Sanjaya Names the Pandava Allies

Verse 1 (5.57.1)

कांस्तत्र सञ्जयापश्यः प्रीत्यर्थेन समागतान् । ये योत्स्यन्ते पाण्डवार्थे पुत्रस्य मम वाहिनीम् ॥

kāṃstatra sañjayāpaśyaḥ prītyarthena samāgatān | ye yotsyante pāṇḍavārthe putrasya mama vāhinīm

Whom did you see gathered there, Sanjaya, out of friendship for the Pandavas, who will fight my son's army on the Pandavas' behalf?

Verse 2 (5.57.2)

मुख्यमन्धकवृष्णीनामपश्यं कृष्णमागतम् । चेकितानं च तत्रैव युयुधानं च सात्यकिम् ॥

mukhyamandhakavṛṣṇīnāmapaśyaṃ kṛṣṇamāgatam | cekitānaṃ ca tatraiva yuyudhānaṃ ca sātyakim

I saw Krishna there, the chief of the Andhakas and Vrishnis, who had come; and Chekitana too, and Yuyudhana Satyaki.

Verse 3 (5.57.3)

पृथगक्षौहिणीभ्यां तु पाण्डवानभिसंश्रितौ । महारथौ समाख्यातावुभौ पुरुषमानिनौ ॥

pṛthagakṣauhiṇībhyāṃ tu pāṇḍavānabhisaṃśritau | mahārathau samākhyātāvubhau puruṣamāninau

Those two have joined the Pandavas, each with a separate akshauhini — great chariot-warriors of renown, both proud of their manhood.

Verse 4 (5.57.4)

अक्षौहिण्याऽथ पाञ्चाल्यो दशभिस्तनयैर्वृतः । सत्यजित्प्रमुखैर्वीरैर्धृष्टद्युम्नपुरोगमैः ॥

akṣauhiṇyā'tha pāñcālyo daśabhistanayairvṛtaḥ | satyajitpramukhairvīrairdhṛṣṭadyumnapurogamaiḥ

The Panchala king came with an akshauhini, surrounded by his ten sons, heroes headed by Satyajit and led by Dhrishtadyumna.

Verse 5 (5.57.5)

द्रुपदो वर्धयन्मानं शिखण्डिपरिपालितः । उपायात्सर्वसैन्यानां प्रतिच्छाद्य तदा वपुः ॥

drupado vardhayanmānaṃ śikhaṇḍiparipālitaḥ | upāyātsarvasainyānāṃ praticchādya tadā vapuḥ

Drupada, guarded by Shikhandin, came adding to the Pandavas' honour, with the bodies of all his troops then clad in armour.

Verse 6 (5.57.6)

विराटः सह पुत्राभ्यां शङ्खेनैवोत्तरेण च । सूर्यदत्तादिभिर्वीरैर्मदिराक्षपुरोगमैः ॥

virāṭaḥ saha putrābhyāṃ śaṅkhenaivottareṇa ca | sūryadattādibhirvīrairmadirākṣapurogamaiḥ

Virata, with his two sons Shankha and Uttara, with heroes such as Suryadatta, led by Madiraksha,

Verse 7 (5.57.7)

सहितः पृथिवीपालो भ्रातृभिस्तनयैस्तथा । अक्षौहिण्यैव सैन्यानां वृतः पार्थं समाश्रितः ॥

sahitaḥ pṛthivīpālo bhrātṛbhistanayaistathā | akṣauhiṇyaiva sainyānāṃ vṛtaḥ pārthaṃ samāśritaḥ

that protector of the earth, together with his brothers and sons and surrounded by an akshauhini of troops, has sided with Partha.

Verse 8 (5.57.8)

जारासन्धिर्मागधश्च धृष्टकेतुश्च चेदिराट् । पृथक्पृथगनुप्राप्तौ पृथगक्षौहिणीवृतौ ॥

jārāsandhirmāgadhaśca dhṛṣṭaketuśca cedirāṭ | pṛthakpṛthaganuprāptau pṛthagakṣauhiṇīvṛtau

Jarasandha's son, the king of Magadha, and Dhrishtaketu, king of the Chedis, have come, each on his own, each surrounded by his own akshauhini.

Verse 9 (5.57.9)

केकया भ्रातरः पञ्च सर्वे लोहितकध्वजाः । अक्षौहिणीपरिवृताः पाण्डवानभिसंश्रिताः ॥

kekayā bhrātaraḥ pañca sarve lohitakadhvajāḥ | akṣauhiṇīparivṛtāḥ pāṇḍavānabhisaṃśritāḥ

The five Kekaya brothers, all with red banners, surrounded by an akshauhini, have joined the Pandavas.

