Drona Recognises Arjuna; Uttara Climbs the Shami Tree

Verse 1 (4.40.1)

तं दृष्ट्वा क्लीबरूपेण रथस्थं रथिपुङ्गवम् । शमीमभिमुखं यान्तं रथमारोप्य चोत्तरम् ॥

taṃ dṛṣṭvā klībarūpeṇa rathasthaṃ rathipuṅgavam | śamīmabhimukhaṃ yāntaṃ rathamāropya cottaram

When they saw him, that bull among chariot-warriors, standing on the chariot in the guise of a eunuch and heading for the Shami tree with Uttara seated in the chariot,

Verse 2 (4.40.2)

द्रोणभीष्मादयः शूराः कुरूणां रथिसत्तमाः । वित्रस्तमनसश्चासन्धनञ्जयकृताद्भयात् ॥

droṇabhīṣmādayaḥ śūrāḥ kurūṇāṃ rathisattamāḥ | vitrastamanasaścāsandhanañjayakṛtādbhayāt

the heroes led by Drona and Bhishma, the finest chariot-warriors of the Kurus, were shaken in mind with fear of Dhananjaya.

Note on the text: Matches the critical edition 4.37.2 (left unaligned by the automatic matcher) with recension variants (द्रोणभीष्मादयः शूराः for bhīṣmadroṇamukhās tatra, चासन् for sarve).

Verse 3 (4.40.3)

तानवेक्ष्य हतोत्साहानुत्पातानपि चाद्भुतान् । गुरुः शस्त्रभृतांश्रेष्ठो भारद्वाजोऽभ्यभाषत ॥

tānavekṣya hatotsāhānutpātānapi cādbhutān | guruḥ śastrabhṛtāṃśreṣṭho bhāradvājo'bhyabhāṣata

Seeing them disheartened, and seeing strange portents as well, Bharadvaja's son Drona, the teacher and the best of those who bear arms, spoke:

Verse 4 (4.40.4)

स्वराश्च वाताः संयान्ति रूक्षाः परुषनिस्वनाः । भस्मवर्षप्रकाशेन तमसा संवृतं नभः ॥

svarāśca vātāḥ saṃyānti rūkṣāḥ paruṣanisvanāḥ | bhasmavarṣaprakāśena tamasā saṃvṛtaṃ nabhaḥ

"Roaring winds are blowing, harsh and rough in their sound; the sky is wrapped in a darkness that looks like a rain of ash.

Note on the text: Speaker set to Drona: verses 4–9 are his speech (introduced by भारद्वाजोऽभ्यभाषत in verse 3); Wikisource prints no heading and the input carried Vaishampayana over. The critical edition reads calāś ca for स्वराश्च and bhasmavarṇa- for भस्मवर्ष-; Wikisource's reading is kept.

Verse 5 (4.40.5)

रूक्षवर्णाश्च जलदा दृश्यन्तेऽद्भुतदर्शनाः । निःसरन्ति च कोशेभ्यः शस्त्राणि विविधानि च ॥

rūkṣavarṇāśca jaladā dṛśyante'dbhutadarśanāḥ | niḥsaranti ca kośebhyaḥ śastrāṇi vividhāni ca

Clouds of a harsh colour, strange to look at, are seen, and weapons of many kinds are slipping from their sheaths.

Verse 6 (4.40.6)

शिवाश्च विनदन्त्येता दीप्तायां दिशि दारुणाः । हयाश्चाश्रूणि मुञ्चन्ति ध्वजाः कम्पन्त्यकम्पिताः ॥

śivāśca vinadantyetā dīptāyāṃ diśi dāruṇāḥ | hayāścāśrūṇi muñcanti dhvajāḥ kampantyakampitāḥ

These jackals howl fearsomely toward the blazing quarter; the horses shed tears, and the banners tremble though nothing shakes them.

Verse 7 (4.40.7)

यादृशान्यत्र दृश्यन्ते रूपाणि विविधानि च । यत्ता भवन्तस्तिष्ठन्तु युद्धं स्यात्समुपस्थितम् ॥

yādṛśānyatra dṛśyante rūpāṇi vividhāni ca | yattā bhavantastiṣṭhantu yuddhaṃ syātsamupasthitam

From the many signs to be seen here, stand ready, all of you: a battle is at hand.

Note on the text: Matches the critical edition 4.37.7 (left unaligned by the automatic matcher), with the variant दृश्यन्ते रूपाणि विविधानि च for rūpāṇi saṃdṛśyante bahūny api.

Verse 8 (4.40.8)

रक्षध्वमपि राजानं व्यूहध्वं वाहिनीमपि । वैशसं च प्रतीक्षध्वं रक्षध्वं चापि गोधनम् ॥

rakṣadhvamapi rājānaṃ vyūhadhvaṃ vāhinīmapi | vaiśasaṃ ca pratīkṣadhvaṃ rakṣadhvaṃ cāpi godhanam

Protect the king, draw up the army in battle order, be ready for the slaughter, and guard the cattle as well.

