Manki's Song and Bodhya's Six Teachers

Verse 1 (12.176.1)

ईहमानः समारम्भान्यदि नासादयेद्धनम् । धनतृष्णाभिभूतश्च किं कुर्वन्सुखमाप्नुयात् ॥

īhamānaḥ samārambhānyadi nāsādayeddhanam | dhanatṛṣṇābhibhūtaśca kiṃ kurvansukhamāpnuyāt

If a man strives at his undertakings and still gains no wealth, and is overcome by thirst for riches, what should he do to find happiness?

Verse 2 (12.176.2)

सर्वसाम्यमनायासः सत्यवाक्यं च भारत । निर्वेदश्चाविधित्सा च यस्य स्यात्स सुखी नरः ॥

sarvasāmyamanāyāsaḥ satyavākyaṃ ca bhārata | nirvedaścāvidhitsā ca yasya syātsa sukhī naraḥ

Equality toward all, freedom from exertion, truthful speech, O Bharata, detachment, and no wish to acquire: the man who has these is happy.

Note on the text: Corrected सखी → सुखी (misprint in Wikisource; 'friend' makes no sense here; the CE reads sa sukhī naraḥ).

Verse 3 (12.176.3)

एतान्येव पदान्याहुः पञ्च वृद्धाः प्रशान्तये । एष स्वर्गश्च धर्मश्च सुखं चानुत्तमं सताम् ॥

etānyeva padānyāhuḥ pañca vṛddhāḥ praśāntaye | eṣa svargaśca dharmaśca sukhaṃ cānuttamaṃ satām

These five steps the elders have named for the attainment of peace. This is heaven, and dharma, and the highest happiness of the good.

Verse 4 (12.176.4)

अत्राप्युदाहरन्तीममितिहासं पुरातनम् । निर्वेदान्मङ्किना गीतं तन्निबोध युधिष्ठिर ॥

atrāpyudāharantīmamitihāsaṃ purātanam | nirvedānmaṅkinā gītaṃ tannibodha yudhiṣṭhira

On this subject they recount an ancient tradition: the song sung by Manki out of detachment. Listen to it, Yudhishthira.

Verse 5 (12.176.5)

ईहमानो धनं मङ्किर्भग्नेहश्च पुनः पुनः । केनचिद्धनलेशेन क्रीतवान्दम्यगोयुगम् ॥

īhamāno dhanaṃ maṅkirbhagnehaśca punaḥ punaḥ | kenaciddhanaleśena krītavāndamyagoyugam

Manki, striving for wealth and failing again and again, bought with some small remnant of his money a pair of young bullocks to be broken in.

Verse 6 (12.176.6)

सुसंबद्धौ तु तौ दम्यौ दमनायाभिनिःसृतौ । आसीनमुष्ट्रं मध्येन सहसैवाभ्यधावताम् ॥

susaṃbaddhau tu tau damyau damanāyābhiniḥsṛtau | āsīnamuṣṭraṃ madhyena sahasaivābhyadhāvatām

The two young bulls, well yoked together and led out to be trained, suddenly ran at a camel that was sitting in the middle of their way.

Verse 7 (12.176.7)

तयोः संप्राप्तयोरुष्ट्रः स्कन्धदेशममर्षणः । उत्थायोत्क्षिप्य तौ दम्यौ प्रससार महाजवः ॥

tayoḥ saṃprāptayoruṣṭraḥ skandhadeśamamarṣaṇaḥ | utthāyotkṣipya tau damyau prasasāra mahājavaḥ

When the two reached him, the camel, quick to anger, rose, lifted the two young bulls onto his neck, and dashed away at great speed.

Note on the text: Corrected स्कन्धदेशममर्पणः → स्कन्धदेशममर्षणः and पससार → प्रससार (misprints in Wikisource; प for ष, and a dropped र; the CE reads skandhadeśam amarṣaṇaḥ … prasasāra).

Verse 8 (12.176.8)

ह्रियमाणौ तु तौ दम्यौ तेनोष्ट्रेण प्रमाथिना । म्रियमाणौ च संप्रेक्ष्य मङ्किस्तत्राब्रवीदिदम् ॥

hriyamāṇau tu tau damyau tenoṣṭreṇa pramāthinā | mriyamāṇau ca saṃprekṣya maṅkistatrābravīdidam

As that ruthless, crushing camel carried the two young bulls away, and Manki saw them dying, he said this:

Note on the text: Corrected प्रियमाणौ → म्रियमाणौ (misprint in Wikisource; प्र for म्र; the CE reads mriyamāṇau).

Verse 9 (12.176.9)

न जात्वविहितं शक्यं दक्षेणापीहितुं धनम् । युक्तेन श्रद्धया सम्यगीहां समनुतिष्ठता ॥

na jātvavihitaṃ śakyaṃ dakṣeṇāpīhituṃ dhanam | yuktena śraddhayā samyagīhāṃ samanutiṣṭhatā

What has not been ordained cannot be gained as wealth even by a skilful man, though he is attentive and strives rightly and with faith.

