The Kaurava Army Marches to Kurukshetra

Verse 1 (5.195.1)

ततः प्रभाते विमले धार्तराष्ट्रेण चोदिताः । दुर्योधनेन राजानः प्रययुः पाण्डवान्प्रति ॥

tataḥ prabhāte vimale dhārtarāṣṭreṇa coditāḥ | duryodhanena rājānaḥ prayayuḥ pāṇḍavānprati

Then, at clear dawn, urged on by Duryodhana son of Dhritarashtra, the kings set out against the Pandavas.

Verse 2 (5.195.2)

आप्लाव्य शुचयः सर्वे स्रग्विणः शुक्लवाससः । गृहीतशस्त्रा ध्वजिनः स्वस्ति वाच्य हुताग्नयः ॥

āplāvya śucayaḥ sarve sragviṇaḥ śuklavāsasaḥ | gṛhītaśastrā dhvajinaḥ svasti vācya hutāgnayaḥ

They had bathed and were pure, all wearing garlands and white garments, weapons in hand, with banners flying; they had had blessings pronounced and had made offerings into the fire.

Verse 3 (5.195.3)

सर्वे ब्रह्मविदः शूराः सर्वे सुचरितव्रताः । सर्वे कामकृतश्चैव सर्वे चाहवलक्षणाः ॥

sarve brahmavidaḥ śūrāḥ sarve sucaritavratāḥ | sarve kāmakṛtaścaiva sarve cāhavalakṣaṇāḥ

All were knowers of Brahman and heroes, all kept their vows well, all were men who achieved what they set out to do, and all bore the marks of warriors.

Note on the text: कामकृतः (CE karmakṛtaḥ) kept as a variant.

Verse 4 (5.195.4)

आहवेषु पराँल्लोकाञ्जिगीषन्तो महाबलाः । एकाग्रमनसः सर्वे श्रद्दधानाः परस्परम् ॥

āhaveṣu parām̐llokāñjigīṣanto mahābalāḥ | ekāgramanasaḥ sarve śraddadhānāḥ parasparam

Seeking to win the highest worlds in battle, those mighty men were all single-minded and trusted one another.

Verse 5 (5.195.5)

विन्दानुविन्दावावन्त्यौ केकया बाह्लिकैः सह । प्रययुः सर्व एवैते भारद्वाजपुरोगमाः ॥

vindānuvindāvāvantyau kekayā bāhlikaiḥ saha | prayayuḥ sarva evaite bhāradvājapurogamāḥ

Vinda and Anuvinda of Avanti, and the Kekayas with the Bahlikas: all these set out with the son of Bharadvaja at their head.

Verse 6 (5.195.6)

अश्वत्थामा शान्तनवः सैन्धवोऽथ जयद्रथः । दाक्षिणात्याः प्रतीच्याश्च पार्वतीयाश्च ये नृपाः ॥

aśvatthāmā śāntanavaḥ saindhavo'tha jayadrathaḥ | dākṣiṇātyāḥ pratīcyāśca pārvatīyāśca ye nṛpāḥ

Ashvatthaman, the son of Shantanu, Jayadratha king of Sindhu, and the kings of the south, of the west and of the hills;

Note on the text: Corrected ने नृपाः → ये नृपाः (misprint in Wikisource; न for य, as the critical edition ye).

Verse 7 (5.195.7)

गान्धारराजः शकुनिः प्राच्योदीच्याश्च सर्वशः । शकाः किराता यवनाः शिबयोऽथ वसातयः ॥

gāndhārarājaḥ śakuniḥ prācyodīcyāśca sarvaśaḥ | śakāḥ kirātā yavanāḥ śibayo'tha vasātayaḥ

Shakuni king of Gandhara, and all the eastern and northern peoples, the Shakas, Kiratas, Yavanas, Shibis and Vasatis:

Verse 8 (5.195.8)

स्वैः स्वैरनीकैः सहिताः परिवार्य महारथम् । एते महारथाः सर्वे द्वितीये निर्ययुर्बले ॥

svaiḥ svairanīkaiḥ sahitāḥ parivārya mahāratham | ete mahārathāḥ sarve dvitīye niryayurbale

each with his own division, surrounding the great chariot-warrior, all these great warriors marched out in the second force.

Verse 9 (5.195.9)

कृतवर्मा सहानीकस्त्रिगर्तश्च महारथः । दुर्योधनश्च नृपतिर्भ्रातृभिः परिवारितः ॥

kṛtavarmā sahānīkastrigartaśca mahārathaḥ | duryodhanaśca nṛpatirbhrātṛbhiḥ parivāritaḥ

Kritavarman with his division, the great chariot-warrior of Trigarta, and King Duryodhana surrounded by his brothers;

Note on the text: Corrected कृतवार्मा → कृतवर्मा (misprint in Wikisource; spurious आ-sign, as the critical edition kṛtavarmā). त्रिगर्तश्च महारथः (CE trigartāś ca mahābalāḥ) kept as a variant.

