Arjuna Fights Ashvatthama; the Death of Suratha

Verse 1 (9.13.1)

अर्जुनो द्रौणिना विद्धो युद्धे बहुभिरायसैः । तस्य चानुचरैः शूरैस्त्रिगर्तानां महारथैः ॥

arjuno drauṇinā viddho yuddhe bahubhirāyasaiḥ | tasya cānucaraiḥ śūraistrigartānāṃ mahārathaiḥ

Arjuna was struck in the battle with many iron arrows by Drona's son, and by his heroic followers, the great chariot-warriors of the Trigartas.

Note on the text: Lines = CE 9.13.1a and 9.13.1c; the CE's third line (9.13.1e, drauṇiṃ vivyādha samare tribhir eva śilīmukhaiḥ) is the first line of the next verse here (Wikisource divides the CE's three-line verse 1 and two-line verse 2 as 2 + 3 lines).

Verse 2 (9.13.2)

द्रौणिं विव्याध समरे त्रिभिरेव शिलीमुखैः । तथेतरान्महेष्वासान्द्वाभ्यां द्वाभ्यां धनञ्जयः । भूयश्चैव महाराज शरवर्षैरवाकिरत् ॥

drauṇiṃ vivyādha samare tribhireva śilīmukhaiḥ | tathetarānmaheṣvāsāndvābhyāṃ dvābhyāṃ dhanañjayaḥ | bhūyaścaiva mahārāja śaravarṣairavākirat

Dhananjaya pierced Drona's son in the fight with three arrows alone, and the other great archers with two each; and again, O great king, he covered them with showers of arrows.

Note on the text: Line 1 = CE 9.13.1e; lines 2–3 = CE 9.13.2a and 9.13.2c (the CE reads mahābāhuḥ where the page has महाराज, a recension variant).

Verse 3 (9.13.3)

शरकण्टकितास्ते तु तावका भरतर्षभ । न जहुः पार्थमासाद्य ताड्यमानाः शितैः शरैः ॥

śarakaṇṭakitāste tu tāvakā bharatarṣabha | na jahuḥ pārthamāsādya tāḍyamānāḥ śitaiḥ śaraiḥ

Your men, bristling with arrows, O best of the Bharatas, did not abandon Partha even when they had reached him and were being struck with sharp arrows.

Verse 4 (9.13.4)

अर्जुनं रथवंशेन द्रोणपुत्रपुरोगमाः । परिवार्य मुदा युक्ता योधयन्तश्चकाशिरे ॥

arjunaṃ rathavaṃśena droṇaputrapurogamāḥ | parivārya mudā yuktā yodhayantaścakāśire

With the followers of Drona's son at their head, the line of chariots surrounded Arjuna, and full of joy they shone as they fought.

Note on the text: Line 1 = CE 9.13.4a (te 'rjunaṃ rathavaṃśena …, with the CE's second half-line ayodhayanta samare parivārya mahārathāḥ); line 2 = the CE star passage 9.13.4d*0078_01 (parivārya mudā yuktā yodhayantaś cakāśire), kept exactly.

Verse 5 (9.13.5)

तैस्तु क्षिप्ताः शरा राजन्कार्तस्वरविभूषिताः । अर्जुनस्य रथोपस्थं पूरयामासुरञ्जसा ॥

taistu kṣiptāḥ śarā rājankārtasvaravibhūṣitāḥ | arjunasya rathopasthaṃ pūrayāmāsurañjasā

The arrows they shot, O king, adorned with gold, quickly filled the floor of Arjuna's chariot.

Verse 6 (9.13.6)

तथा कृष्णौ महेष्वासौ वृषभौ सर्वधन्विनाम् । विव्यधुश्च शरैर्घोरैः प्रहृष्टा युद्धदुर्मदाः ॥

tathā kṛṣṇau maheṣvāsau vṛṣabhau sarvadhanvinām | vivyadhuśca śarairghoraiḥ prahṛṣṭā yuddhadurmadāḥ

Likewise, exultant and maddened by battle, they pierced the two Krishnas, those great archers, bulls among all bowmen, with terrible arrows.

Note on the text: CE 9.13.6 has the same first line and a different second line (śarair vīkṣya vitunnāṅgau prahṛṣṭau yuddhadurmadau); the page's second line is its own reading (recension variant, kept).