Verse 10 (5.57.10)

एतानेतावतस्तत्र तानपश्यं समागतान् । ये पाण्डवार्थे योत्स्यन्ति धार्तराष्ट्रस्य वाहिनीम् ॥

etānetāvatastatra tānapaśyaṃ samāgatān | ye pāṇḍavārthe yotsyanti dhārtarāṣṭrasya vāhinīm

These, so many, I saw assembled there, who will fight the army of Dhritarashtra's son on the Pandavas' behalf.

Verse 11 (5.57.11)

यो वेद मानुषं व्यूहं दैवं गान्धर्वमासुरम् । स तत्र सेनाप्रमुखे धृष्टद्युम्नो महारथः ॥

yo veda mānuṣaṃ vyūhaṃ daivaṃ gāndharvamāsuram | sa tatra senāpramukhe dhṛṣṭadyumno mahārathaḥ

Dhrishtadyumna, the great chariot-warrior, who knows the battle-arrays of men, of gods, of the gandharvas and of the asuras, stands there at the head of the army.

Note on the text: Removed a stray backtick (`) before मानुषं (wiki mark). Corrected धृषटद्युम्नो → धृष्टद्युम्नो (misprint in Wikisource; broken conjunct; the critical edition reads dhṛṣṭadyumno). The critical edition reads sa tasya … mahāmanāḥ where this text has स तत्र … महारथः.

Verse 12 (5.57.12)

भीष्मः शान्तनवो राजन्भागः क्लृप्तः शिखण्डिनः । तं विराटोऽनुसंयाता सार्धं मत्स्यैः प्रहारिभिः ॥

bhīṣmaḥ śāntanavo rājanbhāgaḥ klṛptaḥ śikhaṇḍinaḥ | taṃ virāṭo'nusaṃyātā sārdhaṃ matsyaiḥ prahāribhiḥ

Bhishma, son of Shantanu, O king, has been allotted as Shikhandin's share, and Virata with his hard-hitting Matsyas will follow Shikhandin.

Verse 13 (5.57.13)

ज्येष्ठस्य पाण्डुपुत्रस्य भागो मद्राधिपो बली । तौ तु तत्राब्रुवन्केचिद्विषमौ नो मताविति ॥

jyeṣṭhasya pāṇḍuputrasya bhāgo madrādhipo balī | tau tu tatrābruvankecidviṣamau no matāviti

The mighty lord of the Madras is the share of Pandu's eldest son; but some there said, 'Those two seem to us ill-matched.'

Verse 14 (5.57.14)

दुर्योधनः सहसुतः सार्धं भ्रातृशतेन च । प्राच्याश्च दाक्षिणात्याश्च भीमसेनस्य भागतः ॥

duryodhanaḥ sahasutaḥ sārdhaṃ bhrātṛśatena ca | prācyāśca dākṣiṇātyāśca bhīmasenasya bhāgataḥ

Duryodhana with his sons and his hundred brothers, and the kings of the east and of the south, fall to Bhimasena's share.

Verse 15 (5.57.15)

अर्जुनस्य तु भागेन कर्णो वैकर्तनो मतः । अश्वत्थामा विकर्णश्च सैन्धवश्च जयद्रथः ॥

arjunasya tu bhāgena karṇo vaikartano mataḥ | aśvatthāmā vikarṇaśca saindhavaśca jayadrathaḥ

Karna, son of Vikartana, is counted as Arjuna's share, and so are Ashvatthaman, Vikarna and Jayadratha the Saindhava.

Note on the text: Corrected कर्णे → कर्णो (misprint in Wikisource; the nominative is required beside वैकर्तनो मतः; the critical edition reads karṇo).

Verse 16 (5.57.16)

अशक्याश्चैव ये केचित्पृथिव्यां शूरमानिनः । सर्वांस्तानर्जुनः पार्थः कल्पयामास भागतः ॥

aśakyāścaiva ye kecitpṛthivyāṃ śūramāninaḥ | sarvāṃstānarjunaḥ pārthaḥ kalpayāmāsa bhāgataḥ

And whatever warriors on earth, proud of their valour, are held to be unconquerable — all of them Arjuna, son of Pritha, has taken as his share.

Verse 17 (5.57.17)

महेष्वासा राजपुत्रा भ्रातरः पञ्च केकयाः । केकयानेव भागेन कृत्वा योत्स्यन्ति संयुगे ॥

maheṣvāsā rājaputrā bhrātaraḥ pañca kekayāḥ | kekayāneva bhāgena kṛtvā yotsyanti saṃyuge

The five Kekaya brothers, royal princes and great archers, will fight in battle having taken the Kekayas on the other side as their share.

