Narada Teaches Shuka the Way to Liberation

Verse 1 (12.337.1)

एतस्मिन्नन्तरे भूते नारदः पुनरागमत् । शुकं स्वाध्यायनिरतं वेदार्थान्प्रष्टुमीप्सया ॥

etasminnantare bhūte nāradaḥ punarāgamat | śukaṃ svādhyāyanirataṃ vedārthānpraṣṭumīpsayā

In the meantime Narada came again, wishing to question Shuka, who was absorbed in his Vedic study, about the meaning of the Vedas.

Note on the text: Corrected प्रष्टुमीप्सवा → प्रष्टुमीप्सया (misprint in Wikisource; ईप्सवा is not a form; the page's own variant note reads ईप्सया).

Verse 2 (12.337.2)

देवर्षिं तु शुको दृष्ट्वा नारदं समुपस्थितम् । अर्घ्यपूर्वेण विधिना वेदोक्तेनाभ्यपूजयत् ॥

devarṣiṃ tu śuko dṛṣṭvā nāradaṃ samupasthitam | arghyapūrveṇa vidhinā vedoktenābhyapūjayat

Seeing the divine sage Narada arrived, Shuka honoured him with the arghya offering and the other rites of welcome, as the Veda prescribes.

Note on the text: Corrected देवर्षि तु → देवर्षिं तु (misprint in Wikisource; missing anusvara; CE 12.316.2 देवर्षिं). Corrected समुपस्यितम् → समुपस्थितम् (misprint in Wikisource; CE 12.316.2). Corrected अर्ध्यपूर्वेण → अर्घ्यपूर्वेण (misprint in Wikisource; CE 12.316.2 अर्घ्यपूर्वेण). Corrected विधिवा → विधिना (misprint in Wikisource; CE 12.316.2 विधिना).

Verse 3 (12.337.3)

नारदोऽथाब्रवीत्प्रीतो ब्रूहि ब्रह्मविदां वर । केन त्वां श्रेयसा वत्स योजयामीति हृष्टवत् ॥

nārado'thābravītprīto brūhi brahmavidāṃ vara | kena tvāṃ śreyasā vatsa yojayāmīti hṛṣṭavat

Pleased, Narada said gladly, "Tell me, best of those who know Brahman: with what good, my child, shall I unite you?"

Note on the text: Corrected नारदोऽयाजवीत् → नारदोऽथाब्रवीत् (misprint in Wikisource; CE 12.316.3 नारदोऽथाब्रवीत्).

Verse 4 (12.337.4)

नारदस्य वचः श्रुत्वा शुकः प्रोवाच भारत । अस्मिँल्लोके हितं यत्स्यात्तेन मां योक्तुमर्हसि ॥

nāradasya vacaḥ śrutvā śukaḥ provāca bhārata | asmim̐lloke hitaṃ yatsyāttena māṃ yoktumarhasi

Hearing Narada's words, Shuka said, "O Bharata, you should unite me with whatever would be good for me in this world."

Note on the text: Corrected यत्स्वात्तेन → यत्स्यात्तेन (misprint in Wikisource; CE 12.316.4 यत् स्यात्).

Verse 5 (12.337.5)

तत्त्वं जिज्ञासतां पूर्वमृषीणां भावितात्मनाम् । सनत्कुमारो भगवानिदं वचनमब्रवीत् ॥

tattvaṃ jijñāsatāṃ pūrvamṛṣīṇāṃ bhāvitātmanām | sanatkumāro bhagavānidaṃ vacanamabravīt

Narada said: "To the ancient sages of purified minds who sought the truth, the blessed Sanatkumara spoke these words."

Note on the text: Corrected पूर्वनृषीणां → पूर्वमृषीणां (misprint in Wikisource; CE 12.316.5 पूर्वम् ऋषीणां). Corrected वतनमब्रवीत् → वचनमब्रवीत् (misprint in Wikisource; CE 12.316.5 वचनम्).

Verse 6 (12.337.6)

नास्ति विद्यासमं चक्षुर्नास्ति सत्यसमं तपः । नास्ति रागसमं दुःखं नास्ति त्यागसमं सुखम् ॥

nāsti vidyāsamaṃ cakṣurnāsti satyasamaṃ tapaḥ | nāsti rāgasamaṃ duḥkhaṃ nāsti tyāgasamaṃ sukham

"There is no eye like knowledge, no austerity like truth, no sorrow like attachment, and no happiness like renunciation."

