधनप्रियैः ॥

suteyaṃ yajñasenasya dyūte'smindhṛtarāṣṭrajaiḥ | yairvācaḥ śrāvitā rūkṣā dhūrtairduryodhanapriyaiḥ

This daughter of Yajnasena was made to hear harsh words in this gambling match from the sons of Dhritarashtra, rogues dear to Duryodhana.

Verse 74 (2.92.74)

धार्तराष्ट्रान्सुदुर्वृत्तान्मुमूर्षून्कालचोदितान् । दर्शयिष्यामि भूयिष्ठमहं वैवस्वतक्षयम् ॥

dhārtarāṣṭrānsudurvṛttānmumūrṣūnkālacoditān | darśayiṣyāmi bhūyiṣṭhamahaṃ vaivasvatakṣayam

Those wicked sons of Dhritarashtra, doomed and driven by Time, I will send in great numbers to behold the abode of Vaivasvata.

Verse 75 (2.92.75)

उलूकं च दुरात्मानं सौबलस्य प्रियं सुतम् । हन्ताऽहमस्मि समरे मम शत्रुं नराधमम् ॥

ulūkaṃ ca durātmānaṃ saubalasya priyaṃ sutam | hantā'hamasmi samare mama śatruṃ narādhamam

And the evil Uluka, Saubala's dear son, my enemy and the vilest of men, I will kill in battle.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 85–86).

Verse 76 (2.92.76)

निदेशाद्धर्मराजस्य द्रौपद्याः पदवीं चरन् । निर्धार्तराष्ट्रां पृथिवीं कर्तास्मि नचिरादिव ॥

nideśāddharmarājasya draupadyāḥ padavīṃ caran | nirdhārtarāṣṭrāṃ pṛthivīṃ kartāsmi nacirādiva

At the King of Dharma's command, following the path Draupadi has set, I will soon rid the earth of the sons of Dhritarashtra.

Note on the text: Corrected नर्धार्तराष्टां → निर्धार्तराष्ट्रां and नचिरादिवा → नचिरादिव (misprints in Wikisource; dropped i-mark, broken conjunct, stray long ā; the critical edition reads nirdhārtarāṣṭrāṃ … nacirād iva).

Verse 77 (2.92.77)

यस्माच्चोरुं दर्शयसे यस्माच्चोरुं निरीक्षसे । तस्मात्तव ह्यधर्मिष्ठ ऊरौ मृत्युर्भविष्यति ॥

yasmāccoruṃ darśayase yasmāccoruṃ nirīkṣase | tasmāttava hyadharmiṣṭha ūrau mṛtyurbhaviṣyati

Because you bare your thigh to me and keep gazing at it, your death, most unrighteous man, will come at your thigh.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 89–90).

Verse 78 (2.92.78)

यस्माच्चैवं क्लेशयति भ्राता ते मां दुरात्मवान् । तस्माद्रुधिरमेवास्य पास्यते वै वृकोदरः ॥

yasmāccaivaṃ kleśayati bhrātā te māṃ durātmavān | tasmādrudhiramevāsya pāsyate vai vṛkodaraḥ

And because your wicked brother torments me so, Vrikodara will drink his very blood.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 91–92). Corrected तस्मादुधिरम् → तस्माद्रुधिरम् (misprint in Wikisource; dropped र of रुधिरम्).

Verse 79 (2.92.79)

इमं च पापिष्ठमतिं कर्णं ससुतबान्धवम् । सामात्यं सपरीवारं हनिष्यति धनञ्जयः ॥

imaṃ ca pāpiṣṭhamatiṃ karṇaṃ sasutabāndhavam | sāmātyaṃ saparīvāraṃ haniṣyati dhanañjayaḥ

And this Karna, most evil-minded, with his sons and kin, his ministers and his retinue, Dhananjaya will kill.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 93–94). Corrected समुतबान्धवम् → ससुतबान्धवम् (misprint in Wikisource; म for स; the appendix reads sasutabāndhavam).

Verse 80 (2.92.80)

क्षुद्रधर्मं नैकृतिकं शकुनिं पापचेतसम् । सहदेवो रणे क्रुद्धो हनिष्यति सबान्धवम् ॥

kṣudradharmaṃ naikṛtikaṃ śakuniṃ pāpacetasam | sahadevo raṇe kruddho haniṣyati sabāndhavam

And Shakuni, mean in his ways, a cheat with an evil heart, Sahadeva in his wrath will kill in battle with all his kin.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 95–96).

Verse 81 (2.92.81)

एवमुक्ते तु वचने द्रौपद्या धर्मशीलया । ततोऽन्तरिक्षात्सुमहत्पुष्पवर्षमवापतत् ॥

evamukte tu vacane draupadyā dharmaśīlayā | tato'ntarikṣātsumahatpuṣpavarṣamavāpatat

When righteous Draupadi had spoken these words, a great shower of flowers fell from the sky.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 97–98). Corrected अवापततम् → अवापतत् (misprint in Wikisource; stray akshara; the appendix reads avāpatat).

Verse 82 (2.92.82)

तेषां तु वचनं श्रुत्वा नोचुस्तत्र सभासदः । अर्जुनस्य भयाद्राजन्नभून्निश्शब्दमत्र वै ॥

teṣāṃ tu vacanaṃ śrutvā nocustatra sabhāsadaḥ | arjunasya bhayādrājannabhūnniśśabdamatra vai

Hearing their words, the members of the assembly said nothing; for fear of Arjuna, O king, the hall fell utterly silent.

Note on the text: Not in the critical edition (found in the vulgate recension; the critical edition prints these lines in its Appendix I, no. 38 (after 2.63.21), lines 111–112); the appendix's intervening lines 99–110, including a vow of Arjuna, are not in Wikisource.