The Glories of the Descendants of King Priyavrata

Verse 1 (bhagavata.5.15.1)

श्रीशुक उवाच भरतस्यात्मजः सुमतिर्नामाभिहितो यमु ह वाव केचित्पाखण्डिन ऋषभपदवीमनुवर्तमानं चानार्या अवेदसमाम्नातां देवतां स्वमनीषया पापीयस्या कलौ कल्पयिष्यन्ति ॥ १ ॥

śrī-śuka uvāca bharatasyātmajaḥ sumatir nāmābhihito yam u ha vāva kecit pākhaṇḍina ṛṣabha-padavīm anuvartamānaṁ cānāryā aveda-samāmnātāṁ devatāṁ sva-manīṣayā pāpīyasyā kalau kalpayiṣyanti.

Shri Shuka said: The son of Bharata was named Sumati, who followed in the very path of Rishabha; yet certain heretics, ignoble people whose ways the Veda does not acknowledge, will, in the age of Kali, through their own most sinful imagination, fashion him into a deity.

Verse 2 (bhagavata.5.15.2)

तस्माद्वृद्धसेनायां देवताजिन्नाम पुत्रोऽभवत् ॥ २ ॥

tasmād vṛddhasenāyāṁ devatājin-nāma putro ’bhavat.

From him, in the womb of his wife Vriddhasena, a son named Devatajit was born.

Verse 3 (bhagavata.5.15.3)

अथासुर्यां तत्तनयो देवद्युम्नस्ततो धेनुमत्यां सुतः परमेष्ठी तस्य सुवर्चलायां प्रतीह उपजातः ॥ ३ ॥

athāsuryāṁ tat-tanayo devadyumnas tato dhenumatyāṁ sutaḥ parameṣṭhī tasya suvarcalāyāṁ pratīha upajātaḥ.

Then, in the womb of Asuri, his son Devadyumna was born; from him, in Dhenumati, a son named Parameshthi; and from him, in Suvarchala, Pratiha was born.

Verse 4 (bhagavata.5.15.4)

य आत्मविद्यामाख्याय स्वयं संशुद्धो महापुरुषमनुसस्मार ॥ ४ ॥

ya ātma-vidyām ākhyāya svayaṁ saṁśuddho mahā-puruṣam anusasmāra.

He, having himself expounded the science of the self, and having thereby become purified, kept the Supreme Person ever in his remembrance.

Verse 5 (bhagavata.5.15.5)

प्रतीहात्सुवर्चलायां प्रतिहर्त्रादयस्त्रय आसन्निज्याकोविदाः सूनवः प्रतिहर्तुः स्तुत्यामजभूमानावजनिषाताम् ॥ ५ ॥

pratīhāt suvarcalāyāṁ pratihartrādayas traya āsann ijyā-kovidāḥ sūnavaḥ pratihartuḥ stutyām aja-bhūmānāv ajaniṣātām.

From Pratiha, in the womb of Suvarchala, three sons were born, skilled in the performance of sacrifice; and of Pratiharta, in the womb of his wife Stuti, two sons, Aja and Bhuma, were born.

Verse 6 (bhagavata.5.15.6)

भूम्न ऋषिकुल्यायामुद्गीथस्ततः प्रस्तावो देवकुल्यायां प्रस्तावान्नियुत्सायां हृदयज आसीद्विभुर्विभो रत्यां च पृथुषेणस्तस्मान्नक्त आकूत्यां जज्ञे नक्ताद्द्रुतिपुत्रो गयो राजर्षिप्रवर उदारश्रवा अजायत साक्षाद्भगवतो विष्णोर्जगद्रिरक्षिषया गृहीतसत्त्वस्य कलाऽऽत्मवत्त्वादिलक्षणेन महापुरुषतां प्राप्तः ॥ ६ ॥

bhūmna ṛṣikulyāyām udgīthas tataḥ prastāvo devakulyāyāṁ prastāvān niyutsāyāṁ hṛdayaja āsīd vibhur vibho ratyāṁ ca pṛthuṣeṇas tasmān nakta ākūtyāṁ jajñe naktād druti-putro gayo rājarṣi-pravara udāra-śravā ajāyata sākṣād bhagavato viṣṇor jagad-rirakṣiṣayā gṛhīta-sattvasya kalātmavattvādi-lakṣaṇena mahā-puruṣatāṁ prāptaḥ.

From Bhuma, in the womb of Rishikulya, Udgitha was born; then Prastava, in Devakulya; from Prastava, in Niyutsa, came Vibhu; and from him, in Rati, Prithushena; from him, in Akuti, Nakta was born; and from Nakta, in Druti, was born Gaya, foremost of royal sages, of far-reaching fame — who, having taken on existence as a direct portion of Bhagavan Vishnu, out of the desire to protect the universe, marked by such qualities as pure self-being, attained the very stature of a Mahapurusha, a great soul.

