Duhshasana's Taunts and the Pandavas' Vows

Verse 1 (2.99.1)

ततः पराजिताः पार्था वनावासाय दीक्षिताः । अजिनान्युत्तरीयाणि जगृहुश्च यथाक्रमम् ॥

tataḥ parājitāḥ pārthā vanāvāsāya dīkṣitāḥ | ajinānyuttarīyāṇi jagṛhuśca yathākramam

Then the defeated sons of Pritha, committed to life in the forest, took up deerskins as their upper garments, each in his turn.

Note on the text: The first line differs from the critical edition (vanavāsāya cakrus te matiṃ pārthāḥ parājitāḥ), a recension variant.

Verse 2 (2.99.2)

अजिनैः संवृतान्दृष्ट्वा हृतराज्यानरिन्दमान् । प्रस्थितान्वनवासाय ततो दुःशासनोऽब्रवीत् ॥

ajinaiḥ saṃvṛtāndṛṣṭvā hṛtarājyānarindamān | prasthitānvanavāsāya tato duḥśāsano'bravīt

Seeing those subduers of their foes clothed in deerskins, robbed of their kingdom and setting out to live in the forest, Duhshasana spoke:

Verse 3 (2.99.3)

प्रवृत्तं धार्तराष्ट्रस्य चक्रं राज्ञो महात्मनः । पराजिताः पाण्डवेया विपत्तिं परमां गताः ॥

pravṛttaṃ dhārtarāṣṭrasya cakraṃ rājño mahātmanaḥ | parājitāḥ pāṇḍaveyā vipattiṃ paramāṃ gatāḥ

The wheel of the great-souled king, the son of Dhritarashtra, is now turning. The sons of Pandu are beaten and have fallen into the deepest ruin.

Verse 4 (2.99.4)

अद्य देवाः सम्प्रयाताः समैर्वर्त्मभिरस्थलैः । गुणज्येष्ठास्तथा श्रेष्ठाः श्रेयांसो यद्वयं परैः ॥

adya devāḥ samprayātāḥ samairvartmabhirasthalaiḥ | guṇajyeṣṭhāstathā śreṣṭhāḥ śreyāṃso yadvayaṃ paraiḥ

Today the gods have come to us along smooth roads with no rough ground, for we are elder in virtues than our rivals, better than they, and greater.

Verse 5 (2.99.5)

नरकं पातिताः पार्था दीर्घकालमनन्तकम् । सुखाच्च हीना राज्याच्च विनष्टाः शाश्वतीः समाः ॥

narakaṃ pātitāḥ pārthā dīrghakālamanantakam | sukhācca hīnā rājyācca vinaṣṭāḥ śāśvatīḥ samāḥ

The sons of Pritha have been cast into hell for a long and endless time; stripped of happiness and of kingdom, they are ruined for all the years to come.

Note on the text: Corrected मुखाच्च → सुखाच्च (misprint in Wikisource; "from the mouth" makes no sense beside "from the kingdom"; the critical edition reads sukhāc ca).

Verse 6 (2.99.6)

धनेन मत्ता ये ते स्म धार्तराष्ट्रान्प्रहासिषुः । ते निर्जिता हृतधना वनमेष्यन्ति पाण्डवाः ॥

dhanena mattā ye te sma dhārtarāṣṭrānprahāsiṣuḥ | te nirjitā hṛtadhanā vanameṣyanti pāṇḍavāḥ

These Pandavas, who in the pride of their wealth used to laugh at the sons of Dhritarashtra, are now beaten and robbed of their riches, and they will go to the forest.

Note on the text: Corrected पाण्डवः → पाण्डवाः (misprint in Wikisource; the subject is plural; the critical edition reads pāṇḍavāḥ). धनेन for the critical edition's balena is a recension variant.

Verse 7 (2.99.7)

चित्रान्सन्नाहानवमुञ्चन्तु चैषां । वासांसि दिव्यानि च भानुमन्ति । विवास्यन्तां रुरुचर्माणि सर्वे । यथा ग्लहं सौबलस्याभ्युपेताः ॥

citrānsannāhānavamuñcantu caiṣāṃ | vāsāṃsi divyāni ca bhānumanti | vivāsyantāṃ rurucarmāṇi sarve | yathā glahaṃ saubalasyābhyupetāḥ

Let them take off their bright armour and their shining, heavenly garments, and let them all be dressed in the skins of the ruru deer, as befits men who accepted Saubala's wager.