Note on the text: Corrected महेष्वांसा → महेष्वासा (misprint in Wikisource; stray anusvara; the critical edition reads maheṣvāsā).

Verse 18 (5.57.18)

तेषामेव कृतो भागो मालवाः साल्वकास्तथा । त्रिगर्तानां च वै मुख्यौ यौ तौ संशप्तकाविति ॥

teṣāmeva kṛto bhāgo mālavāḥ sālvakāstathā | trigartānāṃ ca vai mukhyau yau tau saṃśaptakāviti

To them also are allotted the Malavas and the Salvakas, and the two chiefs of the Trigartas who are known as the Samshaptakas.

Verse 19 (5.57.19)

दुर्योधनसुताः सर्वे तथा दुःशासनस्य च । सौभद्रेण कृतो भागो राजा चैव बृहद्बलः ॥

duryodhanasutāḥ sarve tathā duḥśāsanasya ca | saubhadreṇa kṛto bhāgo rājā caiva bṛhadbalaḥ

All the sons of Duryodhana and of Duhshasana, and King Brihadbala as well, have been made the share of Subhadra's son.

Verse 20 (5.57.20)

द्रौपदेया महेष्वासाः सुवर्णविकृतध्वजाः । धृष्टद्युम्नमुखा द्रोणमभियास्यन्ति भारत ॥

draupadeyā maheṣvāsāḥ suvarṇavikṛtadhvajāḥ | dhṛṣṭadyumnamukhā droṇamabhiyāsyanti bhārata

The sons of Draupadi, great archers with gold-wrought banners, led by Dhrishtadyumna, will attack Drona, O Bharata.

Verse 21 (5.57.21)

चेकितानः सोमदत्तं द्वैरथे योद्धुमिच्छति । भोजं तु कृतवर्माणं युयुधानो युयुत्सति ॥

cekitānaḥ somadattaṃ dvairathe yoddhumicchati | bhojaṃ tu kṛtavarmāṇaṃ yuyudhāno yuyutsati

Chekitana wishes to fight Somadatta in single chariot combat, and Yuyudhana is eager to fight Kritavarman the Bhoja.

Verse 22 (5.57.22)

सहदेवस्तु माद्रेयः शूरः संक्रन्दनो युधि । स्वमंशं कल्पयामास श्यालं ते सुबलात्मजम् ॥

sahadevastu mādreyaḥ śūraḥ saṃkrandano yudhi | svamaṃśaṃ kalpayāmāsa śyālaṃ te subalātmajam

Sahadeva, son of Madri, a hero who roars in battle, has chosen as his own portion your brother-in-law, the son of Subala.

Verse 23 (5.57.23)

उलूकं चैव कैतव्यं ये च सारस्वता गणाः । नकुलः कल्पयामास भागं माद्रवतीसुतः ॥

ulūkaṃ caiva kaitavyaṃ ye ca sārasvatā gaṇāḥ | nakulaḥ kalpayāmāsa bhāgaṃ mādravatīsutaḥ

Nakula, son of Madravati, has taken as his share Uluka, the gambler's son, and the hosts of the Sarasvatas.

Verse 24 (5.57.24)

ये चान्ये पार्थिवा राजन्प्रत्युद्यास्यन्ति सङ्गरे । समाह्वानेन तांश्चापि पाण्डुपुत्रा अकल्पयन् ॥

ye cānye pārthivā rājanpratyudyāsyanti saṅgare | samāhvānena tāṃścāpi pāṇḍuputrā akalpayan

And whatever other kings, O king, will advance to meet them in battle, the sons of Pandu have assigned those too among themselves, calling them out by name.

Verse 25 (5.57.25)

एवमेषामनीकानि प्रविभक्तानि भागशः । यत्ते कार्यं सपुत्रस्य क्रियतां तदकालिकम् ॥

evameṣāmanīkāni pravibhaktāni bhāgaśaḥ | yatte kāryaṃ saputrasya kriyatāṃ tadakālikam

Thus their divisions have been apportioned, share by share. Whatever you and your sons must do, let it be done without delay.

Verse 26 (5.57.26)

न सन्ति सर्वे पुत्रा मे मूढा दुर्द्यूतदेविनः । येषां युद्धं बलवता भीमेन रणमूर्धनि ॥

na santi sarve putrā me mūḍhā durdyūtadevinaḥ | yeṣāṃ yuddhaṃ balavatā bhīmena raṇamūrdhani

My foolish sons, players of that evil game of dice, are as good as gone — they who must fight mighty Bhima at the forefront of battle.