Verse 9 (4.40.9)

एष वीरो महेष्वासः सर्वशस्त्रभृतांवरः । आगतः क्लीबवेषेण पार्थो नास्त्यत्र संशयः ॥

eṣa vīro maheṣvāsaḥ sarvaśastrabhṛtāṃvaraḥ | āgataḥ klībaveṣeṇa pārtho nāstyatra saṃśayaḥ

This hero, the great archer, the best of all who bear weapons, has come in the guise of a eunuch. It is Partha; there is no doubt of it."

Verse 10 (4.40.10)

एतावदुक्त्वा वचनं भीष्ममालोक्य चाब्रवीत् ॥

etāvaduktvā vacanaṃ bhīṣmamālokya cābravīt

Having said this much, he looked at Bhishma and spoke:

Note on the text: Not in the critical edition (found in the vulgate recension); the critical edition records it in its apparatus as 4.37.8d*0683, line 1. Wikisource prints this single line as a verse of its own.

Verse 11 (4.40.11)

नदीज लङ्केशवनारिकेतुर्नगाह्वयो नाम नगारिसूनुः । गत्या सुरेशः क्वचिदङ्गनेव गुरुर्बभाषे वचनं तदानीम् ॥

nadīja laṅkeśavanāriketurnagāhvayo nāma nagārisūnuḥ | gatyā sureśaḥ kvacidaṅganeva gururbabhāṣe vacanaṃ tadānīm

"O river-born, he whose banner bears the destroyer of Lanka's grove, he who bears the name of a tree and is the son of the mountains' foe, in his gait now like the lord of the gods, now like a woman" — so the teacher spoke then.

Note on the text: Not in the critical edition (found in the vulgate recension); the critical edition records it in its apparatus as 4.37.8d*0683, lines 2–5 (tad eva for तदानीम्). The riddle names Arjuna: Hanuman on his banner, the arjuna tree, Indra's son. The verse reports Drona's words inside the narration, so it stays with the narrator.

Verse 12 (4.40.12)

इत्युक्त्वा संज्ञया द्रोणस्तूष्णीमासीद्विशांपते । भारद्वाजवचः श्रुत्वा गाङ्गेयः संज्ञयाऽब्रवीत् ॥

ityuktvā saṃjñayā droṇastūṣṇīmāsīdviśāṃpate | bhāradvājavacaḥ śrutvā gāṅgeyaḥ saṃjñayā'bravīt

Having said this by signs, Drona fell silent, O lord of the people. Hearing the words of Bharadvaja's son, Ganga's son answered by signs:

Note on the text: Not in the critical edition (found in the vulgate recension); the critical edition records it in its apparatus as 4.37.8d*0683, lines 6–7.

Verse 13 (4.40.13)

अतीतं चक्रमस्माकं विषयान्तरमागताः । अतीतः समयश्चोक्त अस्माभिर्यः सभातले । न भयं शत्रुतः कार्यं शङ्कां त्यज नरर्षभ ॥

atītaṃ cakramasmākaṃ viṣayāntaramāgatāḥ | atītaḥ samayaścokta asmābhiryaḥ sabhātale | na bhayaṃ śatrutaḥ kāryaṃ śaṅkāṃ tyaja nararṣabha

"Our cycle of years has passed; they have entered another's territory. The term we stated in the assembly hall is over. There is no fear to be had from the enemy; cast off your misgiving, bull among men."

Note on the text: Not in the critical edition (found in the vulgate recension); the critical edition records it in its apparatus as 4.37.8d*0683, lines 8–10 (cokto hy asmābhir for चोक्त अस्माभिर्; Wikisource's hiatus keeps the metre and is left as printed). Speaker set to Bhishma: the verse is his reply, announced in verse 12; Wikisource prints no heading.

Verse 14 (4.40.14)

देवव्रतेनैवमुक्ते वचने हितकारिणा । दुर्योधनमथालोक्य संज्ञया द्रोण अब्रवीत् ॥

devavratenaivamukte vacane hitakāriṇā | duryodhanamathālokya saṃjñayā droṇa abravīt

When Devavrata, who wished them well, had spoken these words, Drona looked at Duryodhana and spoke to him with a sign:

Note on the text: Not in the critical edition (found in the vulgate recension); the critical edition records line 1 in its apparatus as 4.37.8d*0684 and line 2 as 4.37.8d*0683, line 11.

Verse 15 (4.40.15)

एष वीरो महेष्वासः सर्वशस्त्रभृतांवरः । आगतः क्लीबरूपेण पार्थो नास्त्यत्र संशयः ॥

eṣa vīro maheṣvāsaḥ sarvaśastrabhṛtāṃvaraḥ | āgataḥ klībarūpeṇa pārtho nāstyatra saṃśayaḥ

"This hero, the great archer, the best of all who bear weapons, has come in the form of a eunuch. It is Partha; there is no doubt of it.

