Sahadeva Slays Uluka and Shakuni

Verse 1 (9.27.1)

तस्मिन्प्रवृत्ते सङ्ग्रामे गजवाजिनरक्षये । शकुनिः सौबलो राजन्सहदेवं समभ्ययात् ॥

tasminpravṛtte saṅgrāme gajavājinarakṣaye | śakuniḥ saubalo rājansahadevaṃ samabhyayāt

When that battle, which was destroying men, horses and elephants, had begun, O king, Shakuni, son of Subala, advanced against Sahadeva.

Note on the text: Corrected गजवाजिनरश्रो → गजवाजिनरक्षये (line cut off at the table margin; CE 9.27.1a naravājigajakṣaye). Restored the lost words "xxxxxxयात्" (printed on the page as xxxxxx) as समभ्ययात् from the critical edition (9.27.1c: sahadevaṃ samabhyayāt). Wikisource heads this adhyaya with "सञ्जय उवाच" (row 9-27-1x), kept as the speaker.

Verse 2 (9.27.2)

ततोऽस्यापततस्तूर्णं सहदेवः प्रतापवान् । शरौघान्प्रेषयामास पतङ्गानिव शीघ्रगान् । उलूकं च रणे राजन्विव्याध दशभिः शरैः ॥

tato'syāpatatastūrṇaṃ sahadevaḥ pratāpavān | śaraughānpreṣayāmāsa pataṅgāniva śīghragān | ulūkaṃ ca raṇe rājanvivyādha daśabhiḥ śaraiḥ

Then, as Shakuni rushed upon him, the mighty Sahadeva swiftly sent out floods of arrows, like darting locusts, and in the battle, O king, he pierced Uluka with ten arrows.

Note on the text: Corrected पतापवान् → प्रतापवान् (misprint in Wikisource; dropped र; CE pratāpavān).

Verse 3 (9.27.3)

शकुनिश्च महाराज भीमं विद्ध्वा त्रिभिः शरैः । नवत्या निशितैर्बाणैः सहदेवमवाकिरत् ॥

śakuniśca mahārāja bhīmaṃ viddhvā tribhiḥ śaraiḥ | navatyā niśitairbāṇaiḥ sahadevamavākirat

And Shakuni, O great king, having pierced Bhima with three arrows, covered Sahadeva with ninety sharp shafts.

Note on the text: Corrected शकृनिश्च → शकुनिश्च (misprint in Wikisource; the name is शकुनि; CE śakunis).

Verse 4 (9.27.4)

ते शूराः समरे राजन्समासाद्य परस्परम् । विव्यधुर्निशितैर्बाणैः कङ्कबर्हिणवाजितैः । स्वर्णपुङ्खैः शिलाधौतैराकर्णप्रहितैः शरैः ॥

te śūrāḥ samare rājansamāsādya parasparam | vivyadhurniśitairbāṇaiḥ kaṅkabarhiṇavājitaiḥ | svarṇapuṅkhaiḥ śilādhautairākarṇaprahitaiḥ śaraiḥ

Those heroes, O king, closing with one another in the battle, pierced each other with sharp arrows feathered with heron and peacock plumes, golden-notched, whetted on stone, and shot with the string drawn to the ear.

Note on the text: Corrected शिलधौतै → शिलाधौतै (misprint in Wikisource; broken word; CE śilādhautaiḥ).

Verse 5 (9.27.5)

तेषां चापगुणोत्सृष्टा शरवृष्टिर्विशाम्पते । आच्छादयद्दिशः सर्वा धाराभिरिव तोयदः ॥

teṣāṃ cāpaguṇotsṛṣṭā śaravṛṣṭirviśāmpate | ācchādayaddiśaḥ sarvā dhārābhiriva toyadaḥ

The rain of arrows loosed from their bowstrings, O lord of the people, covered all the quarters like a cloud with its streams of water.

Verse 6 (9.27.6)

ततः क्रुद्धो रणे भीमः सहदेवश्च भारत । चेरतुः कदनं सङ्ख्ये कुर्वन्तौ सुमहाबलौ ॥

tataḥ kruddho raṇe bhīmaḥ sahadevaśca bhārata | ceratuḥ kadanaṃ saṅkhye kurvantau sumahābalau

Then Bhima, enraged in the battle, and Sahadeva, O Bharata, those two exceedingly mighty men, ranged over the field, working great slaughter.

Verse 7 (9.27.7)

ताभ्यां शरशतैश्छन्नं तद्बलं तव भारत । सान्धकारमिवाकाशमभवत्तत्रतत्र ह ॥

tābhyāṃ śaraśataiśchannaṃ tadbalaṃ tava bhārata | sāndhakāramivākāśamabhavattatratatra ha

Your army, O Bharata, was covered by the hundreds of arrows of those two, and everywhere the sky seemed wrapped in darkness.

Note on the text: Corrected शरशतैश्छनं → शरशतैश्छन्नं (misprint in Wikisource; dropped न् of the conjunct; CE channaṃ).

