Dhritarashtra Sends Sanjaya to the Pandavas

Verse 1 (5.22.1)

प्राप्तानाहुः सञ्जय पाण्डुपुत्रा- । नुपप्लव्ये तान्विजानीहि गत्वा । अजातशत्रुं च सभाजयेथा । दिष्ट्या वनाद्ग्राममुपस्थितस्त्वम् ॥

prāptānāhuḥ sañjaya pāṇḍuputrā- | nupaplavye tānvijānīhi gatvā | ajātaśatruṃ ca sabhājayethā | diṣṭyā vanādgrāmamupasthitastvam

They say the sons of Pandu have arrived at Upaplavya, Sanjaya. Go there and learn how they are. Greet Ajatashatru with honour and say: 'Happily you have come out of the forest to a settled place.'

Verse 2 (5.22.2)

सर्वान्वदेः सञ्जय स्वस्तिमन्तः । कृच्छ्रं वासमतदर्हा निरुष्य । तेषां शान्तिर्विद्यतेऽस्मासु शीघ्रं । मिथ्यापेतानामुपकारिणां सताम् ॥

sarvānvadeḥ sañjaya svastimantaḥ | kṛcchraṃ vāsamatadarhā niruṣya | teṣāṃ śāntirvidyate'smāsu śīghraṃ | mithyāpetānāmupakāriṇāṃ satām

Tell them all, Sanjaya, that we are well. Though they did not deserve it, they lived through a hard exile; yet these good men, honest and helpful to us, are quickly reconciled toward us.

Verse 3 (5.22.3)

नाहं क्वचित्सञ्जय पाण्डवानां । मिथ्यावृत्तिं कांचन जात्वपश्यम् । सर्वां श्रियं ह्यात्मवीर्येण लब्धां । पर्याकार्षुः पाण्डवा मह्यमेव ॥

nāhaṃ kvacitsañjaya pāṇḍavānāṃ | mithyāvṛttiṃ kāṃcana jātvapaśyam | sarvāṃ śriyaṃ hyātmavīryeṇa labdhāṃ | paryākārṣuḥ pāṇḍavā mahyameva

Sanjaya, I have never at any time seen the least false dealing on the part of the Pandavas. All the fortune they won by their own valour, the Pandavas brought to me.

Verse 4 (5.22.4)

दोषं ह्येषां नाध्यगच्छं परीच्छ- । न्सूक्ष्मं कंचिद्येन गर्हेय पार्थान् । धर्मार्थाभ्यां कर्म कुर्वन्ति नित्यं । सुखप्रिये नानुरुध्यन्ति कामात् ॥

doṣaṃ hyeṣāṃ nādhyagacchaṃ parīccha- | nsūkṣmaṃ kaṃcidyena garheya pārthān | dharmārthābhyāṃ karma kurvanti nityaṃ | sukhapriye nānurudhyanti kāmāt

Though I searched, I found in them no fault, however slight, for which I could blame the Parthas. They always act for the sake of dharma and of worldly good; they do not chase pleasure and comfort out of desire.

Verse 5 (5.22.5)

घर्मं शीतं क्षुत्पिपासे तथैव । निद्रां तन्द्रीं क्रोधहर्षौ प्रमादम् । धृत्या चैव प्रज्ञया चाभिभूय । धर्मार्थयोगान्प्रयतन्ति पार्थाः ॥

gharmaṃ śītaṃ kṣutpipāse tathaiva | nidrāṃ tandrīṃ krodhaharṣau pramādam | dhṛtyā caiva prajñayā cābhibhūya | dharmārthayogānprayatanti pārthāḥ

Heat and cold, hunger and thirst, sleep, sloth, anger, elation and carelessness — the Parthas master these with firmness and wisdom, and strive for what unites dharma and worldly good.

Note on the text: Corrected धर्मं → घर्मं (misprint in Wikisource; the list pairs heat with cold, CE gharmaṃ).

