Yudhishthira Slays Shalya and His Brother

Verse 1 (9.16.1)

तं भीमसेनश्च शिनेश्च नप्ता । माद्र्याश्च पुत्रौ पुरुषप्रवीरौ । समागतं भीमबलेन राज्ञा । पर्यापुरन्योन्यमथाह्वयन्त ॥

taṃ bhīmasenaśca śineśca naptā | mādryāśca putrau puruṣapravīrau | samāgataṃ bhīmabalena rājñā | paryāpuranyonyamathāhvayanta

Bhimasena, Satyaki the grandson of Shini, and the two sons of Madri, those foremost heroes among men, closed in around Shalya as he met the king of dreadful strength in battle, calling out to one another.

Note on the text: Corrected माद्याश्च → माद्र्याश्च (misprint in Wikisource; a dropped र्; CE 9.16.7 reads mādryāś ca). CE 9.16.7 holds this verse (the automatic alignment missed it); in line 4 the CE reads "athāhvayantaḥ".

Verse 2 (9.16.2)

ततस्तु शूराः समरे नरेन्द्र । नरेश्वरं प्राप्य युधां वरिष्ठम् । आवार्य चैनं समरे नृवीरा । जघ्नुः शितैः पत्रिभिरुग्रवेगैः ॥

tatastu śūrāḥ samare narendra | nareśvaraṃ prāpya yudhāṃ variṣṭham | āvārya cainaṃ samare nṛvīrā | jaghnuḥ śitaiḥ patribhirugravegaiḥ

Then, O king, those heroes, brave men all, reached the lord of men, the best of warriors, in the battle, hemmed him in, and struck him with sharp, fierce, swift-flying arrows.

Verse 3 (9.16.3)

संरक्षितो भीमसेनेन राजा । माद्रीसुताभ्यामथ माधवेन । मद्राधिपं पत्रिभिरुग्रवेगैः । स्तनान्तरे धर्मसुतो निजघ्ने ॥

saṃrakṣito bhīmasenena rājā | mādrīsutābhyāmatha mādhavena | madrādhipaṃ patribhirugravegaiḥ | stanāntare dharmasuto nijaghne

Guarded by Bhimasena, by the two sons of Madri, and by Madhava, the king, the son of Dharma, struck the lord of the Madras between the breasts with fierce, swift arrows.

Verse 4 (9.16.4)

ततो रणे तावकानां रथौघाः । समीक्ष्य मद्राधिपतिं शरार्तम् । पर्यावव्रुः प्रवराः सर्वयोधा । दुर्योधनस्यानुमते पुरस्तात् ॥

tato raṇe tāvakānāṃ rathaughāḥ | samīkṣya madrādhipatiṃ śarārtam | paryāvavruḥ pravarāḥ sarvayodhā | duryodhanasyānumate purastāt

Then, seeing the lord of the Madras tormented by arrows, your chariot-hosts, the foremost warriors of every kind, with Duryodhana's consent closed around him from the front.

Verse 5 (9.16.5)

ततो द्रुतं मद्रजनाधिपो रणे । युधिष्ठिरं सप्तभिरभ्यविध्यत् । तं चापि पार्थो नवभिः पृषत्कैः । विव्याध राजंस्तुमुले महात्मा ॥

tato drutaṃ madrajanādhipo raṇe | yudhiṣṭhiraṃ saptabhirabhyavidhyat | taṃ cāpi pārtho navabhiḥ pṛṣatkaiḥ | vivyādha rājaṃstumule mahātmā

Then the lord of the Madra people swiftly pierced Yudhishthira with seven arrows in the battle, and Partha, the great-souled, O king, pierced him in turn with nine shafts in that tumult.

Note on the text: Corrected अभ्यविद्व्यत् → अभ्यविध्यत् (misprint in Wikisource; ध written as द्व; CE abhyavidhyat) and पार्थौ → पार्थो (misprint; a dual ending with a singular verb; CE pārtho). The page splits the sandhi across the line break (double hyphen): पृषत्कै-- / र्विव्याध; written here as पृषत्कैः at the end of line 3 and विव्याध at the start of line 4. CE 9.16.11.

Verse 6 (9.16.6)

आकर्णपूर्णायतसम्प्रयुक्तैः । शरैस्तदा संयति तैलधौतैः । अन्योन्यमाच्छादयतां महारथौ । मद्राधिपश्चापि युधिष्ठिरश्च ॥

ākarṇapūrṇāyatasamprayuktaiḥ | śaraistadā saṃyati tailadhautaiḥ | anyonyamācchādayatāṃ mahārathau | madrādhipaścāpi yudhiṣṭhiraśca

With arrows drawn back to the ear and loosed, burnished in oil, the two great chariot-warriors, the lord of the Madras and Yudhishthira, then covered each other in the fight.

Verse 7 (9.16.7)

ततस्तु तूर्णं समरे महारथौ । परस्परस्यान्तरमीक्षमाणौ । शरैर्भृशं विव्यधतुर्नृपोत्तमौ । महाबलौ शत्रुभिरप्रधृष्यौ ॥

tatastu tūrṇaṃ samare mahārathau | parasparasyāntaramīkṣamāṇau | śarairbhṛśaṃ vivyadhaturnṛpottamau | mahābalau śatrubhirapradhṛṣyau

Then those two great chariot-warriors, best of kings, mighty and unassailable by their foes, each watching for an opening in the other, swiftly and fiercely pierced one another with arrows.

Note on the text: Corrected महबलौ → महाबलौ (misprint in Wikisource; a dropped long vowel; CE mahābalau). CE 9.16.13.

Verse 8 (9.16.8)

तयोर्धनुर्ज्यातलनिःस्वनो महान् । महेन्द्रवज्राशनितुल्यनिःस्वनः । परस्परं बाणगणैर्महात्मनोः । प्रवर्षतोर्मद्रपपाण्डुवीरयोः ॥

tayordhanurjyātalaniḥsvano mahān | mahendravajrāśanitulyaniḥsvanaḥ | parasparaṃ bāṇagaṇairmahātmanoḥ | pravarṣatormadrapapāṇḍuvīrayoḥ

As those two great-souled heroes, the Madra king and the Pandava, showered each other with volleys of arrows, the mighty twang of their bowstrings and the slap on their palms rang like the thunderbolt of great Indra.

Note on the text: The page splits the sandhi across the line break (double hyphen): महा-- / न्महेन्द्र; written here as महान् at the end of line 1 and महेन्द्र at the start of line 2. Also closed a stray space: निः स्वनः → निःस्वनः (CE nisvanaḥ). CE 9.16.14.

Verse 9 (9.16.9)

तौ चेरतुर्व्याघ्रशिशुप्रकाशौ । महावनेष्वामिषगृद्धिनाविव । विषाणिनौ नागवराविवोभौ । ततक्षतुः संयति जातदर्पौ ॥

tau ceraturvyāghraśiśuprakāśau | mahāvaneṣvāmiṣagṛddhināviva | viṣāṇinau nāgavarāvivobhau | tatakṣatuḥ saṃyati jātadarpau

Splendid as tiger cubs, they ranged like two cubs hungry for meat in a great forest; and like two tusked chief elephants, both swollen with pride in the fight, they tore at each other.

Note on the text: Corrected गृद्विनाविव → गृद्धिनाविव (misprint in Wikisource; ध written as द्व; CE gṛddhināv iva). CE 9.16.15 (line 4 reads "saṃyugajātadarpau" there).

Verse 10 (9.16.10)

ततस्तु मद्राधिपतिर्महात्मा । युधिष्ठिरं भीमबलं प्रसह्य । विव्याध वीरं हृदयेऽतिवेगं । शरेण सूर्याग्निसमप्रभेण ॥

tatastu madrādhipatirmahātmā | yudhiṣṭhiraṃ bhīmabalaṃ prasahya | vivyādha vīraṃ hṛdaye'tivegaṃ | śareṇa sūryāgnisamaprabheṇa

Then the great-souled lord of the Madras, pressing hard on Yudhishthira of fearsome strength, pierced the hero in the heart with great force with an arrow shining like the sun and fire.

