Rama's Spears and the Shattered Chariot

Verse 1 (5.181.1)

समागतस्य रामेण पुनरेवातिदारुणम् । अन्येद्युस्तुमुलं युद्धं तदा भरतसत्तम ॥

samāgatasya rāmeṇa punarevātidāruṇam | anyedyustumulaṃ yuddhaṃ tadā bharatasattama

When I met Rama again the next day, O best of the Bharatas, the battle was tumultuous and exceedingly fierce.

Verse 2 (5.181.2)

ततो दिव्यास्त्रविच्छूरो दिव्यान्यस्त्राण्यनेकशः । अयोजयत्स धर्मात्मा दिवसे दिवसे विभुः ॥

tato divyāstravicchūro divyānyastrāṇyanekaśaḥ | ayojayatsa dharmātmā divase divase vibhuḥ

Then that heroic and righteous lord, master of celestial weapons, used celestial weapons of many kinds, day after day.

Note on the text: Corrected अनेकशःक → अनेकशः (misprint in Wikisource; stray akshara).

Verse 3 (5.181.3)

तान्यहं तत्प्रतीघातैरस्त्रैरस्त्राणि भारत । व्यधमं तुमुले युद्धे प्राणांस्त्यक्त्वा सुदुस्त्यजान् ॥

tānyahaṃ tatpratīghātairastrairastrāṇi bhārata | vyadhamaṃ tumule yuddhe prāṇāṃstyaktvā sudustyajān

In that tumultuous battle, O Bharata, I destroyed those weapons with weapons that countered them, setting at nothing my life, which is so hard to give up.

Note on the text: Restored the word spaces in the second line (run together in Wikisource: तुमुलेयुद्धेप्राणांस्त्यक्त्वासुदुस्त्यजान्); no letters changed.

Verse 4 (5.181.4)

अस्त्रैरस्त्रेषु बहुधा हतेष्वेव च भारत । अक्रुध्यत महातेजास्त्यक्तप्राणः स संयुगे ॥

astrairastreṣu bahudhā hateṣveva ca bhārata | akrudhyata mahātejāstyaktaprāṇaḥ sa saṃyuge

When his weapons had been destroyed by mine again and again, O Bharata, that mighty one grew angry in the battle, careless of his life.

Verse 5 (5.181.5)

ततः शक्तिं प्राहिणोद्धोररूपा- । मस्त्रे रुद्धे जामदग्न्यो महात्मा । कालोत्सृष्टां प्रज्वलितामिवोल्कां । संदीप्ताग्रां तेजसा व्याप्य लोकम् ॥

tataḥ śaktiṃ prāhiṇoddhorarūpā- | mastre ruddhe jāmadagnyo mahātmā | kālotsṛṣṭāṃ prajvalitāmivolkāṃ | saṃdīptāgrāṃ tejasā vyāpya lokam

Then, his weapons checked, the great-souled son of Jamadagni hurled a terrible spear, like a blazing meteor let loose by Time, its point aflame, filling the world with its radiance.

Verse 6 (5.181.6)

ततोऽहं तामिषुभिर्दीप्यमानां । समायान्तीमन्तकालार्कदीप्ताम् । छित्त्वा त्रिधा पातयामास भूमौ । ततो ववौ पवनः पुण्यगन्धिः ॥

tato'haṃ tāmiṣubhirdīpyamānāṃ | samāyāntīmantakālārkadīptām | chittvā tridhā pātayāmāsa bhūmau | tato vavau pavanaḥ puṇyagandhiḥ

As it came at me blazing, bright as the sun at the end of time, I cut it in three with my arrows and brought it down to the ground; and a fragrant breeze blew.

Verse 7 (5.181.7)

तस्यां छिन्नायां क्रोधदीप्तोऽथ रामः । शक्तीर्घोराः प्राहिणोद्‌द्वादशान्याः । तासां रूपं भारत नोत शक्यं । तेजस्वित्वाल्लाघवाच्चैव वक्तुम् ॥

tasyāṃ chinnāyāṃ krodhadīpto'tha rāmaḥ | śaktīrghorāḥ prāhiṇoddvādaśānyāḥ | tāsāṃ rūpaṃ bhārata nota śakyaṃ | tejasvitvāllāghavāccaiva vaktum

When it was cut down, Rama, burning with anger, hurled twelve more terrible spears. Their form, O Bharata, cannot be described, so dazzling and so swift were they.

Verse 8 (5.181.8)

किन्त्वेवाहं विह्वलः संप्रदृश्य । दिग्भ्यः सर्वास्ता महोत्का इवाग्नेः । नानारूपास्तेजसोग्रेण दीप्ता । यथाऽऽदित्या द्वादश लोकसंक्षये ॥

kintvevāhaṃ vihvalaḥ saṃpradṛśya | digbhyaḥ sarvāstā mahotkā ivāgneḥ | nānārūpāstejasogreṇa dīptā | yathā''dityā dvādaśa lokasaṃkṣaye

Seeing them coming at me from every side like great firebrands, of many shapes and blazing with fierce brilliance like the twelve suns at the destruction of the world, I was shaken.

Verse 9 (5.181.9)

ततो जालं बाणमयं विवृत्तं । संदृश्य भित्त्वा शरजालेन राजन् । द्वादशेषून्प्राहिणवं रणेऽहं । ततः शक्तीरप्यधमं घोररूपाः ॥

tato jālaṃ bāṇamayaṃ vivṛttaṃ | saṃdṛśya bhittvā śarajālena rājan | dvādaśeṣūnprāhiṇavaṃ raṇe'haṃ | tataḥ śaktīrapyadhamaṃ ghorarūpāḥ

Then, seeing a net of arrows spread out, I broke it with a net of my own arrows, O king, and loosed twelve arrows in the battle; and with them I destroyed those terrible spears as well.

Verse 10 (5.181.10)

ततो राजञ्जामदग्न्यो महात्मा । शक्तीर्घोरा व्याक्षिपद्धेमदण्डाः । विचित्रिताः काञ्चनपट्टनद्धा । यथा महोल्का ज्वलितास्तथा ताः ॥

tato rājañjāmadagnyo mahātmā | śaktīrghorā vyākṣipaddhemadaṇḍāḥ | vicitritāḥ kāñcanapaṭṭanaddhā | yathā maholkā jvalitāstathā tāḥ

Then, O king, the great-souled son of Jamadagni threw terrible spears with golden shafts, finely worked and bound with bands of gold, which blazed like great meteors.

Note on the text: Corrected काञ्चनपट्टनंद्धा → काञ्चनपट्टनद्धा (misprint in Wikisource; stray anusvara — "bound with bands of gold", critical edition kāñcanapaṭṭanaddhā).

Verse 11 (5.181.11)

ताश्चाप्युग्राश्चर्मणा वारयित्वा । खड्गेनाजौ पातयित्वा नरेन्द्र । बाणैर्दिव्यैर्जामदग्न्यस्य सङ्ख्ये । दिव्यानश्वानभ्यवर्षं ससूतान् ॥

tāścāpyugrāścarmaṇā vārayitvā | khaḍgenājau pātayitvā narendra | bāṇairdivyairjāmadagnyasya saṅkhye | divyānaśvānabhyavarṣaṃ sasūtān

I warded off those fearsome spears with my shield and struck them down with my sword in the battle, O lord of men, and with celestial arrows I rained on the celestial horses of Jamadagni's son and on his charioteer.

Note on the text: Corrected खङ्गेनाजौ → खड्गेनाजौ (misprint in Wikisource; खङ्ग for खड्ग "sword").

Verse 12 (5.181.12)

निर्मुक्तानां पन्नगानां सरूपा । दृष्ट्वा शक्तीर्हेमचित्रा निकृत्ताः । प्रादुश्चक्रे दिव्यमस्त्रं महात्मा । क्रोधाविष्टो हैहयेशप्रमाथी ॥

nirmuktānāṃ pannagānāṃ sarūpā | dṛṣṭvā śaktīrhemacitrā nikṛttāḥ | prāduścakre divyamastraṃ mahātmā | krodhāviṣṭo haihayeśapramāthī

Seeing his gold-adorned spears, like serpents that have cast their skins, cut to pieces, the great-souled crusher of the Haihaya lord, filled with anger, brought forth a celestial weapon.

Note on the text: Corrected निर्मिक्तानां → निर्मुक्तानां (misprint in Wikisource; serpents "freed" of their sloughs, critical edition nirmuktānāṃ) and हैहयेशममाथी → हैहयेशप्रमाथी (misprint in Wikisource; dropped akshara, the line is a syllable short — "crusher of the Haihaya lord", critical edition haihayeśapramāthī).

Verse 13 (5.181.13)

ततः श्रेण्यः शलभानामिवोग्राः । समापेतुर्विशिखानां प्रदीप्ताः । समाचिनोच्चापि भृशं शरीरं । हयान्सूतं सरथं चैव मह्यम् ॥

tataḥ śreṇyaḥ śalabhānāmivogrāḥ | samāpeturviśikhānāṃ pradīptāḥ | samācinoccāpi bhṛśaṃ śarīraṃ | hayānsūtaṃ sarathaṃ caiva mahyam

Then rows of blazing arrows fell like fierce swarms of locusts and thickly covered my body, my horses, my charioteer and my chariot.

Verse 14 (5.181.14)

रथः शरैर्मे निचितः सर्वतोऽभू- । त्तथा वाहाः सारथिश्चैव राजन् । युगं रथेषा च तथैव चक्रे । तथैवाक्षः शरकृत्तोऽथ भग्नः ॥

rathaḥ śarairme nicitaḥ sarvato'bhū- | ttathā vāhāḥ sārathiścaiva rājan | yugaṃ ratheṣā ca tathaiva cakre | tathaivākṣaḥ śarakṛtto'tha bhagnaḥ

My chariot was covered with arrows on every side, and so were the horses and the charioteer, O king; the yoke, the chariot-pole and the wheels likewise, and the axle, cut through by arrows, broke.

Note on the text: Corrected रथेषां → रथेषा (misprint in Wikisource; the chariot-pole stands in a list of nominatives, critical edition ratheṣā).

Verse 15 (5.181.15)

ततस्तस्मिन्बाणवर्षे व्यतीते । शरौघेण प्रत्यवर्षं गुरुं तम् । स विक्षतो मार्गणैर्ब्रह्मराशि- । र्देहादसक्तं मुमुचे भूरि रक्तम् ॥

tatastasminbāṇavarṣe vyatīte | śaraugheṇa pratyavarṣaṃ guruṃ tam | sa vikṣato mārgaṇairbrahmarāśi- | rdehādasaktaṃ mumuce bhūri raktam

Then, when that rain of arrows had passed, I rained a flood of arrows back on my teacher; and he, a mass of brahminic power, wounded by the shafts, shed much blood from his body without pause.

Verse 16 (5.181.16)

यथा रामो बाणजालाभितप्त- । स्तथैवाहं सुभृशं गाढविद्धः । ततो युद्धं व्यरमच्चापराह्णे । भानावस्तं प्रतियाते महीध्रम् ॥

yathā rāmo bāṇajālābhitapta- | stathaivāhaṃ subhṛśaṃ gāḍhaviddhaḥ | tato yuddhaṃ vyaramaccāparāhṇe | bhānāvastaṃ pratiyāte mahīdhram

As Rama was scorched by the net of arrows, so I too was very deeply pierced. Then, in the afternoon, when the sun was going down to the western mountain, the fighting ceased.