Krishna Urges the Kurus to Bind Duryodhana

Verse 1 (5.128.1)

ततः प्रहस्य दाशार्हः क्रोधपर्याकुलेक्षणः । दुर्योधनमिदं वाक्यमब्रवीत्कुरुसंसदि ॥

tataḥ prahasya dāśārhaḥ krodhaparyākulekṣaṇaḥ | duryodhanamidaṃ vākyamabravītkurusaṃsadi

Then the Dasharha, laughing, his eyes rolling with anger, spoke these words to Duryodhana in the assembly of the Kurus:

Verse 2 (5.128.2)

लप्स्यसे वीरशयनं काममेतदवाप्स्यसि । स्थिरो भव सहामात्यो विमर्दो भविता महान् ॥

lapsyase vīraśayanaṃ kāmametadavāpsyasi | sthiro bhava sahāmātyo vimardo bhavitā mahān

"You will gain the bed of heroes; you shall have it, just as you wish. Stand firm, you and your ministers: there will be a great slaughter.

Verse 3 (5.128.3)

यच्चैतन्मन्यसे मूढ न मे कश्चिद्व्यतिक्रमः । पाण्डवेष्विति तत्सर्वं निबोध त्वं नराधिप ॥

yaccaitanmanyase mūḍha na me kaścidvyatikramaḥ | pāṇḍaveṣviti tatsarvaṃ nibodha tvaṃ narādhipa

And as for what you think, fool — that I have done no wrong toward the Pandavas — hear the whole of it, O lord of men.

Verse 4 (5.128.4)

श्रियां संतप्यमानेन पाण्डवानां महात्मनाम् । त्वया दुर्मन्त्रितं द्यूतं सौबलेन च भारत ॥

śriyāṃ saṃtapyamānena pāṇḍavānāṃ mahātmanām | tvayā durmantritaṃ dyūtaṃ saubalena ca bhārata

Burning at the prosperity of the great-souled Pandavas, you and Saubala (Shakuni) devised the wicked plan of the dice game, O Bharata.

Verse 5 (5.128.5)

कथं च ज्ञातयस्तात श्रेयांसः साधुसंमताः । तथाऽन्याय्यमुपस्थातुं जिह्मेनाजिह्मचारिणः ॥

kathaṃ ca jñātayastāta śreyāṃsaḥ sādhusaṃmatāḥ | tathā'nyāyyamupasthātuṃ jihmenājihmacāriṇaḥ

How, my friend, could kinsmen who are worthier than you, honoured by the good and straight in their ways, be so unjustly attacked by a crooked man?

Verse 6 (5.128.6)

अक्षद्यूतं महाप्रज्ञ सतां मतिविनाशनम् । असतां तत्र जायन्ते भेदाश्च व्यसनानि च ॥

akṣadyūtaṃ mahāprajña satāṃ mativināśanam | asatāṃ tatra jāyante bhedāśca vyasanāni ca

Gambling with dice, O man of great wisdom, destroys the judgment of the good; and among the wicked it gives rise to quarrels and calamities.

Verse 7 (5.128.7)

तदिदं व्यसनं घोरं त्वया द्यूतमुखं कृतम् । असमीक्ष्य सदाचारान्सार्धं पापानुबन्धनैः ॥

tadidaṃ vyasanaṃ ghoraṃ tvayā dyūtamukhaṃ kṛtam | asamīkṣya sadācārānsārdhaṃ pāpānubandhanaiḥ

This terrible calamity, which began with the dice game, was brought about by you together with your sinful associates, with no regard for right conduct.

Verse 8 (5.128.8)

कश्चान्यो भ्रातृभार्यां वै विप्रकर्तुं तथार्हति । आनीय च सभां व्यक्तं यथोक्ता द्रौपदी त्वया ॥

kaścānyo bhrātṛbhāryāṃ vai viprakartuṃ tathārhati | ānīya ca sabhāṃ vyaktaṃ yathoktā draupadī tvayā

Who else could so wrong his brother's wife, dragging her into the assembly and speaking to her openly as you spoke to Draupadi?