Verse 8 (2.99.8)

न सन्ति लोकेषु पुमांस ईदृशा । इत्येव ये भावितबुद्धयः सदा । ज्ञास्यन्ति तेऽऽत्मानमिमेऽद्य पाण्डवा । विपर्यये षण्ढतिला इवाफलाः ॥

na santi lokeṣu pumāṃsa īdṛśā | ityeva ye bhāvitabuddhayaḥ sadā | jñāsyanti te''tmānamime'dya pāṇḍavā | viparyaye ṣaṇḍhatilā ivāphalāḥ

Those who always believed, "There are no men like us in all the worlds," these Pandavas will today come to know themselves in this reversal of fortune: they are as fruitless as sterile sesame seeds.

Note on the text: Corrected तेत्मानम् → तेऽऽत्मानम् (misprint in Wikisource; ते आत्मानम्, the critical edition reads te ''tmānam) and पाण्ढतिला → षण्ढतिला (misprint; cf. षण्ढतिलाः in verse 13; the critical edition reads ṣaṇḍhatilāḥ).

Verse 9 (2.99.9)

इदं हि वासो यदि वेदृशानां । मनस्विनां रौरवमाहवेषु । आदीक्षितानामजिनानि यद्व- । द्बलीयसां पश्यत पाण्डवानाम् ॥

idaṃ hi vāso yadi vedṛśānāṃ | manasvināṃ rauravamāhaveṣu | ādīkṣitānāmajināni yadva- | dbalīyasāṃ paśyata pāṇḍavānām

Is this ruru-hide dress, then, fit for such high-spirited men in battle? Look at the mighty Pandavas, wearing deerskins like men consecrated for a sacrifice!

Note on the text: Corrected द्वलीयसां → द्बलीयसां (misprint in Wikisource; यद्वद् + बलीयसाम्, split across the line; the critical edition reads yadvad balīyasām). The first two lines differ from the critical edition, a recension variant.

Verse 10 (2.99.10)

महाप्राज्ञः सौमकिर्यज्ञसेनः । कन्यां पाञ्चालीं पाण्डवेभ्यः प्रदाय । अकार्षीद्वै सुकृतं नेह किञ्चित् । क्लीबाः पार्थाः पतयो याज्ञसेन्याः ॥

mahāprājñaḥ saumakiryajñasenaḥ | kanyāṃ pāñcālīṃ pāṇḍavebhyaḥ pradāya | akārṣīdvai sukṛtaṃ neha kiñcit | klībāḥ pārthāḥ patayo yājñasenyāḥ

The wise Yajnasena, descendant of Somaka, did no good deed at all in giving his daughter, the princess of Panchala, to the Pandavas. The sons of Pritha, the husbands of Yajnasena's daughter, are eunuchs.

Note on the text: Corrected अकार्षिद्वै → अकार्षीद्वै (misprint in Wikisource; the aorist is akārṣīt; the critical edition reads akārṣīd). सुकृतं for the critical edition's duṣkṛtaṃ is a recension variant.

Verse 11 (2.99.11)

सूक्ष्मप्रावारानजिनोत्तरीयान् । दृष्ट्वाऽरण्ये निर्धनानप्रतिष्ठान् । कां त्वं प्रीतिं लप्स्यसे याज्ञसेनि । पतिं वृणीष्वेह यमन्यमिच्छसि ॥

sūkṣmaprāvārānajinottarīyān | dṛṣṭvā'raṇye nirdhanānapratiṣṭhān | kāṃ tvaṃ prītiṃ lapsyase yājñaseni | patiṃ vṛṇīṣveha yamanyamicchasi

When you see them in the forest, their fine cloaks turned to deerskin wraps, penniless and homeless, what joy will you have of them, daughter of Yajnasena? Choose here any other husband you wish.

Verse 12 (2.99.12)

एते हि सर्वे कुरवः समेताः । क्षान्ता दान्ताः सुद्रविणोपपन्नाः । एषां वृणीष्वैकतमं पतित्वे । न त्वां नयेत्कालविपर्ययोऽयम् ॥

ete hi sarve kuravaḥ sametāḥ | kṣāntā dāntāḥ sudraviṇopapannāḥ | eṣāṃ vṛṇīṣvaikatamaṃ patitve | na tvāṃ nayetkālaviparyayo'yam

All these Kurus gathered here are patient, self-controlled and rich in wealth. Choose one of them as your husband, so that this turn of the times does not drag you down too.