Verse 27 (5.57.27)

राजानः पार्थिवाः सर्वे प्रोक्षिताः कालधर्मणा । गाण्डीवाग्निं प्रवेक्ष्यन्ति पतङ्गा इव पावकम् ॥

rājānaḥ pārthivāḥ sarve prokṣitāḥ kāladharmaṇā | gāṇḍīvāgniṃ pravekṣyanti pataṅgā iva pāvakam

All the kings of the earth, consecrated like victims by the law of Time, will enter the fire of Gandiva as moths enter a flame.

Verse 28 (5.57.28)

विद्रुतां वाहिनीं मन्ये कृतवैरैर्महात्मभिः । तां रणे केऽनुयास्यन्ति प्रभग्नां पाण्डवैर्युधि ॥

vidrutāṃ vāhinīṃ manye kṛtavairairmahātmabhiḥ | tāṃ raṇe ke'nuyāsyanti prabhagnāṃ pāṇḍavairyudhi

I see my army already put to flight by those great-souled men whom we have made our enemies. When it is broken by the Pandavas in battle, who will follow it into the fight?

Verse 29 (5.57.29)

सर्वे ह्यतिरथाः शूराः कीर्तिमन्तः प्रतापिनः । सूर्यपावकयोस्तुल्यास्तेजसा समितिंजयाः ॥

sarve hyatirathāḥ śūrāḥ kīrtimantaḥ pratāpinaḥ | sūryapāvakayostulyāstejasā samitiṃjayāḥ

All of them are atirathas, heroes, famous and blazing with prowess, equal to the sun and to fire in splendour, victors in battle —

Verse 30 (5.57.30)

येषां युधिष्ठिरो नेता गोप्ता च मधुसूदनः । योधौ च पाण्डवौ वीरौ सव्यसाचिवृकोदरौ ॥

yeṣāṃ yudhiṣṭhiro netā goptā ca madhusūdanaḥ | yodhau ca pāṇḍavau vīrau savyasācivṛkodarau

they whose leader is Yudhishthira and whose protector is Madhusudana, whose fighters are the two heroic Pandavas, Savyasachin and Vrikodara,

Verse 31 (5.57.31)

नकुलः सहदेवश्च धृष्टद्युम्नश्च पार्षतः । सात्यकिर्द्रुपदश्चैव धृष्टकेतुश्च सानुजः ॥

nakulaḥ sahadevaśca dhṛṣṭadyumnaśca pārṣataḥ | sātyakirdrupadaścaiva dhṛṣṭaketuśca sānujaḥ

Nakula and Sahadeva, Dhrishtadyumna son of Prishata, Satyaki and Drupada, and Dhrishtaketu with his younger brother,

Verse 32 (5.57.32)

उत्तमौजाश्च पाञ्चाल्यो युधामन्युश्च दुर्जयः । शिखण्डी क्षत्रदेवश्च तथा वैराटिरुत्तरः ॥

uttamaujāśca pāñcālyo yudhāmanyuśca durjayaḥ | śikhaṇḍī kṣatradevaśca tathā vairāṭiruttaraḥ

Uttamaujas the Panchala and the invincible Yudhamanyu, Shikhandin, Kshatradeva, and Uttara, the son of Virata,

Verse 33 (5.57.33)

काशयश्चेदयश्चैव मत्स्याः सर्वे च सृञ्जयाः । विराटपुत्रो बभ्रुश्च पाञ्चालाश्च प्रभद्रकाः ॥

kāśayaścedayaścaiva matsyāḥ sarve ca sṛñjayāḥ | virāṭaputro babhruśca pāñcālāśca prabhadrakāḥ

the Kashis and the Chedis, the Matsyas and all the Srinjayas, Babhru the son of Virata, and the Panchalas and the Prabhadrakas —

Verse 34 (5.57.34)

येषामिन्द्रोऽप्यकामानां न हरेत्पृथिवीमिमाम् । वीराणां रणधीराणां ये भिन्द्युः पर्वतानपि ॥

yeṣāmindro'pyakāmānāṃ na haretpṛthivīmimām | vīrāṇāṃ raṇadhīrāṇāṃ ye bhindyuḥ parvatānapi

heroes steadfast in battle, who could split mountains, from whom even Indra could not take this earth against their will.

Note on the text: Corrected येषांमिन्द्रो → येषामिन्द्रो (misprint in Wikisource; stray anusvara before म्; the critical edition reads yeṣām indro).

