The Disappearance of Lord Krishna

Verse 1 (bhagavata.1.14.1)

सूत उवाच सम्प्रस्थिते द्वारकायां जिष्णौ बन्धुदिदृक्षया । ज्ञातुं च पुण्यश्लोकस्य कृष्णस्य च विचेष्टितम् ॥ १ ॥

sūta uvāca samprasthite dvārakāyāṁ jiṣṇau bandhu-didṛkṣayā jñātuṁ ca puṇya-ślokasya kṛṣṇasya ca viceṣṭitam

Suta said: When Arjuna had set out for Dvaraka, longing to see his kinsmen, and eager to learn what Krishna, praised in sacred verse, intended to do —

Verse 2 (bhagavata.1.14.2)

व्यतीताः कतिचिन्मासास्तदा नायात्ततोऽर्जुनः । ददर्श घोररूपाणि निमित्तानि कुरूद्वहः ॥ २ ॥

vyatītāḥ katicin māsās tadā nāyāt tato ’rjunaḥ dadarśa ghora-rūpāṇi nimittāni kurūdvahaḥ

— several months went by, and Arjuna still had not returned; and the upholder of the Kuru line began to observe omens of a dreadful nature.

Verse 3 (bhagavata.1.14.3)

कालस्य च गतिं रौद्रां विपर्यस्तर्तुधर्मिणः । पापीयसीं नृणां वार्तां क्रोधलोभानृतात्मनाम् ॥ ३ ॥

kālasya ca gatiṁ raudrāṁ viparyastartu-dharmiṇaḥ pāpīyasīṁ nṛṇāṁ vārtāṁ krodha-lobhānṛtātmanām

He saw the fearsome turning of time, the seasons' natural order overturned, and the most wicked dealings among men, whose hearts had given themselves over to anger, greed and falsehood.

Verse 4 (bhagavata.1.14.4)

जिह्मप्रायं व्यवहृतं शाठ्यमिश्रं च सौहृदम् । पितृमातृसुहृद्भ्रातृदम्पतीनां च कल्कनम् ॥ ४ ॥

jihma-prāyaṁ vyavahṛtaṁ śāṭhya-miśraṁ ca sauhṛdam pitṛ-mātṛ-suhṛd-bhrātṛ- dam-patīnāṁ ca kalkanam

Dealings had grown mostly crooked, and even friendship was tainted with deceit; strife had crept in between parents and children, between well-wishers and brothers, and between husbands and wives.

Verse 5 (bhagavata.1.14.5)

निमित्तान्यत्यरिष्टानि काले त्वनुगते नृणाम् । लोभाद्यधर्मप्रकृतिं दृष्ट्वोवाचानुजं नृपः ॥ ५ ॥

nimittāny atyariṣṭāni kāle tv anugate nṛṇām lobhādy-adharma-prakṛtiṁ dṛṣṭvovācānujaṁ nṛpaḥ

Seeing these dire omens, now that such an age had come upon mankind, their very nature bent toward greed and unrighteousness, the king spoke to his younger brother.

Verse 6 (bhagavata.1.14.6)

युधिष्ठिर उवाच सम्प्रेषितो द्वारकायां जिष्णुर्बन्धुदिदृक्षया । ज्ञातुं च पुण्यश्लोकस्य कृष्णस्य च विचेष्टितम् ॥ ६ ॥

yudhiṣṭhira uvāca sampreṣito dvārakāyāṁ jiṣṇur bandhu-didṛkṣayā jñātuṁ ca puṇya-ślokasya kṛṣṇasya ca viceṣṭitam

Yudhishthira said: I sent Arjuna to Dvaraka, longing that he see our kinsmen, and to learn what Krishna, praised in sacred verse, intended to do —

Verse 7 (bhagavata.1.14.7)

गताः सप्ताधुना मासा भीमसेन तवानुजः । नायाति कस्य वा हेतोर्नाहं वेदेदमञ्जसा ॥ ७ ॥

gatāḥ saptādhunā māsā bhīmasena tavānujaḥ nāyāti kasya vā hetor nāhaṁ vededam añjasā

— and now, O Bhimasena, seven months have gone by since your younger brother left, and still he has not returned. For what reason, I honestly do not know.