Verse 13 (2.99.13)

यथाऽफलाः षण्ढतिला यथा चर्ममया मृगाः । तथैव पाण्डवाः सर्वे यथा काकयवा अपि ॥

yathā'phalāḥ ṣaṇḍhatilā yathā carmamayā mṛgāḥ | tathaiva pāṇḍavāḥ sarve yathā kākayavā api

Like sterile sesame seeds that bear no fruit, like deer made of leather, like grainless crow-barley, so are all the Pandavas.

Verse 14 (2.99.14)

किं पाण्डवांस्ते पतितानुपास्य । मोघः श्रमः षण्ढतिलानुपास्य । एवं नृशंसः परुषाणि पार्था- । नश्रावयद्धृतराष्ट्रस्य पुत्रः ॥

kiṃ pāṇḍavāṃste patitānupāsya | moghaḥ śramaḥ ṣaṇḍhatilānupāsya | evaṃ nṛśaṃsaḥ paruṣāṇi pārthā- | naśrāvayaddhṛtarāṣṭrasya putraḥ

"What is the use of serving these fallen Pandavas? Serving sterile sesame is wasted labour." In this way the cruel son of Dhritarashtra made the sons of Pritha hear harsh words.

Verse 15 (2.99.15)

तद्वै श्रुत्वा भीमसेनोऽत्यमर्षी । निर्भर्त्स्योच्चैः सन्निगृह्यैव रोषात् । उवाच चैनं सहसैवोपगम्य । सिंहो यथा हैमवतः शृगालम् ॥

tadvai śrutvā bhīmaseno'tyamarṣī | nirbhartsyoccaiḥ sannigṛhyaiva roṣāt | uvāca cainaṃ sahasaivopagamya | siṃho yathā haimavataḥ śṛgālam

Hearing that, Bhimasena, quite unable to bear it, rebuked him loudly, holding himself back in his fury, and striding straight up to him he spoke, as a Himalayan lion might to a jackal.

Verse 16 (2.99.16)

क्रूर पापजनैर्जुष्टमकृतार्थं प्रभाषसे । गान्धारविद्यया हि त्वं राजमध्ये विकत्थसे ॥

krūra pāpajanairjuṣṭamakṛtārthaṃ prabhāṣase | gāndhāravidyayā hi tvaṃ rājamadhye vikatthase

Cruel one, you babble the empty talk that wicked men love. It is by the Gandhara king's art that you boast in the midst of kings.

Verse 17 (2.99.17)

यथा तुदसि मर्माणि वाक्छरैरिह नो भृशम् । तथा स्मारयिता तेऽहं कृन्तन्मर्माणि संयुगे ॥

yathā tudasi marmāṇi vākcharairiha no bhṛśam | tathā smārayitā te'haṃ kṛntanmarmāṇi saṃyuge

As you pierce our vitals here with arrows of words, so I shall remind you of it in battle as I cut through your vitals.

Verse 18 (2.99.18)

ये च त्वामनुवर्तन्ते क्रोधलोभवशानुगाः । गोप्तारः सानुबन्धांस्तान्नेताऽस्मि यमसादनम् ॥

ye ca tvāmanuvartante krodhalobhavaśānugāḥ | goptāraḥ sānubandhāṃstānnetā'smi yamasādanam

And those who follow you, slaves to anger and greed, your protectors, I shall send with all their kin to the abode of Yama.

Verse 19 (2.99.19)

एवं ब्रुवाणमजिनैर्विवासितं । दुःशासनस्तं परिनृत्यति स्म । मध्ये कुरूणां धर्मनिबद्धमार्गं । गौर्गौरिति स्माह्वयन्मुक्तलज्जः ॥

evaṃ bruvāṇamajinairvivāsitaṃ | duḥśāsanastaṃ parinṛtyati sma | madhye kurūṇāṃ dharmanibaddhamārgaṃ | gaurgauriti smāhvayanmuktalajjaḥ

As he was speaking thus, clad in deerskins, Duhshasana danced around him in the midst of the Kurus and shamelessly called out "Ox! Ox!" to the man who kept to the path bound by dharma.

