Ashvatthama Worships Shiva and Offers Himself in the Fire

Verse 1 (10.7.1)

एवं सञ्चिन्तयित्वा तु द्रोणपुत्रो विशाम्पते । अवतीर्य रथोपस्थाद्दध्यौ स प्रयतः स्थितः ॥

evaṃ sañcintayitvā tu droṇaputro viśāmpate | avatīrya rathopasthāddadhyau sa prayataḥ sthitaḥ

Having thought thus, O lord of men, Drona's son got down from the platform of his chariot and stood in concentration, meditating.

Note on the text: Speaker is Sanjaya per the page's heading (सञ्जय उवाच).

Verse 2 (10.7.2)

उग्रं स्थाणुं शिवं रुद्रं शर्वमीशानमीश्वरम् । गिरिशं वरदं देवं भवभावनमव्ययम् ॥

ugraṃ sthāṇuṃ śivaṃ rudraṃ śarvamīśānamīśvaram | giriśaṃ varadaṃ devaṃ bhavabhāvanamavyayam

The Fierce One, Sthanu, Shiva, Rudra, Sharva, Ishana, Ishvara, Girisha, the god who grants boons, the Source of all being, the Imperishable;

Verse 3 (10.7.3)

शितिकण्ठमजं रुद्रं दक्षक्रतुहरं हरम् । विश्वरूपं विरूपाक्षं बहुरूपमुमापतिम् ॥

śitikaṇṭhamajaṃ rudraṃ dakṣakratuharaṃ haram | viśvarūpaṃ virūpākṣaṃ bahurūpamumāpatim

the Dark-throated, the Unborn, Rudra, Hara who destroyed Daksha's sacrifice, the All-formed, the Misshapen-eyed, the Many-formed, the Lord of Uma;

Verse 4 (10.7.4)

श्मशानवासिनं दृप्तं महागणपतिं विभुम् । खट्वाङ्गधारिणं मुण्डं जटिलं ब्रह्मचारिणम् ॥

śmaśānavāsinaṃ dṛptaṃ mahāgaṇapatiṃ vibhum | khaṭvāṅgadhāriṇaṃ muṇḍaṃ jaṭilaṃ brahmacāriṇam

who dwells in the cremation ground, the Proud, the great lord of the hosts, the All-pervading, bearer of the skull-topped staff, the Shaven-headed, the Matted-haired, the Celibate:

Verse 5 (10.7.5)

मनसा ह्यनुचिन्त्यैनं दुष्करेणाल्पचेतसा । अद्य भूतोपहारेण यक्ष्ये त्रिपुराघातिनम् ॥

manasā hyanucintyainaṃ duṣkareṇālpacetasā | adya bhūtopahāreṇa yakṣye tripurāghātinam

Having meditated on him in my mind, hard as that is for one of small understanding, today I shall worship the slayer of Tripura with an offering of beings.

Note on the text: Page's own footnote offers the variant सोऽहमात्मोपहारेण for line 2 (the CE reads the same); the base text is kept.

Verse 6 (10.7.6)

स्तुतं स्तुत्यं स्तूयमानममोघं कृत्तिवाससम् । विलोहितं नीलकण्ठमसह्यं दुर्निवारणम् ॥

stutaṃ stutyaṃ stūyamānamamoghaṃ kṛttivāsasam | vilohitaṃ nīlakaṇṭhamasahyaṃ durnivāraṇam

Him who is praised, who is worthy of praise, who is being praised, the Unfailing, clad in a hide, the Deep-red, the Blue-throated, the Unbearable, the Irresistible;

Note on the text: Restored from the critical edition (10.7.6a, stutaṃ): Wikisource prints the first akshara(s) of line 1 as 'xx' (xxतुतं); read स्तुतं.

Verse 7 (10.7.7)

शुक्रं विश्वसृजं ब्रह्म ब्रह्मचारिणमेव च । व्रतवन्तं तपोनिष्ठमनन्तं तपतां गतिम् ॥

śukraṃ viśvasṛjaṃ brahma brahmacāriṇameva ca | vratavantaṃ taponiṣṭhamanantaṃ tapatāṃ gatim

the Bright, the Creator of the world, Brahman, the Celibate, the keeper of vows, firm in austerity, the Endless, the refuge of ascetics;

Verse 8 (10.7.8)

बहुरूपं गणाध्यक्षं त्र्यक्षं पारिषदप्रियम् । धनाध्यक्षप्रियसखं गौरीहृदयवल्लभम् ॥

bahurūpaṃ gaṇādhyakṣaṃ tryakṣaṃ pāriṣadapriyam | dhanādhyakṣapriyasakhaṃ gaurīhṛdayavallabham

the Many-formed, lord of the hosts, the Three-eyed, fond of his attendants, the dear friend of the lord of wealth, the beloved of Gauri's heart;

Verse 9 (10.7.9)

कुमारपितरं पिङ्गं गोवृषोत्तमवाहनम् । कृत्तिवाससमत्युग्रमातोषणतत्परम् ॥

kumārapitaraṃ piṅgaṃ govṛṣottamavāhanam | kṛttivāsasamatyugramātoṣaṇatatparam

the father of Kumara, the Tawny, who rides the best of bulls, clad in a hide, exceedingly fierce, ever intent on gratifying;

Note on the text: Corrected कुत्तिवासस → कृत्तिवासस (misprint in Wikisource; the vowel sign ृ is dropped; compare कृत्तिवाससम् in verse 6).

