The Kaurava Rout and the Elephant Host

Verse 1 (9.24.1)

युध्यतां यतमानानां शूराणामनिवर्तिनाम् । सङ्कल्पमकरोन्मोघं गाण्डीवेन धनञ्जयः ॥

yudhyatāṃ yatamānānāṃ śūrāṇāmanivartinām | saṅkalpamakaronmoghaṃ gāṇḍīvena dhanañjayaḥ

With Gandiva, Arjuna made vain the resolve of the heroes who fought and strove and would not turn back.

Note on the text: Corrected अनिवर्तनाम् → अनिवर्तिनाम् (misprint in Wikisource; the genitive plural of अनिवर्तिन् is needed to agree with शूराणाम्, the critical edition reads anivartinām). Line 1 otherwise differs from CE 9.24.1a (asyatāṃ for yudhyatāṃ), a recension variant, kept.

Verse 2 (9.24.2)

इन्द्राशनिसमस्पर्शानविषह्यान्महौजसः । विसृजन्दृश्यते बाणान्धारा मुञ्चन्निवाम्बुदः ॥

indrāśanisamasparśānaviṣahyānmahaujasaḥ | visṛjandṛśyate bāṇāndhārā muñcannivāmbudaḥ

He was seen loosing arrows that struck like Indra's thunderbolt, irresistible and of great force, like a cloud pouring streams of rain.

Verse 3 (9.24.3)

तत्सैन्यं भरतश्रेष्ठ वध्यमानं किरीटिना । सम्प्रदुद्राव सङ्ग्रामात्तव पुत्रस्य पश्यतः ॥

tatsainyaṃ bharataśreṣṭha vadhyamānaṃ kirīṭinā | sampradudrāva saṅgrāmāttava putrasya paśyataḥ

That army, O best of the Bharatas, struck down by the diadem-wearer, fled from the battle while your son looked on,

Verse 4 (9.24.4)

पितॄन्भ्रातॄन्परित्यज्य वयस्यानपि चापरे ॥

pitṝnbhrātṝnparityajya vayasyānapi cāpare

abandoning fathers and brothers, and others even friends.

Note on the text: A one-line verse on the page (9-24-4a only). Not in the critical edition's constituted text (found in the vulgate recension); the critical edition records the line in its apparatus as the star passage 9.24.3d*0138_01. The commentary gloss printed after the colophon (on 9-24-4) is not part of the text.

Verse 5 (9.24.5)

हतधुर्या रथाः केचिद्धतसूतास्तथा परे । भग्नाक्षयुगचक्रेषाः केचिदासन्विशाम्पते ॥

hatadhuryā rathāḥ keciddhatasūtāstathā pare | bhagnākṣayugacakreṣāḥ kecidāsanviśāmpate

Some chariots had lost their yoke-bearers, and others their charioteers; some, O lord of the people, had axle, yoke, wheels and pole all broken.

Verse 6 (9.24.6)

अन्येषां सायकाः क्षीणास्तथाऽन्ये बाणपीडिताः । अक्षता युगपत्केचित्प्राद्रवन्भयपीडिताः ॥

anyeṣāṃ sāyakāḥ kṣīṇāstathā'nye bāṇapīḍitāḥ | akṣatā yugapatkecitprādravanbhayapīḍitāḥ

Some had their arrows spent, others were tormented by arrows; some, unwounded, fled together in terror.

Verse 7 (9.24.7)

केचित्पुत्रानुपादाय हतभूयिष्ठबान्धवाः । विचुक्रुशुः पितॄंस्त्वन्ये सहायानपरे पुनः ॥

kecitputrānupādāya hatabhūyiṣṭhabāndhavāḥ | vicukruśuḥ pitṝṃstvanye sahāyānapare punaḥ

Some, with most of their kinsmen slain, took up their sons and wailed; others cried out for their fathers, and still others for their comrades.

Verse 8 (9.24.8)

बान्धवांश्च नरव्याघ्र भ्रातॄन्सम्बन्धिनस्तथा । दुद्रुवुः केचिदुत्सृज्य तत्रतत्र विशाम्पते ॥

bāndhavāṃśca naravyāghra bhrātṝnsambandhinastathā | dudruvuḥ kecidutsṛjya tatratatra viśāmpate

Some, O tiger among men, left kinsmen, brothers and relatives by marriage behind here and there and fled, O lord of the people.