Verse 8 (9.27.8)

अश्वैर्विपरिधावद्भिः शरच्छन्नैर्विशाम्पते । तत्रतत्र कृतो मार्गो विकर्षद्भिर्हतान्बहून् ॥

aśvairviparidhāvadbhiḥ śaracchannairviśāmpate | tatratatra kṛto mārgo vikarṣadbhirhatānbahūn

As horses, covered with arrows, ran hither and thither, O lord of the people, a path was made here and there by their dragging away many of the slain.

Verse 9 (9.27.9)

निहतानां हयानां च सहैव हयसादिभिः । वर्मभिर्विनिकृत्तैश्च प्रासैश्छिन्नैश्च मारिष ॥

nihatānāṃ hayānāṃ ca sahaiva hayasādibhiḥ | varmabhirvinikṛttaiśca prāsaiśchinnaiśca māriṣa

With slain horses lying together with their riders, with severed coats of mail and broken lances, O honoured king,

Note on the text: Not matched by the automatic alignment: this verse is lines a and c of the three-line CE verse 9.27.9 (nihatānāṃ hayānāṃ ca … prāsaiś chinnaiś ca māriṣa); Wikisource carries the CE's last line (9.27.9e) in the next verse.

Verse 10 (9.27.10)

ऋष्टिभिः शक्तिभिश्चैव सासिप्रासपरश्वथैः । सञ्छन्ना पृथिवी जज्ञे कुसुमैः शबला इव ॥

ṛṣṭibhiḥ śaktibhiścaiva sāsiprāsaparaśvathaiḥ | sañchannā pṛthivī jajñe kusumaiḥ śabalā iva

with darts, spears, swords, lances and axes, the earth lay strewn as if dappled with flowers.

Note on the text: Not matched by the automatic alignment: line 1 resembles the CE star passage 9.27.9d*0156_01 (ṛṣṭibhiḥ śaktibhiś caiva tomaraiś ca paraṃtapa), with a different second half (vulgate wording); line 2 is CE 9.27.9e (saṃchannā pṛthivī jajñe kusumaiḥ śabalā iva).

Verse 11 (9.27.11)

योधास्तत्र महाराज समासाद्य परस्परम् । व्यचरन्त रणे क्रुद्धा विनिघ्नन्तः परस्परम् ॥

yodhāstatra mahārāja samāsādya parasparam | vyacaranta raṇe kruddhā vinighnantaḥ parasparam

The warriors there, O great king, closing with one another, roamed the battlefield in rage, striking each other down.

Verse 12 (9.27.12)

उद्वृत्तनयनै रोषात्सन्दष्टौष्ठपुटैर्मुखैः । सकुण्डलैर्मही च्छन्ना पद्मकिञ्चल्कसन्निभैः ॥

udvṛttanayanai roṣātsandaṣṭauṣṭhapuṭairmukhaiḥ | sakuṇḍalairmahī cchannā padmakiñcalkasannibhaiḥ

The earth was strewn with faces, wearing earrings, with eyes rolled up in fury and lips pressed between the teeth, that were like the filaments of lotuses.

Verse 13 (9.27.13)

भुजैश्छिन्नैर्महाराज नागराजकरोपमैः । साङ्गदैः सतनुत्रैश्च सासिप्रासपरश्वथैः ॥

bhujaiśchinnairmahārāja nāgarājakaropamaiḥ | sāṅgadaiḥ satanutraiśca sāsiprāsaparaśvathaiḥ

It was strewn, too, O great king, with severed arms like the trunks of elephant-kings, with their armlets and armour, still clutching swords, lances and axes.

Verse 14 (9.27.14)

कबन्धैरुत्थितैश्छिन्नैर्नृत्यद्भिश्चापरैर्युधि । क्रव्यादगणसञ्छन्ना घोराऽभूत्पृथिवी विभो ॥

kabandhairutthitaiśchinnairnṛtyadbhiścāparairyudhi | kravyādagaṇasañchannā ghorā'bhūtpṛthivī vibho

With headless trunks rising up and dancing here and there in the battle, and with hosts of flesh-eating creatures swarming over it, the earth became terrible, O lord.

Verse 15 (9.27.15)

अल्पावशिष्टे सैन्ये तु कौरवेयान्महाहवे । प्रहृष्टाः पाण्डवा भूत्वा निन्यिरे यमसादनम् ॥

alpāvaśiṣṭe sainye tu kauraveyānmahāhave | prahṛṣṭāḥ pāṇḍavā bhūtvā ninyire yamasādanam

When only a small remnant of the army was left in that great battle, the Pandavas, exultant, sent the Kauravas on to the abode of Yama.

Verse 16 (9.27.16)

एतस्मिन्नन्तरे शूरः सौबलेयः प्रतापवान् । प्रासेन सहदेवस्य शिरसि प्राहरद्भृशम् ॥

etasminnantare śūraḥ saubaleyaḥ pratāpavān | prāsena sahadevasya śirasi prāharadbhṛśam

At that moment the valiant son of Subala struck Sahadeva violently on the head with a lance.

Note on the text: Not matched by the automatic alignment: lines 1-2 are lines a and c of CE 9.27.15 (etasminn antare śūraḥ saubaleyaḥ …); the third line of that CE verse is the next verse here.