Note on the text: Corrected दक्षेणाषीहितुं → दक्षेणापीहितुं (misprint in Wikisource; ष for प; the CE reads dakṣeṇāpīhitum). Speaker: the page prints no heading; verses 9-52 are Manki's speech, introduced in verse 8 and ended in verse 53, so they are given to Manki.

Verse 10 (12.176.10)

पूर्वमर्थैर्विहीनस्य युक्तस्याप्यनुतिष्ठतः । इमं पश्यत संगत्या मम दैवमुपप्लवम् ॥

pūrvamarthairvihīnasya yuktasyāpyanutiṣṭhataḥ | imaṃ paśyata saṃgatyā mama daivamupaplavam

Look: I who was already stripped of wealth, though I stay attentive and keep striving, see what a disaster fate has sent me through this chance meeting.

Note on the text: Corrected पूर्वमर्यैर् → पूर्वमर्थैर् and युक्तस्याप्युतिष्ठतः → युक्तस्याप्यनुतिष्ठतः (misprints in Wikisource; र्य for र्थ, and a dropped न; 'stays attentive though striving'). The CE line 1 (kṛtasya pūrvaṃ cānarthair …) differs; the Wikisource wording is a recension variant, kept.

Verse 11 (12.176.11)

उद्यम्योद्यम्य मे दम्यौ विषमेणैव गच्छतः । उत्क्षिप्य काकतालीयमुन्माथेनेव जम्बुकः ॥

udyamyodyamya me damyau viṣameṇaiva gacchataḥ | utkṣipya kākatālīyamunmātheneva jambukaḥ

Lifting my two young bulls again and again, he moves along unevenly; he has flung them up by a mere chance stroke, like a jackal with a trap.

Verse 12 (12.176.12)

मणीवोष्ट्रस्य लम्बेते प्रियौ वत्सतरौ मम । शुद्धं हि दैवमेवेदं हठे नैवास्ति पौरुषम् ॥

maṇīvoṣṭrasya lambete priyau vatsatarau mama | śuddhaṃ hi daivamevedaṃ haṭhe naivāsti pauruṣam

My two dear young calves hang from the camel's neck like a pair of pendants. This is nothing but fate; where force rules, there is no room for human effort.

Note on the text: Corrected लम्वेते → लम्बेते and शुद्वं → शुद्धं (misprints in Wikisource; व for ब, and a broken conjunct द्व for द्ध; the CE reads lambete … śuddhaṃ). Line 2 (हठे नैवास्ति पौरुषम्) against CE ato naivāsti pauruṣam is kept as a recension variant.

Verse 13 (12.176.13)

यदि वाऽप्युपपद्येत पौरुषं नाम कर्हिचित् । अन्विष्यमाणं तदपि दैवमेवावतिष्ठते ॥

yadi vā'pyupapadyeta pauruṣaṃ nāma karhicit | anviṣyamāṇaṃ tadapi daivamevāvatiṣṭhate

And even if human effort should ever be found to exist, when one looks into it, that too rests on fate.

Verse 14 (12.176.14)

तस्मान्निर्वेद एवेह गन्तव्यः सुखभीप्सता । सुखं स्वपिति निर्विण्णो निराशश्चार्थसाधने ॥

tasmānnirveda eveha gantavyaḥ sukhabhīpsatā | sukhaṃ svapiti nirviṇṇo nirāśaścārthasādhane

Therefore one who wishes for happiness should come to dispassion: the man who is disenchanted and has no hope of gain sleeps happily.

Verse 15 (12.176.15)

अहो सम्यक्शुकेनोक्तं सर्वतः परिमुच्यता । प्रतिष्ठता महारण्यं जनकस्य निवेशनात् ॥

aho samyakśukenoktaṃ sarvataḥ parimucyatā | pratiṣṭhatā mahāraṇyaṃ janakasya niveśanāt

How well Shuka spoke, when, wholly freed, he set out for the great forest from Janaka's house!

Verse 16 (12.176.16)

यः कामानाप्नुयात्सर्वान्यश्चैतान्केवलांस्त्यजेत् । प्रापणात्सर्वकामानां परित्यागो विशिष्यते ॥

yaḥ kāmānāpnuyātsarvānyaścaitānkevalāṃstyajet | prāpaṇātsarvakāmānāṃ parityāgo viśiṣyate

Of one who could obtain all desires and one who simply gives them all up, giving up is better than obtaining all desires.

Verse 17 (12.176.17)

नान्तं सर्वविधित्सानां गतपूर्वोऽस्ति कश्चन । शरीरे जीविते चैव तृष्णा मर्त्यस्य वर्धते ॥

nāntaṃ sarvavidhitsānāṃ gatapūrvo'sti kaścana | śarīre jīvite caiva tṛṣṇā martyasya vardhate

No one who has gone before has ever reached the end of all his plans; in a mortal, craving grows for the body and for life.

