Madhavi Given to Vishvamitra

Verse 1 (5.119.1)

गालवं वैनतेयोऽथ प्रहसन्निदमब्रवीत् । दिष्ट्या कृतार्थं पश्यामि भवन्तमिह वै द्विज ॥

gālavaṃ vainateyo'tha prahasannidamabravīt | diṣṭyā kṛtārthaṃ paśyāmi bhavantamiha vai dvija

Then Vainateya, laughing, said this to Galava: "Happily, brahmin, I see you here with your purpose achieved."

Verse 2 (5.119.2)

गालवस्तु वचः श्रुत्वा वैनतेयेन भाषितम् । चतुर्भागावशिष्टं तदाचख्यौ कार्यमस्य हि ॥

gālavastu vacaḥ śrutvā vainateyena bhāṣitam | caturbhāgāvaśiṣṭaṃ tadācakhyau kāryamasya hi

Hearing the words spoken by Vainateya, Galava told him that a quarter of his task still remained.

Verse 3 (5.119.3)

सुपर्णस्त्वब्रवीदेनं गालवं वदतां वरः । प्रयत्नस्ते न कर्तव्यो नैष संपत्स्यते तव ॥

suparṇastvabravīdenaṃ gālavaṃ vadatāṃ varaḥ | prayatnaste na kartavyo naiṣa saṃpatsyate tava

Then Suparna, best of speakers, said to Galava: "You need make no further effort; this will not be accomplished by you."

Verse 4 (5.119.4)

पुरा हि कान्यकुब्जे वै गाधेः सत्यवतीं सुताम् । भार्यार्थे वरयत्कन्यामृचीकस्तेन भाषितः ॥

purā hi kānyakubje vai gādheḥ satyavatīṃ sutām | bhāryārthe varayatkanyāmṛcīkastena bhāṣitaḥ

Long ago, in Kanyakubja, Richika asked for Gadhi's daughter, the maiden Satyavati, as his wife, and Gadhi said to him:

Note on the text: Speaker: Garuda's direct speech to Galava (vv. 4–10) has no heading on the page; the input carried नारद.

Verse 5 (5.119.5)

एकतःश्यामकर्णानां हयानां चन्द्रवर्चसाम् । भगवन्दीयतां मह्यं सहस्रमिति गालव ॥

ekataḥśyāmakarṇānāṃ hayānāṃ candravarcasām | bhagavandīyatāṃ mahyaṃ sahasramiti gālava

"Give me, holy one, a thousand horses bright as the moon, each with one ear black." So he said, Galava.

Verse 6 (5.119.6)

ऋचीकस्तु तथेत्युक्त्वा वरुणस्यालयं गतः । अश्वतीर्थे हयाँल्लब्ध्वा दत्तवान्पार्थिवाय वै ॥

ṛcīkastu tathetyuktvā varuṇasyālayaṃ gataḥ | aśvatīrthe hayām̐llabdhvā dattavānpārthivāya vai

Richika said, "So be it," went to the abode of Varuna, obtained the horses at Ashvatirtha and gave them to the king.

Verse 7 (5.119.7)

इष्ट्वा ते पुण्डरीकेण दत्ता राज्ञा द्विजातिषु । तेभ्यो द्वे द्वे शते क्रीत्वा प्राप्ते तैः पार्थिवैस्तदा ॥

iṣṭvā te puṇḍarīkeṇa dattā rājñā dvijātiṣu | tebhyo dve dve śate krītvā prāpte taiḥ pārthivaistadā

The king performed the Pundarika sacrifice and gave those horses to the brahmins; and from them those kings bought two hundred apiece, and so they came to have them.

Verse 8 (5.119.8)

अपराण्यपि चत्वारि शतानि द्विजसत्तम । नीयमानानि संतारे हृतान्यासन्नितस्ततः ॥

aparāṇyapi catvāri śatāni dvijasattama | nīyamānāni saṃtāre hṛtānyāsannitastataḥ

The other four hundred, best of brahmins, were carried off here and there while they were being led along the road.