Note on the text: Repeats verse 9 (critical edition 4.37.9), with क्लीबरूपेण for क्लीबवेषेण; the critical edition has no second occurrence here (vulgate only). Speaker set to Drona: verses 15–27 are his words to Duryodhana (announced in verse 14); Wikisource prints no heading.

Verse 16 (4.40.16)

एष पार्थो हि विक्रान्तः सव्यसाची परन्तपः । ये जेतारो महीपानाममुना कुरवो हताः ॥

eṣa pārtho hi vikrāntaḥ savyasācī parantapaḥ | ye jetāro mahīpānāmamunā kuravo hatāḥ

This is Partha, the valiant Savyasachin, scorcher of foes. By him were beaten the Kurus who had been conquerors of kings.

Note on the text: Line 1 corresponds to the critical edition 4.37.10ab (sa eṣa pārtho vikrāntaḥ); line 2 is not in the critical text but stands in its Appendix I, No. 36 (inserted after 4.37.10d), line 1 (bahavo for कुरवो).

Verse 17 (4.40.17)

यस्मिञ्जाते मही कृत्स्ना निर्भरोच्छ्वासिताऽभवत् । येन मे दक्षिणा दत्ता बद्ध्वा द्रुपदमोजसा ॥

yasmiñjāte mahī kṛtsnā nirbharocchvāsitā'bhavat | yena me dakṣiṇā dattā baddhvā drupadamojasā

At his birth the whole earth breathed freely, as if relieved of its burden; he gave me my teacher's fee by binding Drupada through his might;

Note on the text: Not in the critical edition (found in the vulgate recension); the critical edition prints it only in Appendix I, No. 36 (inserted after 4.37.10d), lines 2–3 (line 1 there reads yasmiṃs tejo mahat kṛtsnaṃ nirbharocchvasitaṃ bhavet).

Verse 18 (4.40.18)

विद्ध्वा वियद्गतं लक्ष्यं विनिर्जित्य च पार्थिवान् । निर्जिता येन पाञ्चाली पुरा येन स्वयंवरे ॥

viddhvā viyadgataṃ lakṣyaṃ vinirjitya ca pārthivān | nirjitā yena pāñcālī purā yena svayaṃvare

he pierced the target in the sky, overcame the kings, and long ago won Panchali at her svayamvara;

Note on the text: Not in the critical edition (found in the vulgate recension); the critical edition prints it only in Appendix I, No. 36, lines 4–5.

Verse 19 (4.40.19)

खाण्डवे येन संतृप्तो वह्निर्जित्वा सुरासुरान् । परिणीता सुभद्रा च येन निर्जित्य यादवान् ॥

khāṇḍave yena saṃtṛpto vahnirjitvā surāsurān | pariṇītā subhadrā ca yena nirjitya yādavān

by him Fire was sated at Khandava, after he had defeated gods and asuras; he married Subhadra after overcoming the Yadavas;

Note on the text: Not in the critical edition (found in the vulgate recension); the critical edition prints it only in Appendix I, No. 36, lines 6–7.

Verse 20 (4.40.20)

निर्जितो येन युद्धेन त्रिपुरारिः स्मरार्दनः ॥

nirjito yena yuddhena tripurāriḥ smarārdanaḥ

by him, in battle, the foe of Tripura, the crusher of Smara, was overcome;

Note on the text: Not in the critical edition (found in the vulgate recension); the critical edition prints it only in Appendix I, No. 36, line 8. Wikisource prints this single line as a verse of its own.

Verse 21 (4.40.21)

गत्वा त्रिविष्टपं येन जितेन्द्रा दानवा युधि । निवातकवचा राजन्दानवानां त्रिकोटयः । निर्जिताः कालकेयाश्च हिरण्यपुरवासिनः ॥

gatvā triviṣṭapaṃ yena jitendrā dānavā yudhi | nivātakavacā rājandānavānāṃ trikoṭayaḥ | nirjitāḥ kālakeyāśca hiraṇyapuravāsinaḥ

he went to heaven and in battle conquered the Danavas who had conquered Indra: the Nivatakavachas, O king, three crores of Danavas, and the Kalakeyas who lived in Hiranyapura;

Note on the text: Not in the critical edition (found in the vulgate recension); the critical edition prints it only in Appendix I, No. 36, lines 9–11.

Verse 22 (4.40.22)

येन त्वं मोचितो बद्धश्चित्रसेनेन तद्वने ॥

yena tvaṃ mocito baddhaścitrasenena tadvane

he set you free in that forest when you had been taken captive by Chitrasena;

Note on the text: Not in the critical edition (found in the vulgate recension); the critical edition prints it only in Appendix I, No. 36, line 12. Wikisource prints this single line as a verse of its own.

Verse 23 (4.40.23)

येन गत्वोत्तरं मेरोरानिनाय महद्धनम् । याजितो धर्मसूनुश्च नृपान्सर्वान्विजित्य च ॥

yena gatvottaraṃ merorānināya mahaddhanam | yājito dharmasūnuśca nṛpānsarvānvijitya ca

he went north of Meru and brought back great wealth, and he conquered all the kings so that the son of Dharma could perform his sacrifice;

Note on the text: Not in the critical edition (found in the vulgate recension); the critical edition prints it only in Appendix I, No. 36, lines 13–14.