Verse 18 (12.176.18)

निवर्तस्य विधित्साभ्यः शाम्य निर्विद्य कामुक । असकृच्चासि निकृतो न च निर्विद्यसे मनः ॥

nivartasya vidhitsābhyaḥ śāmya nirvidya kāmuka | asakṛccāsi nikṛto na ca nirvidyase manaḥ

Turn back from your plans, grow quiet, be disenchanted, desirous mind. Again and again you have been cheated, and yet you do not become disenchanted.

Verse 19 (12.176.19)

यदि नाहं विनाश्यस्ते यद्येवं रमसे मया । मा मां योजय लोभेन वृथा त्वं वित्तकामुक ॥

yadi nāhaṃ vināśyaste yadyevaṃ ramase mayā | mā māṃ yojaya lobhena vṛthā tvaṃ vittakāmuka

If I am not to be destroyed by you, if you truly take pleasure in me, then do not yoke me to greed in vain, you lover of wealth.

Note on the text: Corrected वृथाऽत्वं → वृथा त्वं (misprint in Wikisource; a spurious avagraha; the CE reads vṛthā tvaṃ).

Verse 20 (12.176.20)

संचितं संचितं द्रव्यं नष्टं तव पुनः पुनः । कदा तां मोक्ष्यसे मूढ धनेहां धनकामुक ॥

saṃcitaṃ saṃcitaṃ dravyaṃ naṣṭaṃ tava punaḥ punaḥ | kadā tāṃ mokṣyase mūḍha dhanehāṃ dhanakāmuka

The wealth you gathered and gathered has been lost again and again. When will you give up this striving for money, foolish lover of wealth?

Verse 21 (12.176.21)

अहो नु मम बालिश्यं योऽहं क्रीडनकस्तव । क्लेशैर्नानाविधैर्नित्यं संयोजयसि निर्घृणः । किं नैवं जातु पुरुषः परेषां प्रेष्यतामियात् ॥

aho nu mama bāliśyaṃ yo'haṃ krīḍanakastava | kleśairnānāvidhairnityaṃ saṃyojayasi nirghṛṇaḥ | kiṃ naivaṃ jātu puruṣaḥ pareṣāṃ preṣyatāmiyāt

Ah, what folly of mine, that I am your plaything! With troubles of every kind you bind me constantly, pitiless one. Would a man ever become the servant of others, if not for this?

Note on the text: Removed the backticks and stray quote and daṇḍa Wikisource prints around line 2. Three-line verse, as on the page (12-176-21a-c). The alignment found no match: line 1 = CE 12.171.21a; line 2 is the CE star line 12.171.21b*0473_01 (kleśair nānāvidhair nityaṃ saṃyojayasi nirghṛṇa); line 3 = CE 12.171.21c.

Verse 22 (12.176.22)

न पूर्वे नापरे जातु कामानामन्तमाप्नुवन् । त्यक्त्वा सर्वसमारम्भान्प्रतिबुद्धोऽस्मि जागृमि ॥

na pūrve nāpare jātu kāmānāmantamāpnuvan | tyaktvā sarvasamārambhānpratibuddho'smi jāgṛmi

Neither those before nor those after have ever reached the end of desires. I have given up all undertakings; I am awake, and I stay watchful.

Verse 23 (12.176.23)

नूनं मे हृदयं कामं वज्रसारमयं दृढम् । यदनर्थशताविष्टं शतधा न विदीर्यते ॥

nūnaṃ me hṛdayaṃ kāmaṃ vajrasāramayaṃ dṛḍham | yadanarthaśatāviṣṭaṃ śatadhā na vidīryate

Surely my heart is hard, made of adamant, since, though beset by hundreds of evils, it does not break into a hundred pieces.

Verse 24 (12.176.24)

त्यजामि काम त्वां चैव यच्च किंचित्प्रियं तव । तवाहं प्रियमन्विच्छन्नात्मन्युपलभे सुखम् ॥

tyajāmi kāma tvāṃ caiva yacca kiṃcitpriyaṃ tava | tavāhaṃ priyamanvicchannātmanyupalabhe sukham

Desire, I give you up, and whatever is dear to you. Having sought what you hold dear, I now find happiness within myself.

Verse 25 (12.176.25)

काम जानामि ते मूलं संकल्पात्किल जायसे । न त्वां संकल्पयिष्यामि समूलो न भविष्यसि ॥

kāma jānāmi te mūlaṃ saṃkalpātkila jāyase | na tvāṃ saṃkalpayiṣyāmi samūlo na bhaviṣyasi

Desire, I know your root: you are born, indeed, of intention. I shall not form an intention of you, and you will cease to be, root and all.

Note on the text: Corrected नभविष्यसि → न भविष्यसि (run-together words separated; Wikisource misprint).

Verse 26 (12.176.26)

ईहा धनस्य न सुखा लुब्ध्वा चिन्ता च भूयसी । लब्धनाशो यथा मृत्युर्लब्धं भवति वा न वा ॥

īhā dhanasya na sukhā lubdhvā cintā ca bhūyasī | labdhanāśo yathā mṛtyurlabdhaṃ bhavati vā na vā

Pursuing wealth is not pleasant, and once gained, worry grows greater. Its loss is like death, and whether what is gained stays or not is never certain.