Verse 20 (2.99.20)

नृशंस परुषं वक्तुं शक्यं दुःशासन त्वया । निकृत्या हि धनं लब्ध्वा को विकत्थितुमर्हति ॥

nṛśaṃsa paruṣaṃ vaktuṃ śakyaṃ duḥśāsana tvayā | nikṛtyā hi dhanaṃ labdhvā ko vikatthitumarhati

Cruel Duhshasana, it is easy for you to speak harsh words; but who that has won wealth by fraud has any right to boast?

Note on the text: Corrected दुःशासन त्वया → शक्यं दुःशासन त्वया (a word dropped in Wikisource: the second pada is two syllables short and the sentence lacks its predicate; the critical edition reads śakyaṃ duḥśāsana tvayā).

Verse 21 (2.99.21)

मैव स्म सुकृतां लोकान्गच्छेत्पार्थो वृकोदरः । यदि वक्षो हि ते भित्त्वा न पिबेच्छोणितं रणे ॥

maiva sma sukṛtāṃ lokāngacchetpārtho vṛkodaraḥ | yadi vakṣo hi te bhittvā na pibecchoṇitaṃ raṇe

May Vrikodara, son of Pritha, never reach the worlds of the righteous if he does not split open your chest in battle and drink your blood!

Verse 22 (2.99.22)

धार्तराष्ट्रान्रणे हत्त्वा मिषतां सर्वधन्विनाम् । शमं गन्ताऽस्मि नचिरात्सत्यमेतद्ब्रवीमि ते ॥

dhārtarāṣṭrānraṇe hattvā miṣatāṃ sarvadhanvinām | śamaṃ gantā'smi nacirātsatyametadbravīmi te

I shall kill the sons of Dhritarashtra in battle while all the bowmen look on, and before long I shall find peace. This is the truth I tell you.

Verse 23 (2.99.23)

तस्य राजा सिंहगतेः सखेलं । दुर्योधनो भीमसेनस्य हर्षात् । गतिं स्वगत्याऽनुचकार मन्दो । निर्गच्छतां पाण्डवानां सभायाः ॥

tasya rājā siṃhagateḥ sakhelaṃ | duryodhano bhīmasenasya harṣāt | gatiṃ svagatyā'nucakāra mando | nirgacchatāṃ pāṇḍavānāṃ sabhāyāḥ

As the Pandavas were leaving the hall, the foolish King Duryodhana, in his glee, mockingly copied with his own walk the lion-like gait of Bhimasena.

Verse 24 (2.99.24)

नैतावता कृतमित्यब्रवीत्तं । वृकोदरः सन्निवृत्तार्धकायः । शीघ्रं हि त्वां निहतं सानुबन्धं । संस्मार्याहं प्रतिवक्ष्यामि मूढ ॥

naitāvatā kṛtamityabravīttaṃ | vṛkodaraḥ sannivṛttārdhakāyaḥ | śīghraṃ hi tvāṃ nihataṃ sānubandhaṃ | saṃsmāryāhaṃ prativakṣyāmi mūḍha

"This does not settle it," Vrikodara said to him, turning half his body back. "Soon, fool, when I have killed you with all your kin and reminded you of this, I shall give you my answer."

Verse 25 (2.99.25)

एवं समीक्ष्यात्मनि चावमानं । नियम्य मन्युं बलवान्स मानी । राजानुगः संसदि कौरवाणां । विनिष्क्रामन्वाक्यमुवाच भीमः ॥

evaṃ samīkṣyātmani cāvamānaṃ | niyamya manyuṃ balavānsa mānī | rājānugaḥ saṃsadi kauravāṇāṃ | viniṣkrāmanvākyamuvāca bhīmaḥ

Seeing the insult done to him in this way, the mighty and proud Bhima held his fury in check, and as he followed the king out of the assembly of the Kauravas he spoke these words:

Note on the text: Corrected विनिष्कामन् → विनिष्क्रामन् (misprint in Wikisource; a dropped र; the critical edition reads viniṣkraman). The opening एवं for the critical edition's etat is a recension variant.

Verse 26 (2.99.26)

अहं दुर्योधनं हन्ता कर्णं हन्ता धनञ्जयः । शकुनिं चाक्षकितवं सहदेवो हनिष्यति ॥

ahaṃ duryodhanaṃ hantā karṇaṃ hantā dhanañjayaḥ | śakuniṃ cākṣakitavaṃ sahadevo haniṣyati

I shall kill Duryodhana; Dhananjaya will kill Karna; and Sahadeva will kill Shakuni, the cheat at dice.