Note on the text: Corrected विद्यासगं → विद्यासमं (misprint in Wikisource; CE 12.316.6 विद्यासमं).

Verse 7 (12.337.7)

निवृत्तिः कर्मणा पापात्सततं पुण्यशीलता । सद्वृत्तिः सद्वदाचारः श्रेय एतदनुत्तमम् ॥

nivṛttiḥ karmaṇā pāpātsatataṃ puṇyaśīlatā | sadvṛttiḥ sadvadācāraḥ śreya etadanuttamam

"Abstaining from sinful action, constant virtue, good livelihood and conduct like that of the good: this alone is the highest good."

Note on the text: Corrected एवदनुत्तमम् → एतदनुत्तमम् (misprint in Wikisource; CE 12.316.7 एतद् अनुत्तमम्).

Verse 8 (12.337.8)

मानुष्यमसुखं प्राप्य यः सज्जति न मुच्यते । नालं स दुःखमोक्षाय संयोगो दुःखलक्षणम् ॥

mānuṣyamasukhaṃ prāpya yaḥ sajjati na mucyate | nālaṃ sa duḥkhamokṣāya saṃyogo duḥkhalakṣaṇam

"Having obtained this joyless human state, one who clings to it is not freed; he is unfit for release from sorrow, for attachment is the very mark of sorrow."

Note on the text: Corrected नानुवयसुखं → मानुष्यमसुखं (misprint in Wikisource; CE 12.316.8 मानुष्यम् असुखं).

Verse 9 (12.337.9)

सक्तस्य बुद्धिश्चलति मोहजालविवर्धनी । मोहजालावृतो दुःखमिह चामुत्र सोऽश्नुते ॥

saktasya buddhiścalati mohajālavivardhanī | mohajālāvṛto duḥkhamiha cāmutra so'śnute

"The mind of the attached man wavers, spinning ever wider the net of delusion; wrapped in that net, he suffers pain here and hereafter."

Note on the text: Corrected मोहवालावृतो → मोहजालावृतो (misprint in Wikisource; CE 12.316.9 मोहजालावृतो).

Verse 10 (12.337.10)

सर्वोपायात्तु कामस्य क्रोधस्य च विनिग्रहः । कार्यः श्रेयोर्थिना तौ हि श्रेयोघातार्थमुद्यतौ ॥

sarvopāyāttu kāmasya krodhasya ca vinigrahaḥ | kāryaḥ śreyorthinā tau hi śreyoghātārthamudyatau

"By every means, one who seeks the highest good must restrain desire and anger, for these two are bent on destroying that good."

Note on the text: Corrected सर्वोपागात्तु कामस्व → सर्वोपायात्तु कामस्य (misprint in Wikisource; CE 12.316.10 सर्वोपायेन कामस्य).

Verse 11 (12.337.11)

नित्यं क्रोधात्तपो रक्षेच्छ्रियं रक्षेच्च मत्सरात् । विद्यां मानावमानाभ्यामात्मानं तु प्रमादतः ॥

nityaṃ krodhāttapo rakṣecchriyaṃ rakṣecca matsarāt | vidyāṃ mānāvamānābhyāmātmānaṃ tu pramādataḥ

"One should always guard austerity from anger, prosperity from envy, learning from pride and dishonour, and oneself from carelessness."

Verse 12 (12.337.12)

आनृशंस्यं परो धर्मः क्षमा च परमं बलम् । आत्मज्ञानं परं ज्ञानं न सत्याद्विद्यते परम् ॥

ānṛśaṃsyaṃ paro dharmaḥ kṣamā ca paramaṃ balam | ātmajñānaṃ paraṃ jñānaṃ na satyādvidyate param

"Non-cruelty is the highest dharma, forbearance the highest strength, knowledge of the Self the highest knowledge; nothing is higher than truth."

Verse 13 (12.337.13)

सत्यस्य वचनं श्रेयः सत्यादपि हितं वदेत् । यद्भूतहितमत्यन्तमेतत्सत्यं मतं मम ॥

satyasya vacanaṃ śreyaḥ satyādapi hitaṃ vadet | yadbhūtahitamatyantametatsatyaṃ mataṃ mama

"To speak the truth is good, yet one should speak what is beneficial even beyond truth. That which is wholly beneficial to living beings: that, in my view, is truth."