Verse 27 (12.176.27)

परित्यागे न लभते ततो दुःखतरं नु किम् । न च तुष्यति लब्धेन भूय एव च मार्गति ॥

parityāge na labhate tato duḥkhataraṃ nu kim | na ca tuṣyati labdhena bhūya eva ca mārgati

What is more painful than this: when it is lost he cannot get it back? And he is never content with what he has gained, but goes hunting for more.

Verse 28 (12.176.28)

अनुतर्षुल एवार्थः स्वादु गाङ्गमिवोदकम् । मद्विलापनमेतत्तु प्रतिबुद्धोऽस्मि संत्यज ॥

anutarṣula evārthaḥ svādu gāṅgamivodakam | madvilāpanametattu pratibuddho'smi saṃtyaja

Wealth only breeds more thirst, though it is sweet like the water of the Ganges; it brings me to lamentation. I am awake: let me go.

Note on the text: Corrected अनुतर्पुल → अनुतर्षुल, गाङ्गभिवोदकम् → गाङ्गमिवोदकम् and मद्विलापनमेततु → मद्विलापनमेतत्तु (misprints in Wikisource; प for ष, भ for म, and a dropped त्; the CE reads anutarṣula … gāṅgam ivodakam … madvilāpanam etat tu).

Verse 29 (12.176.29)

य इमं मामकं देहं भूतग्रामः समाश्रितः । स यात्वितो यथाकामं वसतां वा यथासुखम् ॥

ya imaṃ māmakaṃ dehaṃ bhūtagrāmaḥ samāśritaḥ | sa yātvito yathākāmaṃ vasatāṃ vā yathāsukham

Let the host of elements that has taken shelter in this body of mine go from here as it pleases, or stay as it likes.

Verse 30 (12.176.30)

न युष्मास्विह मे प्रीतिः कामलोभानुसारिषु । तस्मादुत्सृज्य वः सर्वान्सत्वमेवाश्रयाम्यहम् ॥

na yuṣmāsviha me prītiḥ kāmalobhānusāriṣu | tasmādutsṛjya vaḥ sarvānsatvamevāśrayāmyaham

I take no delight in you who follow desire and greed; so, throwing all of you off, I take refuge in goodness alone.

Verse 31 (12.176.31)

सर्वभूतान्यहं देहे पश्यन्मनसि चात्मनः । योगे बुद्धिं श्रुते सत्वं मनो ब्रह्मणि धारयन् ॥

sarvabhūtānyahaṃ dehe paśyanmanasi cātmanaḥ | yoge buddhiṃ śrute satvaṃ mano brahmaṇi dhārayan

Seeing all beings in my body and in my own mind, holding my intellect in yoga, my goodness in sacred learning, and my mind in Brahman,

Note on the text: Corrected सर्व भूतान्यहं → सर्वभूतान्यहं (run-together compound joined; Wikisource misprint).

Verse 32 (12.176.32)

विहरिष्याम्यनासक्तः सुखी लोकान्निरामयः । यथा मां त्वं पुनर्नैवं दुःखेषु प्रणिधास्यसि ॥

vihariṣyāmyanāsaktaḥ sukhī lokānnirāmayaḥ | yathā māṃ tvaṃ punarnaivaṃ duḥkheṣu praṇidhāsyasi

I shall wander among the worlds unattached, happy and free from sickness, so that you will never again set me thus among sorrows.

Verse 33 (12.176.33)

त्वया हि मे प्रणुन्नस्य गतिरन्या न विद्यते । तृष्णा शोकश्रमाणां हि त्वं काम प्रभवः सदा ॥

tvayā hi me praṇunnasya gatiranyā na vidyate | tṛṣṇā śokaśramāṇāṃ hi tvaṃ kāma prabhavaḥ sadā

Driven on by you, I have no other refuge; Desire, you are always the source of thirst, grief and weariness.

Verse 34 (12.176.34)

धननाशेऽधिकं दुःखं मन्ये सर्वमहत्तरम् । ज्ञातयो ह्यवमन्यन्ते मित्राणि च धनाच्च्युतम् ॥

dhananāśe'dhikaṃ duḥkhaṃ manye sarvamahattaram | jñātayo hyavamanyante mitrāṇi ca dhanāccyutam

I count the loss of wealth the greatest sorrow of all: kinsmen despise one who has fallen from wealth, and friends do too.

Verse 35 (12.176.35)

अवज्ञानसहस्रैस्तु दोषाः कष्टतराऽधने । धने सुखकला या तु साऽपि दुःखैर्विधीयते ॥

avajñānasahasraistu doṣāḥ kaṣṭatarā'dhane | dhane sukhakalā yā tu sā'pi duḥkhairvidhīyate

With thousands of slights come faults, harder still for the man without wealth; and even the little share of pleasure that wealth gives is made of pains.