Verse 6 (5.22.6)

त्यजन्ति मित्रेषु धनानि काले । न संवासाज्जीर्यति मैत्रमेषाम् । यथार्हमानार्थकरा हि पार्था- । स्तेषां द्वेष्टा नास्त्याजमीढस्य पक्षे । अन्यत्र पापाद्विषमान्मन्दबुद्धे- । र्दुर्योधनात्क्षुद्रतराच्च कर्णात् ॥

tyajanti mitreṣu dhanāni kāle | na saṃvāsājjīryati maitrameṣām | yathārhamānārthakarā hi pārthā- | steṣāṃ dveṣṭā nāstyājamīḍhasya pakṣe | anyatra pāpādviṣamānmandabuddhe- | rduryodhanātkṣudratarācca karṇāt

At the proper time they give away wealth to their friends, and their friendship does not wear thin with long acquaintance. The Parthas give honour and gifts to each as he deserves. On the side of the Ajamidha there is no one who hates them — except the wicked, crooked, dull-witted Duryodhana and the meaner Karna.

Note on the text: Restored from the critical edition (5.22.6a–d and 7a): Wikisource numbers this verse 6f and prints only its last line (र्दुर्योधनात्क्षुद्रतराच्च कर्णात्, = CE 5.22.7b), which begins mid-word; the five lost lines are restored from the CE's 5.22.6 and 7a, the 6f number marking a six-line verse.

Verse 7 (5.22.7)

पुत्रो मह्यं मृत्युवशं जगाम । दुर्योधनः सञ्जय रागबुद्धिः । तेषां हीमौ हीनसुखप्रियाणां । महात्मनां संजनयतो हि तेजः ॥

putro mahyaṃ mṛtyuvaśaṃ jagāma | duryodhanaḥ sañjaya rāgabuddhiḥ | teṣāṃ hīmau hīnasukhapriyāṇāṃ | mahātmanāṃ saṃjanayato hi tejaḥ

My son Duryodhana, Sanjaya, his mind clouded by passion, has fallen into the power of death. These two stir up the fiery wrath of those great-souled men, who have given up their pleasures and comforts.

Note on the text: Removed stray wiki quote marks (` and ') and a doubled danda around the first two lines. Those two lines are not in the critical edition's main text: they are its star passage 5.22.1d*0125 (printed there after v. 1; vulgate). Lines 3–4 = CE 5.22.7cd.

Verse 8 (5.22.8)

उत्थानवीर्यः सुखमेधमानो । दुर्योधनः सुकृतं मन्यते तत् । तेषां भागं यच्च मन्येत बालः । शक्यं हर्तुं जीवतां पाण्डवानाम् ॥

utthānavīryaḥ sukhamedhamāno | duryodhanaḥ sukṛtaṃ manyate tat | teṣāṃ bhāgaṃ yacca manyeta bālaḥ | śakyaṃ hartuṃ jīvatāṃ pāṇḍavānām

Duryodhana, prospering at his ease, thinks his own energy and enterprise has done well; and the fool thinks the Pandavas' share can be seized while they are still alive.

Note on the text: Corrected दुर्योधः → दुर्योधनः (misprint in Wikisource; dropped न, which the metre needs; CE duryodhanaḥ).

Verse 9 (5.22.9)

यस्यार्जुनः पदवीं केशवश्च । वृकोदरः सात्यकोऽजातशत्रोः । माद्रीपुत्रौ सृञ्जयाश्चापि यान्ति । पुरा युद्धात्साधु तस्य प्रदानम् ॥

yasyārjunaḥ padavīṃ keśavaśca | vṛkodaraḥ sātyako'jātaśatroḥ | mādrīputrau sṛñjayāścāpi yānti | purā yuddhātsādhu tasya pradānam

It is right to give Ajatashatru his share before there is war — he whose path is followed by Arjuna and Keshava, Vrikodara and Satyaki, the two sons of Madri, and the Srinjayas.

Verse 10 (5.22.10)

स ह्येवैकः पृथिवीं सव्यसाची । गाण्डीवधन्वा प्रणुदेद्रथस्थः । तथा जिष्णुः केशवोऽप्यप्रधृष्यो । लोकत्रयस्याधिपतिर्महात्मा ॥

sa hyevaikaḥ pṛthivīṃ savyasācī | gāṇḍīvadhanvā praṇudedrathasthaḥ | tathā jiṣṇuḥ keśavo'pyapradhṛṣyo | lokatrayasyādhipatirmahātmā

For Savyasachin alone, the Gandiva-bowman standing in his chariot, could sweep away the whole earth. And Keshava too, ever victorious, the great-souled lord of the three worlds, cannot be overcome.