Verse 10 (10.7.10)

परं परेभ्यः परमं परं यस्मान्न विद्यते । इष्वस्त्रोत्तमभर्तारं दिगन्तं देशरक्षिणम् ॥

paraṃ parebhyaḥ paramaṃ paraṃ yasmānna vidyate | iṣvastrottamabhartāraṃ digantaṃ deśarakṣiṇam

the Highest beyond the highest, than whom nothing higher exists, the master of the best of bows and weapons, the End of the quarters, the guardian of the lands;

Verse 11 (10.7.11)

हिरण्यकवचं देवं चन्द्रमौलिविभूषणम् । प्रपद्ये शरणं देवं परमेण समाधिना ॥

hiraṇyakavacaṃ devaṃ candramaulivibhūṣaṇam | prapadye śaraṇaṃ devaṃ parameṇa samādhinā

the god in golden armour, adorned with the moon on his crest: I take refuge in that god with the highest concentration.

Verse 12 (10.7.12)

इमां चेदापदं घोरां तराम्यद्य सुदुस्तराम् । सर्वभूतोपहारेण यक्ष्येऽहं शुचिना शुचिम् ॥

imāṃ cedāpadaṃ ghorāṃ tarāmyadya sudustarām | sarvabhūtopahāreṇa yakṣye'haṃ śucinā śucim

If today I get across this dreadful and hard-to-cross calamity, I shall worship the Pure One, being pure myself, with an offering of all beings.

Verse 13 (10.7.13)

इति तस्य व्यवसितं ज्ञात्वा योगात्सुकर्मणः । पुरस्तात्काञ्चनी वेदी प्रादुरासीन्महात्मनः ॥

iti tasya vyavasitaṃ jñātvā yogātsukarmaṇaḥ | purastātkāñcanī vedī prādurāsīnmahātmanaḥ

Knowing his resolve, the resolve of that man of good deeds, through yoga, a golden altar appeared before the great-souled one.

Note on the text: Speaker: the page's heading द्रौणिरुवाच (before verse 2) is carried forward on Wikisource, but verses 13-54 are narration, so they are given to Sanjaya.

Verse 14 (10.7.14)

तस्यां वेद्यां तदा राजंश्चित्रभानुरजायत । स दिशो विदिशः खं च ज्वालाभिरिव पूरयन् ॥

tasyāṃ vedyāṃ tadā rājaṃścitrabhānurajāyata | sa diśo vidiśaḥ khaṃ ca jvālābhiriva pūrayan

On that altar, O king, there then sprang up a fire, filling the quarters, the intermediate quarters and the sky as if with its flames.

Verse 15 (10.7.15)

दीप्तास्यनयनाश्चात्र नैकपादशिरोधराः । रत्नचित्राङ्गदधराः समुद्यतकरास्तथा ॥

dīptāsyanayanāścātra naikapādaśirodharāḥ | ratnacitrāṅgadadharāḥ samudyatakarāstathā

Beings appeared there with blazing mouths and eyes, with many feet, heads and necks, wearing armlets set with jewels, with their hands raised.

Note on the text: Line 1 = CE 10.7.15a; line 2 is printed in square brackets on the page and is the CE star passage 10.7.14c*0018_01 (ratnacitrāṅgadadharāḥ samudyatakarās tathā), so the brackets are removed and the misprint तथाः → तथा (CE tathā) is corrected. From here to verse 22 the page divides the CE's couplets half a verse later than the CE does.

Verse 16 (10.7.16)

द्विपाः शैलप्रतीकाशाः प्रादुरासन्महागणाः । श्ववराहोष्ट्ररूपाश्च हयगोमायुगोमुखाः ॥

dvipāḥ śailapratīkāśāḥ prādurāsanmahāgaṇāḥ | śvavarāhoṣṭrarūpāśca hayagomāyugomukhāḥ

The great hosts appeared, huge as elephants and mountains, some in the shapes of dogs, boars and camels, with the faces of horses, jackals and cows,

Note on the text: Line 1 = CE 10.7.15c (dvipaśailapratīkāśāḥ prādurāsan mahānanāḥ, with a recension variant); line 2 = CE 10.7.16a.

Verse 17 (10.7.17)

ऋक्षमार्जारवदना व्याघ्रद्वीपिमुखास्तथा । काकवक्त्राः प्लुवमुखाः शुकवक्त्रास्तथैव च ॥

ṛkṣamārjāravadanā vyāghradvīpimukhāstathā | kākavaktrāḥ pluvamukhāḥ śukavaktrāstathaiva ca

with the faces of bears and cats, of tigers and leopards, crow-faced, frog-faced, parrot-faced,

Note on the text: Line 1 = CE 10.7.16c; line 2 = CE 10.7.17a.