Note on the text: Matches CE 5.117.8ab–cd (the CE reads "hṛtāny āsan vitastayā", "carried away by the Vitasta", where Wikisource has इतस्ततः); Wikisource divides CE 5.117.8–9 into three couplets (vv. 8–10).

Verse 9 (5.119.9)

एवं न शक्यमप्राप्यं प्राप्तुं गालव कर्हिचित् । इमामश्वशताभ्यां वै द्वाभ्यां तस्मै निवेदय ॥

evaṃ na śakyamaprāpyaṃ prāptuṃ gālava karhicit | imāmaśvaśatābhyāṃ vai dvābhyāṃ tasmai nivedaya

So, Galava, what cannot be had can never be had. Offer this maiden to him in place of two hundred horses —

Note on the text: Corresponds to CE 5.117.8ef and 5.117.9ab.

Verse 10 (5.119.10)

विश्वामित्राय धर्मात्मन्षड्भिरश्वशतैः सह । ततोऽसि गतसंमोहः कृतकृत्यो द्विजोत्तम ॥

viśvāmitrāya dharmātmanṣaḍbhiraśvaśataiḥ saha | tato'si gatasaṃmohaḥ kṛtakṛtyo dvijottama

to Vishvamitra, righteous one, together with the six hundred horses. Then you will be free of your bewilderment, best of brahmins, and your task will be done.

Note on the text: Corresponds to CE 5.117.9cd–ef.

Verse 11 (5.119.11)

गालवस्तं तथेत्युक्त्वा सुपर्णसहितस्ततः । आदायाश्वांश्च कन्यां च विश्वामित्रमुपागमत् ॥

gālavastaṃ tathetyuktvā suparṇasahitastataḥ | ādāyāśvāṃśca kanyāṃ ca viśvāmitramupāgamat

Galava said, "So be it," and together with Suparna took the horses and the maiden and went to Vishvamitra.

Verse 12 (5.119.12)

अश्वानां काङ्क्षितार्थानां षडिमानि शतानि वै । शतद्वयेन कन्येयं भवता प्रतिगृह्यताम् ॥

aśvānāṃ kāṅkṣitārthānāṃ ṣaḍimāni śatāni vai | śatadvayena kanyeyaṃ bhavatā pratigṛhyatām

Here are six hundred of the horses you desired. In place of the other two hundred, please accept this maiden.

Note on the text: Speaker: Galava's speech (vv. 12–14) has no heading on the page; the CE heads it "gālava uvāca" (5.117.11).

Verse 13 (5.119.13)

अस्यां राजर्षिभिः पुत्रा जाता वै धार्मिकास्त्रयः । चतुर्थं जनयत्वेकं भवानपि नरोत्तमम् ॥

asyāṃ rājarṣibhiḥ putrā jātā vai dhārmikāstrayaḥ | caturthaṃ janayatvekaṃ bhavānapi narottamam

Three righteous sons have been born of her to royal sages. Let you too beget on her a fourth, a best of men.

Verse 14 (5.119.14)

पूर्णान्येवं शतान्यष्टौ तुरगाणां भवन्तु ते । भवतो ह्यनृणो भूत्वा तपः कुर्यां यथासुखम् ॥

pūrṇānyevaṃ śatānyaṣṭau turagāṇāṃ bhavantu te | bhavato hyanṛṇo bhūtvā tapaḥ kuryāṃ yathāsukham

In this way let your eight hundred horses be made complete; and I, freed of my debt to you, may practise austerities as I please.

Verse 15 (5.119.15)

विश्वामित्रस्तु तं दृष्ट्वा गालवं सह पक्षिणा । कन्यां च तां वरारोहामिदमित्यब्रवीद्वचः ॥

viśvāmitrastu taṃ dṛṣṭvā gālavaṃ saha pakṣiṇā | kanyāṃ ca tāṃ varārohāmidamityabravīdvacaḥ

Vishvamitra, seeing Galava with the bird, and that fair-hipped maiden, spoke these words:

Verse 16 (5.119.16)

किमियं पूर्वमेवेह न दत्ता मम गालव । पुत्रा ममैव चत्वारो भवेयुः कुलभावनाः ॥

kimiyaṃ pūrvameveha na dattā mama gālava | putrā mamaiva catvāro bhaveyuḥ kulabhāvanāḥ

Why was she not given to me here at the very first, Galava? Then all four sons, who will prosper their lines, would have been mine.

Note on the text: Speaker: Vishvamitra's speech (vv. 16–17) has no heading on the page; the input carried नारद.

Verse 17 (5.119.17)

प्रतिगृह्णामि ते कन्यामेकपुत्रफलाय वै । अश्वाश्चाश्रममासाद्य चरन्तु मम सर्वशः ॥

pratigṛhṇāmi te kanyāmekaputraphalāya vai | aśvāścāśramamāsādya carantu mama sarvaśaḥ

I accept your maiden for the fruit of a single son. Let the horses come to my hermitage and graze freely everywhere.

Verse 18 (5.119.18)

स तया रममाणोऽथ विश्वामित्रो महाद्युतिः । आत्मजं जनयामास माधवीपुत्रमष्टकम् ॥

sa tayā ramamāṇo'tha viśvāmitro mahādyutiḥ | ātmajaṃ janayāmāsa mādhavīputramaṣṭakam

Then the glorious Vishvamitra, taking his pleasure with her, begot a son, Ashtaka, the son of Madhavi.

Verse 19 (5.119.19)

जातमात्रं सुतं तं च विश्वामित्रो महामुनिः । संयोज्यार्थैस्तथा धर्मैरश्वैस्तैः समयोजयत् ॥

jātamātraṃ sutaṃ taṃ ca viśvāmitro mahāmuniḥ | saṃyojyārthaistathā dharmairaśvaistaiḥ samayojayat

As soon as the son was born, the great sage Vishvamitra endowed him with wealth and with dharma, and gave him those horses as well.

Verse 20 (5.119.20)

अथाष्टकः पुरं प्रायात्तदा सोमपुरप्रभम् । निर्यात्य कन्यां शिष्याय कौशिकोपि वनं ययौ ॥

athāṣṭakaḥ puraṃ prāyāttadā somapuraprabham | niryātya kanyāṃ śiṣyāya kauśikopi vanaṃ yayau

Then Ashtaka went to his city, splendid as the city of Soma, and Kaushika, having handed the maiden back to his disciple, went to the forest.

Verse 21 (5.119.21)

गालवोपि सुपर्णेन सह निर्यात्य दक्षिणाम् । मनसाऽतिप्रतीतेन कन्यामिदमुवाच ह ॥

gālavopi suparṇena saha niryātya dakṣiṇām | manasā'tipratītena kanyāmidamuvāca ha

Galava too, having paid his teacher's fee together with Suparna, said this to the maiden with a heart full of gladness:

Verse 22 (5.119.22)

जातो दानपतिः पुत्रस्त्वया शूरस्तथाऽपरः । सत्यधर्मरतश्चान्यो यज्वा चापि तथाऽपरः ॥

jāto dānapatiḥ putrastvayā śūrastathā'paraḥ | satyadharmarataścānyo yajvā cāpi tathā'paraḥ

You have borne one son who is a lord of giving, another who is a hero, another devoted to truth and dharma, and yet another who is a performer of sacrifices.

Note on the text: Speaker: Galava's words to Madhavi (vv. 22–23) have no heading on the page; the input carried नारद.

Verse 23 (5.119.23)

तदागच्छ वरारोहे तारितस्ते पिता सुतैः । चत्वारश्चैव राजानस्तथा चाहं सुमध्यमे ॥

tadāgaccha varārohe tāritaste pitā sutaiḥ | catvāraścaiva rājānastathā cāhaṃ sumadhyame

So come, fair-hipped one. Your father has been saved by your sons, and so have the four kings, and I too, slender-waisted one.

Verse 24 (5.119.24)

गालवस्त्वभ्यनुज्ञाय सुपर्णं पन्नगाशनम् । पितुर्निर्यात्य तां कन्यां प्रययौ वनमेव ह ॥

gālavastvabhyanujñāya suparṇaṃ pannagāśanam | piturniryātya tāṃ kanyāṃ prayayau vanameva ha

Galava took leave of Suparna, the eater of serpents, gave the maiden back to her father, and went away to the forest.