Note on the text: Separated स ह्येवैकः (Wikisource runs the words together as सह्येवैकः, which reads as a different word; CE sa hy evaikaḥ).

Verse 11 (5.22.11)

तिष्ठेत कस्तस्य मर्त्यः पुरस्ता- । द्यः सर्वलोकेषु वरेण्य एकः । पर्जन्यघोषान्प्रवपञ्शरौघा- । न्पतङ्गसङ्घानिव शीघ्रवेगान् ॥

tiṣṭheta kastasya martyaḥ purastā- | dyaḥ sarvalokeṣu vareṇya ekaḥ | parjanyaghoṣānpravapañśaraughā- | npataṅgasaṅghāniva śīghravegān

What mortal could stand before him, who alone is the most excellent in all the worlds, as he showers floods of arrows that roar like rain-clouds and fly swift as swarms of locusts?

Verse 12 (5.22.12)

दिशं ह्युदीचीमपि चोत्तरान्कुरून् । गाण्डीवधन्वैकरथो जिगाय । धनं चैषामाहरत्सव्यसाची । सेनानुगान्द्रविडांश्चैव चक्रे ॥

diśaṃ hyudīcīmapi cottarānkurūn | gāṇḍīvadhanvaikaratho jigāya | dhanaṃ caiṣāmāharatsavyasācī | senānugāndraviḍāṃścaiva cakre

Alone in his chariot, the Gandiva-bowman conquered the northern quarter and the Northern Kurus too. Savyasachin carried off their wealth and made the Dravidas follow his army.

Note on the text: Corrected चैपाम् → चैषाम् (misprint in Wikisource; प for ष, CE caiṣām).

Verse 13 (5.22.13)

यश्चैव देवान्खाण्डवे सव्यसाची । गाण्डीवधन्वा प्रजिगाय सेन्द्रान् । उपाहरत्पाण्डवो जातवेदसे । यशो मानं वर्धयन्पाण्डवानाम् ॥

yaścaiva devānkhāṇḍave savyasācī | gāṇḍīvadhanvā prajigāya sendrān | upāharatpāṇḍavo jātavedase | yaśo mānaṃ vardhayanpāṇḍavānām

And at Khandava, Savyasachin with his Gandiva bow defeated the gods, Indra among them, and offered the forest to Jatavedas, increasing the fame and honour of the Pandavas.

Verse 14 (5.22.14)

गदाभृतां नास्ति समोऽत्र भीमा- । द्धस्त्यारोहो नास्ति समश्च तस्य । रथेऽर्जुनादाहुरहीनमेनं । बाह्वोर्बलेनायुतनागवीर्यम् ॥

gadābhṛtāṃ nāsti samo'tra bhīmā- | ddhastyāroho nāsti samaśca tasya | rathe'rjunādāhurahīnamenaṃ | bāhvorbalenāyutanāgavīryam

Among mace-wielders there is no one here equal to Bhima, nor any rider of elephants to match him. In the chariot, they say, he is not inferior to Arjuna, and in the strength of his arms he has the might of ten thousand elephants.

Note on the text: Corrected वलेन → बलेन (misprint in Wikisource; व for ब, CE bale).

Verse 15 (5.22.15)

सुशिक्षितः कृतवैरस्तरस्वी । दहेत्क्षुद्रांस्तरसा धार्तराष्ट्रान् । सदाऽत्यमर्षी न बलात्स शक्यो । युद्धे जेतुं वासवेनापि साक्षात् ॥

suśikṣitaḥ kṛtavairastarasvī | dahetkṣudrāṃstarasā dhārtarāṣṭrān | sadā'tyamarṣī na balātsa śakyo | yuddhe jetuṃ vāsavenāpi sākṣāt

Well trained, swift, his enmity roused, he would swiftly burn up the mean sons of Dhritarashtra. Ever wrathful, he cannot be conquered in battle by force, not even by Vasava himself.

