Brahma's Prayers for Creative Energy

Verse 1 (bhagavata.3.9.1)

ब्रह्मोवाच ज्ञातोऽसि मेऽद्य सुचिरान्ननु देहभाजां न ज्ञायते भगवतो गतिरित्यवद्यम् । नान्यत्त्वदस्ति भगवन्नपि तन्न शुद्धं मायागुणव्यतिकराद्यदुरुर्विभासि ॥ १ ॥

brahmovāca jñāto ’si me ’dya sucirān nanu deha-bhājāṁ na jñāyate bhagavato gatir ity avadyam nānyat tvad asti bhagavann api tan na śuddhaṁ māyā-guṇa-vyatikarād yad urur vibhāsi

Brahma said: O my Lord, after this long penance I have at last come to know You today; how unfortunate it is that embodied beings in general remain unable to know Your true nature. There exists nothing beyond You, and even what appears to be beyond You is not the pure Absolute, for it is only through the interplay of the modes of Your material energy that You, though immeasurable, become manifest.

Verse 2 (bhagavata.3.9.2)

रूपं यदेतदवबोधरसोदयेन शश्वन्निवृत्ततमसः सदनुग्रहाय । आदौ गृहीतमवतारशतैकबीजं यन्नाभिपद्मभवनादहमाविरासम् ॥ २ ॥

rūpaṁ yad etad avabodha-rasodayena śaśvan-nivṛtta-tamasaḥ sad-anugrahāya ādau gṛhītam avatāra-śataika-bījaṁ yan-nābhi-padma-bhavanād aham āvirāsam

This form, born of the manifestation of Your inner potency of consciousness, forever free from darkness and meant for the mercy of devotees, has from the beginning been accepted as the root-seed of a hundred incarnations; and it was from this very home of Your navel lotus that I myself was generated.

Verse 3 (bhagavata.3.9.3)

नातः परं परम यद्भवतः स्वरूप- मानन्दमात्रमविकल्पमविद्धवर्चः । पश्यामि विश्वसृजमेकमविश्वमात्मन् भूतेन्द्रियात्मकमदस्त उपाश्रितोऽस्मि ॥ ३ ॥

nātaḥ paraṁ parama yad bhavataḥ svarūpam ānanda-mātram avikalpam aviddha-varcaḥ paśyāmi viśva-sṛjam ekam aviśvam ātman bhūtendriyātmaka-madas ta upāśrito ’smi

O Supreme, beyond this true form of Yours there is nothing further; I see You not merely as unchanging, undiminished, impersonal bliss, but as the one creator of the universe, though Yourself not of that universe. O Supreme Self, I, who identify myself with this body and these senses, have taken shelter of You.

Verse 4 (bhagavata.3.9.4)

तद्वा इदं भुवनमङ्गल मङ्गलाय ध्याने स्म नो दर्शितं त उपासकानाम् । तस्मै नमो भगवतेऽनुविधेम तुभ्यं योऽनादृतो नरकभाग्भिरसत्प्रसङ्गैः ॥ ४ ॥

tad vā idaṁ bhuvana-maṅgala maṅgalāya dhyāne sma no darśitaṁ ta upāsakānām tasmai namo bhagavate ’nuvidhema tubhyaṁ yo ’nādṛto naraka-bhāgbhir asat-prasaṅgaiḥ

That very form of Yours, all-auspicious for all the worlds, has been shown to us, Your worshipers, in meditation, for our welfare. To that Personality of Godhead I offer my obeisances again and again — He whom those bound for hell, engrossed in worthless worldly talk, neglect.

Verse 5 (bhagavata.3.9.5)

ये तु त्वदीयचरणाम्बुजकोशगन्धं जिघ्रन्ति कर्णविवरैः श्रुतिवातनीतम् । भक्त्या गृहीतचरणः परया च तेषां नापैषि नाथ हृदयाम्बुरुहात्स्वपुंसाम् ॥ ५ ॥

ye tu tvadīya-caraṇāmbuja-kośa-gandhaṁ jighranti karṇa-vivaraiḥ śruti-vāta-nītam bhaktyā gṛhīta-caraṇaḥ parayā ca teṣāṁ nāpaiṣi nātha hṛdayāmburuhāt sva-puṁsām

Those who inhale, through the passage of their ears, the fragrance of the whorl of Your lotus feet carried on the breeze of Vedic sound, and who thus grasp Your feet with supreme devotion — from the lotus of their hearts, O Lord, You never depart.