Verse 14 (12.337.14)

सर्वारम्भपरित्यागी निराशीर्निष्परिग्रहः । येन सर्वं परित्यक्तं स विद्वान्स च पण्डितः ॥

sarvārambhaparityāgī nirāśīrniṣparigrahaḥ | yena sarvaṃ parityaktaṃ sa vidvānsa ca paṇḍitaḥ

"One who has given up every undertaking, who has no expectations and no possessions, who has renounced everything: he is wise, he is a true scholar."

Verse 15 (12.337.15)

इन्द्रियैरिन्द्रियार्थान्यश्चरत्यात्मवशैरिह । आसज्जमानः शान्तात्मा निर्विकारः समाहितः ॥

indriyairindriyārthānyaścaratyātmavaśairiha | āsajjamānaḥ śāntātmā nirvikāraḥ samāhitaḥ

"He who moves among the objects of the senses here with his senses under the control of the self, unattached, tranquil, unchanging and composed,

Verse 16 (12.337.16)

आत्मभूतैरतद्भूतः सह चैव विनैव च । स विमुक्तः परं श्रेयो नचिरेणाधिगच्छति ॥

ātmabhūtairatadbhūtaḥ saha caiva vinaiva ca | sa vimuktaḥ paraṃ śreyo nacireṇādhigacchati

among beings who are like his own self and yet unlike it, with them and yet without them, is liberated and soon reaches the highest good."

Note on the text: Corrected अत्मभूतैर → आत्मभूतैर (misprint in Wikisource; CE 12.316.16 आत्मभूतैः).

Verse 17 (12.337.17)

अदर्शनमसंस्पर्शस्तथाऽसंभाषणं तदा । यस्य भूतैः सह मुने स श्रेयो विन्दते परम् ॥

adarśanamasaṃsparśastathā'saṃbhāṣaṇaṃ tadā | yasya bhūtaiḥ saha mune sa śreyo vindate param

"Neither seeing, nor touching, nor conversing with beings: whoever is so, O sage, finds the highest good."

Verse 18 (12.337.18)

न हिंस्यात्सर्वभूतानि मैत्रायणगतश्चरेत् । नेदं जन्म समासाद्य वैरं कुर्वीत केनचित् ॥

na hiṃsyātsarvabhūtāni maitrāyaṇagataścaret | nedaṃ janma samāsādya vairaṃ kurvīta kenacit

"One should harm no living being, and should live in friendliness. Having attained this birth, one should make enmity with no one."

Note on the text: Corrected मैत्रायगणतश्चरेत् → मैत्रायणगतश्चरेत् (misprint in Wikisource; CE 12.316.18 मैत्रायणगतश्चरेत्).

Verse 19 (12.337.19)

आकिञ्चन्यं सुसंतोषो निराशीस्त्वमचापलम् । एतदाहुः परं श्रेय आत्मज्ञस्य जितात्मनः ॥

ākiñcanyaṃ susaṃtoṣo nirāśīstvamacāpalam | etadāhuḥ paraṃ śreya ātmajñasya jitātmanaḥ

"Owning nothing, perfect contentment, freedom from desire, steadiness: this they call the highest good of the one who knows the Self and has conquered himself."

Verse 20 (12.337.20)

परिग्रहं परित्यज्य भव तात जितेन्द्रियः । अशोकं स्थानमातिष्ठ इह चामुत्र चाभयम् ॥

parigrahaṃ parityajya bhava tāta jitendriyaḥ | aśokaṃ sthānamātiṣṭha iha cāmutra cābhayam

"Give up possessions, dear child, and become master of your senses. Take your stand in the sorrowless state, fearless here and hereafter."

Verse 21 (12.337.21)

निरामिषा न शोचन्ति त्यजेदामिषमात्मनः । परित्यज्यामिषं सौम्य दुःखतापाद्विमोक्ष्यसे ॥

nirāmiṣā na śocanti tyajedāmiṣamātmanaḥ | parityajyāmiṣaṃ saumya duḥkhatāpādvimokṣyase

"Those free of lures do not grieve; one should give up the lure that is one's own. Having given up the lure, gentle one, you will be freed from the burning of sorrow."

Note on the text: Corrected सौभ्य → सौम्य (misprint in Wikisource; CE 12.316.21 सौम्य).

