Conversation Between Manu and Kardama

Verse 1 (bhagavata.3.21.1)

विदुर उवाच स्वायम्भुवस्य च मनोर्वंशः परमसम्मतः । कथ्यतां भगवन् यत्र मैथुनेनैधिरे प्रजाः ॥ १ ॥

vidura uvāca svāyambhuvasya ca manor vaṁśaḥ parama-sammataḥ kathyatāṁ bhagavan yatra maithunenaidhire prajāḥ

Vidura said: O worshipful sage, the lineage of Svayambhuva Manu is held in the highest regard, in which offspring increased through sexual union; kindly describe it to me.

Verse 2 (bhagavata.3.21.2)

प्रियव्रतोत्तानपादौ सुतौ स्वायम्भुवस्य वै । यथाधर्मं जुगुपतुः सप्तद्वीपवतीं महीम् ॥ २ ॥

priyavratottānapādau sutau svāyambhuvasya vai yathā-dharmaṁ jugupatuḥ sapta-dvīpavatīṁ mahīm

Priyavrata and Uttanapada, the two sons of Svayambhuva, ruled the earth of its seven continents in accordance with dharma.

Verse 3 (bhagavata.3.21.3)

तस्य वै दुहिता ब्रह्मन्देवहूतीति विश्रुता । पत्नी प्रजापतेरुक्ता कर्दमस्य त्वयानघ ॥ ३ ॥

tasya vai duhitā brahman devahūtīti viśrutā patnī prajāpater uktā kardamasya tvayānagha

His daughter, O brahmana, known by the name Devahuti, has, O sinless one, been spoken of by you as the wife of the Prajapati Kardama.

Verse 4 (bhagavata.3.21.4)

तस्यां स वै महायोगी युक्तायां योगलक्षणैः । ससर्ज कतिधा वीर्यं तन्मे शुश्रूषवे वद ॥ ४ ॥

tasyāṁ sa vai mahā-yogī yuktāyāṁ yoga-lakṣaṇaiḥ sasarja katidhā vīryaṁ tan me śuśrūṣave vada

In her, who was endowed with all the marks of yogic perfection, how many times did that great yogi beget offspring? Tell me this, for I long to hear it.

Verse 5 (bhagavata.3.21.5)

रुचिर्यो भगवान् ब्रह्मन्दक्षो वा ब्रह्मणः सुतः । यथा ससर्ज भूतानि लब्ध्वा भार्यां च मानवीम् ॥ ५ ॥

rucir yo bhagavān brahman dakṣo vā brahmaṇaḥ sutaḥ yathā sasarja bhūtāni labdhvā bhāryāṁ ca mānavīm

O brahmana, tell me too how the worshipful Ruchi and Daksha, son of Brahma, having taken Manu's other daughters as their wives, begot their offspring.

Verse 6 (bhagavata.3.21.6)

मैत्रेय उवाच प्रजाः सृजेति भगवान् कर्दमो ब्रह्मणोदितः । सरस्वत्यां तपस्तेपे सहस्राणां समा दश ॥ ६ ॥

maitreya uvāca prajāḥ sṛjeti bhagavān kardamo brahmaṇoditaḥ sarasvatyāṁ tapas tepe sahasrāṇāṁ samā daśa

Maitreya said: Commanded by Brahma, 'Beget offspring,' the worshipful Kardama practiced austerity on the bank of the Sarasvati for ten thousand years.

Verse 7 (bhagavata.3.21.7)

ततः समाधियुक्तेन क्रियायोगेन कर्दमः । सम्प्रपेदे हरिं भक्त्या प्रपन्नवरदाशुषम् ॥ ७ ॥

tataḥ samādhi-yuktena kriyā-yogena kardamaḥ samprapede hariṁ bhaktyā prapanna-varadāśuṣam

Then, through disciplined devotional practice joined with deep trance, Kardama, with devotion, took full shelter of Hari, the swift bestower of boons upon those who surrender to Him.

Verse 8 (bhagavata.3.21.8)

तावत्प्रसन्नो भगवान् पुष्कराक्षः कृते युगे । दर्शयामास तं क्षत्तः शाब्दं ब्रह्म दधद्वपुः ॥ ८ ॥

tāvat prasanno bhagavān puṣkarākṣaḥ kṛte yuge darśayām āsa taṁ kṣattaḥ śābdaṁ brahma dadhad vapuḥ

Then, in the Satya-yuga, O Kshatta, the lotus-eyed Lord, pleased with him, revealed Himself, bearing that form known only through the sound of the Veda.