Verse 36 (12.176.36)

धनमस्येति पुरुषं पुरो निघ्नन्ति दस्यवः । क्लिश्यन्ति विविधैर्दण्डैर्नित्यमुद्वेजयन्ति च ॥

dhanamasyeti puruṣaṃ puro nighnanti dasyavaḥ | kliśyanti vividhairdaṇḍairnityamudvejayanti ca

'He has wealth!' So thinking, robbers strike such a man down first; they torment him with all kinds of punishments and keep him always in dread.

Verse 37 (12.176.37)

धनलोलुपता दुःखमिति बुद्धं चिरान्मया । यद्यदालम्बसे कामं तत्तदेवानुरुध्यसे ॥

dhanalolupatā duḥkhamiti buddhaṃ cirānmayā | yadyadālambase kāmaṃ tattadevānurudhyase

I have long since understood that greed for wealth is sorrow. Desire, whatever you take hold of, you keep pursuing just that.

Verse 38 (12.176.38)

अतत्त्वज्ञोऽसि बालश्च दुस्तोषोऽपूरणोऽनलः । नैव त्वं वेत्थ सुलभं नैव त्वं वेत्थ दुर्लभम् ॥

atattvajño'si bālaśca dustoṣo'pūraṇo'nalaḥ | naiva tvaṃ vettha sulabhaṃ naiva tvaṃ vettha durlabham

You do not know the truth; you are a child, hard to satisfy, never filled, like fire. You know neither what is easy to get nor what is hard.

Verse 39 (12.176.39)

पाताल इव दुष्पूरो मां दुःखैर्योक्तुमिच्छसि । नाहमद्य समावेष्टुं शक्यः काम पुनस्त्वया ॥

pātāla iva duṣpūro māṃ duḥkhairyoktumicchasi | nāhamadya samāveṣṭuṃ śakyaḥ kāma punastvayā

Unfillable as the nether world, you wish to join me to sorrows. Desire, I can no longer be taken in again by you.

Verse 40 (12.176.40)

निर्वेदमहमासाद्य द्रव्यनाशाद्यदृच्छया । निवृत्तिं परमां प्राप्य नाद्य कामान्विचिन्तये ॥

nirvedamahamāsādya dravyanāśādyadṛcchayā | nivṛttiṃ paramāṃ prāpya nādya kāmānvicintaye

Through the chance loss of my goods I have come to disenchantment, and having reached the highest cessation, I no longer think of desires.

Verse 41 (12.176.41)

अतिक्लेशान्सहामीह नाहं बुद्ध्याम्यबुद्धिमान् । निकृतो धननाशेन शये सर्वाङ्गविज्वरः ॥

atikleśānsahāmīha nāhaṃ buddhyāmyabuddhimān | nikṛto dhananāśena śaye sarvāṅgavijvaraḥ

I have endured great hardships here, and, unwise, I did not understand. Cheated by the loss of wealth, I lie with fever in every limb.

Verse 42 (12.176.42)

परित्यजामि काम त्वां हित्वा सर्वं मनोगतम् । न त्वं मया पुनः काम नस्योतेनेव रंस्यसे ॥

parityajāmi kāma tvāṃ hitvā sarvaṃ manogatam | na tvaṃ mayā punaḥ kāma nasyoteneva raṃsyase

I abandon you, Desire, leaving behind everything that is in my mind. You will not amuse yourself with me again, as with an ox led by the nose-rope.

Verse 43 (12.176.43)

क्षमिष्ये क्षिपमाणानां न हिंसिष्ये विहिंसितः । द्वेष्यमुक्तः प्रियं वक्ष्याम्यनादृत्य तदप्रियम् ॥

kṣamiṣye kṣipamāṇānāṃ na hiṃsiṣye vihiṃsitaḥ | dveṣyamuktaḥ priyaṃ vakṣyāmyanādṛtya tadapriyam

I shall forgive those who revile me, and when harmed I shall not harm in return. Free of hatred, I shall speak kindly, taking no notice of what is unkind.

Verse 44 (12.176.44)

तृप्तः स्वस्थेन्द्रियो नित्यं यथालब्धेन वर्तयन् । न सकामं करिष्यामि त्वामहं शत्रुमात्मनः ॥

tṛptaḥ svasthendriyo nityaṃ yathālabdhena vartayan | na sakāmaṃ kariṣyāmi tvāmahaṃ śatrumātmanaḥ

Content, with senses at ease, always living on whatever comes to me, I shall never again fulfil your wish, you who are my own enemy.

Verse 45 (12.176.45)

निर्वेदं निर्वृतिं तृप्तिं शान्तिं सत्यं दमं क्षमाम् । सर्वभूतदयां चैव विद्धि मां शरणागतम् ॥

nirvedaṃ nirvṛtiṃ tṛptiṃ śāntiṃ satyaṃ damaṃ kṣamām | sarvabhūtadayāṃ caiva viddhi māṃ śaraṇāgatam

Disenchantment, contentment, fulfilment, peace, truth, self-control, forgiveness and compassion for all beings: know that I have come to these for refuge.