Verse 22 (12.337.22)

तपोनित्येन दान्तेन मुनिना संयतात्मना । अजितं जेतुकामेन भाव्यं सङ्गेष्वसङ्गिना ॥

taponityena dāntena muninā saṃyatātmanā | ajitaṃ jetukāmena bhāvyaṃ saṅgeṣvasaṅginā

"One who wishes to win what is yet unwon must be constant in austerity, self-controlled, a sage of restrained mind, and unattached among attachments."

Verse 23 (12.337.23)

गुणसङ्गेष्वनासक्त एकचर्यारतः सदा । ब्राह्मणो नचिरादेव सुखमायात्यनुत्तमम् ॥

guṇasaṅgeṣvanāsakta ekacaryārataḥ sadā | brāhmaṇo nacirādeva sukhamāyātyanuttamam

"Unattached to the bonds of the qualities and ever delighting in a solitary course, a brahmin soon reaches the highest happiness."

Verse 24 (12.337.24)

द्वन्द्वारामेषु भूतेषु य एको रमते मुनिः । विद्धि प्रज्ञानतृप्तं तं ज्ञानतृप्तो न शोचति ॥

dvandvārāmeṣu bhūteṣu ya eko ramate muniḥ | viddhi prajñānatṛptaṃ taṃ jñānatṛpto na śocati

"The sage who alone delights among beings that delight in pairs of opposites: know him to be content in wisdom, and one content in knowledge does not grieve."

Verse 25 (12.337.25)

शुभैर्लभति देवत्वं व्यामिश्रैर्जन्म मानुषम् । अशुभैश्चाप्यधोजन्म कर्मभिर्लभतेऽवशः ॥

śubhairlabhati devatvaṃ vyāmiśrairjanma mānuṣam | aśubhaiścāpyadhojanma karmabhirlabhate'vaśaḥ

"By good deeds one gains godhood, by mixed deeds a human birth, and by evil deeds a lower birth; helplessly, one gains these through one's actions."

Note on the text: Corrected व्यामिश्रेर् → व्यामिश्रैर् (misprint in Wikisource; CE 12.316.25 व्यामिश्रैर्).

Verse 26 (12.337.26)

तत्र मृत्युवशो दुःखैः सततं समभिद्रुतः । संसारे पच्यते जन्तुस्तत्कथं नावबुध्यसे ॥

tatra mṛtyuvaśo duḥkhaiḥ satataṃ samabhidrutaḥ | saṃsāre pacyate jantustatkathaṃ nāvabudhyase

"There, in the grip of death and ever beset by sorrows, the creature is cooked in the cycle of rebirth. How is it that you do not see this?"

Verse 27 (12.337.27)

अहिते हितसंज्ञस्त्वमध्रुवे ध्रुवसंज्ञकः । अनर्थे चार्थसंज्ञस्त्वं किमर्थं नावबुध्यसे ॥

ahite hitasaṃjñastvamadhruve dhruvasaṃjñakaḥ | anarthe cārthasaṃjñastvaṃ kimarthaṃ nāvabudhyase

"You take the harmful for the good, the impermanent for the permanent, and what is worthless for what is worthwhile. Why do you not see?"

Verse 28 (12.337.28)

संवेष्ट्यमानं बहुभिर्मोहात्तन्तुभिरात्मजैः । कोशकार इवात्मानं वेष्टयन्नावबुध्यसे ॥

saṃveṣṭyamānaṃ bahubhirmohāttantubhirātmajaiḥ | kośakāra ivātmānaṃ veṣṭayannāvabudhyase

"Like a silkworm winding itself in its cocoon, you wrap yourself in the many threads of delusion spun from your own offspring, and you do not see."

Verse 29 (12.337.29)

अलं परिग्रहेणेह दोषवान्हि परिग्रहः । कृमिर्हि कोशकारस्तु बध्यते स परिग्रहात् ॥

alaṃ parigraheṇeha doṣavānhi parigrahaḥ | kṛmirhi kośakārastu badhyate sa parigrahāt

"Enough of clinging! Clinging is full of fault: the silkworm is bound by its own clinging."

Verse 30 (12.337.30)

पुत्रदारकुटुम्बेषु सक्ताः सीदन्ति जन्तवः । सरःपङ्कार्णवे मग्ना जीर्णा वनगजा इव ॥

putradārakuṭumbeṣu saktāḥ sīdanti jantavaḥ | saraḥpaṅkārṇave magnā jīrṇā vanagajā iva

"Creatures attached to sons, wives and family sink down, like old forest elephants sunk in a sea of lake mud."