Verse 8 (bhagavata.1.14.8)

अपि देवर्षिणादिष्टः स कालोऽयमुपस्थितः । यदात्मनोऽङ्गमाक्रीडं भगवानुत्सिसृक्षति ॥ ८ ॥

api devarṣiṇādiṣṭaḥ sa kālo ’yam upasthitaḥ yadātmano ’ṅgam ākrīḍaṁ bhagavān utsisṛkṣati

Has that very time now arrived which the celestial sage foretold — when the Lord shall wish to withdraw his own bodily form, this earth that has been his playground?

Verse 9 (bhagavata.1.14.9)

यस्मान्नः सम्पदो राज्यं दाराः प्राणाः कुलं प्रजाः । आसन्सपत्नविजयो लोकाश्च यदनुग्रहात् ॥ ९ ॥

yasmān naḥ sampado rājyaṁ dārāḥ prāṇāḥ kulaṁ prajāḥ āsan sapatna-vijayo lokāś ca yad-anugrahāt

For it is from him alone — by his grace — that our riches, our kingdom, our wives, our very lives, our lineage, our subjects, our victories over rivals, and every world we hope for have come to us.

Verse 10 (bhagavata.1.14.10)

पश्योत्पातान्नरव्याघ्र दिव्यान् भौमान् सदैहिकान् । दारुणान् शंसतोऽदूराद्भयं नो बुद्धिमोहनम् ॥ १० ॥

paśyotpātān nara-vyāghra divyān bhaumān sadaihikān dāruṇān śaṁsato ’dūrād bhayaṁ no buddhi-mohanam

Behold, O tiger among men, these omens — in the heavens, on the earth, and within our own bodies — dreadful signs, proclaiming from close at hand a danger that leaves the mind bewildered.

Verse 11 (bhagavata.1.14.11)

ऊर्वक्षिबाहवो मह्यं स्फुरन्त्यङ्ग पुनः पुनः । वेपथुश्चापि हृदये आराद्दास्यन्ति विप्रियम् ॥ ११ ॥

ūrv-akṣi-bāhavo mahyaṁ sphuranty aṅga punaḥ punaḥ vepathuś cāpi hṛdaye ārād dāsyanti vipriyam

My thighs, my eyes, my arms, O brother, keep twitching again and again; my heart trembles too — soon, from close at hand, they will bring me grief.

Verse 12 (bhagavata.1.14.12)

शिवैषोद्यन्तमादित्यमभिरौत्यनलानना । मामङ्ग सारमेयोऽयमभिरेभत्यभीरुवत् ॥ १२ ॥

śivaiṣodyantam ādityam abhirauty analānanā mām aṅga sārameyo ’yam abhirebhaty abhīruvat

See how the jackal-bitch, fire seeming to pour from her mouth, howls at the rising sun — an evil sign — and see how this dog here, brother, bays at me without any fear.

Verse 13 (bhagavata.1.14.13)

शस्ताः कुर्वन्ति मां सव्यं दक्षिणं पशवोऽपरे । वाहांश्च पुरुषव्याघ्र लक्षये रुदतो मम ॥ १३ ॥

śastāḥ kurvanti māṁ savyaṁ dakṣiṇaṁ paśavo ’pare vāhāṁś ca puruṣa-vyāghra lakṣaye rudato mama

The auspicious animals now pass me on my left side, and the others on my right; and, O tiger among men, I see even my own horses in tears.

Verse 14 (bhagavata.1.14.14)

मृत्युदूतः कपोतोऽयमुलूकः कम्पयन् मनः । प्रत्युलूकश्च कुह्वानैर्विश्वं वै शून्यमिच्छतः ॥ १४ ॥

mṛtyu-dūtaḥ kapoto ’yam ulūkaḥ kampayan manaḥ pratyulūkaś ca kuhvānair viśvaṁ vai śūnyam icchataḥ

This dove seems a very messenger of death; the owl's hooting, answered by the crow, shakes my very mind — as though the two of them wished to leave the whole world empty.

Verse 15 (bhagavata.1.14.15)

धूम्रा दिशः परिधयः कम्पते भूः सहाद्रिभिः । निर्घातश्च महांस्तात साकं च स्तनयित्नुभिः ॥ १५ ॥

dhūmrā diśaḥ paridhayaḥ kampate bhūḥ sahādribhiḥ nirghātaś ca mahāṁs tāta sākaṁ ca stanayitnubhiḥ

The horizons on every side have turned the color of smoke; the earth trembles, mountains and all; and, dear brother, there come great peals of thunder, together with lightning, out of a clear and cloudless sky.