Verse 6 (bhagavata.3.9.6)

तावद्भयं द्रविणदेहसुहृन्निमित्तं शोकः स्पृहा परिभवो विपुलश्च लोभः । तावन्ममेत्यसदवग्रह आर्तिमूलं यावन्न तेऽङ्घ्रिमभयं प्रवृणीत लोकः ॥ ६ ॥

tāvad bhayaṁ draviṇa-deha-suhṛn-nimittaṁ śokaḥ spṛhā paribhavo vipulaś ca lobhaḥ tāvan mamety asad-avagraha ārti-mūlaṁ yāvan na te ’ṅghrim abhayaṁ pravṛṇīta lokaḥ

So long as one does not take shelter of Your fearless feet, fear on account of wealth, body and kinsmen persists — grief, longing, humiliation and boundless greed; so long the false grasping of 'this is mine' remains the root of all affliction.

Verse 7 (bhagavata.3.9.7)

दैवेन ते हतधियो भवतः प्रसङ्गा- त्सर्वाशुभोपशमनाद्विमुखेन्द्रिया ये । कुर्वन्ति कामसुखलेशलवाय दीना लोभाभिभूतमनसोऽकुशलानि शश्वत् ॥ ७ ॥

daivena te hata-dhiyo bhavataḥ prasaṅgāt sarvāśubhopaśamanād vimukhendriyā ye kurvanti kāma-sukha-leśa-lavāya dīnā lobhābhibhūta-manaso ’kuśalāni śaśvat

Those unfortunate souls, bereft of understanding by fate, who turn their senses away from association with You — the very thing that curbs all inauspiciousness — perform, for the sake of some fleeting particle of sensory pleasure, wretched deeds always, their minds overwhelmed by greed.

Verse 8 (bhagavata.3.9.8)

क्षुत्तृट्त्रिधातुभिरिमा मुहुरर्द्यमानाः शीतोष्णवातवरषैरितरेतराच्च । कामाग्निनाच्युत रुषा च सुदुर्भरेण सम्पश्यतो मन उरुक्रम सीदते मे ॥ ८ ॥

kṣut-tṛṭ-tridhātubhir imā muhur ardyamānāḥ śītoṣṇa-vāta-varaṣair itaretarāc ca kāmāgninācyuta-ruṣā ca sudurbhareṇa sampaśyato mana urukrama sīdate me

O Urukrama, mighty actor — constantly tormented by hunger, thirst and the three bodily humors, by cold, heat, wind and rain and other mutual disturbances, and by the unbearable fire of lust and anger — seeing all this, my mind sinks into despondency.

Verse 9 (bhagavata.3.9.9)

यावत्पृथक्त्वमिदमात्मन इन्द्रियार्थ- मायाबलं भगवतो जन ईश पश्येत् । तावन्न संसृतिरसौ प्रतिसंक्रमेत व्यर्थापि दुःखनिवहं वहती क्रियार्था ॥ ९ ॥

yāvat pṛthaktvam idam ātmana indriyārtha- māyā-balaṁ bhagavato jana īśa paśyet tāvan na saṁsṛtir asau pratisaṅkrameta vyarthāpi duḥkha-nivahaṁ vahatī kriyārthā

As long as a person perceives this separateness — the illusory power of the Personality of Godhead operating through body and senses — so long, O Lord, this cycle of birth and death, though ultimately meaningless, does not turn back from him, bearing a multitude of sorrows for the sake of fruitive works.