Verse 11 (9.16.11)

ततोऽतिविद्धोऽथ युधिष्ठिरोऽपि । सुसम्प्रयुक्तेन शरेण राजन् । जघान मद्राधिपतिं महात्मा । मुदं च लेभे वृषभः कुरूणाम् ॥

tato'tividdho'tha yudhiṣṭhiro'pi | susamprayuktena śareṇa rājan | jaghāna madrādhipatiṃ mahātmā | mudaṃ ca lebhe vṛṣabhaḥ kurūṇām

Then Yudhishthira too, deeply wounded, O king, struck the lord of the Madras with a well-aimed arrow, and the great-souled bull of the Kurus rejoiced.

Note on the text: CE 9.16.17; the critical edition also prints the star lines *0090 after 17b, which the page lacks.

Verse 12 (9.16.12)

ततो मुहूर्तादिव पार्थिवेन्द्रो । लब्ध्वा संज्ञां क्रोधसंरक्तनेत्रः । शरेण पार्थं त्वरितो जघान । सहस्रनेत्रप्रतिमप्रभावः ॥

tato muhūrtādiva pārthivendro | labdhvā saṃjñāṃ krodhasaṃraktanetraḥ | śareṇa pārthaṃ tvarito jaghāna | sahasranetrapratimaprabhāvaḥ

After a moment King Shalya, regaining his senses, his eyes red with rage, and shining with a splendour like that of the thousand-eyed Indra, quickly struck Partha with an arrow.

Verse 13 (9.16.13)

त्वरंस्ततो धर्मसुतो महात्मा । शल्यस्य कोपान्नवभिः पृषत्कैः । भित्त्वा ह्युरस्तपनीयं च वर्म । जघान षड्भिस्त्वपरैः पृषत्कैः ॥

tvaraṃstato dharmasuto mahātmā | śalyasya kopānnavabhiḥ pṛṣatkaiḥ | bhittvā hyurastapanīyaṃ ca varma | jaghāna ṣaḍbhistvaparaiḥ pṛṣatkaiḥ

Then the great-souled son of Dharma, hastening and angry, struck Shalya with nine arrows, piercing his chest and his golden armour, and struck him again with six others.

Verse 14 (9.16.14)

ततस्तु मद्राधिपतिः प्रकृष्टं । धनुर्विकृष्य व्यसृजत्पृषत्कान् । द्वाभ्यां शराभ्यां च तथैव राज्ञः । चिच्छेद चापं कुरुपुङ्गवस्य ॥

tatastu madrādhipatiḥ prakṛṣṭaṃ | dhanurvikṛṣya vyasṛjatpṛṣatkān | dvābhyāṃ śarābhyāṃ ca tathaiva rājñaḥ | ciccheda cāpaṃ kurupuṅgavasya

Then the lord of the Madras, drawing his bow back hard, loosed his arrows, and with two shafts he cut the bow of the king, the bull of the Kurus.

Note on the text: The page splits the sandhi across the line break (double hyphen): राज्ञ-- / श्चिच्छेद; written here as राज्ञः at the end of line 3 and चिच्छेद at the start of line 4. CE 9.16.20.

Verse 15 (9.16.15)

नवं ततोऽन्यत्समरे प्रगृह्य । राजा धनुर्घोरतरं महात्मा । शल्यं तु विव्याध शरैः समन्ताद् । यथा महेन्द्रो नमुचिं शिताग्रैः ॥

navaṃ tato'nyatsamare pragṛhya | rājā dhanurghorataraṃ mahātmā | śalyaṃ tu vivyādha śaraiḥ samantād | yathā mahendro namuciṃ śitāgraiḥ

Then the great-souled king took up another, fresh and still more terrible bow, and pierced Shalya on every side with keen-pointed arrows, as Mahendra pierced Namuci.

Note on the text: Corrected धनुर्धोरतरं → धनुर्घोरतरं (misprint in Wikisource; ध for घ; CE dhanur ghorataraṃ). The page splits the sandhi across the line break (double hyphen): समन्ता-- / द्यथा; written here as समन्ताद् at the end of line 3 and यथा at the start of line 4. CE 9.16.21.

Verse 16 (9.16.16)

ततस्तु शल्यो नवभिः पृषत्कैः । भीमस्य राज्ञश्च युधिष्ठिरस्य । निकृत्य रौक्मे पटुवर्मणी तयोः । विदारयामास भुजौ महात्मा ॥

tatastu śalyo navabhiḥ pṛṣatkaiḥ | bhīmasya rājñaśca yudhiṣṭhirasya | nikṛtya raukme paṭuvarmaṇī tayoḥ | vidārayāmāsa bhujau mahātmā

Then Shalya, the great-souled, with nine arrows cut through the gold-adorned, strong armour of Bhima and of King Yudhishthira, and tore open the arms of both.

Note on the text: Corrected विदास्यामास → विदारयामास (misprint in Wikisource; a garbled syllable; CE vidārayām āsa). The page splits the sandhi across line breaks (double hyphens): पृषत्कैः / भीमस्य and तयोः / विदारयामास are written here with the words separated at the line ends. CE 9.16.22.

Verse 17 (9.16.17)

ततोऽपरेण ज्वलनार्कतेजसा । क्षुरेण राज्ञो धनुरुन्ममाथ । कृपश्च तस्यैव जघान सूतं । षड्भिः शरैः सोऽभिमुखः पपात ॥

tato'pareṇa jvalanārkatejasā | kṣureṇa rājño dhanurunmamātha | kṛpaśca tasyaiva jaghāna sūtaṃ | ṣaḍbhiḥ śaraiḥ so'bhimukhaḥ papāta

Then with another razor-headed arrow, blazing with the brilliance of fire and sun, he shattered the king's bow; and Kripa struck his charioteer with six arrows, and the man fell forward.

Verse 18 (9.16.18)

मद्राधिपश्चापि युधिष्ठिरस्य । शरैश्चतुर्भिर्निजघान वाहान् । वाहांश्च हत्वा व्यकरोन्महात्मा । योधक्षयं धर्मसुतस्य राज्ञः ॥

madrādhipaścāpi yudhiṣṭhirasya | śaraiścaturbhirnijaghāna vāhān | vāhāṃśca hatvā vyakaronmahātmā | yodhakṣayaṃ dharmasutasya rājñaḥ

And the lord of the Madras killed Yudhishthira's horses with four arrows; and having killed the horses, the great-souled one wrought havoc among the warriors of the king, the son of Dharma.

Note on the text: Lines 1–4 are CE 9.16.24a and 24c; the critical edition prints its star passage *0091 (eight lines) after 24d, which Wikisource carries as the next two verses.

Verse 19 (9.16.19)

यदद्भुतं कर्म न शक्यमन्यैः । सुदुःसहं तत्कृतवन्तमेकम् । शल्यं नरेन्द्रः सविषण्णभावाद् । विचिन्तयामास मृदङ्गकेतुः ॥

yadadbhutaṃ karma na śakyamanyaiḥ | suduḥsahaṃ tatkṛtavantamekam | śalyaṃ narendraḥ saviṣaṇṇabhāvād | vicintayāmāsa mṛdaṅgaketuḥ

Seeing Shalya, who alone had done that marvellous deed which others could not have done and which was so hard to bear, the king with the drum banner, in deep dejection, fell to thinking:

Note on the text: Removed a stray wiki backtick. Corrected शल्यो → शल्यं (misprint in Wikisource; with the nominative the participle कृतवन्तमेकम् has nothing to govern, and the thought that follows is Yudhishthira's, not Shalya's; CE star passage *0091_03 reads śalyaṃ narendraḥ). The page splits the sandhi across the line break (double hyphen): सविषण्णभावा-- / द्विचिन्तयामास; written here as सविषण्णभावाद् at the end of line 3 and विचिन्तयामास at the start of line 4. Not in the critical edition's main text; it is CE star passage *0091 (printed after 9.16.24d), lines 01–04; the CE reads "sa viṣaṇṇabhāvād" for "सविषण्णभावाद्". Speaker: the thoughts of Yudhishthira (मृदङ्गकेतुः) stay with the narrator Sanjaya.