Verse 46 (12.176.46)

तस्मात्कामश्च लोभश्च तृष्णा कार्पण्यमेव च । त्यजन्तु मां प्रतिष्ठन्तं सत्वस्थो ह्यस्मि सांप्रतम् ॥

tasmātkāmaśca lobhaśca tṛṣṇā kārpaṇyameva ca | tyajantu māṃ pratiṣṭhantaṃ satvastho hyasmi sāṃpratam

So let desire and greed, thirst and meanness leave me as I set out; I now abide in goodness.

Verse 47 (12.176.47)

प्रहाय कामं लोभं च क्रोधं पारुष्यमेव च । नाद्य लोभवशं प्राप्तो दुःखं प्राप्स्याम्यनात्मवान् ॥

prahāya kāmaṃ lobhaṃ ca krodhaṃ pāruṣyameva ca | nādya lobhavaśaṃ prāpto duḥkhaṃ prāpsyāmyanātmavān

Having given up desire, greed, anger and harshness, I have not fallen under the sway of greed today, and I shall not meet sorrow as one who lacks self-mastery.

Verse 48 (12.176.48)

यद्यत्त्यजति कामानां तत्सुखस्याभिपूर्यते । कामस्य वशगो नित्यं दुःखमेव प्रपद्यते ॥

yadyattyajati kāmānāṃ tatsukhasyābhipūryate | kāmasya vaśago nityaṃ duḥkhameva prapadyate

Whatever a man gives up of his desires, so much happiness fills him; one who is always under desire's sway meets only sorrow.

Note on the text: Corrected यद्यस्त्यजति → यद्यत्त्यजति (misprint in Wikisource; स् for त्; the CE reads yad yat tyajati).

Verse 49 (12.176.49)

कामानुबन्धं नुदते यत्किंचित्पुरुषो रजः । कामक्रोधोद्भवं दुःखमह्रीररतिरेव च ॥

kāmānubandhaṃ nudate yatkiṃcitpuruṣo rajaḥ | kāmakrodhodbhavaṃ duḥkhamahrīraratireva ca

A man should drive out any passion that is tied to desire, for sorrow, shamelessness and discontent are born of desire and anger.

Verse 50 (12.176.50)

एष ब्रह्मप्रतिष्ठोऽहं ग्रीष्मे शीतमिव ह्रदम् । शाम्यामि परिनिर्वामि सुखमासे च केवलम् ॥

eṣa brahmapratiṣṭho'haṃ grīṣme śītamiva hradam | śāmyāmi parinirvāmi sukhamāse ca kevalam

Now I rest in Brahman, like one standing in a cool lake in summer; I grow quiet, I am wholly cooled, and I dwell in pure happiness.

Verse 51 (12.176.51)

यच्च कामसुखं लोके यच्च दिव्यं महत्सुखम् । तृष्णाक्षयसुखस्यैते नार्हतः षोडशीं कलाम् ॥

yacca kāmasukhaṃ loke yacca divyaṃ mahatsukham | tṛṣṇākṣayasukhasyaite nārhataḥ ṣoḍaśīṃ kalām

Whatever pleasure of desire there is in the world, and whatever great heavenly pleasure, these are not worth a sixteenth part of the happiness of the end of craving.

Verse 52 (12.176.52)

आत्मना सप्तमं कामं हत्वा शत्रुमिवोत्तमम् । प्राप्यावध्यं ब्रह्मपुरं राजेव च वसाम्यहम् ॥

ātmanā saptamaṃ kāmaṃ hatvā śatrumivottamam | prāpyāvadhyaṃ brahmapuraṃ rājeva ca vasāmyaham

Having slain Desire, the foremost enemy, with myself as the seventh, I have reached the unslayable city of Brahman, and I dwell there like a king.

Verse 53 (12.176.53)

एतां बुद्धिं समास्थाय मङ्किर्निर्वेदमागतः । सर्वान्कामान्परित्यज्य प्राप्य ब्रह्म महत्सुखम् ॥

etāṃ buddhiṃ samāsthāya maṅkirnirvedamāgataḥ | sarvānkāmānparityajya prāpya brahma mahatsukham

Resting on this understanding, Manki came to disenchantment; giving up all desires, he reached Brahman, the great happiness.

Verse 54 (12.176.54)

दम्यनाशकृते मङ्किरमृतत्वं किलागमत् । अच्छिनत्काममूलं स तेन प्राप परां गतिम् ॥

damyanāśakṛte maṅkiramṛtatvaṃ kilāgamat | acchinatkāmamūlaṃ sa tena prāpa parāṃ gatim

Through the loss of his two bulls Manki is said to have gained immortality; he cut off the root of desire and by that reached the highest goal.

Verse 55 (12.176.55)

अत्राप्युदाहरन्तीमं श्लोकं मोक्षोपसंहितम् । गीतं विदेहराजेन जनकेन प्रशाम्यता ॥

atrāpyudāharantīmaṃ ślokaṃ mokṣopasaṃhitam | gītaṃ videharājena janakena praśāmyatā

On this subject they also cite a verse tied to liberation, sung by Janaka, king of Videha, when he had grown tranquil.