Verse 18 (10.7.18)

महाजगरवक्त्राश्च हंसवक्त्राः शितप्रभाः । दार्वाघाटमुखाश्चापि चाषवक्त्राश्च भारत ॥

mahājagaravaktrāśca haṃsavaktrāḥ śitaprabhāḥ | dārvāghāṭamukhāścāpi cāṣavaktrāśca bhārata

with the faces of great pythons, of swans of keen brightness, of woodpeckers and of blue jays, O Bharata,

Note on the text: Line 1 = CE 10.7.17c; line 2 = CE 10.7.18a (the CE's star passage 10.7.18a*0019_01 is not on the page).

Verse 19 (10.7.19)

कूर्मनक्रमुखाश्चैव शिंशुमारमुखास्तथा । महामकरवक्त्राश्च तिमिवक्त्रास्तथैव च ॥

kūrmanakramukhāścaiva śiṃśumāramukhāstathā | mahāmakaravaktrāśca timivaktrāstathaiva ca

with the faces of tortoises, crocodiles and river dolphins, of great makaras and of whales,

Note on the text: Line 1 = CE 10.7.18c; line 2 = CE 10.7.19a.

Verse 20 (10.7.20)

हरिवक्त्राः क्रौञ्चमुखाः कपोताभमुखास्तथा । पारावतमुखाश्चैव मद्गुवक्त्रास्तथैव च ॥

harivaktrāḥ krauñcamukhāḥ kapotābhamukhāstathā | pārāvatamukhāścaiva madguvaktrāstathaiva ca

with the faces of lions, herons and dove-grey birds, of pigeons and of divers,

Note on the text: Line 1 = CE 10.7.19c; line 2 = CE 10.7.20a.

Verse 21 (10.7.21)

पाणिकर्णाः सहस्राक्षास्तथैव च महोदराः । निर्मांसाः काकवक्त्राश्च श्येनवक्त्राश्च भारत ॥

pāṇikarṇāḥ sahasrākṣāstathaiva ca mahodarāḥ | nirmāṃsāḥ kākavaktrāśca śyenavaktrāśca bhārata

with hands for ears, thousand-eyed, great-bellied, fleshless, with the faces of crows and of hawks, O Bharata,

Note on the text: Line 1 = CE 10.7.20c (with a variant, महोदराः for शतोदराः); line 2 = CE 10.7.21a.

Verse 22 (10.7.22)

तथैवाशिरसो राजन्नृक्षवक्त्राश्च भीषणाः । प्रदीप्तनेत्रजिह्वाश्च ज्वालावर्णास्तथैव च ॥

tathaivāśiraso rājannṛkṣavaktrāśca bhīṣaṇāḥ | pradīptanetrajihvāśca jvālāvarṇāstathaiva ca

headless too, O king, and bear-faced and terrible, with blazing eyes and tongues, flame-coloured,

Note on the text: Line 1 = CE 10.7.21c; line 2 = CE 10.7.22a (jvālāvaktrās for the page's ज्वालावर्णाः).

Verse 23 (10.7.23)

ज्वालाकेशाश्च राजेन्द्र ज्वलद्रोमचतुर्भुजाः । मेषवक्त्रास्तथैवान्ये तथा छागमुखा नृप ॥

jvālākeśāśca rājendra jvaladromacaturbhujāḥ | meṣavaktrāstathaivānye tathā chāgamukhā nṛpa

flame-haired, O king of kings, with blazing body-hair and four arms; and others ram-faced, and others goat-faced, O king.

Note on the text: Line 1 is the CE star passage 10.7.22a*0020_01 (jvālākeśāś ca rājendra jvaladromacaturbhujāḥ); line 2 = CE 10.7.22c. Verse 24 onwards is back in step with the CE.

Verse 24 (10.7.24)

शङ्खाभाः शङ्खवक्त्राश्च शङ्खवर्णास्तथैव च । शङ्खमालापरिकराः शङ्खध्वनिसमस्वनाः ॥

śaṅkhābhāḥ śaṅkhavaktrāśca śaṅkhavarṇāstathaiva ca | śaṅkhamālāparikarāḥ śaṅkhadhvanisamasvanāḥ

Conch-bright, conch-faced and conch-coloured, wreathed in garlands of conches, their voices like the sound of a conch,

Note on the text: Corrected शह्ख → शङ्ख (misprint in Wikisource; ह for ङ).

Verse 25 (10.7.25)

जटाधराः पञ्चशिखास्तथा मुण्डाः कृशोदराः । चतुर्दंष्ट्राश्चतुर्जिह्वाः शङ्कुकर्णाः किरीटिनः ॥

jaṭādharāḥ pañcaśikhāstathā muṇḍāḥ kṛśodarāḥ | caturdaṃṣṭrāścaturjihvāḥ śaṅkukarṇāḥ kirīṭinaḥ

wearing matted hair, with five crests, shaven-headed, lean-bellied, four-tusked, four-tongued, with ears like stakes, wearing crowns,

Note on the text: Removed a stray nukta/zero-width character from the Wikisource text.