Verse 9 (9.24.9)

बहवोऽत्र भृशं विद्धा मुह्यमाना महारथाः । निःश्वसन्ति स्म दृश्यन्ते पार्थबाणहता नराः ॥

bahavo'tra bhṛśaṃ viddhā muhyamānā mahārathāḥ | niḥśvasanti sma dṛśyante pārthabāṇahatā narāḥ

Many great chariot-warriors here, deeply pierced and fainting, were seen gasping, men struck down by Partha's arrows.

Verse 10 (9.24.10)

तानन्ये रथमारोप्य ह्याश्वास्य च मुहूर्तकम् । विश्रान्ताश्च वितृष्णाश्च पुनर्युद्धाय जग्मिरे ॥

tānanye rathamāropya hyāśvāsya ca muhūrtakam | viśrāntāśca vitṛṣṇāśca punaryuddhāya jagmire

Others lifted them into chariots and comforted them for a moment, and, rested and free of thirst, they went back to the battle.

Verse 11 (9.24.11)

तानपास्य गताः केचित्पुनरेव युयुत्सवः । कुर्वन्तस्तव पुत्रस्य शासनं युद्धदुर्मदाः ॥

tānapāsya gatāḥ kecitpunareva yuyutsavaḥ | kurvantastava putrasya śāsanaṃ yuddhadurmadāḥ

Some, eager to fight again, left them behind and went, obeying your son's command, mad with the passion of battle.

Verse 12 (9.24.12)

पानीयमपरे पीत्वा पर्याश्वास्य च वाहनम् । वर्माणि च समारोप्य केचिद्भरतसत्तम ॥

pānīyamapare pītvā paryāśvāsya ca vāhanam | varmāṇi ca samāropya kecidbharatasattama

Others drank water and refreshed their mounts, and some, O best of the Bharatas, put on their armour again,

Verse 13 (9.24.13)

समाश्वास्यापरे भ्रातॄन्निक्षिप्य शिबिरेऽपि च । पुत्रानन्ये पितॄनन्ये पुनर्युद्धमरोचयन् ॥

samāśvāsyāpare bhrātṝnnikṣipya śibire'pi ca | putrānanye pitṝnanye punaryuddhamarocayan

and others, after comforting their brothers and leaving them in the camp, some leaving sons and some fathers, chose battle once more.

Verse 14 (9.24.14)

सज्जयित्वा रथान्केचिद्यथामुख्यं विशाम्पते । आवृत्य पाण्डवानीकं पुनर्युद्धमरोचयन् ॥

sajjayitvā rathānkecidyathāmukhyaṃ viśāmpate | āvṛtya pāṇḍavānīkaṃ punaryuddhamarocayan

Some, O lord of the people, readied their chariots in proper order and surrounded the Pandava host, choosing battle once more.

Verse 15 (9.24.15)

ते शूराः किङ्किणीजालैः समाच्छन्ना बभासिरे । त्रैलोक्यविजये युक्ता यथा दैतेयदानवाः ॥

te śūrāḥ kiṅkiṇījālaiḥ samācchannā babhāsire | trailokyavijaye yuktā yathā daiteyadānavāḥ

Those heroes, covered with nets of little bells, shone like the Daityas and Danavas set on conquering the three worlds.

Verse 16 (9.24.16)

आगम्य सहसा केचिद्रथैः स्वर्णविभूषितैः । पाण्डवानामनीकेषु धृष्टद्युम्नमयोधयन् ॥

āgamya sahasā kecidrathaiḥ svarṇavibhūṣitaiḥ | pāṇḍavānāmanīkeṣu dhṛṣṭadyumnamayodhayan

Some, coming suddenly in golden-adorned chariots, fought Dhrishtadyumna in the ranks of the Pandavas.

Verse 17 (9.24.17)

धृष्टद्युम्नोऽपि पाञ्चाल्यः शिखण्डी च महारथः । नाकुलिस्तु शतानीको रथानीकमयोधयन् ॥

dhṛṣṭadyumno'pi pāñcālyaḥ śikhaṇḍī ca mahārathaḥ | nākulistu śatānīko rathānīkamayodhayan

Dhrishtadyumna the Panchala, the great chariot-warrior Shikhandi, and Shatanika, son of Nakula, fought the chariot host.