Verse 17 (9.27.17)

स विह्वलो महाराज रथोपस्थ उपाविशत् ॥

sa vihvalo mahārāja rathopastha upāviśat

Stunned, O great king, Sahadeva sank down on the floor of his chariot.

Note on the text: Not matched by the automatic alignment: this is the third line (9.27.15e) of CE 9.27.15 (sa vihvalo mahārāja rathopastha upāviśat).

Verse 18 (9.27.18)

सहदेवं तथा दृष्ट्वा भीमसेनः प्रतापवान् । सर्वसैन्यानि सङ्क्रुद्धो वारयामास भारत ॥

sahadevaṃ tathā dṛṣṭvā bhīmasenaḥ pratāpavān | sarvasainyāni saṅkruddho vārayāmāsa bhārata

Seeing Sahadeva in that state, the mighty Bhimasena, O Bharata, in fury held back all the troops.

Verse 19 (9.27.19)

निर्बिभेद च नाराचैः शतशोऽथ सहस्रशः । स निर्भिद्याकरोच्चैव सिंहनादमरिन्दमः ॥

nirbibheda ca nārācaiḥ śataśo'tha sahasraśaḥ | sa nirbhidyākaroccaiva siṃhanādamarindamaḥ

He pierced them with iron arrows by hundreds and by thousands, and when he had pierced them that tamer of foes raised a lion's roar.

Verse 20 (9.27.20)

तेन शब्देन वित्रस्ताः सर्वे सहयवारणाः । प्राद्रवन्सहसा भीताः शकुनेश्च पदानुगाः ॥

tena śabdena vitrastāḥ sarve sahayavāraṇāḥ | prādravansahasā bhītāḥ śakuneśca padānugāḥ

Terrified by that sound, all the horses and elephants, and the followers of Shakuni, fled suddenly in fear.

Note on the text: Corrected शभ्देन → शब्देन (misprint in Wikisource; letters transposed).

Verse 21 (9.27.21)

प्रभग्नानथ तान्दृष्ट्वा राजा दुर्योधनोऽब्रवीत् । निवर्तध्वमधर्मज्ञा युध्यध्वं किं सृतेन वः ॥

prabhagnānatha tāndṛṣṭvā rājā duryodhano'bravīt | nivartadhvamadharmajñā yudhyadhvaṃ kiṃ sṛtena vaḥ

Seeing them routed, King Duryodhana said: "Turn back, you who know no duty! Fight! What use is this flight to you?

Verse 22 (9.27.22)

इह कीर्तिं समाधाय प्रेत्य लोकान्समश्नुते । प्राणाञ्जहाति यो धीरो युद्धे पृष्ठमदर्शयन् ॥

iha kīrtiṃ samādhāya pretya lokānsamaśnute | prāṇāñjahāti yo dhīro yuddhe pṛṣṭhamadarśayan

The brave man who wins fame here and gives up his life in battle without showing his back gains the worlds beyond."

Note on the text: Corrected कीर्ति → कीर्तिं (misprint in Wikisource; missing anusvara, the object of समाधाय; CE kīrtiṃ). Speaker given to Duryodhana: the whole verse is his direct speech, printed without its own heading (the page heads the adhyaya with Sanjaya).

Verse 23 (9.27.23)

एवमुक्तास्तु ते राज्ञा सौबलस्य पदानुगाः । पाण्डवानभ्यवर्तन्त मृत्युं कृत्वा निवर्तनम् ॥

evamuktāstu te rājñā saubalasya padānugāḥ | pāṇḍavānabhyavartanta mṛtyuṃ kṛtvā nivartanam

Thus addressed by the king, Saubala's followers, making death their only way of turning back, returned against the Pandavas.

Verse 24 (9.27.24)

द्रवद्भिस्तत्र राजेन्द्र कृतः शब्दोऽतिदारुणः । क्षुब्धसागरसङ्काशः क्षुभितैः सर्वतो दिशम् ॥

dravadbhistatra rājendra kṛtaḥ śabdo'tidāruṇaḥ | kṣubdhasāgarasaṅkāśaḥ kṣubhitaiḥ sarvato diśam

As they fled, O king of kings, a most dreadful uproar arose, like that of a churned ocean, as they were thrown into turmoil on every side.

Verse 25 (9.27.25)

तांस्ततः पुरतो दृष्ट्वा सौबलस्य पदानुगान् । प्रत्युद्ययुर्महाराज पाण्डवा विजयोद्यताः ॥

tāṃstataḥ purato dṛṣṭvā saubalasya padānugān | pratyudyayurmahārāja pāṇḍavā vijayodyatāḥ

Seeing Saubala's followers advancing before them, the Pandavas, O great king, bent on victory, went out to meet them.

Verse 26 (9.27.26)

प्रत्याश्वस्य च दुर्धर्षः सहदेवो विशाम्पते । शकुनिं दशभिर्विद्ध्वा हयांश्चास्य त्रिभिः शरैः । धनुश्चिच्छेद च शरैः सौबलस्य हसन्निव ॥

pratyāśvasya ca durdharṣaḥ sahadevo viśāmpate | śakuniṃ daśabhirviddhvā hayāṃścāsya tribhiḥ śaraiḥ | dhanuściccheda ca śaraiḥ saubalasya hasanniva

Recovering himself, the unassailable Sahadeva, O lord of the people, pierced Shakuni with ten arrows and his horses with three, and, as if laughing, cut Saubala's bow with arrows.