Verse 26 (10.7.26)

मौञ्जीधराश्च राजेन्द्र तथा कुञ्चितमूर्धजाः । उष्णीषिणः कुण्डलिनश्चारुवक्त्राः स्वलङ्कृताः ॥

mauñjīdharāśca rājendra tathā kuñcitamūrdhajāḥ | uṣṇīṣiṇaḥ kuṇḍalinaścāruvaktrāḥ svalaṅkṛtāḥ

wearing munja-grass girdles, O king of kings, with curly hair, turbaned, with earrings, handsome-faced and well adorned,

Verse 27 (10.7.27)

पद्मोत्पलापीडधरास्तथा मुकुटधारिणः । महात्म्येन च संयुक्ताः शतशोऽथ सहस्रशः ॥

padmotpalāpīḍadharāstathā mukuṭadhāriṇaḥ | mahātmyena ca saṃyuktāḥ śataśo'tha sahasraśaḥ

wearing garlands of lotuses and blue lotuses, wearing diadems, endowed with majesty, in hundreds and thousands,

Verse 28 (10.7.28)

शतघ्नीचक्रहस्ताश्च तथा मुसलपाणयः । भुशुण्डीपाशहस्ताश्च दण्डहस्ताश्च भारत ॥

śataghnīcakrahastāśca tathā musalapāṇayaḥ | bhuśuṇḍīpāśahastāśca daṇḍahastāśca bhārata

with shataghnis and discs in their hands, with pestles, with bhushundis and nooses in their hands, and with staffs in their hands, O Bharata,

Note on the text: Removed a stray nukta/zero-width character from the Wikisource text.

Verse 29 (10.7.29)

पृष्ठेषु बद्धेषुधयश्चित्रबाणोत्कटास्तथा । सध्वजाः सपताकाश्च सघण्टाः सपरश्वथाः ॥

pṛṣṭheṣu baddheṣudhayaścitrabāṇotkaṭāstathā | sadhvajāḥ sapatākāśca saghaṇṭāḥ saparaśvathāḥ

with quivers bound on their backs, bright with many-coloured arrows, with banners and flags, with bells and with axes,

Verse 30 (10.7.30)

महापाशोद्यतकरास्तथा लगुडपाणयः । स्थूणाहस्ताः खङ्गहस्ताः सर्पोच्छ्रितकिरीटिनः ॥

mahāpāśodyatakarāstathā laguḍapāṇayaḥ | sthūṇāhastāḥ khaṅgahastāḥ sarpocchritakirīṭinaḥ

with great nooses raised in their hands, with clubs, with posts in their hands, with swords in their hands, with crowns of raised serpents,

Note on the text: Lines = CE 10.7.29a and 29c; the CE's third line (29e, mahāsarpāṅgadadharāś citrābharaṇadhāriṇaḥ) is the first line of the next verse here.

Verse 31 (10.7.31)

महासर्पाङ्गदधराश्चित्राभरणधारिणः । रजोध्वजाः पङ्कदिग्धाः सर्वे चित्राम्बरस्रजः । नीलाङ्गाः पिङ्गलाङ्गाश्च मुण्डवक्त्रास्तथैव च ॥

mahāsarpāṅgadadharāścitrābharaṇadhāriṇaḥ | rajodhvajāḥ paṅkadigdhāḥ sarve citrāmbarasrajaḥ | nīlāṅgāḥ piṅgalāṅgāśca muṇḍavaktrāstathaiva ca

wearing great serpents as armlets, wearing ornaments of many kinds, with dust for banners, smeared with mud, all with garlands and garments of many colours, dark-limbed and tawny-limbed, and shaven-faced as well.

Note on the text: Corrected मुण्डवक्तास् → मुण्डवक्त्रास् (misprint in Wikisource; the conjunct त्र is broken; CE muṇḍavaktrās). Line 1 = CE 10.7.29e; line 2 = CE 10.7.30a (with variants रजोध्वजाः, चित्राम्बरस्रजः); line 3 = CE 10.7.30c (muṇḍavaktrās tathaiva ca). The CE star passage 10.7.30a*0022_01 is not on the page.

Verse 32 (10.7.32)

भेरीशङ्खमृदङ्गांश्च झर्झरानकगोमुखान् । अवादयन्पारिषदाः प्रहृष्टाः कनकप्रभाः ॥

bherīśaṅkhamṛdaṅgāṃśca jharjharānakagomukhān | avādayanpāriṣadāḥ prahṛṣṭāḥ kanakaprabhāḥ

The gleaming attendants, golden in their brightness and full of delight, sounded drums, conches, mridangas, jharjharas, anakas and gomukhas.