Verse 10 (bhagavata.3.9.10)

अह्न्यापृतार्तकरणा निशि निःशयाना । नानामनोरथधिया क्षणभग्ननिद्राः । दैवाहतार्थरचना ऋषयोऽपि देव युष्मत्प्रसङ्गविमुखा इह संसरन्ति ॥ १० ॥

ahny āpṛtārta-karaṇā niśi niḥśayānā nānā-manoratha-dhiyā kṣaṇa-bhagna-nidrāḥ daivāhatārtha-racanā ṛṣayo ’pi deva yuṣmat-prasaṅga-vimukhā iha saṁsaranti

By day their senses engaged in distressing labor, by night lying sleepless, their sleep constantly broken by manifold mental speculation — even great sages, O Lord, their plans frustrated by fate, wander in this world so long as they remain averse to discourse on You.

Verse 11 (bhagavata.3.9.11)

त्वं भक्तियोगपरिभावितहृत्सरोज आस्से श्रुतेक्षितपथो ननु नाथ पुंसाम् । यद्यद्धिया त उरुगाय विभावयन्ति तत्तद्वपुः प्रणयसे सदनुग्रहाय ॥ ११ ॥

tvaṁ bhakti-yoga-paribhāvita-hṛt-saroja āsse śrutekṣita-patho nanu nātha puṁsām yad-yad-dhiyā ta urugāya vibhāvayanti tat-tad-vapuḥ praṇayase sad-anugrahāya

You reside upon the lotus of the heart of those wholly absorbed in devotional service, O Lord of Your devotees, upon the path first glimpsed through hearing; O multiglorious one, whatever form of Yours they contemplate with their intelligence, in that very form You manifest Yourself, to show them Your causeless mercy.

Verse 12 (bhagavata.3.9.12)

नातिप्रसीदति तथोपचितोपचारै- राराधितः सुरगणैर्हृदिबद्धकामैः । यत्सर्वभूतदययासदलभ्ययैको नानाजनेष्ववहितः सुहृदन्तरात्मा ॥ १२ ॥

nātiprasīdati tathopacitopacārair ārādhitaḥ sura-gaṇair hṛdi baddha-kāmaiḥ yat sarva-bhūta-dayayāsad-alabhyayaiko nānā-janeṣv avahitaḥ suhṛd antar-ātmā

He is not so pleased even when worshiped with elaborate paraphernalia by the celestial gods whose hearts are bound by material desire, as He is pleased by that which, out of compassion for all beings, He alone — unattainable by the nondevoted — dwelling as the well-wishing Supersoul within the hearts of the many living beings, perceives.

Verse 13 (bhagavata.3.9.13)

पुंसामतो विविधकर्मभिरध्वराद्यै- र्दानेन चोग्रतपसा परिचर्यया च । आराधनं भगवतस्तव सत्क्रियार्थो धर्मोऽर्पितः कर्हिचिद्म्रियते न यत्र ॥ १३ ॥

puṁsām ato vividha-karmabhir adhvarādyair dānena cogra-tapasā paricaryayā ca ārādhanaṁ bhagavatas tava sat-kriyārtho dharmo ’rpitaḥ karhicid mriyate na yatra

Therefore, whatever religious duty people offer — through various fruitive acts, Vedic sacrifices, charity, severe austerity or devoted service — for the sole purpose of pleasing You, that alone, O Lord, never perishes.

Verse 14 (bhagavata.3.9.14)

शश्वत्स्वरूपमहसैव निपीतभेद- मोहाय बोधधिषणाय नमः परस्मै । विश्वोद्भवस्थितिलयेषु निमित्तलीला- रासाय ते नम इदं चकृमेश्वराय ॥ १४ ॥

śaśvat svarūpa-mahasaiva nipīta-bheda- mohāya bodha-dhiṣaṇāya namaḥ parasmai viśvodbhava-sthiti-layeṣu nimitta-līlā- rāsāya te nama idaṁ cakṛmeśvarāya

Obeisances unto You, the Supreme, who by the very glory of Your own form have forever swallowed up the illusion of differentiation, and who possess perfect knowledge and intelligence; and this homage I offer unto You, O Lord, whose playful pastimes alone are the cause of the creation, maintenance and dissolution of the universe.