Verse 16 (bhagavata.1.14.16)

वायुर्वाति खरस्पर्शो रजसा विसृजंस्तमः । असृग् वर्षन्ति जलदा बीभत्समिव सर्वतः ॥ १६ ॥

vāyur vāti khara-sparśo rajasā visṛjaṁs tamaḥ asṛg varṣanti jaladā bībhatsam iva sarvataḥ

A harsh, biting wind blows, scattering darkness through its dust; and the rain clouds pour down what seems, terribly, to be blood on every side.

Verse 17 (bhagavata.1.14.17)

सूर्यं हतप्रभं पश्य ग्रहमर्दं मिथो दिवि । ससङ्कुलैर्भूतगणैर्ज्वलिते इव रोदसी ॥ १७ ॥

sūryaṁ hata-prabhaṁ paśya graha-mardaṁ mitho divi sasaṅkulair bhūta-gaṇair jvalite iva rodasī

Look — the sun's own light has grown dim, and in the heavens the very planets seem to clash against each other; both earth and sky appear as if ablaze, crowded with restless, bewildered beings.

Verse 18 (bhagavata.1.14.18)

नद्यो नदाश्च क्षुभिताः सरांसि च मनांसि च । न ज्वलत्यग्निराज्येन कालोऽयं किं विधास्यति ॥ १८ ॥

nadyo nadāś ca kṣubhitāḥ sarāṁsi ca manāṁsi ca na jvalaty agnir ājyena kālo ’yaṁ kiṁ vidhāsyati

Rivers and streams have grown turbulent, as have lakes — and minds too; fire will not blaze even when fed with ghee. What is this strange time about to bring upon us?

Verse 19 (bhagavata.1.14.19)

न पिबन्ति स्तनं वत्सा न दुह्यन्ति च मातरः । रुदन्त्यश्रुमुखा गावो न हृष्यन्त्यृषभा व्रजे ॥ १९ ॥

na pibanti stanaṁ vatsā na duhyanti ca mātaraḥ rudanty aśru-mukhā gāvo na hṛṣyanty ṛṣabhā vraje

The calves will not suckle at the udder, and the mother cows give no milk; the cows stand weeping, tears wetting their faces, and the bulls find no joy in the pastureland.

Verse 20 (bhagavata.1.14.20)

दैवतानि रुदन्तीव स्विद्यन्ति ह्युच्चलन्ति च । इमे जनपदा ग्रामाः पुरोद्यानाकराश्रमाः । भ्रष्टश्रियो निरानन्दाः किमघं दर्शयन्ति नः ॥ २० ॥

daivatāni rudantīva svidyanti hy uccalanti ca ime jana-padā grāmāḥ purodyānākarāśramāḥ bhraṣṭa-śriyo nirānandāḥ kim aghaṁ darśayanti naḥ

The very images of the gods seem to weep, and to sweat, and to shudder; and these lands, these villages, towns, gardens, mines and hermitages, stripped now of their beauty and their joy — what disaster are they showing us?

Verse 21 (bhagavata.1.14.21)

मन्य एतैर्महोत्पातैर्नूनं भगवतः पदैः । अनन्यपुरुषश्रीभिर्हीना भूर्हतसौभगा ॥ २१ ॥

manya etair mahotpātair nūnaṁ bhagavataḥ padaiḥ ananya-puruṣa-śrībhir hīnā bhūr hata-saubhagā

I think that through these great omens, the earth, surely, has now been deprived of the Lord's own footprints — footprints unlike any other being's — and so has lost her good fortune.

Verse 22 (bhagavata.1.14.22)

इति चिन्तयतस्तस्य दृष्टारिष्टेन चेतसा । राज्ञः प्रत्यागमद् ब्रह्मन् यदुपुर्याः कपिध्वजः ॥ २२ ॥

iti cintayatas tasya dṛṣṭāriṣṭena cetasā rājñaḥ pratyāgamad brahman yadu-puryāḥ kapi-dhvajaḥ

While the king, O brahmin, was thus reflecting, his heart already sensing these ill omens, Arjuna, whose banner bears the monkey, returned at last from the city of the Yadus.

