Yudhishthira Sees Duryodhana in Heaven

Verse 1 (18.1.1)

स्वर्गं त्रिविष्टपं प्राप्य मम पूर्वपितामहाः । पाण्डवा धार्तराष्ट्राश्च कानि स्थानानि भेजिरे ॥

svargaṃ triviṣṭapaṃ prāpya mama pūrvapitāmahāḥ | pāṇḍavā dhārtarāṣṭrāśca kāni sthānāni bhejire

Having reached heaven, the realm of the gods, which places did my forefathers, the Pandavas and the sons of Dhritarashtra, come to occupy?

Verse 2 (18.1.2)

एतदिच्छाम्यहं श्रोतुं सर्वविच्चासि मे मतः । महर्षिणाऽभ्यनुज्ञातो व्यासेनाद्भुतकर्मणा ॥

etadicchāmyahaṃ śrotuṃ sarvaviccāsi me mataḥ | maharṣiṇā'bhyanujñāto vyāsenādbhutakarmaṇā

This I wish to hear. In my judgement you know everything, and you have the leave of the great sage Vyasa, whose deeds are wondrous.

Verse 3 (18.1.3)

स्वर्गं त्रिविष्टपं प्राप्य तव पूर्वपितामहाः । युधिष्ठिरप्रभृतयो यदकुर्वत तच्छृणु ॥

svargaṃ triviṣṭapaṃ prāpya tava pūrvapitāmahāḥ | yudhiṣṭhiraprabhṛtayo yadakurvata tacchṛṇu

Hear what your forefathers, Yudhishthira and the others, did after they had reached heaven.

Verse 4 (18.1.4)

स्वर्गं त्रिविष्टपं प्राप्य धर्मराजो युधिष्ठिरः । दुर्योधनं श्रिया जुष्टं ददर्शासीनमासने ॥

svargaṃ triviṣṭapaṃ prāpya dharmarājo yudhiṣṭhiraḥ | duryodhanaṃ śriyā juṣṭaṃ dadarśāsīnamāsane

On reaching heaven, Yudhishthira, the king of dharma, saw Duryodhana seated on a throne, resplendent with glory,

Verse 5 (18.1.5)

भ्राजमानमिवादित्यं वीरलक्ष्म्याऽभिसंवृतम् । देवैर्भ्राजिष्णुभिः साध्यैः सहितं पुण्यकर्मभिः ॥

bhrājamānamivādityaṃ vīralakṣmyā'bhisaṃvṛtam | devairbhrājiṣṇubhiḥ sādhyaiḥ sahitaṃ puṇyakarmabhiḥ

shining like the sun, wrapped in the glory of a hero, and accompanied by radiant gods and by Sadhyas of meritorious deeds.

Verse 6 (18.1.6)

ततो युधिष्ठिरो राजा दुर्योधनममर्षितः । सहसा सन्निवृत्तोऽभूच्छ्रियं दृष्ट्वा सुयोधने ॥

tato yudhiṣṭhiro rājā duryodhanamamarṣitaḥ | sahasā sannivṛtto'bhūcchriyaṃ dṛṣṭvā suyodhane

Then King Yudhishthira, resentful at the sight of Duryodhana, abruptly turned back when he saw such glory on Suyodhana.

Verse 7 (18.1.7)

ब्रुवन्नुच्चैर्वचस्तान्वै नाहं दुर्योधनेन वै । सहितः कामये लोकाँल्लुब्धेनादीर्घदर्शिना ॥

bruvannuccairvacastānvai nāhaṃ duryodhanena vai | sahitaḥ kāmaye lokām̐llubdhenādīrghadarśinā

Speaking loudly to those present, he said: ‘I do not wish to share worlds with Duryodhana, a greedy man who sees no distance ahead,

Note on the text: Corrected लब्धेन → लुब्धेन (misprint in Wikisource; labdha, 'obtained', gives no sense beside adīrghadarśin; the critical edition has lubdhenādīrghadarśinā, 'greedy and short-sighted').

Verse 8 (18.1.8)

यत्कृते पृथिवी सर्वा सुहृदो बान्धवास्तथा । हतास्माभिः प्रसह्याजौ क्लिष्टैः पूर्वं महावने ॥

yatkṛte pṛthivī sarvā suhṛdo bāndhavāstathā | hatāsmābhiḥ prasahyājau kliṣṭaiḥ pūrvaṃ mahāvane

‘on whose account we, who had earlier been tormented in the great forest, destroyed by force in battle the whole earth, our friends and our kinsmen;

Note on the text: Corrected किल्ष्टैः → क्लिष्टैः (misprint in Wikisource; broken conjunct; CE kliṣṭaiḥ). Speaker supplied from the sense: the page prints no heading here and the input carried Vaishampayana over.

