Gandhari Shows Krishna Vikarna, Durmukha, Chitrasena and Vivimshati

Verse 1 (11.19.1)

एष माधव पुत्रो मे विकर्णः प्राज्ञसम्मतः । भूमौ विनिहतः शेते भीमेन शतधा कृतः ॥

eṣa mādhava putro me vikarṇaḥ prājñasammataḥ | bhūmau vinihataḥ śete bhīmena śatadhā kṛtaḥ

Here, Madhava, lies my son Vikarna, esteemed by the wise, slain on the ground, cut by Bhima into a hundred pieces.

Note on the text: Corrected पाज्ञ → प्राज्ञ (misprint in Wikisource; a dropped र; the critical edition reads prājñasaṃmataḥ).

Verse 2 (11.19.2)

गजमध्ये हतः शेते विकर्णो मधुसूदन । नीलमेघपरिक्षिप्तः शरदीव निशाकरः ॥

gajamadhye hataḥ śete vikarṇo madhusūdana | nīlameghaparikṣiptaḥ śaradīva niśākaraḥ

Vikarna lies slain among the elephants, Madhusudana, enclosed by dark clouds like the moon in autumn.

Verse 3 (11.19.3)

अस्य चापग्रहेणैव पाणिः कृतकिणो महान् । कथञ्चिच्छिद्यते गृध्रैरत्तुकामैस्तलत्रवान् ॥

asya cāpagraheṇaiva pāṇiḥ kṛtakiṇo mahān | kathañcicchidyate gṛdhrairattukāmaistalatravān

His huge hand, scarred from gripping the bow and fitted with its leather guard, is being torn off, somehow, by vultures eager to eat it.

Verse 4 (11.19.4)

अस्य भार्याऽऽमिषप्रेप्सून्गृध्रकाकांस्तपस्विनी । वारयत्यनिशं बाला न च शक्नोति माधव ॥

asya bhāryā''miṣaprepsūngṛdhrakākāṃstapasvinī | vārayatyaniśaṃ bālā na ca śaknoti mādhava

His wife, the poor young woman, keeps driving off the vultures and crows that crave flesh, Madhava, but she cannot.

Verse 5 (11.19.5)

युवा वृन्दारकसमो विकर्णः पुरुषर्षभ । सुखोषितः सुखार्हश्च शेते पांसुषु माधव ॥

yuvā vṛndārakasamo vikarṇaḥ puruṣarṣabha | sukhoṣitaḥ sukhārhaśca śete pāṃsuṣu mādhava

Vikarna, best of men, young and like a god, accustomed to comfort and deserving of it, lies in the dust, Madhava.

Verse 6 (11.19.6)

कर्णिनालीकनाराचैर्भिन्नमर्माणमाहवे । अद्यापि न जहात्येनं लक्ष्मीर्भरतसत्तमम् ॥

karṇinālīkanārācairbhinnamarmāṇamāhave | adyāpi na jahātyenaṃ lakṣmīrbharatasattamam

Pierced in his vitals in battle by karnin, nalika and naracha arrows, he is not abandoned even now by Lakshmi, that best of the Bharatas.

Verse 7 (11.19.7)

एष सङ्ग्रामशूरेण प्रतिज्ञां पालयिष्यता । दुर्मुखोऽभिमुखः शेते हतोऽरिगणहा रणे ॥

eṣa saṅgrāmaśūreṇa pratijñāṃ pālayiṣyatā | durmukho'bhimukhaḥ śete hato'rigaṇahā raṇe

Here lies Durmukha, slayer of enemy hosts, facing his foes, killed in battle by the hero of the fight, who was keeping his vow.

Note on the text: Corrected शूरणे → शूरेण (misprint in Wikisource; णे for ण, a wrong ending; the critical edition reads saṃgrāmaśūreṇa).

Verse 8 (11.19.8)

तस्यैतद्वदनं कृष्ण श्वापदैरर्धभक्षितम् । विभात्यभ्यधिकं तात सप्तम्यामिव चन्द्रमाः ॥

tasyaitadvadanaṃ kṛṣṇa śvāpadairardhabhakṣitam | vibhātyabhyadhikaṃ tāta saptamyāmiva candramāḥ

That face of his, Krishna, half eaten by beasts, looks all the more beautiful, my dear, like the moon on the seventh day.

Verse 9 (11.19.9)

शूरस्य हि रणे कृष्ण पश्याननमथेदृशम् । स कथं निहतोऽमित्रैः पांसून्ग्रसति मे सुतः ॥

śūrasya hi raṇe kṛṣṇa paśyānanamathedṛśam | sa kathaṃ nihato'mitraiḥ pāṃsūngrasati me sutaḥ

Look at the face of this hero of the battle, Krishna, still like this. How is it that he, my son, slain by his enemies, devours the dust?

Verse 10 (11.19.10)

यस्याहवमुखे सौम्य स्थाता नैवोपपद्यते । स कथं दुर्मुखोऽमित्रैर्हतो विबुधलोकजित् ॥

yasyāhavamukhe saumya sthātā naivopapadyate | sa kathaṃ durmukho'mitrairhato vibudhalokajit

He before whom no one could stand at the front of battle, gentle one: how has Durmukha, conqueror of the world of the gods, been slain by his enemies?