Note on the text: Line 1 (श्लोकं मोक्षोपसंहितम्) differs from CE 12.171.55a (itihāsaṃ purātanam); the page's footnote records the CE wording as a variant (इति झ. पाठः). A recension variant, kept.

Verse 56 (12.176.56)

अनन्तमिव मे वित्तं यस्य मे नास्ति किंचन । मिथिलायां प्रदीप्तायां न मे दह्यति किंचन ॥

anantamiva me vittaṃ yasya me nāsti kiṃcana | mithilāyāṃ pradīptāyāṃ na me dahyati kiṃcana

My wealth is boundless, though I have nothing at all; if Mithila were burning, nothing of mine would burn.

Note on the text: Speaker: the page prints no heading; the verse is the verse sung by Janaka, introduced in verse 55.

Verse 57 (12.176.57)

अत्रैवोदाहरन्तीमं बोध्यस्य पदसंचयम् । निर्वेदं प्रति विन्यस्तं तं निबोध युधिष्ठिर ॥

atraivodāharantīmaṃ bodhyasya padasaṃcayam | nirvedaṃ prati vinyastaṃ taṃ nibodha yudhiṣṭhira

On this subject they also cite a collection of Bodhya's words, laid down on the matter of disenchantment. Listen to it, Yudhishthira.

Verse 58 (12.176.58)

बोध्यं शान्तमृषिं राजा नाहुषः पर्यपृच्छत । निर्वेदाच्छान्तिमापन्नं शास्त्रप्रज्ञानतर्पितम् ॥

bodhyaṃ śāntamṛṣiṃ rājā nāhuṣaḥ paryapṛcchata | nirvedācchāntimāpannaṃ śāstraprajñānatarpitam

The king, Nahusha's son, questioned the sage Bodhya, who was at peace, who had come to tranquillity through disenchantment and was satisfied with the knowledge of the scriptures.

Verse 59 (12.176.59)

उपदेशं महाप्राज्ञ शमस्योपदिशस्व मे । कां बुद्धिं समनुप्राप्य शान्तश्चरसि निर्वृतः ॥

upadeśaṃ mahāprājña śamasyopadiśasva me | kāṃ buddhiṃ samanuprāpya śāntaścarasi nirvṛtaḥ

Great sage, give me instruction in peace. By what understanding do you live, calm and content?

Note on the text: Speaker: the page prints no heading; the question is put by the king, Nahusha's son, introduced in verse 58.

Verse 60 (12.176.60)

उपदेशेन वर्तामि नानुशास्मीह कंचन । लक्षणं तस्य वक्ष्येऽहं तत्स्वयं परिमृष्यताम् ॥

upadeśena vartāmi nānuśāsmīha kaṃcana | lakṣaṇaṃ tasya vakṣye'haṃ tatsvayaṃ parimṛṣyatām

I live by instruction received, and I teach no one here. I shall tell you its mark; examine it for yourself.

Verse 61 (12.176.61)

पिङ्गला कुररः सर्पः सारङ्गान्वेषणं वने । इषुकारः कुमारी च षडेते गुरवो मम ॥

piṅgalā kuraraḥ sarpaḥ sāraṅgānveṣaṇaṃ vane | iṣukāraḥ kumārī ca ṣaḍete guravo mama

Pingala, the osprey, the serpent, the sarang bird's search in the forest, the arrow-maker and the maiden: these six are my teachers.

Verse 62 (12.176.62)

आशा बलवती राजन्नैराश्यं परमं सुखम् । आशां निराशां कृत्वा तु सुखं स्वपिति पिङ्गला ॥

āśā balavatī rājannairāśyaṃ paramaṃ sukham | āśāṃ nirāśāṃ kṛtvā tu sukhaṃ svapiti piṅgalā

Hope is powerful, O king; hopelessness is the highest happiness. Having turned hope into hopelessness, Pingala sleeps in comfort.

Note on the text: Removed the speaker heading and the bracket mark ('[*भीष्म उवाच ।') that the input had run into the verse text; it is made the speaker (the page heads this passage 'भीष्म उवाच', and the CE star passage also begins bhīṣma uvāca). Verses 62-68 are printed on the page inside square brackets, as an interpolated passage. Lines = CE star passage 12.171.61d*0475 (printed inline in the CE after 61c) 0475_01-02 (āśā balavatī kaṣṭā nairāśyaṃ paramaṃ sukham / āśāṃ nirāśāṃ kṛtvā tu sukhaṃ svapiti piṅgalā); Wikisource has राजन् where the CE has kaṣṭā.

Verse 63 (12.176.63)

सामिषं कुररं दृष्ट्वा वध्यमानं निरामिषैः । आमिषस्य परित्यागात्कुररः सुखमेधते ॥

sāmiṣaṃ kuraraṃ dṛṣṭvā vadhyamānaṃ nirāmiṣaiḥ | āmiṣasya parityāgātkuraraḥ sukhamedhate

An osprey with meat was seen being struck by birds that had none; by giving up the meat, the osprey prospers in comfort.