Verse 24 (4.40.24)

यस्मिञ्शौर्यं च वीर्यं च तेजो धैर्यं पराक्रमः । औदार्यं चैव गाम्भीर्यं श्रीर्ह्रीर्धर्मो दयाऽऽर्जवम् । एवमादिगुणोपेतः सोयं पार्थो न संशयः ॥

yasmiñśauryaṃ ca vīryaṃ ca tejo dhairyaṃ parākramaḥ | audāryaṃ caiva gāmbhīryaṃ śrīrhrīrdharmo dayā''rjavam | evamādiguṇopetaḥ soyaṃ pārtho na saṃśayaḥ

in him are valour and strength, energy, steadiness and prowess, generosity and depth, fortune, modesty, dharma, compassion and uprightness. Endowed with these and other virtues, this is that Partha, without doubt.

Note on the text: Not in the critical edition (found in the vulgate recension); the critical edition prints it only in Appendix I, No. 36, lines 15–17.

Verse 25 (4.40.25)

नाजित्वा विनिवर्तेत सर्वानपि मरुद्गणान् ॥

nājitvā vinivarteta sarvānapi marudgaṇān

He would not turn back without conquering, even if all the hosts of the Maruts stood against him.

Note on the text: Corresponds to the critical edition 4.37.10cd (nāyuddhena nivarteta sarvair api marudgaṇaiḥ), here a recension variant; Wikisource prints this single line as a verse of its own.

Verse 26 (4.40.26)

क्लेशितश्च वने शूरो वासवेन च शिक्षितः । अमर्षवशमापन्नो योत्स्यते नात्र संशयः । न ह्यस्य प्रतियोद्धारमन्यं पश्यामि कौरव ॥

kleśitaśca vane śūro vāsavena ca śikṣitaḥ | amarṣavaśamāpanno yotsyate nātra saṃśayaḥ | na hyasya pratiyoddhāramanyaṃ paśyāmi kaurava

This hero was made to suffer in the forest and was trained by Vasava; overcome by indignation, he will fight, there is no doubt. I see no other warrior who could stand against him, O Kaurava.

Note on the text: Lines 1–2 are the critical edition 4.37.11; line 3 corresponds to 4.37.12ab (nehāsya pratiyoddhāram ahaṃ paśyāmi kauravāḥ).

Verse 27 (4.40.27)

महादेवोपि पार्थेन श्रूयते युद्धतोषितः । किरातवेषप्रच्छन्नो गिरौ हिमवति प्रभुः ॥

mahādevopi pārthena śrūyate yuddhatoṣitaḥ | kirātaveṣapracchanno girau himavati prabhuḥ

Even Mahadeva, the Lord, is said to have been pleased with Partha in battle, when he went disguised as a Kirata on the Himalaya mountain."

Note on the text: Line 1 corresponds to the critical edition 4.37.12cd (yudhi for युद्ध-); line 2 is in its apparatus as 4.37.12d*0687.

Verse 28 (4.40.28)

इत्येवंवादिनं द्रोणं कर्णः क्रुद्धोऽभ्यभाषत ॥

ityevaṃvādinaṃ droṇaṃ karṇaḥ kruddho'bhyabhāṣata

As Drona spoke in this way, Karna, angered, said to him:

Note on the text: Not in the critical edition (found in the vulgate recension); the critical edition records it in its apparatus as 4.37.12d*0688 (kruddho 'bravīd vacaḥ for क्रुद्धोऽभ्यभाषत). Wikisource prints this single line as a verse of its own.

Verse 29 (4.40.29)

सदा भवान्फल्गुनस्य गुणानस्मासु कत्थसे । न चार्जुनः कलापूर्णो मम दुर्योधनस्य वा ॥

sadā bhavānphalgunasya guṇānasmāsu katthase | na cārjunaḥ kalāpūrṇo mama duryodhanasya vā

"You are forever praising Phalguna's virtues to us, yet Arjuna is not equal to even a sixteenth part of me, or of Duryodhana."

Note on the text: Speaker set to Karna: the verse is his reply (announced in verse 28; the critical edition heads it karṇa uvāca); Wikisource prints no heading and the input carried Vaishampayana over.

Verse 30 (4.40.30)

यद्येष पार्थो राधेय कृतं कार्यं भवेन्मम । ज्ञाताः पुनश्चरिष्यन्ति द्वादशान्यांश्च वत्सरान् ॥

yadyeṣa pārtho rādheya kṛtaṃ kāryaṃ bhavenmama | jñātāḥ punaścariṣyanti dvādaśānyāṃśca vatsarān

"If this is Partha, Radheya, my purpose is achieved: discovered, they will have to wander for another twelve years.