Verse 20 (9.16.20)

किमेतदिन्द्रावरजस्य वाक्यं । मोघं भवत्यद्य विधेर्बलेन । जहीति शल्यं ह्यवदत्तदाऽऽजौ । न लोकनाथस्य वचोऽन्यथा स्यात् ॥

kimetadindrāvarajasya vākyaṃ | moghaṃ bhavatyadya vidherbalena | jahīti śalyaṃ hyavadattadā''jau | na lokanāthasya vaco'nyathā syāt

"Is the word of Indra's younger brother to prove empty today by the force of fate? For on the battlefield he told me, 'Slay Shalya.' The word of the Lord of the world cannot be otherwise."

Note on the text: Removed a stray apostrophe and doubled danda (स्यात्।।' → स्यात्) left by the wiki markup. Not in the critical edition's main text; it is CE star passage *0091 (printed after 9.16.24d), lines 05–08. Yudhishthira's thought, narrated by Sanjaya.

Verse 21 (9.16.21)

तथा कृते राजनि भीमसेनो । मद्राधिपस्याथ ततो महात्मा । छित्त्वा धनुर्वेगवता शरेण । द्वाभ्यामविध्यत्सुभृशं नरेन्द्रम् ॥

tathā kṛte rājani bhīmaseno | madrādhipasyātha tato mahātmā | chittvā dhanurvegavatā śareṇa | dvābhyāmavidhyatsubhṛśaṃ narendram

When the king had been brought to this pass, the great-souled Bhimasena swiftly cut the bow of the lord of the Madras with a speedy arrow, and pierced that king sharply with two more.

Verse 22 (9.16.22)

तथापरेणास्य जहार यन्तुः । कायाच्छिरः संहननीयमध्यात् । जघान चाश्वांश्चतुरः सुशीघ्रं । तथा भृशं कुपितो भीमसेनः ॥

tathāpareṇāsya jahāra yantuḥ | kāyācchiraḥ saṃhananīyamadhyāt | jaghāna cāśvāṃścaturaḥ suśīghraṃ | tathā bhṛśaṃ kupito bhīmasenaḥ

With another arrow he took the head of Shalya's charioteer from his body, from within its close-fitting armour; and Bhimasena, furious, quickly killed the four horses as well.

Verse 23 (9.16.23)

तमग्रणीः सर्वधनुर्धराणाम् । एकं चरन्तं समरेऽतिवेगम् । भीमः शतेन व्यकिरच्छराणां । माद्रीपुत्रः सहदेवस्तथैव ॥

tamagraṇīḥ sarvadhanurdharāṇām | ekaṃ carantaṃ samare'tivegam | bhīmaḥ śatena vyakiraccharāṇāṃ | mādrīputraḥ sahadevastathaiva

As Shalya ranged the battlefield alone with great speed, Bhima, foremost of all archers, covered him with a hundred arrows, and Sahadeva, the son of Madri, did likewise.

Note on the text: The page splits the sandhi across the line break (double hyphen): सर्वधनुर्धराणा-- / मेकं; written here as सर्वधनुर्धराणाम् at the end of line 1 and एकं at the start of line 2. CE 9.16.27.

Verse 24 (9.16.24)

तैः सायकैर्मोहितं वीक्ष्य शल्यं । भीमः शरैरस्य चकर्त वर्म । स भीमसेनेन निकृत्तवर्मा । मद्राधिपश्चर्म सहस्रतारम् ॥

taiḥ sāyakairmohitaṃ vīkṣya śalyaṃ | bhīmaḥ śarairasya cakarta varma | sa bhīmasenena nikṛttavarmā | madrādhipaścarma sahasratāram

Seeing Shalya bewildered by those arrows, Bhima cut through his armour with arrows; and the lord of the Madras, his armour cut away by Bhimasena, took up a shield spangled with a thousand stars,

Note on the text: CE 9.16.28; the critical edition also prints the alternative lines *0092 after 28b, which the page lacks.

Verse 25 (9.16.25)

प्रगृह्य खड्गं च रथान्महात्मा । प्रस्कन्द्य कुन्तीसुतमभ्यधावत् । छित्त्वा रथेषां नकुलस्य सोऽथ । युधिष्ठिरं भीमबलोऽभ्यधावत् ॥

pragṛhya khaḍgaṃ ca rathānmahātmā | praskandya kuntīsutamabhyadhāvat | chittvā ratheṣāṃ nakulasya so'tha | yudhiṣṭhiraṃ bhīmabalo'bhyadhāvat

and, grasping a sword as well, the great-souled one leapt down from his chariot and rushed at the son of Kunti; he of fearsome strength broke Nakula's chariot-pole as he went and ran on toward Yudhishthira.

Note on the text: Corrected खङ्गं → खड्गं (misprint in Wikisource; CE khaḍgaṃ). CE 9.16.29.

Verse 26 (9.16.26)

तं चापि राजानमथोत्पतन्तं । क्रुद्धं यथैवान्तकमापतन्तम् । धृष्टद्युम्नो द्रौपदेयाः शिखण्डी । शिनेश्च नप्ता सहसा परीयुः ॥

taṃ cāpi rājānamathotpatantaṃ | kruddhaṃ yathaivāntakamāpatantam | dhṛṣṭadyumno draupadeyāḥ śikhaṇḍī | śineśca naptā sahasā parīyuḥ

As that king sprang forward in fury, like Death himself swooping down, Dhrishtadyumna, the sons of Draupadi, Shikhandi, and the grandson of Shini suddenly surrounded him.

Verse 27 (9.16.27)

अथास्य चर्माप्रतिमं न्यकृन्तद् । भीमो महात्मा नवभिः पृषत्कैः । खड्गं च भल्लैर्निचकर्त मुष्टौ । नदन्प्रहृष्टस्तव सैन्यमध्ये ॥

athāsya carmāpratimaṃ nyakṛntad | bhīmo mahātmā navabhiḥ pṛṣatkaiḥ | khaḍgaṃ ca bhallairnicakarta muṣṭau | nadanprahṛṣṭastava sainyamadhye

Then the great-souled Bhima, with nine arrows, cut through his matchless shield, and with broad-headed arrows severed the sword in his fist, roaring in delight in the midst of your army.

Note on the text: Corrected खङ्गं → खड्गं (misprint in Wikisource; CE khaḍgaṃ). The page splits the sandhi across the line break (double hyphen): न्यकृन्त-- / द्भीमो; written here as न्यकृन्तद् at the end of line 1 and भीमो at the start of line 2. CE 9.16.31 (which reads "daśabhiḥ" for "नवभिः").

Verse 28 (9.16.28)

तत्कर्म भीमस्य समीक्ष्य हृष्टाः । ते पाण्डवानां प्रवरा रथौघाः । नादं च चक्रुर्भृशमुत्स्मयन्तः । शङ्खांश्च दध्मुः शशिसन्निकाशान् ॥

tatkarma bhīmasya samīkṣya hṛṣṭāḥ | te pāṇḍavānāṃ pravarā rathaughāḥ | nādaṃ ca cakrurbhṛśamutsmayantaḥ | śaṅkhāṃśca dadhmuḥ śaśisannikāśān

Seeing that deed of Bhima, the foremost chariot-hosts of the Pandavas rejoiced; smiling broadly, they raised a great shout and blew their conches, white as the moon.

Note on the text: The page splits the sandhi across the line break (double hyphen): हृष्टा-- / स्ते; written here as हृष्टाः at the end of line 1 and ते at the start of line 2. CE 9.16.32.