Verse 7 (bhagavata.5.15.7)

स वै स्वधर्मेण प्रजापालन पोषणप्रीणनोपलालनानुशासनलक्षणेनेज्यादिना च भगवति महापुरुषे परावरे ब्रह्मणि सर्वात्मनार्पितपरमार्थलक्षणेन ब्रह्मविच्चरणानुसेवयाऽऽपादितभगवद्भक्तियोगेन चाभीक्ष्णशः परिभावितातिशुद्ध मतिरुपरतानात्म्य आत्मनि स्वयमुपलभ्यमानब्रह्मात्मानुभवोऽपि निरभिमान एवावनिमजूगुपत् ॥ ७ ॥

sa vai sva-dharmeṇa prajā-pālana-poṣaṇa-prīṇanopalālanānuśāsana-lakṣaṇenejyādinā ca bhagavati mahā-puruṣe parāvare brahmaṇi sarvātmanārpita-paramārtha-lakṣaṇena brahmavic-caraṇānusevayāpādita-bhagavad-bhakti-yogena cābhīkṣṇaśaḥ paribhāvitāti-śuddha-matir uparatānātmya ātmani svayam upalabhyamāna-brahmātmānubhavo ’pi nirabhimāna evāvanim ajūgupat.

Through his own royal duty — marked by protecting, nourishing, satisfying, cherishing and instructing his citizens — and through sacrifice and the rest; and through devotion to the Lord, that Great Person, both immanent and transcendent Brahman, offered up through the wholehearted dedication of his own highest good, and made complete through humble service at the feet of the knowers of Brahman, his intelligence, made exceedingly pure by constant reflection, was freed from all false identification with the body; and though he directly experienced Brahman-realization within his own self, he remained, even so, entirely free of pride, and thus guarded the earth as its king.

Verse 8 (bhagavata.5.15.8)

तस्येमां गाथां पाण्डवेय पुराविद उपगायन्ति ॥ ८ ॥

tasyemāṁ gāthāṁ pāṇḍaveya purāvida upagāyanti.

O descendant of Pandu, this is the account which the ancient sages sing of him.

Verse 9 (bhagavata.5.15.9)

गयं नृपः कः प्रतियाति कर्मभि-र्यज्वाभिमानी बहुविद्धर्मगोप्ता । समागतश्रीः सदसस्पतिः सतांसत्सेवकोऽन्यो भगवत्कलामृते ॥ ९ ॥

gayaṁ nṛpaḥ kaḥ pratiyāti karmabhir yajvābhimānī bahuvid dharma-goptā samāgata-śrīḥ sadasas-patiḥ satāṁ sat-sevako ’nyo bhagavat-kalām ṛte

What king could equal Gaya in his own deeds — a performer of sacrifice, dignified, vastly learned, protector of dharma, to whom fortune herself came unbidden, lord of the assembly, servant of the saintly — what king indeed, save one who is himself a very portion of the Lord?

Verse 10 (bhagavata.5.15.10)

यमभ्यषिञ्चन् परया मुदा सतीः सत्याशिषो दक्षकन्याः सरिद्भिः । यस्य प्रजानां दुदुहे धराशिषो निराशिषो गुणवत्सस्नुतोधाः ॥ १० ॥

yam abhyaṣiñcan parayā mudā satīḥ satyāśiṣo dakṣa-kanyāḥ saridbhiḥ yasya prajānāṁ duduhe dharāśiṣo nirāśiṣo guṇa-vatsa-snutodhāḥ

The chaste and virtuous daughters of Daksha, whose blessings never failed to bear fruit, bathed him with river waters in the greatest delight; and the earth herself, beholding his qualities, though asking nothing in return, poured forth milk for his people as a good cow does for her own calf.

Verse 11 (bhagavata.5.15.11)

छन्दांस्यकामस्य च यस्य कामान्दुदूहुराजह्रुरथो बलिं नृपाः । प्रत्यञ्चिता युधि धर्मेण विप्रायदाशिषां षष्ठमंशं परेत्य ॥ ११ ॥

chandāṁsy akāmasya ca yasya kāmān dudūhur ājahrur atho baliṁ nṛpāḥ pratyañcitā yudhi dharmeṇa viprā yadāśiṣāṁ ṣaṣṭham aṁśaṁ paretya

Even the Vedic hymns themselves, though he desired nothing at all, yielded up to him whatever he might desire; kings came and brought him tribute; and, when righteously met in battle, brahmanas gave to him, after death, a sixth portion of their own merit.