Verse 15 (bhagavata.3.9.15)

यस्यावतारगुणकर्मविडम्बनानि नामानि येऽसुविगमे विवशा गृणन्ति । तेऽनैकजन्मशमलं सहसैव हित्वा संयान्त्यपावृतामृतं तमजं प्रपद्ये ॥ १५ ॥

yasyāvatāra-guṇa-karma-viḍambanāni nāmāni ye ’su-vigame vivaśā gṛṇanti te ’naika-janma-śamalaṁ sahasaiva hitvā saṁyānty apāvṛtāmṛtaṁ tam ajaṁ prapadye

I take shelter of Him, the unborn one, whose incarnations, qualities, activities and names are all mysterious pastimes — those who, even helplessly, utter His names while quitting this life at once give up the accumulated sin of many births and attain the immortality whose gates stand open.

Verse 16 (bhagavata.3.9.16)

यो वा अहं च गिरिशश्च विभुः स्वयं च स्थित्युद्भवप्रलयहेतव आत्ममूलम् । भित्त्वा त्रिपाद्ववृध एक उरुप्ररोह- स्तस्मै नमो भगवते भुवनद्रुमाय ॥ १६ ॥

yo vā ahaṁ ca giriśaś ca vibhuḥ svayaṁ ca sthity-udbhava-pralaya-hetava ātma-mūlam bhittvā tri-pād vavṛdha eka uru-prarohas tasmai namo bhagavate bhuvana-drumāya

He who is Myself, and Giriśa (Śiva) too, and the Almighty (Viṣṇu) Himself — the three causes of maintenance, creation and dissolution — having pierced through, self-rooted, grew as one with three trunks and many vast branches: to that Personality of Godhead, the tree of the universe, I offer my obeisances.

Verse 17 (bhagavata.3.9.17)

लोको विकर्मनिरतः कुशले प्रमत्तः कर्मण्ययं त्वदुदिते भवदर्चने स्वे । यस्तावदस्य बलवानिह जीविताशां सद्यश्छिनत्त्यनिमिषाय नमोऽस्तु तस्मै ॥ १७ ॥

loko vikarma-nirataḥ kuśale pramattaḥ karmaṇy ayaṁ tvad-udite bhavad-arcane sve yas tāvad asya balavān iha jīvitāśāṁ sadyaś chinatty animiṣāya namo ’stu tasmai

People in general, engaged in improper acts, remain negligent of that beneficial work — the worship of You — which You Yourself have enjoined; unto Him who, mighty as He is, in an instant cuts short the hope for life of such people through unblinking time, my obeisances.

Verse 18 (bhagavata.3.9.18)

यस्माद्बिभेम्यहमपि द्विपरार्धधिष्ण्य- मध्यासितः सकललोकनमस्कृतं यत् । तेपे तपो बहुसवोऽवरुरुत्समान- स्तस्मै नमो भगवतेऽधिमखाय तुभ्यम् ॥ १८ ॥

yasmād bibhemy aham api dviparārdha-dhiṣṇyam adhyāsitaḥ sakala-loka-namaskṛtaṁ yat tepe tapo bahu-savo ’varurutsamānas tasmai namo bhagavate ’dhimakhāya tubhyam

He from whom I myself feel fear, though I am situated in a post lasting two parardhas and honored by all the worlds — desiring to attain Him, many performed penance for countless years; unto that Personality of Godhead, the enjoyer of all sacrifice, my obeisances unto You.

Verse 19 (bhagavata.3.9.19)

तिर्यङ्मनुष्यविबुधादिषु जीवयोनि- ष्वात्मेच्छयात्मकृतसेतुपरीप्सया यः । रेमे निरस्तविषयोऽप्यवरुद्धदेह- स्तस्मै नमो भगवते पुरुषोत्तमाय ॥ १९ ॥

tiryaṅ-manuṣya-vibudhādiṣu jīva-yoniṣv ātmecchayātma-kṛta-setu-parīpsayā yaḥ reme nirasta-viṣayo ’py avaruddha-dehas tasmai namo bhagavate puruṣottamāya

He who, by His own will, desiring to preserve the bounds He Himself has set, sports among the species of life — animals, humans and demigods alike — remaining, even while manifesting a body, untouched by material contamination and free of worldly attachment: unto that Personality of Godhead, the Supreme Person, my obeisances.