Note on the text: Speaker changed from वैशम्पायन to भीमसेन: Wikisource prints no heading, but verses 26–29 are the speech of Bhima announced in verse 25.

Verse 27 (2.99.27)

इदं च भूयो वक्ष्यामि सभामध्ये बृहद्वचः । सत्यं देवाः करिष्यन्ति यन्नो युद्धं भविष्यति ॥

idaṃ ca bhūyo vakṣyāmi sabhāmadhye bṛhadvacaḥ | satyaṃ devāḥ kariṣyanti yanno yuddhaṃ bhaviṣyati

And this great word I say once more in the midst of the assembly: the gods will make it come true when our war takes place.

Note on the text: Speaker changed from वैशम्पायन to भीमसेन (Bhima's speech continues).

Verse 28 (2.99.28)

सुयोधनमिमं पापं हन्ताऽस्मि गदया युधि । शिरः पादेन चास्याहमधिष्ठास्यामि भूतले ॥

suyodhanamimaṃ pāpaṃ hantā'smi gadayā yudhi | śiraḥ pādena cāsyāhamadhiṣṭhāsyāmi bhūtale

This wicked Suyodhana I shall kill with my mace in battle, and I shall plant my foot on his head as it lies on the ground.

Note on the text: Speaker changed from वैशम्पायन to भीमसेन (Bhima's speech continues).

Verse 29 (2.99.29)

वाक्यशूरस्य चैवास्य परुषस्य दुरात्मनः । दुःशासनस्य रुधिरं पाताऽस्मि मृगराडिव ॥

vākyaśūrasya caivāsya paruṣasya durātmanaḥ | duḥśāsanasya rudhiraṃ pātā'smi mṛgarāḍiva

And the blood of this Duhshasana, this hero of words, harsh and evil-minded, I shall drink like a lion.

Note on the text: Speaker changed from वैशम्पायन to भीमसेन (Bhima's speech continues).

Verse 30 (2.99.30)

भीमसेन न ते सन्ति येषां वैरं त्वया त्विह । मत्ता मृगेषु सुखिनो न बुद्ध्यन्ते महद्भयम् ॥

bhīmasena na te santi yeṣāṃ vairaṃ tvayā tviha | mattā mṛgeṣu sukhino na buddhyante mahadbhayam

Bhimasena, count those with whom you have this feud as already gone. Drunk and at their ease like careless deer, they do not see the great danger.

Note on the text: Removed stray wiki quote marks (` and ') around this verse. Not in the critical edition's text (found in the vulgate recension); the CE gives it in its apparatus as 590*, after 2.68.30, reading tvayā saha and graheṣu.

Verse 31 (2.99.31)

नैवं वाचा व्यवसितं भीम विज्ञायते सताम् । इतश्चतुर्दशे वर्षे द्रष्टारो यद्भविष्यति ॥

naivaṃ vācā vyavasitaṃ bhīma vijñāyate satām | itaścaturdaśe varṣe draṣṭāro yadbhaviṣyati

The resolve of good men is not known by words alone, Bhima. In the fourteenth year from now people will see what comes to pass.

Verse 32 (2.99.32)

दुर्योधनस्य कर्णस्य शकुनेश्च दुरात्मनः । दुःशासनचतुर्थानां भूमिः पास्यति शोणितम् ॥

duryodhanasya karṇasya śakuneśca durātmanaḥ | duḥśāsanacaturthānāṃ bhūmiḥ pāsyati śoṇitam

The earth will drink the blood of Duryodhana, of Karna, of evil-souled Shakuni, and of Duhshasana as the fourth.

Note on the text: Wikisource prints a heading giving this verse to Bhimasena; in the critical edition it continues Arjuna's speech.

Verse 33 (2.99.33)

असूयितारं द्रष्टारं प्रवक्तारं विकत्थनम् । भीमसेन नियोगात्ते हन्ताहं कर्णमाहवे ॥

asūyitāraṃ draṣṭāraṃ pravaktāraṃ vikatthanam | bhīmasena niyogātte hantāhaṃ karṇamāhave

Bhimasena, at your bidding I shall kill Karna in battle, that envious man, that gloating onlooker, that loud-mouthed braggart.

Note on the text: The first line differs from the critical edition (vaktāraṃ prasraṣṭāraṃ durātmanām), a recension variant.