Verse 27 (9.27.27)

अथान्यद्धनुरादाय शकुनिर्युद्धदुर्मदः । विव्याध नकुलं षष्ट्या भीमसेनं च सप्तभिः ॥

athānyaddhanurādāya śakuniryuddhadurmadaḥ | vivyādha nakulaṃ ṣaṣṭyā bhīmasenaṃ ca saptabhiḥ

Taking up another bow, Shakuni, mad for battle, pierced Nakula with sixty arrows and Bhimasena with seven.

Note on the text: Corrected सप्ताभिः → सप्तभिः (misprint in Wikisource; wrong vowel; CE saptabhiḥ).

Verse 28 (9.27.28)

उलूकोऽपि महाराज भीमं विव्याध सप्तभिः । सहदेवं च सप्तत्या परीप्सन्पितरं रणे ॥

ulūko'pi mahārāja bhīmaṃ vivyādha saptabhiḥ | sahadevaṃ ca saptatyā parīpsanpitaraṃ raṇe

Uluka too, O great king, wishing to protect his father in the battle, pierced Bhima with seven arrows and Sahadeva with seventy.

Verse 29 (9.27.29)

तं भीमसेनः समरे विव्याध नवभिः शरैः । शकुनिं च चतुःषष्ट्या पार्श्वस्थांश्च त्रिभिस्त्रिभिः ॥

taṃ bhīmasenaḥ samare vivyādha navabhiḥ śaraiḥ | śakuniṃ ca catuḥṣaṣṭyā pārśvasthāṃśca tribhistribhiḥ

In the fight Bhimasena pierced him with nine arrows, and Shakuni with sixty-four, and each of those at their sides with three.

Verse 30 (9.27.30)

ते हन्यमाना भीमेन नाराचैस्तैलपायितैः । सहदेवं रणे क्रुद्धाश्छादयञ्शरवृष्टिभिः । पर्वतं वारिधाराभिः सविद्युत इवाम्बुदाः ॥

te hanyamānā bhīmena nārācaistailapāyitaiḥ | sahadevaṃ raṇe kruddhāśchādayañśaravṛṣṭibhiḥ | parvataṃ vāridhārābhiḥ savidyuta ivāmbudāḥ

Struck by Bhima with oil-whetted iron arrows, they, enraged, covered Sahadeva in the battle with showers of arrows, as clouds with lightning cover a mountain with streams of water.

Verse 31 (9.27.31)

ततोऽस्यापततः शूरः सहदेवः प्रतापवान् । उलूकस्य महाराज भल्लेनापाहरच्छिरः ॥

tato'syāpatataḥ śūraḥ sahadevaḥ pratāpavān | ulūkasya mahārāja bhallenāpāharacchiraḥ

Then, as he came rushing on, the valiant hero Sahadeva, O great king, struck off Uluka's head with a broad-headed arrow.

Verse 32 (9.27.32)

स जगाम रथाद्भूमिं सहदेवेन पातितः । रुधिराप्लुतसर्वाङ्गो नन्दयन्पाण्डवान्युधि ॥

sa jagāma rathādbhūmiṃ sahadevena pātitaḥ | rudhirāplutasarvāṅgo nandayanpāṇḍavānyudhi

Felled by Sahadeva, he fell from his chariot to the ground, his limbs all drenched in blood, gladdening the Pandavas in the battle.

Verse 33 (9.27.33)

पुत्रं तु निहतं दृष्ट्वा शकुनिस्तत्र भारत । साश्रुकण्ठो विनिःश्वस्य क्षत्तुर्वाक्यमनुस्मरन् ॥

putraṃ tu nihataṃ dṛṣṭvā śakunistatra bhārata | sāśrukaṇṭho viniḥśvasya kṣatturvākyamanusmaran

Seeing his son slain, Shakuni there, O Bharata, with a throat choked with tears, sighing deeply, and remembering Kshattri's words,

Verse 34 (9.27.34)

चिन्तयित्वा मुहूर्तं स बाष्पपूर्णेक्षणः श्वसन् । सहदेवं समासाद्य त्रिभिर्विव्याध सायकैः ॥

cintayitvā muhūrtaṃ sa bāṣpapūrṇekṣaṇaḥ śvasan | sahadevaṃ samāsādya tribhirvivyādha sāyakaiḥ

after thinking for a moment, with eyes full of tears and breathing hard, approached Sahadeva and pierced him with three arrows.

Verse 35 (9.27.35)

तानपास्य शरान्मुक्ताञ्शरसङ्घैः प्रतापवान् । सहदेवो महाराज धनुश्चिच्छेद संयुगे ॥

tānapāsya śarānmuktāñśarasaṅghaiḥ pratāpavān | sahadevo mahārāja dhanuściccheda saṃyuge

Casting aside those loosed arrows with volleys of his own, the mighty Sahadeva, O great king, cut his bow in the battle.

