Karna's Taunt and Bhima's Fury

Verse 1 (2.94.1)

या नः श्रुता मनुष्येषु स्त्रियो रूपेण संमताः । तासामेतादृशं कर्म न कस्याश्चन शुश्रुम ॥

yā naḥ śrutā manuṣyeṣu striyo rūpeṇa saṃmatāḥ | tāsāmetādṛśaṃ karma na kasyāścana śuśruma

Of all the women among humankind we have heard of, famed for their beauty, we never heard of any who did such a deed as this.

Verse 2 (2.94.2)

क्रोधाविष्टेषु पार्थेषु धार्तराष्ट्रेषु चाप्यति । द्रौपदी पाण्डुपुत्राणां कृष्णा शान्तिरिहाभवत् ॥

krodhāviṣṭeṣu pārtheṣu dhārtarāṣṭreṣu cāpyati | draupadī pāṇḍuputrāṇāṃ kṛṣṇā śāntirihābhavat

When the sons of Pritha and the sons of Dhritarashtra alike were seized with fury, Krishna Draupadi became the peace of the sons of Pandu here.

Verse 3 (2.94.3)

अप्लवेऽम्भसि मग्नानामप्रतिष्ठे निमज्जताम् । पाञ्चाली पाण्डुपुत्राणां नौरेषां पारगाऽभवत् ॥

aplave'mbhasi magnānāmapratiṣṭhe nimajjatām | pāñcālī pāṇḍuputrāṇāṃ naureṣāṃ pāragā'bhavat

For the sons of Pandu, sinking in waters without a raft and without a foothold, Panchali became the boat that carried them to the far shore.

Verse 4 (2.94.4)

तद्वै श्रुत्वा भीमसेनः कुरुमध्येऽत्यमर्षणः । स्त्री गतिः पाण्डुपुत्राणामित्युवाच सुदुर्मनाः ॥

tadvai śrutvā bhīmasenaḥ kurumadhye'tyamarṣaṇaḥ | strī gatiḥ pāṇḍuputrāṇāmityuvāca sudurmanāḥ

Hearing this, Bhimasena, unable to bear it, said in the midst of the Kurus in deep distress, "A woman is the refuge of the sons of Pandu!"

Verse 5 (2.94.5)

त्रीणि ज्योतींषि पुरुष इति वै देवलोऽब्रवीत् । अपत्यं कर्म विद्या च यतः सृष्टाः प्रजास्ततः ॥

trīṇi jyotīṃṣi puruṣa iti vai devalo'bravīt | apatyaṃ karma vidyā ca yataḥ sṛṣṭāḥ prajāstataḥ

Devala has said that there are three lights in a man: offspring, deeds and knowledge; for from these creatures come into being.

Verse 6 (2.94.6)

अमेध्ये वै गतप्राणे शून्ये ज्ञातिभिरुज्झिते । देहे त्रितयमेवैतत्पुरुषस्योपयुज्यते ॥

amedhye vai gataprāṇe śūnye jñātibhirujjhite | dehe tritayamevaitatpuruṣasyopayujyate

When the body has become unclean and lifeless, empty and abandoned by kin, it is these three that serve a man.

Note on the text: Corrected गतप्रामे → गतप्राणे (misprint in Wikisource; म for ण; the critical edition reads gataprāṇe).

Verse 7 (2.94.7)

तन्नो ज्योतिरभिहतं दाराणामभिमर्शनात् । धनञ्जय कथं स्वित्स्यादपत्यमभिमृष्टजम् ॥

tanno jyotirabhihataṃ dārāṇāmabhimarśanāt | dhanañjaya kathaṃ svitsyādapatyamabhimṛṣṭajam

That light of ours has been struck down by the violation of our wife. Dhananjaya, how can offspring born of one who has been violated be ours?

Verse 8 (2.94.8)

न चैवोक्ता न चानुक्ता हीनतः परुषा गिरः । भारत प्रतिजल्पन्ति सदा तूत्तमपूरुषाः ॥

na caivoktā na cānuktā hīnataḥ paruṣā giraḥ | bhārata pratijalpanti sadā tūttamapūruṣāḥ

Whether spoken or unspoken, the harsh words of lesser men are never answered back, Bharata, by the best of men.