Verse 34 (2.99.34)

अर्जुनः प्रतिजानीते भीमस्य प्रियकाम्यया । कर्णं कर्णानुगांश्चैव रणे हन्ताऽस्मि पत्रिभिः ॥

arjunaḥ pratijānīte bhīmasya priyakāmyayā | karṇaṃ karṇānugāṃścaiva raṇe hantā'smi patribhiḥ

Arjuna vows, to please Bhima, that he will kill Karna and Karna's followers in battle with his arrows.

Verse 35 (2.99.35)

ये चान्ये प्रतियोत्स्यन्ति बुद्धिमोहेन मां नृपाः । तांश्च सर्वानहं बाणैर्नेताऽस्मि यमसादनम् ॥

ye cānye pratiyotsyanti buddhimohena māṃ nṛpāḥ | tāṃśca sarvānahaṃ bāṇairnetā'smi yamasādanam

And all the other kings who in their folly fight against me, I shall send with my arrows to the abode of Yama.

Verse 36 (2.99.36)

चलेद्धि हिमवान्स्थानान्निष्प्रभः स्याद्दिवाकरः । शैत्यं सोमात्प्रणश्येत मत्सत्यं विचलेद्यदि ॥

caleddhi himavānsthānānniṣprabhaḥ syāddivākaraḥ | śaityaṃ somātpraṇaśyeta matsatyaṃ vicaledyadi

Should my word of truth ever waver, then the Himalaya would move from its place, the sun would lose its light, and coolness would vanish from the moon.

Note on the text: Corrected चलेद्वि → चलेद्धि (misprint in Wikisource; चलेत् हि; the critical edition reads caled dhi).

Verse 37 (2.99.37)

न प्रदास्यति चेद्राज्यमितो वर्षे चतुर्दशे । दुर्योधनोऽभिसत्कृत्य सत्यमेतद्भविष्यति ॥

na pradāsyati cedrājyamito varṣe caturdaśe | duryodhano'bhisatkṛtya satyametadbhaviṣyati

If in the fourteenth year from now Duryodhana does not honour us and give back the kingdom, this will come true.

Verse 38 (2.99.38)

इत्युक्तवति पार्थे तु श्रीमान्माद्रवतीसुतः । प्रगृह्य विपुलं बाहुं सहदेवः प्रतापवान् ॥

ityuktavati pārthe tu śrīmānmādravatīsutaḥ | pragṛhya vipulaṃ bāhuṃ sahadevaḥ pratāpavān

When Partha had spoken thus, the glorious and valiant Sahadeva, son of the princess of Madra, raised his mighty arm

Verse 39 (2.99.39)

सौबलस्य वधं प्रेप्सुरिदं वचनमब्रवीत् । क्रोधसंरक्तनयनो निःश्वसन्निव पन्नगः ॥

saubalasya vadhaṃ prepsuridaṃ vacanamabravīt | krodhasaṃraktanayano niḥśvasanniva pannagaḥ

and, eager to kill Saubala, his eyes red with anger, hissing like a serpent, he spoke these words:

Note on the text: Removed a stray space inside निःश्वसन्निव (Wikisource prints निः श्वसन्निव).

Verse 40 (2.99.40)

अक्षान्यान्मन्यसे मूढ गान्धाराणां यशोहर । नैतेऽक्षा निशिता बाणास्त्वयैते समरे वृताः ॥

akṣānyānmanyase mūḍha gāndhārāṇāṃ yaśohara | naite'kṣā niśitā bāṇāstvayaite samare vṛtāḥ

Fool, shame of the Gandharas! What you take for dice are not dice: they are sharp arrows you have chosen for battle.

Verse 41 (2.99.41)

यथा चैवोक्तवान्भीमस्त्वामुद्दिश्य सबान्धवम् । कर्ताहं कर्मणस्तस्य कुरु कार्याणि सर्वशः ॥

yathā caivoktavānbhīmastvāmuddiśya sabāndhavam | kartāhaṃ karmaṇastasya kuru kāryāṇi sarvaśaḥ

And just as Bhima has spoken, aiming at you and your kin, so shall I carry out that deed. Make all your preparations.

Verse 42 (2.99.42)

हन्ताऽस्मि तरसा युद्धे त्वामेवेह सबान्धवम् । यदि स्थास्यसि सङ्ग्रामे क्षत्रधर्मेण सौबल ॥

hantā'smi tarasā yuddhe tvāmeveha sabāndhavam | yadi sthāsyasi saṅgrāme kṣatradharmeṇa saubala

I shall swiftly kill you, you yourself, here in battle with all your kin, Saubala, if you stand your ground in the fight as the warrior's code requires.