Note on the text: Corrected प्रताम्पवान् → प्रतापवान् (misprint in Wikisource; stray म्; CE pratāpavān).

Verse 36 (9.27.36)

छिन्ने धनुषि राजेन्द्र शकुनिः सौबलस्तदा । प्रगृह्य विपुलं खड्गं सहदेवाय प्राहिणोत् ॥

chinne dhanuṣi rājendra śakuniḥ saubalastadā | pragṛhya vipulaṃ khaḍgaṃ sahadevāya prāhiṇot

When his bow was cut, O king of kings, Shakuni, son of Subala, seized a huge sword and hurled it at Sahadeva.

Note on the text: Corrected खङ्गं → खड्गं (misprint in Wikisource; खड्ग; CE khaḍgaṃ).

Verse 37 (9.27.37)

तमापतन्तं सहसा घोररूपं विशाम्पते । द्विधा चिच्छेद समरे सौबलस्य हसन्निव ॥

tamāpatantaṃ sahasā ghorarūpaṃ viśāmpate | dvidhā ciccheda samare saubalasya hasanniva

As it came suddenly at him, terrible in form, O lord of the people, Sahadeva cut it in two in the fight, as if laughing at Saubala.

Verse 38 (9.27.38)

असिं दृष्ट्वा द्विधा च्छिन्नं प्रगृह्य महतीं गदाम् । प्राहिणोत्सहदेवाय सा मोघा न्यपतद्भुवि ॥

asiṃ dṛṣṭvā dvidhā cchinnaṃ pragṛhya mahatīṃ gadām | prāhiṇotsahadevāya sā moghā nyapatadbhuvi

Seeing the sword cut in two, Shakuni seized a great mace and hurled it at Sahadeva, but it fell to the ground without effect.

Verse 39 (9.27.39)

ततः शक्तिं महाघोरां कालरात्रीमिवोद्यताम् । प्रेषयामास सक्रुद्धः पाण्डवं प्रति सौबलः ॥

tataḥ śaktiṃ mahāghorāṃ kālarātrīmivodyatām | preṣayāmāsa sakruddhaḥ pāṇḍavaṃ prati saubalaḥ

Then Saubala, in fury, sent against the Pandava a most dreadful dart, raised up like the Night of Death.

Verse 40 (9.27.40)

तामापतन्तीं सहसा शरैः कनकभूषणैः । त्रिधा चिच्छेद समरे सहदेवो हसन्निव ॥

tāmāpatantīṃ sahasā śaraiḥ kanakabhūṣaṇaiḥ | tridhā ciccheda samare sahadevo hasanniva

As it came suddenly at him, Sahadeva, as if laughing, cut it into three in the battle with arrows adorned with gold.

Verse 41 (9.27.41)

सा पपात त्रिधा च्छिन्ना भूमौ कनकभूषणा । शीर्यमाणा यथा दीप्ता गगनाद्वै शतह्रदा ॥

sā papāta tridhā cchinnā bhūmau kanakabhūṣaṇā | śīryamāṇā yathā dīptā gaganādvai śatahradā

Cut in three, that gold-adorned dart fell to the earth, like a blazing thunderbolt shattering as it drops from the sky.

Note on the text: Corrected शतहदा → शतह्रदा (misprint in Wikisource; dropped conjunct ह्र; CE śatahradā).

Verse 42 (9.27.42)

शक्तिं विनिहतां दृष्ट्वा सौबलं च भयार्दितम् । दुद्रुवुस्तावकाः सर्वे भये जाते ससौबलाः ॥

śaktiṃ vinihatāṃ dṛṣṭvā saubalaṃ ca bhayārditam | dudruvustāvakāḥ sarve bhaye jāte sasaubalāḥ

Seeing the dart destroyed and Saubala stricken with fear, all your men fled, when fear had arisen, together with Saubala's followers.

Verse 43 (9.27.43)

अथोत्क्रुष्टं महच्चासीत्पाण्डवैर्जितकाशिभिः । धार्तराष्ट्रास्ततः सर्वे प्रायशो विमुखाऽभवन् ॥

athotkruṣṭaṃ mahaccāsītpāṇḍavairjitakāśibhiḥ | dhārtarāṣṭrāstataḥ sarve prāyaśo vimukhā'bhavan

Then a great shout was raised by the Pandavas, exulting in victory, and the sons of Dhritarashtra, almost all of them, turned away from the fight.

Verse 44 (9.27.44)

तान्वै विमनसो दृष्ट्वा माद्रीपुत्रः प्रतापवान् । शरैरनेकसाहस्रैर्वारयामास संयुगे ॥

tānvai vimanaso dṛṣṭvā mādrīputraḥ pratāpavān | śarairanekasāhasrairvārayāmāsa saṃyuge

Seeing them dispirited, the valiant son of Madri checked them in the battle with many thousands of arrows.

Verse 45 (9.27.45)

ततो गान्धारकैर्गुप्तं पुष्टैरश्वैर्जये धृतम् । आससाद रणे यान्तं सहदेवोऽथ सौबलम् ॥

tato gāndhārakairguptaṃ puṣṭairaśvairjaye dhṛtam | āsasāda raṇe yāntaṃ sahadevo'tha saubalam

Then Sahadeva came up to Saubala as he moved through the battle, guarded by the Gandharas, with his horses well fed, resolved on victory.

Note on the text: Corrected रमे → रणे (misprint in Wikisource; wrong akshara; CE raṇe).

Verse 46 (9.27.46)

स्वमंशमवशिष्टं तं संस्मृत्य शकुनिं नृप । रथेन काञ्चनाङ्गेन सहदेवः समभ्ययात् ॥

svamaṃśamavaśiṣṭaṃ taṃ saṃsmṛtya śakuniṃ nṛpa | rathena kāñcanāṅgena sahadevaḥ samabhyayāt

Remembering Shakuni as his own remaining share, O king, Sahadeva advanced in his gold-bodied chariot.

Note on the text: Not matched by the automatic alignment: lines 1-2 are lines a and c of CE 9.27.44 (svam aṃśam avaśiṣṭaṃ sa saṃsmṛtya …; Wikisource has तं for sa).

Verse 47 (9.27.47)

अधिज्यं बलवत्कृत्वा व्याक्षिपन्सुमहद्धनुः । स सौबलमभिद्रुत्य गार्ध्रपत्रैः शिलाशितैः ॥

adhijyaṃ balavatkṛtvā vyākṣipansumahaddhanuḥ | sa saubalamabhidrutya gārdhrapatraiḥ śilāśitaiḥ

Stringing his bow firmly, he flexed the great bow and, rushing upon Saubala with vulture-feathered arrows whetted on stone,

Note on the text: Not matched by the automatic alignment: line 1 is CE 9.27.44e (adhijyaṃ balavat kṛtvā vyākṣipan sumahad dhanuḥ); line 2 is CE 9.27.45a (sa saubalam abhidrutya gṛdhrapatraiḥ śilāśitaiḥ).

Verse 48 (9.27.48)

भृशमभ्यहनत्क्रुद्धस्तोत्रैरिव महाद्विपम् । उवाच चैनं मेधावी विगृह्य स्मारयन्निव ॥

bhṛśamabhyahanatkruddhastotrairiva mahādvipam | uvāca cainaṃ medhāvī vigṛhya smārayanniva

struck him hard in anger, as a great elephant is struck with goads; and the wise Sahadeva, reproaching him as if to remind him, said to him:

Note on the text: Corrected भृशमभ्यहन्त्कुद्धः → भृशमभ्यहनत्क्रुद्धः (misprint in Wikisource; broken verb form अभ्यहन्त् and dropped र of क्रुद्ध; CE abhyahanat kruddhas). Not matched by the automatic alignment: line 1 is CE 9.27.45c (bhṛśam abhyahanat kruddhas tottrair iva mahādvipam); line 2 is CE 9.27.46a (uvāca cainaṃ medhāvī nigṛhya smārayann iva; Wikisource has विगृह्य).

Verse 49 (9.27.49)

क्षत्रधर्मे स्थिरो भूत्वा युध्यस्व पुरुषो भव । यत्तदा भाषसे मूढ गृह्णन्नक्षान्सभातले । फलमद्य प्रपद्यस्व कर्मणस्तस्य दुर्मते ॥

kṣatradharme sthiro bhūtvā yudhyasva puruṣo bhava | yattadā bhāṣase mūḍha gṛhṇannakṣānsabhātale | phalamadya prapadyasva karmaṇastasya durmate

"Stand firm in a warrior's duty and fight; be a man! Fool, for what you said then, as you took up the dice in the assembly hall, reap the fruit today, evil-minded one!

Note on the text: Not matched by the automatic alignment: line 1 is CE 9.27.46c (kṣatradharme sthito bhūtvā yudhyasva puruṣo bhava); lines 2-3 are CE 9.27.47a and 47c (yat tadā hṛṣyase mūḍha glahann akṣaiḥ sabhātale / phalam adya prapadyasva karmaṇas tasya durmate; Wikisource has भाषसे for hṛṣyase, as the page's own झ-variant note records). Speaker given to Sahadeva: the whole verse is his direct speech, printed without its own heading (the page heads the adhyaya with Sanjaya).

Verse 50 (9.27.50)

निहतास्ते दुरात्मानो येऽस्मानवहसन्पुरा । दुर्योधनः कुलाङ्गारः शिष्टस्त्वं चास्य मातुलः ॥

nihatāste durātmāno ye'smānavahasanpurā | duryodhanaḥ kulāṅgāraḥ śiṣṭastvaṃ cāsya mātulaḥ

Those wicked ones who mocked us in the past are slain. Duryodhana, the firebrand of his family, and you, his maternal uncle, are what remain.

Note on the text: Speaker given to Sahadeva: the whole verse is his direct speech, printed without its own heading (the page heads the adhyaya with Sanjaya).

Verse 51 (9.27.51)

अद्य ते निहनिष्यामि क्षुरेणोन्मथितं शिरः । वृक्षात्फलमिवाविद्धं लगुडेन प्रमाथिना ॥

adya te nihaniṣyāmi kṣureṇonmathitaṃ śiraḥ | vṛkṣātphalamivāviddhaṃ laguḍena pramāthinā

Today I will strike off your head, severed with a razor-headed arrow, as a fruit is knocked from a tree with a crushing club."

