Kripa Urges Rest; Ashvatthama Cannot Sleep

Verse 1 (10.4.1)

दिष्ट्या ते प्रतिकर्तव्ये मतिर्जातेयमच्युत । न त्वां वारयितुं शक्तो वज्रपाणिरपि स्वयम् ॥

diṣṭyā te pratikartavye matirjāteyamacyuta | na tvāṃ vārayituṃ śakto vajrapāṇirapi svayam

By good fortune, O Achyuta, this resolve to retaliate has come to you; not even Indra himself, with the thunderbolt in his hand, could hold you back.

Verse 2 (10.4.2)

अनुयास्यावहे त्वां तु प्रभाते सहितावुभौ । अद्य रात्रौ विश्रमस्व विमुक्तकवचध्वजः ॥

anuyāsyāvahe tvāṃ tu prabhāte sahitāvubhau | adya rātrau viśramasva vimuktakavacadhvajaḥ

We two will follow you together at dawn; tonight rest, with your armor and banner set aside.

Verse 3 (10.4.3)

अहं त्वामनुयास्यामि कृतवर्मा च सात्वतः । परानभिमुखं यान्तं रथावास्थाय दंशितौ ॥

ahaṃ tvāmanuyāsyāmi kṛtavarmā ca sātvataḥ | parānabhimukhaṃ yāntaṃ rathāvāsthāya daṃśitau

I shall follow you, and Kritavarman the Satvata too, the two of us mounted on chariots and armored, as you advance against the enemy.

Verse 4 (10.4.4)

आवाभ्यां सहितः शत्रूञ्श्वो निहन्ता समागमे । विक्रम्य रथिनां श्रेष्ठ पाञ्चालान्सपदानुगान् ॥

āvābhyāṃ sahitaḥ śatrūñśvo nihantā samāgame | vikramya rathināṃ śreṣṭha pāñcālānsapadānugān

With the two of us beside you, tomorrow you will slay the enemies in the encounter, O best of charioteers, the Panchalas with their followers, by your prowess.

Verse 5 (10.4.5)

शक्तस्त्वमसि विक्रम्य विश्रमस्व निशामिमाम् । चिरं ते जाग्रतस्तात स्वप तावन्निशामिमाम् ॥

śaktastvamasi vikramya viśramasva niśāmimām | ciraṃ te jāgratastāta svapa tāvanniśāmimām

You are able to prevail; rest this night. You have been awake a long time, dear friend; sleep now through this night.

Verse 6 (10.4.6)

विश्रान्तश्च विनिद्रश्च स्वस्थचित्तश्च मानद । समेत्य समरे शत्रून्वधिष्यसि न संशयः ॥

viśrāntaśca vinidraśca svasthacittaśca mānada | sametya samare śatrūnvadhiṣyasi na saṃśayaḥ

Rested, slept, and calm of mind, O giver of honor, you will meet the enemies in battle and slay them, without doubt.

Verse 7 (10.4.7)

न हि त्वां रथिनां श्रेष्ठं प्रगृहीतवरायुधम् । जेतुमुत्सहते कश्चिदपि देवेषु पावकिः ॥

na hi tvāṃ rathināṃ śreṣṭhaṃ pragṛhītavarāyudham | jetumutsahate kaścidapi deveṣu pāvakiḥ

For no one, not even Pavaki among the gods, dares to conquer you, best of charioteers, with your choice weapons raised.

Verse 8 (10.4.8)

कृपेण सहितं यान्तं गुप्तं च कृतवर्मणा । को द्रौणिं युधि संरब्धं योधयेदपि देवराट् ॥

kṛpeṇa sahitaṃ yāntaṃ guptaṃ ca kṛtavarmaṇā | ko drauṇiṃ yudhi saṃrabdhaṃ yodhayedapi devarāṭ

When Drauni goes into battle with Kripa beside him and guarded by Kritavarman, who would fight him in his rage, even if he were the king of the gods?

Verse 9 (10.4.9)

ते वयं निशि विश्रान्ता विनिद्रा विगतज्वराः । प्रभातायां रजन्यां वै निहनिष्याम शात्रवान् ॥

te vayaṃ niśi viśrāntā vinidrā vigatajvarāḥ | prabhātāyāṃ rajanyāṃ vai nihaniṣyāma śātravān

So, rested in the night, free of sleeplessness and fever, when the night has dawned we shall slay the enemies.