Verse 9 (18.1.9)

द्रौपदी च सभामध्ये पाञ्चाली धर्मचारिणी । पर्याकृष्टाऽनवद्याङ्गी पत्नी नो गुरुसन्निधौ ॥

draupadī ca sabhāmadhye pāñcālī dharmacāriṇī | paryākṛṣṭā'navadyāṅgī patnī no gurusannidhau

‘and on whose account Draupadi, the Panchali, devoted to dharma and faultless in every limb, our wife, was dragged into the middle of the assembly in the presence of our elders.

Verse 10 (18.1.10)

अस्ति देवा न मे कामः सुयोधनमुदीक्षितुम् । तत्राहं गन्तुमिच्छामि यत्र ते भ्रातरो मम ॥

asti devā na me kāmaḥ suyodhanamudīkṣitum | tatrāhaṃ gantumicchāmi yatra te bhrātaro mama

‘Gods, I have no wish to look upon Suyodhana. I want to go where my brothers are.’

Note on the text: Wikisource reads अस्ति where the critical edition has svasti (recension variant or misprint; kept as printed).

Verse 11 (18.1.11)

नैवमित्यब्रवीत्तं तु नारदः प्रहसन्निव । स्वर्गे निवासे राजेन्द्र विरुद्धं चापि नश्यति ॥

naivamityabravīttaṃ tu nāradaḥ prahasanniva | svarge nivāse rājendra viruddhaṃ cāpi naśyati

Narada, smiling a little, said to him, ‘Not so! Where one lives in heaven, O king, even old enmity vanishes.

Verse 12 (18.1.12)

युधिष्ठिर महाबाहो मैवं वोचः कथञ्चन । दुर्योधनं प्रति नृपं शृणु चेदं वचो मम ॥

yudhiṣṭhira mahābāho maivaṃ vocaḥ kathañcana | duryodhanaṃ prati nṛpaṃ śṛṇu cedaṃ vaco mama

‘Mighty-armed Yudhishthira, never speak so. Listen to these words of mine about King Duryodhana.

Note on the text: Speaker supplied from the sense: the page prints no heading here and the input carried Vaishampayana over.

Verse 13 (18.1.13)

एष दुर्योधनो राजा पूज्यते त्रिदशैः सह । सद्भिश्च राजप्रवरैते इमे स्वर्गवासिनः ॥

eṣa duryodhano rājā pūjyate tridaśaiḥ saha | sadbhiśca rājapravaraite ime svargavāsinaḥ

‘This King Duryodhana is honoured together with the gods, and by the good, by these best of kings who dwell in heaven.

Verse 14 (18.1.14)

वीरलोकगतिं प्राप्ता युद्धे हुत्वाऽऽत्मनस्तनुम् । यूयं सर्वे सुरसमा येन युद्धेन बाधिताः ॥

vīralokagatiṃ prāptā yuddhe hutvā''tmanastanum | yūyaṃ sarve surasamā yena yuddhena bādhitāḥ

‘He has gone the way of the heroes' worlds, having offered his body in battle — he by whom all of you, equal to the gods, were hard pressed in the fight.

Note on the text: Wikisource reads बाधिताः where the critical edition has samāsitāḥ (recension variant, kept).

Verse 15 (18.1.15)

स एष क्षत्रधर्मेण स्थानमेतदवाप्तवान् । भये महति योऽभीतो बभूव पृथिवीपतिः ॥

sa eṣa kṣatradharmeṇa sthānametadavāptavān | bhaye mahati yo'bhīto babhūva pṛthivīpatiḥ

‘By the dharma of a warrior he has won this station — he who, though a lord of the earth, was fearless in great danger.

Verse 16 (18.1.16)

न तन्मनसि कर्तव्यं पुत्र यद्द्यूतकारितम् । द्रौपद्याश्च परिक्लेशं न चिन्तयितुमर्हसि ॥

na tanmanasi kartavyaṃ putra yaddyūtakāritam | draupadyāśca parikleśaṃ na cintayitumarhasi

‘You should not keep in mind, my son, what the game of dice brought about, nor dwell upon Draupadi's torment.

Verse 17 (18.1.17)

ये चान्येऽपि परिक्लेशा युष्माकं ज्ञातिकारिताः । संग्रामेष्वथवाऽन्यत्र न तान्संस्मर्तुमर्हसि ॥

ye cānye'pi parikleśā yuṣmākaṃ jñātikāritāḥ | saṃgrāmeṣvathavā'nyatra na tānsaṃsmartumarhasi

‘And whatever other afflictions your kinsmen inflicted on you, in the battles or elsewhere, you should not recall them.

Verse 18 (18.1.18)

समागच्छ यथान्यायं राज्ञा दुर्योधनेन वै । स्वर्गोऽयं नेह वैराणि भवन्ति मनुजाधिप ॥

samāgaccha yathānyāyaṃ rājñā duryodhanena vai | svargo'yaṃ neha vairāṇi bhavanti manujādhipa

‘Meet King Duryodhana as is fitting. This is heaven; here, O lord of men, there are no enmities.’

Note on the text: Corrected भन्ति → भवन्ति (misprint in Wikisource; a dropped syllable; CE bhavanti).