Verse 9 (bhagavata.3.21.9)

स तं विरजमर्काभं सितपद्मोत्पलस्रजम् । स्निग्धनीलालकव्रातवक्त्राब्जं विरजोऽम्बरम् ॥ ९ ॥

sa taṁ virajam arkābhaṁ sita-padmotpala-srajam snigdha-nīlālaka-vrāta- vaktrābjaṁ virajo ’mbaram

He beheld Him: spotless, radiant as the sun, garlanded with white lotuses and lilies, His lotus face framed by glossy, dark curling locks, and clothed in immaculate raiment.

Verse 10 (bhagavata.3.21.10)

किरीटिनं कुण्डलिनं शङ्खचक्रगदाधरम् । श्वेतोत्पलक्रीडनकं मनःस्पर्शस्मितेक्षणम् ॥ १० ॥

kirīṭinaṁ kuṇḍalinaṁ śaṅkha-cakra-gadā-dharam śvetotpala-krīḍanakaṁ manaḥ-sparśa-smitekṣaṇam

Crowned, adorned with earrings, holding conch, discus, and mace, a white lotus flower for His plaything, His smiling glance touching the very heart.

Verse 11 (bhagavata.3.21.11)

विन्यस्तचरणाम्भोजमंसदेशे गरुत्मतः । दृष्ट्वा खेऽवस्थितं वक्षःश्रियं कौस्तुभकन्धरम् ॥ ११ ॥

vinyasta-caraṇāmbhojam aṁsa-deśe garutmataḥ dṛṣṭvā khe ’vasthitaṁ vakṣaḥ- śriyaṁ kaustubha-kandharam

He saw Him standing there in the sky, His lotus feet resting upon Garuda's shoulders, His chest radiant with splendor, the Kaustubha jewel gleaming at His throat.

Verse 12 (bhagavata.3.21.12)

जातहर्षोऽपतन्मूर्ध्ना क्षितौ लब्धमनोरथः । गीर्भिस्त्वभ्यगृणात्प्रीतिस्वभावात्मा कृताञ्जलिः ॥ १२ ॥

jāta-harṣo ’patan mūrdhnā kṣitau labdha-manorathaḥ gīrbhis tv abhyagṛṇāt prīti- svabhāvātmā kṛtāñjaliḥ

Overcome with joy, his heart's desire now fulfilled, he fell to the ground, his head bowed low; and, his very being brimming with love, he praised Him aloud, hands folded in reverence.

Verse 13 (bhagavata.3.21.13)

ऋषिरुवाच जुष्टं बताद्याखिलसत्त्वराशेः सांसिद्ध्यमक्ष्णोस्तव दर्शनान्नः । यद्दर्शनं जन्मभिरीड्य सद्भि- राशासते योगिनो रूढयोगाः ॥ १३ ॥

ṛṣir uvāca juṣṭaṁ batādyākhila-sattva-rāśeḥ sāṁsiddhyam akṣṇos tava darśanān naḥ yad-darśanaṁ janmabhir īḍya sadbhir āśāsate yogino rūḍha-yogāḥ

The sage said: Ah, this very day the complete fulfillment of my eyes has come, in beholding You, O worshipful one, the reservoir of all existence, a sight that even accomplished yogis, perfected through many meritorious births, still long to attain.

Verse 14 (bhagavata.3.21.14)

ये मायया ते हतमेधसस्त्वत्- पादारविन्दं भवसिन्धुपोतम् । उपासते कामलवाय तेषां रासीश कामान्निरयेऽपि ये स्युः ॥ १४ ॥

ye māyayā te hata-medhasas tvat- pādāravindaṁ bhava-sindhu-potam upāsate kāma-lavāya teṣāṁ rāsīśa kāmān niraye ’pi ye syuḥ

Those whose intelligence has been stolen away by Your maya worship Your lotus feet, the very vessel that carries one across the ocean of worldly existence, only for some trifling pleasure, yet even that pleasure, obtainable even in hell, You Yourself grant them, O Lord.