Verse 10 (10.4.10)

तव ह्यस्त्राणि दिव्यानि मम चैव न संशयः । सात्वतोऽपि महेष्वासो नित्यं युद्धेषु कोविदः ॥

tava hyastrāṇi divyāni mama caiva na saṃśayaḥ | sātvato'pi maheṣvāso nityaṃ yuddheṣu kovidaḥ

You have divine weapons, and so have I, without doubt; and the Satvata too is a great archer, ever skilled in battles.

Note on the text: Corrected सात्वतोपि → सात्वतोऽपि (misprint in Wikisource; missing avagraha; the critical edition reads sātvato ’pi).

Verse 11 (10.4.11)

ते वयं सहितास्तात सर्वाञ्शत्रून्समागतान् । प्रसह्य समरे हत्वा प्रीतिं प्राप्स्याम पुष्कलाम् ॥

te vayaṃ sahitāstāta sarvāñśatrūnsamāgatān | prasahya samare hatvā prītiṃ prāpsyāma puṣkalām

Together, dear friend, we shall crush all the enemies who gather against us, and win abundant joy.

Note on the text: Lines 1–2 of the critical edition's three-line verse 10.4.11 (the alignment found no match because Wikisource divides these verses differently).

Verse 12 (10.4.12)

विश्रमस्व त्वमव्यग्रः स्वप चेमां निशां सुखम् । अहं च कृतवर्मा च प्रभाते त्वां नरोत्तमम् ॥

viśramasva tvamavyagraḥ svapa cemāṃ niśāṃ sukham | ahaṃ ca kṛtavarmā ca prabhāte tvāṃ narottamam

Rest untroubled and sleep happily this night. And Kritavarman and I, at dawn, O best of men, will follow you,

Note on the text: Line 1 is the third line of the critical edition's 10.4.11 (11e); line 2 corresponds to 10.4.12a (ahaṃ ca kṛtavarmā ca prayāntaṃ tvāṃ narottama; Wikisource has प्रभाते त्वां नरोत्तमम्, a recension variant). The alignment found no match.

Verse 13 (10.4.13)

अनुयास्याव सहितौ धन्विनौ परतापनौ । रथिनं त्वरया यान्तं रथमास्थाय दंशितौ ॥

anuyāsyāva sahitau dhanvinau paratāpanau | rathinaṃ tvarayā yāntaṃ rathamāsthāya daṃśitau

both of us archers, tormentors of foes, mounted on our chariots and armored, as you drive swiftly in your chariot.

Note on the text: Lines 10.4.12c and 12e of the critical edition (the alignment found no match).

Verse 14 (10.4.14)

स गत्वा शिबिरं तेषां नाम विश्राव्य चाहवे । ततः कर्ताऽसि शत्रूणां युध्यतां कदनं महत् ॥

sa gatvā śibiraṃ teṣāṃ nāma viśrāvya cāhave | tataḥ kartā'si śatrūṇāṃ yudhyatāṃ kadanaṃ mahat

Having gone to their camp and proclaimed your name in the fight, you will then work a great slaughter among the enemy as they fight.

Verse 15 (10.4.15)

कृत्वा च कदनं तेषां प्रभाते विमलेऽहनि । विहरस्व यथा शक्रः सूदयित्वा महासुरान् ॥

kṛtvā ca kadanaṃ teṣāṃ prabhāte vimale'hani | viharasva yathā śakraḥ sūdayitvā mahāsurān

Having wrought that slaughter at the clear dawn of day, you will sport like Shakra after slaying the great Asuras.

Verse 16 (10.4.16)

त्वं हि शक्तो रणे जेतुं पाञ्चालानां वरूथिनीम् । दैत्यसेनामिव क्रुद्धः सर्वदानवसूदनः ॥

tvaṃ hi śakto raṇe jetuṃ pāñcālānāṃ varūthinīm | daityasenāmiva kruddhaḥ sarvadānavasūdanaḥ

You are able to conquer the Panchala host in battle, as the slayer of all the Danavas, enraged, conquered the army of the Daityas.

Verse 17 (10.4.17)

मया त्वां सहितं सङ्ख्ये गुप्तं च कृतवर्मणा । न सहेत विभुः साक्षाद्वज्रपाणिरपि स्वयम् ॥

mayā tvāṃ sahitaṃ saṅkhye guptaṃ ca kṛtavarmaṇā | na saheta vibhuḥ sākṣādvajrapāṇirapi svayam

With me beside you in battle and guarded by Kritavarman, even the Lord himself, the thunderbolt-wielder in person, could not withstand you.

Verse 18 (10.4.18)

न चाहं समरे तात कृतवर्मा न चैव हि । अनिर्जित्य रणे पाण्डूनपयास्यामि कर्हिचित् ॥

na cāhaṃ samare tāta kṛtavarmā na caiva hi | anirjitya raṇe pāṇḍūnapayāsyāmi karhicit

Neither I, dear friend, nor Kritavarman will ever turn back from the battle without having conquered the Pandavas.