Verse 23 (bhagavata.1.14.23)

तं पादयोर्निपतितमयथापूर्वमातुरम् । अधोवदनमब्बिन्दून् सृजन्तं नयनाब्जयोः ॥ २३ ॥

taṁ pādayor nipatitam ayathā-pūrvam āturam adho-vadanam ab-bindūn sṛjantaṁ nayanābjayoḥ

Falling at the king's feet — stricken with a grief unlike any before, his face bowed down, drops of water falling from his lotus eyes —

Verse 24 (bhagavata.1.14.24)

विलोक्योद्विग्नहृदयो विच्छायमनुजं नृपः । पृच्छति स्म सुहृन्मध्ये संस्मरन्नारदेरितम् ॥ २४ ॥

vilokyodvigna-hṛdayo vicchāyam anujaṁ nṛpaḥ pṛcchati sma suhṛn madhye saṁsmaran nāraderitam

— seeing him thus, his brother pale and stricken, the king's own heart grew troubled, and he questioned him there among their kinsmen, recalling all that Narada had once foretold.

Verse 25 (bhagavata.1.14.25)

युधिष्ठिर उवाच कच्चिदानर्तपुर्यां नः स्वजनाः सुखमासते । मधुभोजदशार्हार्हसात्वतान्धकवृष्णयः ॥ २५ ॥

yudhiṣṭhira uvāca kaccid ānarta-puryāṁ naḥ sva-janāḥ sukham āsate madhu-bhoja-daśārhārha- sātvatāndhaka-vṛṣṇayaḥ

Yudhishthira said: Tell me, are our kinsmen living happily in the city of Anarta — the Madhus, the Bhojas, the Dasharhas, the Arhas, the Satvatas, the Andhakas, and the Vrishnis?

Verse 26 (bhagavata.1.14.26)

शूरो मातामहः कच्चित्स्वस्त्यास्ते वाथ मारिषः । मातुलः सानुजः कच्चित्कुशल्यानकदुन्दुभिः ॥ २६ ॥

śūro mātāmahaḥ kaccit svasty āste vātha māriṣaḥ mātulaḥ sānujaḥ kaccit kuśaly ānakadundubhiḥ

Is my grandfather Shura keeping well? And my honored uncle Vasudeva — is he well, together with his younger brothers?

Verse 27 (bhagavata.1.14.27)

सप्त स्वसारस्तत्पत्न्यो मातुलान्यः सहात्मजाः । आसते सस्नुषाः क्षेमं देवकीप्रमुखाः स्वयम् ॥ २७ ॥

sapta sva-sāras tat-patnyo mātulānyaḥ sahātmajāḥ āsate sasnuṣāḥ kṣemaṁ devakī-pramukhāḥ svayam

His seven wives, all sisters to one another, together with my aunts and their sons and daughters-in-law — Devaki foremost among them — are they all faring well?

Verse 28 (bhagavata.1.14.28)

कच्चिद्राजाहुको जीवत्यसत्पुत्रोऽस्य चानुजः । हृदीकः ससुतोऽक्रूरो जयन्तगदसारणाः ॥ २८ ॥

kaccid rājāhuko jīvaty asat-putro ’sya cānujaḥ hṛdīkaḥ sasuto ’krūro jayanta-gada-sāraṇāḥ

Is King Ugrasena living well, and his younger brother, the father of the wicked one? And Hridika, together with his son, and Akrura, and Jayanta, Gada, and Sarana —

Verse 29 (bhagavata.1.14.29)

आसते कुशलं कच्चिद्ये च शत्रुजिदादयः । कच्चिदास्ते सुखं रामो भगवान् सात्वतां प्रभुः ॥ २९ ॥

āsate kuśalaṁ kaccid ye ca śatrujid-ādayaḥ kaccid āste sukhaṁ rāmo bhagavān sātvatāṁ prabhuḥ

— and Shatrujit and the rest — are they all well? And is Balarama himself, the Lord, sovereign of the Satvatas, living happily?

Verse 30 (bhagavata.1.14.30)

प्रद्युम्नः सर्ववृष्णीनां सुखमास्ते महारथः । गम्भीररयोऽनिरुद्धो वर्धते भगवानुत ॥ ३० ॥

pradyumnaḥ sarva-vṛṣṇīnāṁ sukham āste mahā-rathaḥ gambhīra-rayo ’niruddho vardhate bhagavān uta

Is Pradyumna, the great charioteer of all the Vrishnis, living happily? And is Aniruddha, of such deep and formidable power, that very portion of the Lord, flourishing?