Verse 29 (9.16.29)

तेनाथ शब्देन विभीषणेन । तथाऽभितप्तं बलमप्रधृष्यम् । स्वेदाभिभूतं रुधिरोक्षिताङ्गं । विसञ्ज्ञकल्पं च तदा विषण्णम् ॥

tenātha śabdena vibhīṣaṇena | tathā'bhitaptaṃ balamapradhṛṣyam | svedābhibhūtaṃ rudhirokṣitāṅgaṃ | visañjñakalpaṃ ca tadā viṣaṇṇam

At that dreadful sound your army, invincible till then, was tormented, drenched with sweat, its limbs smeared with blood, and, all but senseless, sank into dejection.

Verse 30 (9.16.30)

स मद्रराजः सहसा विकीर्णो । भीमाग्रगैः पाण्डवयोधमुख्यैः । युधिष्ठिरस्याभिमुखं जवेन । सिंहो यथा मृगहेतोः प्रयातः ॥

sa madrarājaḥ sahasā vikīrṇo | bhīmāgragaiḥ pāṇḍavayodhamukhyaiḥ | yudhiṣṭhirasyābhimukhaṃ javena | siṃho yathā mṛgahetoḥ prayātaḥ

Suddenly beset by the foremost Pandava warriors with Bhima in the lead, the king of the Madras charged swiftly at Yudhishthira, like a lion going after its prey.

Verse 31 (9.16.31)

स धर्मराजो निहताश्वसूतः । क्रोधेन दीप्तो ज्वलनप्रकाशः । दृष्ट्वा च मद्राधिपतिं स्म तूर्णं । समभ्यधावत्तमरिं बलेन ॥

sa dharmarājo nihatāśvasūtaḥ | krodhena dīpto jvalanaprakāśaḥ | dṛṣṭvā ca madrādhipatiṃ sma tūrṇaṃ | samabhyadhāvattamariṃ balena

And Yudhishthira, his horses and charioteer slain, blazing with anger like a fire, saw the lord of the Madras and swiftly rushed with force upon that enemy.

Verse 32 (9.16.32)

गोविन्दवाक्यं त्वरितं विचिन्त्य । दध्रे मतिं शल्यविनाशनाय । स धर्मराजो निहताश्वसूतो । रथे तिष्ठञ्शक्तिमथान्वकर्षत् ॥

govindavākyaṃ tvaritaṃ vicintya | dadhre matiṃ śalyavināśanāya | sa dharmarājo nihatāśvasūto | rathe tiṣṭhañśaktimathānvakarṣat

Quickly recalling Govinda's words, he fixed his mind on the destruction of Shalya; and Yudhishthira, standing in his chariot whose horses and charioteer were slain, drew out a spear.

Verse 33 (9.16.33)

तच्चापि शल्यस्य निशाम्य कर्म । तमात्मनो भागमथावशिष्टम् । कृत्वा मनः शल्यवधे महात्मा । यथोक्तमिन्द्रावरजस्य चक्रे ॥

taccāpi śalyasya niśāmya karma | tamātmano bhāgamathāvaśiṣṭam | kṛtvā manaḥ śalyavadhe mahātmā | yathoktamindrāvarajasya cakre

Marking Shalya's deed, and that portion of his own task which still remained, the great-souled one set his mind on Shalya's slaying and acted as Indra's younger brother had told him.

Note on the text: Restored the lost letters: the page prints "तच्चxx" (xx for lost text); written तच्चापि (CE 9.16.37a: tac cāpi śalyasya niśamya karma). CE 9.16.37.

Verse 34 (9.16.34)

स धर्मराजो मणिहेमदण्डां । जग्राह शक्तिं कनकप्रकाशाम् । नेत्रे च दीप्ते सहसा विवृत्य । मद्राधिपं क्रुद्धमना निरैक्षत् ॥

sa dharmarājo maṇihemadaṇḍāṃ | jagrāha śaktiṃ kanakaprakāśām | netre ca dīpte sahasā vivṛtya | madrādhipaṃ kruddhamanā niraikṣat

Yudhishthira seized a spear with a shaft of jewels and gold, shining like gold; and suddenly opening his blazing eyes wide, he looked in anger at the lord of the Madras.

Verse 35 (9.16.35)

निरीक्षितो धर्मसुतेन राज्ञा । पूतात्मना निर्हृतकल्मषेण । आसीन्न यद्भस्मसान्मद्रराजः । तदद्भुतं मे प्रतिभाति राजन् ॥

nirīkṣito dharmasutena rājñā | pūtātmanā nirhṛtakalmaṣeṇa | āsīnna yadbhasmasānmadrarājaḥ | tadadbhutaṃ me pratibhāti rājan

Though the king of the Madras was looked upon by the son of Dharma, that pure-souled king free of every stain, he was not reduced to ashes; that seems to me a marvel, O king.

Note on the text: Corrected षूतात्मना → पूतात्मना (misprint in Wikisource; ष for प; CE pūtātmanā). The page splits the sandhi across the line break (double hyphen): मद्रराज-- / स्तदद्भुतं; written here as मद्रराजः at the end of line 3 and तदद्भुतं at the start of line 4. CE 9.16.39 (reads "naradeva rājñā" and "abhūn na").

Verse 36 (9.16.36)

ततस्तु शक्तिं रुचिरोग्रदण्डां । मणिप्रवेकोज्ज्वलितां प्रदीप्ताम् । चिक्षेप वेगात्सुभृशं महात्मा । मद्राधिपाय प्रवरः कुरूणाम् ॥

tatastu śaktiṃ rucirogradaṇḍāṃ | maṇipravekojjvalitāṃ pradīptām | cikṣepa vegātsubhṛśaṃ mahātmā | madrādhipāya pravaraḥ kurūṇām

Then the great-souled foremost of the Kurus hurled at the lord of the Madras, with great force, the blazing spear whose fearsome shaft was beautiful and which shone with the choicest jewels.

Note on the text: Corrected रचिरोग्रदण्डां → रुचिरोग्रदण्डां (misprint in Wikisource; a wrong vowel; CE rucirogradaṇḍāṃ). CE 9.16.40.

Verse 37 (9.16.37)

दीप्तामथैनां प्रहितां बलेन । सविस्फुलिङ्गां सहसापतन्तीम् । प्रैक्षन्त सर्वे कुरवः समेता । दिवो युगान्ते महतीमिवोल्काम् ॥

dīptāmathaināṃ prahitāṃ balena | savisphuliṅgāṃ sahasāpatantīm | praikṣanta sarve kuravaḥ sametā | divo yugānte mahatīmivolkām

All the assembled Kurus watched it as it fell suddenly, hurled with great force, blazing and shedding sparks, like a great meteor falling from the sky at the end of an age.

Verse 38 (9.16.38)

तां कालरात्रीमिव पाशहस्तां । यमस्य धात्रीमिव चोग्ररूपाम् । स ब्रह्मदण्डप्रतिमाममोघां । ससर्ज यत्तो युधि धर्मराजः ॥

tāṃ kālarātrīmiva pāśahastāṃ | yamasya dhātrīmiva cograrūpām | sa brahmadaṇḍapratimāmamoghāṃ | sasarja yatto yudhi dharmarājaḥ

Yudhishthira, intent, sent into the battle that unfailing spear, like Kalaratri, the night of doom, noose in hand, like Yama's own dread nurse, like the rod of Brahma.

Note on the text: Corrected प्रतिमाममोधां → प्रतिमाममोघां (misprint in Wikisource; ध for घ; CE amoghāṃ). CE 9.16.42.

Verse 39 (9.16.39)

गन्धस्रगग्र्यासनपानभोजनैः । अभ्यर्चितां पाण्डुसुतैः प्रयत्नात् । सांवर्तकाग्निप्रतिमां ज्वलन्तीं । कृत्यामथर्वाङ्गिरसीमिवोग्राम् ॥

gandhasragagryāsanapānabhojanaiḥ | abhyarcitāṃ pāṇḍusutaiḥ prayatnāt | sāṃvartakāgnipratimāṃ jvalantīṃ | kṛtyāmatharvāṅgirasīmivogrām

The sons of Pandu had carefully honoured it with perfumes, garlands, choice seats, drink and food; it blazed like the fire of universal destruction, fierce as a kritya conjured by the spells of the Atharvangirasas.

Note on the text: The page splits the sandhi across the line break (double hyphen): भोजनै-- / रभ्यर्चितां; written here as भोजनैः at the end of line 1 and अभ्यर्चितां at the start of line 2. CE 9.16.43.

Verse 40 (9.16.40)

ईशानहेतोः प्रतिनिर्मितां तां । त्वष्ट्रा रिपूणामसुदेहभक्ष्याम् । भूम्यन्तरिक्षद्युजलाश्रयाणि । प्रसह्य भूतानि निहन्तुमीशाम् ॥

īśānahetoḥ pratinirmitāṃ tāṃ | tvaṣṭrā ripūṇāmasudehabhakṣyām | bhūmyantarikṣadyujalāśrayāṇi | prasahya bhūtāni nihantumīśām

Tvashtri had fashioned it anew for Ishana's sake; it devoured the breath and bodies of foes, and was able to slay by force the creatures dwelling on earth, in the sky, in heaven and in the waters.

Verse 41 (9.16.41)

घण्टापताकां मणिवज्रभूषां । वैदूर्यचित्रां तपनीयदण्डाम् । त्वष्ट्रा प्रयत्नान्नियमेन क्लृप्तां । ब्रह्मद्विषामन्तकरीममोघाम् ॥

ghaṇṭāpatākāṃ maṇivajrabhūṣāṃ | vaidūryacitrāṃ tapanīyadaṇḍām | tvaṣṭrā prayatnānniyamena klṛptāṃ | brahmadviṣāmantakarīmamoghām

It bore bells and a banner, was adorned with gems and diamonds, variegated with cat's-eye stones, with a shaft of gold; Tvashtri had made it with care and strict discipline, the unfailing death of those who hate the brahmins.

Note on the text: Corrected ब्रह्मद्विषामन्तकरीममाघाम् → ब्रह्मद्विषामन्तकरीममोघाम् (misprint in Wikisource; a wrong vowel sign; CE antakarīm amoghām) and removed a stray zero-width joiner inside घण्टा. CE 9.16.45.

Verse 42 (9.16.42)

बलप्रयत्नादनिरोधवेगां । मन्त्रैश्च घोरैरपि पूरयित्वा । ससर्ज मार्गेण च तां खगानां । वधाय मद्राधिपतेस्तदानीम् ॥

balaprayatnādanirodhavegāṃ | mantraiśca ghorairapi pūrayitvā | sasarja mārgeṇa ca tāṃ khagānāṃ | vadhāya madrādhipatestadānīm

Giving it by the force of his effort a speed that nothing could check, and charging it with dread mantras as well, he sent it then along the path of the birds to slay the lord of the Madras.

Verse 43 (9.16.43)

हतो ह्यसावित्यभिगर्जमानो । रुद्रोऽन्धकायान्तकरं यथेषुम् । प्रसार्य बाहुं सुदृढं सुपाणिं । क्रोधेन नृत्यन्निव धर्मराजः ॥

hato hyasāvityabhigarjamāno | rudro'ndhakāyāntakaraṃ yatheṣum | prasārya bāhuṃ sudṛḍhaṃ supāṇiṃ | krodhena nṛtyanniva dharmarājaḥ

Roaring, "He is slain!", Yudhishthira stretched out his strong, fine-handed arm as if dancing in fury, like Rudra loosing the arrow that was the death of Andhaka.

Verse 44 (9.16.44)

स्फुरत्प्रभामण्डलिनोंऽशुजालैः । धर्मात्मनो मद्रविनाशकाले । पुरत्रयप्रोत्सरणे पुरस्तात् । माहेश्वरं रूपमभूत्तदानीम् ॥

sphuratprabhāmaṇḍalinoṃ'śujālaiḥ | dharmātmano madravināśakāle | puratrayaprotsaraṇe purastāt | māheśvaraṃ rūpamabhūttadānīm

At that time, when the Madra king was to be destroyed, the righteous-souled king, haloed by a flashing circle of light with its network of rays, took on the very form of Maheshvara as he stood before the Three Cities when he advanced against them.

Note on the text: Removed a stray wiki backtick. Supplied the avagraha lost in मण्डलिनोंशु → मण्डलिनोंऽशु (मण्डलिनः + अंशु). The page splits two sandhis across line breaks (double hyphens): जालैः / धर्मात्मनो and पुरस्तात् / माहेश्वरं are written here with the words separated at the line ends. Not in the critical edition's main text; it is CE star passage *0093 (printed after 9.16.47d), lines 01–04 (the CE reads "sphuratprabhāmaṇḍalam aṃśujālair dharmātmajo … puratrayaproddharaṇe").

Verse 45 (9.16.45)

आवर्तनाकुञ्चितबाहुदण्डः । सन्ध्याविहारी तनुवृत्तमध्यः । विशालवक्षा भगवान्हरो यथा । सुदुर्निरीक्ष्योऽभवदर्जुनाग्रजः ॥

āvartanākuñcitabāhudaṇḍaḥ | sandhyāvihārī tanuvṛttamadhyaḥ | viśālavakṣā bhagavānharo yathā | sudurnirīkṣyo'bhavadarjunāgrajaḥ

With his arm drawn back in a circling sweep, moving as in the twilight dance, slender-waisted and broad-chested like the Lord Hara, Arjuna's elder brother became almost impossible to look upon.

Note on the text: Removed a stray wiki apostrophe after अर्जुनाग्रजः. Not in the critical edition's main text; it is CE star passage *0093 (printed after 9.16.47d), lines 05–08.

Verse 46 (9.16.46)

तां सर्वशक्त्या प्रहितां सुशक्तिं । युधिष्ठिरेणाप्रतिवार्यवीर्याम् । प्रतिग्रहायाभिननन्द शल्यः । सम्यग्घुतामग्निरिवाज्यधाराम् ॥

tāṃ sarvaśaktyā prahitāṃ suśaktiṃ | yudhiṣṭhireṇāprativāryavīryām | pratigrahāyābhinananda śalyaḥ | samyagghutāmagnirivājyadhārām

That excellent spear, whose might none could turn aside, sent by Yudhishthira with all his strength, Shalya welcomed with delight, to receive it, as a fire receives a stream of ghee duly poured.

Verse 47 (9.16.47)

सा तस्य वर्माभिविदार्य शुभ्रम् । उरो विशालं च तथैव भित्त्वा । विवेश गां तोयमिवाप्रसक्ता । यशो विशालं नृपतेर्हरन्ती ॥

sā tasya varmābhividārya śubhram | uro viśālaṃ ca tathaiva bhittvā | viveśa gāṃ toyamivāprasaktā | yaśo viśālaṃ nṛpaterharantī

Tearing through his bright armour and likewise piercing his broad chest, it entered the earth like water, unchecked, taking away the great glory of the king.

Note on the text: The page splits the sandhi across the line break (double hyphen): शुभ्र-- / मुरो; written here as शुभ्रम् at the end of line 2 and उरो at the start of line 3. CE 9.16.49 (reads "marmāṇi vidārya … tathaiva varma … dahantī" where the page has "वर्माभिविदार्य … भित्त्वा … हरन्ती").

Verse 48 (9.16.48)

नासाक्षिकर्णास्यविनिःसृतेन । प्रस्यन्दता च व्रणसम्भवेन । संसिक्तगात्रो रुधिरेण सोऽभूत् । क्रौञ्चो यथा स्कन्दहतो महाद्रिः ॥

nāsākṣikarṇāsyaviniḥsṛtena | prasyandatā ca vraṇasambhavena | saṃsiktagātro rudhireṇa so'bhūt | krauñco yathā skandahato mahādriḥ

His body was drenched with the blood that streamed from his nose, eyes, ears and mouth and flowed from his wound, so that he looked like the great Krauncha mountain struck by Skanda.