Verse 19 (10.4.19)

हत्वा च समरे क्षुद्रान्पाञ्चालान्पाण्डुभिः सह । निवर्तिष्यामहे सर्वे हता वा स्वर्गगा वयम् ॥

hatvā ca samare kṣudrānpāñcālānpāṇḍubhiḥ saha | nivartiṣyāmahe sarve hatā vā svargagā vayam

Having slain the base Panchalas along with the Pandavas, we shall all return, or else we shall go to heaven, slain.

Verse 20 (10.4.20)

सर्वोपायैः सहायास्ते प्रभाते वयमाहवे । सत्यमेतन्महाबाहो प्रब्रवीमि तवानघ ॥

sarvopāyaiḥ sahāyāste prabhāte vayamāhave | satyametanmahābāho prabravīmi tavānagha

At dawn, in battle, we shall help you with every means; this is true, O mighty-armed one, I tell you, sinless one.

Verse 21 (10.4.21)

एवमुक्तस्ततो द्रौणिर्मातुलेन हितं वचः । अब्रवीन्मातुलं राजन्क्रोधादुद्वृत्य लोचने ॥

evamuktastato drauṇirmātulena hitaṃ vacaḥ | abravīnmātulaṃ rājankrodhādudvṛtya locane

Thus addressed with good advice by his uncle, Drauni, O king, rolling his eyes in anger, answered his uncle.

Note on the text: Corrected द्रौणिक्रमातुलेन → द्रौणिर्मातुलेन (misprint in Wikisource; क्र for र्मा; the critical edition reads drauṇir mātulena).

Verse 22 (10.4.22)

आतुरस्य कुतो निद्रा नरस्यामर्षितस्य च । अर्थांश्चिन्तयतश्चापि कामयानस्य वा पुनः ॥

āturasya kuto nidrā narasyāmarṣitasya ca | arthāṃścintayataścāpi kāmayānasya vā punaḥ

How can sleep come to a man who is sick, or aggrieved with resentment, or who is pondering his aims, or who is again in the grip of desire?

Verse 23 (10.4.23)

तदिदं समनुप्राप्तं पश्य मेऽद्य चतुष्टयम् । यस्य भागश्चतुर्थो मे स्वप्नमह्नाय नाशयेत् ॥

tadidaṃ samanuprāptaṃ paśya me'dya catuṣṭayam | yasya bhāgaścaturtho me svapnamahnāya nāśayet

See how this fourfold affliction has come upon me today, of which even a fourth part would swiftly destroy my sleep.

Verse 24 (10.4.24)

किं नाम दुःखं लोकेऽस्मिन्पितुर्वधमनुस्मरन् । हृदयं निर्दहन्मेऽद्य रात्र्यहानि न शाम्यति ॥

kiṃ nāma duḥkhaṃ loke'sminpiturvadhamanusmaran | hṛdayaṃ nirdahanme'dya rātryahāni na śāmyati

What grief is there in this world like this: remembering my father's slaying, which burns my heart today and does not cease day or night.

Verse 25 (10.4.25)

यथा च निहतः पापैः पिता मम विशेषतः । प्रत्यक्षमपि ते सर्वं तन्मे मर्माणि कृन्तति ॥

yathā ca nihataḥ pāpaiḥ pitā mama viśeṣataḥ | pratyakṣamapi te sarvaṃ tanme marmāṇi kṛntati

How my father was slain by the wicked, in a most shameful manner, was seen by you yourself as well; all that cuts me to the quick.

Verse 26 (10.4.26)

कथं हि मादृशो लोके मुहूर्तमपि जीवति । द्रोणहन्तेति यद्वाचः पाञ्चालानां शृणोम्यहम् ॥

kathaṃ hi mādṛśo loke muhūrtamapi jīvati | droṇahanteti yadvācaḥ pāñcālānāṃ śṛṇomyaham

How can one like me live even for a moment, when I hear the Panchalas say, "He is the slayer of Drona"?

Verse 27 (10.4.27)

धृष्टद्युम्नमहत्वा तु नाहं जीवितुमुत्सहे । स मे पितुर्वधाद्वध्यः पाञ्चाला ये च सङ्गताः ॥

dhṛṣṭadyumnamahatvā tu nāhaṃ jīvitumutsahe | sa me piturvadhādvadhyaḥ pāñcālā ye ca saṅgatāḥ

Without slaying Dhrishtadyumna I cannot bear to live: he must be slain for my father's death, and the Panchalas who have gathered with him.