Note on the text: Corrected वलात् → बलात् (misprint in Wikisource; व for ब, cf. CE balavān).

Verse 16 (5.22.16)

सुतेजसौ बलिनौ शीघ्रहस्तौ । सुशिक्षितौ भ्रातरौ फाल्गुनेन । श्येनौ यथा पक्षिपूगान्रुजन्तौ । माद्रीपुत्रौ शेषयेतां न शत्रून् ॥

sutejasau balinau śīghrahastau | suśikṣitau bhrātarau phālgunena | śyenau yathā pakṣipūgānrujantau | mādrīputrau śeṣayetāṃ na śatrūn

The two sons of Madri, full of fire, strong and quick of hand, well trained by their brother Phalguna, would leave no enemy alive, like two hawks tearing into flocks of birds.

Note on the text: Corrected वलिनौ → बलिनौ (misprint in Wikisource; व for ब, CE balinau) and शेपयेतां → शेषयेतां (misprint; प for ष, "would leave remaining").

Verse 17 (5.22.17)

एतद्बलं पूर्णमस्माकमेवं । यत्सत्यं तान्प्राप्य नास्तीति मन्ये । तेषां मध्ये वर्तमानस्तरस्वी । धृष्टद्युम्नः पाण्डवानामिहैकः ॥

etadbalaṃ pūrṇamasmākamevaṃ | yatsatyaṃ tānprāpya nāstīti manye | teṣāṃ madhye vartamānastarasvī | dhṛṣṭadyumnaḥ pāṇḍavānāmihaikaḥ

This full strength of ours, I think, truly comes to nothing once it meets them. In their midst stands Dhrishtadyumna, swift and mighty, peerless among the Pandavas' allies,

Note on the text: Lines 3–4 = CE 5.22.17ab. Lines 1–2 are not in the critical edition's main text: they correspond to its star passage 5.22.16d*0127 (vulgate; the second line reads differently there).

Verse 18 (5.22.18)

सहामात्यः सोमकानां प्रबर्हः । सन्त्यक्तात्मा पाण्डवार्थे श्रुतो मे । अजातशत्रुं प्रसहेत कोऽन्यो । येषां स स्यादग्रणीर्वृष्णिसिंहः ॥

sahāmātyaḥ somakānāṃ prabarhaḥ | santyaktātmā pāṇḍavārthe śruto me | ajātaśatruṃ prasaheta ko'nyo | yeṣāṃ sa syādagraṇīrvṛṣṇisiṃhaḥ

the chief of the Somakas, who with his ministers, so I have heard, has given up all thought of his own life for the Pandavas' cause. Who else could withstand Ajatashatru and those whose leader would be the lion of the Vrishnis?

Note on the text: Corrected वृष्णिसिंह → वृष्णिसिंहः (misprint in Wikisource; dropped visarga, cf. v. 31 and CE vṛṣṇisiṃhaḥ). Lines 1–2 = CE 5.22.17cd; lines 3–4 are not in the critical edition's main text: they are its star passage 5.22.17d*0128 (vulgate).

Verse 19 (5.22.19)

सहोषितश्चरितार्थो वयस्थो । मात्स्येयानामधिपो वै विराटः । स वै सपुत्रः पाण्डवार्थे च शश्व- । द्युधिष्ठिरे भक्त इति श्रुतं मे ॥

sahoṣitaścaritārtho vayastho | mātsyeyānāmadhipo vai virāṭaḥ | sa vai saputraḥ pāṇḍavārthe ca śaśva- | dyudhiṣṭhire bhakta iti śrutaṃ me

Virata, lord of the Matsyas, of mature years, who lived among them and owes them the success of his affairs, is ever devoted to Yudhishthira with his sons in the Pandavas' cause, so I have heard.