Note on the text: Corrected विप्रकर्तृं → विप्रकर्तुं (misprint in Wikisource; the infinitive is required, as in the critical edition's viprakartuṃ).

Verse 9 (5.128.9)

कुलीना शीलसंपन्ना प्राणेभ्योऽपि गरीयसी । महिषी पाण्डुपुत्राणां तथा विनिकृता त्वया ॥

kulīnā śīlasaṃpannā prāṇebhyo'pi garīyasī | mahiṣī pāṇḍuputrāṇāṃ tathā vinikṛtā tvayā

A woman of noble family, rich in good character, dearer to them than life, the queen of the sons of Pandu — so was she wronged by you.

Verse 10 (5.128.10)

जानन्ति कुरवः सर्वे यथोक्ताः कुरुसंसदि । दुःशासनेन कौन्तेयाः प्रव्रजन्तः परन्तपाः ॥

jānanti kuravaḥ sarve yathoktāḥ kurusaṃsadi | duḥśāsanena kaunteyāḥ pravrajantaḥ parantapāḥ

All the Kurus know what Duhshasana said in the assembly of the Kurus to the sons of Kunti, scorchers of their foes, as they were setting out into exile.

Verse 11 (5.128.11)

सम्यग्वृत्तेष्वलुब्धेषु सततं धर्मचारिषु । स्वेषु बन्धुषु कः साधुश्चरेदेवमसांप्रतम् ॥

samyagvṛtteṣvalubdheṣu satataṃ dharmacāriṣu | sveṣu bandhuṣu kaḥ sādhuścaredevamasāṃpratam

What good man would behave so improperly toward his own kinsmen, who conduct themselves rightly, are free of greed and always practise dharma?

Verse 12 (5.128.12)

नृशंसानामनार्याणां तथा परुषभाषणम् । कर्णदुःशासनाभ्यां च त्वया च बहुशः कृतम् ॥

nṛśaṃsānāmanāryāṇāṃ tathā paruṣabhāṣaṇam | karṇaduḥśāsanābhyāṃ ca tvayā ca bahuśaḥ kṛtam

Cruel, ignoble and harsh words were spoken many times by Karna and Duhshasana, and by you.

Verse 13 (5.128.13)

सह मात्रा प्रदग्धुं तान्बालकान्वारणावते । आस्थितः परमो यत्नो न समृद्धश्च तत्तव ॥

saha mātrā pradagdhuṃ tānbālakānvāraṇāvate | āsthitaḥ paramo yatno na samṛddhaśca tattava

You made the utmost effort to burn them, mere boys, together with their mother at Varanavata — and that did not succeed for you.

Verse 14 (5.128.14)

ऊषुश्च सुचिरं कालं प्रच्छन्नाः पाण्डवास्तदा । मात्रा सहैकचक्रायां ब्राह्मणस्य निवेशने ॥

ūṣuśca suciraṃ kālaṃ pracchannāḥ pāṇḍavāstadā | mātrā sahaikacakrāyāṃ brāhmaṇasya niveśane

And the Pandavas then lived a very long time in hiding with their mother at Ekachakra, in the house of a brahmin.

Verse 15 (5.128.15)

विषेण सर्पबन्धैश्च यतिताः पाण्डवास्त्वया । सर्वोपायैर्विनाशाय न समृद्धं च तत्तव ॥

viṣeṇa sarpabandhaiśca yatitāḥ pāṇḍavāstvayā | sarvopāyairvināśāya na samṛddhaṃ ca tattava

With poison, with bonds of snakes, by every means you strove to destroy the Pandavas — and that did not succeed for you.

Verse 16 (5.128.16)

एवंबुद्धिः पाण्डवेषु मिथ्यावृत्तिः सदा भवान् । कथं ते नापराधोऽस्ति पाण्डवेषु महात्मसु ॥

evaṃbuddhiḥ pāṇḍaveṣu mithyāvṛttiḥ sadā bhavān | kathaṃ te nāparādho'sti pāṇḍaveṣu mahātmasu

With such intentions toward the Pandavas, always acting falsely toward them — how can you have committed no wrong against the great-souled Pandavas?