Note on the text: Closed a stray space: विनिः सृतेन → विनिःसृतेन (CE viniḥsṛtena). The page splits the sandhi across the line break (double hyphen): सोऽभू-- / त्क्रौञ्चो; written here as सोऽभूत् at the end of line 3 and क्रौञ्चो at the start of line 4. CE 9.16.50.

Verse 49 (9.16.49)

प्रसार्य बाहू च रथाद्गतो गां । सञ्छिन्नवर्मा कुरुनन्दनेन । महेन्द्रवाहप्रतिमो महात्मा । वज्राहतं शृङ्गमिवाचलस्य ॥

prasārya bāhū ca rathādgato gāṃ | sañchinnavarmā kurunandanena | mahendravāhapratimo mahātmā | vajrāhataṃ śṛṅgamivācalasya

With his armour shattered by the delight of the Kurus, the great-souled one fell from his chariot to the ground with arms outstretched, like Mahendra's elephant, like a mountain peak struck by the thunderbolt.

Verse 50 (9.16.50)

ततो निपतितः सोऽभूदिन्द्रध्वज इवोच्छ्रितः । बाहू प्रसार्याभिमुखो धर्मराजस्य मद्रराट् । स तथा भिन्नसर्वाङ्गो रुधिरेण समुक्षितः ॥

tato nipatitaḥ so'bhūdindradhvaja ivocchritaḥ | bāhū prasāryābhimukho dharmarājasya madrarāṭ | sa tathā bhinnasarvāṅgo rudhireṇa samukṣitaḥ

Then the king of the Madras fell, like a lofty Indra-banner toppling, with arms outstretched, facing Yudhishthira, his whole body torn open and drenched in blood.

Note on the text: Three lines: line 1 is CE 9.16.52c, line 2 is CE 9.16.52a and line 3 is CE 9.16.53a (the page reorders them).

Verse 51 (9.16.51)

प्रत्युद्गत इव प्रेम्णा भूम्या स नरपुङ्गवः । प्रियया कान्तया कान्तः पतमान इवोरसि ॥

pratyudgata iva premṇā bhūmyā sa narapuṅgavaḥ | priyayā kāntayā kāntaḥ patamāna ivorasi

It seemed that the earth had risen in love to meet that bull among men, and that he was a lover falling upon the breast of his dear beloved.

Note on the text: Line 1 is CE 9.16.53c and line 2 is CE 9.16.54a.

Verse 52 (9.16.52)

चिरं भुक्त्वा वसुमतीं प्रियां कान्तामिव प्रभुः । सर्वैरङ्गैः समाश्लिष्य प्रसुप्त इव चाभवत् ॥

ciraṃ bhuktvā vasumatīṃ priyāṃ kāntāmiva prabhuḥ | sarvairaṅgaiḥ samāśliṣya prasupta iva cābhavat

Having long enjoyed the Earth as a lord enjoys a dear and beloved wife, he embraced her now with all his limbs and seemed to have fallen asleep.

Note on the text: Line 1 is CE 9.16.54c and line 2 is CE 9.16.54e.

Verse 53 (9.16.53)

धर्म्ये धर्मात्मना युद्धे निहतो धर्मसूनुना । सम्यक्स्फीत इवोत्सृष्टः प्रशान्तोऽग्निरिवाध्वरे ॥

dharmye dharmātmanā yuddhe nihato dharmasūnunā | samyaksphīta ivotsṛṣṭaḥ praśānto'gnirivādhvare

Slain in righteous battle by the righteous son of Dharma, he lay still, like a sacrificial fire that has been well fed, then left, and grown quiet.

Note on the text: Corrected युद्वे → युद्धे (misprint in Wikisource; ध written as द्व; CE yuddhe). CE 9.16.55 (which reads "samyag ghuta iva sviṣṭaḥ" for "सम्यक्स्फीत इवोत्सृष्टः").

Verse 54 (9.16.54)

शक्त्या विभिन्नहृदयं विप्रविद्धायुधध्वजम् । संशान्तमपि मद्रेशं लक्ष्मीर्नैव विमुञ्चति ॥

śaktyā vibhinnahṛdayaṃ vipraviddhāyudhadhvajam | saṃśāntamapi madreśaṃ lakṣmīrnaiva vimuñcati

Though he lay at rest, his heart split by the spear and his weapon and banner flung away, Lakshmi did not forsake the lord of the Madras.

Verse 55 (9.16.55)

ततो युधिष्ठिरश्चापमादायेन्द्रधनुष्प्रभम् । व्यधमद्द्विषतः सङ्ख्ये खगराडिव पन्नगान् । देहान्सुनिशितैर्भल्लै रिपूणां नाशयन्क्षणात् ॥

tato yudhiṣṭhiraścāpamādāyendradhanuṣprabham | vyadhamaddviṣataḥ saṅkhye khagarāḍiva pannagān | dehānsuniśitairbhallai ripūṇāṃ nāśayankṣaṇāt

Then Yudhishthira took up his bow, which gleamed like Indra's rainbow, and in battle scattered the enemy as the king of birds scatters serpents, destroying the bodies of his foes in an instant with keen broad-headed arrows.

Verse 56 (9.16.56)

ततः पार्थस्य बाणौघैरावृताः सैनिकास्तव । निमीलिताक्षाः क्षिण्वन्तो भृशमन्योन्यकर्शिताः । क्षरन्तो रुधिरं देहैर्विशस्त्रायुधजीविताः ॥

tataḥ pārthasya bāṇaughairāvṛtāḥ sainikāstava | nimīlitākṣāḥ kṣiṇvanto bhṛśamanyonyakarśitāḥ | kṣaranto rudhiraṃ dehairviśastrāyudhajīvitāḥ

Then your soldiers, covered by the torrents of Partha's arrows, with eyes shut, wasting away, cruelly tormenting one another, streaming blood from their bodies, were left without weapon and without life.

Note on the text: Corrected क्षिण्वन्ति → क्षिण्वन्तो (misprint in Wikisource; a finite verb has no place in this run of participles; CE kṣiṇvanto). CE 9.16.58.

Verse 57 (9.16.57)

ततः शल्ये निपतिते मद्रराजानुजो युवा । भ्रातुस्तुल्यो गुणैः सर्वै रथी पाण्डवमभ्ययात् ॥

tataḥ śalye nipatite madrarājānujo yuvā | bhrātustulyo guṇaiḥ sarvai rathī pāṇḍavamabhyayāt

Then, when Shalya had fallen, the young brother of the Madra king, equal to his brother in every virtue, a chariot-warrior, went against the Pandava.

Verse 58 (9.16.58)

विव्याध च नरश्रेष्ठो नाराचैर्बहुभिस्त्वरन् । हतस्यापचितिं भ्रातुश्चिकीर्षुर्युद्धदुर्मदः ॥

vivyādha ca naraśreṣṭho nārācairbahubhistvaran | hatasyāpacitiṃ bhrātuścikīrṣuryuddhadurmadaḥ

That best of men, hasty and maddened with battle-fury, wishing to avenge his slain brother, pierced him with many iron arrows.

Note on the text: Corrected चिकीषुर्युद्धदुर्मदः → चिकीर्षुर्युद्धदुर्मदः (misprint in Wikisource; a dropped र्; CE cikīrṣur). CE 9.16.60.

Verse 59 (9.16.59)

तं विव्याधाशुगैः षड्भिर्धर्मराजस्त्वरन्निव । कार्मुकं चास्य चिच्छेद क्षुराभ्यां ध्वजमेव च ॥

taṃ vivyādhāśugaiḥ ṣaḍbhirdharmarājastvaranniva | kārmukaṃ cāsya ciccheda kṣurābhyāṃ dhvajameva ca

Yudhishthira, as if in haste, pierced him with six swift arrows, and with two razor-headed arrows cut down his bow and his banner as well.

