Garuda Describes the East

Verse 1 (5.108.1)

अनुशिष्टोऽस्मि देवेन गालव ज्ञानयोनिना । ब्रूहि कामं तु कां यामि द्रष्टुं प्रथमतो दिशम् ॥

anuśiṣṭo'smi devena gālava jñānayoninā | brūhi kāmaṃ tu kāṃ yāmi draṣṭuṃ prathamato diśam

I have been commanded, Galava, by the god who is the source of knowledge. Tell me your wish: which direction shall I go to see first?

Note on the text: Corrected प्रथममो → प्रथमतो (misprint in Wikisource; म for त; the critical edition reads prathamato).

Verse 2 (5.108.2)

पूर्वां वा दक्षिणां वाहमथवा पश्चिमां दिशम् । उत्तरां वा द्विजश्रेष्ठ कुतो गच्छामि गालव ॥

pūrvāṃ vā dakṣiṇāṃ vāhamathavā paścimāṃ diśam | uttarāṃ vā dvijaśreṣṭha kuto gacchāmi gālava

The east, or the south, or the west, or the north, best of the twice-born — which way shall I go, Galava?

Verse 3 (5.108.3)

यस्यामुदयते पूर्वं सर्वलोकप्रभावनः । सविता यत्र सन्ध्यायां साध्यानां वर्तते तपः ॥

yasyāmudayate pūrvaṃ sarvalokaprabhāvanaḥ | savitā yatra sandhyāyāṃ sādhyānāṃ vartate tapaḥ

There is the quarter in which the sun, who brings all the worlds into being, first rises; where, at twilight, the austerities of the Sadhyas are performed;

Verse 4 (5.108.4)

यस्यां पूर्वं मतिर्जाता यया व्याप्तमिदं जगत् । चक्षुषी यत्र धर्मस्य यत्र चैष प्रतिष्ठितः ॥

yasyāṃ pūrvaṃ matirjātā yayā vyāptamidaṃ jagat | cakṣuṣī yatra dharmasya yatra caiṣa pratiṣṭhitaḥ

in which first arose the intelligence that pervades this world; where the two eyes of Dharma are, and where he is established;

Verse 5 (5.108.5)

कृतं यतो हुतं हव्यं सर्पते सर्वतोदिशम् । एतद्द्वारं द्विजश्रेष्ठ दिवसस्य तथाऽध्वनः ॥

kṛtaṃ yato hutaṃ havyaṃ sarpate sarvatodiśam | etaddvāraṃ dvijaśreṣṭha divasasya tathā'dhvanaḥ

from which the oblation, once offered, spreads in every direction. This, best of the twice-born, is the gate of the day and of the road.

Note on the text: Removed an invisible zero-width non-joiner inside एतद्द्वारं. The page also prints a double danda after the first line; the row and its closing mark make this one verse, as in the critical edition (5.106.5, reading hutaṃ yatomukhair for कृतं यतो हुतं).

Verse 6 (5.108.6)

अत्र पूर्वं प्रसूता वै दाक्षायण्यः प्रजाः स्त्रियः । यस्यां दिशि प्रवृद्धाश्च कश्यपस्यात्मसंभवाः ॥

atra pūrvaṃ prasūtā vai dākṣāyaṇyaḥ prajāḥ striyaḥ | yasyāṃ diśi pravṛddhāśca kaśyapasyātmasaṃbhavāḥ

Here the daughters of Daksha first gave birth to their offspring; in this quarter the children born of Kashyapa grew and multiplied.

Verse 7 (5.108.7)

अदोमूला सुराणां श्रीर्यत्र शक्रोऽभ्यषिच्यत । सुरराज्येन विप्रर्षे देवैश्चात्र तपश्चितम् ॥

adomūlā surāṇāṃ śrīryatra śakro'bhyaṣicyata | surarājyena viprarṣe devaiścātra tapaścitam

From this root springs the glory of the gods; here Shakra was consecrated to the kingship of the gods, brahmin seer, and here the gods heaped up their austerities.

Verse 8 (5.108.8)

एतस्मात्कारणाद्ब्रह्मन्पूर्वेत्येषा दिगुच्यते । यस्मात्पूर्वतरे काले पूर्वमेवावृतासुरैः ॥

etasmātkāraṇādbrahmanpūrvetyeṣā digucyate | yasmātpūrvatare kāle pūrvamevāvṛtāsuraiḥ

For this reason, brahmin, this quarter is called Purva, "the first": because in an earlier age it was the first to be occupied by the gods.