Verse 31 (12.337.31)

महाजालसमाकृष्टान्स्थले मत्स्यानिवोद्धृतान् । मोहजालसमाकृष्टान्पश्य जन्तून्सुदुःखितान् ॥

mahājālasamākṛṣṭānsthale matsyānivoddhṛtān | mohajālasamākṛṣṭānpaśya jantūnsuduḥkhitān

"See the living creatures in terrible distress, dragged along by the net of delusion like fish hauled by a great net onto dry land."

Verse 32 (12.337.32)

कुटुम्बं पुत्रदारांश्च शरीरं संचयाश्च ये । पारक्यमध्रुवं सर्वं किं स्वं सुकृतदुष्कृतम् ॥

kuṭumbaṃ putradārāṃśca śarīraṃ saṃcayāśca ye | pārakyamadhruvaṃ sarvaṃ kiṃ svaṃ sukṛtaduṣkṛtam

"Family, sons and wives, the body, and one's hoards: all belongs to others and is impermanent. What is truly one's own? Only one's good and evil deeds."

Verse 33 (12.337.33)

यदा सर्वान्परित्यज्य गन्तव्यमवशेन ते । अनर्थे किं प्रसक्तस्त्वं समर्थं नानुतिष्ठसि ॥

yadā sarvānparityajya gantavyamavaśena te | anarthe kiṃ prasaktastvaṃ samarthaṃ nānutiṣṭhasi

"When you must go, helpless, leaving everything behind, why are you absorbed in what is worthless, and do not pursue what is worthwhile?"

Verse 34 (12.337.34)

अविश्रान्तमनालम्बमपाथेयमदैशिकम् । तमः कान्तारमध्वानं कथमेको गमिष्यसि ॥

aviśrāntamanālambamapātheyamadaiśikam | tamaḥ kāntāramadhvānaṃ kathameko gamiṣyasi

"A road without rest, without support, without provisions, without a guide, a wilderness of darkness: how will you travel it alone?"

Verse 35 (12.337.35)

न हि त्वां प्रस्थितं कश्चित्पृष्ठतोऽनुगमिष्यति । सुकृतं दुष्कृतं च त्वां यास्यन्तमनुयास्यतः ॥

na hi tvāṃ prasthitaṃ kaścitpṛṣṭhato'nugamiṣyati | sukṛtaṃ duṣkṛtaṃ ca tvāṃ yāsyantamanuyāsyataḥ

"When you set out, no one will follow behind you; only your good deeds and your evil deeds will follow you as you go."

Verse 36 (12.337.36)

विद्या कर्म च शौचं च ज्ञानं च बहुविस्तरम् । अर्थार्थमनुसार्यन्ते सिद्धार्थस्य विमुच्यते ॥

vidyā karma ca śaucaṃ ca jñānaṃ ca bahuvistaram | arthārthamanusāryante siddhārthasya vimucyate

"Learning, ritual action, purity and knowledge, in all their great variety, are pursued for the sake of a purpose; one whose purpose is accomplished is set free."

Verse 37 (12.337.37)

निबन्धनी रज्जुरेषा या ग्रामे वसतो रतिः । छित्त्वैतां सुकृतो यान्ति नैनां छिन्दन्ति दुष्कृतः ॥

nibandhanī rajjureṣā yā grāme vasato ratiḥ | chittvaitāṃ sukṛto yānti naināṃ chindanti duṣkṛtaḥ

"This is the binding rope: the delight of one who dwells in a village. The virtuous cut it and go; the wicked do not cut it."

Verse 38 (12.337.38)

रूपकूलां मनःस्रोतां स्पर्शद्वीपां रसावहाम् । गन्धपङ्कां शब्दजलां स्वर्गमार्गदुरावहाम् ॥

rūpakūlāṃ manaḥsrotāṃ sparśadvīpāṃ rasāvahām | gandhapaṅkāṃ śabdajalāṃ svargamārgadurāvahām

"A river whose banks are forms, whose current is the mind, whose islands are touch, which carries tastes, whose mud is smell and whose water is sound, hard to cross on the way to heaven,

Verse 39 (12.337.39)

क्षमारित्रां सत्यमयीं धर्मस्थैर्यपदाङ्कुराम् । त्यागवाताध्वगां शीघ्रां नौतार्यां तां नदीं तरेत् ॥

kṣamāritrāṃ satyamayīṃ dharmasthairyapadāṅkurām | tyāgavātādhvagāṃ śīghrāṃ nautāryāṃ tāṃ nadīṃ taret

whose oars are forbearance, which is made of truth, whose footing and shoots are firmness in dharma, swift, driven by the wind of renunciation: that river one should cross by boat."