Note on the text: Cleaned षड्भिः: the page prints a nukta and a zero-width non-joiner inside it (ष़ड्‌भिः); removed both. CE 9.16.61.

Verse 60 (9.16.60)

ततोऽस्य दीप्यमानेन सुदृढेन शितेन च । प्रमुखे वर्तमानस्य भल्लेनापाहरच्छिरः ॥

tato'sya dīpyamānena sudṛḍhena śitena ca | pramukhe vartamānasya bhallenāpāharacchiraḥ

Then, with a blazing, strong, keen broad-headed arrow, he struck off the head of the man as he stood in front.

Note on the text: CE 9.16.62; the critical edition also prints the extra line *0095_01 ("śiraś ciccheda bāṇena bhallena nataparvaṇā") after it, which the page lacks.

Verse 61 (9.16.61)

सकुण्डलं तद्ददृशे पतमानं शिरो रथात् । पुण्यक्षयमनुप्राप्य पतन्स्वर्गादिव च्युतः ॥

sakuṇḍalaṃ taddadṛśe patamānaṃ śiro rathāt | puṇyakṣayamanuprāpya patansvargādiva cyutaḥ

That head, with its earrings, was seen falling from the chariot, like a dweller in heaven who falls when his merit is spent.

Verse 62 (9.16.62)

तस्यापकृत्तशीर्षं तु शरीरं पतितं रथात् । रुधिरेणावसिक्ताङ्गं दृष्ट्वा सैन्यमभज्यत ॥

tasyāpakṛttaśīrṣaṃ tu śarīraṃ patitaṃ rathāt | rudhireṇāvasiktāṅgaṃ dṛṣṭvā sainyamabhajyata

His headless body, its limbs soaked in blood, fell from the chariot as well, and at the sight the army broke.

Verse 63 (9.16.63)

विचित्रकवचे तस्मिन्हते मद्रनृपानुजे । हाहाकारं प्रकुर्वाणाः कुरवोऽभिप्रदुद्रुवुः ॥

vicitrakavace tasminhate madranṛpānuje | hāhākāraṃ prakurvāṇāḥ kuravo'bhipradudruvuḥ

When he of the splendid armour, the Madra king's younger brother, was slain, the Kurus raised cries of woe and fled.

Verse 64 (9.16.64)

शल्यानुजं हतं दृष्ट्वा तावकास्त्यक्तजीविताः । वित्रेसुः पाण्डवभयात्प्रविध्वस्तास्तदा भृशम् ॥

śalyānujaṃ hataṃ dṛṣṭvā tāvakāstyaktajīvitāḥ | vitresuḥ pāṇḍavabhayātpravidhvastāstadā bhṛśam

Seeing Shalya's younger brother slain, your men, who had given up hope of life, trembled in fear of the Pandavas and were thoroughly shattered.

Verse 65 (9.16.65)

तांस्तथा भज्यमानांस्तु कौरवान्भरतर्षभ । शिनेर्नप्ताऽकिरन्बाणैरभ्यवर्तत सात्यकिः ॥

tāṃstathā bhajyamānāṃstu kauravānbharatarṣabha | śinernaptā'kiranbāṇairabhyavartata sātyakiḥ

O best of the Bharatas, as the Kauravas were thus breaking and terrified, Satyaki, the grandson of Shini, bore down on them, scattering arrows.

Note on the text: CE 9.16.67; the critical edition also prints the extra line *0096_01 after 67b, which the page lacks.

Verse 66 (9.16.66)

तमायान्तं महेष्वासं दुष्प्रसह्यं दुरासदम् । हार्दिक्यस्त्वरितो राजन्प्रत्यगृह्णादभीतवत् ॥

tamāyāntaṃ maheṣvāsaṃ duṣprasahyaṃ durāsadam | hārdikyastvarito rājanpratyagṛhṇādabhītavat

As that great archer came on, hard to withstand and hard to approach, Hardikya, O king, quickly met him as though without fear.

Verse 67 (9.16.67)

तौ समेतौ महात्मानौ वार्ष्णेयौ वरवाजिनौ । हार्दिक्यः सात्यकिश्चैव सिंहाविव बलोत्कटौ ॥

tau sametau mahātmānau vārṣṇeyau varavājinau | hārdikyaḥ sātyakiścaiva siṃhāviva balotkaṭau

The two great-souled Vrishnis, Hardikya and Satyaki, with splendid horses, met like two lions fierce with strength.

Verse 68 (9.16.68)

इषुभिर्विमलाभासैश्छादयन्तौ परस्परम् । अर्चिर्भिरिव सूर्यस्य दिवाकरसमप्रभौ ॥

iṣubhirvimalābhāsaiśchādayantau parasparam | arcirbhiriva sūryasya divākarasamaprabhau

They covered each other with arrows of spotless brilliance, as if with the rays of the sun, each shining like the sun himself.

Verse 69 (9.16.69)

चापमार्गबलोद्धूतान्मार्गणान्वृष्णिसिंहयोः । आकाशगानपश्याम पतङ्गानिव शीघ्रगान् ॥

cāpamārgabaloddhūtānmārgaṇānvṛṣṇisiṃhayoḥ | ākāśagānapaśyāma pataṅgāniva śīghragān

We saw the arrows of those two lions of the Vrishnis, hurled by the force of the drawn bows, fly through the sky like swift birds.

Note on the text: Corrected चापमार्गबलोद्वूतान् → चापमार्गबलोद्धूतान् (misprint in Wikisource; ध written as द्व; CE baloddhūtān). CE 9.16.71 (reads "ākāśe samapaśyāma" for "आकाशगानपश्याम").

Verse 70 (9.16.70)

सात्यकिं दशभिर्विद्ध्वा हयांश्चास्य त्रिभिः शरैः । चापमेकेन चिच्छेद हार्दिक्यो नतपर्वणा ॥

sātyakiṃ daśabhirviddhvā hayāṃścāsya tribhiḥ śaraiḥ | cāpamekena ciccheda hārdikyo nataparvaṇā

Hardikya pierced Satyaki with ten arrows and his horses with three, and cut his bow with one smooth-jointed arrow.

Verse 71 (9.16.71)

तन्निकृत्तं धनुःश्रेष्ठमपास्य शिनिपुङ्गवः । अन्यदादत्त वेगेन धनुर्जलदनिःस्वनम् ॥

tannikṛttaṃ dhanuḥśreṣṭhamapāsya śinipuṅgavaḥ | anyadādatta vegena dhanurjaladaniḥsvanam

Casting aside that fine bow, now cut in two, the bull of the Shinis swiftly took up another, one that rang like thunder-clouds.

Verse 72 (9.16.72)

तदादाय धनुःश्रेष्ठं वरिष्ठः सर्वधन्विनाम् । हार्दिक्यं दशभिर्बाणैः प्रत्यविध्यत्स्तनान्तरे ॥

tadādāya dhanuḥśreṣṭhaṃ variṣṭhaḥ sarvadhanvinām | hārdikyaṃ daśabhirbāṇaiḥ pratyavidhyatstanāntare

Taking up that fine bow, he who was the best of all archers pierced Hardikya in return with ten arrows in the chest.

Verse 73 (9.16.73)

ततो युगं रथेषां च च्छित्त्वा भल्लैः सुसंयतैः । अश्वांस्तस्यावधीत्तूर्णमुभौ च पार्ष्णिसारथी ॥

tato yugaṃ ratheṣāṃ ca cchittvā bhallaiḥ susaṃyataiḥ | aśvāṃstasyāvadhīttūrṇamubhau ca pārṣṇisārathī

Then with well-aimed broad-headed arrows he cut through the yoke and the pole, and quickly killed his horses and both his rear charioteers.