Verse 11 (11.19.11)

चित्रसेनं हतं भूमौ शयानं मधुसूदन । धार्तराष्ट्रमिमं पश्य प्रतिमानं धनुष्मताम् ॥

citrasenaṃ hataṃ bhūmau śayānaṃ madhusūdana | dhārtarāṣṭramimaṃ paśya pratimānaṃ dhanuṣmatām

See Chitrasena, Madhusudana, lying slain on the ground, this son of Dhritarashtra, the very model of bowmen.

Verse 12 (11.19.12)

तं चित्रमाल्याभरणं युवत्यः शोककर्शिताः । क्रव्यादसङ्घैः सहिता रुदन्त्यः पर्युपासते ॥

taṃ citramālyābharaṇaṃ yuvatyaḥ śokakarśitāḥ | kravyādasaṅghaiḥ sahitā rudantyaḥ paryupāsate

Young women, wasted with grief, sit around him in his many-coloured garlands and ornaments, weeping, among flocks of flesh-eaters.

Verse 13 (11.19.13)

स्त्रीणां रुदितनिर्घोषः श्वापदानां च गर्जितम् । चित्ररूपमिदं कृष्ण विमृश्य प्रतिभाति मे ॥

strīṇāṃ ruditanirghoṣaḥ śvāpadānāṃ ca garjitam | citrarūpamidaṃ kṛṣṇa vimṛśya pratibhāti me

The wailing of women and the roaring of beasts together: strange is this sight, Krishna, and on reflection it seems to me marvellous.

Verse 14 (11.19.14)

युवा वृन्दारको नित्यं प्रवरस्त्रीनिषेवितः । विविंशतिरसौ शेते ध्वस्तः पांसुषु माधव ॥

yuvā vṛndārako nityaṃ pravarastrīniṣevitaḥ | viviṃśatirasau śete dhvastaḥ pāṃsuṣu mādhava

Vivimshati, ever young and godlike, always served by the finest women, lies shattered in the dust, Madhava.

Verse 15 (11.19.15)

शरसङ्कृत्तवर्माणं वीरं विशसने हतम् । परिवार्यासते गृध्राः परिविंशं विविंशतिम् ॥

śarasaṅkṛttavarmāṇaṃ vīraṃ viśasane hatam | parivāryāsate gṛdhrāḥ pariviṃśaṃ viviṃśatim

Vultures sit all around Vivimshati, the hero killed in the slaughter, his armour cut through by arrows.

Note on the text: परिविंशं is obscure (the critical edition prints pariviṃśā); kept as printed and rendered here as "all around".

Verse 16 (11.19.16)

प्रविश्य समरे शूरः पाण्डवानामनीकिनीम् । स वीरशयने शेते परः सत्पुरुषोचिते ॥

praviśya samare śūraḥ pāṇḍavānāmanīkinīm | sa vīraśayane śete paraḥ satpuruṣocite

Having plunged into the army of the Pandavas in battle, that hero lies on the hero's bed, the foremost, as befits the righteous.

Verse 17 (11.19.17)

स्मितोपपन्नं सुनसं सुभ्रु ताराधिपोपमम् । अतीव सौम्यवदनं कृष्ण पश्य विविंशतेः ॥

smitopapannaṃ sunasaṃ subhru tārādhipopamam | atīva saumyavadanaṃ kṛṣṇa paśya viviṃśateḥ

See, Krishna, how very gentle is the face of Vivimshati, smiling, fine-nosed and fair-browed, like the lord of the stars.

Verse 18 (11.19.18)

यं स्म तं पर्युपासन्ते बहुधा वरयोषितः । क्रीडन्तमिव गन्धर्वं देवकन्याः सहस्रशः ॥

yaṃ sma taṃ paryupāsante bahudhā varayoṣitaḥ | krīḍantamiva gandharvaṃ devakanyāḥ sahasraśaḥ

He whom the finest women used to attend in many ways, as thousands of divine maidens attend a Gandharva at play.

Verse 19 (11.19.19)

हन्तारं परसैन्यानां शूरं समितिशोभनम् । निबर्हणममित्राणां दुःसहं विषहेत कः ॥

hantāraṃ parasainyānāṃ śūraṃ samitiśobhanam | nibarhaṇamamitrāṇāṃ duḥsahaṃ viṣaheta kaḥ

Slayer of enemy armies, a hero, the ornament of assemblies, destroyer of his foes: who could withstand Duhsaha, the unendurable?

Verse 20 (11.19.20)

दुःसहस्यैतदाभाति शरीरं संवृतं शरैः । गिरिरात्मरुहैः फुल्लैः कर्णिकारैरिवाचितः ॥

duḥsahasyaitadābhāti śarīraṃ saṃvṛtaṃ śaraiḥ | girirātmaruhaiḥ phullaiḥ karṇikārairivācitaḥ

This body of Duhsaha, covered with arrows, looks like a mountain covered with flowering karnikara trees that have grown from itself.

Verse 21 (11.19.21)

शातकौम्भ्या स्रजा भाति कवचेन च भास्वता । अग्निनेव गिरिः श्वेतो गतासुरपि दुःसहः ॥

śātakaumbhyā srajā bhāti kavacena ca bhāsvatā | agnineva giriḥ śveto gatāsurapi duḥsahaḥ

With his golden garland and his shining armour, he shines like a white mountain wreathed in fire; even lifeless, Duhsaha remains unendurable.