Verse 20 (5.22.20)

अवरुद्धा रथिनः केकयेभ्यो । महेष्वासा भ्रातरः पञ्च सन्ति । केकयेभ्यो राज्यमाकाङ्क्षमाणा । युद्धार्थिनश्चानुवसन्ति पार्थान् ॥

avaruddhā rathinaḥ kekayebhyo | maheṣvāsā bhrātaraḥ pañca santi | kekayebhyo rājyamākāṅkṣamāṇā | yuddhārthinaścānuvasanti pārthān

Five brothers, chariot-warriors and great archers, driven out by the Kekayas, are with them; seeking their kingdom back from the Kekayas, they live with the Parthas, eager for war.

Note on the text: Corrected युद्धार्थिनश्र → युद्धार्थिनश्च (misprint in Wikisource; श्र for श्च, CE yuddhārthinaś ca).

Verse 21 (5.22.21)

सर्वांश्च वीरान्पृथिवीपतीनां । समागतान्पाण्डवार्थे निविष्टान् । शूरानहं भक्तिमतः शृणोमि । प्रीत्या युक्तान्संश्रितान्धर्मराजम् ॥

sarvāṃśca vīrānpṛthivīpatīnāṃ | samāgatānpāṇḍavārthe niviṣṭān | śūrānahaṃ bhaktimataḥ śṛṇomi | prītyā yuktānsaṃśritāndharmarājam

And I hear that all the heroes among the lords of the earth have gathered and taken their stand for the Pandavas — brave men, devoted, who have attached themselves to the Dharma king out of affection.

Note on the text: Corrected धर्मराजन् → धर्मराजम् (misprint in Wikisource; the sense needs the accusative, not a vocative, as the speech is addressed to Sanjaya; CE dharmarājam).

Verse 22 (5.22.22)

गिर्याश्रया दुर्गनिवासिनश्च । योधाः पृथिव्यां कुलजातिशुद्धाः । म्लेच्छाश्च नानायुधवीर्यवन्तः । समागताः पाण्डवार्थे निविष्टाः ॥

giryāśrayā durganivāsinaśca | yodhāḥ pṛthivyāṃ kulajātiśuddhāḥ | mlecchāśca nānāyudhavīryavantaḥ | samāgatāḥ pāṇḍavārthe niviṣṭāḥ

Warriors who live in the mountains and in strongholds, men from all over the earth pure in family and caste, and mlecchas strong with every kind of weapon, have gathered and taken their stand for the Pandavas.

Verse 23 (5.22.23)

पाण्ड्यश्च राजा समितीन्द्रकल्पो । योधप्रवीरैर्बहुभिः समेतः । समागतः पाण्डवार्थे महात्मा । लोकप्रवीरोऽप्रतिवीर्यतेजाः ॥

pāṇḍyaśca rājā samitīndrakalpo | yodhapravīrairbahubhiḥ sametaḥ | samāgataḥ pāṇḍavārthe mahātmā | lokapravīro'prativīryatejāḥ

And the Pandya king, like Indra in battle, attended by many foremost warriors — great-souled, a hero renowned in the world, of matchless valour and energy — has come for the Pandavas.

Verse 24 (5.22.24)

अस्त्रं द्रोणादर्जुनाद्वासुदेवा- । त्कृपाद्भीष्माद्येन कृतं शृणोमि । यं तं कार्ष्णिप्रतिममाहुरेकं । स सात्यकिः पाण्डवार्थे निविष्टः ॥

astraṃ droṇādarjunādvāsudevā- | tkṛpādbhīṣmādyena kṛtaṃ śṛṇomi | yaṃ taṃ kārṣṇipratimamāhurekaṃ | sa sātyakiḥ pāṇḍavārthe niviṣṭaḥ

Satyaki, who I hear learned his weapons from Drona, Arjuna, Vasudeva, Kripa and Bhishma, and whom they call the one equal of Krishna's son — he has taken his stand for the Pandavas.