Note on the text: Corrected त्वामेवहे → त्वामेवेह (misprint in Wikisource; transposed vowel sign, त्वाम् एव इह; the critical edition reads tvāṃ vikramya here, a different wording).

Verse 43 (2.99.43)

सहदेववचः श्रुत्वा नकुलोऽपि विशाम्पते । दर्शनीयतमो नॄणामिदं वचनमब्रवीत् ॥

sahadevavacaḥ śrutvā nakulo'pi viśāmpate | darśanīyatamo nṝṇāmidaṃ vacanamabravīt

Hearing Sahadeva's words, O lord of the people, Nakula too, the handsomest of men, spoke these words:

Note on the text: Speaker changed from सहदेव (carried over in the input) to वैशम्पायन: this verse is narration.

Verse 44 (2.99.44)

सुतेयं यज्ञसेनस्य द्यूतेऽस्मिन्धृतराष्ट्रजैः । यैर्वाचः श्राविता रूक्षाः स्थितैर्दुर्योधनप्रिये ॥

suteyaṃ yajñasenasya dyūte'smindhṛtarāṣṭrajaiḥ | yairvācaḥ śrāvitā rūkṣāḥ sthitairduryodhanapriye

Those sons of Dhritarashtra who stood by in this gambling and, to please Duryodhana, made this daughter of Yajnasena hear harsh words,

Note on the text: Speaker changed from सहदेव to नकुल: Wikisource prints no heading, but verses 44–47 are the speech of Nakula announced in verse 43.

Verse 45 (2.99.45)

तान्धार्तराष्ट्रान्दुर्वृत्तान्मुमूर्षून्कालनोदितान् । गमयिष्यामि भूयिष्ठानहं वैवस्वतक्षयम् ॥

tāndhārtarāṣṭrāndurvṛttānmumūrṣūnkālanoditān | gamayiṣyāmi bhūyiṣṭhānahaṃ vaivasvatakṣayam

those ill-behaved sons of Dhritarashtra, already longing for death and driven on by Time, I shall send in great numbers to the abode of Yama.

Note on the text: Speaker changed from सहदेव to नकुल (Nakula's speech continues). गमयिष्यामि भूयिष्ठान् for the critical edition's darśayiṣyāmi bhūyiṣṭham is a recension variant.

Verse 46 (2.99.46)

उलूकं च दुरात्मानं सौबलस्य सुतं प्रियम् । क्रूरं हन्ताऽस्मि समरे तं वै क्रूरं नराधमम् ॥

ulūkaṃ ca durātmānaṃ saubalasya sutaṃ priyam | krūraṃ hantā'smi samare taṃ vai krūraṃ narādhamam

And Uluka, the evil-souled and beloved son of Saubala, that cruel man, that lowest of men, I shall kill in battle.

Note on the text: Speaker changed from सहदेव to नकुल (Nakula's speech continues). Removed stray wiki quote marks (` and ') around this verse. Not in the critical edition's text (found in the vulgate recension); the CE gives it in its apparatus as 591*, after 2.68.44.

Verse 47 (2.99.47)

निदेशाद्धर्मराजस्य द्रौपद्याः पदवीं चरन् । निर्धार्तराष्ट्रां पृथिवीं कर्ताऽस्मि नचिरादिव ॥

nideśāddharmarājasya draupadyāḥ padavīṃ caran | nirdhārtarāṣṭrāṃ pṛthivīṃ kartā'smi nacirādiva

At the command of the King of Dharma, following the path Draupadi has shown, I shall soon rid the earth of the sons of Dhritarashtra.

Note on the text: Speaker changed from सहदेव to नकुल (Nakula's speech continues).

Verse 48 (2.99.48)

एवं ते पुरुषव्याघ्राः सर्वे व्यायतबाहवः । प्रतिज्ञा बहुलाः कृत्वा धृतराष्ट्रमुपागमन् ॥

evaṃ te puruṣavyāghrāḥ sarve vyāyatabāhavaḥ | pratijñā bahulāḥ kṛtvā dhṛtarāṣṭramupāgaman

Having thus made many vows, all those long-armed tigers among men went to Dhritarashtra.