Verse 18 (9.24.18)

पाञ्चाल्यस्तु ततः क्रुद्धः सैन्येन महता वृतः । अभ्यद्रवत्सुसङ्क्रुद्धस्तावकान्हन्तुमुद्यतः ॥

pāñcālyastu tataḥ kruddhaḥ sainyena mahatā vṛtaḥ | abhyadravatsusaṅkruddhastāvakānhantumudyataḥ

Then the Panchala, enraged and surrounded by a great army, charged in fury, bent on slaying your men.

Verse 19 (9.24.19)

ततस्त्वापततस्तस्य तव पुत्रो जनाधिप । बाणसङ्घाननेकान्वै प्रेषयामास भारत ॥

tatastvāpatatastasya tava putro janādhipa | bāṇasaṅghānanekānvai preṣayāmāsa bhārata

As he came on, your son, O lord of the people, sent many volleys of arrows against him, O Bharata.

Verse 20 (9.24.20)

धृष्टद्युम्नस्ततो राजंस्तव पुत्रेण धन्विना । नाराचैरर्धनाराचैर्बहुभिः क्षिप्रकारिभिः ॥

dhṛṣṭadyumnastato rājaṃstava putreṇa dhanvinā | nārācairardhanārācairbahubhiḥ kṣiprakāribhiḥ

Then, O king, your son, that archer, struck Dhrishtadyumna with many swift-flying iron arrows and half-iron arrows,

Note on the text: Line 1 = CE 9.24.19a; line 2 = the star passage 9.24.19c*0141_01 (a variant of CE 19c), not in the CE's constituted text (found in the vulgate recension).

Verse 21 (9.24.21)

वत्सदन्तैश्च बाणैश्च कर्मारपरिमार्जितैः । अश्वांश्च चतुरो हत्वा बाह्वोरुरसि चार्पितः ॥

vatsadantaiśca bāṇaiśca karmāraparimārjitaiḥ | aśvāṃśca caturo hatvā bāhvorurasi cārpitaḥ

and with calf-tooth arrows polished by the smith; he killed his four horses and pierced him in both arms and in the chest.

Note on the text: Line 1 = the star passage 9.24.19d*0142_01, not in the critical edition's constituted text (found in the vulgate recension); line 2 = star 9.24.19d*0142_02 (aśvāṃś ca caturo hatvā) joined to the end of CE 9.24.19c (bāhvor urasi cārpitaḥ).

Verse 22 (9.24.22)

सोऽतिविद्धो महेष्वासस्तोत्रार्दित इव द्विपः । तस्याश्वांश्चतुरो बाणैः प्रेषयामास मृत्यवे । सारथेश्चास्य भल्लेन शिरः कायादपाहरत् ॥

so'tividdho maheṣvāsastotrārdita iva dvipaḥ | tasyāśvāṃścaturo bāṇaiḥ preṣayāmāsa mṛtyave | sāratheścāsya bhallena śiraḥ kāyādapāharat

Deeply wounded, that great archer, like an elephant stung by the goad, sent Duryodhana's four horses to their death with his arrows, and with a broad-headed arrow struck the charioteer's head from his body.

Verse 23 (9.24.23)

ततो दुर्योधनो राजा पृष्ठमारुह्य वाजिनः । अपाक्रामद्वतरथो नातिदूरमरिन्दमः ॥

tato duryodhano rājā pṛṣṭhamāruhya vājinaḥ | apākrāmadvataratho nātidūramarindamaḥ

Then King Duryodhana, his chariot lost, mounted a horse's back and withdrew, not far off, that tormentor of foes.

Verse 24 (9.24.24)

दृष्ट्वा तु हतविक्रान्तं स्वमनीकं महाबलः । तव पुत्रो महाराज प्रययौ यत्र सौबलः ॥

dṛṣṭvā tu hatavikrāntaṃ svamanīkaṃ mahābalaḥ | tava putro mahārāja prayayau yatra saubalaḥ

Seeing his own army robbed of its valour, your son, O great king, mighty in strength, went to where Saubala was.

Note on the text: Corrected दृष्टा → दृष्ट्वा (misprint in Wikisource; a broken conjunct, the absolutive is दृष्ट्वा; the critical edition reads dṛṣṭvā).