Verse 35 (5.57.35)

तान्सर्वगुणसंपन्नानमनुष्यप्रतापिनः । क्रोशतो मम दुष्पुत्रो योद्धुमिच्छति सञ्जय ॥

tānsarvaguṇasaṃpannānamanuṣyapratāpinaḥ | krośato mama duṣputro yoddhumicchati sañjaya

Those men endowed with every virtue, of more than human prowess — my wicked son wants to fight them, Sanjaya, though I cry out against it.

Verse 36 (5.57.36)

उभौ स्व एकजातीयौ तथोभौ भूमिगोचरौ । अथ कस्मात्पाण्डवानामेकतो मन्यसे जयम् ॥

ubhau sva ekajātīyau tathobhau bhūmigocarau | atha kasmātpāṇḍavānāmekato manyase jayam

We are both of one race, and both of us walk the earth. Why then do you think that victory lies with the Pandavas alone?

Verse 37 (5.57.37)

पितामहं च द्रोणं च कृपं कर्णं च दुर्जयम् । जयद्रथं सोमदत्तमश्वत्थामानमेव च ॥

pitāmahaṃ ca droṇaṃ ca kṛpaṃ karṇaṃ ca durjayam | jayadrathaṃ somadattamaśvatthāmānameva ca

Grandfather, Drona, Kripa and invincible Karna, Jayadratha, Somadatta and Ashvatthaman —

Verse 38 (5.57.38)

सुतेजसो महेष्वासानिन्द्रोऽपि सहितोऽमरैः । अशक्तः समरे जेतुं किं पुनस्तात पाण्डवाः ॥

sutejaso maheṣvāsānindro'pi sahito'maraiḥ | aśaktaḥ samare jetuṃ kiṃ punastāta pāṇḍavāḥ

these splendid great archers not even Indra with the immortals could conquer in battle; what then of the Pandavas, father?

Verse 39 (5.57.39)

सर्वे च पृथिवीपाला मदर्थे तात पाण्डवान् । आर्याः शस्त्रभृतः शूराः समर्थाः प्रतिबाधितुं ॥

sarve ca pṛthivīpālā madarthe tāta pāṇḍavān | āryāḥ śastrabhṛtaḥ śūrāḥ samarthāḥ pratibādhituṃ

And all the kings of the earth, noble, armed and heroic, are able to hold back the Pandavas for my sake, father.

Note on the text: Corresponds to CE 5.56.39 in a different wording (sarvā ca pṛthivī sṛṣṭā … āryān dhṛtimataḥ śūrān agnikalpān prabādhitum); the automatic alignment did not match it.

Verse 40 (5.57.40)

न मामकान्पाण्डवास्ते समर्थाः प्रतिवीक्षितुम् । पराक्रान्तो ह्यहं पाण्डून्सपुत्रान्योद्धुमाहवे ॥

na māmakānpāṇḍavāste samarthāḥ prativīkṣitum | parākrānto hyahaṃ pāṇḍūnsaputrānyoddhumāhave

Those Pandavas cannot even look my men in the face. I myself am strong enough to fight the Pandavas and their sons in battle.

Verse 41 (5.57.41)

मत्प्रियं पार्थिवाः सर्वे ये चिकीर्षन्ति भारत । ते तानावारयिष्यन्ति ऐणेयानिव तन्तुना ॥

matpriyaṃ pārthivāḥ sarve ye cikīrṣanti bhārata | te tānāvārayiṣyanti aiṇeyāniva tantunā

All the kings who seek to do what pleases me, O Bharata, will hold them in check as fawns are held with a snare.

Verse 42 (5.57.42)

महता रथवंशेन शरजालैश्च मामकैः । अभिद्रुता भविष्यन्ति पाञ्चालाः पाण्डवैः सह ॥

mahatā rathavaṃśena śarajālaiśca māmakaiḥ | abhidrutā bhaviṣyanti pāñcālāḥ pāṇḍavaiḥ saha

Overrun by my great array of chariots and my nets of arrows, the Panchalas together with the Pandavas will be put to flight.

Verse 43 (5.57.43)

उन्मत्त इव मे पुत्रो विलपत्येष सञ्जय । न हि शक्तो रणे जेतुं धर्मराजं युधिष्ठिरम् ॥

unmatta iva me putro vilapatyeṣa sañjaya | na hi śakto raṇe jetuṃ dharmarājaṃ yudhiṣṭhiram

My son raves like a madman, Sanjaya. He cannot conquer Yudhishthira, the king of dharma, in battle.

Note on the text: Corrected रमे → रणे (misprint in Wikisource; म for ण; 'in battle'. The critical edition reads yudhā, 'in battle', in this place; the smallest fix giving the evident word is made).