Verse 17 (5.128.17)

एवंवृत्तः कथं राज्ये स्थातुमर्हसि पापकृत् । स राज्याच्च सुखाच्चैव हास्यसे कुलपांसन ॥

evaṃvṛttaḥ kathaṃ rājye sthātumarhasi pāpakṛt | sa rājyācca sukhāccaiva hāsyase kulapāṃsana

Behaving like this, how can you, a doer of evil, deserve to remain on the throne? You will lose both the kingdom and your happiness, disgrace of your family.

Note on the text: Removed a stray backtick (wiki mark) at the start of the verse. Not in the critical edition (found in the vulgate recension); recorded in its apparatus as 5.126.15d*0478, lines 1–2.

Verse 18 (5.128.18)

यच्चैभ्यो याचमानेभ्यः पित्र्यमंशं न दित्ससि । तच्च पाप प्रदाताऽसि भ्रष्टैश्वर्यो निपातितः ॥

yaccaibhyo yācamānebhyaḥ pitryamaṃśaṃ na ditsasi | tacca pāpa pradātā'si bhraṣṭaiśvaryo nipātitaḥ

And the ancestral share that you will not give them when they ask for it — that very share you will give up, sinner, when you have been stripped of power and struck down.

Note on the text: Corrected दित्सति → दित्ससि (misprint in Wikisource; the second person is required by the address, as in the apparatus's ditsasi). Not in the critical edition (found in the vulgate recension); recorded in its apparatus as 5.126.16d*0479, lines 1–2.

Verse 19 (5.128.19)

कृत्वा बहून्यकार्याणि पाण्डवेषु नृशंसवत् । मिथ्यावृत्तिरनार्यः सन्नद्य विप्रतिपद्यसे ॥

kṛtvā bahūnyakāryāṇi pāṇḍaveṣu nṛśaṃsavat | mithyāvṛttiranāryaḥ sannadya vipratipadyase

Having done many wicked deeds against the Pandavas like a cruel man, false in conduct and ignoble as you are, you now turn about and deny it.

Verse 20 (5.128.20)

मातापितृभ्यां भीष्मेण द्रोणेन विदुरेण च । शाम्येति मुहुरुक्तोऽसि न च शाम्यसि पार्थिव ॥

mātāpitṛbhyāṃ bhīṣmeṇa droṇena vidureṇa ca | śāmyeti muhurukto'si na ca śāmyasi pārthiva

Your mother and father, Bhishma, Drona and Vidura have told you again and again, 'Make peace,' yet you will not make peace, O king.

Note on the text: Corrected मुहुरुक्तोसि → मुहुरुक्तोऽसि (misprint in Wikisource; missing avagraha, as in the critical edition's ukto 'si).

Verse 21 (5.128.21)

शमे हि सुमहाँल्लाभस्तव पार्थस्य चोभयोः । न च रोचयसे राजन्किमन्यद्बुद्धिलाघवात् ॥

śame hi sumahām̐llābhastava pārthasya cobhayoḥ | na ca rocayase rājankimanyadbuddhilāghavāt

In peace there is very great gain for both of you, for you and for Partha; yet you do not care for it, O king. What else is this but shallowness of mind?

Verse 22 (5.128.22)

न शर्म प्राप्स्यसे राजन्नुत्क्रम्य सुहृदां वचः । अधर्म्यमयशस्यं च क्रियते पार्थिव त्वया ॥

na śarma prāpsyase rājannutkramya suhṛdāṃ vacaḥ | adharmyamayaśasyaṃ ca kriyate pārthiva tvayā

Overriding the words of your well-wishers, you will never find happiness, O king. What you are doing, lord of the earth, is unrighteous and brings only infamy."