Verse 31 (4.40.31)

अथवा कश्चिदेवान्यः क्लीबरूपेण देवराट् । शरैरेनं सुनिशितैः पातयिष्यामि भूतले ॥

athavā kaścidevānyaḥ klībarūpeṇa devarāṭ | śarairenaṃ suniśitaiḥ pātayiṣyāmi bhūtale

Or if it is someone else in the form of a eunuch, even the king of the gods, I shall bring him down to the ground with my keen arrows."

Verse 32 (4.40.32)

तस्मिन्वदति तां वाचं धार्तराष्ट्रे परन्तपे । भीष्मो द्रोणः कृपो द्रौणिः पौरुषं तदपूजयन् ॥

tasminvadati tāṃ vācaṃ dhārtarāṣṭre parantape | bhīṣmo droṇaḥ kṛpo drauṇiḥ pauruṣaṃ tadapūjayan

As the son of Dhritarashtra, scorcher of foes, spoke these words, Bhishma, Drona, Kripa and Drona's son praised his manliness.

Verse 33 (4.40.33)

तां शमीमभिसंगम्य पार्थो वैराटिमब्रवीत् । सुखसंवर्धितं पित्रा समराणामकोविदम् ॥

tāṃ śamīmabhisaṃgamya pārtho vairāṭimabravīt | sukhasaṃvardhitaṃ pitrā samarāṇāmakovidam

Reaching the Shami tree, Partha spoke to Virata's son, whom his father had raised in comfort and who knew nothing of battle:

Note on the text: Corresponds to the critical edition 4.38.1 (left unaligned by the automatic matcher), with recension variants in line 2 (सुखसंवर्धितं पित्रा समराणामकोविदम् for sukumāraṃ samājñātaṃ saṃgrāme nātikovidam).

Verse 34 (4.40.34)

एहि भूमिंजयारुह्य वैराटे महतीं शमीम् । समादिष्टो मया क्षिप्रं धनुर्गाण्डीवमानय ॥

ehi bhūmiṃjayāruhya vairāṭe mahatīṃ śamīm | samādiṣṭo mayā kṣipraṃ dhanurgāṇḍīvamānaya

"Come, Bhuminjaya, son of Virata, climb this great Shami tree, and at my bidding quickly bring down the bow Gandiva.

Note on the text: Line 1 is in the critical edition's apparatus as 4.38.1d*0689; line 2 corresponds to 4.38.2ab (dhanūṃṣy avaharottara for धनुर्गाण्डीवमानय). Speaker set to Arjuna: verses 34–43 are his words to Uttara (announced in verse 33); Wikisource prints no heading and the input carried Vaishampayana over.

Verse 35 (4.40.35)

नेमानीष्वासनानीह सोढुं शक्ष्यन्ति मे बलम् । नालं भारं गुरुं भेत्तुं कुञ्जरं वा प्रमर्दितुम् ॥

nemānīṣvāsanānīha soḍhuṃ śakṣyanti me balam | nālaṃ bhāraṃ guruṃ bhettuṃ kuñjaraṃ vā pramarditum

These bows of yours here will not bear my strength; they are not fit to break through a heavy load or to crush an elephant,

Note on the text: Line 1 corresponds to the critical edition 4.38.2cd and line 2 to 4.38.3ab (hartuṃ for भेत्तुं).

Verse 36 (4.40.36)

मम वा बाहुविक्षेपं शत्रूनिह विजेष्यतः । नेच्छामि तैरहं कर्तुं कर्म वैजयिकं त्विह ॥

mama vā bāhuvikṣepaṃ śatrūniha vijeṣyataḥ | necchāmi tairahaṃ kartuṃ karma vaijayikaṃ tviha

nor to bear the sweep of my arms as I conquer the enemy here. I do not wish to do the work of victory here with them.

Note on the text: Line 1 is the critical edition 4.38.3cd; line 2 is in its apparatus as 4.38.3d*0690, line 1 (naibhiḥ kāmam ahaṃ for नेच्छामि तैरहं).

Verse 37 (4.40.37)

अतिसूक्ष्माणि ह्रस्वानि सर्वाणि च मृदूनि च । आयुधानि महाबाहो तवैतानि महाबल ॥

atisūkṣmāṇi hrasvāni sarvāṇi ca mṛdūni ca | āyudhāni mahābāho tavaitāni mahābala

These weapons of yours, mighty-armed one of great strength, are all too slight, too short and too soft.

Note on the text: Not in the critical edition (found in the vulgate recension); the critical edition records it in its apparatus as 4.38.3d*0690, lines 2–3 (paraṃtapa for महाबल).

Verse 38 (4.40.38)

तस्माद्भूमिंजयारुह्य शमीमेतां पलाशिनीम् । अस्यां हि पाण्डुपुत्राणां धनूंषि निहितान्युत ॥

tasmādbhūmiṃjayāruhya śamīmetāṃ palāśinīm | asyāṃ hi pāṇḍuputrāṇāṃ dhanūṃṣi nihitānyuta

So climb this leafy Shami, Bhuminjaya, for the bows of the sons of Pandu are laid away in it,

Note on the text: Corrected निहितात्युत → निहितान्युत (misprint in Wikisource; त for न, as the critical edition reads nihitāny uta).