Verse 44 (5.57.44)

जानाति हि यथा भीष्मः पाण्डवानां यशस्विनाम् । बलवत्तां सपुत्राणां धर्मज्ञानां महात्मनाम् ॥

jānāti hi yathā bhīṣmaḥ pāṇḍavānāṃ yaśasvinām | balavattāṃ saputrāṇāṃ dharmajñānāṃ mahātmanām

For Bhishma knows well how strong the famous Pandavas are, with their sons — righteous and great-souled as they are;

Verse 45 (5.57.45)

यतो नारोचयदयं विग्रहं तैर्महात्मभिः । किं तु सञ्जय मे ब्रूहि पुनस्तेषां विचेष्टितम् ॥

yato nārocayadayaṃ vigrahaṃ tairmahātmabhiḥ | kiṃ tu sañjaya me brūhi punasteṣāṃ viceṣṭitam

that is why he did not favour a war with those great souls. But tell me again, Sanjaya, what they are doing.

Verse 46 (5.57.46)

कस्तांस्तरस्विनो भूयः सन्दीपयति पाण्डवान् । अर्चिष्मतो महेष्वासान्हविषा पावकानिव ॥

kastāṃstarasvino bhūyaḥ sandīpayati pāṇḍavān | arciṣmato maheṣvāsānhaviṣā pāvakāniva

Who keeps on kindling those swift Pandavas, the radiant great archers, like fires fed with oblations?

Verse 47 (5.57.47)

धृष्टद्युम्नः सदैवैतान्सन्दीपयति भारत । युद्ध्यध्वमिति माभैष्ट युद्धाद्भरतसत्तमाः ॥

dhṛṣṭadyumnaḥ sadaivaitānsandīpayati bhārata | yuddhyadhvamiti mābhaiṣṭa yuddhādbharatasattamāḥ

It is Dhrishtadyumna who always kindles them, O Bharata: 'Fight, best of the Bharatas; do not fear battle.'

Verse 48 (5.57.48)

ये केचित्पार्थिवास्तत्र धार्तराष्ट्रेण संवृताः । युद्धे समागमिष्यन्ति तुमुले शस्त्रसङ्कुले ॥

ye kecitpārthivāstatra dhārtarāṣṭreṇa saṃvṛtāḥ | yuddhe samāgamiṣyanti tumule śastrasaṅkule

Whatever kings there, rallied around Dhritarashtra's son, will meet us in the tumultuous battle thick with weapons —

Note on the text: Speaker set to Dhrishtadyumna: verses 48–50 are his own words, which Sanjaya quotes (verse 51 begins 'as he spoke thus'); Wikisource prints no heading and the input carried Sanjaya.

Verse 49 (5.57.49)

तान्सर्वानाहवे क्रुद्धान्सानुबन्धान्समागतान् । अहमेकः समादास्ये तिमिर्मत्स्यानिवोदकात् ॥

tānsarvānāhave kruddhānsānubandhānsamāgatān | ahamekaḥ samādāsye timirmatsyānivodakāt

all of them, enraged and come together with their kin, I alone will seize in battle, as the timi fish takes fishes from the water.

Note on the text: Speaker set to Dhrishtadyumna (see verse 48). Corrected तिमिर्यत्स्यानिवोदकात् → तिमिर्मत्स्यानिवोदकात् (misprint in Wikisource; य for म in मत्स्यान्, 'fishes'; the critical edition reads timir matsyān).

Verse 50 (5.57.50)

भीष्मं द्रोणं कृपं कर्णं द्रौणिं शल्यं सुयोधनम् । एतांश्चापि निरोत्स्यामि वेलेव मकरालयम् ॥

bhīṣmaṃ droṇaṃ kṛpaṃ karṇaṃ drauṇiṃ śalyaṃ suyodhanam | etāṃścāpi nirotsyāmi veleva makarālayam

Bhishma, Drona, Kripa, Karna, Drona's son, Shalya and Suyodhana — these too I will hold back, as the shore holds back the ocean.

Note on the text: Speaker set to Dhrishtadyumna (see verse 48).

Verse 51 (5.57.51)

तथा ब्रुवन्तं धर्मात्मा प्राह राजा युधिष्ठिरः । तव धैर्यं च वीर्यं च पाञ्चालाः पाण्डवैः सह ॥

tathā bruvantaṃ dharmātmā prāha rājā yudhiṣṭhiraḥ | tava dhairyaṃ ca vīryaṃ ca pāñcālāḥ pāṇḍavaiḥ saha

As he was speaking thus, the righteous King Yudhishthira said to him: 'On your steadfastness and your valour the Panchalas, together with the Pandavas —

Note on the text: Corrected पाञ्चालः → पाञ्चालाः (misprint in Wikisource; dropped ा; the plural is needed with सर्वे in the next verse; the critical edition reads pāñcālāḥ). Wikisource divides this passage (verses 51–55) into two-line verses where the critical edition has three-line verses 5.56.51–53: this verse is CE 5.56.51ab–cd. Yudhishthira's speech begins in its second line; it is left with Sanjaya, who narrates its first line.