Verse 10 (5.195.10)

शलो भूरिश्रवाः शल्यः कौसल्योऽथ बृहद्रथः । एते पश्चादनुगता धार्तराष्ट्रपुरोगमाः ॥

śalo bhūriśravāḥ śalyaḥ kausalyo'tha bṛhadrathaḥ | ete paścādanugatā dhārtarāṣṭrapurogamāḥ

Shala, Bhurishravas, Shalya, and Brihadratha of Kosala: these followed behind, with the son of Dhritarashtra at their head.

Note on the text: बृहद्रथः (CE bṛhadbalaḥ, the usual name of this Kosala king) kept as printed.

Verse 11 (5.195.11)

ते समेत्य यथान्यायं धार्तराष्ट्रा महाबलाः । कुरुक्षेत्रस्य पश्चार्धे व्यवातिष्ठन्त दंशिताः ॥

te sametya yathānyāyaṃ dhārtarāṣṭrā mahābalāḥ | kurukṣetrasya paścārdhe vyavātiṣṭhanta daṃśitāḥ

Coming together in due order, the mighty men of Dhritarashtra's side took up their positions, clad in armour, in the western half of Kurukshetra.

Verse 12 (5.195.12)

दुर्योधनस्तु शिबिरं कारयामास भारत । यथैव हास्तिनपुरं द्वितीयं समलंकृतम् ॥

duryodhanastu śibiraṃ kārayāmāsa bhārata | yathaiva hāstinapuraṃ dvitīyaṃ samalaṃkṛtam

Duryodhana had his camp built, O Bharata, adorned just like a second Hastinapura.

Verse 13 (5.195.13)

न विशेषं विजानन्ति पुरस्य शिबिरस्य वा । कुशला अपि राजेन्द्र नरा नगरवासिनः ॥

na viśeṣaṃ vijānanti purasya śibirasya vā | kuśalā api rājendra narā nagaravāsinaḥ

Even skilled men who lived in the city, O king of kings, could not tell the city and the camp apart.

Verse 14 (5.195.14)

तादृशान्येव दुर्गाणि राज्ञामपि महीपतिः । कारयामास कौरव्यः शतशोऽथ सहस्रशः ॥

tādṛśānyeva durgāṇi rājñāmapi mahīpatiḥ | kārayāmāsa kauravyaḥ śataśo'tha sahasraśaḥ

The Kaurava king had strongholds just like it built for the kings as well, by the hundreds and thousands.

Verse 15 (5.195.15)

पञ्चयोजनमुत्सृज्य मण्डलं तद्रणाजिरम् । सेनानिवेशास्ते राजन्नाविशञ्छतसङ्घशः ॥

pañcayojanamutsṛjya maṇḍalaṃ tadraṇājiram | senāniveśāste rājannāviśañchatasaṅghaśaḥ

Leaving a circle of five yojanas as the field of battle, the troops entered their encampments, O king, in hundreds of companies.

Note on the text: Corrected माण्डलं → मण्डलं (misprint in Wikisource; spurious आ-sign, as the critical edition maṇḍalaṃ).

Verse 16 (5.195.16)

तत्र ते पृथिवीपाला यथोत्साहं यथाबलम् । विविशुः शिबिराण्यत्र द्रव्यवन्ति सहस्रशः ॥

tatra te pṛthivīpālā yathotsāhaṃ yathābalam | viviśuḥ śibirāṇyatra dravyavanti sahasraśaḥ

There the kings, each according to his zeal and his strength, entered thousands of well-stocked camps.

Verse 17 (5.195.17)

तेषां दुर्योधनो राजा ससैन्यानां महात्मनाम् । व्यादिदेश स बाह्यानां भक्ष्यभोज्यमनुत्तमम् ॥

teṣāṃ duryodhano rājā sasainyānāṃ mahātmanām | vyādideśa sa bāhyānāṃ bhakṣyabhojyamanuttamam

King Duryodhana ordered the finest food and drink for those great-souled men and their armies, and for those outside the ranks:

Verse 18 (5.195.18)

सनागाश्वमनुष्याणां ये च शिल्पोपजीविनः । ये चान्येऽनुगतास्तत्र सूतमागधबन्दिनः ॥

sanāgāśvamanuṣyāṇāṃ ye ca śilpopajīvinaḥ | ye cānye'nugatāstatra sūtamāgadhabandinaḥ

for the elephants, horses and men, for those who live by crafts, and for all the others who had come along, the bards, the minstrels and the panegyrists,

Note on the text: Corrected -मनुण्याणां → -मनुष्याणां (misprint in Wikisource; ण for ष).

Verse 19 (5.195.19)

वणिजो गणिकाश्चारा ये चैव प्रेक्षका जनाः । सर्वांस्तान्कौरवो राजा विधिवत्प्रत्यवैक्षत ॥

vaṇijo gaṇikāścārā ye caiva prekṣakā janāḥ | sarvāṃstānkauravo rājā vidhivatpratyavaikṣata

for traders, courtesans and spies, and for those who had come to watch. The Kaurava king saw to all of them as was proper.

Note on the text: Corrected सर्वांस्तन् → सर्वांस्तान् (misprint in Wikisource; dropped आ-sign, as the critical edition sarvāṃs tān). चाराः (CE vārā) kept as a variant.