Verse 31 (bhagavata.1.14.31)

सुषेणश्चारुदेष्णश्च साम्बो जाम्बवतीसुतः । अन्ये च कार्ष्णिप्रवराः सपुत्रा ऋषभादयः ॥ ३१ ॥

suṣeṇaś cārudeṣṇaś ca sāmbo jāmbavatī-sutaḥ anye ca kārṣṇi-pravarāḥ saputrā ṛṣabhādayaḥ

And Sushena, and Charudeshna, and Samba, the son of Jambavati, and the other foremost sons of Krishna, Rishabha among them, together with their own sons —

Verse 32 (bhagavata.1.14.32)

तथैवानुचराः शौरेः श्रुतदेवोद्धवादयः । सुनन्दनन्दशीर्षण्या ये चान्ये सात्वतर्षभाः ॥ ३२ ॥

tathaivānucarāḥ śaureḥ śrutadevoddhavādayaḥ sunanda-nanda-śīrṣaṇyā ye cānye sātvatarṣabhāḥ

— and likewise the followers of Krishna — Shrutadeva, Uddhava and the rest, Sunanda and Nanda foremost among them, and the other chiefs of the Satvatas —

Verse 33 (bhagavata.1.14.33)

अपि स्वस्त्यासते सर्वे रामकृष्णभुजाश्रयाः । अपि स्मरन्ति कुशलमस्माकं बद्धसौहृदाः ॥ ३३ ॥

api svasty āsate sarve rāma-kṛṣṇa-bhujāśrayāḥ api smaranti kuśalam asmākaṁ baddha-sauhṛdāḥ

— are all of these, who take shelter in the arms of Rama and Krishna, faring well? And do they, bound to us in true friendship, still keep our welfare in their thoughts?

Verse 34 (bhagavata.1.14.34)

भगवानपि गोविन्दो ब्रह्मण्यो भक्तवत्सलः । कच्चित्पुरे सुधर्मायां सुखमास्ते सुहृद्वृतः ॥ ३४ ॥

bhagavān api govindo brahmaṇyo bhakta-vatsalaḥ kaccit pure sudharmāyāṁ sukham āste suhṛd-vṛtaḥ

And the Lord himself, Govinda, the brahmins' friend, tender toward his devotees — is he dwelling happily in the city of Sudharma, surrounded by his own well-wishers?

Verse 35 (bhagavata.1.14.35)

मङ्गलाय च लोकानां क्षेमाय च भवाय च । आस्ते यदुकुलाम्भोधावाद्योऽनन्तसखः पुमान् ॥ ३५ ॥

maṅgalāya ca lokānāṁ kṣemāya ca bhavāya ca āste yadu-kulāmbhodhāv ādyo ’nanta-sakhaḥ pumān

For the welfare of all the worlds, for their protection, and for their well-being, that primeval Person — whose own companion is the infinite Ananta — dwells within the ocean of the Yadu dynasty.

Verse 36 (bhagavata.1.14.36)

यद्बाहुदण्डगुप्तायां स्वपुर्यां यदवोऽर्चिताः । क्रीडन्ति परमानन्दं महापौरुषिका इव ॥ ३६ ॥

yad bāhu-daṇḍa-guptāyāṁ sva-puryāṁ yadavo ’rcitāḥ krīḍanti paramānandaṁ mahā-pauruṣikā iva

In their own city, guarded by the strength of his mighty arm, the honored Yadus take their pleasure in supreme delight, as though they themselves were beings of some higher, more exalted world.

Verse 37 (bhagavata.1.14.37)

यत्पादशुश्रूषणमुख्यकर्मणा सत्यादयो द्व्यष्टसहस्रयोषितः । निर्जित्य सङ्ख्ये त्रिदशांस्तदाशिषो हरन्ति वज्रायुधवल्लभोचिताः ॥ ३७ ॥

yat-pāda-śuśrūṣaṇa-mukhya-karmaṇā satyādayo dvy-aṣṭa-sahasra-yoṣitaḥ nirjitya saṅkhye tri-daśāṁs tad-āśiṣo haranti vajrāyudha-vallabhocitāḥ

Through the foremost of all service — the tending of his feet — Satyabhama and his sixteen thousand other wives, having through him overcome even the gods in battle, now claim blessings that were once the sole right of the thunderbolt-wielder's own beloved queen.