Verse 20 (bhagavata.3.9.20)

योऽविद्ययानुपहतोऽपि दशार्धवृत्त्या निद्रामुवाह जठरीकृतलोकयात्रः । अन्तर्जलेऽहिकशिपुस्पर्शानुकूलां भीमोर्मिमालिनि जनस्य सुखं विवृण्वन् ॥ २० ॥

yo ’vidyayānupahato ’pi daśārdha-vṛttyā nidrām uvāha jaṭharī-kṛta-loka-yātraḥ antar-jale ’hi-kaśipu-sparśānukūlāṁ bhīmormi-mālini janasya sukhaṁ vivṛṇvan

He who, though untouched by ignorance, accepted sleep through His five-fold interaction, sustaining the affairs of all worlds within His abdomen, while within the waters of dissolution showing the happiness comfortable to the touch of His serpent-bed amid the garland of terrible waves.

Verse 21 (bhagavata.3.9.21)

यन्नाभिपद्मभवनादहमासमीड्य लोकत्रयोपकरणो यदनुग्रहेण । तस्मै नमस्त उदरस्थभवाय योग- निद्रावसानविकसन्नलिनेक्षणाय ॥ २१ ॥

yan-nābhi-padma-bhavanād aham āsam īḍya loka-trayopakaraṇo yad-anugraheṇa tasmai namas ta udara-stha-bhavāya yoga- nidrāvasāna-vikasan-nalinekṣaṇāya

From whose navel-lotus home I, O worshipable one, was born, made the instrument for the creation of the three worlds by His mercy — unto Him I offer my obeisances, unto Him who lies within that abdomen, whose lotus eyes bloomed open at the close of His yogic sleep.

Verse 22 (bhagavata.3.9.22)

सोऽयं समस्तजगतां सुहृदेक आत्मा सत्त्वेन यन्मृडयते भगवान् भगेन । तेनैव मे दृशमनुस्पृशताद्यथाहं स्रक्ष्यामि पूर्ववदिदं प्रणतप्रियोऽसौ ॥ २२ ॥

so ’yaṁ samasta-jagatāṁ suhṛd eka ātmā sattvena yan mṛḍayate bhagavān bhagena tenaiva me dṛśam anuspṛśatād yathāhaṁ srakṣyāmi pūrvavad idaṁ praṇata-priyo ’sau

He, the Supersoul, the one friend of all the universes, who through the mode of goodness and His six opulences bestows happiness — may He, the Personality of Godhead, dear to the surrendered, touch my vision, so that I may again create this universe as before.

Verse 23 (bhagavata.3.9.23)

एष प्रपन्नवरदो रमयात्मशक्त्या यद्यत्करिष्यति गृहीतगुणावतारः । तस्मिन् स्वविक्रममिदं सृजतोऽपि चेतो युञ्जीत कर्मशमलं च यथा विजह्याम् ॥ २३ ॥

eṣa prapanna-varado ramayātma-śaktyā yad yat kariṣyati gṛhīta-guṇāvatāraḥ tasmin sva-vikramam idaṁ sṛjato ’pi ceto yuñjīta karma-śamalaṁ ca yathā vijahyām

May this Lord, who bestows boons upon the surrendered, who ever sports with His internal potency, and who accepts the incarnation of the mode of goodness for whatever He wills to do, engage my heart in Himself, so that even while creating this universe with His own might, I may set aside the taint of works.

Verse 24 (bhagavata.3.9.24)

नाभिहृदादिह सतोऽम्भसि यस्य पुंसो विज्ञानशक्तिरहमासमनन्तशक्तेः । रूपं विचित्रमिदमस्य विवृण्वतो मे मा रीरिषीष्ट निगमस्य गिरां विसर्गः ॥ २४ ॥

nābhi-hradād iha sato ’mbhasi yasya puṁso vijñāna-śaktir aham āsam ananta-śakteḥ rūpaṁ vicitram idam asya vivṛṇvato me mā rīriṣīṣṭa nigamasya girāṁ visargaḥ

I, the potency of the total universal knowledge, was born from the boundlessly powerful Personality of Godhead who lay in the waters upon this navel-lake in this millennium; as I now reveal His manifold and wondrous form, may this flow of Vedic speech not fail me.

Verse 25 (bhagavata.3.9.25)

सोऽसावदभ्रकरुणो भगवान् विवृद्ध- प्रेमस्मितेन नयनाम्बुरुहं विजृम्भन् । उत्थाय विश्वविजयाय च नो विषादं माध्व्या गिरापनयतात्पुरुषः पुराणः ॥ २५ ॥

so ’sāv adabhra-karuṇo bhagavān vivṛddha- prema-smitena nayanāmburuhaṁ vijṛmbhan utthāya viśva-vijayāya ca no viṣādaṁ mādhvyā girāpanayatāt puruṣaḥ purāṇaḥ

That same Lord, boundlessly merciful, the oldest of persons, opening His lotus eyes with a smile grown from deepest love, having risen for the flourishing of the universe — may He remove our despondency with His sweet words.

Verse 26 (bhagavata.3.9.26)

मैत्रेय उवाच स्वसम्भवं निशाम्यैवं तपोविद्यासमाधिभिः । यावन्मनोवचः स्तुत्वा विरराम स खिन्नवत् ॥ २६ ॥

maitreya uvāca sva-sambhavaṁ niśāmyaivaṁ tapo-vidyā-samādhibhiḥ yāvan mano-vacaḥ stutvā virarāma sa khinnavat

Maitreya said: Thus having beheld the source of his own appearance, Brahmā, having praised Him with penance, knowledge and meditation as far as his mind and words could reach, fell silent, as if exhausted.

Verse 27 (bhagavata.3.9.27)

अथाभिप्रेतमन्वीक्ष्य ब्रह्मणो मधुसूदनः । विषण्णचेतसं तेन कल्पव्यतिकराम्भसा ॥ २७ ॥

athābhipretam anvīkṣya brahmaṇo madhusūdanaḥ viṣaṇṇa-cetasaṁ tena kalpa-vyatikarāmbhasā

Thereupon, observing Brahmā's intention, Madhusūdana saw that his heart was made despondent by the devastating waters of the dissolution of the millennium, and that he was greatly distressed over his understanding of the arrangement of the worlds;

Verse 28 (bhagavata.3.9.28)

लोकसंस्थानविज्ञान आत्मनः परिखिद्यतः । तमाहागाधया वाचा कश्मलं शमयन्निव ॥ २८ ॥

loka-saṁsthāna-vijñāna ātmanaḥ parikhidyataḥ tam āhāgādhayā vācā kaśmalaṁ śamayann iva

and He then spoke to him in deep and unfathomable words, as if to calm the very impurity that troubled his mind.

Verse 29 (bhagavata.3.9.29)

श्रीभगवानुवाच मा वेदगर्भ गास्तन्द्रीं सर्ग उद्यममावह । तन्मयापादितं ह्यग्रे यन्मां प्रार्थयते भवान् ॥ २९ ॥

śrī-bhagavān uvāca mā veda-garbha gās tandrīṁ sarga udyamam āvaha tan mayāpāditaṁ hy agre yan māṁ prārthayate bhavān

The Personality of Godhead said: O womb of the Vedas, do not become weary; take up again the endeavor of creation, for that which you now beg of Me was already granted to you by Me at the very beginning.

Verse 30 (bhagavata.3.9.30)

भूयस्त्वं तप आतिष्ठ विद्यां चैव मदाश्रयाम् । ताभ्यामन्तर्हृदि ब्रह्मन् लोकान्द्रक्ष्यस्यपावृतान् ॥ ३० ॥

bhūyas tvaṁ tapa ātiṣṭha vidyāṁ caiva mad-āśrayām tābhyām antar-hṛdi brahman lokān drakṣyasy apāvṛtān

Again take up penance, and also knowledge resting upon Me; by these two, O brāhmaṇa, within your own heart you shall behold all the worlds laid open.

Verse 31 (bhagavata.3.9.31)

तत आत्मनि लोके च भक्तियुक्तः समाहितः । द्रष्टासि मां ततं ब्रह्यन्मयि लोकांस्त्वमात्मनः ॥ ३१ ॥

tata ātmani loke ca bhakti-yuktaḥ samāhitaḥ draṣṭāsi māṁ tataṁ brahman mayi lokāṁs tvam ātmanaḥ

Thereafter, O Brahmā, united in devotional service and fully absorbed, you shall see Me pervading both yourself and the universe, and you shall see the worlds resting within yourself, even as they rest in Me.

Verse 32 (bhagavata.3.9.32)

यदा तु सर्वभूतेषु दारुष्वग्निमिव स्थितम् । प्रतिचक्षीत मां लोको जह्यात्तर्ह्येव कश्मलम् ॥ ३२ ॥

yadā tu sarva-bhūteṣu dāruṣv agnim iva sthitam praticakṣīta māṁ loko jahyāt tarhy eva kaśmalam

When you behold Me present in all beings, as fire lies hidden in wood, then the world too, seeing Me thus, will at once abandon its illusion.

Verse 33 (bhagavata.3.9.33)

यदा रहितमात्मानं भूतेन्द्रियगुणाशयैः । स्वरूपेण मयोपेतं पश्यन् स्वाराज्यमृच्छति ॥ ३३ ॥

yadā rahitam ātmānaṁ bhūtendriya-guṇāśayaiḥ svarūpeṇa mayopetaṁ paśyan svārājyam ṛcchati

When, seeing the self freed from the material elements, senses and the influence of the modes, one perceives it in its true nature as approached by Me, then one attains one's own self-sovereignty.

Verse 34 (bhagavata.3.9.34)

नानाकर्मवितानेन प्रजा बह्वीः सिसृक्षतः । नात्मावसीदत्यस्मिंस्ते वर्षीयान्मदनुग्रहः ॥ ३४ ॥

nānā-karma-vitānena prajā bahvīḥ sisṛkṣataḥ nātmāvasīdaty asmiṁs te varṣīyān mad-anugrahaḥ

Desiring to generate manifold progeny through the various expansions of your work, your self will never be distressed in this task; ever-increasing shall be My mercy upon you.

Verse 35 (bhagavata.3.9.35)

ऋषिमाद्यं न बध्नाति पापीयांस्त्वां रजोगुणः । यन्मनो मयि निर्बद्धं प्रजाः संसृजतोऽपि ते ॥ ३५ ॥

ṛṣim ādyaṁ na badhnāti pāpīyāṁs tvāṁ rajo-guṇaḥ yan mano mayi nirbaddhaṁ prajāḥ saṁsṛjato ’pi te

The vicious mode of passion never binds you, the first and foremost of sages, because your mind remains firmly fixed in Me even while you generate progeny.

Verse 36 (bhagavata.3.9.36)

ज्ञातोऽहं भवता त्वद्य दुर्विज्ञेयोऽपि देहिनाम् । यन्मां त्वं मन्यसेऽयुक्तं भूतेन्द्रियगुणात्मभिः ॥ ३६ ॥

jñāto ’haṁ bhavatā tv adya durvijñeyo ’pi dehinām yan māṁ tvaṁ manyase ’yuktaṁ bhūtendriya-guṇātmabhiḥ

You have indeed come to know Me today, though I am most difficult for embodied souls to understand — since you no longer regard Me as constituted of the material elements, senses and modes, as the conditioned soul does.

Verse 37 (bhagavata.3.9.37)

तुभ्यं मद्विचिकित्सायामात्मा मे दर्शितोऽबहिः । नालेन सलिले मूलं पुष्करस्य विचिन्वतः ॥ ३७ ॥

tubhyaṁ mad-vicikitsāyām ātmā me darśito ’bahiḥ nālena salile mūlaṁ puṣkarasya vicinvataḥ

To you, in your very attempt to know Me, My own self has been revealed from within — as one who searches for the root of the lotus discovers it through its stalk, in the water, without going outside.