Verse 25 (5.22.25)

उपाश्रिताश्चेदिकरूशकाश्च । सर्वोद्योगैर्भूमिपालाः समेताः । तेषां मध्ये सूर्यमिवातपन्तं । श्रिया वृतं चेदिपतिं ज्वलन्तम् ॥

upāśritāścedikarūśakāśca | sarvodyogairbhūmipālāḥ sametāḥ | teṣāṃ madhye sūryamivātapantaṃ | śriyā vṛtaṃ cedipatiṃ jvalantam

The Chedis and the Karushakas have taken their side, kings gathered with all their forces. In their midst, blazing like the burning sun, wrapped in splendour, was the lord of the Chedis —

Verse 26 (5.22.26)

अस्तम्भनीयं युधि मन्यमानं । ज्यां कर्षतां श्रेष्ठतमं पृथिव्याम् । सर्वोत्साहं क्षत्रियाणां निहत्य । प्रसह्य कृष्णस्तरसा संममर्द ॥

astambhanīyaṃ yudhi manyamānaṃ | jyāṃ karṣatāṃ śreṣṭhatamaṃ pṛthivyām | sarvotsāhaṃ kṣatriyāṇāṃ nihatya | prasahya kṛṣṇastarasā saṃmamarda

he who was thought unstoppable in battle, the best on earth of all who draw the bowstring. Yet Krishna overpowered all the zeal of the kshatriyas and crushed him by force.

Note on the text: Corrected मन्यमान्यो → मन्यमानं (misprint in Wikisource; मन्यमान्यो is not a word here and the accusative agrees with अस्तम्भनीयं; CE manyamānaṃ).

Verse 27 (5.22.27)

यशोमानौ वर्धयन्पाण्डवानां । पुराऽभिनच्छिशुपालं समीक्ष्य । यस्य सर्वे वर्धयन्ति स्म मानं । करूशराजप्रमुखा नरेन्द्राः ॥

yaśomānau vardhayanpāṇḍavānāṃ | purā'bhinacchiśupālaṃ samīkṣya | yasya sarve vardhayanti sma mānaṃ | karūśarājapramukhā narendrāḥ

Long ago, to increase the fame and honour of the Pandavas, he struck down Shishupala after weighing the matter — Shishupala, whose honour all the kings led by the king of the Karushas used to exalt.

Verse 28 (5.22.28)

तमसह्यं केशवं तत्र मत्वा । सुग्रीवयुक्तेन रथेन कृष्णम् । संप्राद्रवंश्चेदिपतिं विहाय । सिंहं दृष्ट्वा क्षुद्रमृगा इवान्ये ॥

tamasahyaṃ keśavaṃ tatra matvā | sugrīvayuktena rathena kṛṣṇam | saṃprādravaṃścedipatiṃ vihāya | siṃhaṃ dṛṣṭvā kṣudramṛgā ivānye

Seeing Krishna, Keshava, in his chariot yoked with Sugriva, to be irresistible there, the other kings abandoned the lord of the Chedis and fled, like small deer at the sight of a lion.

Verse 29 (5.22.29)

यस्तं प्रतीपस्तरसा प्रत्युदीया- । दाशंसमानो द्वैरथे वासुदेवम् । सोऽशेत कृष्णेन हतः परासु- । र्वातेनेवोन्मथितः कर्णिकारः ॥

yastaṃ pratīpastarasā pratyudīyā- | dāśaṃsamāno dvairathe vāsudevam | so'śeta kṛṣṇena hataḥ parāsu- | rvātenevonmathitaḥ karṇikāraḥ

And the one who boldly went out against him, hoping to face Vasudeva in single combat, lay lifeless, slain by Krishna, like a karnikara tree torn up by the wind.

Verse 30 (5.22.30)

पराक्रमं मे यदवेदयन्त । तेषामर्थे सञ्जय केशवस्य । अनुस्मरंस्तस्य कर्माणि विष्णो- । र्गावल्गणे नाधिगच्छामि शान्तिम् ॥

parākramaṃ me yadavedayanta | teṣāmarthe sañjaya keśavasya | anusmaraṃstasya karmāṇi viṣṇo- | rgāvalgaṇe nādhigacchāmi śāntim

Sanjaya, son of Gavalgana, when I recall the deeds of Keshava, Vishnu — the valour on their behalf that was reported to me — I find no peace.