Verse 33 (10.7.33)

गायमानास्तथैवान्ये संहृष्टाः पुरुषर्षभाः । लङ्घयन्तः प्लुवन्तश्च वल्गन्तश्च महारथाः ॥

gāyamānāstathaivānye saṃhṛṣṭāḥ puruṣarṣabhāḥ | laṅghayantaḥ pluvantaśca valgantaśca mahārathāḥ

Others sang, overjoyed, bulls among men; and others leaped and sprang and bounded, those great warriors,

Note on the text: Not matched automatically: line 1 is a variant of CE 10.7.32a (the page has संहृष्टाः पुरुषर्षभाः for nṛtyamānās tathāpare); line 2 = CE 10.7.32c.

Verse 34 (10.7.34)

धावन्तो जवनाश्चण्डाः पावकोद्धूतमूर्धजाः । मत्ता इव महानागा विनदन्तो मुहुर्मुहुः ॥

dhāvanto javanāścaṇḍāḥ pāvakoddhūtamūrdhajāḥ | mattā iva mahānāgā vinadanto muhurmuhuḥ

running, swift and fierce, with hair tossed by fire, roaring again and again like intoxicated great elephants,

Note on the text: Corrected पावकोद्वूत → पावकोद्धूत (misprint in Wikisource; द्व for ध्; compare CE pavanoddhūta).

Verse 35 (10.7.35)

सुभीमा घोररूपाश्च शूलपट्टसपाणयः । नानाविरागवसनाश्चित्रमाल्यानुलेपनाः ॥

subhīmā ghorarūpāśca śūlapaṭṭasapāṇayaḥ | nānāvirāgavasanāścitramālyānulepanāḥ

very terrible, of dreadful aspect, with tridents and pattishas in their hands, in garments of many colours, with many-coloured garlands and unguents,

Verse 36 (10.7.36)

रत्नचित्राङ्गदधराः समुद्यतकरास्तथा । हन्तारो द्विषतां शूराः प्रसह्यासह्यविक्रमाः ॥

ratnacitrāṅgadadharāḥ samudyatakarāstathā | hantāro dviṣatāṃ śūrāḥ prasahyāsahyavikramāḥ

wearing armlets set with jewels, with weapons raised, heroes who slew their foes, with an irresistible might that overpowered the unconquerable,

Verse 37 (10.7.37)

पातारोऽसृग्वसाज्यानां मांसान्त्रकृतभोजनाः । चूडालाः कर्णिकाराश्च प्रहृष्टाः पिठरोदराः ॥

pātāro'sṛgvasājyānāṃ māṃsāntrakṛtabhojanāḥ | cūḍālāḥ karṇikārāśca prahṛṣṭāḥ piṭharodarāḥ

drinkers of blood and fat, feeding on flesh and entrails, with topknots and karnikara flowers in their hair, exultant, pot-bellied,

Verse 38 (10.7.38)

अतिह्रस्वातिदीर्घाश्च प्रलम्बाश्चातिभैरवाः । विकटाः काललंबोष्ठा बृहच्छेफाण्डपिण्डिकाः ॥

atihrasvātidīrghāśca pralambāścātibhairavāḥ | vikaṭāḥ kālalaṃboṣṭhā bṛhacchephāṇḍapiṇḍikāḥ

very short and very tall, long-limbed, exceedingly dreadful, misshapen, with black hanging lips, with huge members, testicles and calves,

Note on the text: Corrected अतिहस्व → अतिह्रस्व (misprint in Wikisource; the conjunct ह्र is broken; CE atihrasva).

Verse 39 (10.7.39)

महार्हनानाविकटा मुण्डाश्च जटिलाः परे । सार्केन्दुग्रहनक्षत्रां द्यां कुर्युस्ते महीतले ॥

mahārhanānāvikaṭā muṇḍāśca jaṭilāḥ pare | sārkendugrahanakṣatrāṃ dyāṃ kuryuste mahītale

of great worth and of many fearsome shapes, some shaven and others matted-haired: beings who could bring the sky down upon the earth, with its sun, moon, planets and stars,

Verse 40 (10.7.40)

उत्सहेरंश्च ये हन्तुं भूतग्रामं चतुर्विधम् । ये च वीतभया नित्यं हरस्य भ्रुकुटीसहाः ॥

utsaheraṃśca ye hantuṃ bhūtagrāmaṃ caturvidham | ye ca vītabhayā nityaṃ harasya bhrukuṭīsahāḥ

who would dare to slay the fourfold host of creatures, who are always fearless and endure the frowns of Hara,

Verse 41 (10.7.41)

कामकारकरा नित्यं त्रैलोक्यस्येश्वरेश्वराः । नित्यानन्दप्रमुदिता वागीशा वीतमत्सराः ॥

kāmakārakarā nityaṃ trailokyasyeśvareśvarāḥ | nityānandapramuditā vāgīśā vītamatsarāḥ

who do as they please, lords even of the lords of the three worlds, ever blissful and joyful, masters of speech, free from envy,

Verse 42 (10.7.42)