Verse 38 (bhagavata.3.9.38)

यच्चकर्थाङ्ग मतस्तोत्रं मत्कथाभ्युदयाङ्कितम् । यद्वा तपसि ते निष्ठा स एष मदनुग्रहः ॥ ३८ ॥

yac cakarthāṅga mat-stotraṁ mat-kathābhyudayāṅkitam yad vā tapasi te niṣṭhā sa eṣa mad-anugrahaḥ

O Brahmā, whatever prayers you have offered Me, marked by the glorification of My activities and narratives, and whatever steadfastness you hold in penance — all this is but My own causeless mercy.

Verse 39 (bhagavata.3.9.39)

प्रीतोऽहमस्तु भद्रं ते लोकानां विजयेच्छया । यदस्तौषीर्गुणमयं निर्गुणं मानुवर्णयन् ॥ ३९ ॥

prīto ’ham astu bhadraṁ te lokānāṁ vijayecchayā yad astauṣīr guṇamayaṁ nirguṇaṁ mānuvarṇayan

I am pleased; let there be all blessing upon you. Out of the desire for the glorification of the worlds, you have praised Me, who am beyond material qualities, describing Me nonetheless as possessed of transcendental qualities.

Verse 40 (bhagavata.3.9.40)

य एतेन पुमान्नित्यं स्तुत्वा स्तोत्रेण मां भजेत् । तस्याशु सम्प्रसीदेयं सर्वकामवरेश्वरः ॥ ४० ॥

ya etena pumān nityaṁ stutvā stotreṇa māṁ bhajet tasyāśu samprasīdeyaṁ sarva-kāma-vareśvaraḥ

Whatever person regularly worships Me by praying with this very hymn shall soon be blessed by Me — the Lord who fulfills all desires — with My full grace.

Verse 41 (bhagavata.3.9.41)

पूर्तेन तपसा यज्ञैर्दानैर्योगसमाधिना । राद्धं निःश्रेयसं पुंसां मत्प्रीतिस्तत्त्वविन्मतम् ॥ ४१ ॥

pūrtena tapasā yajñair dānair yoga-samādhinā rāddhaṁ niḥśreyasaṁ puṁsāṁ mat-prītis tattvavin-matam

Whatever ultimate good is achieved by people through pious works, penance, sacrifices, charity, yoga and trance — the opinion of those expert in truth is that it is My satisfaction alone that constitutes that highest good.

Verse 42 (bhagavata.3.9.42)

अहमात्मात्मनां धातः प्रेष्ठः सन् प्रेयसामपि । अतो मयि रतिं कुर्याद्देहादिर्यत्कृते प्रियः ॥ ४२ ॥

aham ātmātmanāṁ dhātaḥ preṣṭhaḥ san preyasām api ato mayi ratiṁ kuryād dehādir yat-kṛte priyaḥ

I am the Supersoul, the ordainer of all souls, dearer than the dearest things themselves; therefore one should fix one's attachment on Me, for whose sake alone the body and its associations become dear.

Verse 43 (bhagavata.3.9.43)

सर्ववेदमयेनेदमात्मनात्मात्मयोनिना । प्रजाः सृज यथापूर्वं याश्च मय्यनुशेरते ॥ ४३ ॥

sarva-veda-mayenedam ātmanātmātma-yoninā prajāḥ sṛja yathā-pūrvaṁ yāś ca mayy anuśerate

By that very body of yours, born directly from Me and full of all Vedic wisdom, generate progeny as before — those very beings who even now lie asleep within Me.

Verse 44 (bhagavata.3.9.44)

मैत्रेय उवाच तस्मा एवं जगत्स्रष्ट्रे प्रधानपुरुषेश्वरः । व्यज्येदं स्वेन रूपेण कञ्जनाभस्तिरोदधे ॥ ४४ ॥

maitreya uvāca tasmā evaṁ jagat-sraṣṭre pradhāna-puruṣeśvaraḥ vyajyedaṁ svena rūpeṇa kañja-nābhas tirodadhe

Maitreya said: Having thus instructed Brahmā, the creator of the universe, the primeval Personality of Godhead, master of the original elements and beings, the lotus-naveled Lord, disappeared, manifesting Himself in His own form.