Verse 15 (bhagavata.3.21.15)

तथा स चाहं परिवोढुकामः समानशीलां गृहमेधधेनुम् । उपेयिवान्मूलमशेषमूलं दुराशयः कामदुघाङ्घ्रिपस्य ॥ १५ ॥

tathā sa cāhaṁ parivoḍhu-kāmaḥ samāna-śīlāṁ gṛhamedha-dhenum upeyivān mūlam aśeṣa-mūlaṁ durāśayaḥ kāma-dughāṅghripasya

And so I too, desiring a wife of similar temperament, a veritable cow of plenty for householder life, driven by this unworthy longing, have come to the root of all roots, Your feet, which are like a wish-fulfilling tree.

Verse 16 (bhagavata.3.21.16)

प्रजापतेस्ते वचसाधीश तन्त्या लोकः किलायं कामहतोऽनुबद्धः । अहं च लोकानुगतो वहामि बलिं च शुक्लानिमिषाय तुभ्यम् ॥ १६ ॥

prajāpates te vacasādhīśa tantyā lokaḥ kilāyaṁ kāma-hato ’nubaddhaḥ ahaṁ ca lokānugato vahāmi baliṁ ca śuklānimiṣāya tubhyam

O Lord, by the rope of Your own word as Prajapati, this entire world, bound by desire, follows along; and I too, following the world, offer my oblation to You, O spotless one, O unwinking time itself.

Verse 17 (bhagavata.3.21.17)

लोकांश्च लोकानुगतान् पशूंश्च हित्वा श्रितास्ते चरणातपत्रम् । परस्परं त्वद्गुणवादसीधु- पीयूषनिर्यापितदेहधर्माः ॥ १७ ॥

lokāṁś ca lokānugatān paśūṁś ca hitvā śritās te caraṇātapatram parasparaṁ tvad-guṇa-vāda-sīdhu- pīyūṣa-niryāpita-deha-dharmāḥ

But those who, forsaking worldly life and its beast-like followers, have taken refuge beneath the umbrella of Your feet, their very bodily necessities dissolve away in the intoxicating nectar of discussing Your qualities among themselves.

Verse 18 (bhagavata.3.21.18)

न तेऽजराक्षभ्रमिरायुरेषां त्रयोदशारं त्रिशतं षष्टिपर्व । षण्नेम्यनन्तच्छदि यत्त्रिणाभि करालस्रोतो जगदाच्छिद्य धावत् ॥ १८ ॥

na te ’jarākṣa-bhramir āyur eṣāṁ trayodaśāraṁ tri-śataṁ ṣaṣṭi-parva ṣaṇ-nemy ananta-cchadi yat tri-ṇābhi karāla-sroto jagad ācchidya dhāvat

That wheel, turning upon an imperishable axle, its thirteen spokes, its three hundred and sixty joints, its six rims, its countless leaves, and its three hubs, which runs on with terrible force, cutting through the universe as it goes, does not diminish the lifespan of Your devotees.

Verse 19 (bhagavata.3.21.19)

एकः स्वयं सञ्जगतः सिसृक्षया- द्वितीययात्मन्नधियोगमायया । सृजस्यदः पासि पुनर्ग्रसिष्यसे यथोर्णनाभिर्भगवन् स्वशक्तिभिः ॥ १९ ॥

ekaḥ svayaṁ sañ jagataḥ sisṛkṣayā- dvitīyayātmann adhi-yogamāyayā sṛjasy adaḥ pāsi punar grasiṣyase yathorṇa-nābhir bhagavan sva-śaktibhiḥ

Being one alone, yet through the wish to create, ruling Yourself by that second power within You, Your own yogamaya, You create these worlds, sustain them, and then draw them back into Yourself again, O Lord, by Your own powers, just as a spider spins and reabsorbs its web.

Verse 20 (bhagavata.3.21.20)

नैतद्बताधीश पदं तवेप्सितं यन्मायया नस्तनुषे भूतसूक्ष्मम् । अनुग्रहायास्त्वपि यर्ही मायया लसत्तुलस्या भगवान् विलक्षितः ॥ २० ॥

naitad batādhīśa padaṁ tavepsitaṁ yan māyayā nas tanuṣe bhūta-sūkṣmam anugrahāyāstv api yarhi māyayā lasat-tulasyā bhagavān vilakṣitaḥ

This world of gross and subtle elements, which You manifest for us through Your maya, is not truly Your own desire, O Lord; yet may it become, all the same, a vehicle of Your grace, for it is through that same maya that You, O Lord, are perceived by us, adorned with radiant tulasi.