Verse 23 (5.128.23)

एवं ब्रुवति दाशार्हे दुर्योधनममर्षणम् । दुःशासन इदं वाक्यमब्रवीत्कुरुसंसदि ॥

evaṃ bruvati dāśārhe duryodhanamamarṣaṇam | duḥśāsana idaṃ vākyamabravītkurusaṃsadi

While the Dasharha was speaking thus to the wrathful Duryodhana, Duhshasana said these words in the assembly of the Kurus:

Note on the text: Corrected करुसंसदि → कुरुसंसदि (misprint in Wikisource; dropped vowel sign, as in the critical edition's kurusaṃsadi).

Verse 24 (5.128.24)

न चेत्सन्धास्यसे राजन्स्वेन कामेन पाण्डवैः । बद्ध्वा किल त्वां दास्यन्ति कुन्तीपुत्राय कौरवाः ॥

na cetsandhāsyase rājansvena kāmena pāṇḍavaiḥ | baddhvā kila tvāṃ dāsyanti kuntīputrāya kauravāḥ

"If you do not make peace with the Pandavas of your own accord, O king, it seems the Kauravas will bind you and hand you over to the son of Kunti.

Verse 25 (5.128.25)

वैकर्तनं त्वां च मां च त्रीनेतान्मनुजर्षभ । पाण्डवेभ्यः प्रदास्यन्ति भीष्मो द्रोणः पिता च ते ॥

vaikartanaṃ tvāṃ ca māṃ ca trīnetānmanujarṣabha | pāṇḍavebhyaḥ pradāsyanti bhīṣmo droṇaḥ pitā ca te

Vaikartana (Karna), you and me — these three, O bull among men — Bhishma, Drona and your father will hand over to the Pandavas."

Verse 26 (5.128.26)

भ्रातुरेतद्वचः श्रुत्वा धार्तराष्ट्रः सुयोधनः । क्रुद्धः प्रातिष्ठतोत्थाय महानाग इव श्वसन् ॥

bhrāturetadvacaḥ śrutvā dhārtarāṣṭraḥ suyodhanaḥ | kruddhaḥ prātiṣṭhatotthāya mahānāga iva śvasan

Hearing these words of his brother, Dhritarashtra's son Suyodhana rose up in anger and left, hissing like a great serpent,

Verse 27 (5.128.27)

विदुरं धृतराष्ट्रं च महाराजं च बाह्लिकम् । कृपं च सोमदत्तं च भीष्मं द्रोणं जनार्दनम् ॥

viduraṃ dhṛtarāṣṭraṃ ca mahārājaṃ ca bāhlikam | kṛpaṃ ca somadattaṃ ca bhīṣmaṃ droṇaṃ janārdanam

ignoring Vidura and Dhritarashtra, the great king Bahlika, Kripa and Somadatta, Bhishma, Drona and Janardana —

Note on the text: Restored from the critical edition (5.126.25a): Wikisource repeats 'सोमदत्तं च' from line 2 in place of the first quarter (the line is also a syllable too long); corrected विदुरं च सोमदत्तं च → विदुरं धृतराष्ट्रं च.

Verse 28 (5.128.28)

सर्वानेताननादृत्य दुर्मतिर्निरपत्रपः । अशिष्टवदमर्यादो मानी मान्यावमानिता ॥

sarvānetānanādṛtya durmatirnirapatrapaḥ | aśiṣṭavadamaryādo mānī mānyāvamānitā

disregarding all of these, the evil-minded, shameless one, behaving like an ill-bred man, without restraint, proud, insulting those worthy of honour.

Verse 29 (5.128.29)

तं प्रस्थितमभिप्रेक्ष्य भ्रातरो मनुजर्षभम् । अनुजग्मुः सहामात्या राजानश्चापि सर्वशः ॥

taṃ prasthitamabhiprekṣya bhrātaro manujarṣabham | anujagmuḥ sahāmātyā rājānaścāpi sarvaśaḥ

Seeing that bull among men set out, his brothers followed him, along with his ministers and all the kings.

Verse 30 (5.128.30)

सभायामुत्थितं क्रुद्धं प्रस्थितं भ्रातृभिः सह । दुर्योधनमभिप्रेक्ष्य भीष्मः शान्तनवोऽब्रवीत् ॥

sabhāyāmutthitaṃ kruddhaṃ prasthitaṃ bhrātṛbhiḥ saha | duryodhanamabhiprekṣya bhīṣmaḥ śāntanavo'bravīt

Seeing Duryodhana risen in anger in the hall and leaving with his brothers, Bhishma son of Shantanu said:

Verse 31 (5.128.31)

धर्मार्थावभिसन्त्यज्य संरम्भं योऽनुमन्यते । हसन्ति व्यसने तस्य दुर्हृदो नचिरादिव ॥

dharmārthāvabhisantyajya saṃrambhaṃ yo'numanyate | hasanti vyasane tasya durhṛdo nacirādiva

"The man who casts aside dharma and artha and gives himself over to rage is soon laughed at by his enemies in his misfortune.

Verse 32 (5.128.32)

दुरात्मा राजपुत्रोऽयं धार्तराष्ट्रोऽनुपायवित् । मिथ्याभिमानी राज्यस्य क्रोधलोभवशानुगः ॥

durātmā rājaputro'yaṃ dhārtarāṣṭro'nupāyavit | mithyābhimānī rājyasya krodhalobhavaśānugaḥ

This evil-souled prince, the son of Dhritarashtra, knows no right means; he is falsely proud of his kingship and follows the sway of anger and greed.

Verse 33 (5.128.33)

कालपक्वमिदं मन्ये सर्वं क्षत्रं जनार्दन । सर्वे ह्यनुसृता मोहात्पार्थिवाः सह मन्त्रिभिः ॥

kālapakvamidaṃ manye sarvaṃ kṣatraṃ janārdana | sarve hyanusṛtā mohātpārthivāḥ saha mantribhiḥ

I think, Janardana, that this whole warrior order is ripe for death, for all the kings, together with their counsellors, have followed him in their delusion."

Verse 34 (5.128.34)

भीष्मस्याथ वचः श्रुत्वा दाशार्हः पुष्करेक्षणः । भीष्मद्रोणमुखान्सर्वानभ्यभाषत वीर्यवान् ॥

bhīṣmasyātha vacaḥ śrutvā dāśārhaḥ puṣkarekṣaṇaḥ | bhīṣmadroṇamukhānsarvānabhyabhāṣata vīryavān

Hearing Bhishma's words, the lotus-eyed, valiant Dasharha addressed all of them, headed by Bhishma and Drona:

Verse 35 (5.128.35)

सर्वेषां कुरुवृद्धानां महानयमतिक्रमः । प्रसह्य मन्दमैश्वर्ये न नियच्छन्ति यन्नृपम् ॥

sarveṣāṃ kuruvṛddhānāṃ mahānayamatikramaḥ | prasahya mandamaiśvarye na niyacchanti yannṛpam

"It is a great failing of all the elders of the Kurus that they do not forcibly restrain this foolish king in his sovereignty.

Verse 36 (5.128.36)

तत्र कार्यमहं मन्ये कालप्राप्तमरिन्दमाः । क्रियमाणे भवेच्छ्रेयस्तत्सर्वं शृणुतानघाः ॥

tatra kāryamahaṃ manye kālaprāptamarindamāḥ | kriyamāṇe bhavecchreyastatsarvaṃ śṛṇutānaghāḥ

In this matter I see a step that the time now calls for, subduers of enemies; if it is taken, good will come of it. Hear all of it, sinless ones.

Note on the text: Corrected श्रृणुतानघाः → शृणुतानघाः (misprint in Wikisource; श्रृ for शृ, as in the critical edition's śṛṇutānaghāḥ).

Verse 37 (5.128.37)

प्रत्यक्षमेतद्भवतां यद्वक्ष्यामि हितं वचः । भवतामानुकूल्येन यदि रोचेत भारताः ॥

pratyakṣametadbhavatāṃ yadvakṣyāmi hitaṃ vacaḥ | bhavatāmānukūlyena yadi roceta bhāratāḥ

The beneficial counsel I am about to give is plain for you to see, O Bharatas, if it pleases you and you agree to it.

Verse 38 (5.128.38)

पुत्रो वै भोजराजस्य दुराचारो ह्यनात्मवान् । जीवतः पितुरैश्वर्यं हृत्वा मृत्युवशं गतः ॥

putro vai bhojarājasya durācāro hyanātmavān | jīvataḥ pituraiśvaryaṃ hṛtvā mṛtyuvaśaṃ gataḥ

The son of the Bhoja king, ill-behaved and without self-control, seized his father's sovereignty while his father still lived, and fell into the power of death.

Verse 39 (5.128.39)

उग्रसेनसुतः कंसः परित्यक्तः स बान्धवैः । ज्ञातीनां हितकामेन मया शस्तो महामृधे ॥

ugrasenasutaḥ kaṃsaḥ parityaktaḥ sa bāndhavaiḥ | jñātīnāṃ hitakāmena mayā śasto mahāmṛdhe

Kamsa, son of Ugrasena, was abandoned by his kinsmen, and I, seeking the good of our kin, slew him in a great battle.

Verse 40 (5.128.40)

आहुकः पुनरस्माभिर्ज्ञातिभिश्चापि सत्कृतः । उग्रसेनः कृतो राजा भोजराजन्यवर्धनः ॥

āhukaḥ punarasmābhirjñātibhiścāpi satkṛtaḥ | ugrasenaḥ kṛto rājā bhojarājanyavardhanaḥ

Then we and our kinsmen honoured Ahuka once again and made Ugrasena king, he who increases the glory of the Bhoja royal line.

Verse 41 (5.128.41)

कंसमेकं परित्यज्य कुलार्थे सर्वयादवाः । संभूय सुखमेधन्ते भारतान्धकवृष्णयः ॥

kaṃsamekaṃ parityajya kulārthe sarvayādavāḥ | saṃbhūya sukhamedhante bhāratāndhakavṛṣṇayaḥ

By giving up Kamsa alone for the sake of the family, all the Yadavas — the Andhakas and Vrishnis, O Bharata — live united and prosper in happiness.

Note on the text: Corrected संसमेकं → कंसमेकं (misprint in Wikisource; wrong first akshara, as in the critical edition's kaṃsam ekaṃ).

Verse 42 (5.128.42)

अपि चाप्यवदद्राजन्परमेष्ठी प्रजापतिः । व्यूढे देवासुरे युद्धेऽभ्युद्यतेष्वायुधेषु च ॥

api cāpyavadadrājanparameṣṭhī prajāpatiḥ | vyūḍhe devāsure yuddhe'bhyudyateṣvāyudheṣu ca

Moreover, O king, Prajapati the Supreme Lord spoke once, when the war of the gods and the asuras had been arrayed and weapons were raised,

Verse 43 (5.128.43)

द्वैधीभूतेषु लोकेषु विनश्यत्सु च भारत । अब्रवीत्तु तदा देवो भगवाँल्लोकभावनः ॥

dvaidhībhūteṣu lokeṣu vinaśyatsu ca bhārata | abravīttu tadā devo bhagavām̐llokabhāvanaḥ

when the worlds were split in two and perishing, O Bharata — then the blessed god, creator of the worlds, said:

Verse 44 (5.128.44)

पराभविष्यन्त्यसुरा दैतेया दानवैः सह । आदित्या वसवो रुद्रा भविष्यन्ति दिवौकसः ॥

parābhaviṣyantyasurā daiteyā dānavaiḥ saha | ādityā vasavo rudrā bhaviṣyanti divaukasaḥ

'The asuras, the Daityas together with the Danavas, will be defeated; the Adityas, Vasus and Rudras will become the dwellers of heaven.

Note on the text: Corrected दिवौसकः → दिवौकसः (misprint in Wikisource; transposed aksharas, as in the critical edition's divaukasaḥ).