Verse 38 (bhagavata.1.14.38)

यद्बाहुदण्डाभ्युदयानुजीविनो यदुप्रवीरा ह्यकुतोभया मुहुः । अधिक्रमन्त्यङ्घ्रिभिराहृतां बलात् सभां सुधर्मां सुरसत्तमोचिताम् ॥ ३८ ॥

yad bāhu-daṇḍābhyudayānujīvino yadu-pravīrā hy akutobhayā muhuḥ adhikramanty aṅghribhir āhṛtāṁ balāt sabhāṁ sudharmāṁ sura-sattamocitām

The great heroes of the Yadus, forever thriving under the rising strength of his mighty arm, wholly fearless, walk with their own feet upon the assembly hall Sudharma — that very hall, fit for the finest of the gods, once carried off by force for their sake.

Verse 39 (bhagavata.1.14.39)

कच्चित्तेऽनामयं तात भ्रष्टतेजा विभासि मे । अलब्धमानोऽवज्ञातः किं वा तात चिरोषितः ॥ ३९ ॥

kaccit te ’nāmayaṁ tāta bhraṣṭa-tejā vibhāsi me alabdha-māno ’vajñātaḥ kiṁ vā tāta ciroṣitaḥ

Tell me, brother, is all well with you? You stand before me stripped of your old radiance. Has someone denied you due honor, or treated you with contempt? Or, brother, is it simply your long time away that weighs on you?

Verse 40 (bhagavata.1.14.40)

कच्चिन्नाभिहतोऽभावैः शब्दादिभिरमङ्गलैः । न दत्तमुक्तमर्थिभ्य आशया यत्प्रतिश्रुतम् ॥ ४० ॥

kaccin nābhihato ’bhāvaiḥ śabdādibhir amaṅgalaiḥ na dattam uktam arthibhya āśayā yat pratiśrutam

Were you not struck by unfriendly words, or by some other inauspicious sign? Did you fail to give to one who asked, or fail to keep a promise you had once given in good faith?

Verse 41 (bhagavata.1.14.41)

कच्चित्त्वं ब्राह्मणं बालं गां वृद्धं रोगिणं स्त्रियम् । शरणोपसृतं सत्त्वं नात्याक्षीः शरणप्रदः ॥ ४१ ॥

kaccit tvaṁ brāhmaṇaṁ bālaṁ gāṁ vṛddhaṁ rogiṇaṁ striyam śaraṇopasṛtaṁ sattvaṁ nātyākṣīḥ śaraṇa-pradaḥ

You, who are ever the giver of shelter — did you fail to protect any worthy being who came to you seeking refuge — a brahmin, a child, a cow, an elder, the sick, or a woman?

Verse 42 (bhagavata.1.14.42)

कच्चित्त्वं नागमोऽगम्यां गम्यां वासत्कृतां स्त्रियम् । पराजितो वाथ भवान्नोत्तमैर्नासमैः पथि ॥ ४२ ॥

kaccit tvaṁ nāgamo ’gamyāṁ gamyāṁ vāsat-kṛtāṁ striyam parājito vātha bhavān nottamair nāsamaiḥ pathi

Did you, by chance, approach some woman who was not fit to be approached, or fail to honor one who was? Or were you perhaps defeated on the road by someone who was neither your better nor even your equal?

Verse 43 (bhagavata.1.14.43)

अपि स्वित्पर्यभुङ्क्थास्त्वं सम्भोज्यान् वृद्धबालकान् । जुगुप्सितं कर्म किञ्चित्कृतवान्न यदक्षमम् ॥ ४३ ॥

api svit parya-bhuṅkthās tvaṁ sambhojyān vṛddha-bālakān jugupsitaṁ karma kiñcit kṛtavān na yad akṣamam

Or did you perhaps eat by yourself, leaving out the elders and children who deserved to share the meal with you? Have you, by any chance, done something shameful, something unworthy of you?

Verse 44 (bhagavata.1.14.44)

कच्चित् प्रेष्ठतमेनाथ हृदयेनात्मबन्धुना । शून्योऽस्मि रहितो नित्यं मन्यसे तेऽन्यथा न रुक् ॥ ४४ ॥

kaccit preṣṭhatamenātha hṛdayenātma-bandhunā śūnyo ’smi rahito nityaṁ manyase te ’nyathā na ruk

Or is it, perhaps, that you feel yourself entirely empty, forever bereft of him who was your dearest heart, your own soul's truest kinsman? I can think of no other reason for this grief of yours.