Verse 39 (4.40.39)

युधिष्ठिरस्य भीमस्य बीभत्सोर्यमयोस्तथा । ध्वजाः शराश्च शूराणां दिव्यानि कवचानि च ॥

yudhiṣṭhirasya bhīmasya bībhatsoryamayostathā | dhvajāḥ śarāśca śūrāṇāṃ divyāni kavacāni ca

and the banners, arrows and divine armour of those heroes, Yudhishthira, Bhima, Bibhatsu and the twins.

Note on the text: Corrected ध्वजा → ध्वजाः (misprint in Wikisource; dropped visarga of the plural subject, as the critical edition reads dhvajāḥ).

Verse 40 (4.40.40)

अत्रैव तु महावीर्यं धनुः पार्थस्य गाण्डिवम् । एकं शतसहस्रेण संमितं राष्ट्रवर्धनम् ॥

atraiva tu mahāvīryaṃ dhanuḥ pārthasya gāṇḍivam | ekaṃ śatasahasreṇa saṃmitaṃ rāṣṭravardhanam

Here too is Partha's bow of great power, the Gandiva, which alone is equal to a hundred thousand and enlarges kingdoms,

Verse 41 (4.40.41)

व्यायामसहमत्यर्थं तृणराजसमं महत् । सर्वायुधमहामात्रं सर्वारिक्षयकारकम् ॥

vyāyāmasahamatyarthaṃ tṛṇarājasamaṃ mahat | sarvāyudhamahāmātraṃ sarvārikṣayakārakam

able to bear any strain, huge as a palm tree, the greatest of all weapons, the destroyer of every foe,

Verse 42 (4.40.42)

सुवर्णविकृतं दिव्यं श्लक्ष्णमायतमव्रणम् । अलं भारं गुरुं सोढुं वारुणं च सुदर्शनम् ॥

suvarṇavikṛtaṃ divyaṃ ślakṣṇamāyatamavraṇam | alaṃ bhāraṃ guruṃ soḍhuṃ vāruṇaṃ ca sudarśanam

worked with gold, divine, smooth, long and without a flaw, able to bear a heavy load, Varuna's own, and fair to see.

Note on the text: Corresponds to the critical edition 4.38.8abcd (left unaligned by the automatic matcher), with variants (सोढुं for voḍhuṃ, वारुणं च सुदर्शनम् for dāruṇaṃ cārudarśanam).

Verse 43 (4.40.43)

तादृशान्येव सर्वाणि बलवन्ति दृढानि च । युधिष्ठिरस्य भीमस्य बीभत्सोर्यमयोस्तथा । प्रथितानि विशिष्टानि दुर्दर्शानि भवन्त्युत ॥

tādṛśānyeva sarvāṇi balavanti dṛḍhāni ca | yudhiṣṭhirasya bhīmasya bībhatsoryamayostathā | prathitāni viśiṣṭāni durdarśāni bhavantyuta

All the others, those of Yudhishthira, Bhima, Bibhatsu and the twins, are like it, powerful and firm, renowned, excellent and hard to look upon."

Note on the text: Corrected दुर्दशानि → दुर्दर्शानि (misprint in Wikisource; dropped repha, "hard to look upon", as the critical edition's apparatus reads durdarśāni). Line 1 is the critical edition 4.38.8ef; line 2 repeats line 1 of verse 39 (4.38.5ab) and is not in the critical edition here (vulgate only); line 3 is in its apparatus as 4.38.8f*0691 (pradhānāni for प्रथितानि).

Verse 44 (4.40.44)

शरीरमिह चासक्तं शम्यां शुष्कं पुरा किल । तदहं राजपुत्रः सन्स्पृशेयं पाणिना कथम् ॥

śarīramiha cāsaktaṃ śamyāṃ śuṣkaṃ purā kila | tadahaṃ rājaputraḥ sanspṛśeyaṃ pāṇinā katham

"A corpse is fastened here to the Shami, dried up long ago, so they say. How could I, a prince, touch it with my hand?

Note on the text: Line 1 is a recension variant of the critical edition 4.38.9ab (asmin vṛkṣe kilodbaddhaṃ śarīram iti naḥ śrutam); line 2 is 4.38.9cd.

Verse 45 (4.40.45)

न मामेवंविधं कर्म कारयस्व बृहन्नले । कथं वा शक्यते कर्तुं बुद्ध्या त्वं मन्यसे कथं ॥

na māmevaṃvidhaṃ karma kārayasva bṛhannale | kathaṃ vā śakyate kartuṃ buddhyā tvaṃ manyase kathaṃ

Do not make me do such a thing, Brihannala. How can it be done? How can you think it right?

Note on the text: Not in the critical edition (found in the vulgate recension); nothing like it appears in the critical text or its apparatus at this point.