Verse 7 (9.13.7)

कूबरं रथचक्राणि ईषा योक्त्राणि वा विभो । युगं चैवानुकर्षं च शरभूतमभूत्तदा ॥

kūbaraṃ rathacakrāṇi īṣā yoktrāṇi vā vibho | yugaṃ caivānukarṣaṃ ca śarabhūtamabhūttadā

The chariot-pole, the wheels, the shaft and the traces, O lord, the yoke and the under-beam as well: all of it had then become nothing but arrows.

Verse 8 (9.13.8)

नैतादृशं दृष्टपूर्वं राजन्नेव च नः श्रुतम् । यादृशं तत्र पार्थस्य तावकाः सम्प्रचक्रिरे ॥

naitādṛśaṃ dṛṣṭapūrvaṃ rājanneva ca naḥ śrutam | yādṛśaṃ tatra pārthasya tāvakāḥ sampracakrire

Nothing like what your men did there to Partha has ever been seen before, O king, nor have we heard of it.

Verse 9 (9.13.9)

स रथः सर्वतो भाति चित्रपुङ्खैः शितैः शरैः । उल्काशतैः सम्प्रदीप्तं विमानमिव भूतले ॥

sa rathaḥ sarvato bhāti citrapuṅkhaiḥ śitaiḥ śaraiḥ | ulkāśataiḥ sampradīptaṃ vimānamiva bhūtale

Studded on every side with sharp arrows of bright feathers, that chariot shone like a heavenly car on earth, blazing with hundreds of meteors.

Verse 10 (9.13.10)

ततोऽर्जुनो महाराज शरैः सन्नतपर्वभिः । अवाकिरत्तां पृतनां मेघो वृष्ट्येव पर्वतम् ॥

tato'rjuno mahārāja śaraiḥ sannataparvabhiḥ | avākirattāṃ pṛtanāṃ megho vṛṣṭyeva parvatam

Then, great king, Arjuna covered that host with arrows of well-bent joints, as a cloud covers a mountain with rain.

Note on the text: Corrected धृष्ट्येव → वृष्ट्येव (misprint in Wikisource; वृष्टि 'rain' is required (CE vṛṣṭyā yathācalam: a cloud covers a mountain with rain)).

Verse 11 (9.13.11)

ते वध्यमानाः समरे पार्थनामाङ्कितैः शरैः । पार्थभूतममन्यन्त प्रेक्षमाणास्तथाविधम् ॥

te vadhyamānāḥ samare pārthanāmāṅkitaiḥ śaraiḥ | pārthabhūtamamanyanta prekṣamāṇāstathāvidham

Struck down in the battle by arrows marked with Partha's name, they took everything they looked upon to have become Partha.

Verse 12 (9.13.12)

कोपोद्धूतशरज्वालो धनुःशब्दानिलो महान् । सैन्येन्धनं ददाहाशु तावकं पार्थपावकः ॥

kopoddhūtaśarajvālo dhanuḥśabdānilo mahān | sainyendhanaṃ dadāhāśu tāvakaṃ pārthapāvakaḥ

Partha the fire, whose flames were arrows kindled by wrath and whose wind was the twang of the bow, quickly burned your army, that fuel.

Verse 13 (9.13.13)

चक्राणां पततां चापि युगानां च धरातले । तूणीराणां पताकानां ध्वजानां च रथैः सह ॥

cakrāṇāṃ patatāṃ cāpi yugānāṃ ca dharātale | tūṇīrāṇāṃ patākānāṃ dhvajānāṃ ca rathaiḥ saha

Heaps of fallen wheels and of yokes lying on the ground, of quivers, of pennants, and of banners together with their chariots,

Verse 14 (9.13.14)

ईषाणामनुकर्षाणां त्रिवेणूनां च भारत । अक्षाणामथ योक्त्राणां प्रतोदानां च राशयः ॥

īṣāṇāmanukarṣāṇāṃ triveṇūnāṃ ca bhārata | akṣāṇāmatha yoktrāṇāṃ pratodānāṃ ca rāśayaḥ

of shafts, of under-beams and triple poles, O Bharata, of axles, of traces and of goads,

Verse 15 (9.13.15)

शिरसां पततां चापि कुण्डलोष्णीषधारिणाम् । भुजानां च महाभाग स्कन्धानां च समन्ततः ॥

śirasāṃ patatāṃ cāpi kuṇḍaloṣṇīṣadhāriṇām | bhujānāṃ ca mahābhāga skandhānāṃ ca samantataḥ

of falling heads wearing earrings and turbans, of arms, O blessed one, and of shoulders on every side,

Verse 16 (9.13.16)

छत्राणां व्यजनैः सार्धं मकुटानां च राशयः । समदृश्यन्त पार्थस्य रथमार्गेषु भारत ॥

chatrāṇāṃ vyajanaiḥ sārdhaṃ makuṭānāṃ ca rāśayaḥ | samadṛśyanta pārthasya rathamārgeṣu bhārata

of parasols together with fans, and of crowns: such heaps were seen along the tracks of Partha's chariot, O Bharata.

Verse 17 (9.13.17)

अगम्यरूपा पृथिवी मांसशोणितकर्दमा । भीरूणां त्रासजननी शूराणां हर्षवर्धिनी । बभूव भरतश्रेष्ठ रुद्रस्याक्रीडनं यथा ॥

agamyarūpā pṛthivī māṃsaśoṇitakardamā | bhīrūṇāṃ trāsajananī śūrāṇāṃ harṣavardhinī | babhūva bharataśreṣṭha rudrasyākrīḍanaṃ yathā

The earth, a morass of flesh and blood, became impassable, terrifying to the timid and gladdening to the brave; O best of the Bharatas, it became like Rudra's playground.

Note on the text: The same three lines as CE 9.13.17, in a different order: the page has CE lines a, e, c (the CE puts babhūva bharataśreṣṭha rudrasyākrīḍanaṃ yathā second and bhīrūṇāṃ trāsajananī śūrāṇāṃ harṣavardhanī third). No change to the text.

Verse 18 (9.13.18)

हत्वा तु समरे पार्थः सहस्रे द्वे परन्तपः । रथानां सवरूथानां विधूमोऽग्निरिव ज्वलन् ॥

hatvā tu samare pārthaḥ sahasre dve parantapaḥ | rathānāṃ savarūthānāṃ vidhūmo'gniriva jvalan

Having slain two thousand chariots with their coverings in the battle, Partha, scorcher of foes, blazed like a smokeless fire.

Note on the text: Corrected सवरूथानं → सवरूथानां (misprint in Wikisource; the genitive plural is needed to agree with रथानां, CE savarūthānāṃ).

Verse 19 (9.13.19)

यथा हि भगवानग्निर्जगद्दग्ध्वा चराचरम् । विधूमो दृश्यते राजंस्तथा पार्थो धनञ्जयः ॥

yathā hi bhagavānagnirjagaddagdhvā carācaram | vidhūmo dṛśyate rājaṃstathā pārtho dhanañjayaḥ

As the blessed Fire, having consumed the world of the moving and the unmoving, is seen without smoke, O king, so was Partha Dhananjaya seen.

Note on the text: Corrected धऩञ्जयः → धनञ्जयः (misprint in Wikisource; stray nukta on न (U+0929 ऩ for U+0928 न)).

Verse 20 (9.13.20)

द्रौणिस्तु समरे दृष्ट्वा पाण्डवस्य पराक्रमम् । रथेनातिपताकेन पाण्डवं प्रत्यवारयत् ॥

drauṇistu samare dṛṣṭvā pāṇḍavasya parākramam | rathenātipatākena pāṇḍavaṃ pratyavārayat

But Drona's son, seeing the Pandava's prowess in the battle, checked the Pandava with his chariot, which flew a great banner.

Verse 21 (9.13.21)

तावुभौ पुरुषव्याघ्रौ श्वेताश्वौ धन्विनां वरौ । समीयतुस्तदाऽन्योन्यं परस्परवधैषिणौ ॥

tāvubhau puruṣavyāghrau śvetāśvau dhanvināṃ varau | samīyatustadā'nyonyaṃ parasparavadhaiṣiṇau

Those two tigers among men, white-horsed, the best of archers, then came together, each eager to slay the other.

Verse 22 (9.13.22)

तयोरासीन्महाराज बाणवर्षं सुदारुणम् । जीमूतयोर्यथा वृष्टिस्तपान्ते भरतर्षभ ॥

tayorāsīnmahārāja bāṇavarṣaṃ sudāruṇam | jīmūtayoryathā vṛṣṭistapānte bharatarṣabha

A most terrible rain of arrows fell from the two of them, great king, like the rain of two clouds at the end of the hot season, O best of the Bharatas.

Verse 23 (9.13.23)

अन्योन्यस्पर्धिनौ तौ तु शरैः सन्नतपर्वभिः । ततक्षतुस्तदाऽन्योन्यं शृङ्गाभ्यां वृषभाविव ॥

anyonyaspardhinau tau tu śaraiḥ sannataparvabhiḥ | tatakṣatustadā'nyonyaṃ śṛṅgābhyāṃ vṛṣabhāviva

Rivals of each other, they scored each other with arrows of well-bent joints, as two bulls gore each other with their horns.