Verse 19 (18.1.19)

नारदेनैवमुक्तस्तु कुरुराजो युधिष्ठिरः । भ्रातॄन्पप्रच्छ मेधावी वाक्यमेतदुवाच ह ॥

nāradenaivamuktastu kururājo yudhiṣṭhiraḥ | bhrātṝnpapraccha medhāvī vākyametaduvāca ha

Thus addressed by Narada, Yudhishthira, king of the Kurus, the wise, asked about his brothers and spoke these words.

Verse 20 (18.1.20)

यदि दुर्योधनस्यैते वीरलोकाः सनातनाः । अधर्मज्ञस्य पापस्य पृथिवीसुहृदद्रुहः ॥

yadi duryodhanasyaite vīralokāḥ sanātanāḥ | adharmajñasya pāpasya pṛthivīsuhṛdadruhaḥ

‘If these eternal worlds of heroes are Duryodhana's — a man ignorant of dharma, a sinner, a wrongdoer to the earth's own friends —

Note on the text: Speaker supplied from the sense: the page prints no heading here and the input carried Vaishampayana over.

Verse 21 (18.1.21)

यत्कृते पृथिवी नष्टा सहसा सनरद्विपा । वयं च मन्युना दग्धा वैरं प्रतिचिकीर्षवः ॥

yatkṛte pṛthivī naṣṭā sahasā sanaradvipā | vayaṃ ca manyunā dagdhā vairaṃ praticikīrṣavaḥ

‘because of whom the earth was suddenly ruined with its men and elephants, and we were consumed by anger and longed to repay the enmity —

Verse 22 (18.1.22)

ये ते वीरा महात्मानो भ्रातरो मे महाव्रताः । सत्यप्रतिज्ञा लोकस्य शूरा वै सत्यवादिनः । तेषामिदानीं के लोका द्रष्टुमिच्छामि तानहम् ॥

ye te vīrā mahātmāno bhrātaro me mahāvratāḥ | satyapratijñā lokasya śūrā vai satyavādinaḥ | teṣāmidānīṃ ke lokā draṣṭumicchāmi tānaham

‘then what worlds are now theirs — those great-souled heroes, my brothers of mighty vows, firm in their promises, brave, truthful to all the world? I wish to see them:

Note on the text: Corrected वीरी → वीरा (misprint in Wikisource; not a Sanskrit form in context; CE vīrā). CE 18.1.22 is a three-line verse (lines 22a, 22c, 23a); Wikisource keeps all three lines together as one verse.

Verse 23 (18.1.23)

कर्णं चैव महात्मानं कौन्तेयं सत्यसङ्गरम् । धृष्टद्युम्नं सात्यकिं च धृष्टद्युम्नस्य चात्मजान् ॥

karṇaṃ caiva mahātmānaṃ kaunteyaṃ satyasaṅgaram | dhṛṣṭadyumnaṃ sātyakiṃ ca dhṛṣṭadyumnasya cātmajān

‘Karna, the great-souled son of Kunti, true to his word; Dhrishtadyumna and Satyaki, and the sons of Dhrishtadyumna;

Note on the text: CE lines 18.1.23c and 24a.

Verse 24 (18.1.24)

ये च शस्त्रैर्वधं प्राप्ताः क्षत्रधर्मेण पार्थिवाः । क्वनु ते पार्थिवा ब्रह्मन्नैतान्पश्यामि नारद ॥

ye ca śastrairvadhaṃ prāptāḥ kṣatradharmeṇa pārthivāḥ | kvanu te pārthivā brahmannaitānpaśyāmi nārada

‘and those kings who met death by weapons according to the dharma of warriors — where are those kings, O brahmin Narada? I do not see them here;

Note on the text: Corrected पार्थिवान्ब्रह्मन् → पार्थिवा ब्रह्मन् (misprint in Wikisource; the accusative पार्थिवान् cannot stand after क्व नु ते; CE kva nu te pārthivā brahman). CE lines 18.1.24c and 25a (the CE star line 25b*0004, which Wikisource lacks, is not added).

Verse 25 (18.1.25)

विराटद्रुपदौ चैव धृष्टकेतुमुखांश्च तान् । शिखण्डिनं च पाञ्चाल्यं द्रौपदेयांश्च सर्वशः । अभिमन्युं च दुर्धर्षं द्रष्टुमिच्छामि नारद ॥

virāṭadrupadau caiva dhṛṣṭaketumukhāṃśca tān | śikhaṇḍinaṃ ca pāñcālyaṃ draupadeyāṃśca sarvaśaḥ | abhimanyuṃ ca durdharṣaṃ draṣṭumicchāmi nārada

‘Virata and Drupada, and Dhrishtaketu and the others at their head; Shikhandin the Panchala, and all the sons of Draupadi; and the unconquerable Abhimanyu — these I wish to see, Narada.’

Note on the text: CE lines 18.1.25c, 26a and 26c.