Note on the text: Corrected वृक्षात्फलमिवाविद्वं → वृक्षात्फलमिवाविद्धं (misprint in Wikisource; आविद्वं is not a word; the smallest fix is आविद्धं (CE has uddhṛtya in that place)). Speaker given to Sahadeva: the whole verse is his direct speech, printed without its own heading (the page heads the adhyaya with Sanjaya).

Verse 52 (9.27.52)

एवमुक्त्वा महाराज सहदेवो महाबलः । सङ्क्रुद्धो रणशार्दूलो वेगेनाभिजगाम तम् ॥

evamuktvā mahārāja sahadevo mahābalaḥ | saṅkruddho raṇaśārdūlo vegenābhijagāma tam

Having spoken thus, O great king, the mighty Sahadeva, that tiger among men in his fury, rushed swiftly upon him.

Verse 53 (9.27.53)

अभिगम्य सुदुर्धर्षः सहदेवो युधां पतिः । विकृष्य बलवच्चापं क्रोधेन प्रज्वलन्निव ॥

abhigamya sudurdharṣaḥ sahadevo yudhāṃ patiḥ | vikṛṣya balavaccāpaṃ krodhena prajvalanniva

Having come up, the unassailable Sahadeva, lord of fighters, drew his strong bow, blazing as it were with anger,

Verse 54 (9.27.54)

शकुनिं दशभिर्विद्ध्वा चतुर्भिश्चास्य वाजिनः । छत्रं ध्वजं धनुश्चास्य च्छित्त्वा सिंह इवानदत् ॥

śakuniṃ daśabhirviddhvā caturbhiścāsya vājinaḥ | chatraṃ dhvajaṃ dhanuścāsya cchittvā siṃha ivānadat

pierced Shakuni with ten arrows and his horses with four, cut down his umbrella, banner and bow, and roared like a lion.

Verse 55 (9.27.55)

छिन्नध्वजधनुश्छत्रः सहदेवेन सौबलः । कृतो विद्धश्च बहुभिः सर्वमर्मसु सायकैः ॥

chinnadhvajadhanuśchatraḥ sahadevena saubalaḥ | kṛto viddhaśca bahubhiḥ sarvamarmasu sāyakaiḥ

With his banner, bow and umbrella cut away by Sahadeva, Saubala was left so, and was pierced in all his vital parts with many arrows.

Verse 56 (9.27.56)

ततो भूयो महाराज सहदेवः प्रतापवान् । शकुनेः प्रेषयामास शरवृष्टिं दुरासदाम् ॥

tato bhūyo mahārāja sahadevaḥ pratāpavān | śakuneḥ preṣayāmāsa śaravṛṣṭiṃ durāsadām

Then again, O great king, the mighty Sahadeva sent against Shakuni an irresistible shower of arrows.

Note on the text: Corrected प्रेषयान्मास → प्रेषयामास (misprint in Wikisource; syllables transposed; CE preṣayām āsa).

Verse 57 (9.27.57)

ततस्तु क्रुद्धः सुबलस्य पुत्रो । माद्रीसुतं सहदेवं विमर्दे । प्रासेन जाम्बूनदभूषणेन । जिघांसुरेकोऽभिपपात शीघ्रम् ॥

tatastu kruddhaḥ subalasya putro | mādrīsutaṃ sahadevaṃ vimarde | prāsena jāmbūnadabhūṣaṇena | jighāṃsureko'bhipapāta śīghram

Then the son of Subala, enraged, alone and eager to kill Sahadeva, son of Madri, leapt swiftly upon him in the melee with a lance adorned with gold.

Verse 58 (9.27.58)

माद्रीसुतस्तस्य समुद्यतं तं । प्रासं सुवृत्तौ च भुजौ रणाग्रे । भल्लैस्त्रिभिर्युगपत्सञ्चकर्त । ननाद चोच्चैस्तरसाऽऽजिमध्ये ॥

mādrīsutastasya samudyataṃ taṃ | prāsaṃ suvṛttau ca bhujau raṇāgre | bhallaistribhiryugapatsañcakarta | nanāda coccaistarasā''jimadhye

But the son of Madri, at the head of the battle, with three broad-headed arrows at once cut off that upraised lance and the two shapely arms, and roared loudly with great force in the midst of the fight.

Verse 59 (9.27.59)

तस्याशुकारी सुसमाहितेन । सुवर्णपुङ्खेन दृढायसेन । भल्लेन सर्वावरणातिगेन । शिरः शरीरात्प्रममाथ भूयः ॥

tasyāśukārī susamāhitena | suvarṇapuṅkhena dṛḍhāyasena | bhallena sarvāvaraṇātigena | śiraḥ śarīrātpramamātha bhūyaḥ

With a well-aimed, gold-feathered arrow of hard iron that pierced all armour, the swift-handed Sahadeva again struck the head from his body.