Verse 24 (9.13.24)

तयोर्युद्धं महाराज चिरं सममिवाभवत् । शस्त्राणां सङ्गमश्चैव घोरस्तत्राभवत्पुनः ॥

tayoryuddhaṃ mahārāja ciraṃ samamivābhavat | śastrāṇāṃ saṅgamaścaiva ghorastatrābhavatpunaḥ

Their fight, great king, long seemed evenly matched, and there again was a terrible clash of weapons.

Verse 25 (9.13.25)

ततोऽर्जुनं द्वादशभी रुक्मपुङ्खैः सुतेजनैः । वासुदेवं च दशभिर्द्रौणिर्विव्याध भारत ॥

tato'rjunaṃ dvādaśabhī rukmapuṅkhaiḥ sutejanaiḥ | vāsudevaṃ ca daśabhirdrauṇirvivyādha bhārata

Then Drona's son pierced Arjuna with twelve well-whetted arrows with golden shafts, and Vasudeva with ten, O Bharata.

Verse 26 (9.13.26)

ततः प्रहस्य बीभत्सुर्व्याक्षिपद्गाण्डिवं धनुः । मानयित्वा मुहूर्तं तु गुरुपुत्रं महाहवे ॥

tataḥ prahasya bībhatsurvyākṣipadgāṇḍivaṃ dhanuḥ | mānayitvā muhūrtaṃ tu guruputraṃ mahāhave

Then Bibhatsu laughed and twanged his bow Gandiva, having for a moment shown regard in that great battle for his teacher's son;

Verse 27 (9.13.27)

व्यश्वसूतरथं चक्रे सव्यसाची परन्तपः । मृदुपूर्वं ततश्चैनं पुनःपुनरताडयत् ॥

vyaśvasūtarathaṃ cakre savyasācī parantapaḥ | mṛdupūrvaṃ tataścainaṃ punaḥpunaratāḍayat

Savyasachin, scorcher of foes, left him without horses, charioteer or chariot; gently at first, and then he struck him again and again.

Note on the text: CE 9.13.27 has the same first line (with mahārathaḥ for परन्तप) and a different second line (mṛdupūrvaṃ tataś cainaṃ tribhir vivyādha sāyakaiḥ); the page's reading is kept (recension variant). The CE star passages 9.13.26d*0082_01–03 and 9.13.28b*0083_01 have no counterpart on the page.

Verse 28 (9.13.28)

हताश्वे तु रथे तिष्ठन्द्रोणपुत्रस्त्वयस्मयम् । मुसलं पाण्डुपुत्राय चिक्षेप परिघोपमम् ॥

hatāśve tu rathe tiṣṭhandroṇaputrastvayasmayam | musalaṃ pāṇḍuputrāya cikṣepa parighopamam

Standing in his chariot with its horses slain, Drona's son hurled at the son of Pandu an iron pestle that was like an iron bar.

Verse 29 (9.13.29)

तमापतन्तं सहसा हेमपट्टविभूषितम् । चिच्छेद सप्तधा वीरः पार्थः शत्रुनिबर्हणः ॥

tamāpatantaṃ sahasā hemapaṭṭavibhūṣitam | ciccheda saptadhā vīraḥ pārthaḥ śatrunibarhaṇaḥ

As it came on suddenly, adorned with bands of gold, the hero Partha, destroyer of enemies, cut it into seven pieces.

Verse 30 (9.13.30)

स च्छिन्नं मुसलं दृष्ट्वा द्रौणिः परमकोपनः । आददे परिघं घोरं नगेन्द्रशिखरोपमम् । चिक्षेप चैव पार्थाय द्रौणिर्युद्धविशारदः ॥

sa cchinnaṃ musalaṃ dṛṣṭvā drauṇiḥ paramakopanaḥ | ādade parighaṃ ghoraṃ nagendraśikharopamam | cikṣepa caiva pārthāya drauṇiryuddhaviśāradaḥ

Seeing his pestle cut, Drauni, exceedingly enraged, took up a terrible iron bar like the peak of a king of mountains, and Drauni, skilled in battle, hurled it at Partha.

Verse 31 (9.13.31)

तमन्तकमिव क्रुद्धं परिघं प्रेक्ष्य पाण्डवः । अर्जुनस्त्वरितो जघ्ने पञ्चभिः सायकोत्तमैः ॥

tamantakamiva kruddhaṃ parighaṃ prekṣya pāṇḍavaḥ | arjunastvarito jaghne pañcabhiḥ sāyakottamaiḥ

Seeing that bar come like Death himself in his anger, the Pandava Arjuna quickly struck it with five excellent arrows.