Note on the text: The alignment found no match. Lines = CE star passage 12.171.61d*0475 (printed inline in the CE after 61c) 0475_03-04 (sāmiṣaṃ kuraraṃ dṛṣṭvā vadhyamānaṃ nirāmiṣaiḥ / āmiṣasya parityāgāt kuraraḥ sukham edhate).

Verse 64 (12.176.64)

गृहारम्भो हि दुःखाय न सुखाय कदाचन । सर्पः परकृतं वेश्म प्रविश्य सुखमेधते ॥

gṛhārambho hi duḥkhāya na sukhāya kadācana | sarpaḥ parakṛtaṃ veśma praviśya sukhamedhate

Building a house is for sorrow, never for happiness; the serpent enters a dwelling made by others and prospers in comfort.

Note on the text: The alignment found no match. Lines = CE star passage 12.171.61d*0475 (printed inline in the CE after 61c) 0475_05-06 (gṛhārambho hi duḥkhāya na sukhāya kadā cana / sarpaḥ parakṛtaṃ veśma praviśya sukham edhate).

Verse 65 (12.176.65)

सुखं जीवन्ति मुनयो भैक्ष्यवृत्तिं समाश्रिताः । अद्रोहेणैव भूतानां सारङ्ग इव पक्षिणः ॥

sukhaṃ jīvanti munayo bhaikṣyavṛttiṃ samāśritāḥ | adroheṇaiva bhūtānāṃ sāraṅga iva pakṣiṇaḥ

Sages live happily, subsisting on alms and harming no creature, like the sarang birds.

Note on the text: Corrected अद्रोहणैव → अद्रोहेणैव (misprint in Wikisource; a dropped ए; the CE reads adroheṇaiva). The alignment found no match. Lines = CE star passage 12.171.61d*0475 (printed inline in the CE after 61c) 0475_07-08 (sukhaṃ jīvanti munayo bhaikṣyavṛttiṃ samāśritāḥ / adroheṇaiva bhūtānāṃ sāraṅgā iva pakṣiṇaḥ).

Verse 66 (12.176.66)

अल्पेभ्यश्च महद्भ्यश्च शास्त्रेभ्यो मतिमान्नरः । सर्वतः सारमादद्यात्पुष्पेभ्य इव षट्पदः ॥

alpebhyaśca mahadbhyaśca śāstrebhyo matimānnaraḥ | sarvataḥ sāramādadyātpuṣpebhya iva ṣaṭpadaḥ

A wise man should take the essence from everywhere, from small scriptures and great, as the bee takes honey from flowers.

Note on the text: Removed the backtick and quote marks and the doubled daṇḍa Wikisource prints around this verse (and the invisible joiner in षट्‌पदः). Not in the critical edition (found in the vulgate recension): it is not among the CE star lines at 12.171.61d*0475, and the CE has no other verse with these words.

Verse 67 (12.176.67)

इषुकारो नरः कश्चिदिषावासक्तमानसः । समीपेनापि गच्छन्तं राजानं नावबुद्धवान् ॥

iṣukāro naraḥ kaścidiṣāvāsaktamānasaḥ | samīpenāpi gacchantaṃ rājānaṃ nāvabuddhavān

An arrow-maker, his mind absorbed in his arrow, did not notice the king passing close beside him.

Note on the text: Corrected इपावासक्तमानसः → इषावासक्तमानसः (misprint in Wikisource; प for ष; the CE reads iṣāv āhitamānasaḥ). The alignment found no match. Lines = CE star passage 12.171.61d*0475 (printed inline in the CE after 61c) 0475_09-10 (iṣukāro naraḥ kaś cid iṣāv āhitamānasaḥ / samīpenāpi gacchantaṃ rājānaṃ nāvabuddhavān).

Verse 68 (12.176.68)

बहूनां कलहो नित्यं द्वयोः संकथनं ध्रुवम् । एकाकी विचरिष्यामि कुमारीशङ्खको यथा ॥

bahūnāṃ kalaho nityaṃ dvayoḥ saṃkathanaṃ dhruvam | ekākī vicariṣyāmi kumārīśaṅkhako yathā

Among many there is constant quarrel, and between two talk is certain; I shall go about alone, like the maiden's single conch bracelet.

Note on the text: Corrected विचरिष्यानि → विचरिष्यामि (misprint in Wikisource; the CE reads vicariṣyāmi) and removed the closing bracket and doubled daṇḍa Wikisource prints after this verse. The alignment found no match. Lines = CE star passage 12.171.61d*0475 (printed inline in the CE after 61c) 0475_11-12 (bahūnāṃ kalaho nityaṃ dvayoḥ saṃgharṣaṇaṃ dhruvam / ekākī vicariṣyāmi kumārīśaṅkhako yathā); Wikisource has संकथनं where the CE has saṃgharṣaṇaṃ.