Verse 46 (4.40.46)

नैवंविधं मया युक्तमालब्धुं क्षत्रयोनिना । महता राजपुत्रेण मन्त्रयज्ञविदा सता ॥

naivaṃvidhaṃ mayā yuktamālabdhuṃ kṣatrayoninā | mahatā rājaputreṇa mantrayajñavidā satā

It is not fitting for me, born a kshatriya, a great prince who knows the mantras and the sacrifices, to touch such a thing.

Verse 47 (4.40.47)

स्पृष्टवन्तं शरीरं मां शववाहमिवाशुचिम् । कथं वा व्यवहार्यं वै कुर्वीथास्त्वं बृहन्नले ॥

spṛṣṭavantaṃ śarīraṃ māṃ śavavāhamivāśucim | kathaṃ vā vyavahāryaṃ vai kurvīthāstvaṃ bṛhannale

When I have touched a corpse and am unclean like a bearer of the dead, how will you have dealings with me, Brihannala?"

Verse 48 (4.40.48)

तमुवाच ततः शूरः पार्थः परपुरंजयः । दायादं सर्वमत्स्यानां कुले जातं विशारदम् ॥

tamuvāca tataḥ śūraḥ pārthaḥ parapuraṃjayaḥ | dāyādaṃ sarvamatsyānāṃ kule jātaṃ viśāradam

Then the hero Partha, conqueror of enemy cities, spoke to him, the heir of all the Matsyas, born in a noble line and skilled:

Note on the text: Corrected पार्थं परपुंरजयः → पार्थः परपुरंजयः (misprints in Wikisource; the speaker must be nominative, and परपुंरजयः transposes the anusvara of परपुरंजयः; the critical edition's apparatus reads pārthaḥ parapuraṃjayaḥ). Not in the critical edition (found in the vulgate recension); the critical edition records it in its apparatus as 4.38.11d*0694, lines 1–2.

Verse 49 (4.40.49)

जानामि त्वां महाप्राज्ञ शुभं जात्या कुलेन च । कथं नु पापकं कर्म ब्रूयां त्वाऽहं परन्तप ॥

jānāmi tvāṃ mahāprājña śubhaṃ jātyā kulena ca | kathaṃ nu pāpakaṃ karma brūyāṃ tvā'haṃ parantapa

"I know you, wise one, to be noble by birth and by family. How could I tell you to do a sinful deed, scorcher of foes?

Note on the text: Not in the critical edition (found in the vulgate recension); the critical edition records it in its apparatus as 4.38.11d*0694, lines 3–4. Speaker set to Arjuna: verses 49–51 are his direct reply to Uttara (the critical edition heads its next verse bṛhannaḍovāca); Wikisource prints no heading and the input carried Vaishampayana over.

Verse 50 (4.40.50)

व्यवहार्यश्च राजेन्द्र शुद्धश्चैव भविष्यसि । धनूंष्येतानि मा भैस्त्वं शरीरं नात्र विद्यते ॥

vyavahāryaśca rājendra śuddhaścaiva bhaviṣyasi | dhanūṃṣyetāni mā bhaistvaṃ śarīraṃ nātra vidyate

You will be fit for dealings, lord of kings, and clean as well. These are bows; do not be afraid. There is no corpse here.

Verse 51 (4.40.51)

दायादं मत्स्यराजस्य कुले जातं मनस्विनम् । कथं वा निन्दितं कर्म कारये त्वां नृपात्मज ॥

dāyādaṃ matsyarājasya kule jātaṃ manasvinam | kathaṃ vā ninditaṃ karma kāraye tvāṃ nṛpātmaja

You are the heir of the Matsya king, born in his line, and high-minded: how could I make you do a deed that is censured, prince?"

Note on the text: Corrected नन्दितं → निन्दितं (misprint in Wikisource; "praised" inverts the sense of the question, and the critical edition reads ninditaṃ).

Verse 52 (4.40.52)

एवमुक्तः स पार्थेन रथात्प्रस्कन्द्य कुण्डली । आरुरोह शमीवृक्षं वैराटिरवशस्तदा ॥

evamuktaḥ sa pārthena rathātpraskandya kuṇḍalī | āruroha śamīvṛkṣaṃ vairāṭiravaśastadā

Spoken to thus by Partha, Virata's son, wearing his earrings, leapt down from the chariot and, against his will, climbed the Shami tree.

Verse 53 (4.40.53)

तमन्वशासच्छत्रुघ्नो रथे तिष्ठन्धनञ्जयः । अवरोपय वृक्षाग्राद्धनूंष्येतानि माचिरम् ॥

tamanvaśāsacchatrughno rathe tiṣṭhandhanañjayaḥ | avaropaya vṛkṣāgrāddhanūṃṣyetāni māciram

Standing on the chariot, Dhananjaya, slayer of foes, directed him: "Bring these bows down from the top of the tree, quickly."

Note on the text: Line 1 is the critical edition 4.38.15ab; line 2 is in its apparatus as 4.38.15b*0695 (mā bibhaḥ for माचिरम्).