Note on the text: Corrected क्रुद्दं → क्रुद्धं (misprint in Wikisource; द्द for द्ध, CE kruddhaṃ).

Verse 32 (9.13.32)

स च्छिन्नः पतितो भूमौ पार्थबाणैर्महाहवे । दारयन्पृथिवीन्द्राणां मनः शब्देन भारत ॥

sa cchinnaḥ patito bhūmau pārthabāṇairmahāhave | dārayanpṛthivīndrāṇāṃ manaḥ śabdena bhārata

Cut to pieces by Partha's arrows, it fell to the ground in that great battle, O Bharata, rending the hearts of the lords of the earth with its sound.

Note on the text: Corrected सब्देन → शब्देन (misprint in Wikisource; 'sound' is शब्द, CE śabdena).

Verse 33 (9.13.33)

ततोऽपरैस्त्रिभिर्भल्लैर्द्रौणिं विव्याध पाण्डवः ॥

tato'paraistribhirbhallairdrauṇiṃ vivyādha pāṇḍavaḥ

Then the Pandava pierced Drona's son with three more broad-headed arrows.

Note on the text: Removed stray zero-width joiner inside पाण्डवः (Wikisource encoding artefact). This single line is the first line of the CE's three-line verse 9.13.33 (tato 'parais tribhir bāṇair drauṇiṃ vivyādha pāṇḍavaḥ); the next verse here carries the page's own version of its other two lines. Not a lost verse, so nothing restored. Also removed a stray zero-width joiner inside पाण्डवः.

Verse 34 (9.13.34)

सोऽतिविद्धो बलवता पार्थेन सुमहात्मना । नाकम्पत तदा द्रौणिः पौरुषेषु व्यवस्थितः ॥

so'tividdho balavatā pārthena sumahātmanā | nākampata tadā drauṇiḥ pauruṣeṣu vyavasthitaḥ

Though deeply wounded by the mighty, great-souled Partha, Drauni did not tremble then, but stood firm in his manliness.

Note on the text: Lines = CE 9.13.33c and 9.13.33e (so 'tividdho balavatā pārthena sumahābalaḥ / na saṃbhrāntas tadā drauṇiḥ pauruṣe sve vyavasthitaḥ), worded differently on the page (recension variant, kept).

Verse 35 (9.13.35)

सुरथं च ततो राजन्भारद्वाजो महारथम् । अवाकिरच्छरव्रातैः सर्वक्षत्रस्य पश्यतः ॥

surathaṃ ca tato rājanbhāradvājo mahāratham | avākiraccharavrātaiḥ sarvakṣatrasya paśyataḥ

Then, O king, the Bharadvaja, Drona's son, covered the great chariot-warrior Suratha with volleys of arrows, while all the Kshatriyas looked on.

Note on the text: CE 9.13.34 reads sudharmā tu tato rājan bhāradvājaṃ mahāratham (Sudharman as the one who showers Drauni); the page has सुरथं (Suratha as the target). Recension variant, kept; the next verse (Suratha charging Drauni) is consistent with the page's reading.

Verse 36 (9.13.36)

ततस्तु सुरथोऽप्याजौ पाञ्चालानां महारथः । रथेन मेघघोषेण द्रौणिमेवाभ्यधावत ॥

tatastu suratho'pyājau pāñcālānāṃ mahārathaḥ | rathena meghaghoṣeṇa drauṇimevābhyadhāvata

Then Suratha too, a great chariot-warrior of the Panchalas, in a chariot rumbling like thunder, ran at Drauni in the battle.

Verse 37 (9.13.37)

विकर्षन्वै धनुःश्रेष्ठं सर्वभारसहं दृढम् । ज्वलनाशीविषनिभैः शरैश्चैनमवाकिरत् ॥

vikarṣanvai dhanuḥśreṣṭhaṃ sarvabhārasahaṃ dṛḍham | jvalanāśīviṣanibhaiḥ śaraiścainamavākirat

Drawing his excellent bow, firm and able to bear every strain, he covered him with arrows like blazing venomous snakes.