Verse 45 (5.128.45)

देवासुरमनुष्याश्च गन्धर्वोरगराक्षसाः । अस्मिन्युद्धे सुसंक्रुद्धा हनिष्यन्ति परस्परम् ॥

devāsuramanuṣyāśca gandharvoragarākṣasāḥ | asminyuddhe susaṃkruddhā haniṣyanti parasparam

Gods, asuras and men, gandharvas, serpents and rakshasas, furious in this war, will slay one another.

Verse 46 (5.128.46)

वर्तमानं जगत्सर्वं मुहूर्तान्न भविष्यति । इति मत्वाऽब्रवीद्धर्मं परमेष्ठी प्रजापतिः । वरुणाय प्रयच्छैतान्बद्ध्वा दैतेयदानवान् ॥

vartamānaṃ jagatsarvaṃ muhūrtānna bhaviṣyati | iti matvā'bravīddharmaṃ parameṣṭhī prajāpatiḥ | varuṇāya prayacchaitānbaddhvā daiteyadānavān

The whole world as it now stands will cease to be in a moment.' Considering this, Prajapati the Supreme Lord said to Dharma: 'Bind these Daityas and Danavas and hand them over to Varuna.'

Note on the text: Removed stray wiki marks (a backtick and a closing quote) around the first line and its doubled danda. The first line is not in the critical edition (found in the vulgate recension); it is line 1 of the apparatus passage 5.126.43d*0480 (whose line 2 Wikisource lacks). Lines 2–3 are the critical edition's 5.126.44.

Verse 47 (5.128.47)

एवमुक्तस्ततो धर्मो नियोगात्परमेष्ठिनः । वरुणाय ददौ सर्वान्बद्ध्वा दैतेयदानवान् ॥

evamuktastato dharmo niyogātparameṣṭhinaḥ | varuṇāya dadau sarvānbaddhvā daiteyadānavān

Thus instructed, Dharma, at the command of the Supreme Lord, bound all the Daityas and Danavas and handed them over to Varuna.

Verse 48 (5.128.48)

तान्बद्ध्वा धर्मपाशैश्च स्वैश्च पाशैर्जलेश्वरः । वरुणः सागरे यत्तो नित्यं रक्षति दानवान् ॥

tānbaddhvā dharmapāśaiśca svaiśca pāśairjaleśvaraḥ | varuṇaḥ sāgare yatto nityaṃ rakṣati dānavān

Binding them with the nooses of Dharma and with his own nooses, Varuna, lord of the waters, ever watchful, guards the Danavas in the ocean.

Verse 49 (5.128.49)

तथा दुर्योधनं कर्णं शकुनिं चापि सौबलम् । बद्ध्वा दुःशासनं चापि पाण्डवेभ्यः प्रयच्छत ॥

tathā duryodhanaṃ karṇaṃ śakuniṃ cāpi saubalam | baddhvā duḥśāsanaṃ cāpi pāṇḍavebhyaḥ prayacchata

In the same way, bind Duryodhana, Karna, Shakuni son of Subala, and Duhshasana too, and hand them over to the Pandavas.

Verse 50 (5.128.50)

त्यजेत्कुलार्थे पुरुषं ग्रामस्यार्थे कुलं त्यजेत् । ग्रामं जनपदस्यार्थे आत्मार्थे पृथिवीं त्यजेत् ॥

tyajetkulārthe puruṣaṃ grāmasyārthe kulaṃ tyajet | grāmaṃ janapadasyārthe ātmārthe pṛthivīṃ tyajet

For the sake of the family one should give up a man; for the sake of a village, give up a family; for the sake of the country, a village; and for the sake of the self, give up the earth.

Verse 51 (5.128.51)

राजन्दुर्योधनं बद्ध्वा ततः संशाम्य पाण्डवैः । त्वत्कृते न विनश्येयुः क्षत्रियाः क्षत्रियर्षभ ॥

rājanduryodhanaṃ baddhvā tataḥ saṃśāmya pāṇḍavaiḥ | tvatkṛte na vinaśyeyuḥ kṣatriyāḥ kṣatriyarṣabha

O king, bind Duryodhana and then make peace with the Pandavas. Let not the kshatriyas perish because of you, bull among kshatriyas."