Verse 12 (bhagavata.5.15.12)

यस्याध्वरे भगवानध्वरात्मामघोनि माद्यत्युरुसोमपीथे । श्रद्धाविशुद्धाचलभक्तियोग-समर्पितेज्याफलमाजहार ॥ १२ ॥

yasyādhvare bhagavān adhvarātmā maghoni mādyaty uru-soma-pīthe śraddhā-viśuddhācala-bhakti-yoga- samarpitejyā-phalam ājahāra

In whose sacrifice Bhagavan Himself, the very embodiment of sacrifice, became as though intoxicated by the abundant soma offered at that opulent rite — drawn there by the very fruit of worship offered through faith, purity and unwavering devotion.

Verse 13 (bhagavata.5.15.13)

यत्प्रीणनाद्बर्हिषि देवतिर्यङ्-मनुष्यवीरुत्तृणमाविरिञ्चात् । प्रीयेत सद्यः स ह विश्वजीवःप्रीतः स्वयं प्रीतिमगाद्गयस्य ॥ १३ ॥

yat-prīṇanād barhiṣi deva-tiryaṅ- manuṣya-vīrut-tṛṇam āviriñcāt prīyeta sadyaḥ sa ha viśva-jīvaḥ prītaḥ svayaṁ prītim agād gayasya

He whose satisfaction pleases, in turn, the gods, animals, men, plants and even the very grass, up to Brahma himself — He, the very life of the universe, though ever self-content, was Himself moved to fresh delight by the satisfaction of Gaya.

Verse 14 (bhagavata.5.15.14)

गयाद्गयन्त्यां चित्ररथः सुगतिरवरोधन इति त्रयः पुत्रा बभूवुश्चित्ररथादूर्णायां सम्राडजनिष्ट ॥ १४ ॥

gayād gayantyāṁ citrarathaḥ sugatir avarodhana iti trayaḥ putrā babhūvuś citrarathād ūrṇāyāṁ samrāḍ ajaniṣṭa.

From Gaya, in the womb of Gayanti, three sons were born — Chitraratha, Sugati and Avarodhana. From Chitraratha, in the womb of Urna, Samrat was born.

Verse 15 (bhagavata.5.15.15)

तत उत्कलायां मरीचिर्मरीचेर्बिन्दुमत्यां बिन्दुमानुदपद्यत तस्मात्सरघायां मधुर्नामाभवन्मधोः सुमनसि वीरव्रतस्ततो भोजायां मन्थुप्रमन्थू जज्ञाते मन्थोः सत्यायां भौवनस्ततो दूषणायां त्वष्टाजनिष्ट त्वष्टुर्विरोचनायां विरजो विरजस्य शतजित्प्रवरं पुत्रशतं कन्या च विषूच्यां किल जातम् ॥ १५ ॥

tata utkalāyāṁ marīcir marīcer bindumatyāṁ bindum ānudapadyata tasmāt saraghāyāṁ madhur nāmābhavan madhoḥ sumanasi vīravratas tato bhojāyāṁ manthu-pramanthū jajñāte manthoḥ satyāyāṁ bhauvanas tato dūṣaṇāyāṁ tvaṣṭājaniṣṭa tvaṣṭur virocanāyāṁ virajo virajasya śatajit-pravaraṁ putra-śataṁ kanyā ca viṣūcyāṁ kila jātam.

Then, in the womb of Utkala, Samrat begot Marichi; from Marichi, in the womb of Bindumati, Bindu was born; from him, in the womb of Saragha, a son named Madhu; from Madhu, in the womb of Sumana, came Viravrata; from him, in the womb of Bhoja, two sons, Manthu and Pramanthu, were born; from Manthu, in the womb of Satya, came Bhauvana; from him, in the womb of Dushana, Tvashta was born; from Tvashta, in the womb of Virochana, Viraja was born; and from Viraja, in the womb of Vishuchi, a hundred sons headed by Shatajit, and one daughter, were born.

Verse 16 (bhagavata.5.15.16)

तत्रायं श्लोकः प्रैयव्रतं वंशमिमं विरजश्चरमोद्भवः । अकरोदत्यलं कीर्त्या विष्णुः सुरगणं यथा ॥ १६ ॥

tatrāyaṁ ślokaḥ — praiyavrataṁ vaṁśam imaṁ virajaś caramodbhavaḥ akarod aty-alaṁ kīrtyā viṣṇuḥ sura-gaṇaṁ yathā

On this there is a verse: 'This dynasty of Priyavrata, Viraja, its final scion, made exceedingly glorious through his own fame — just as Vishnu adorns and exalts the host of gods.'