Verse 38 (9.13.38)

सुरथं तं ततः क्रुद्धमापतन्तं महारथम् । चुकोप समरे द्रौणिर्दण्डाहत इवोरगः ॥

surathaṃ taṃ tataḥ kruddhamāpatantaṃ mahāratham | cukopa samare drauṇirdaṇḍāhata ivoragaḥ

Seeing the great chariot-warrior Suratha coming at him in anger, Drauni flared up in the battle like a serpent struck with a rod.

Verse 39 (9.13.39)

त्रिशिखां भ्रुकुटीं कृत्वा सृक्विणी परिसंलिहन् । उद्वीक्ष्य सुरथं रोषाद्धनुर्ज्यामवमृज्य च । मुमोच तीक्ष्णं नाराचं यमदण्डोपमद्युतिम् ॥

triśikhāṃ bhrukuṭīṃ kṛtvā sṛkviṇī parisaṃlihan | udvīkṣya surathaṃ roṣāddhanurjyāmavamṛjya ca | mumoca tīkṣṇaṃ nārācaṃ yamadaṇḍopamadyutim

Knitting his brows into three lines, licking the corners of his lips, glaring at Suratha in rage, and wiping his bowstring, he loosed a sharp iron arrow, bright as the rod of Yama.

Verse 40 (9.13.40)

स तस्य हृदयं भित्त्वा प्रविवेशातिवेगितः । शक्राशनिरिवोत्सृष्टो विदार्य धरणीतलम् ॥

sa tasya hṛdayaṃ bhittvā praviveśātivegitaḥ | śakrāśanirivotsṛṣṭo vidārya dharaṇītalam

It pierced his heart and entered with great speed, splitting the surface of the earth, like the thunderbolt of Indra hurled down.

Note on the text: Corrected शक्ताशनिरिवोत्सृष्टो → शक्राशनिरिवोत्सृष्टो (misprint in Wikisource; शक्त is not a word here and the simile needs Indra's thunderbolt, CE śakrāśanir).

Verse 41 (9.13.41)

ततः स पतितो भूमौ नाराचेन समाहतः । वज्रेण च यथा शृङ्गं पर्वतस्येव दीर्यतः ॥

tataḥ sa patito bhūmau nārācena samāhataḥ | vajreṇa ca yathā śṛṅgaṃ parvatasyeva dīryataḥ

Struck by the iron arrow, he fell to the ground, like the peak of a mountain being split by a thunderbolt.

Verse 42 (9.13.42)

तस्मिन्विनिहते वीरे द्रोणपुत्रः प्रतापवान् । आरुरोह रथं तूर्णं तमेव रथिनां वरः ॥

tasminvinihate vīre droṇaputraḥ pratāpavān | āruroha rathaṃ tūrṇaṃ tameva rathināṃ varaḥ

When that hero had been slain, Drona's son, the glorious best of chariot-fighters, quickly mounted that same chariot.

Verse 43 (9.13.43)

ततः सज्जो महाराज द्रौणिराहवदुर्मदः । अर्जुनं योधयामास संशप्तकवृतो रणे ॥

tataḥ sajjo mahārāja drauṇirāhavadurmadaḥ | arjunaṃ yodhayāmāsa saṃśaptakavṛto raṇe

Then, great king, Drauni, ready and maddened for battle, fought Arjuna in the fray, surrounded by the Samshaptakas.

Verse 44 (9.13.44)

तत्र युद्धं महच्चासीदर्जुनस्य परैः सह । मध्यन्दिनगते सूर्ये यमराष्ट्रविवर्धनम् ॥

tatra yuddhaṃ mahaccāsīdarjunasya paraiḥ saha | madhyandinagate sūrye yamarāṣṭravivardhanam

A great battle took place there between Arjuna and his foes, as the sun reached midday, swelling the realm of Yama.

Verse 45 (9.13.45)

तत्राश्चर्यमपश्याम दृष्ट्वा तेषां पराक्रमम् । यदेको युगपद्वीरान्समयोधयदर्जुनः ॥

tatrāścaryamapaśyāma dṛṣṭvā teṣāṃ parākramam | yadeko yugapadvīrānsamayodhayadarjunaḥ

There, beholding their prowess, we saw a marvel: that Arjuna alone fought those heroes all at once.

Verse 46 (9.13.46)

विमर्दः सुमहानासीदर्जुनस्य परैः सह । शतक्रतोर्यथापूर्वं महत्या दैत्यसेनया ॥

vimardaḥ sumahānāsīdarjunasya paraiḥ saha | śatakratoryathāpūrvaṃ mahatyā daityasenayā

A mighty crushing took place between Arjuna and his foes, as in former days between Shatakratu and the great host of the Daityas.