प्राप्याष्टगुणमैश्वर्यं ये न यास्यन्ति वै स्मयम् । येषां विस्मयते नित्यं भगवान्कर्मभिर्हरः ॥

prāpyāṣṭaguṇamaiśvaryaṃ ye na yāsyanti vai smayam | yeṣāṃ vismayate nityaṃ bhagavānkarmabhirharaḥ

who, having gained the eightfold lordship, are never puffed up with pride; at whose deeds the blessed Hara himself ever marvels,

Verse 43 (10.7.43)

मनोवाक्कर्मभिर्युक्तैर्नित्यमाराधितश्च यैः । मनोवाक्कर्मभिर्भक्तान्पाति पुत्रानिवौरसान् ॥

manovākkarmabhiryuktairnityamārādhitaśca yaiḥ | manovākkarmabhirbhaktānpāti putrānivaurasān

by whom he is ever worshipped with mind, speech and deeds; and with mind, speech and deeds he guards these devotees as if they were sons of his own body.

Verse 44 (10.7.44)

पिबन्तोऽसृग्वसाश्चान्ये क्रुद्धा ब्रह्मद्विषां सदा । चतुर्विधात्मकं सोमं ये पिबन्ति च सर्वदा ॥

pibanto'sṛgvasāścānye kruddhā brahmadviṣāṃ sadā | caturvidhātmakaṃ somaṃ ye pibanti ca sarvadā

Others, ever enraged against the enemies of brahmanas, drank their blood and fat; and there were those who always drink the soma of fourfold nature,

Verse 45 (10.7.45)

श्रुतेन ब्रह्मचर्येण तपसा च दमेन च । ये समाराध्य शूलाङ्कं भवसायुज्यमागताः ॥

śrutena brahmacaryeṇa tapasā ca damena ca | ye samārādhya śūlāṅkaṃ bhavasāyujyamāgatāḥ

who, by learning, celibacy, austerity and self-control, worshipped the trident-marked god and attained union with Bhava,

Verse 46 (10.7.46)

यैरात्मभूतैर्भगवान्पार्वत्या च महेश्वरः । महाभूतगणैर्भुङ्क्ते भूतभव्यभवत्प्रभुः ॥

yairātmabhūtairbhagavānpārvatyā ca maheśvaraḥ | mahābhūtagaṇairbhuṅkte bhūtabhavyabhavatprabhuḥ

and with whom, as with his own selves, the blessed Maheshvara, together with Parvati, lord of the past, the future and the present, takes his delight among the great hosts of beings.

Verse 47 (10.7.47)

नानावादित्रहसितक्ष्वेडितोत्कृष्टगर्जितैः । सन्त्रासयन्तस्ते विश्वमश्वत्थामानमभ्ययुः ॥

nānāvāditrahasitakṣveḍitotkṛṣṭagarjitaiḥ | santrāsayantaste viśvamaśvatthāmānamabhyayuḥ

With the din of many instruments, laughter, shouts, cries and roars, terrifying the universe, they came toward Ashvatthama.

Verse 48 (10.7.48)

संस्तुवन्तो महादेवं भाः कुर्वाणाः सुवर्चसः । विवर्धयिषवो द्रौणेर्महिमानं महात्मनः ॥

saṃstuvanto mahādevaṃ bhāḥ kurvāṇāḥ suvarcasaḥ | vivardhayiṣavo drauṇermahimānaṃ mahātmanaḥ

Praising Mahadeva and shining brilliantly, they wished to magnify the greatness of the great-souled son of Drona.

Verse 49 (10.7.49)

जिज्ञासमानास्तत्तेजः सौप्तिकं च दिदृक्षवः । भीमोग्रपरिघालातशूलपट्टसपाणयः । घोररूपाः समाजग्मुर्भूतसङ्घाः सहस्रशः ॥

jijñāsamānāstattejaḥ sauptikaṃ ca didṛkṣavaḥ | bhīmograparighālātaśūlapaṭṭasapāṇayaḥ | ghorarūpāḥ samājagmurbhūtasaṅghāḥ sahasraśaḥ

Eager to test his power and to witness his attack on the sleeping, with terrible spiked clubs, firebrands, tridents and pattishas in their hands, hosts of beings of frightful form came together by the thousand.

Verse 50 (10.7.50)

जनयेयुर्भयं ये स्म त्रैलोक्यस्यापि दर्शनात् । न च तान्प्रेक्षमाणोऽपि व्यथामुपजगाम ह ॥

janayeyurbhayaṃ ye sma trailokyasyāpi darśanāt | na ca tānprekṣamāṇo'pi vyathāmupajagāma ha

Beings who by their very sight could breed fear even in the three worlds: yet he, looking at them, did not feel the slightest tremor.

Verse 51 (10.7.51)

अथ द्रौणिर्धनुष्पाणिर्बद्धगोधाङ्गुलित्रवान् । स्वयमेवात्मनात्मानमुपहारमुपाहरत् ॥

atha drauṇirdhanuṣpāṇirbaddhagodhāṅgulitravān | svayamevātmanātmānamupahāramupāharat

Then Drona's son, bow in hand, with the iguana-skin guard tied on his fingers, himself offered himself as the oblation.