Verse 25 (9.24.25)

ततो रथेषु भग्नेषु त्रिसाहस्रा महाद्विपाः । पाण्डवान्रथिनः सर्वान्समन्तात्पर्यवारयन् ॥

tato ratheṣu bhagneṣu trisāhasrā mahādvipāḥ | pāṇḍavānrathinaḥ sarvānsamantātparyavārayan

Then, when the chariots were broken, three thousand great elephants surrounded all the Pandava chariot-warriors on every side.

Verse 26 (9.24.26)

ते वृताः समरे पञ्च गजानीकेन भारत । अशोभन्त महाराज ग्रहास्तारागणैरिव ॥

te vṛtāḥ samare pañca gajānīkena bhārata | aśobhanta mahārāja grahāstārāgaṇairiva

Surrounded in the battle by the elephant host, O Bharata, those five shone, O great king, like planets amid hosts of stars.

Verse 27 (9.24.27)

ततोऽर्जुनो महाराज लब्धलक्षो महाभुजः । विनिर्ययौ रथेनैव श्वेताश्वः कृष्णसारथिः ॥

tato'rjuno mahārāja labdhalakṣo mahābhujaḥ | viniryayau rathenaiva śvetāśvaḥ kṛṣṇasārathiḥ

Then Arjuna, O great king, mighty-armed, his aim found, came out in his chariot, with white horses and Krishna as charioteer.

Note on the text: Corrected लब्धलक्षौ → लब्धलक्षो (misprint in Wikisource; the dual ending does not fit the singular Arjuna, the critical edition reads labdhalakṣo).

Verse 28 (9.24.28)

तैः समन्तात्परिवृतः कुञ्जरैः पर्वतोपमैः । नाराचैर्विमलैस्तीक्ष्णैर्गजानीकमयोधयत् ॥

taiḥ samantātparivṛtaḥ kuñjaraiḥ parvatopamaiḥ | nārācairvimalaistīkṣṇairgajānīkamayodhayat

Surrounded on every side by those elephants, like mountains, he fought the elephant host with bright, keen iron arrows.

Verse 29 (9.24.29)

तत्रैकबाणनिहतानपश्याम महागजान् । पतितान्पात्यमानांश्च निर्भिन्नान्सव्यसाचिना ॥

tatraikabāṇanihatānapaśyāma mahāgajān | patitānpātyamānāṃśca nirbhinnānsavyasācinā

There we saw great elephants slain by a single arrow each, some fallen and some being felled, split open by Savyasachin.

Verse 30 (9.24.30)

भीमसेनस्तु तान्दृष्ट्वा नागान्मत्तगजोपमः । करेणादाय महतीं गदामभ्यपतद्बली । अथाप्लुत्य रथात्तूर्णं दण्डपाणिरिवान्तकः ॥

bhīmasenastu tāndṛṣṭvā nāgānmattagajopamaḥ | kareṇādāya mahatīṃ gadāmabhyapatadbalī | athāplutya rathāttūrṇaṃ daṇḍapāṇirivāntakaḥ

Bhimasena, like a rutting elephant, seeing those elephants, took up a great mace in his hand and charged them, the strong one, springing down at once from his chariot like Death with rod in hand.

Verse 31 (9.24.31)

तमुद्यतगदं दृष्ट्वा पाण्डवानां महारथम् । वित्रेसुस्तावकाः सैन्याः शकृन्मूत्रं च सुस्रुवुः ॥

tamudyatagadaṃ dṛṣṭvā pāṇḍavānāṃ mahāratham | vitresustāvakāḥ sainyāḥ śakṛnmūtraṃ ca susruvuḥ

Seeing that great chariot-warrior of the Pandavas with mace upraised, your troops trembled and let fall their dung and urine.

Note on the text: Lines = CE 9.24.29a and 9.24.29c (Wikisource divides the CE's three-line verse into a couplet and a one-line verse).

Verse 32 (9.24.32)

आविग्नं च बलं सर्वं गदाहस्ते वृकोदरे ॥

āvignaṃ ca balaṃ sarvaṃ gadāhaste vṛkodare

The whole army was shaken as Vrikodara stood with mace in hand.

Note on the text: A one-line verse on the page (9-24-32a only). The line is CE 9.24.29e, the last line of the three-line CE verse whose first two lines are the previous Wikisource verse; nothing is lost.