Verse 9 (2.94.9)

स्मरन्ति सुकृतान्येव न वैराणि कृतान्यपि । सन्तः प्रतिविजानन्तो लब्धसम्भावनाः स्वयम् ॥

smaranti sukṛtānyeva na vairāṇi kṛtānyapi | santaḥ prativijānanto labdhasambhāvanāḥ svayam

The good, who understand, remember only the kindnesses done to them, not the wrongs, for they have won esteem by their own worth.

Note on the text: Matches the critical edition 2.64.9, which is the verse at this point in the narrative; the automatic alignment had picked the near-identical 2.65.9.

Verse 10 (2.94.10)

इहैवैतानहं सर्वान्हन्मि शत्रून्समागतान् । अथ निष्क्रम्य राजेन्द्र समूलान्हन्मि भारत ॥

ihaivaitānahaṃ sarvānhanmi śatrūnsamāgatān | atha niṣkramya rājendra samūlānhanmi bhārata

Here and now I will kill all these enemies gathered here. Or else, lord of kings, I will go out and destroy them root and all, Bharata.

Verse 11 (2.94.11)

किं नो विवदितेनेह किमुक्तेन च भारत । अद्यैवैतान्निहन्मीह प्रशाधि पृथिवीमिमाम् ॥

kiṃ no vivaditeneha kimuktena ca bhārata | adyaivaitānnihanmīha praśādhi pṛthivīmimām

What use is quarrelling here, what use is talk, Bharata? This very day I will kill them here; you rule this earth.

Verse 12 (2.94.12)

इत्युक्त्वा भीमसेनस्तु कनिष्ठैर्भ्रातृभिः सह । मृगमध्ये यथा सिंहो मुहुर्मुहुरुदैक्षत ॥

ityuktvā bhīmasenastu kaniṣṭhairbhrātṛbhiḥ saha | mṛgamadhye yathā siṃho muhurmuhurudaikṣata

So saying, Bhimasena, with his younger brothers beside him, glared about again and again like a lion among deer.

Verse 13 (2.94.13)

सान्त्व्यमानो वीक्षमाणः पार्थेनाक्लिष्टकर्मणा । खिद्यत्येव महाबाहुरन्तर्दाहेन वीर्यवान् ॥

sāntvyamāno vīkṣamāṇaḥ pārthenākliṣṭakarmaṇā | khidyatyeva mahābāhurantardāhena vīryavān

Though Partha, of tireless deeds, tried to soothe him as he looked on, the mighty-armed hero was tormented by the fire burning within him.

Verse 14 (2.94.14)

क्रुद्धस्य तस्य स्रोतोभ्यः कर्णादिभ्यो नराधिप । सधूमः सस्फुलिङ्गार्चिः पावकः समजायत ॥

kruddhasya tasya srotobhyaḥ karṇādibhyo narādhipa | sadhūmaḥ sasphuliṅgārciḥ pāvakaḥ samajāyata

From the openings of his body, his ears and the rest, lord of men, fire burst out in his rage, with smoke, sparks and flame.

Verse 15 (2.94.15)

भ्रुकुटीकृतदुष्प्रेक्ष्यमभवत्तस्य तन्मुखम् । युगान्तकाले सम्प्राप्ते कृतान्तस्येव रूपिणः ॥

bhrukuṭīkṛtaduṣprekṣyamabhavattasya tanmukham | yugāntakāle samprāpte kṛtāntasyeva rūpiṇaḥ

His face, knotted with frowning brows, became dreadful to look upon, like the face of Death in bodily form when the end of the age has come.

Verse 16 (2.94.16)

युधिष्ठिरस्तमावार्य बाहुना बाहुशालिनम् । मैवमित्यब्रवीच्चैनं जोषमास्वेति भारत ॥

yudhiṣṭhirastamāvārya bāhunā bāhuśālinam | maivamityabravīccainaṃ joṣamāsveti bhārata

Yudhishthira held back the strong-armed hero with his arm, saying, "Not so! Be still," O Bharata.

Verse 17 (2.94.17)

निवार्य च महाबाहुं कोपसंरक्तलोचनम् । पितरं समुपातिष्ठद्धृतराष्ट्रं कृताञ्जलिः ॥

nivārya ca mahābāhuṃ kopasaṃraktalocanam | pitaraṃ samupātiṣṭhaddhṛtarāṣṭraṃ kṛtāñjaliḥ

Having restrained the mighty-armed Bhima, whose eyes were red with fury, he went with joined palms to his father Dhritarashtra.