Verse 52 (10.7.52)

धनूंषि समिधस्तत्र पवित्राणि सिताः शराः । हविरात्मवतश्चात्मा तस्मिन्भारत कर्मणि ॥

dhanūṃṣi samidhastatra pavitrāṇi sitāḥ śarāḥ | havirātmavataścātmā tasminbhārata karmaṇi

In that rite, O Bharata, the bows were the kindling sticks, the bright arrows the purifying grass, and the self-controlled man's own self the oblation.

Verse 53 (10.7.53)

ततः सौम्येन मन्त्रेण द्रोणपुत्रः प्रतापवान् । उपहारं महामन्युरथात्मानमुपाहरत् ॥

tataḥ saumyena mantreṇa droṇaputraḥ pratāpavān | upahāraṃ mahāmanyurathātmānamupāharat

Then, with a Soma mantra, mighty Drona's son, in great fury, presented the offering and offered up himself.

Verse 54 (10.7.54)

तं रुद्रं रौद्रकर्माणं रौद्रैः कर्मभिरच्युतम् । अभिष्टुत्य महात्मानमित्युवाच कृताञ्जलिः ॥

taṃ rudraṃ raudrakarmāṇaṃ raudraiḥ karmabhiracyutam | abhiṣṭutya mahātmānamityuvāca kṛtāñjaliḥ

Having praised that great-souled Rudra, doer of terrible deeds, the Undeclining, with rites fit for Rudra, he spoke these words with folded hands.

Verse 55 (10.7.55)

इममात्मानमद्याहं जातमाङ्गिरसे कुले । स्वग्नौ जुहोमि भगवन्प्रतिगृह्णीष्व मां बलिम् ॥

imamātmānamadyāhaṃ jātamāṅgirase kule | svagnau juhomi bhagavanpratigṛhṇīṣva māṃ balim

Today I, born in the family of Angiras, pour this self into the well-kindled fire, O Lord. Accept me as your offering.

Note on the text: Speaker: Ashvatthama again (page heading द्रौणिरुवाच, 10-7-55x).

Verse 56 (10.7.56)

भवद्भक्त्या महादेव परमेण समाधिना । अस्यामापदि विश्वात्मन्नुपाकुर्मि तवाग्रतः ॥

bhavadbhaktyā mahādeva parameṇa samādhinā | asyāmāpadi viśvātmannupākurmi tavāgrataḥ

With devotion to you, O Mahadeva, with the highest concentration, in this calamity, O Soul of the universe, I make my offering before you.

Note on the text: Corrected पस्मेण → परमेण (misprint in Wikisource; स for र; CE parameṇa). Corrected पाकुर्मी → पाकुर्मि (misprint in Wikisource; long ई for इ; CE upākurmi).

Verse 57 (10.7.57)

त्वयि सर्वाणि भूतानि सर्वभूतेषु चासि वै । गुणानां हि प्रधानानां कैवल्यं त्वयि तिष्ठति ॥

tvayi sarvāṇi bhūtāni sarvabhūteṣu cāsi vai | guṇānāṃ hi pradhānānāṃ kaivalyaṃ tvayi tiṣṭhati

All beings are in you, and you are in all beings; the oneness of the chief qualities rests in you.

Verse 58 (10.7.58)

सर्वभूताश्रय विभो हविर्भूतमवस्थितम् । प्रतिगृहाण मां देव यद्यशक्याः परे मया ॥

sarvabhūtāśraya vibho havirbhūtamavasthitam | pratigṛhāṇa māṃ deva yadyaśakyāḥ pare mayā

O refuge of all beings, O lord, the offering stands ready: accept me, O god, if my enemies are beyond my power to overcome.

Verse 59 (10.7.59)

इत्युक्त्वा द्रौणिरास्थाय तां वेदीं दीप्तपावकाम् । सन्त्यज्यात्मानमारुह्य कृष्णवर्त्मन्युपाविशत् ॥

ityuktvā drauṇirāsthāya tāṃ vedīṃ dīptapāvakām | santyajyātmānamāruhya kṛṣṇavartmanyupāviśat

Having said this, Drona's son climbed onto that altar with its blazing fire, gave himself up, and sat down in the flames.

Note on the text: Corrected तां देवीं → तां वेदीं (misprint in Wikisource; देवीं for वेदीं (the altar of verse 13); CE vedīṃ). Speaker: narration, given to Sanjaya (the preceding heading belongs to the speech in verses 55-58).

Verse 60 (10.7.60)

तमूर्ध्वबाहुं निश्चेष्टं दृष्ट्वा हविरुपस्थितम् । अब्रवीद्भगवान्साक्षान्महादेवो हसन्निव ॥

tamūrdhvabāhuṃ niśceṣṭaṃ dṛṣṭvā havirupasthitam | abravīdbhagavānsākṣānmahādevo hasanniva

Seeing him motionless, with arms upraised, present as an offering, the blessed Mahadeva himself spoke, as if smiling.