Verse 33 (9.24.33)

गदया भीमसेनेन भिन्नकुम्भान्निपातितान् । धावमानानपश्याम कुञ्जरान्पर्वतोपमान् ॥

gadayā bhīmasenena bhinnakumbhānnipātitān | dhāvamānānapaśyāma kuñjarānparvatopamān

We saw elephants like mountains, their temples split open by Bhimasena's mace, falling, and others running.

Verse 34 (9.24.34)

प्राद्रवन्कुञ्जरास्ते तु भीमसेनगदाहताः । पेतुरार्तस्वरं कृत्वा छिन्नपक्षा इवाद्रयः ॥

prādravankuñjarāste tu bhīmasenagadāhatāḥ | peturārtasvaraṃ kṛtvā chinnapakṣā ivādrayaḥ

Those elephants, struck by Bhimasena's mace, rushed about and fell with a cry of anguish, like mountains with their wings clipped.

Verse 35 (9.24.35)

प्रभिन्नकुम्भांस्तु बहून्द्रवमाणानितस्ततः । पतमानांश्च सम्प्रेक्ष्य वित्रेसुस्तव सैनिकाः ॥

prabhinnakumbhāṃstu bahūndravamāṇānitastataḥ | patamānāṃśca samprekṣya vitresustava sainikāḥ

Seeing many elephants with split temples, running here and there and falling, your soldiers trembled.

Verse 36 (9.24.36)

युधिष्ठिरोऽपि सङ्क्रुद्धो माद्रीपुत्रौ च पाण्डवौ । गार्ध्रपत्रैः शितैर्बाणैर्जघ्नुर्वै गजयोधिनः ॥

yudhiṣṭhiro'pi saṅkruddho mādrīputrau ca pāṇḍavau | gārdhrapatraiḥ śitairbāṇairjaghnurvai gajayodhinaḥ

Yudhishthira too, in anger, and the two sons of Madri, the Pandavas, slew the elephant-warriors with sharp arrows fledged with vulture feathers.

Verse 37 (9.24.37)

धृष्टद्युम्नस्तु समरे पराजित्य नराधिपम् । अपक्रान्ते तव सुते हयपृष्ठे समाश्रिते ॥

dhṛṣṭadyumnastu samare parājitya narādhipam | apakrānte tava sute hayapṛṣṭhe samāśrite

Dhrishtadyumna, having defeated the king in the battle, when your son had withdrawn and taken to horseback,

Note on the text: Corrected पारजित्य → पराजित्य (misprint in Wikisource; the absolutive is पराजित्य, as the critical edition reads parājitya).

Verse 38 (9.24.38)

दृष्ट्वा च पाण्डवान्सर्वान्कुञ्जरैः परिवारितान् । धृष्टद्युम्नो महाराज सहसा समुपाद्रवत् ॥

dṛṣṭvā ca pāṇḍavānsarvānkuñjaraiḥ parivāritān | dhṛṣṭadyumno mahārāja sahasā samupādravat

and seeing all the Pandavas surrounded by elephants, rushed upon them suddenly, O great king.

Note on the text: Lines = CE 9.24.35a and 9.24.35c (the second line reads sahasā samupādravat where the CE has saha sarvaiḥ prabhadrakaiḥ, a recension variant, kept). Corrected कुञ्चरैः → कुञ्जरैः (misprint in Wikisource; च for ज, the critical edition reads kuñjaraiḥ).

Verse 39 (9.24.39)

पुत्रः पाञ्चालराजस्य जिघांसुः कुञ्जरान्ययौ । अदृष्ट्वा तु रथानीके दुर्योधनमरिन्दमम् ॥

putraḥ pāñcālarājasya jighāṃsuḥ kuñjarānyayau | adṛṣṭvā tu rathānīke duryodhanamarindamam

The son of the Panchala king went against the elephants, eager to slay them. And not seeing Duryodhana, tamer of foes, in the chariot host,

Note on the text: Lines = CE 9.24.35e and 9.24.36a.

Verse 40 (9.24.40)

अश्वत्थामा कृपश्चैव कृतवर्मा च सात्वतः । अपृच्छन्क्षत्रियांस्तत्र क्व नु दुर्योधनो गतः ॥

aśvatthāmā kṛpaścaiva kṛtavarmā ca sātvataḥ | apṛcchankṣatriyāṃstatra kva nu duryodhano gataḥ

Ashvatthama, Kripa and Kritavarma the Satvata asked the kshatriyas there, "Where has Duryodhana gone?"

Note on the text: Lines = CE 9.24.36c and 9.24.36e.

Verse 41 (9.24.41)

तेऽपश्यमाना राजानं वर्तमाने जनक्षये । मन्वाना निहतं तत्र तव पुत्रं महारथाः । विवर्णवदना भूत्वा पर्यपृच्छन्त ते सुतम् ॥

te'paśyamānā rājānaṃ vartamāne janakṣaye | manvānā nihataṃ tatra tava putraṃ mahārathāḥ | vivarṇavadanā bhūtvā paryapṛcchanta te sutam

Not seeing the king while the slaughter of men went on, and thinking your son slain, those great chariot-warriors, their faces pale, asked after your son.

Verse 42 (9.24.42)

आहुः केचिद्वते सूते प्रयातो यत्र सौबलः । हित्वा पाञ्चालराजस्य तदनीकं दुरुत्सहम् ॥

āhuḥ kecidvate sūte prayāto yatra saubalaḥ | hitvā pāñcālarājasya tadanīkaṃ durutsaham

Some said that with his charioteer slain he had gone to where Saubala was, leaving behind the irresistible host of the Panchala king.

Note on the text: Line 1 = CE 9.24.38a; line 2 = CE 9.24.42c (hitvā pāñcālarājasya tad anīkaṃ durutsaham), which Wikisource also repeats, with bhittvā, in verse 46.

Verse 43 (9.24.43)

अपरे त्वब्रुवंस्तत्र क्षत्रिया भृशविक्षताः । दुर्योधनेन किं कार्यं द्रक्ष्यध्वं यदि जीवति । युध्यध्वं सहिताः सर्वे किं वो राजा करिष्यति ॥

apare tvabruvaṃstatra kṣatriyā bhṛśavikṣatāḥ | duryodhanena kiṃ kāryaṃ drakṣyadhvaṃ yadi jīvati | yudhyadhvaṃ sahitāḥ sarve kiṃ vo rājā kariṣyati

Others, kshatriyas sorely wounded, said there: "What need have we of Duryodhana? You will see him if he lives. Fight together, all of you; what will the king do for you?"

Note on the text: Lines = CE 9.24.38c, 9.24.39a and 9.24.39c. Line 1 is narration and lines 2-3 are the wounded kshatriyas' words; the verse is kept whole and left with the narrator, Sanjaya.

Verse 44 (9.24.44)

ते क्षत्रियाः क्षतैर्गात्रैर्हतभूयिष्ठवाहनाः । शरैः सम्पीड्यमानास्तु नातिव्यक्तमथाब्रुवन् ॥

te kṣatriyāḥ kṣatairgātrairhatabhūyiṣṭhavāhanāḥ | śaraiḥ sampīḍyamānāstu nātivyaktamathābruvan

Those kshatriyas, their limbs wounded, most of their mounts killed, harassed by arrows, spoke not very clearly.

Verse 45 (9.24.45)

इदं सर्वं बलं हन्मो येन स्म परिवारिताः । एते सर्वे गजान्हत्वा उपयान्ति स्म पाण्डवाः ॥

idaṃ sarvaṃ balaṃ hanmo yena sma parivāritāḥ | ete sarve gajānhatvā upayānti sma pāṇḍavāḥ

"Let us destroy this whole host by which we are surrounded. All these Pandavas, having killed the elephants, are coming upon us."

Note on the text: Speaker: the wounded kshatriyas of verses 43-44 (the page gives no heading); the preceding verse introduces their words with athābruvan.

Verse 46 (9.24.46)

श्रुत्वा तु वचनं तेषामश्वत्थामा महाबलः । भित्त्वा पाञ्चालराजस्य तदनीकं दुरुत्सहम् ॥

śrutvā tu vacanaṃ teṣāmaśvatthāmā mahābalaḥ | bhittvā pāñcālarājasya tadanīkaṃ durutsaham

Hearing their words, mighty Ashvatthama, breaking through the irresistible host of the Panchala king,

Verse 47 (9.24.47)

कृपश्च कृतवर्मा च प्रययौ यत्र सौबलः । रथानीकं परित्यज्य शूराः सुदृढधन्विनः ॥

kṛpaśca kṛtavarmā ca prayayau yatra saubalaḥ | rathānīkaṃ parityajya śūrāḥ sudṛḍhadhanvinaḥ

and Kripa and Kritavarma too, those stout archers, abandoning the chariot host, went to where Saubala was.