Verse 40 (12.337.40)

त्यज धर्ममधर्मं च उभे सत्यानृते त्यज । उभे सत्यानृते त्यक्त्वा येन त्यजसि तं त्यज ॥

tyaja dharmamadharmaṃ ca ubhe satyānṛte tyaja | ubhe satyānṛte tyaktvā yena tyajasi taṃ tyaja

"Abandon dharma and adharma; abandon both truth and falsehood. Having abandoned both truth and falsehood, abandon that by which you abandon."

Verse 41 (12.337.41)

त्यज धर्ममसंकल्पादधर्मं चाप्यलिप्सया । उभे सत्यानृते बुद्ध्या बुद्धिं परमनिश्चयात् ॥

tyaja dharmamasaṃkalpādadharmaṃ cāpyalipsayā | ubhe satyānṛte buddhyā buddhiṃ paramaniścayāt

"Abandon dharma by giving up intention, and adharma by giving up greed; abandon both truth and falsehood by means of the intellect, and the intellect by means of the supreme certainty."

Verse 42 (12.337.42)

अस्थिस्थूणं स्नायुयुतं मांसशोणितलेपनम् । चर्मावनद्धं दुर्गन्धिं पूर्णं मूत्रपुरीषयोः ॥

asthisthūṇaṃ snāyuyutaṃ māṃsaśoṇitalepanam | carmāvanaddhaṃ durgandhiṃ pūrṇaṃ mūtrapurīṣayoḥ

A frame of bones bound with sinews, plastered with flesh and blood, wrapped in skin, foul-smelling, full of urine and excrement,

Verse 43 (12.337.43)

जराशोकसमाविष्टं रोगायतनमातुरम् । रजस्वलमनित्यं च भूतावासमिमं त्यज ॥

jarāśokasamāviṣṭaṃ rogāyatanamāturam | rajasvalamanityaṃ ca bhūtāvāsamimaṃ tyaja

gripped by old age and sorrow, a home of disease, ailing, impure and impermanent: give up this dwelling-place of the elements.

Verse 44 (12.337.44)

इदं विश्वं जगत्सर्वमजगच्चापि यद्भवेत् । महाभूतात्मकं सर्वं महद्यत्परमाणु च ॥

idaṃ viśvaṃ jagatsarvamajagaccāpi yadbhavet | mahābhūtātmakaṃ sarvaṃ mahadyatparamāṇu ca

This whole universe, whatever moves and whatever does not, everything, great or atomic, is made of the great elements.

Verse 45 (12.337.45)

महाभूतानि खं वायुरग्निरापस्तथा मही । षष्ठं तु चेतना या तु आत्मा सप्तममुच्यते । अष्टमं तु मनो ज्ञेयं बुद्धिस्तु नवमी स्मृता ॥

mahābhūtāni khaṃ vāyuragnirāpastathā mahī | ṣaṣṭhaṃ tu cetanā yā tu ātmā saptamamucyate | aṣṭamaṃ tu mano jñeyaṃ buddhistu navamī smṛtā

The great elements are space, wind, fire, water and earth; the sixth is consciousness, and the seventh is called the Self; the eighth is to be known as mind, and the ninth is remembered as intellect.

Note on the text: Removed the stray backtick and quote mark that Wikisource prints inside this three-line verse. Not in the critical edition's constituted text: star passage 12.316.44d*0794 (lines 01-03), printed in the CE apparatus after 12.316.44 (CE reads षष्ठस्तु for षष्ठं तु).

Verse 46 (12.337.46)

इन्द्रियाणि च पञ्चैव तमः सत्वं रजस्तथा । इत्येष सप्तदशको राशिरव्यक्तसंज्ञकः ॥

indriyāṇi ca pañcaiva tamaḥ satvaṃ rajastathā | ityeṣa saptadaśako rāśiravyaktasaṃjñakaḥ

The five senses, together with darkness, sattva and rajas: this makes up the seventeenfold mass called the Unmanifest.