Verse 74 (9.16.74)

हार्दिक्यं विरथं दृष्ट्वा कृपः शारद्वतः प्रभो । अपोवाह ततः क्षिप्रं रथमारोप्य वीर्यवान् ॥

hārdikyaṃ virathaṃ dṛṣṭvā kṛpaḥ śāradvataḥ prabho | apovāha tataḥ kṣipraṃ rathamāropya vīryavān

Seeing Hardikya without a chariot, O lord, the mighty Kripa, son of Sharadvat, quickly lifted him onto his own chariot and carried him away.

Note on the text: Not in the critical edition's main text; it is CE star passage *0097 (printed after 9.16.75d), lines 01–02.

Verse 75 (9.16.75)

मद्रराजे हते राजन्विरथे कृतवर्मणि । दुर्योधनबलं सर्वं पुनरासीत्पराङ्मुखम् ॥

madrarāje hate rājanvirathe kṛtavarmaṇi | duryodhanabalaṃ sarvaṃ punarāsītparāṅmukham

With the Madra king slain, O king, and Kritavarma left without a chariot, all Duryodhana's host turned away once more.

Verse 76 (9.16.76)

स्व परे नान्वबुध्यन्त सैन्येन रजसा वृते । बलं तु हतभूयिष्ठं त्रस्तमासीत्पराङ्मुखम् ॥

sva pare nānvabudhyanta sainyena rajasā vṛte | balaṃ tu hatabhūyiṣṭhaṃ trastamāsītparāṅmukham

Shrouded in the dust of the army, they could not tell their own men from the foe; the force, mostly slain and terrified, had turned its back.

Verse 77 (9.16.77)

ततो मुहूर्तात्तेऽपश्यन्रजो भौमं समुत्थितम् । विविधैः शोणितस्रावैः प्रशान्तं पुरुषर्षभ ॥

tato muhūrtātte'paśyanrajo bhaumaṃ samutthitam | vividhaiḥ śoṇitasrāvaiḥ praśāntaṃ puruṣarṣabha

After a short while they saw that the dust risen from the earth had been laid by many streams of blood, O best of men.

Note on the text: CE 9.16.78; the critical edition also prints the extra line *0098_01 after 78d, which the page lacks.

Verse 78 (9.16.78)

ततो दुर्योधनो दृष्ट्वा भग्नं स्वबलमन्तिकात् । जवेनापततः पार्थानेकः सर्वानवारयत् ॥

tato duryodhano dṛṣṭvā bhagnaṃ svabalamantikāt | javenāpatataḥ pārthānekaḥ sarvānavārayat

Then Duryodhana, seeing his own army broken close by, alone checked all the Parthas as they rushed up swiftly.

Verse 79 (9.16.79)

पाण्डवान्सरथान्दृष्ट्वा धृष्टद्युम्नं च पार्षतम् । आनर्त्तं च दुराधर्षं शितैर्बाणैरवारयत् ॥

pāṇḍavānsarathāndṛṣṭvā dhṛṣṭadyumnaṃ ca pārṣatam | ānarttaṃ ca durādharṣaṃ śitairbāṇairavārayat

Seeing the Pandavas with their chariots, and Dhrishtadyumna the Prishata, and the unassailable Anarta, he checked them with sharp arrows.

Verse 80 (9.16.80)

तं परे नाभ्यवर्तन्त मर्त्या मृत्युमिवागतम् । अथान्यं रथमास्थाय हार्दिक्योऽपि न्यवर्तत ॥

taṃ pare nābhyavartanta martyā mṛtyumivāgatam | athānyaṃ rathamāsthāya hārdikyo'pi nyavartata

Just as mortals cannot face Death when he comes, so the enemy could not face him; and Hardikya too, mounting another chariot, turned back.

Note on the text: CE 9.16.81; the critical edition also prints the extra line *0099_01 after 81d, which the page lacks.

Verse 81 (9.16.81)

ततो युधिष्ठिरो राजा त्वरमाणो महारथः । चतुर्भिर्निजघानाश्वान्पत्रिभिः कृतवर्मणः । विव्याध गौतमं चापि षड्भिर्भल्लैः सुतेजनैः ॥

tato yudhiṣṭhiro rājā tvaramāṇo mahārathaḥ | caturbhirnijaghānāśvānpatribhiḥ kṛtavarmaṇaḥ | vivyādha gautamaṃ cāpi ṣaḍbhirbhallaiḥ sutejanaiḥ

Then King Yudhishthira, the great chariot-warrior, hastening, killed Kritavarma's horses with four arrows and also pierced Gautama with six well-whetted broad-headed arrows.

Note on the text: Cleaned षड्भिः: the page prints a nukta and a zero-width non-joiner inside it (ष़ड्‌भिः); removed both. CE 9.16.82.

Verse 82 (9.16.82)

अश्वत्थामा ततो राज्ञा हताश्वं विरथीकृतम् । तमपोवाह हार्दिक्यं स्वरथेन युधिष्ठिरात् ॥

aśvatthāmā tato rājñā hatāśvaṃ virathīkṛtam | tamapovāha hārdikyaṃ svarathena yudhiṣṭhirāt

Then Ashvatthama carried Hardikya away from Yudhishthira in his own chariot, Hardikya whose horses the king had slain and whom he had left without a chariot.

Note on the text: Corrected अश्वत्थामाः → अश्वत्थामा (misprint in Wikisource; a stray visarga; CE aśvatthāmā). CE 9.16.83.

Verse 83 (9.16.83)

ततः शारद्वतः षड्भिः प्रत्यविध्यद्युधिष्ठिरम् । विव्याध चाश्वान्निशितैस्तस्याष्टाभिः शिलीमुखैः ॥

tataḥ śāradvataḥ ṣaḍbhiḥ pratyavidhyadyudhiṣṭhiram | vivyādha cāśvānniśitaistasyāṣṭābhiḥ śilīmukhaiḥ

Then Sharadvata pierced Yudhishthira in return with six arrows, and pierced his horses with eight sharp arrows.

Verse 84 (9.16.84)

एवमेतन्महाराज युद्धशेषमवर्तत । तव दुर्मन्त्रिते राजन्सहपुत्रस्य भारत ॥

evametanmahārāja yuddhaśeṣamavartata | tava durmantrite rājansahaputrasya bhārata

Thus, great king, did the rest of the battle go on, through the ill counsel of you and of your son, O king, O Bharata.

Verse 85 (9.16.85)

तस्मिन्महेष्वासधरे विशस्ते । सङ्ग्राममध्ये कुरुपुङ्गवेन । पार्थाः समेताः परमप्रहृष्टाः । शङ्खान्प्रदध्मुर्हतमीक्ष्य शल्यम् ॥

tasminmaheṣvāsadhare viśaste | saṅgrāmamadhye kurupuṅgavena | pārthāḥ sametāḥ paramaprahṛṣṭāḥ | śaṅkhānpradadhmurhatamīkṣya śalyam

When that great bowman had been slain in the midst of the battle by the bull of the Kurus, the Parthas gathered, greatly overjoyed, and blew their conches, seeing Shalya dead.

Verse 86 (9.16.86)

युधिष्ठिरं च प्रशशंसुराजौ । पुरा सुरा वृत्रवधे यथेन्द्रम् । चक्रुश्च नानाविधवाद्यशब्दान् । निनादयन्तो वसुधां समन्तात् ॥

yudhiṣṭhiraṃ ca praśaśaṃsurājau | purā surā vṛtravadhe yathendram | cakruśca nānāvidhavādyaśabdān | ninādayanto vasudhāṃ samantāt

And they praised Yudhishthira in the battle, as the gods of old praised Indra at the slaying of Vritra, and made the sounds of instruments of many kinds, making the earth resound on every side.

Note on the text: The page splits the sandhi across the line break (double hyphen): नानाविधवाद्यशब्दा-- / न्निनादयन्तो; written here as वाद्यशब्दान् at the end of line 3 and निनादयन्तो at the start of line 4. CE 9.16.87.