Verse 9 (5.108.9)

अत एव च सर्वेषां पूर्वामाशां प्रचक्षते । पूर्वं सर्वाणि कार्याणि दैवानि सुखमीप्सता ॥

ata eva ca sarveṣāṃ pūrvāmāśāṃ pracakṣate | pūrvaṃ sarvāṇi kāryāṇi daivāni sukhamīpsatā

For this very reason the eastern quarter is called the first of all; one who seeks happiness should perform all rites to the gods first, facing this way.

Verse 10 (5.108.10)

अत्र वेदाञ्जगौ पूर्वं भगवाँल्लोकभावनः । अत्रैवोक्ता सवित्रासीत्सावित्री ब्रह्मवादिषु ॥

atra vedāñjagau pūrvaṃ bhagavām̐llokabhāvanaḥ | atraivoktā savitrāsītsāvitrī brahmavādiṣu

Here the blessed creator of the worlds first sang the Vedas; here the Savitri was taught by Savitar to the expounders of Brahman.

Verse 11 (5.108.11)

अत्र दत्तानि सूर्येण यजूंषि द्विजसत्तम । अत्र लब्धवरः सोमः सुरैः क्रतुषु पीयते ॥

atra dattāni sūryeṇa yajūṃṣi dvijasattama | atra labdhavaraḥ somaḥ suraiḥ kratuṣu pīyate

Here the Sun gave the Yajus formulas, best of the twice-born; here Soma, having won a boon, is drunk by the gods at the sacrifices.

Verse 12 (5.108.12)

अत्र तृप्ता हुतवहाः स्वां योनिमुपभुञ्जते । अत्र पातालमाश्रित्य वरुणः श्रियमाप च ॥

atra tṛptā hutavahāḥ svāṃ yonimupabhuñjate | atra pātālamāśritya varuṇaḥ śriyamāpa ca

Here the fires, sated, feed upon their own source; here Varuna, taking refuge in the nether world, won his prosperity.

Verse 13 (5.108.13)

अत्र पूर्वं वसिष्ठस्य पौराणस्य द्विजर्षभ । सूतिश्चैव प्रतिष्ठा च निधनं च प्रकाशते ॥

atra pūrvaṃ vasiṣṭhasya paurāṇasya dvijarṣabha | sūtiścaiva pratiṣṭhā ca nidhanaṃ ca prakāśate

Here, bull among the twice-born, the birth, the rise and the death of the ancient Vasishtha of old are made known.

Verse 14 (5.108.14)

ओङ्कारस्यात्र जायन्ते सृतयो दशतीर्दश । पिबन्ति मुनयो यत्र हविर्धूमं स्म धूमपाः ॥

oṅkārasyātra jāyante sṛtayo daśatīrdaśa | pibanti munayo yatra havirdhūmaṃ sma dhūmapāḥ

Here arise the ten thousand paths of the syllable Om; here the sages who live on smoke drink the smoke of the oblations.

Verse 15 (5.108.15)

प्रोक्षिता यत्र बहवो वराहाद्या मृगा वने । शक्रेण यज्ञभागार्थे दैवतेषु प्रकल्पिताः ॥

prokṣitā yatra bahavo varāhādyā mṛgā vane | śakreṇa yajñabhāgārthe daivateṣu prakalpitāḥ

Here many beasts of the forest, boars and others, were sprinkled by Shakra for the sacrifice and assigned to the deities as their share.

Verse 16 (5.108.16)

अत्राहिताः कृतघ्नाश्च मानुषाश्चासुराश्च ये । उदयंस्तान्हि सर्वान्वै क्रोधाद्धन्ति विभावसुः ॥

atrāhitāḥ kṛtaghnāśca mānuṣāścāsurāśca ye | udayaṃstānhi sarvānvai krodhāddhanti vibhāvasuḥ

Here the rising sun, in his wrath, strikes down all who are hostile and ungrateful, whether men or asuras.

Verse 17 (5.108.17)

एतद्द्वारं त्रिलोकस्य स्वर्गस्य च सुखस्य च । एष पूर्वो दिशां भागो विशावोऽत्र यदीच्छसि ॥

etaddvāraṃ trilokasya svargasya ca sukhasya ca | eṣa pūrvo diśāṃ bhāgo viśāvo'tra yadīcchasi

This is the gate of the three worlds, of heaven and of happiness. This is the eastern quarter; let us enter it, if you wish.

Verse 18 (5.108.18)

प्रियं कार्यं हि मे तस्य यस्यास्मि वचने स्थितः । ब्रूहि गालव यास्यामि शृणु चाप्यपरां दिशम् ॥

priyaṃ kāryaṃ hi me tasya yasyāsmi vacane sthitaḥ | brūhi gālava yāsyāmi śṛṇu cāpyaparāṃ diśam

For I must do what pleases him at whose command I stand. Tell me, Galava, and I will go; but hear also about another quarter.