Verse 47 (12.337.47)

सर्वैरिहेन्द्रियार्थैश्च व्यक्ताव्यक्तैर्हि संहितः । चतुर्विशक इत्येष व्यक्ताव्यक्तमयो गणः ॥

sarvairihendriyārthaiśca vyaktāvyaktairhi saṃhitaḥ | caturviśaka ityeṣa vyaktāvyaktamayo gaṇaḥ

Joined with all the objects of the senses here, manifest and unmanifest, this is the twenty-four-fold group made of the manifest and the unmanifest.

Verse 48 (12.337.48)

एतैः सर्वैः समायुक्तः पुमानित्यभिधीयते । त्रिवर्गं तु सुखं दुःखं जीवितं मरणं तथा ॥

etaiḥ sarvaiḥ samāyuktaḥ pumānityabhidhīyate | trivargaṃ tu sukhaṃ duḥkhaṃ jīvitaṃ maraṇaṃ tathā

Joined with all these, one is called a person; and so too are the three aims of life, pleasure and pain, life and death.

Verse 49 (12.337.49)

य इदं वेद तत्त्वेन स वेद प्रभवाप्ययौ । पारम्पर्येह बोद्धव्यं ज्ञानानां यच्च किंचन ॥

ya idaṃ veda tattvena sa veda prabhavāpyayau | pāramparyeha boddhavyaṃ jñānānāṃ yacca kiṃcana

Whoever knows this truly knows origin and dissolution, and whatever else among the branches of knowledge is to be learned through the succession of teachers.

Verse 50 (12.337.50)

इन्द्रियैर्गृह्यते यद्यत्तत्तद्व्यक्तमिति स्थितिः । अव्यक्तमिति विज्ञेयं लिङ्गग्राह्यमतीन्द्रियम् ॥

indriyairgṛhyate yadyattattadvyaktamiti sthitiḥ | avyaktamiti vijñeyaṃ liṅgagrāhyamatīndriyam

Whatever is grasped by the senses is established as the manifest; the unmanifest is to be known as what is grasped through inference and lies beyond the senses.

Verse 51 (12.337.51)

इन्द्रियैर्नियतैर्देही धाराभिरिव तर्प्यते । लोके विततमात्मानं लोकांश्चात्मनि पश्यति ॥

indriyairniyatairdehī dhārābhiriva tarpyate | loke vitatamātmānaṃ lokāṃścātmani paśyati

The embodied one is nourished by his controlled senses as though by streams; he sees the Self spread through the world, and the worlds in the Self.

Verse 52 (12.337.52)

परावरदृशः शक्तिर्ज्ञानमूला न नश्यति । पश्यतः सर्वभूतानि सर्वावस्थासु सर्वदा ॥

parāvaradṛśaḥ śaktirjñānamūlā na naśyati | paśyataḥ sarvabhūtāni sarvāvasthāsu sarvadā

The power of one who sees both the higher and the lower, rooted in knowledge, does not perish, as he looks upon all beings in all states, always.

Verse 53 (12.337.53)

ब्रह्मभूतस्य संयोगो नाशुभेनोपपद्यते । ज्ञानेन विविधान्क्लेशानतिवृत्तस्य मोहजान् ॥

brahmabhūtasya saṃyogo nāśubhenopapadyate | jñānena vividhānkleśānativṛttasya mohajān

No union with evil comes to one who has become Brahman, who by knowledge has passed beyond the many afflictions born of delusion.

Note on the text: Lines = CE 12.316.52a, 12.316.52c. Wikisource divides the CE's three-line verse 52 (a, c, e) and the verses after it differently.

Verse 54 (12.337.54)

लोके बुद्धिप्रकाशेन लोकमार्गो न रिष्यते । अनादिनिधनज्ञं तमात्मनि स्थितमव्ययम् ॥

loke buddhiprakāśena lokamārgo na riṣyate | anādinidhanajñaṃ tamātmani sthitamavyayam

By the light of understanding in the world, the path of the world is not harmed. That knower, without beginning or end, abiding in the self, imperishable,

Note on the text: Lines = CE 12.316.52e + 12.316.53a (CE reads जन्तुम् for ज्ञं तम्). Wikisource divides the CE verses differently.

Verse 55 (12.337.55)

अकर्तारममूर्तं च भगवानाह तीर्थवित् । यो जन्तुः स्वकृतैस्तैस्तैः कर्मभिर्नित्यदुःखितः ॥

akartāramamūrtaṃ ca bhagavānāha tīrthavit | yo jantuḥ svakṛtaistaistaiḥ karmabhirnityaduḥkhitaḥ

is a non-doer and without form, said the blessed one who knows the sacred fords. The creature that is ever in pain through its own various deeds

Note on the text: Lines = CE 12.316.53c + 12.316.54a. Wikisource divides the CE verses differently.

Verse 56 (12.337.56)

स दुःखप्रतिघातार्थं हन्ति जन्तूननेकधा । ततः कर्म समादत्ते पुनरन्यन्नवं बहु ॥

sa duḥkhapratighātārthaṃ hanti jantūnanekadhā | tataḥ karma samādatte punaranyannavaṃ bahu

kills living beings in many ways in order to ward off that pain, and then takes up still more new and manifold actions.

Note on the text: Lines = CE 12.316.54c + 12.316.55a. Wikisource divides the CE verses differently.

Verse 57 (12.337.57)

तप्यतेऽथ पुनस्तेन भुक्त्वापथ्यमिवातुरः । अजस्रमेव मोहान्धो दुःखेषु सुखसंज्ञितः ॥

tapyate'tha punastena bhuktvāpathyamivāturaḥ | ajasrameva mohāndho duḥkheṣu sukhasaṃjñitaḥ

Then he is tormented again by them, like a sick man who has eaten unwholesome food; blinded by delusion, he ceaselessly takes pain for pleasure.

Note on the text: Corrected भुक्त्वा पथ्यमिव → भुक्त्वापथ्यमिव (misprint in Wikisource; missing avagraha (अपथ्यम् "unwholesome food"), which flips the sense; CE 12.316.55 भुक्त्वापथ्यम्). Lines = CE 12.316.55c + 12.316.56a (CE reads अपथ्यम् ... मोहार्तः). Wikisource divides the CE verses differently.

Verse 58 (12.337.58)

बध्यते मथ्यते चैव कर्मभिर्मन्थवत्सदा । ततो निबद्धः स्वां योनिं कर्मणामुदयादिह ॥

badhyate mathyate caiva karmabhirmanthavatsadā | tato nibaddhaḥ svāṃ yoniṃ karmaṇāmudayādiha

He is bound and churned always by his actions, like a churning stick; so bound, by the ripening of his deeds he comes here into the birth that is his own,

Note on the text: Lines = CE 12.316.56c + 12.316.57a (CE reads ततो निवृत्तो बन्धात् स्वात् for ततो निबद्धः स्वां योनिं). Wikisource divides the CE verses differently.

Verse 59 (12.337.59)

परिभ्रमति संसारं चक्रवद्बहुवेदनः । स त्वं निर्वृत्तबन्धस्तु निवृत्तश्चापि कर्मतः ॥

paribhramati saṃsāraṃ cakravadbahuvedanaḥ | sa tvaṃ nirvṛttabandhastu nivṛttaścāpi karmataḥ

and wanders round the cycle of rebirth like a wheel, in great pain. But you, whose bonds have fallen away and who have turned back from action as well,

Note on the text: Corrected सत्वं निर्वृत्त → स त्वं निर्वृत्त (misprint in Wikisource; सत्वं does not fit; CE 12.316.58 स त्वं). Lines = CE 12.316.57c + 12.316.58a. Wikisource divides the CE verses differently.

Verse 60 (12.337.60)

सर्ववित्सर्वजित्सिद्धौ भव भावविवर्जितः । संयमेन नवं बन्धं निवर्त्य तपसो बलात् । संप्राप्ता बहवः सिद्धिमप्यबाधां सुखोदयाम् ॥

sarvavitsarvajitsiddhau bhava bhāvavivarjitaḥ | saṃyamena navaṃ bandhaṃ nivartya tapaso balāt | saṃprāptā bahavaḥ siddhimapyabādhāṃ sukhodayām

become all-knowing, victorious over all, established in perfection, free from every state of being. By restraint, ending fresh bondage through the strength of austerity, many have attained perfection, free of obstacle and rich in joy.

Note on the text: Lines = CE 12.316.58c + 12.316.59a + 12.316.59c (a three-line verse; CE reads सिद्धो for सिद्धौ). Wikisource divides the CE verses differently.