Verse 54 (4.40.54)

सोपहृत्य महार्हाणि धनूंषि पृथुवक्षसाम् । परिवेष्टनपत्राणि विमुच्य समुपानयत् ॥

sopahṛtya mahārhāṇi dhanūṃṣi pṛthuvakṣasām | pariveṣṭanapatrāṇi vimucya samupānayat

He took down the precious bows of the broad-chested heroes and, loosening the leaves they were wrapped in, brought them to him.

Note on the text: Not in the critical edition (found in the vulgate recension); the critical edition records it in its apparatus as 4.38.15d*0696.

Verse 55 (4.40.55)

परिवेष्टनमेतेषां सर्वं मुञ्चस्व माचिरम् । तेषां संनहनीयानि परिमुच्य परन्तपः । अपश्यत्तत्र गाण्डीवं चतुर्भिरपरैः सह ॥

pariveṣṭanameteṣāṃ sarvaṃ muñcasva māciram | teṣāṃ saṃnahanīyāni parimucya parantapaḥ | apaśyattatra gāṇḍīvaṃ caturbhiraparaiḥ saha

"Undo all their wrappings, quickly." Freeing them of their fastenings, the scorcher of foes saw there the Gandiva, along with four others.

Note on the text: Line 1 corresponds to the critical edition 4.38.15cd (pariveṣṭanam eteṣāṃ kṣipraṃ caiva vyapānuda), Arjuna's command; lines 2–3 correspond to 4.38.16.

Verse 56 (4.40.56)

तेषां विमुच्यमानानां धनुषामर्कवर्चसाम् । विनिश्चेरुः प्रभा दिव्या ग्रहाणामुदयेष्विव ॥

teṣāṃ vimucyamānānāṃ dhanuṣāmarkavarcasām | viniśceruḥ prabhā divyā grahāṇāmudayeṣviva

As those sun-bright bows were unwrapped, a divine radiance streamed out from them, like that of the planets at their rising.

Verse 57 (4.40.57)

स तेषां रूपमालोक्य भोगिनामिव जृम्भताम् । हृष्टरोमा भयोद्विग्नः प्रवेपिततनुस्तदा ॥

sa teṣāṃ rūpamālokya bhogināmiva jṛmbhatām | hṛṣṭaromā bhayodvignaḥ pravepitatanustadā

Seeing their forms, like serpents yawning, he was struck with fear; his hair stood on end, and his whole body trembled.

Note on the text: Corrected रूपमालेक्य → रूपमालोक्य, दृम्भताम् → जृम्भताम् and भयोद्विग्रः → भयोद्विग्नः (misprints in Wikisource; the critical edition reads ālokya, jṛmbhatām, bhayodvignaḥ). Line 1 and the start of line 2 are the critical edition 4.38.18abc; प्रवेपिततनुस्तदा is in its apparatus as 4.38.18c*0697, line 1.

Verse 58 (4.40.58)

अर्जुनेन समाश्वस्तः किंचिद्धृष्टो नृपात्मजः । तेषां संदर्शनाभ्यासं स्पर्शाभ्यासं पुनः पुनः ॥

arjunena samāśvastaḥ kiṃciddhṛṣṭo nṛpātmajaḥ | teṣāṃ saṃdarśanābhyāsaṃ sparśābhyāsaṃ punaḥ punaḥ

Reassured by Arjuna, the prince took a little heart. Again and again he practised looking at them and touching them,

Note on the text: Not in the critical edition (found in the vulgate recension); the critical edition records it in its apparatus as 4.38.18c*0697, line 2, and *0698, lines 1–2.

Verse 59 (4.40.59)

आमील्य पुनरुन्मील्य स्पृष्ट्वास्पृष्ट्वा चकार सः । सम्यग्दृष्ट्वा तदाऽऽश्वस्तः क्षणेन समपद्यत ॥

āmīlya punarunmīlya spṛṣṭvāspṛṣṭvā cakāra saḥ | samyagdṛṣṭvā tadā''śvastaḥ kṣaṇena samapadyata

closing his eyes and opening them again, touching them over and over, he did so; and having looked at them well, he soon grew calm.

Note on the text: Corrected सम्यग्घुण्टस्तदाऽऽश्वस्तः → सम्यग्दृष्ट्वा तदाऽऽश्वस्तः (misprint in Wikisource; घुण्ट is not a word, and the critical edition's apparatus reads samyag dṛṣṭvā tadāśvastaḥ). Not in the critical edition (found in the vulgate recension); line 1 and the first half of line 2 are in the critical edition's apparatus as 4.38.18c*0698, lines 3–4; क्षणेन समपद्यत is the end of 4.38.18cd.

Verse 60 (4.40.60)

संस्पृश्य तानि चापानि भानुमन्ति बृहन्ति च । वैराटिरर्जुनं राजन्निदं वचनमब्रवीत् ॥

saṃspṛśya tāni cāpāni bhānumanti bṛhanti ca | vairāṭirarjunaṃ rājannidaṃ vacanamabravīt

Having touched those bows, bright and huge, Virata's son, O king, spoke these words to Arjuna: