Krishna Counsels Duryodhana

Verse 1 (5.124.1)

भगवन्नेवमेवैतद्यथा वदसि नारद । इच्छामि चाहमप्येवं न त्वीशो भगवन्नहम् ॥

bhagavannevamevaitadyathā vadasi nārada | icchāmi cāhamapyevaṃ na tvīśo bhagavannaham

"Blessed one, it is just as you say, Narada. I too wish it so, but I am not master of it, holy one."

Verse 2 (5.124.2)

एवमुक्त्वा ततः कृष्णमभ्यभाषत कौरवः । स्वर्ग्यं लोक्यं च मामात्थ धर्म्यं न्याय्यं च केशव ॥

evamuktvā tataḥ kṛṣṇamabhyabhāṣata kauravaḥ | svargyaṃ lokyaṃ ca māmāttha dharmyaṃ nyāyyaṃ ca keśava

Having said this, the Kuru king then addressed Krishna: "Keshava, what you have told me leads to heaven and to good repute in the world; it is righteous and just.

Verse 3 (5.124.3)

न त्वहं स्ववशस्तात क्रियमाणं न मे प्रियम् । न मंस्यन्ते दुरात्मानः पुत्रा मम जनार्दन ॥

na tvahaṃ svavaśastāta kriyamāṇaṃ na me priyam | na maṃsyante durātmānaḥ putrā mama janārdana

But I am not my own master, dear friend; what is being done is not to my liking. My wicked sons will not heed me, Janardana.

Note on the text: Speaker set to Dhritarashtra: his words to Krishna, begun in the second line of verse 2, run on through verse 7 with no printed heading (the input carried Vaishampayana over). Removed Wikisource's interpolation marks (` … ') around the second line and the doubled danda left with them. Line 1 is the critical edition's 5.122.3ab; line 2 is not in its constituted text but is recorded as star passage 5.122.3b*0472 (line 1).

Verse 4 (5.124.4)

अङ्ग दुर्योधनं कृष्ण मन्दं शास्त्रातिगं मम । अनुनेतुं महाबाहो यतस्व पुरुषोत्तम ॥

aṅga duryodhanaṃ kṛṣṇa mandaṃ śāstrātigaṃ mama | anunetuṃ mahābāho yatasva puruṣottama

So, Krishna, mighty-armed, best of men, do try to win over my foolish son Duryodhana, who has overstepped the scriptures.

Note on the text: Line 1 is the critical edition's 5.122.3cd; line 2 is 5.122.4ab.

Verse 5 (5.124.5)

न श्रृणोति महाबाहो वचनं साधु भाषितम् । गान्धार्याश्च हृषीकेश विदुरस्य च धीमतः । अन्येषां चैव सुहृदां भीष्मादीनां हितैषिणाम् ॥

na śrṛṇoti mahābāho vacanaṃ sādhu bhāṣitam | gāndhāryāśca hṛṣīkeśa vidurasya ca dhīmataḥ | anyeṣāṃ caiva suhṛdāṃ bhīṣmādīnāṃ hitaiṣiṇām

He does not listen, mighty-armed one, to good advice well spoken — not Gandhari's, Hrishikesha, nor wise Vidura's, nor that of his other well-wishing friends, Bhishma and the rest.

Note on the text: Not in the critical edition's constituted text (found in the vulgate recension); the critical edition records it in its apparatus as star passage 5.122.4b*0473, lines 1–3.

Verse 6 (5.124.6)

स त्वं पापमतिं क्रूरं पापचित्तमचेतनम् । अनुशाधि दुरात्मानं स्वयं दुर्योधनं नृपम् ॥

sa tvaṃ pāpamatiṃ krūraṃ pāpacittamacetanam | anuśādhi durātmānaṃ svayaṃ duryodhanaṃ nṛpam

So you yourself must instruct King Duryodhana — evil-minded, cruel, sinful at heart, senseless and wicked.

Note on the text: Not in the critical edition's constituted text (found in the vulgate recension); the critical edition records it in its apparatus as star passage 5.122.4b*0473, lines 4–5.

Verse 7 (5.124.7)

सुहृत्कार्यं तु सुमहत्कृतं ते स्याञ्जनार्दन ॥

suhṛtkāryaṃ tu sumahatkṛtaṃ te syāñjanārdana

That, Janardana, would be a very great service done by you as a friend."

Note on the text: A single line in Wikisource, closed by the page's verse-end mark; it is the critical edition's 5.122.4cd, which there follows 4ab after the star passage given in verses 5–6. Nothing is lost.

Verse 8 (5.124.8)

ततोऽभ्यावृत्य वार्ष्णेयो दुर्योधनममर्षणम् । अब्रवीन्मधुरां वाचं सर्वधर्मार्थतत्त्ववित् ॥

tato'bhyāvṛtya vārṣṇeyo duryodhanamamarṣaṇam | abravīnmadhurāṃ vācaṃ sarvadharmārthatattvavit

Then the Varshneya, who knew the true essence of all dharma and artha, turned to the resentful Duryodhana and spoke sweet words to him:

Verse 9 (5.124.9)

दुर्योधन निबोधेदं मद्वाक्यं कुरुसत्तम । शर्मार्थं ते विशेषेण सानुबन्धस्य भारत ॥

duryodhana nibodhedaṃ madvākyaṃ kurusattama | śarmārthaṃ te viśeṣeṇa sānubandhasya bhārata

"Duryodhana, best of the Kurus, hear these words of mine, meant above all for your welfare, Bharata, and for that of all who are bound to you.

Note on the text: Speaker set to Vasudeva (Krishna): his speech to Duryodhana, announced in verse 8, runs to the end of the adhyaya (verse 62) with no printed heading (the input carried Vaishampayana over).

Verse 10 (5.124.10)

महाप्रज्ञकुले जातः साध्वेतत्कर्तुमर्हसि । श्रुतवृत्तोपसंपन्नः सर्वैः समुदितो गुणैः ॥

mahāprajñakule jātaḥ sādhvetatkartumarhasi | śrutavṛttopasaṃpannaḥ sarvaiḥ samudito guṇaiḥ

Born into a family of great wisdom, endowed with learning and good conduct and possessed of every virtue, you ought to do what is right.

Verse 11 (5.124.11)

दौष्कुलेया दुरात्मानो नृशंसा निरपत्रपाः । त एतदीदृशं कुर्युर्यथा त्वं तात मन्यसे ॥

dauṣkuleyā durātmāno nṛśaṃsā nirapatrapāḥ | ta etadīdṛśaṃ kuryuryathā tvaṃ tāta manyase

It is the low-born, the wicked, the cruel and the shameless who would do such a thing as you have in mind, my son.

Verse 12 (5.124.12)

धर्मार्थयुक्ता लोकेऽस्मिन्प्रवृत्तिर्लक्ष्यते सताम् । असतां विपरीता तु लक्ष्यते भरतर्षभ । विपरीता त्वियं वृत्तिरसकृल्लक्ष्यते त्वयि ॥

dharmārthayuktā loke'sminpravṛttirlakṣyate satām | asatāṃ viparītā tu lakṣyate bharatarṣabha | viparītā tviyaṃ vṛttirasakṛllakṣyate tvayi

In this world the conduct of the good is seen to accord with dharma and artha; that of the wicked is seen to be the opposite, bull of the Bharatas. And this opposite conduct is seen in you again and again.

Note on the text: Lines 1–2 are the critical edition's 5.122.9; line 3 is 5.122.10ab.

Verse 13 (5.124.13)

अधर्मश्चानुबन्धोऽत्र घोरः प्राणहरो महान् । अनिष्टश्चानिमित्तश्च न च शक्यश्च भारत ॥

adharmaścānubandho'tra ghoraḥ prāṇaharo mahān | aniṣṭaścānimittaśca na ca śakyaśca bhārata

Your obstinacy in this unrighteous course is dreadful, deadly and great; it is harmful and groundless, and it cannot even be carried through, Bharata.

Note on the text: Line 1 is the critical edition's 5.122.10cd. Line 2 stands where the critical edition has 5.122.11ab (anekaśas tvannimittam ayaśasyaṃ ca bhārata) but is worded differently; it is not in the critical edition (found in the vulgate recension).

Verse 14 (5.124.14)

तमनर्थं परिहरन्नात्मश्रेयः करिष्यसि । भ्रातॄणामथ भृत्यानां मित्राणां च परन्तप ॥

tamanarthaṃ pariharannātmaśreyaḥ kariṣyasi | bhrātṝṇāmatha bhṛtyānāṃ mitrāṇāṃ ca parantapa

By avoiding this calamity you will secure your own good, scorcher of foes; and your brothers, your dependants and your friends

Note on the text: Line 1 is the critical edition's 5.122.11cd; line 2 is 5.122.12ab.

Verse 15 (5.124.15)

अधर्म्यादयशस्याच्च कर्मणस्त्वं प्रमोक्ष्यसे ॥

adharmyādayaśasyācca karmaṇastvaṃ pramokṣyase

you will release from a deed that is unrighteous and inglorious.

Note on the text: A single line in Wikisource, closed by the page's verse-end mark; it is the critical edition's 5.122.12cd. Nothing is lost.

Verse 16 (5.124.16)

प्राज्ञैः शूरैर्महोत्साहैरात्मवद्भिर्बहुश्रुतैः । सन्धत्स्व पुरुषव्याघ्र पाण्डवैर्भरतर्षभ । तद्धितं च प्रियं चैव धृतराष्ट्रस्य धीमतः ॥

prājñaiḥ śūrairmahotsāhairātmavadbhirbahuśrutaiḥ | sandhatsva puruṣavyāghra pāṇḍavairbharatarṣabha | taddhitaṃ ca priyaṃ caiva dhṛtarāṣṭrasya dhīmataḥ

Make peace, tiger among men, bull of the Bharatas, with the Pandavas, who are wise, brave, full of energy, self-possessed and deeply learned. That is good for, and pleasing to, the wise Dhritarashtra,

Note on the text: Lines 1–2 are the critical edition's 5.122.13; line 3 is 5.122.14ab.

Verse 17 (5.124.17)

पितामहस्य द्रोणस्य विदुरस्य महामतेः । कृपस्य सोमदत्तस्य बाह्लीकस्य च धीमतः ॥

pitāmahasya droṇasya vidurasya mahāmateḥ | kṛpasya somadattasya bāhlīkasya ca dhīmataḥ

and to the grandsire, to Drona, to Vidura of great understanding, to Kripa, to Somadatta and to wise Bahlika,

Note on the text: Line 1 is the critical edition's 5.122.14cd; line 2 is 5.122.15ab.

Verse 18 (5.124.18)

अश्वत्थाम्नो विकर्णस्य सञ्जयस्य विविंशतेः । ज्ञातीनां चैव भूयिष्ठं मित्राणां च परन्तप ॥

aśvatthāmno vikarṇasya sañjayasya viviṃśateḥ | jñātīnāṃ caiva bhūyiṣṭhaṃ mitrāṇāṃ ca parantapa

to Ashvatthama, Vikarna, Sanjaya and Vivimshati, and to most of your kinsmen and your friends, scorcher of foes.

Note on the text: Line 1 is the critical edition's 5.122.15cd, where Wikisource names Vivimshati (विविंशतेः) in place of the critical edition's vocative viśāṃ pate; line 2 is 5.122.16ab.

Verse 19 (5.124.19)

शमे शर्म भवेत्तात सर्वस्य जगतस्तथा । ह्रीमानसि कुले जातः श्रुतवानानृशंस्यवान् । तिष्ठ तात पितुः शास्त्रे मातुश्च भरतर्षभ ॥

śame śarma bhavettāta sarvasya jagatastathā | hrīmānasi kule jātaḥ śrutavānānṛśaṃsyavān | tiṣṭha tāta pituḥ śāstre mātuśca bharatarṣabha

In peace lies the welfare of the whole world, my son. You are modest, well-born, learned and kind; abide by the command of your father and of your mother, bull of the Bharatas.

Note on the text: Line 1 is the critical edition's 5.122.16cd; lines 2–3 are 5.122.17.

Verse 20 (5.124.20)

एतच्छ्रेयो हि मन्यन्ते पिता यच्छास्ति भारत । उक्तमापद्गतः पूर्वं पितुः स्मरसि शासनम् ॥

etacchreyo hi manyante pitā yacchāsti bhārata | uktamāpadgataḥ pūrvaṃ pituḥ smarasi śāsanam

For men hold that to be best which a father commands, Bharata. When disaster has overtaken you, you will remember the command your father gave you before.

Verse 21 (5.124.21)

रोचते ते पितुस्तात पाण्डवैः सह सङ्गमः । सामात्यस्य कुरुश्रेष्ठ तत्तुभ्यं तात रोचताम् ॥

rocate te pitustāta pāṇḍavaiḥ saha saṅgamaḥ | sāmātyasya kuruśreṣṭha tattubhyaṃ tāta rocatām

Union with the Pandavas pleases your father, my son, and his ministers, best of the Kurus; let it please you too.

Note on the text: Corrected तत्तुभ्यां → तत्तुभ्यं (misprint in Wikisource; तुभ्याम् is not a form; the dative तुभ्यम्, critical edition tat tubhyaṃ).

Verse 22 (5.124.22)

श्रुत्वा यः सुहृदां शास्त्रं मर्त्यो न प्रतिपद्यते । विपाकान्ते दहत्येनं किंपाकमिव भक्षितम् ॥

śrutvā yaḥ suhṛdāṃ śāstraṃ martyo na pratipadyate | vipākānte dahatyenaṃ kiṃpākamiva bhakṣitam

The mortal who hears the counsel of his friends and does not act on it is burned by it when it bears its fruit, like a kimpaka fruit he has eaten.

Verse 23 (5.124.23)

यस्तु निःश्रेयसं वाक्यं मोहान्न प्रतिपद्यते । स दीर्घसूत्रो हीनार्थः पश्चात्तापेन युज्यते ॥

yastu niḥśreyasaṃ vākyaṃ mohānna pratipadyate | sa dīrghasūtro hīnārthaḥ paścāttāpena yujyate

He who out of delusion does not accept words meant for his highest good is a procrastinator who loses his aims and is left to repent.

Verse 24 (5.124.24)

यस्तु निःश्रेयसं श्रुत्वा प्राक्तदेवाभिपद्यते । आत्मनो मतमुत्सृज्य स लोके सुखमेधते ॥

yastu niḥśreyasaṃ śrutvā prāktadevābhipadyate | ātmano matamutsṛjya sa loke sukhamedhate

But he who, on hearing what is for his good, at once embraces it, setting aside his own opinion, prospers happily in the world.

Note on the text: Corrected न्निःश्रेयसं → निःश्रेयसं (misprint in Wikisource; doubled न्; critical edition niḥśreyasaṃ, as in verse 23).

Verse 25 (5.124.25)

योऽर्थकामस्य वचनं प्रातिकूल्यान्न मृष्यते । शृणोति प्रतिकूलानि द्विषतां वशमेति सः ॥

yo'rthakāmasya vacanaṃ prātikūlyānna mṛṣyate | śṛṇoti pratikūlāni dviṣatāṃ vaśameti saḥ

He who will not bear the words of one who wishes him well because they run against his wishes, and listens instead to contrary counsel, falls into the power of his enemies.

Verse 26 (5.124.26)

सतां मतमतिक्रम्य योऽसतां वर्तते मते । शोचन्ते व्यसने तस्य सुहृदो नचिरादिव ॥

satāṃ matamatikramya yo'satāṃ vartate mate | śocante vyasane tasya suhṛdo nacirādiva

When a man overrides the counsel of the good and lives by the counsel of the wicked, his friends soon come to grieve over his ruin.

Verse 27 (5.124.27)

मुख्यानमात्यानुत्सृज्य यो निहीनान्निषेवते । स घोरामापदं प्राप्य नोत्तारमधिगच्छति ॥

mukhyānamātyānutsṛjya yo nihīnānniṣevate | sa ghorāmāpadaṃ prāpya nottāramadhigacchati

He who casts off his chief ministers and keeps company with base men falls into dire calamity and finds no way out.

Verse 28 (5.124.28)

योऽसत्सेवी वृथाचारो न श्रोता सुहृदां सताम् । परान्वृणीते स्वान्द्वेष्टि तं गौस्त्यजति भारत ॥

yo'satsevī vṛthācāro na śrotā suhṛdāṃ satām | parānvṛṇīte svāndveṣṭi taṃ gaustyajati bhārata

He who serves the wicked and behaves to no purpose, who does not listen to his good friends, who chooses strangers and hates his own — him the earth forsakes, Bharata.

Note on the text: Corrected परान्वृणीति → परान्वृणीते (misprint in Wikisource; वृणीति is not a form of वृ, "to choose"; critical edition vṛṇīte).

Verse 29 (5.124.29)

तत्त्वं विरुध्य तैर्वीरैरन्येभ्यस्त्राणमिच्छसि । अशिष्टेभ्योऽसमर्थेभ्यो मूढेभ्यो भरतर्षभ ॥

tattvaṃ virudhya tairvīrairanyebhyastrāṇamicchasi | aśiṣṭebhyo'samarthebhyo mūḍhebhyo bharatarṣabha

And so, having set yourself against those heroes, you seek protection from others — from the ill-bred, the incapable and the foolish, bull of the Bharatas.

Note on the text: Corrected तत्वं विरुद्धा तैर्वीरैस्येतत्राणमिच्छसि → तत्त्वं विरुध्य तैर्वीरैरन्येभ्यस्त्राणमिच्छसि (misprint in Wikisource; the line is garbled — तत्वं for तत्त्वं (तत् त्वम्), विरुद्धा for the gerund विरुध्य, and वीरैस्येतत्राणम् for वीरैरन्येभ्यस्त्राणम्, which restores the metre; critical edition sa tvaṃ virudhya tair vīrair anyebhyas trāṇam icchasi, whose words are followed; Wikisource's तत्त्वं is kept for sa tvaṃ).

Verse 30 (5.124.30)

को हि शक्रसमाञ्ज्ञातीनतिक्रम्य महारथान् । अन्येभ्यस्त्राणमाशंसेत्त्वदन्यो भुवि मानवः ॥

ko hi śakrasamāñjñātīnatikramya mahārathān | anyebhyastrāṇamāśaṃsettvadanyo bhuvi mānavaḥ

What man on earth other than you would pass over kinsmen who are like Shakra, great chariot-warriors, and look to others for protection?

Verse 31 (5.124.31)

जन्मप्रभृति कौन्तेया नित्यं विनिकृतास्त्वया । न च ते जातु कुप्यन्ति धर्मात्मानो हि पाण्डवाः ॥

janmaprabhṛti kaunteyā nityaṃ vinikṛtāstvayā | na ca te jātu kupyanti dharmātmāno hi pāṇḍavāḥ

From their birth you have constantly wronged the sons of Kunti, yet they never grow angry, for the Pandavas are righteous.

Verse 32 (5.124.32)

मिथ्योपचरितास्तात जन्मप्रभृति बान्धवाः । त्वयि सम्यङ्महाबाहो प्रतिपन्ना यशस्विनः ॥

mithyopacaritāstāta janmaprabhṛti bāndhavāḥ | tvayi samyaṅmahābāho pratipannā yaśasvinaḥ

Though they have been dealt with falsely from their birth, my son, those glorious kinsmen of yours have behaved rightly toward you, mighty-armed one.

Note on the text: Corrected सम्यङ्भहाबाहो → सम्यङ्महाबाहो (misprint in Wikisource; भ for म in the vocative महाबाहो; critical edition samyaṅ mahābāho).

Verse 33 (5.124.33)

त्वयाऽपि प्रतिपत्तव्यं तथैव भरतर्षभ । स्वेषु बन्धुषु मुख्येषु मा मन्युवशमन्वगाः ॥

tvayā'pi pratipattavyaṃ tathaiva bharatarṣabha | sveṣu bandhuṣu mukhyeṣu mā manyuvaśamanvagāḥ

You too should behave toward them in the same way, bull of the Bharatas. Do not give way to anger against your own chief kinsmen.

Verse 34 (5.124.34)

त्रिवर्गयुक्तः प्राज्ञानामारम्भो भरतर्षभ । धर्मार्थावनुरुध्यन्ते त्रिवर्गासंभवे नराः ॥

trivargayuktaḥ prājñānāmārambho bharatarṣabha | dharmārthāvanurudhyante trivargāsaṃbhave narāḥ

The undertakings of the wise are joined to all three aims of life, bull of the Bharatas; where all three cannot be had, men hold to dharma and artha.

Note on the text: Corrected अनुरुद्ध्यन्ते → अनुरुध्यन्ते (misprint in Wikisource; the root is रुध्, passive रुध्यते, with no doubled द; critical edition anurudhyante).

Verse 35 (5.124.35)

पृथक्तु विनिविष्टानां धर्मं धीरोऽनुरुध्यते । मध्यमोऽर्थं कलिं बालः काममेवानुरुध्यते ॥

pṛthaktu viniviṣṭānāṃ dharmaṃ dhīro'nurudhyate | madhyamo'rthaṃ kaliṃ bālaḥ kāmamevānurudhyate

When the three are pursued separately, the steadfast man holds to dharma, the middling man to artha, and the fool to kama alone, the source of strife.

Note on the text: Corrected पृथक्व → पृथक्तु (misprint in Wikisource; पृथक्व is not a word; critical edition pṛthak tu) and अनुरुद्ध्यते → अनुरुध्यते (misprint in Wikisource; root रुध्, as the same line's first verb अनुरुध्यते shows; critical edition anurudhyate).

Verse 36 (5.124.36)

इन्द्रियैः प्राकृतो लोभाद्धर्मं विप्रजहाति यः । कामार्थावनुपायेन लिप्समानो विनश्यति ॥

indriyaiḥ prākṛto lobhāddharmaṃ viprajahāti yaḥ | kāmārthāvanupāyena lipsamāno vinaśyati

The vulgar man who, through greed for the pleasures of the senses, abandons dharma and seeks pleasure and wealth by wrong means, perishes.

Verse 37 (5.124.37)

कामार्थौ लिप्समानस्तु धर्ममेवादितश्चरेत् । न हि धर्मादपैत्यर्थः कामो वाऽपि कदाचन ॥

kāmārthau lipsamānastu dharmamevāditaścaret | na hi dharmādapaityarthaḥ kāmo vā'pi kadācana

One who seeks pleasure and wealth should practise dharma from the very start, for neither wealth nor pleasure ever departs from dharma.

Verse 38 (5.124.38)

उपायं धर्ममेवाहुस्त्रिवर्गस्य विशांपते । लिप्समानो हि तेनाशु कक्षेऽग्निरिव वर्धते ॥

upāyaṃ dharmamevāhustrivargasya viśāṃpate | lipsamāno hi tenāśu kakṣe'gniriva vardhate

Dharma alone, lord of the people, is said to be the means to the three aims; one who seeks them by it grows swiftly, like fire in dry grass.

Verse 39 (5.124.39)

स त्वं तातानुपायेन लिप्ससे भरतर्षभ । आधिराज्यं महद्दीप्तं प्रथितं सर्वराजसु ॥

sa tvaṃ tātānupāyena lipsase bharatarṣabha | ādhirājyaṃ mahaddīptaṃ prathitaṃ sarvarājasu

Yet you, my son, bull of the Bharatas, seek by wrong means a supreme sovereignty, great, brilliant and renowned among all kings.

Verse 40 (5.124.40)

आत्मानं तक्षति ह्येष वनं परशुना यथा । यः सम्यग्वर्तमानेषु मिथ्या राजन्प्रवर्तते । न तस्य हि मतिं छिन्द्याद्यस्य नेच्छेत्पराभवम् ॥

ātmānaṃ takṣati hyeṣa vanaṃ paraśunā yathā | yaḥ samyagvartamāneṣu mithyā rājanpravartate | na tasya hi matiṃ chindyādyasya necchetparābhavam

The man who acts falsely, king, toward those who behave rightly hews at himself as an axe hews a forest. One should not crush the spirit of a man whose ruin one does not desire.

Note on the text: Lines 1–2 are the critical edition's 5.122.38 (after which the critical edition's apparatus has a two-line star passage, 5.122.38d*0474, not in Wikisource); line 3 is 5.122.39ab.

Verse 41 (5.124.41)

अविच्छिन्नमतेरस्य कल्याणे धीयते मतिः । आत्मवान्नावमन्येत त्रिषु लोकेषु भारत ॥

avicchinnamaterasya kalyāṇe dhīyate matiḥ | ātmavānnāvamanyeta triṣu lokeṣu bhārata

For the man whose spirit is not broken sets his mind on what is good. A self-possessed man should despise no one in the three worlds, Bharata,

Note on the text: Line 1 stands for the critical edition's 5.122.39cd (avicchinnasya dhīrasya …); line 2 for 5.122.40ab (tyaktātmānaṃ na bādheta …). Both are worded differently in Wikisource (vulgate readings).

Verse 42 (5.124.42)

अप्यन्यं प्राकृतं कञ्चित्किमु तान्पाण्डवर्षभान् । अमर्षवशमापन्नो न किंचिद्बुध्यते जनः ॥

apyanyaṃ prākṛtaṃ kañcitkimu tānpāṇḍavarṣabhān | amarṣavaśamāpanno na kiṃcidbudhyate janaḥ

not even some common man, let alone those bulls among the Pandavas. One who falls under the sway of anger understands nothing.

Note on the text: Line 1 is the critical edition's 5.122.40cd; line 2 is 5.122.41ab. Corrected बुद्व्यते → बुध्यते (misprint in Wikisource; द्व for ध; critical edition budhyate).

Verse 43 (5.124.43)

छिद्यते ह्याततं सर्वं प्रमाणं पश्य भारत । श्रेयस्ते दुर्जनात्तात पाण्डवैः सह सङ्गतम् ॥

chidyate hyātataṃ sarvaṃ pramāṇaṃ paśya bhārata | śreyaste durjanāttāta pāṇḍavaiḥ saha saṅgatam

Everything stretched too far snaps — see the proof of it, Bharata. Union with the Pandavas is better for you, my son, than the company of wicked men.

Note on the text: Line 1 is the critical edition's 5.122.41cd; line 2 is 5.122.42ab.

Verse 44 (5.124.44)

तैर्हि संप्रीयमाणस्त्वं सर्वान्कामानवाप्स्यसि । पाण्डवैर्निर्मितां भूमिं भुञ्जानो राजसत्तम ॥

tairhi saṃprīyamāṇastvaṃ sarvānkāmānavāpsyasi | pāṇḍavairnirmitāṃ bhūmiṃ bhuñjāno rājasattama

Held in their affection you will obtain all your desires, best of kings, enjoying the earth that the Pandavas have brought under your sway.

Note on the text: Line 1 is the critical edition's 5.122.42cd; line 2 is 5.122.43ab (reading nirjitāṃ for निर्मितां, which the page's commentary explains). Corrected संप्रीपमाणस्त्वं → संप्रीयमाणस्त्वं (misprint in Wikisource; प for य; critical edition saṃprīyamāṇas tvaṃ, as in verse 62).

Verse 45 (5.124.45)

पाण्डवान्पृष्ठतः कृत्वा त्राणमाशंससेऽन्यतः । दुःशासने दुर्विषहे कर्णे चापि ससौबले ॥

pāṇḍavānpṛṣṭhataḥ kṛtvā trāṇamāśaṃsase'nyataḥ | duḥśāsane durviṣahe karṇe cāpi sasaubale

Yet you turn your back on the Pandavas and hope for protection elsewhere — in Duhshasana, in Durvishaha, in Karna and in Shakuni the son of Subala.

Note on the text: Line 1 is the critical edition's 5.122.43cd; line 2 is 5.122.44ab. Corrected त्राणमाशससऽन्वतः → त्राणमाशंससेऽन्यतः (misprint in Wikisource; dropped anusvara and vowel sign in आशंससे and व for य in अन्यतः; critical edition trāṇam āśaṃsase 'nyataḥ).

Verse 46 (5.124.46)

एतेष्वैश्वर्यमाधाय भूतिमिच्छसि भारत । न चैते तव पर्याप्ता ज्ञाने धर्मार्थयोस्तथा ॥

eteṣvaiśvaryamādhāya bhūtimicchasi bhārata | na caite tava paryāptā jñāne dharmārthayostathā

Placing your sovereignty in these men you hope for prosperity, Bharata. But they are not equal to your need in understanding of dharma and artha,

Note on the text: Line 1 is the critical edition's 5.122.44cd; line 2 is 5.122.45ab.

Verse 47 (5.124.47)

विक्रमे चाप्यपर्याप्ताः पाण्डवान्प्रति भारत । न हीमे सर्वराजानः पर्याप्ताः सहितास्त्वया ॥

vikrame cāpyaparyāptāḥ pāṇḍavānprati bhārata | na hīme sarvarājānaḥ paryāptāḥ sahitāstvayā

nor are they a match in valour for the Pandavas, Bharata. Nor are all these kings, even joined with you, able

Note on the text: Line 1 is the critical edition's 5.122.45cd; line 2 is 5.122.46ab. Corrected अपर्याप्तः → अपर्याप्ताः (misprint in Wikisource; the adjective must be plural, agreeing with एते … पर्याप्ताः in verse 46; critical edition aparyāptāḥ).

Verse 48 (5.124.48)

क्रुद्धस्य भीमसेनस्य प्रेक्षितुं मुखमाहवे । इदं संनिहितं तात समग्रं पार्थिवं बलम् ॥

kruddhasya bhīmasenasya prekṣituṃ mukhamāhave | idaṃ saṃnihitaṃ tāta samagraṃ pārthivaṃ balam

to look Bhimasena in the face when he is enraged in battle. This entire army of kings gathered here, my son —

Note on the text: Line 1 is the critical edition's 5.122.46cd; line 2 is 5.122.47ab. Corrected सनिहितं → संनिहितं (misprint in Wikisource; dropped anusvara; critical edition saṃnihitaṃ).

Verse 49 (5.124.49)

अयं भीष्मस्तथा द्रोणः कर्णश्चायं तथा कृपः । भूरिश्रवाः सौमदत्तिरश्वत्थामा जयद्रथः ॥

ayaṃ bhīṣmastathā droṇaḥ karṇaścāyaṃ tathā kṛpaḥ | bhūriśravāḥ saumadattiraśvatthāmā jayadrathaḥ

this Bhishma, and Drona, this Karna and Kripa, Bhurishravas the son of Somadatta, Ashvatthama and Jayadratha —

Note on the text: Line 1 is the critical edition's 5.122.47cd; line 2 is 5.122.48ab.

Verse 50 (5.124.50)

अशक्ताः सर्व एवैते प्रतियोद्धुं धनञ्जयम् । अजेयो ह्यर्जुनः सङ्ख्ये सर्वैरपि सुरासुरैः । मानुषैरपि गन्धर्वैर्मा युद्धे चेत आधिथाः ॥

aśaktāḥ sarva evaite pratiyoddhuṃ dhanañjayam | ajeyo hyarjunaḥ saṅkhye sarvairapi surāsuraiḥ | mānuṣairapi gandharvairmā yuddhe ceta ādhithāḥ

all of them together are powerless to fight Dhananjaya. For Arjuna cannot be conquered in battle even by all the gods and asuras, by men or by gandharvas. Do not set your mind on war.

Note on the text: Line 1 is the critical edition's 5.122.48cd; lines 2–3 are 5.122.49.

Verse 51 (5.124.51)

दृश्यतां वा पुमान्कश्चित्समग्रे पार्थिवे बले । योऽर्जुनं समरे प्राप्य स्वस्तिमानाव्रजेद्गृहान् ॥

dṛśyatāṃ vā pumānkaścitsamagre pārthive bale | yo'rjunaṃ samare prāpya svastimānāvrajedgṛhān

Or let there be found in this whole army of kings a single man who could meet Arjuna in battle and come home safe.

Verse 52 (5.124.52)

किं ते जनक्षयेणेह कृतेन भरतर्षभ । यस्मिञ्जिते जितं ते स्यात्पुमानेकः स दृश्यतां ॥

kiṃ te janakṣayeṇeha kṛtena bharatarṣabha | yasmiñjite jitaṃ te syātpumānekaḥ sa dṛśyatāṃ

What good will the slaughter of the people do you, bull of the Bharatas? Let that one man be found who can conquer him whose conquest would be your victory.

Note on the text: Corrected यस्मिञ्चिते → यस्मिञ्जिते (misprint in Wikisource; च for ज; the page's commentary reads यस्मिन्नर्जुने जिते and the critical edition yasmiñ jite).

Verse 53 (5.124.53)

यः सदेवान्सगन्धर्वान्सयक्षासुरपन्नगान् । अजयत्खाण्डवप्रस्थे कस्तं युध्येत मानवः ॥

yaḥ sadevānsagandharvānsayakṣāsurapannagān | ajayatkhāṇḍavaprasthe kastaṃ yudhyeta mānavaḥ

He who at Khandavaprastha conquered the gods together with the gandharvas, yakshas, asuras and serpents — what man could fight him?

Note on the text: Corrected युद्धेय → युध्येत (misprint in Wikisource; युद्धेय is not a verb form; the optative युध्येत, critical edition yudhyeta).

Verse 54 (5.124.54)

तथा विराटनगरे श्रूयते महदद्भुतम् । एकस्य च बहूनां च पर्याप्तं तन्निदर्शनम् ॥

tathā virāṭanagare śrūyate mahadadbhutam | ekasya ca bahūnāṃ ca paryāptaṃ tannidarśanam

Likewise we hear of that great marvel at Virata's city, one man against many; that is proof enough.

Verse 55 (5.124.55)

युद्धे येन महादेवः साक्षात्सन्तोषितः शिवः । तमजेयमनाधृष्यं विजेतुं जिष्णुमच्युतम् । आशंससीह समरे वीरमर्जुनमूर्जितम् ॥

yuddhe yena mahādevaḥ sākṣātsantoṣitaḥ śivaḥ | tamajeyamanādhṛṣyaṃ vijetuṃ jiṣṇumacyutam | āśaṃsasīha samare vīramarjunamūrjitam

He by whom the great god Shiva himself was pleased in combat — that invincible, unassailable, victorious, unfailing hero, the mighty Arjuna, you hope to conquer in battle here!

Note on the text: Line 1 is not in the critical edition's constituted text (found in the vulgate recension); the critical edition records it as star passage 5.122.53d*0475. Lines 2–3 are 5.122.54.

Verse 56 (5.124.56)

मद्द्वितीयं पुनः पार्थं कः प्रार्थयितुमर्हति । युद्धे प्रतीपमायान्तमपि साक्षात्पुरन्दरः ॥

maddvitīyaṃ punaḥ pārthaṃ kaḥ prārthayitumarhati | yuddhe pratīpamāyāntamapi sākṣātpurandaraḥ

And with me at his side, who could venture to challenge Partha as he comes on against him in battle — even Purandara himself?

Verse 57 (5.124.57)

बाहुभ्यामुद्वहेद्भूमिं दहेत्क्रुद्ध इमाः प्रजाः । पातयेत्त्रिदिवाद्देवान्योऽर्जुनं समरे जयेत् ॥

bāhubhyāmudvahedbhūmiṃ dahetkruddha imāḥ prajāḥ | pātayettridivāddevānyo'rjunaṃ samare jayet

He who could defeat Arjuna in battle could lift the earth on his arms, burn up all these creatures in his anger, and hurl the gods down from heaven.

Note on the text: Corrected पातयेत्रिदिवाद् → पातयेत्त्रिदिवाद् (misprint in Wikisource; dropped त in the sandhi of पातयेत् + त्रिदिवात्; critical edition pātayet tridivād).

Verse 58 (5.124.58)

पश्य पुत्रांस्तथा भ्रातॄञ्ज्ञातीन्संबन्धिनस्तथा । त्वत्कृते न विनश्येयुरिमे भरतसत्तमाः ॥

paśya putrāṃstathā bhrātṝñjñātīnsaṃbandhinastathā | tvatkṛte na vinaśyeyurime bharatasattamāḥ

Look at your sons, your brothers, your kinsmen and your relations; let these best of the Bharatas not perish because of you.

Verse 59 (5.124.59)

अस्तु शेषं कौरवाणां मा पराभूदिदं कुलम् । कुलघ्न इति नोच्येथा नष्टकीर्तिर्नराधिप ॥

astu śeṣaṃ kauravāṇāṃ mā parābhūdidaṃ kulam | kulaghna iti nocyethā naṣṭakīrtirnarādhipa

Let a remnant of the Kauravas survive; let this house not be destroyed. Do not be called the destroyer of your line, king, your fame lost.

Verse 60 (5.124.60)

त्वामेव स्थापयिष्यन्ति यौवराज्ये महारथाः । महाराज्येऽपि पितरं धृतराष्ट्रं जनेश्वरम् ॥

tvāmeva sthāpayiṣyanti yauvarājye mahārathāḥ | mahārājye'pi pitaraṃ dhṛtarāṣṭraṃ janeśvaram

Those great chariot-warriors will establish you yourself as heir-apparent, and your father Dhritarashtra, lord of men, in the high kingship.

Verse 61 (5.124.61)

मा तात श्रियमायान्तीमवमंस्थाः समुद्यताम् । अर्धं प्रदाय पार्थेभ्यो महतीं श्रियमाप्नुहि ॥

mā tāta śriyamāyāntīmavamaṃsthāḥ samudyatām | ardhaṃ pradāya pārthebhyo mahatīṃ śriyamāpnuhi

Do not spurn, my son, the good fortune that is coming to you, held out to you. Give half to the sons of Pritha and win great prosperity.

Verse 62 (5.124.62)

पाण्डवैः संशमं कृत्वा कृत्वा च सुहृदां वचः । संप्रीयमाणो मित्रैश्च चिरं भद्राण्यवाप्स्यसि ॥

pāṇḍavaiḥ saṃśamaṃ kṛtvā kṛtvā ca suhṛdāṃ vacaḥ | saṃprīyamāṇo mitraiśca ciraṃ bhadrāṇyavāpsyasi

Make peace with the Pandavas, do as your friends advise, and, rejoicing with your allies, you will enjoy good fortune for a long time."