Verse 60 (9.27.60)

शरेण कार्तस्वरभूषितेन । दिवाकराभेण सुसंहितेन । हृतोत्तमाङ्गो युधि पाण्डवेन । पपात भूमौ सुबलस्य पुत्रः ॥

śareṇa kārtasvarabhūṣitena | divākarābheṇa susaṃhitena | hṛtottamāṅgo yudhi pāṇḍavena | papāta bhūmau subalasya putraḥ

Struck by the Pandava with a gold-adorned shaft, shining like the sun and keenly whetted, the son of Subala fell to the earth in the battle, his head cut off.

Verse 61 (9.27.61)

स तच्छिरो वेगवता शरेण । सुवर्णपुङ्खेन शिलाशितेन । प्रावेरयत्कुपितः पाण्डुपुत्रो । यत्तत्कुरूणामनयस्य मूलम् ॥

sa tacchiro vegavatā śareṇa | suvarṇapuṅkhena śilāśitena | prāverayatkupitaḥ pāṇḍuputro | yattatkurūṇāmanayasya mūlam

The wrathful son of Pandu sent that head flying with a swift, gold-feathered arrow whetted on stone, that head which was the root of the Kurus' wrongdoing.

Verse 62 (9.27.62)

भुजौ सुवृत्तौ प्रचकर्त वीरः । पश्चात्कबन्धं रुधिरावसिक्तम् । विस्पन्दमानं निपपात घोरं । रथोत्तमात्पार्थिव पार्थिवस्य ॥

bhujau suvṛttau pracakarta vīraḥ | paścātkabandhaṃ rudhirāvasiktam | vispandamānaṃ nipapāta ghoraṃ | rathottamātpārthiva pārthivasya

The hero cut off his shapely arms; then the terrible, blood-soaked, convulsing trunk fell from the finest of chariots, O king, of that king.

Note on the text: Not in the critical edition proper (found in the vulgate recension): the four lines appear in the CE only as star passages 9.27.57d*0164_01-04 (tasyottamāṅgaṃ ca bhujau suvṛttau / śaktiś ca pūrvaṃ nipapāta bhūmau / paścāt kabandhaṃ rudhirāvasiktaṃ / vispandamānaṃ nipapāta ghoram) and 9.27.57d*0165_01 (rathottamāt pārthivapārthivasya), in different wording.

Verse 63 (9.27.63)

हृतोत्तमाङ्गं शकुनिं समीक्ष्य । भूमौ शयानं रुधिरार्द्रगात्रम् । योधास्त्वदीया भयनष्टसत्वा । दिशः प्रजग्मुः प्रगृहीतशस्त्राः ॥

hṛtottamāṅgaṃ śakuniṃ samīkṣya | bhūmau śayānaṃ rudhirārdragātram | yodhāstvadīyā bhayanaṣṭasatvā | diśaḥ prajagmuḥ pragṛhītaśastrāḥ

Seeing Shakuni headless, lying on the ground with blood-wet limbs, your warriors, their courage lost in fear, fled in all directions with weapons in hand.

Verse 64 (9.27.64)

प्रविद्रुताः शुष्कमुखा विसञ्ज्ञा । गाण्डीवघोषेण समाहताश्च । भयार्दिता भग्नरथाश्वनागाः । पदातयश्चैव सधार्तराष्ट्राः ॥

pravidrutāḥ śuṣkamukhā visañjñā | gāṇḍīvaghoṣeṇa samāhatāśca | bhayārditā bhagnarathāśvanāgāḥ | padātayaścaiva sadhārtarāṣṭrāḥ

They fled in rout, dry-mouthed and senseless, battered by the twang of the Gandiva, terrified, with chariots, horses and elephants shattered, the foot-soldiers too, together with the sons of Dhritarashtra.

Verse 65 (9.27.65)

ततो रथाच्छकुनिं पातयित्वा । मुदान्विता भारत पाण्डवेयाः । शङ्खान्प्रदध्मुः समरेऽतिहृष्टाः । सकेशवाः सैनिकान्हर्षयन्तः ॥

tato rathācchakuniṃ pātayitvā | mudānvitā bhārata pāṇḍaveyāḥ | śaṅkhānpradadhmuḥ samare'tihṛṣṭāḥ | sakeśavāḥ sainikānharṣayantaḥ

Then, having felled Shakuni from his chariot, the Pandavas, O Bharata, joyful and greatly delighted, blew their conches in the battle with Keshava, gladdening their soldiers.

Note on the text: Corrected शङ्कान्प्रदध्युः → शङ्खान्प्रदध्मुः (misprint in Wikisource; शङ्का/प्रदध्यु are not the words here; CE śaṅkhān pradadhmuḥ).

Verse 66 (9.27.66)

तं चापि सर्वे प्रतिपूजयन्तो । दृष्ट्वा ब्रुवाणाः सहदेवमाजौ । दिष्ट्या हतो नैकृतिको महात्मा । सहात्मजो वीर रणे त्वयेति ॥

taṃ cāpi sarve pratipūjayanto | dṛṣṭvā bruvāṇāḥ sahadevamājau | diṣṭyā hato naikṛtiko mahātmā | sahātmajo vīra raṇe tvayeti

And all of them, honouring Sahadeva and looking upon him in the battle, said: "By good fortune, hero, that mighty trickster has been slain by you in the fight, together with his son!"