Note on the text: Corrected नादं → नाहं (misprint in Wikisource; द for ह; the critical edition reads nāhaṃ).

Verse 28 (10.4.28)

विलापो भग्नसक्थस्य यस्तु राज्ञो मया श्रुतः । स पुनर्हृदयं कस्य क्रूरस्यापि न निर्दहेत् ॥

vilāpo bhagnasakthasya yastu rājño mayā śrutaḥ | sa punarhṛdayaṃ kasya krūrasyāpi na nirdahet

The lament of the king with his thighs broken, which I heard: whose heart, however cruel, would it not burn?

Verse 29 (10.4.29)

कस्य ह्यकरुणस्यापि नेत्राभ्यामश्रु नाव्रजेत् । नृपतेर्भग्नसक्थस्य श्रुत्वा तादृग्वचः पुनः ॥

kasya hyakaruṇasyāpi netrābhyāmaśru nāvrajet | nṛpaterbhagnasakthasya śrutvā tādṛgvacaḥ punaḥ

Whose eyes, however merciless he is, would not shed tears on hearing such words again from the king with his thighs broken?

Verse 30 (10.4.30)

यश्चायं मित्रपक्षो मे मयि जीवति निर्जितः । शोकं मे वर्धयत्येष वारिवेग इवार्णवम् ॥

yaścāyaṃ mitrapakṣo me mayi jīvati nirjitaḥ | śokaṃ me vardhayatyeṣa vārivega ivārṇavam

And this side of my friends, defeated while I am alive, swells my grief like the surge of water in the ocean.

Verse 31 (10.4.31)

एकाग्रमनसो मेऽद्य कुतो निद्रा कुतः सुखम् ॥

ekāgramanaso me'dya kuto nidrā kutaḥ sukham

With my mind fixed on this one thing, how can there be sleep for me today, how can there be ease?

Note on the text: Corrected एकाग्नमनसो → एकाग्रमनसो (misprint in Wikisource; a mistyped conjunct (ग्न for ग्र); the critical edition reads ekāgramanaso). The third line of the critical edition's 10.4.29 (line 29e); the alignment found no match.

Verse 32 (10.4.32)

वासुदेवार्जुनाभ्यां च तानहं परिरक्षितान् । अविषह्यतमान्मन्ये महेन्द्रेणापि सत्तम ॥

vāsudevārjunābhyāṃ ca tānahaṃ parirakṣitān | aviṣahyatamānmanye mahendreṇāpi sattama

And I think of them, guarded by Vasudeva and Arjuna, as unassailable even by Mahendra, O best of men.

Verse 33 (10.4.33)

न चापि शक्तः संयन्तुमस्मात्कार्यात्कथञ्चन । तं न पश्यामि लोकेऽस्मिन्यो मां कोपान्निवर्तयेत् ॥

na cāpi śaktaḥ saṃyantumasmātkāryātkathañcana | taṃ na paśyāmi loke'sminyo māṃ kopānnivartayet

And I cannot by any means be held back from this undertaking; I see no one in this world who could turn me from my wrath.

Note on the text: Lines 1–2 of the critical edition's three-line verse 10.4.31 (the alignment found no match; the CE reads kāryān nivartayet in line 2). Line 3 is the next verse here.

Verse 34 (10.4.34)

इति मे निश्चिता बुद्धिरेषा साधुमता मम ॥

iti me niścitā buddhireṣā sādhumatā mama

Such is my firm resolve, and it seems right to me.

Note on the text: The third line of the critical edition's 10.4.31 (line 31e).

Verse 35 (10.4.35)

वादिकैः कथ्यमानस्तु मित्राणां मे पराभवः । पाण्डवानां च विजयो हृदयं दहतीव मे ॥

vādikaiḥ kathyamānastu mitrāṇāṃ me parābhavaḥ | pāṇḍavānāṃ ca vijayo hṛdayaṃ dahatīva me

The report of my friends' defeat and of the Pandavas' victory, as it is told by the reporters, burns my heart.

Note on the text: Corrected विजयटो → विजयो (misprint in Wikisource; a stray ट; the critical edition reads vijayo).

Verse 36 (10.4.36)

अहं तु कदनं कृत्वा शत्रूणामद्य सौप्तिके । ततो विश्रमिता चैव स्वप्ता च विगतज्वरः ॥

ahaṃ tu kadanaṃ kṛtvā śatrūṇāmadya sauptike | tato viśramitā caiva svaptā ca vigatajvaraḥ

But when tonight, in their sleep, I have worked slaughter among the enemies, then I shall be one who rests, and sleeps, free of fever.