Verse 31 (5.22.31)

न जातु ताञ्छत्रुरन्यः सहेत । येषां स स्यादग्रणीर्वृष्णिसिंहः । प्रवेपते मे हृदयं भयेन । श्रुत्वा कृष्णावेकरथे समेतौ ॥

na jātu tāñchatruranyaḥ saheta | yeṣāṃ sa syādagraṇīrvṛṣṇisiṃhaḥ | pravepate me hṛdayaṃ bhayena | śrutvā kṛṣṇāvekarathe sametau

No other enemy could ever withstand those whose leader is the lion of the Vrishnis. My heart trembles with fear when I hear that the two Krishnas are together in one chariot.

Verse 32 (5.22.32)

न चेद्गच्छेत्सङ्गरं मन्दबुद्धि- । स्ताभ्यां लभेच्छर्म तदा सुतो मे । नो चेत्कुरून्सञ्जय निर्दहेता- । मिन्द्राविष्णू दैत्यसेनां यथैव ॥

na cedgacchetsaṅgaraṃ mandabuddhi- | stābhyāṃ labheccharma tadā suto me | no cetkurūnsañjaya nirdahetā- | mindrāviṣṇū daityasenāṃ yathaiva

If my dull-witted son does not go to war, he may find well-being at their hands; otherwise, Sanjaya, the two of them would burn up the Kurus, as Indra and Vishnu burned the army of the Daityas.

Note on the text: This verse = CE 5.22.31a–d (line 2 reads differently there); the CE verse runs on for two more lines, which Wikisource begins its v. 33 with.

Verse 33 (5.22.33)

मते हि मे शक्रसमो धनञ्जयः । सनातनो वृष्णिवीरश्च विष्णुः । धर्मारामो ह्रीनिषेवस्तरस्वी । कुन्तीपुत्रः पाण्डवोऽजातशत्रुः ॥

mate hi me śakrasamo dhanañjayaḥ | sanātano vṛṣṇivīraśca viṣṇuḥ | dharmārāmo hrīniṣevastarasvī | kuntīputraḥ pāṇḍavo'jātaśatruḥ

For in my judgement Dhananjaya is equal to Shakra, and the hero of the Vrishnis is the eternal Vishnu. And Kunti's son, the Pandava Ajatashatru, delights in dharma, is devoted to modesty, and is mighty;

Note on the text: Wikisource divides this passage differently from the critical edition: this verse = CE 5.22.31ef + 32ab.

Verse 34 (5.22.34)

दुर्योधनेन निकृतो मनस्वी । नो चेत्क्रुद्धः प्रदहेद्धार्तराष्ट्रान् । नाहं तथा ह्यर्जुनाद्वासुदेवा- । द्भीमाद्वाऽहं यमयोर्वा बिभेमि ॥

duryodhanena nikṛto manasvī | no cetkruddhaḥ pradaheddhārtarāṣṭrān | nāhaṃ tathā hyarjunādvāsudevā- | dbhīmādvā'haṃ yamayorvā bibhemi

the high-minded man has been cheated by Duryodhana — were he not so forbearing, he would burn up the sons of Dhritarashtra in his anger. I do not fear Arjuna or Vasudeva, Bhima or the twins, as much

Note on the text: This verse = CE 5.22.32cd + 33ab.

Verse 35 (5.22.35)

यथा राज्ञः क्रोधदीप्तस्य सूत । मन्योरहं भीततरः सदैव । महातपा ब्रह्मचर्येण युक्तः । सङ्कल्पोऽयं मानसस्तस्य सिद्ध्येत् ॥

yathā rājñaḥ krodhadīptasya sūta | manyorahaṃ bhītataraḥ sadaiva | mahātapā brahmacaryeṇa yuktaḥ | saṅkalpo'yaṃ mānasastasya siddhyet

as I always dread, above all, the wrath of the king when he blazes with anger, O Suta. He is a great ascetic, devoted to brahmacharya; the resolve in his mind would surely come to pass.

Note on the text: This verse = CE 5.22.33cd + 34ab (Wikisource reads महातपा for CE alaṃ tapo-).