Verse 52 (5.57.52)

सर्वे समधिरूढाः स्म सङ्ग्रामान्नः समुद्धर । जानामि त्वां महाबाहो क्षत्रधर्मे व्यवस्थितम् ॥

sarve samadhirūḍhāḥ sma saṅgrāmānnaḥ samuddhara | jānāmi tvāṃ mahābāho kṣatradharme vyavasthitam

all of us — have mounted our hopes; bring us safely through this war. I know you, mighty-armed one, to be firm in the duty of a kshatriya,

Note on the text: Speaker set to Yudhishthira: verses 52–56 are wholly his words to Dhrishtadyumna (Wikisource prints no heading; the input carried Sanjaya). The first line is CE 5.56.51ef, the second CE 5.56.52ab.

Verse 53 (5.57.53)

समर्थमेकं पर्याप्तं कौरवाणां विनिग्रहे । पुरस्तादुपयातानां कौरवाणां युयुत्सताम् ॥

samarthamekaṃ paryāptaṃ kauravāṇāṃ vinigrahe | purastādupayātānāṃ kauravāṇāṃ yuyutsatām

able, alone and by yourself, to subdue the Kauravas — the Kauravas who have come out before us, eager for battle.

Note on the text: Speaker set to Yudhishthira (see verse 52). The first line is CE 5.56.52cd in the form its apparatus gives as 5.56.52e*0344 (… kauravāṇāṃ vinigrahe / purastād upayātānāṃ); the second line's last quarter is CE 5.56.52d (kauravāṇāṃ yuyutsatām).

Verse 54 (5.57.54)

भवता यद्विधातव्यं तन्नः श्रेयः परंतप । सङ्ग्रामादपयातानां भग्नानां शरणैषिणाम् ॥

bhavatā yadvidhātavyaṃ tannaḥ śreyaḥ paraṃtapa | saṅgrāmādapayātānāṃ bhagnānāṃ śaraṇaiṣiṇām

Whatever you ordain, scorcher of foes, is our highest good. When men are fleeing from battle, broken and seeking refuge,

Note on the text: Speaker set to Yudhishthira (see verse 52). Corrected भवत्ता → भवता (misprint in Wikisource; doubled त; the critical edition reads bhavatā). The first line is CE 5.56.52ef, the second CE 5.56.53ab.

Verse 55 (5.57.55)

पौरुषं दर्शयञ्शूरो यस्तिष्ठेदग्रतः पुमान् । क्रीणीयात्तं सहस्रेण इति नीतिमतां मतम् ॥

pauruṣaṃ darśayañśūro yastiṣṭhedagrataḥ pumān | krīṇīyāttaṃ sahasreṇa iti nītimatāṃ matam

the hero who stands in front of them, showing his manhood, is worth buying even for a thousand — so hold those who know statecraft.

Note on the text: Speaker set to Yudhishthira (see verse 52). The first line is CE 5.56.53cd; the second is CE 5.56.53ef, where the critical edition reads nītiman nāma tat padam for इति नीतिमतां मतम्.

Verse 56 (5.57.56)

स त्वं शूरश्च वीरश्च विक्रान्तश्च नरर्षभ । भयार्तानां परित्राता संयुगेषु न संशयः ॥

sa tvaṃ śūraśca vīraśca vikrāntaśca nararṣabha | bhayārtānāṃ paritrātā saṃyugeṣu na saṃśayaḥ

You are such a man — brave, heroic and valorous, bull among men; without doubt you are the rescuer of those stricken with fear in battle.'

Note on the text: Speaker set to Yudhishthira (see verse 52).

Verse 57 (5.57.57)

एवं ब्रुवति कौन्तेये धर्मात्मनि युधिष्ठिरे । धृष्टद्युम्न उवाचेदं मां वचो गतसाध्वसम् । सर्वाञ्जनपदान्सूत योधा दुर्योधनस्य ये ॥

evaṃ bruvati kaunteye dharmātmani yudhiṣṭhire | dhṛṣṭadyumna uvācedaṃ māṃ vaco gatasādhvasam | sarvāñjanapadānsūta yodhā duryodhanasya ye

As Kunti's son, the righteous Yudhishthira, was speaking thus, Dhrishtadyumna spoke these fearless words to me: 'All the peoples, O suta, who are Duryodhana's warriors —

Note on the text: Lines 1–2 are CE 5.56.55 (the critical edition reads gatasādhvasaḥ, 'free of fear', of Dhrishtadyumna, where this text has गतसाध्वसम् of his words); line 3 is CE 5.56.56ab. Dhrishtadyumna's message begins in line 3; the verse is left with Sanjaya, who narrates its first two lines.