Verse 21 (bhagavata.3.21.21)

तं त्वानुभूत्योपरतक्रियार्थं स्वमायया वर्तितलोकतन्त्रम् । नमाम्यभीक्ष्णं नमनीयपाद- सरोजमल्पीयसि कामवर्षम् ॥ २१ ॥

taṁ tvānubhūtyoparata-kriyārthaṁ sva-māyayā vartita-loka-tantram namāmy abhīkṣṇaṁ namanīya-pāda- sarojam alpīyasi kāma-varṣam

Again and again I bow to You, whose lotus feet deserve all reverence, who through Your own maya have set the worlds' machinery in motion so that fruitive action might cease through realization of You, and who shower desires even upon the most insignificant of beings.

Verse 22 (bhagavata.3.21.22)

ऋषिरुवाच इत्यव्यलीकं प्रणुतोऽब्जनाभ- स्तमाबभाषे वचसामृतेन । सुपर्णपक्षोपरि रोचमानः प्रेमस्मितोद्वीक्षणविभ्रमद्भ्रूः ॥ २२ ॥

ṛṣir uvāca ity avyalīkaṁ praṇuto ’bja-nābhas tam ābabhāṣe vacasāmṛtena suparṇa-pakṣopari rocamānaḥ prema-smitodvīkṣaṇa-vibhramad-bhrūḥ

The sage said: Thus sincerely praised, the lotus-naveled Lord, radiant upon the wings of Garuda, His eyebrows moving gracefully as He gazed with a loving smile, replied to him in words sweet as nectar.

Verse 23 (bhagavata.3.21.23)

श्रीभगवानुवाच विदित्वा तव चैत्यं मे पुरैव समयोजि तत् । यदर्थमात्मनियमैस्त्वयैवाहं समर्चितः ॥ २३ ॥

śrī-bhagavān uvāca viditvā tava caityaṁ me puraiva samayoji tat yad-artham ātma-niyamais tvayaivāhaṁ samarcitaḥ

The Lord said: Knowing what was in your heart, I have already arranged that very thing for which you, through your own self-discipline, have worshiped Me.

Verse 24 (bhagavata.3.21.24)

न वै जातु मृषैव स्यात्प्रजाध्यक्ष मदर्हणम् । भवद्विधेष्वतितरां मयि संगृभितात्मनाम् ॥ २४ ॥

na vai jātu mṛṣaiva syāt prajādhyakṣa mad-arhaṇam bhavad-vidheṣv atitarāṁ mayi saṅgṛbhitātmanām

O lord of created beings, worship offered to Me is never in vain, above all for those such as yourself, whose minds are wholly given over to Me.

Verse 25 (bhagavata.3.21.25)

प्रजापतिसुतः सम्राण्मनुर्विख्यातमङ्गलः । ब्रह्मावर्तं योऽधिवसन् शास्ति सप्तार्णवां महीम् ॥ २५ ॥

prajāpati-sutaḥ samrāṇ manur vikhyāta-maṅgalaḥ brahmāvartaṁ yo ’dhivasan śāsti saptārṇavāṁ mahīm

The son of the Prajapati Brahma, the emperor Manu, renowned for his righteous deeds, who dwells in Brahmavarta, rules over the earth with its seven seas.

Verse 26 (bhagavata.3.21.26)

स चेह विप्र राजर्षिर्महिष्या शतरूपया । आयास्यति दिदृक्षुस्त्वां परश्वो धर्मकोविदः ॥ २६ ॥

sa ceha vipra rājarṣir mahiṣyā śatarūpayā āyāsyati didṛkṣus tvāṁ paraśvo dharma-kovidaḥ

That royal sage, O brahmana, so accomplished in dharma, will arrive here the day after tomorrow with his queen Shatarupa, wishing to see you.

Verse 27 (bhagavata.3.21.27)

आत्मजामसितापाङ्गीं वयःशीलगुणान्विताम् । मृगयन्तीं पतिं दास्यत्यनुरूपाय ते प्रभो ॥ २७ ॥

ātmajām asitāpāṅgīṁ vayaḥ-śīla-guṇānvitām mṛgayantīṁ patiṁ dāsyaty anurūpāya te prabho

His daughter, dark-eyed, of ripened age, endowed with fine character and every good quality, seeking a husband, he will give to you, O lord, seeing you as her fitting match.

Verse 28 (bhagavata.3.21.28)

समाहितं ते हृदयं यत्रेमान् परिवत्सरान् । सा त्वां ब्रह्मन्नृपवधूः काममाशु भजिष्यति ॥ २८ ॥

samāhitaṁ te hṛdayaṁ yatremān parivatsarān sā tvāṁ brahman nṛpa-vadhūḥ kāmam āśu bhajiṣyati

O brahmana, she on whom your heart has been fixed all these years, that royal maiden will very soon give herself to you, just as you have longed for.

Verse 29 (bhagavata.3.21.29)

या त आत्मभृतं वीर्यं नवधा प्रसविष्यति । वीर्ये त्वदीये ऋषय आधास्यन्त्यञ्जसात्मनः ॥ २९ ॥

yā ta ātma-bhṛtaṁ vīryaṁ navadhā prasaviṣyati vīrye tvadīye ṛṣaya ādhāsyanty añjasātmanaḥ

She, bearing the seed you have sown within her, will bring forth offspring nine times over; and in those daughters you beget, sages in turn will beget their own children.

Verse 30 (bhagavata.3.21.30)

त्वं च सम्यगनुष्ठाय निदेशं म उशत्तमः । मयि तीर्थीकृताशेषक्रियार्थो मां प्रपत्स्यसे ॥ ३० ॥

tvaṁ ca samyag anuṣṭhāya nideśaṁ ma uśattamaḥ mayi tīrthī-kṛtāśeṣa- kriyārtho māṁ prapatsyase

And you, having faithfully carried out My command, purified to the utmost, offering the fruits of all your actions unto Me as into sacred waters, will in the end attain to Me.

Verse 31 (bhagavata.3.21.31)

कृत्वा दयां च जीवेषु दत्त्वा चाभयमात्मवान् । मय्यात्मानं सह जगद् द्रक्ष्यस्यात्मनि चापि माम् ॥ ३१ ॥

kṛtvā dayāṁ ca jīveṣu dattvā cābhayam ātmavān mayy ātmānaṁ saha jagad drakṣyasy ātmani cāpi mām

Showing compassion to all living beings, granting them freedom from fear, having realized your own self, you will see your own self and the whole universe within Me, and Me as well within yourself.

Verse 32 (bhagavata.3.21.32)

सहाहं स्वांशकलया त्वद्वीर्येण महामुने । तव क्षेत्रे देवहूत्यां प्रणेष्ये तत्त्वसंहिताम् ॥ ३२ ॥

sahāhaṁ svāṁśa-kalayā tvad-vīryeṇa mahā-mune tava kṣetre devahūtyāṁ praṇeṣye tattva-saṁhitām

O great sage, I Myself, together with a portion of My own plenary expansion, through your very seed, will take birth in your wife Devahuti, and there impart the doctrine of the ultimate principles.

Verse 33 (bhagavata.3.21.33)

मैत्रेय उवाच एवं तमनुभाष्याथ भगवान् प्रत्यगक्षजः । जगाम बिन्दुसरसः सरस्वत्या परिश्रितात् ॥ ३३ ॥

maitreya uvāca evaṁ tam anubhāṣyātha bhagavān pratyag-akṣajaḥ jagāma bindusarasaḥ sarasvatyā pariśritāt

Maitreya said: Having spoken thus to him, the Lord, who reveals Himself to senses turned inward, departed from Bindu-sarovara, that lake encircled by the Sarasvati.

Verse 34 (bhagavata.3.21.34)

निरीक्षतस्तस्य ययावशेष- सिद्धेश्वराभिष्टुतसिद्धमार्गः । आकर्णयन् पत्ररथेन्द्रपक्षै- रुच्चारितं स्तोममुदीर्णसाम ॥ ३४ ॥

nirīkṣatas tasya yayāv aśeṣa- siddheśvarābhiṣṭuta-siddha-mārgaḥ ākarṇayan patra-rathendra-pakṣair uccāritaṁ stomam udīrṇa-sāma

As he watched, the Lord departed along that path of perfection, praised by all the masters of the perfected souls, listening to the exalted chant of the Sama arising from the beating wings of Garuda, king of birds.

Verse 35 (bhagavata.3.21.35)

अथ सम्प्रस्थिते शुक्ले कर्दमो भगवानृषिः । आस्ते स्म बिन्दुसरसि तं कालं प्रतिपालयन् ॥ ३५ ॥

atha samprasthite śukle kardamo bhagavān ṛṣiḥ āste sma bindusarasi taṁ kālaṁ pratipālayan

Then, after the pure Lord had departed, the worshipful sage Kardama remained there at Bindu-sarovara, awaiting the appointed time.

Verse 36 (bhagavata.3.21.36)

मनुः स्यन्दनमास्थाय शातकौम्भपरिच्छदम् । आरोप्य स्वां दुहितरं सभार्यः पर्यटन्महीम् ॥ ३६ ॥

manuḥ syandanam āsthāya śātakaumbha-paricchadam āropya svāṁ duhitaraṁ sa-bhāryaḥ paryaṭan mahīm

Manu, mounting a chariot adorned with gold, and placing his own daughter upon it, journeyed over the earth together with his queen.

Verse 37 (bhagavata.3.21.37)

तस्मिन् सुधन्वन्नहनि भगवान् यत्समादिशत् । उपायादाश्रमपदं मुनेः शान्तव्रतस्य तत् ॥ ३७ ॥

tasmin sudhanvann ahani bhagavān yat samādiśat upāyād āśrama-padaṁ muneḥ śānta-vratasya tat

O great bowman Vidura, on that very day appointed by the Lord, he arrived at the hermitage of the sage, whose vow of austerity had just reached its peaceful completion.

Verse 38 (bhagavata.3.21.38)

यस्मिन् भगवतो नेत्रान्न्यपतन्नश्रुबिन्दवः । कृपया सम्परीतस्य प्रपन्नेऽर्पितया भृशम् ॥ ३८ ॥

yasmin bhagavato netrān nyapatann aśru-bindavaḥ kṛpayā samparītasya prapanne ’rpitayā bhṛśam

It was into this lake that teardrops had fallen from the eyes of the Lord, who was overcome with compassion, so deeply given over to the surrendered soul.

Verse 39 (bhagavata.3.21.39)

तद्वै बिन्दुसरो नाम सरस्वत्या परिप्लुतम् । पुण्यं शिवामृतजलं महर्षिगणसेवितम् ॥ ३९ ॥

tad vai bindusaro nāma sarasvatyā pariplutam puṇyaṁ śivāmṛta-jalaṁ maharṣi-gaṇa-sevitam

That very lake, known as Bindu-sarovara, flooded with the waters of the Sarasvati, was holy, auspicious, its water sweet as nectar, and frequented by hosts of great sages.

Verse 40 (bhagavata.3.21.40)

पुण्यद्रुमलताजालैः कूजत्पुण्यमृगद्विजैः । सर्वर्तुफलपुष्पाढ्यं वनराजिश्रियान्वितम् ॥ ४० ॥

puṇya-druma-latā-jālaiḥ kūjat-puṇya-mṛga-dvijaiḥ sarvartu-phala-puṣpāḍhyaṁ vana-rāji-śriyānvitam

It was ringed about with clusters of sacred trees and vines, alive with the sounds of blessed birds and creatures, rich in the fruits and flowers of every season, and adorned with the beauty of forest groves.

Verse 41 (bhagavata.3.21.41)

मत्तद्विजगणैर्घुष्टं मत्तभ्रमरविभ्रमम् । मत्तबर्हिनटाटोपमाह्वयन्मत्तकोकिलम् ॥ ४१ ॥

matta-dvija-gaṇair ghuṣṭaṁ matta-bhramara-vibhramam matta-barhi-naṭāṭopam āhvayan-matta-kokilam

It resounded with the calls of joyous flocks of birds, alive with the wandering flight of intoxicated bees, filled with the proud dance of ecstatic peacocks, and echoing with koels calling to one another in delight.