Verse 36 (5.22.36)

तस्य क्रोधं सञ्जयाहं समीक्ष्य । स्थाने जानन्भृशमस्म्यद्य भीतः । स गच्छ शीघ्रं प्रहितो रथेन । पाञ्चालराजस्य चमूनिवेशनम् ॥

tasya krodhaṃ sañjayāhaṃ samīkṣya | sthāne jānanbhṛśamasmyadya bhītaḥ | sa gaccha śīghraṃ prahito rathena | pāñcālarājasya camūniveśanam

Seeing his anger, Sanjaya, and knowing it to be justified, I am now greatly afraid. So go quickly, sent by me in a chariot, to the encampment of the Panchala king's army.

Note on the text: This verse = CE 5.22.34cd + 35ab.

Verse 37 (5.22.37)

अजातशत्रुं कुशलं स्म पृच्छेः । पुनः पुनः प्रीतियुक्तं वदेस्त्वम् । जनार्दनं चापि समेत्य तात । महामात्रं वीर्यवतामुदारम् ॥

ajātaśatruṃ kuśalaṃ sma pṛccheḥ | punaḥ punaḥ prītiyuktaṃ vadestvam | janārdanaṃ cāpi sametya tāta | mahāmātraṃ vīryavatāmudāram

Ask Ajatashatru about his welfare, and speak to him again and again with affection. And when you meet Janardana, my son — great-hearted, noblest of the valiant —

Note on the text: This verse = CE 5.22.35cd + 36ab.

Verse 38 (5.22.38)

अनामयं मद्वचनेन पृच्छे- । र्धृतराष्ट्रः पाण्डवैः शान्तिमीप्सुः । न तस्य किंचिद्वचनं न कुर्यात् । कुन्तीपुत्रो वासुदेवस्य सूत ॥

anāmayaṃ madvacanena pṛcche- | rdhṛtarāṣṭraḥ pāṇḍavaiḥ śāntimīpsuḥ | na tasya kiṃcidvacanaṃ na kuryāt | kuntīputro vāsudevasya sūta

ask after his health in my name, and say that Dhritarashtra seeks peace with the Pandavas. O Suta, there is nothing Vasudeva might say that Kunti's son would not do.

Note on the text: This verse = CE 5.22.36cd + 37ab.

Verse 39 (5.22.39)

प्रियश्चैषामात्मसमश्च कृष्णो । विद्वांश्चैषां कर्मणि नित्ययुक्तः । समानीतान्पाण्डवान्सृञ्जयांश्च । जनार्दनं युयुधानं विराटम् ॥

priyaścaiṣāmātmasamaśca kṛṣṇo | vidvāṃścaiṣāṃ karmaṇi nityayuktaḥ | samānītānpāṇḍavānsṛñjayāṃśca | janārdanaṃ yuyudhānaṃ virāṭam

Krishna is dear to them, as their own self; he is wise and ever devoted to their affairs. The Pandavas and Srinjayas gathered there, Janardana, Yuyudhana and Virata —

Note on the text: This verse = CE 5.22.37cd + 38ab.

Verse 40 (5.22.40)

अनामयं मद्वचनेन पृच्छेः । सर्वांस्तथा द्रौपदेयांश्च पञ्च । यद्यत्तत्र प्राप्तकालं परेभ्य- । स्त्वं मन्येथा भारतानां हितं च । तत्तद्भाषेथाः सञ्जय राजमध्ये । न मूर्च्छयेद्यन्न च युद्धहेतुः ॥

anāmayaṃ madvacanena pṛccheḥ | sarvāṃstathā draupadeyāṃśca pañca | yadyattatra prāptakālaṃ parebhya- | stvaṃ manyethā bhāratānāṃ hitaṃ ca | tattadbhāṣethāḥ sañjaya rājamadhye | na mūrcchayedyanna ca yuddhahetuḥ

ask after the health of them all in my name, and of the five sons of Draupadi as well. Whatever you think fitting to the moment there, and for the good of the Bharatas, say it, Sanjaya, in the midst of the kings — whatever will not inflame their anger and will not lead to war.

Note on the text: Restored from the critical edition (5.22.38cd and 39abc): Wikisource numbers this verse 40f and prints only its last line (न मूर्च्छयेद्यन्न च युद्धहेतुः, a variant of CE 5.22.39d); the five lost lines are restored from the CE, the 40f number marking a six-line verse.