Verse 58 (5.57.58)

सबाह्लिकान्कुरून्ब्रूयाः प्रातिपेयाञ्शरद्वतः । सूतपुत्रं तथा द्रोणं सहपुत्रं जयद्रथम् ॥

sabāhlikānkurūnbrūyāḥ prātipeyāñśaradvataḥ | sūtaputraṃ tathā droṇaṃ sahaputraṃ jayadratham

the Kurus with the Bahlikas, the descendants of Pratipa and those of Sharadvat's line, the suta's son, Drona together with his son, and Jayadratha,

Note on the text: Speaker set to Dhrishtadyumna: verses 58–62 are wholly his message (Wikisource prints no heading; the input carried Sanjaya). The first line is CE 5.56.56cd, the second CE 5.56.57ab.

Verse 59 (5.57.59)

दुःशासनं विकर्णं च तथा दुर्योधनं नृपम् । भीष्मं च ब्रूहि गत्वा त्वमाशु गच्छ च माचिरम् ॥

duḥśāsanaṃ vikarṇaṃ ca tathā duryodhanaṃ nṛpam | bhīṣmaṃ ca brūhi gatvā tvamāśu gaccha ca māciram

Duhshasana and Vikarna, and King Duryodhana, and Bhishma — go and tell them, quickly; go at once, without delay:

Note on the text: Speaker set to Dhrishtadyumna (see verse 58). The first line is CE 5.56.57cd; the second corresponds to CE 5.56.58a (bhīṣmaṃ caiva brūhi gatvā tvam āśu), here completed as a śloka line with गच्छ च माचिरम्.

Verse 60 (5.57.60)

युधिष्ठिरः साधुनैवाभ्युपेयो । मा वोऽवधीदर्जुनो देवगुप्तः । राज्यं दद्ध्वं धर्मराजस्य तूर्णं । याचध्वं वै पाण्डवं लोकवीरम् ॥

yudhiṣṭhiraḥ sādhunaivābhyupeyo | mā vo'vadhīdarjuno devaguptaḥ | rājyaṃ daddhvaṃ dharmarājasya tūrṇaṃ | yācadhvaṃ vai pāṇḍavaṃ lokavīram

Yudhishthira must be approached with fair dealing, lest Arjuna, guarded by the gods, slay you. Give the king of dharma his kingdom quickly; make your plea to the Pandava, the hero of the world.

Note on the text: Speaker set to Dhrishtadyumna (see verse 58). Lines 1, 2 and 4 correspond to CE 5.56.58b–d (abhyupeta and kṣipraṃ yācadhvaṃ for अभ्युपेयो and याचध्वं वै); line 3 is the critical edition's star passage 5.56.58c*0345 (rājyaṃ daddhvaṃ dharmarājasya tūrṇaṃ). The archaic imperative दद्ध्वं is kept (the page glosses it ददत).

Verse 61 (5.57.61)

नैतादृशो हि योधोऽस्ति पृथिव्यामिह कश्चन । यथाविधः सव्यसाची पाण्डवः सत्यविक्रमः ॥

naitādṛśo hi yodho'sti pṛthivyāmiha kaścana | yathāvidhaḥ savyasācī pāṇḍavaḥ satyavikramaḥ

For there is no warrior on this earth such as Savyasachin, the Pandava of true valour.

Note on the text: Speaker set to Dhrishtadyumna (see verse 58).

Verse 62 (5.57.62)

देवैर्हि संभृतो दिव्यो रथो गाण्डीवधन्वनः । न स जेयो मनुष्येण मा स्म कृद्ध्वं मनो युधि ॥

devairhi saṃbhṛto divyo ratho gāṇḍīvadhanvanaḥ | na sa jeyo manuṣyeṇa mā sma kṛddhvaṃ mano yudhi

The divine chariot of the wielder of Gandiva was furnished by the gods; he cannot be conquered by any man. Do not set your minds on war.'

Note on the text: Speaker set to Dhrishtadyumna (see verse 58). Word division corrected: सजेयोमनुष्येण → स जेयो मनुष्येण (run together in Wikisource; the critical edition reads na sa jeyo manuṣyeṇa). The archaic imperative कृद्ध्वं is kept (the page glosses it कुरुध्वम्; the critical edition prints kṛdhvaṃ).