Verse 48 (9.24.48)

ततस्तेषु प्रयातेषु धृष्टद्युम्नपुरस्कृताः । आययुः पाण्डवा राजन्विनिघ्नन्तः स्म तावकान् ॥

tatasteṣu prayāteṣu dhṛṣṭadyumnapuraskṛtāḥ | āyayuḥ pāṇḍavā rājanvinighnantaḥ sma tāvakān

Then, when they had gone, the Pandavas, led by Dhrishtadyumna, came on, O king, slaying your men.

Verse 49 (9.24.49)

दृष्ट्वा तु तानापततः सम्प्रहृष्टान्महारथान् । पराक्रान्तास्ततो वीरा निराशा जीविते तदा ॥

dṛṣṭvā tu tānāpatataḥ samprahṛṣṭānmahārathān | parākrāntāstato vīrā nirāśā jīvite tadā

Seeing those great chariot-warriors coming at them, overjoyed, the brave heroes then despaired of life.

Note on the text: Lines = CE 9.24.45a and 9.24.45c.

Verse 50 (9.24.50)

विवर्णमुखभूयिष्ठमभवत्तावकं बलम् । परिक्षीणायुधान्दृष्ट्वा तानहं परिवारितान् ॥

vivarṇamukhabhūyiṣṭhamabhavattāvakaṃ balam | parikṣīṇāyudhāndṛṣṭvā tānahaṃ parivāritān

Your army was left mostly pale-faced. Seeing them surrounded and their weapons spent, I,

Note on the text: Lines = CE 9.24.45e and 9.24.46a.

Verse 51 (9.24.51)

राजन्बलेन त्र्यङ्गेन त्यक्त्वा जीवितमात्मनः । आत्मना पञ्चमोऽयुध्यं पाञ्चालस्य बलेन ह ॥

rājanbalena tryaṅgena tyaktvā jīvitamātmanaḥ | ātmanā pañcamo'yudhyaṃ pāñcālasya balena ha

O king, with a three-limbed force, casting away my life, fought with the Panchala's army, with myself as the fifth.

Note on the text: Lines = CE 9.24.46c and 9.24.47a. Line 1 reads बलेन त्र्यङ्गेन where the CE has balena dvyaṅgena, a recension variant, kept.

Verse 52 (9.24.52)

तस्मिन्देशे व्यवस्थाय यत्र शारद्वतः स्थितः । सम्प्रद्रुता वयं पञ्च किरीटिशरपीडिताः ॥

tasmindeśe vyavasthāya yatra śāradvataḥ sthitaḥ | sampradrutā vayaṃ pañca kirīṭiśarapīḍitāḥ

Taking my stand in the place where Sharadvat's son stood, the five of us fled, tormented by the diadem-wearer's arrows.

Note on the text: Lines = CE 9.24.47c and 9.24.48a.

Verse 53 (9.24.53)

धृष्टद्युम्नं महारौद्रं तत्र नोऽभूद्रणो महान् । जितास्तेन वयं सर्वे व्यपयाम रणात्ततः ॥

dhṛṣṭadyumnaṃ mahāraudraṃ tatra no'bhūdraṇo mahān | jitāstena vayaṃ sarve vyapayāma raṇāttataḥ

We fought the terrible Dhrishtadyumna, and a great battle took place there for us; we were all defeated by him and withdrew from the fight.

Note on the text: Lines = CE 9.24.48c and 9.24.48e. Corrected नाभूद्रणो → नोऽभूद्रणो (misprint in Wikisource; as printed the clause reads 'there was not a great battle', contradicting the sense; the critical edition reads no 'bhūd raṇo mahān). धृष्टद्युम्नं महारौद्रं is a recension variant of CE dhṛṣṭadyumnaṃ mahānīkaṃ, kept.

Verse 54 (9.24.54)

अथापश्यं सात्यकिं तमुपायातं महारथम् । रथैश्चतुः शतैर्वीरो मामभ्यद्रवदाहवे ॥

athāpaśyaṃ sātyakiṃ tamupāyātaṃ mahāratham | rathaiścatuḥ śatairvīro māmabhyadravadāhave

Then I saw the great chariot-warrior Satyaki approaching; with four hundred chariots the hero rushed upon me in the battle.

Verse 55 (9.24.55)

धृष्टद्युम्नादहं मुक्तः कथञ्चिच्छ्रान्तवाहनात् । पतितो माधवानीकं दुष्कृती नरकं यथा ॥

dhṛṣṭadyumnādahaṃ muktaḥ kathañcicchrāntavāhanāt | patito mādhavānīkaṃ duṣkṛtī narakaṃ yathā

Barely freed from Dhrishtadyumna, whose mounts were weary, I fell into the Madhava's host like a sinner into hell.

Note on the text: Lines = CE 9.24.50a and 9.24.50c. Corrected कञ्छिछ्रान्तवाहनात् → कथञ्चिच्छ्रान्तवाहनात् (misprint in Wikisource; the word कथञ्चित् is mangled; the critical edition reads kathaṃ cic chrāntavāhanaḥ). The ending -ात् (for CE -ः) is kept as a variant that still gives good sense.

Verse 56 (9.24.56)

तत्र युद्धमभूद्धोरं मुहूर्तमतिदारुणम् ॥

tatra yuddhamabhūddhoraṃ muhūrtamatidāruṇam

A terrible battle took place there for a while, very fierce.

Note on the text: A one-line verse on the page (9-24-56a only). The line is CE 9.24.50e, the last line of a three-line CE verse whose first two lines are the previous Wikisource verse; nothing is lost.

Verse 57 (9.24.57)

सात्यकिस्तु महाबाहुर्मम हत्वा परिच्छदम् । जीवग्राहमगृह्णान्मां मूर्च्छितं पतितं भुवि ॥

sātyakistu mahābāhurmama hatvā paricchadam | jīvagrāhamagṛhṇānmāṃ mūrcchitaṃ patitaṃ bhuvi

Mighty-armed Satyaki, having destroyed my retinue, took me alive as I lay fainting on the ground.

Verse 58 (9.24.58)

ततो मुहूर्तादिव तद्गजानीकमविध्यत । गदया भीमसेनेन नाराचैरर्जुनेन च ॥

tato muhūrtādiva tadgajānīkamavidhyata | gadayā bhīmasenena nārācairarjunena ca

Then in a moment that elephant host was shattered by Bhimasena's mace and by Arjuna's iron arrows.

Verse 59 (9.24.59)

अभिपिष्टैर्महानागैः समन्तात्पर्वतोपमैः । नातिप्रसिद्धैव गतिः पाण्डवानामजायत ॥

abhipiṣṭairmahānāgaiḥ samantātparvatopamaiḥ | nātiprasiddhaiva gatiḥ pāṇḍavānāmajāyata

With the great elephants, mountain-like, crushed on every side, the movement of the Pandavas became hardly clear.

Verse 60 (9.24.60)

रथमार्गं ततश्चक्रे भीमसेनो महाबलः । पाण्डवानां महाराज व्यपाकर्षन्महागजान् ॥

rathamārgaṃ tataścakre bhīmaseno mahābalaḥ | pāṇḍavānāṃ mahārāja vyapākarṣanmahāgajān

Then mighty Bhimasena made a road for the Pandavas' chariots, O great king, dragging the great elephants aside.

Verse 61 (9.24.61)

अश्वत्थामा कृपश्चैव कृतवर्मा च सात्वतः । अपश्यन्तो रथानीके दुर्योधनसमरिन्दमम् । राजानं मृगयामासुस्तव पुत्रं महारथम् ॥

aśvatthāmā kṛpaścaiva kṛtavarmā ca sātvataḥ | apaśyanto rathānīke duryodhanasamarindamam | rājānaṃ mṛgayāmāsustava putraṃ mahāratham

Ashvatthama, Kripa and Kritavarma the Satvata, not seeing Duryodhana, tamer of foes, in the chariot host, searched for the king, your mighty son,

Verse 62 (9.24.62)

परित्यज्य च पाञ्चाल्यं प्रयाता यत्र सौबलः । राज्ञोऽदर्शनसंविग्ना वर्तमाने जनक्षये ॥

parityajya ca pāñcālyaṃ prayātā yatra saubalaḥ | rājño'darśanasaṃvignā vartamāne janakṣaye

and leaving the Panchala, went to where Saubala was, distressed at not seeing the king, while the slaughter of men went on.

Note on the text: Corrected वर्तमानो → वर्तमाने (misprint in Wikisource; the locative absolute with जनक्षये is needed, as in verse 41 and the critical edition's vartamāne).