Verse 61 (10.7.61)

सत्यशौचार्जवत्यागैस्तपसा नियमेन च । क्षान्त्या भक्त्या च धृत्या च कर्मणा मनसा गिरा ॥

satyaśaucārjavatyāgaistapasā niyamena ca | kṣāntyā bhaktyā ca dhṛtyā ca karmaṇā manasā girā

By truth, purity, uprightness and renunciation, by austerity and discipline, by patience, devotion and steadiness, by deed, mind and speech,

Note on the text: Speaker: Mahadeva. The page prints no heading, but verses 61-64 are the god's own reply (verse 60 introduces it: अब्रवीद्भगवान्साक्षान्महादेवः).

Verse 62 (10.7.62)

यथावदहमाराद्धः कृष्णेनाक्लिष्टकर्मणा । तस्मादिष्टतमः कृष्णादन्यो मम न विद्यते ॥

yathāvadahamārāddhaḥ kṛṣṇenākliṣṭakarmaṇā | tasmādiṣṭatamaḥ kṛṣṇādanyo mama na vidyate

I have been duly worshipped by Krishna, of untiring deeds; therefore no one is dearer to me than Krishna.

Note on the text: Corrected माराद्वः → माराद्धः (misprint in Wikisource; द्व for द्ध; CE ārāddhaḥ).

Verse 63 (10.7.63)

कुर्वता तात सम्मानं त्वां च जिज्ञासता मया । पाञ्चालाः सर्वदा गुप्ता मायाश्च बहुशः कृताः ॥

kurvatā tāta sammānaṃ tvāṃ ca jijñāsatā mayā | pāñcālāḥ sarvadā guptā māyāśca bahuśaḥ kṛtāḥ

In honouring him, my child, and in testing you, I have kept the Panchalas safe all along, and worked many illusions.

Verse 64 (10.7.64)

कृतस्तस्यैव सम्मानः पाञ्चालान्रक्षता मया । अभिभूतास्तु कालेन नैषामद्यास्ति जीवितम् ॥

kṛtastasyaiva sammānaḥ pāñcālānrakṣatā mayā | abhibhūtāstu kālena naiṣāmadyāsti jīvitam

That honour to him was done by me in protecting the Panchalas; but they are now overcome by Time, and today there is no life left in them.

Note on the text: Corrected सम्मानं पाञ्चालान् → सम्मानः पाञ्चालान् (misprint in Wikisource; anusvara for visarga; the noun agrees with कृतः, and CE reads saṃmānaḥ).

Verse 65 (10.7.65)

एवमुक्त्वा महात्मानं भगवानात्मनस्तनुम् । आविवेश ददौ चास्मै विमलं खङ्गमुत्तमम् ॥

evamuktvā mahātmānaṃ bhagavānātmanastanum | āviveśa dadau cāsmai vimalaṃ khaṅgamuttamam

Having spoken thus, the blessed Lord entered the great-souled warrior with his own body, and gave him a spotless, excellent sword.

Note on the text: Speaker: narration, given to Sanjaya (the god's speech ends with verse 64).

Verse 66 (10.7.66)

अथाविष्टो भगवता भूयो जज्वाल तेजसा । वेगवांश्चाभवद्युद्धे देवसृष्टेन तेजसा ॥

athāviṣṭo bhagavatā bhūyo jajvāla tejasā | vegavāṃścābhavadyuddhe devasṛṣṭena tejasā

Then, possessed by the Lord, he blazed again with radiance, and in battle he became mighty with the splendour created by the god.

Verse 67 (10.7.67)

तं दृष्ट्वा तानि भूतानि रक्षांसि च समाद्रवन् । अभितः शिबिरं यान्तं द्रोणपुत्रं महारथम् । देवदेवं हरं स्थाणुं यान्तं साक्षादिवेश्वरम् ॥

taṃ dṛṣṭvā tāni bhūtāni rakṣāṃsi ca samādravan | abhitaḥ śibiraṃ yāntaṃ droṇaputraṃ mahāratham | devadevaṃ haraṃ sthāṇuṃ yāntaṃ sākṣādiveśvaram

Seeing him, those beings and rakshasas rushed around Drona's son, the great warrior, as he went toward the camp, going like the god of gods, Hara, Sthanu, the Lord himself.

Note on the text: Corrected स्थाउं → स्थाणुं (misprint in Wikisource; ण dropped; CE sthāṇuṃ). Line 1 = CE 10.7.66a (variant: तं दृष्ट्वा तानि भूतानि for tam adṛśyāni bhūtāni); line 2 combines CE 10.7.66c (abhitaḥ … yāntam) with the star passage 10.7.66e*0023_01 (… yāntaṃ drauṇiṃ mahāratham); line 3 combines star 10.7.66e*0023_02 (devadevaṃ haraṃ sthāṇuṃ) with the end of CE 66c (yāntaṃ sākṣād iveśvaram). The CE's further star passage *0024 (a phalaśruti) is not on the page.