Verse 42 (bhagavata.3.21.42)

कदम्बचम्पकाशोककरञ्जबकुलासनैः । कुन्दमन्दारकुटजैश्चूतपोतैरलङ्कृतम् ॥ ४२ ॥

kadamba-campakāśoka- karañja-bakulāsanaiḥ kunda-mandāra-kuṭajaiś cūta-potair alaṅkṛtam

It was adorned with kadamba, champaka, ashoka, karanja, bakula, and asana trees, and with kunda, mandara, and kutaja trees, along with young mango saplings.

Verse 43 (bhagavata.3.21.43)

कारण्डवैः प्लवैर्हंसैः कुररैर्जलकुक्कुटैः । सारसैश्चक्रवाकैश्च चकोरैर्वल्गु कूजितम् ॥ ४३ ॥

kāraṇḍavaiḥ plavair haṁsaiḥ kurarair jala-kukkuṭaiḥ sārasaiś cakravākaiś ca cakorair valgu kūjitam

It rang sweetly with the calls of karandava ducks, plavas, swans, ospreys, waterfowl, cranes, chakravaka birds, and chakoras.

Verse 44 (bhagavata.3.21.44)

तथैव हरिणैः क्रोडैः श्वाविद्गवयकुञ्जरैः । गोपुच्छैर्हरिभिर्मर्कैर्नकुलैर्नाभिभिर्वृतम् ॥ ४४ ॥

tathaiva hariṇaiḥ kroḍaiḥ śvāvid-gavaya-kuñjaraiḥ gopucchair haribhir markair nakulair nābhibhir vṛtam

And it was likewise surrounded by deer, wild boars, porcupines, gavayas, elephants, langurs, lions, monkeys, mongooses, and musk deer.

Verse 45 (bhagavata.3.21.45)

प्रविश्य तत्तीर्थवरमादिराजः सहात्मजः । ददर्श मुनिमासीनं तस्मिन् हुतहुताशनम् ॥ ४५ ॥

praviśya tat tīrtha-varam ādi-rājaḥ sahātmajaḥ dadarśa munim āsīnaṁ tasmin huta-hutāśanam

Entering that finest of holy places, together with his daughter, the first monarch Manu beheld the sage seated there, having just offered oblations into the sacred fire.

Verse 46 (bhagavata.3.21.46)

विद्योतमानं वपुषा तपस्युग्रयुजा चिरम् । नातिक्षामं भगवतः स्निग्धापाङ्गावलोकनात् । त द्वयहृतामृतकलापीयूषश्रवणेन च ॥ ४६ ॥

vidyotamānaṁ vapuṣā tapasy ugra-yujā ciram nātikṣāmaṁ bhagavataḥ snigdhāpāṅgāvalokanāt tad-vyāhṛtāmṛta-kalā- pīyūṣa-śravaṇena ca

Though he had long been engaged in the most severe austerity, his body still shone with radiance and had not wasted away at all, thanks to the Lord's loving, sidelong glance, and from having heard the moonlike nectar of His words.

Verse 47 (bhagavata.3.21.47)

प्रांशुं पद्मपलाशाक्षं जटिलं चीरवाससम् । उपसंश्रित्य मलिनं यथार्हणमसंस्कृतम् ॥ ४७ ॥

prāṁśuṁ padma-palāśākṣaṁ jaṭilaṁ cīra-vāsasam upasaṁśritya malinaṁ yathārhaṇam asaṁskṛtam

Manu approached him, tall, his eyes like lotus petals, his hair matted, clad in rags, and found him, as it were, like an unpolished gem, soiled with the dust of long austerity.

Verse 48 (bhagavata.3.21.48)

अथोटजमुपायातं नृदेवं प्रणतं पुरः । सपर्यया पर्यगृह्णात्प्रतिनन्द्यानुरूपया ॥ ४८ ॥

athoṭajam upāyātaṁ nṛdevaṁ praṇataṁ puraḥ saparyayā paryagṛhṇāt pratinandyānurūpayā

Then, seeing the god among men who had come to his hermitage and bowed before him, Kardama received him with due honor, greeting him warmly.

Verse 49 (bhagavata.3.21.49)

गृहीतार्हणमासीनं संयतं प्रीणयन्मुनिः । स्मरन् भगवदादेशमित्याह श्लक्ष्णया गिरा ॥ ४९ ॥

gṛhītārhaṇam āsīnaṁ saṁyataṁ prīṇayan muniḥ smaran bhagavad-ādeśam ity āha ślakṣṇayā girā

The sage, delighting the composed king who now sat there having received his hospitality, and recalling the Lord's own instruction, spoke to him in this gentle voice.

Verse 50 (bhagavata.3.21.50)

नूनं चङ्क्रमणं देव सतां संरक्षणाय ते । वधाय चासतां यस्त्वं हरेः शक्तिर्हि पालिनी ॥ ५० ॥

nūnaṁ caṅkramaṇaṁ deva satāṁ saṁrakṣaṇāya te vadhāya cāsatāṁ yas tvaṁ hareḥ śaktir hi pālinī

'O lord, surely this journey of yours is undertaken for the protection of the virtuous and the destruction of the wicked, for you yourself are the protecting power of Hari.'

Verse 51 (bhagavata.3.21.51)

योऽर्केन्द्वग्नीन्द्रवायूनां यमधर्मप्रचेतसाम् । रूपाणि स्थान आधत्से तस्मै शुक्लाय ते नमः ॥ ५१ ॥

yo ’rkendv-agnīndra-vāyūnāṁ yama-dharma-pracetasām rūpāṇi sthāna ādhatse tasmai śuklāya te namaḥ

'You who, as occasion demands, take on the forms of the sun, the moon, fire, Indra, Vayu, Yama, Dharma, and Varuna, to You, O pure one, I offer my obeisance.'

Verse 52 (bhagavata.3.21.52)

न यदा रथमास्थाय जैत्रं मणिगणार्पितम् । विस्फूर्जच्चण्डकोदण्डो रथेन त्रासयन्नघान् ॥ ५२ ॥

na yadā ratham āsthāya jaitraṁ maṇi-gaṇārpitam visphūrjac-caṇḍa-kodaṇḍo rathena trāsayann aghān

'If you did not mount your victorious, jewel-studded chariot, your fierce bow twanging, and thereby strike terror into evildoers,'

Verse 53 (bhagavata.3.21.53)

स्वसैन्यचरणक्षुण्णं वेपयन्मण्डलं भुवः । विकर्षन् बृहतीं सेनां पर्यटस्यंशुमानिव ॥ ५३ ॥

sva-sainya-caraṇa-kṣuṇṇaṁ vepayan maṇḍalaṁ bhuvaḥ vikarṣan bṛhatīṁ senāṁ paryaṭasy aṁśumān iva

'did you not journey about, the ground trembling beneath the trampling feet of your own army, leading a vast host like the radiant sun itself,'

Verse 54 (bhagavata.3.21.54)

तदैव सेतवः सर्वे वर्णाश्रमनिबन्धनाः । भगवद्रचिता राजन् भिद्येरन् बत दस्युभिः ॥ ५४ ॥

tadaiva setavaḥ sarve varṇāśrama-nibandhanāḥ bhagavad-racitā rājan bhidyeran bata dasyubhiḥ

'then indeed, O King, all the boundaries of varna and ashrama, established by the Lord Himself, would surely be shattered by rogues.'

Verse 55 (bhagavata.3.21.55)

अधर्मश्च समेधेत लोलुपैर्व्यङ्कुशैर्नृभिः । शयाने त्वयि लोकोऽयं दस्युग्रस्तो विनङ्क्ष्यति ॥ ५५ ॥

adharmaś ca samedheta lolupair vyaṅkuśair nṛbhiḥ śayāne tvayi loko ’yaṁ dasyu-grasto vinaṅkṣyati

'And unrighteousness would flourish among greedy, unrestrained men; were you to lie idle, this world, seized upon by rogues, would come to ruin.'

Verse 56 (bhagavata.3.21.56)

अथापि पृच्छे त्वां वीर यदर्थं त्वमिहागतः । तद्वयं निर्व्यलीकेन प्रतिपद्यामहे हृदा ॥ ५६ ॥

athāpi pṛcche tvāṁ vīra yad-arthaṁ tvam ihāgataḥ tad vayaṁ nirvyalīkena pratipadyāmahe hṛdā

'Even so, O valiant one, I ask you the purpose for which you have come here; whatever it may be, we shall accept it with a sincere and open heart.'